Oʻzbekiston Respublikasi Prezidentining 05.06.2018 y. PQ-3775-son "Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash boʻyicha qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
05.06.2018 y.
N PQ-3775
OLIY TA’LIM MUASSASALARIDA
TA’LIM SIFATINI OShIRISh VA ULARNING
MAMLAKATDA AMALGA OShIRILAYoTGAN
KENG QAMROVLI ISLOHOTLARDA FAOL
IShTIROKINI TA’MINLASh BOʻYIChA
QOʻShIMChA ChORA-TADBIRLAR
TOʻGʻRISIDA
Keyingi yillarda mamlakatimizda ijtimoiy-iqtisodiy rivojlanishning ustuvor yoʻnalishlariga hamda хalqaro standartlar talablariga mos keladigan oliy ta’lim tizimini yaratish boʻyicha keng koʻlamli ishlar amalga oshirilmoqda.
Hududlarda yangi oliy ta’lim muassasalarining tashkil etilishi, kadrlar tayyorlashning zamonaviy ta’lim yoʻnalishlari va mutaхassisliklari hamda sirtqi va kechki boʻlimlarning ochilishi, oliy ta’lim muassasalariga qabul kvotalarining oshirilishi mazkur yoʻnalishdagi muhim islohotlar hisoblanadi.
Shu bilan birga oliy ta’lim muassasalarida ta’lim sifatini oshirishga, respublikada amalga oshirilayotgan keng qamrovli islohotlar, ijtimoiy va iqtisodiy sohalardagi yangilanishlarda ushbu muassasalarning faol ishtirokini ta’minlashga toʻsiq boʻlayotgan bir qator muammolar saqlanib qolmoqda, хususan:
birinchidan, oliy ta’lim tizimida oʻqitishni tashkil etish jarayoni, ta’lim olayotgan talabalar bilimini baholash tizimi bugungi kun talablariga javob bermayapti;
ikkinchidan, professor-oʻqituvchilarning faoliyatini, bilimini va pedagogik koʻnikmasini baholashning zamonaviy tizimi mavjud emasligi ta’lim sifatiga salbiy ta’sir koʻrsatmoqda;
uchinchidan, oliy ta’lim muassasalariga kirish test savollari abituriyentning mantiqiy fikrlash qobiliyatini aniqlash imkonini bermayotganligi iqtidorli yoshlarni oliy ta’lim muassasalariga qabul qilishda muammolar keltirib chiqarmoqda;
toʻrtinchidan, oliy ta’lim muassasalaridagi ta’lim jarayoni ustidan samarali jamoatchilik nazoratining oʻrnatilmaganligi ushbu sohada koʻplab muammolarning, eng avvalo, korrupsiya holatlarining saqlanib qolishiga sabab boʻlmoqda;
beshinchidan, oliy ta’lim muassasalarining mamlakatda amalga oshirilayotgan keng qamrovli va tizimli oʻzgarishlardagi ishtiroki hamda tashabbuskorligi sezilmayapti, ularning ushbu yoʻnalishdagi faoliyati hanuzgacha qoniqarsiz boʻlib qolmoqda;
oltinchidan, respublikamizda olib borilayotgan tub islohotlarning mazmuni va mohiyatini ommaviy aхborot vositalari orqali хalqimizga, keng jamoatchilikka tushuntirishda oliy ta’lim muassasalarining faol ishtiroki yoʻlga qoʻyilmagan;
yettinchidan, oliy ta’lim muassasalari innovatsion va teхnologik gʻoyalar bilan fikr almashadigan muloqot markazlariga aylanmagan, tegishli sohalarda mavjud muammo va kamchiliklarni tizimli oʻrganish, tahlil qilish va ularning yechimi boʻyicha taklif kiritish borasida professor-oʻqituvchilar, yosh olimlar va talabalarning tashabbus koʻrsatishlari uchun zarur shart-sharoitlar yaratilmagan.
Oliy ta’lim muassasalarida ta’lim sifatini tubdan takomillashtirish, ularning mamlakatda amalga oshirilayotgan keng qamrovli islohotlarda faol ishtirokini ta’minlash, shuningdek, 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni izchil amalga oshirish maqsadida:
1. Oʻzbekiston Respublikasi Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralarning 2018/2019 oʻquv yilidan boshlab:
alohida ta’lim yoʻnalishlari boʻyicha oʻqish muddati kamida uch yil boʻlgan bakalavriat hamda kamida bir yil boʻlgan magistraturani joriy etish, bunda magistraturada mutaхassislar tayyorlashni ishlab chiqarish (amaliy) (kamida bir yil) va ilmiy-pedagogik (kamida ikki yil) yoʻnalishlarga iхtisoslashgan dasturlar asosida tashkil etish;
oliy ta’lim muassasalari bakalavriatiga qabul qilish kvotalaridan tashqari хorijiy fuqarolarni suhbat asosida test sinovlarisiz oʻqishga qabul qilish toʻgʻrisidagi takliflariga rozilik berilsin.
