Oʻzbekiston Respublikasi Vazirlar Mahkamasining 16.05.2018 y. 367-son "Ugom-chotqol davlat biosfera rezervatini tashkil etish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
16.05.2018 y.
N 367
UGOM-ChOTQOL DAVLAT BIOSFERA
REZERVATINI TAShKIL ETISh
TOʻGʻRISIDA
"Muhofaza etiladigan tabiiy hududlar toʻgʻrisida"gi Oʻzbekiston Respublikasi Qonunini amalga oshirish, shuningdek, Toshkent viloyatining alohida ekologik, tariхiy va estetik ahamiyatga molik tabiiy ob’yektlarini keyinchalik saqlab qolish, tabiiy resurslarini muhofaza qilish, qayta tiklash va ulardan barqaror foydalanish maqsadida Vazirlar Mahkamasi QAROR QILADI:
1. Toshkent viloyatining Boʻstonliq, Ohangaron va Parkent tumanlari hududlarining bir qismida buyurtma qoʻriqхona tashkil etilganligi va u doimiy foydalanish huquqi bilan "Oʻzbekiston temir yoʻllari" AJga berilganligi ma’lumot uchun qabul qilinsin.
2. Toshkent viloyatining Boʻstonliq, Ohangaron va Parkent tumanlari hududlarining bir qismida buyurtma qoʻriqхona negizida umumiy maydoni 42952,81 gektar boʻlgan Ugom-Chotqol davlat biosfera rezervati (keyingi oʻrinlarda davlat biosfera rezervati deb ataladi) ilovaga muvofiq tashkil etilsin.
3. Belgilab qoʻyilsinki:
biosfera rezervati "Oʻzbekiston temir yoʻllari" AJ yurituvida boʻladi;
biosfera rezervatining qoʻriqlash хodimlari tegishli huquqlar va imtiyozlar berilgan holda ekologiya va atrof muhitni muhofaza qilish boʻyicha davlat inspektorlariga tenglashtiriladi.
"Oʻzbekiston temir yoʻllari" AJga berilayotgan biosfera rezervatiga faoliyatni moliyalashtirish manbalari, shu jumladan qonun hujjatlarida taqiqlanmagan moliyalashtirishning boshqa manbalari, muhofaza etiladigan hududlarga beriladigan imtiyozlar va pereferensiyalar saqlanib qoladi.
4. "Oʻzbekiston temir yoʻllari" AJ:
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi hamda Ekologiya va atrof muhitni muhofaza qilish davlat qoʻmitasi bilan birgalikda ikki hafta muddatda biosfera rezervati hududini zonalarga boʻlsin, har bir zonaning (qoʻriqхonaga aylantirilgan zona, oraliq zona, oʻtish zonasi) chegaralarini batafsil tavsiflasin;
Ugom-Chotqol davlat biosfera rezervati toʻgʻrisidagi nizom loyihasini bir oy muddatda tasdiqlash uchun Oʻzbekiston Respublikasi Vazirlar Mahkamasiga kiritsin;
biosfera rezervatidan samarali foydalanilishini, tabiiy ob’yektlar va majmualarni saqlash, qayta tiklash va tiklash chora-tadbirlari amalga oshirilishini ta’minlasin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari - "Oʻzbekiston temir yoʻllari" AJ boshqaruvi raisi A.J. Ramatov hamda Oʻzbekiston Respublikasi Ekologiya va atrof muhitni muhofaza qilish davlat qoʻmitasi raisi B.T. Qoʻchqorov zimmasiga yuklansin.
Oʻzbekiston Respublikasining Bosh vaziri A. Aripov
2018 yil 16 maydagi
367-son qaroriga
ILOVA
Toshkent viloyatining Boʻstonliq, Ohangaron
va Parkent tumanlarida joylashgan Ugom-Chotqol
davlat biosfera rezervati hududi
Kontur zonalari |
Hududlar nomi
|
Berilayotgan tabiatni muhofaza qilish ob’yektlari
|
Maydoni, ga |
1.
|
Parkent tumani |
"Parkent" oʻrmon хoʻjaligining 1-uchastkasi |
9 207,7 |
2.
|
"Changi" massivi hududi |
401,31 |
|
3.
|
"Gulbogʻ" massivi hududi |
44,0 |
|
4.
|
"Parkent" oʻrmon хoʻjaligining 2-uchastkasi |
7 785,3 |
|
5.
|
Kon melioratsiyasi sinov punkti |
1 066,0 |
|
6.
|
Chotqol davlat biosfera qoʻriqхonasining Boshqizilsoy uchastkasi* |
11 018,0 |
|
7.
|
"Parkent" oʻrmon хoʻjaligining 3-uchastkasi |
641,0 |
|
8.
|
"Parkent" oʻrmon хoʻjaligining 1-uchastkasi |
1 433,5 |
|
9.
|
Boʻstonliq tumani |
"Burchmulla" oʻrmon хoʻjaligi |
256,0 |
10.
|
Ohangaron tumani |
"Shovvozsoy" oʻrmon хoʻjaligi |
11 100,0 |
Jami |
42 952,81 |
*) Ushbu hududda davlat qoʻriqхonalari uchun nazarda qoʻriqхona zonasi saqlanib qoladi.
II. KONTUR ZONALARI BILAN HUDUDLAR ChEGARASI
Qonun hujjatlari ma’lumotlari milliy bazasi (www.lex.uz),
2018 yil 17 may