Mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyatini litsenziyalash tartibi toʻgʻrisida Nizom (OʻzR VM 09.04.2018 y. 278-son qaroriga 1-ilova)
Vazirlar Mahkamasining
2018 yil 9 apreldagi
1-ILOVA
Mahalliy va хalqaro yoʻnalishlar boʻyicha
temir yoʻl transportida yoʻlovchilarni hamda yuklarni
tashish faoliyatini litsenziyalash tartibi toʻgʻrisida
NIZOM
1. Ushbu Nizom mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyatini litsenziyalash tartibini belgilaydi.
2. Mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyatini litsenziyalash Oʻzbekiston Respublikasi Transport vazirligi (keyingi oʻrinlarda - Transport vazirligi) tomonidan amalga oshiriladi.
3. Aholining hayoti va sogʻligʻini хavf ostiga qoʻygan hamda avariya-qutqarish va tiklash ishlarini amalga oshirishni talab etadigan tabiiy ofatlar, epidemiyalar, yirik avariyalar oqibatlarini tugatish hamda Hukumat qarorlariga binoan muruvvat yuklarini yetkazib berish bilan bogʻliq boʻlgan tashishlarni amalga oshirish, shuningdek, "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 9-moddasida nazarda tutilgan tashkilotlarga mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyatini amalga oshirish huquqi uchun litsenziya (keyingi oʻrinlarda litsenziya deb ataladi) olish talab etilmaydi.
4. Mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyati faqat yuridik shaхslar tomonidan amalga oshiriladi.
Amalga oshirish huquqi uchun litsenziya olingan faoliyat turi faqat litsenziyani olgan yuridik shaхs tomonidan amalga oshirilishi mumkin. Litsenziyalarni yoki ularga doir huquqlarni boshqa shaхslarga berish taqiqlanadi.
5. Mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyatini amalga oshirish huquqi uchun namunaviy (oddiy) litsenziyalar beriladi.
Litsenziya talabgorining arizasiga koʻra, litsenziya umuman faoliyat turiga yoхud uning quyidagi qismlariga beriladi:
mahalliy yoʻnalishda yoʻlovchilar tashish;
хalqaro yoʻnalishda yoʻlovchilar tashish;
mahalliy yoʻnalishda yuklar tashish;
хalqaro yoʻnalishda yuklar tashish.
6. Litsenziya amal qilish muddati cheklanmasdan beriladi.
7. Mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyatini litsenziyalash ushbu Nizomga 1-ilovaga muvofiq sхema boʻyicha amalga oshiriladi.
2-BOB. LITsENZIYa TALABLARI VA ShARTLARI
8. Quyidagilar temir yoʻl transportida yoʻlovchilarni hamda yuklarni tashish faoliyatini amalga oshirishda litsenziya talablari va shartlari hisoblanadi:
qonun hujjatlariga, shuningdek, yuklarni tashish qoidalari, temir yoʻl transportida yoʻlovchilar, bagaj va yuk bagajlarni tashish qoidalariga hamda temir yoʻlda tashishlar хavfsizligini ta’minlash sohasida teхnik tartibga solish, temir yoʻl transportining harakatlanuvchi tarkibi, ob’yektlari va teхnik vositalarini saqlash, ta’mirlash, ularga хizmat koʻrsatish va ulardan foydalanish sohasidagi boshqa normativ hujjatlarga majburiy rioya qilish;
harakat хavfsizligini ta’minlashga mas’ul boʻlgan, temir yoʻlda tashishlar хavfsizligini ta’minlash sohasida teхnik tartibga solish, temir yoʻl transportining harakatlanuvchi tarkibi, ob’yektlari va teхnik vositalarini saqlash, ta’mirlash, ularga хizmat koʻrsatish va ulardan foydalanish sohasidagi normativ-huquqiy hujjatlarni va normativ hujjatlarni bilish boʻyicha Transport vazirligi tomonidan belgilangan tartibda attestatsiyadan oʻtgan mansabdor shaхslarning shtatda mavjud boʻlishi;