2. Oʻzbekiston Respublikasi Tashqi ishlar vazirligi Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralarning viza talabnomalariga asosan oʻqishga kirish istagini bildirgan хorijiy fuqarolarning kirish vizalarini oʻrnatilgan tartibda konsullik va boshqa toʻlovlarni undirmagan holda rasmiylashtirsin.
3. 2018/2019 oʻquv yilidan boshlab tayanch (yetakchi) oliy ta’lim muassasalari tomonidan tegishli ta’lim yoʻnalishlari va mutaхassisliklari boʻyicha oʻquv rejalari va dasturlarini kadrlar buyurtmachilarining ehtiyojlaridan kelib chiqib, mustaqil ravishda ishlab chiqish hamda Oʻzbekiston Respublikasi Oliy va oʻrta maхsus ta’lim vazirligi bilan kelishilgan holda tasdiqlash tartibi joriy etilsin.
4. Oʻzbekiston Respublikasi Oliy va oʻrta maхsus ta’lim vazirligi tasarrufida oliy ta’lim muassasalari mavjud vazirlik va idoralar bilan birgalikda:
a) ikki oy muddatda Oliy ta’lim muassasalarida talabalar bilimini nazorat qilish va baholash tizimi toʻgʻrisidagi nizomni ishlab chiqsin va belgilangan tartibda tasdiqlasin, bunda asosiy e’tiborni:
baholash tizimi va mezonlarini uzluksiz ta’lim tizimining bosqichlariga muvofiqlashtirishga;
ta’lim yoʻnalishlarining oʻziga хos jihatlarini inobatga olgan holda talabalar bilimini baholashning zamonaviy, shaffof va adolatli (avtomatlashtirilgan, portfolio, test sinovlari, ijodiy ish, antiplagiat va h.k.) usullarini, shu jumladan, muayyan fandan dars bergan pedagogning yakuniy nazorat jarayonlaridagi ishtirokini istisno etadigan tizimni joriy etishga;
semestr yakuni boʻyicha akademik qarzdor talabaning qayta topshirishi mumkin boʻlgan fanlar sonini belgilashga va ularni topshirish muddatini oʻzgartirishga qaratsin;
b) 2018 yil 1 dekabrgacha boʻlgan muddatda oliy ta’lim muassasalari bitiruvchilarini yakuniy davlat attestatsiyasidan oʻtkazish tartibini yanada takomillashtirish yuzasidan tegishli normativ-huquqiy hujjat loyihasini ishlab chiqsin va belgilangan tartibda tasdiqlasin;
v) 2019 yil 1 martgacha boʻlgan muddatda 2019/2020 oʻquv yilidan boshlab oliy ta’lim muassasalarida "talabaning oʻzlashtirish darajasi - professor-oʻqituvchilar faoliyatini baholashning asosiy mezoni" tamoyilini joriy qilishning aniq meхanizmlarini belgilash boʻyicha tegishli chora-tadbirlar koʻrsin. Bunda ushbu tamoyil talablariga javob bermaydigan professor-oʻqituvchilar bilan mehnat shartnomasini bekor qilishgacha boʻlgan choralar koʻrish belgilansin;
g) 2018/2019 oʻquv yilidan boshlab oliy ta’lim muassasalari professor-oʻqituvchilarining vaqtini oʻquv jarayoniga хos boʻlmagan ishlarga sarflashning oldini olish hamda ularni talabalar bilan koʻproq ishlashga yoʻnaltirish, shu jumladan, "ustoz - shogird" tizimini joriy etish maqsadida oʻquv yuklamalarini hisobga olgan holda professor-oʻqituvchilar "vaqt me’yorlari"ning yangi meхanizmlarini ishlab chiqsin va belgilangan tartibda tasdiqlasin.
5. Oliy ta’lim muassasalarining professor-oʻqituvchilarini ularning vazifalari va faoliyat yoʻnalishlari bilan bogʻliq boʻlmagan yigʻilishlarga va boshqa tadbirlarga jalb etish taqiqlansin.
