Oʻzbekiston Respublikasi Vazirlar Mahkamasining 31.12.1999 y. 552-son "Chegaradosh davlatlarning yuk avtotransport vositalari Oʻzbekiston Respublikasi bojхona hududi orqali oʻtishi uchun yagona yigʻimlar belgilash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
31.12.1999 y.
N 552
ChEGARADOSh DAVLATLARNING
YuK AVTOTRANSPORT VOSITALARI
OʻZBEKISTON RESPUBLIKASI BOJXONA
HUDUDI ORQALI OʻTIShI UChUN YaGONA
YIGʻIMLAR BELGILASh TOʻGʻRISIDA
Chegaradosh davlatlar avtotransport vositalarining Oʻzbekiston Respublikasi hududi orqali kirib kelishi va tranziti uchun yagona yigʻimlar belgilash maqsadida Vazirlar Mahkamasi QAROR QILADI:
1. Oʻzbekiston Respublikasi Hukumati tomonidan Qozogʻiston Respublikasi va Tojikiston Respublikasi yuk avtotransport vositalariga nisbatan toʻlovning yagona normalari, shuningdek Turkmanistonning avtotransport vositalari barcha turlariga nisbatan yigʻimlarning tabaqalashtirilgan stavkalari belgilanganligi toʻgʻrisida qaror qabul qilinganligi ma’lumot uchun qabul qilinsin.
2. 2000 yil 1 yanvardan boshlab Oʻzbekiston Respublikasining bojхona chegarasidan oʻtadigan Qirgʻiziston Respublikasi yuk avtotransport vositalari uchun 300 AQSh dollariga teng miqdordagi toʻlov belgilansin. Oʻzbekiston Respublikasi Vazirlar Mahkamasi tomonidan belgilanadigan yoʻnalishlar boʻyicha oʻtadigan yuk avtotransport vositalari va avtobuslar bundan mustasno.
3. Qirgʻiziston Respublikasi bitta yuk avtotransporti vositasi va avtobusining Oʻzbekiston Respublikasi bojхona hududi orqali kirib kelishi va oʻtishi uchun toʻlov bevosita bojхona postlarida milliy valyuta "soʻm"da undirilishi belgilab qoʻyilsin.
Yigʻimlarni undirish naqd pulsiz shaklda yoki tijorat banklari tomonidan bevosita bojхona postlarida naqd pul shaklida amalga oshiriladi, olingan mablagʻlar Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi hisob raqamlariga oʻtkaziladi.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari L.A. Aхmetov va R.R. Yunusov zimmasiga yuklansin.
Oʻzbekiston Respublikasining Bosh vaziri Oʻ. Sultonov
"Oʻzbekiston Respublikasi Hukumati qarorlari toʻplami", 1999 y., N 12, 72-modda.