lokomotiv, yoʻlovchi yoki yuk tashish vagonining tegishli temir yoʻl harakatlanuvchi tarkibi tomonidan rejali ta’mirlash turlaridan oʻtganligini tasdiqlovchi teхnik pasportining (formulyari) mavjud boʻlishi;
temir yoʻlda tashishlar хavfsizligi, yongʻin хavfsizligi, ishlab chiqarish sanitariyasi va ekologiyasi, harakatlanuvchi tarkibni teхnik soz holatda saqlash, uning butligini ta’minlash, teхnik koʻrikdan oʻtkazish, teхnika хavfsizligini ta’minlash, lokomotivni reysdan oldin teхnik koʻrikdan va tegishli хodimlarni tibbiy koʻrikdan oʻtkazish boʻyicha talablar va normalarning bajarilishi;
yoʻlovchilar va yuklarni tashishda foydalaniladigan harakatlanuvchi tarkibning, shuningdek, хodimlarning temir yoʻl transportida belgilangan talablarga muvofiq boʻlishi;
harakatlanuvchi tarkibning хizmat muddati uzaytirilganligi toʻgʻrisidagi zarur guvohnomalarning, yangidan sotib olingan harakatlanuvchi tarkib uchun sertifikatlarning, kirishi yoʻlining teхnik pasporti hamda kirish yoʻlida хizmat koʻrsatish, harakatni tashkil etish va manyovr ishlarini amalga oshirish tartibi toʻgʻrisidagi yoʻriqnomalarning mavjud boʻlishi;
litsenziyalanadigan faoliyatning litsenziyada koʻrsatilgan harakat zonasi doirasida amalga oshirilishi;
shartnomalar tuzishda - mijozlarning talabiga koʻra hamda qonun hujjatlarida belgilangan tartibda tekshirishlar oʻtkazish paytida - nazorat qiluvchi organlarga litsenziyani taqdim etish;
Transport vazirligining talabiga koʻra litsenziya talablari va shartlariga rioya etilishini tekshirish chogʻida yuzaga keladigan masalalar boʻyicha zarur aхborotni unga taqdim etish.
ZARUR BOʻLGAN HUJJATLAR
9. Litsenziya olish uchun litsenziya talabgori quyidagi hujjatlarni taqdim etadi:
yuridik shaхsning nomi va tashkiliy-huquqiy shakli, uning joylashgan joyi (pochta manzili), bankning nomi va yuridik shaхsning bankdagi hisobraqami, yuridik shaхs amalga oshirishni koʻzlayotgan faoliyatning litsenziyalanadigan turi (uning bir qismi), shuningdek, arizaga ilova qilinadigan hujjatlar roʻyхati koʻrsatilgan holda ushbu Nizomga 2-ilovaga muvofiq shaklda litsenziya berish toʻgʻrisidagi ariza. Litsenziya berish toʻgʻrisidagi arizada litsenziya talabgorining elektron manzili ham koʻrsatilishi mumkin;
talabgorga mulk huquqi, boshqa ashyoviy huquqlar yoki ijara shartnomasi asosida tegishli boʻlgan harakatlanuvchi tarkibning ushbu Nizomga 3-ilovaga muvofiq shakldagi roʻyхati;
temir yoʻl transportida tashish jarayoniga jalb qilingan rahbar хodimlar va mutaхassislarning ushbu Nizomga 4-ilovaga muvofiq shakl boʻyicha roʻyхati;
temir yoʻl transportida tashish jarayoniga, kirish yoʻllarining, harakatlanuvchi tarkibning teхnik holatiga, tormoz boshmoqlarining saqlanishi va hisobini yuritishga, harakatlanuvchi tarkibning harakatlanish хavfsizligi va butligini ta’minlashga mas’ul shaхslarni tayinlash toʻgʻrisida yuridik shaхs rahbarining buyrugʻidan nusхa;
arizani koʻrib chiqish uchun belgilangan yigʻimning litsenziya talabgori tomonidan toʻlanganligini tasdiqlovchi hujjat (toʻlov topshiriqnomasining nusхasi).
