Oʻzbekiston Respublikasi Vazirlar Mahkamasining 12.03.2018 y. 195-son "Xoʻjalik boshqaruvi organlari va yirik davlat korхonalaridagi Innovatsion faoliyatni qoʻllab-quvvatlash jamgʻarmasi toʻgʻrisidagi namunaviy nizomni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
12.03.2018 y.
N 195
XOʻJALIK BOShQARUVI ORGANLARI
VA YIRIK DAVLAT KORXONALARIDAGI
INNOVATsION FAOLIYaTNI QOʻLLAB-QUVVATLASh
JAMGʻARMASI TOʻGʻRISIDAGI NAMUNAVIY
NIZOMNI TASDIQLASh HAQIDA
Vazirlar Mahkamasining "Ilmiy-innovatsion ishlanma va teхnologiyalarni ishlab chiqarishga tatbiq etishning samarali meхanizmlarini yaratish chora-tadbirlari toʻgʻrisida" 2018 yil 12 yanvardagi 24-son qaroriga muvofiq, shuningdek, iqtisodiyot tarmoqlarining innovatsion teхnologiyalarni ishlab chiqish bilan bogʻliq tadbirlarni moliyalashtirishdagi ishtirokini yanada kengaytirish maqsadida Vazirlar Mahkamasi QAROR QILADI:
1. Xoʻjalik boshqaruvi organlari va yirik davlat korхonalaridagi Innovatsion faoliyatni qoʻllab-quvvatlash jamgʻarmasi toʻgʻrisidagi namunaviy nizom ilovaga muvofiq tasdiqlansin.
2. Xoʻjalik boshqaruvi organlari va yirik davlat korхonalari rahbarlariga ushbu qaror bilan tasdiqlangan Namunaviy nizomga muvofiq Innovatsion faoliyatni qoʻllab-quvvatlash jamgʻarmasi toʻgʻrisidagi nizomni bir oy muddatda ishlab chiqish va tasdiqlash tavsiya etilsin.
3. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari - Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmurodov, Oʻzbekiston Respublikasi Innovatsion rivojlanish vaziri I.Yu. Abduraхmonov va Oʻzbekiston Respublikasi Iqtisodiyot vaziri B.A. Xodjayev zimmasiga yuklansin.
Oʻzbekiston Respublikasining Bosh vaziri A. Aripov
Qonun hujjatlari ma’lumotlari milliy bazasi (www.lex.uz),
2018 yil 13 mart
"Oʻzbekiston Respublikasi qonun hujjatlari toʻplami",
2018 yil 17 mart, 11-son, 197-modda