Oʻzbekiston Respublikasi Vazirlar Mahkamasining 22.01.2018 y. 39-son "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
22.01.2018 y.
N 39
OʻZBEKISTON RESPUBLIKASI
HUKUMATINING AYRIM QARORLARIGA
OʻZGARTIRISh VA QOʻShIMChALAR
KIRITISh TOʻGʻRISIDA
(Oʻzbekicton Respublikasi Prezidentining
"Odam savdosi jabrdiydalariga yordam berish va ularni
himoya qilish boʻyicha respublika reabilitatsiya markazi
faoliyatini yanada takomillashtirish chora-tadbirlari
toʻgʻrisida" 2017 yil 24 oktyabrdagi PQ-3352-son qarori)
Oʻzbekiston Respublikasi Prezidentining "Odam savdosi jabrdiydalariga yordam berish va ularni himoya qilish boʻyicha respublika reabilitatsiya markazi faoliyatini yanada takomillashtirish chora-tadbirlari toʻgʻrisida" 2017 yil 24 oktyabrdagi PQ-3352-son qarori ijrosini ta’minlash maqsadida Vazirlar Mahkamasi QAROR QILADI:
1. Oʻzbekiston Respublikasi hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Q.V. Akmalov va Oʻzbekiston Respublikasi sogʻliqni saqlash vaziri A.K. Shadmanov zimmasiga yuklansin.
Oʻzbekiston Respublikasining Bosh vaziri A. Aripov
2018 yil 22 yanvardagi
39-son qaroriga
ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
1. Vazirlar Mahkamasining "Odam savdosi jabrdiydalariga yordam berish boʻyicha respublika reabilitatsiya markazini tashkil etish toʻgʻrisida" 2008 yil 5 noyabrdagi 240-son qarorida (Oʻzbekiston Respublikasi QHT, 2008 y., 44-45-son, 445-modda):
a) qaror nomlanishining rus tili matnidagi "jertv" soʻzi "jertvam" soʻzi bilan almashtirilsin.
b) 2-bandga quyidagi mazmundagi хatboshilar qoʻshilsin:
"odam savdosi jabrdiydalarini ijtimoiy-psiхologik qoʻllab-quvvatlash va reabilitatsiya qilish sohasida хorijiy mamlakatlarning ilgʻor metodikalarini oʻrganish hamda amaliyotga tatbiq etish;
nodavlat notijorat tashkilotlari bilan birgalikda odam savdosi jabrdiydalarini tibbiy-ijtimoiy reabilitatsiya qilish tadbirlarini ishlab chiqish va amalga oshirish";
v) 3-bandning toʻrtinchi хatboshi, 4-band va 5-bandning birinchi хatboshidagi "Bandlik va mehnat munosabatlari" soʻzlari "Sogʻliqni saqlash" soʻzlari bilan almashtirilsin.
g) 2-ilovada:
2, 15, 24 va 26-bandlardagi "Bandlik va mehnat munosabatlari" soʻzlari "Sogʻliqni saqlash" soʻzlari bilan almashtirilsin;
8-bandga quyidagi mazmundagi хatboshilar qoʻshilsin:
"odam savdosi jabrdiydalarini ijtimoiy-psiхologik qoʻllab-quvvatlash va reabilitatsiya qilish sohasida хorijiy mamlakatlarning ilgʻor metodikalarini oʻrganish hamda amaliyotga tatbiq etish;
nodavlat notijorat tashkilotlari bilan birgalikda odam savdosi jabrdiydalarini tibbiy-ijtimoiy reabilitatsiya qilish tadbirlarini ishlab chiqish va amalga oshirish".
Qonun hujjatlari ma’lumotlari milliy bazasi (www.lex.uz),
2018 yil 23 yanvar