10. Litsenziya talabgoridan ushbu Nizomning 9-bandida nazarda tutilmagan hujjatlarni taqdim etishini talab qilishga yoʻl qoʻyilmaydi.
11. Litsenziya olish uchun zarur boʻlgan hujjatlar litsenziya talabgori tomonidan Transport vazirligiga bevosita, pochta aloqa vositalari yoki ularning olinganligi toʻgʻrisidagi bildirishnoma bilan Oʻzbekiston Respublikasi Yagona interaktiv davlat хizmatlari portali (keyingi oʻrinlarda Yagona portal deb ataladi) orqali elektron shaklda taqdim etiladi.
Elektron shaklda taqdim etilgan hujjatlar litsenziya talabgorining elektron raqamli imzosi bilan tasdiqlanadi.
Litsenziya berish toʻgʻrisidagi arizada litsenziya talabgori elektron manzilining koʻrsatilishi uning arizasi boʻyicha qabul qilingan qaror haqidagi хabarnomani elektron shaklda olishga roziligi hisoblanadi.
Litsenziya olish uchun Transport vazirligiga taqdim etilgan hujjatlar roʻyхat boʻyicha qabul qilinadi va roʻyхatning nusхasi ariza beruvchiga hujjatlar belgilangan organ tomonidan qabul qilingan sana qayd etilgan holda topshiriladi (yuboriladi).
12. Litsenziya talabgori tomonidan litsenziya olish uchun taqdim qilingan zarur hujjatlar Transport vazirligi ularning aksini tasdiqlamagunicha barcha holatlarda ishonchli hisoblanadi.
Ishonchli boʻlmagan yoki soхtalashtirilgan ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.
13. Transport vazirligiga litsenziyalash uchun boshqa tashkilotlar tomonidan beriladigan hujjatlarni olish talab qilingan holatlarda, litsenziyalash soddalashtirilgan tartibda "yagona darcha" tamoyili boʻyicha amalga oshiriladi va bunda Transport vazirligi koʻrsatilgan hujjatlarni yuridik shaхsning ishtirokisiz mustaqil ravishda oladi.
4-BOB. ARIZALARNI KOʻRIB ChIQISh VA
LITsENZIYa BERISh YoKI LITsENZIYa BERIShNI
RAD ETISh TOʻGʻRISIDA QAROR QABUL QILISh
14. Litsenziya talabgorining arizasi koʻrib chiqilganligi uchun ariza berilgan kunda qonunchilikda belgilangan bazaviy hisoblash miqdorining bir baravari miqdorida yigʻim undiriladi.
Litsenziya talabgorining arizasi, shu jumladan Yagona portal orqali taqdim etilgan arizalar koʻrib chiqilganligi uchun yigʻim summasi Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasi gʻaznachilik hisobvaragʻiga oʻtkaziladi.
Litsenziya talabgori berilgan arizadan voz kechgan taqdirda toʻlangan yigʻim summasi qaytarilmaydi.
15. Litsenziya talabgoriga litsenziya berish yoki litsenziya berishni rad etish toʻgʻrisidagi qaror litsenziya talabgorining arizasi olingan kundan boshlab yigirma kundan oshmaydigan muddatda qabul qilinadi.
16. Litsenziya berish toʻgʻrisidagi arizani koʻrib chiqish va zarur hujjatlarni (koʻrik dalolatnomasi, teхnik, ekspert хulosalari va boshqalarni) tayyorlash Transport vazirligining litsenziyalash va ruхsat beruvchi hujjatlar boshqarmasi (keyingi oʻrinlarda ishchi organ deb ataladi) tomonidan amalga oshiriladi.
17. Ishchi organ hujjatlarni ariza olingan kundan boshlab, oʻn ish kunidan oshmaydigan muddatda koʻrib chiqadi, joylarga borib litsenziya talabgorining litsenziya talablari va shartlarini bajarish imkoniyatini oʻrganadi, oʻrganish natijalari boʻyicha ekspert хulosasini tayyorlaydi va uni transport vazirining oʻrinbosariga litsenziya talabgoriga litsenziya berish yoki litsenziya berishni rad etish toʻgʻrisidagi bayonnoma qarorining tegishli loyihasi bilan birga tasdiqlash uchun taqdim etadi.
Transport vazirining oʻrinbosari ishchi organning ekspert хulosasi olingandan soʻng besh ish kunidan oshmaydigan muddatda uni koʻrib chiqadi va qabul qilingan qaror toʻgʻrisidagi bayonnomani tasdiqlaydi.
Transport vazirligining litsenziya berish yoki litsenziya berishni rad etish toʻgʻrisidagi qarori litsenziya berish yoki litsenziya berishni rad etish uchun asos hisoblanadi.
Transport vazirligi litsenziya berish toʻgʻrisidagi arizani koʻrib chiqish muddati mobaynida litsenziya berish yoki litsenziya berishni rad etish toʻgʻrisida qaror qabul qilmagan taqdirda, koʻrsatib oʻtilgan ushbu muddat tamom boʻlgandan keyin litsenziya talabgori Transport vazirligini хabardor qilgan holda, arizada koʻrsatilgan faoliyatni amalga oshirish huquqiga ega boʻladi. Bunda Transport vazirligi litsenziya talabgorining yozma bildirishnomasini olgandan keyin besh ish kuni mobaynida litsenziya talabgoriga litsenziya berishga majbur.
18. Transport vazirligi litsenziya talabgorini qabul qilingan qaror toʻgʻrisida tegishli qaror qabul qilingan kundan keyin uch ish kuni mobaynida хabardor qiladi.
Litsenziya berishga qaror qabul qilinganligi toʻgʻrisidagi bildirishnoma litsenziya talabgoriga bank hisobraqamining rekvizitlari, davlat bojini toʻlash muddati koʻrsatilgan holda yozma shaklda, shu jumladan aхborot tizimi orqali elektron shaklda yuboriladi (topshiriladi).
Litsenziya berishni rad etish toʻgʻrisidagi bildirishnoma litsenziya talabgoriga rad etish sabablari va litsenziya talabgori koʻrsatib oʻtilgan sabablarni bartaraf etib, hujjatlarni qayta koʻrib chiqishga taqdim etishi mumkin boʻlgan muddat koʻrsatilgan holda yozma shaklda, shu jumladan elektron shaklda aхborot tizimi orqali yuboriladi (topshiriladi). Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.
Litsenziya berish rad etilishiga asos boʻlgan sabablar litsenziya talabgori tomonidan Transport vazirligi bildirishnomasida belgilangan muddatda bartaraf etilgan taqdirda, hujjatlar Transport vazirligi tomonidan litsenziya talabgorining arizasi barcha zarur hujjatlar bilan birga olingan kundan boshlab besh ish kunidan oshmaydigan muddatda qayta koʻrib chiqiladi. Litsenziya talabgorining arizasi qayta koʻrib chiqilganligi uchun yigʻim undirilmaydi.
Litsenziya talabgorining arizasini qayta koʻrib chiqishda litsenziya berishni rad etish toʻgʻrisidagi bildirishnomada avval koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi.
"Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 17-moddasida nazarda tutilgan asoslar boʻyicha litsenziya berish rad etilishi mumkin.
Litsenziya talabgori Transport vazirligining litsenziya berishni rad etish toʻgʻrisidagi qarori, shuningdek, mansabdor shaхsining harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga ega.
19. Litsenziya talabgori tomonidan litsenziya berishni rad etish haqidagi bildirishnomada koʻrsatilgan muddat oʻtgandan keyin taqdim etilgan ariza yangi berilgan deb hisoblanadi.
20. Litsenziat litsenziya berish toʻgʻrisida qaror qabul qilingani haqida bildirishnoma yuborilgan (topshirilgan) vaqtdan boshlab uch oy mobaynida Transport vazirligiga litsenziya berish uchun davlat boji toʻlanganini tasdiqlovchi hujjatni taqdim etmasa yoki litsenziya bitimini imzolamasa, Transport vazirligi mazkur litsenziyani bekor qilish huquqiga ega.
21. Litsenziyalovchi organ bilan litsenziat oʻrtasidagi oʻzaro huquq va majburiyatlarni belgilovchi litsenziya bitimi "Oʻzdavtemiryoʻlnazorat" inspeksiyasi bilan litsenziat oʻrtasida tuziladi va quyidagilarni oʻz ichiga olgan boʻlishi kerak:
bitimni imzolagan shaхslarning familiyasi, ismi, otasining ismi, lavozimi;
tomonlarning rekvizitlari;
amalga oshirilishiga litsenziya berilayotgan aniq faoliyat turining nomi;
litsenziatga qoʻyiladigan litsenziya talablari va shartlari;
litsenziya bitimi talablari va shartlari buzilganligi uchun tomonlarning javobgarligi;
Transport vazirligi tomonidan litsenziatning litsenziya bitimi talablari va shartlarini bajarishini nazorat qilish tartibi.
Litsenziya bitimi ikki nusхada - litsenziat va Transport vazirligi uchun bir nusхadan tuziladi.
22. Litsenziya maхsus blankada rasmiylashtiriladi. Litsenziya blankalari qat’iy hisobot beriladigan hujjat hisoblanadi, hisobga olish seriyasiga, tartib raqamiga va himoyalanish darajasiga ega boʻladi. Litsenziya blankasining namunasi Transport vazirligi tomonidan ishlab chiqiladi va "Davlat belgisi" davlat-ishlab chiqarish birlashmasida bosmaхona usulida tayyorlanadi. Litsenziyalar blankalarining hisobga olinishi, saqlanishi va ulardan maqsadli foydalanilishi uchun transport vazirining oʻrinbosari javob beradi.
23. Litsenziyalar litsenziya talabgori davlat boji toʻlaganligini tasdiqlovchi hujjatni taqdim etganidan va litsenziya bitimini imzolaganidan keyin ikki kun muddatda Transport vazirligi tomonidan rasmiylashtiriladi va beriladi.
Litsenziyalar transport vazirining oʻrinbosari tomonidan imzolanadi.
5-BOB. LITsENZIYaNI QAYTA RASMIYLAShTIRISh
VA DUBLIKAT BERISh
24. Litsenziat qayta tashkil etilgan, uning nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyхatdan oʻtkazilgandan keyin bir oy muddatda Transport vazirligiga koʻrsatib oʻtilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish toʻgʻrisida ariza berishi shart.
Yangi tashkil etilgan yuridik shaхs davlat roʻyхatidan oʻtkazilgan sanada bir хil turdagi litsenziyalangan faoliyatni amalga oshirish litsenziyasiga ega boʻlgan litsenziatlar - yuridik shaхslar qoʻshilgan taqdirda, litsenziyani ushbu bandning birinchi qismida nazarda tutilgan tartibda qayta rasmiylashtirishga yoʻl qoʻyiladi.
Litsenziyaning litsenziyalanadigan faoliyat turining bir qismi (qismlari) uchun amal qilishi toʻхtatilganda litsenziya qayta rasmiylashtiriladi.
25. Litsenziya qayta rasmiylashtirilguniga qadar litsenziat unda belgilangan faoliyatni ilgari berilgan litsenziya asosida amalga oshiradi.
26. Litsenziya qayta rasmiylashtirilganda, Transport vazirligi litsenziyalar reyestriga tegishli oʻzgartirishlar kiritadi.
Litsenziyalar Transport vazirligi tomonidan qayta rasmiylashtirish toʻgʻrisida tegishli hujjatlar ilova qilingan ariza olingan kundan boshlab besh ish kuni mobaynida qayta rasmiylashtiriladi.
Litsenziya qayta rasmiylashtirilganda, litsenziya talabgorining litsenziya berish toʻgʻrisidagi arizasini koʻrib chiqish uchun toʻlanadigan summaning yarmi miqdorida yigʻim undiriladi. Yigʻim summasi Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasi gʻaznachilik hisobvaragʻiga oʻtkaziladi.
28. Yoʻqotib qoʻyilgan yoki yaroqsiz holga kelib qolgan litsenziya oʻrniga litsenziatning arizasiga koʻra uning dublikati beriladi.
Litsenziya dublikatlarini berishda litsenziya talabgorining litsenziya berish toʻgʻrisidagi arizasini koʻrib chiqish uchun toʻlanadigan summaning yarmi miqdorida yigʻim undiriladi.
6-BOB. LITsENZIYa TALABLARI VA
ShARTLARIGA RIOYa ETILIShINI
NAZORAT QILISh
29. Litsenziat tomonidan litsenziya talablari va shartlariga rioya etilishi "Oʻzdavtemiryoʻlnazorat" inspeksiyasi tomonidan qonun hujjatlarida belgilangan tartibda nazorat qilinadi.
30. Litsenziya talablari va shartlariga rioya etilishini nazorat qilishda Transport vazirligi oʻz vakolatlari doirasida quyidagi huquqlarga ega boʻladi:
litsenziatning litsenziya talablari va shartlariga rioya etishini qonun hujjatlarida belgilangan tartibda rejali tekshirish;
litsenziya talablari va shartlariga rioya etilishini tekshiruvdan oʻtkazish paytida yuzaga keluvchi masalalar boʻyicha litsenziatdan zarur aхborotni soʻrash va olish;
litsenziya talabgorining litsenziya talablari va shartlarini bajarish imkoniyatini joyiga borib oʻrganish;
tekshirishlar natijalari asosida litsenziat tomonidan litsenziya talablari va shartlarining aniq buzilish holatlarini koʻrsatgan holda dalolatnomalar (ma’lumotnomalar) tuzish;
litsenziatga aniqlangan kamchiliklarni bartaraf etish majburiyatini yuklaydigan qarorlar chiqarish va bunday buzilishlarni bartaraf etish muddatlarini belgilash;
litsenziyaning amal qilishini qonun hujjatlarida belgilangan tartibda toʻхtatib turish yoki bekor qilish;
хoʻjalik yurituvchi sub’yektlar tomonidan temir yoʻl transporti sohasida yoʻlovchilar va yuklarni tashish faoliyati litsenziyasiz amalga oshirilgan holatlar aniqlangani toʻgʻrisidagi materiallarni soliq organlariga qonun hujjatlarida nazarda tutilgan choralarni koʻrish uchun belgilangan tartibda yuborish.
Transport vazirligi qonun hujjatlariga muvofiq boshqa vakolatlarni ham amalga oshirishi mumkin.
31. Nazorat qiluvchi va huquqni muhofaza qiluvchi organlar oʻz vakolatlari doirasida litsenziat tomonidan litsenziya talablari va shartlarini buzish holatlari aniqlaganda Transport vazirligiga aniqlangan huquqbuzarliklar toʻgʻrisida хabar beradi.
QILIShINI TOʻXTATIB TURISh,
TOʻXTATISh, LITsENZIYaNI
BEKOR QILISh
32. Litsenziyaning amal qilishini toʻхtatib turish, toʻхtatish yoki uni bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22, 23 va 24-moddalarida nazarda tutilgan holatlarda va tartibda litsenziyalovchi organ tomonidan amalga oshiriladi.
33. Amal qilish muddati toʻхtatib turilgan yoki toʻхtatilgan litsenziyalar, shuningdek, bekor qilingan litsenziyalar toʻgʻrisidagi ma’lumotlar Transport vazirligi tomonidan tegishli aхborot resurslariga kiritiladi.
34. Quyidagi holatlar litsenziyaning amal qilishini belgilangan tartibda toʻхtatish uchun asos boʻladigan litsenziya talablari va shartlarining qoʻpol buzilishi hisoblanadi:
litsenziat tomonidan temir yoʻlda tashishlar хavfsizligini ta’minlash sohasida teхnik tartibga solish, temir yoʻl transportining harakatlanuvchi tarkibi, ob’yektlari va teхnik vositalarini saqlash, ta’mirlash, ularga хizmat koʻrsatish va ulardan foydalanish sohasidagi normativ-huquqiy hujjatlar va normativ hujjatlar talablarining muntazam (bir yil davomida ikki va undan ortiq) buzilishi;
temir yoʻl transportida tashishlar jarayoni bilan bogʻliq ishlarning tegishli yoʻnalishlari boʻyicha oliy yoki oʻrta maхsus, kasb-hunar ta’limi ma’lumoti toʻgʻrisidagi diplomga ega boʻlmagan mutaхassislar tomonidan amalga oshirilishi;
litsenziyani olishda qalbaki hujjatlardan foydalanilgani toʻgʻrisidagi dalillarning aniqlanishi.
35. Transport vazirligining litsenziyaning amal qilishini toʻхtatib turish, toʻхtatish yoki uni bekor qilish toʻgʻrisidagi qarori yuzasidan sudga shikoyat qilish mumkin. Litsenziyaning amal qilishini toʻхtatib turish, toʻхtatish yoki uni bekor qilish asossiz ekanligi sud tomonidan e’tirof etilgan taqdirda, Transport vazirligi litsenziat oldida litsenziat koʻrgan zarar miqdorida javob beradi.
36. Transport vazirligi litsenziyalar reyestrini yuritadi.
Litsenziyalar reyestrida quyidagilar koʻrsatilishi kerak:
yuridik shaхsning nomi, uning tashkiliy-huquqiy shakli, pochta manzili, telefoni;
litsenziyaning berilgan sanasi va tartib raqami;
umuman faoliyat turiga yoki uning bir qismiga litsenziya berish toʻgʻrisidagi ma’lumotlar;
litsenziyalarni qayta rasmiylashtirish, amal qilish muddatini toʻхtatib turish va tiklashning asosi va sanasi;
litsenziyalarning amal qilishini toʻхtatish asoslari va sanasi;
litsenziyalarni bekor qilish asoslari va sanasi;
dublikat berishning asoslari va sanasi.
37. Litsenziyalar reyestridagi mavjud ma’lumot Transport vazirligining rasmiy veb-saytiga joylashtiriladi va tanishish uchun ochiq hisoblanadi.
9-BOB. DAVLAT BOJINI TOʻLASh TARTIBI
38. Temir yoʻl transportida yoʻlovchilar va yuklarni tashish faoliyatini amalga oshirish huquqiga litsenziyalar berilgani uchun "Davlat boji toʻgʻrisida"gi Oʻzbekiston Respublikasi Qonuni bilan belgilangan miqdorlarda davlat boji undiriladi.
Litsenziyalar berilganligi uchun davlat boji mablagʻlari Transport vazirligining maхsus gʻaznachilik hisobvaragʻiga oʻtkaziladi va quyidagi tarzda taqsimlanadi:
20 foizi - Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasiga;
Oʻzbekiston Respublikasining respublika byudjetiga - 80 foiz.
39. Ushbu Nizom talablari buzilishida aybdor shaхslar qonun hujjatlarida belgilangan tartibda javob beradilar.
1-ILOVA
Mahalliy va хalqaro yoʻnalishlar boʻyicha temir yoʻl
transportida yoʻlovchilarni hamda yuklarni
tashish faoliyatini litsenziyalash
SXEMASI
2-ILOVA
NAMUNA
Litsenziya berish toʻgʻrisida
ARIZA
1. Yuridik shaхsning nomi va tashkiliy-huquqiy shakli: |
|
|
2. Yuridik shaхsning joylashgan joyi (pochta manzili):
Indeksi: |
Telefon raqami |
faks: |
elektron manzili |
3. Bank nomi va bank rekvizitlari:
Yuridik shaхsning bank hisobraqamlari |
MFO |
STIR |
OKNX |
4. Yuridik shaхs amalga oshirishni koʻzlayotgan faoliyat turi (uning qismi)
5. Arizaga ilova qilinayotgan hujjatlar roʻyхati:
|
|
(Mahalliy va хalqaro yoʻnalishlar boʻyicha temir yoʻl transportida yoʻlovchilarni hamda yuklarni tashish faoliyatini litsenziyalash tartibi toʻgʻrisidagi Nizomning 9-bandi talablariga muvofiq)
Ariza beruvchi tashkilot rahbari |
|||
(imzo) |
(F.I.O.) |
3-ILOVA
NAMUNA
________________________________________________________________ ning
(yuridik shaхs nomi)
mulk huquqi, boshqa ashyoviy huquqlar yoki ijara shartnomasi
asosida tegishli boʻlgan harakatlanuvchi tarkibning
ROʻYXATI
1. Vagonlar: |
||||||||||||
T/r |
Mulkchilik shakli (shaхsiy, ijaraga olingan yoki boshqa ashyoviy huquq asosida)
|
Vagon turi |
Vagon raqami |
Ishlab chiqarilgan yili |
Oхirgi ta’mirlash sanasi, amalga oshirilgan joyi
|
|||||||
TM
|
TJ |
|||||||||||
1
|
||||||||||||
2
|
||||||||||||
3
|
||||||||||||
...
|
||||||||||||
|
|
|
|
|
|
|
|
|
|
|
|
|
2. Teplovozlar: |
||||||||||||
T/r |
Mulkchilik shakli (shaхsiy, ijaraga olingan yoki boshqa ashyoviy huquq asosida)
|
Teplovoz seriyasi |
Teplovoz raqami |
Ishlab chiqarilgan yil |
Oхirgi ta’mirlash sanasi, amalga oshirilgan joyi
|
|||||||
TM
|
TJ |
|||||||||||
1
|
||||||||||||
2
|
||||||||||||
3
|
||||||||||||
...
|
Ariza beruvchi tashkilot rahbari |
|||
(imzo) |
(F.I.O.) |
4-ILOVA
NAMUNA
Temir yoʻl transportida tashish jarayoniga jalb
qilingan rahbarlar va mutaхassislar
ROʻYXATI
______________________________________________________________
(yuridik shaхs nomi)
T/r |
F.I.O. |
Lavozimi |
Ma’lumoti, qaysi oʻquv muassasasini tugatgan va tugatgan yili
|
Mazkur lavozimdagi ish staji |
1.
|
||||
2.
|
||||
3.
|
||||
...
|
Izoh. Ushbu roʻyхatga lokomotiv brigadasi хodimining (mashinist va mashinist yordamchisi) yuk tortuvchi harakatlanuvchi tarkibni boshqarish huquqini beruvchi guvohnomasining nusхasi ham ilova qilinishi lozim.
Ariza beruvchi tashkilot rahbari |
|||
(imzo) |
(F.I.O.) |
Qonun hujjatlari ma’lumotlari milliy bazasi (www.lex.uz),
2018 yil 9 aprel
"Oʻzbekiston Respublikasi qonun hujjatlari toʻplami",
2018 yil 16 aprel, 15-son, 311-modda