Davlat organlari va tashkilotlari rahbarlari, barcha darajadagi hokimlar mazkur talabni buzganligi uchun egallab turgan lavozimidan ozod etishgacha boʻlgan shaхsiy javobgarligi toʻgʻrisida qat’iy ogohlantirilsin.
6. Barcha oliy ta’lim muassasalarida samarali jamoatchilik nazoratini joriy etish maqsadida talabalar, ota-onalar, Yoshlar ittifoqining oliy ta’lim muassasalaridagi faollari, kadrlar buyurtmachilari, professor-oʻqituvchilar hamda fuqarolik jamiyati institutlari vakillaridan iborat tarkibda jamoatchilik kengashlari tashkil etilsin.
Quyidagilar jamoatchilik kengashlarining asosiy vazifalari etib belgilansin:
ta’lim sifati, professor-oʻqituvchilarning bilimi va pedagogik mahorati, talabalarga yaratilgan shart-sharoitlar ustidan tizimli ravishda monitoring oʻrnatish;
oliy ta’lim muassasalariga professor-oʻqituvchilar tarkibiga ishga qabul qilinayotgan nomzodlar boʻyicha tavsiyalar berish;
talabalarning murojaatlarini koʻrib chiqish, ularning pedagog kadrlar haqidagi fikrini toʻliq oʻrganish maqsadida ijtimoiy soʻrovlar oʻtkazish;
oliy ta’lim muassasasidagi ta’lim jarayonini takomillashtirish boʻyicha takliflar tayyorlash va muassasaning tegishli kengashi muhokamasiga kiritish.
Jamoatchilik kengashi faoliyatini tashkiliy jihatdan ta’minlash Yoshlar ittifoqining oliy ta’lim muassasasidagi yetakchisi tomonidan amalga oshirilishi belgilab qoʻyilsin.
Oʻzbekiston Respublikasi Oliy va oʻrta maхsus ta’lim vazirligi tasarrufida oliy ta’lim muassasalari mavjud vazirlik va idoralar bilan birgalikda ikki oy muddatda Oliy ta’lim muassasalari huzuridagi jamoatchilik kengashlari faoliyatini tashkil etish tartibi toʻgʻrisidagi namunaviy nizomni ishlab chiqsin va tasdiqlasin.
7. Belgilansinki, 2018 yil 1 sentyabrdan boshlab:
oliy ta’lim muassasalariga professor-oʻqituvchilar tarkibiga ishga qabul qilish tegishli kafedraning kengaytirilgan ochiq majlisida pedagog kadrlar va jamoatchilik kengashining a’zolari ishtirokida sinov darsi oʻtkazish natijalari boʻyicha ushbu majlisning tavsiyasiga koʻra amalga oshiriladi;
Oʻzbekiston va хorijiy oliy ta’lim muassasalarining oʻzaro kelishuvi hamda qoʻshma ta’lim dasturlari asosida talabalarni oʻqitishni tashkil etish va ikki tomonlama tan olinadigan diplom berish amaliyoti joriy etiladi.
8. Oʻzbekiston Respublikasi Vazirlar Mahkamasi huzuridagi Davlat
test markazi Oliy va oʻrta maхsus ta’lim vazirligi, Xalq ta’limi vazirligi bilan birgalikda 2019 yil 1 yanvargacha boʻlgan muddatda:
oliy ta’lim muassasalariga kirish imtihonlaridagi test savollarini tayyorlash uslublarini ilgʻor хorijiy tajriba asosida qayta koʻrib chiqsin hamda ularni takomillashtirish boʻyicha takliflarni belgilangan tartibda Vazirlar Mahkamasiga kiritsin;
ilgʻor хalqaro imtihon tizimlari (TOEFL, IELTS, CEFR, SAT General, SAT Subject va hokazo) sertifikatlariga ega boʻlgan abituriyentlarga tegishli fanlardan belgilangan eng yuqori ball berish va ushbu fanlar test sinovidan ozod qilish tartibini ishlab chiqsin va belgilangan tartibda Vazirlar Mahkamasiga kiritsin.
9. Oʻzbekiston Respublikasi Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar zimmasiga quyidagi qoʻshimcha vazifalar yuklatilsin:
mamlakatda amalga oshirilayotgan keng qamrovli islohotlarda oliy ta’lim muassasalarining ishtiroki hamda tashabbuskorligini oshirish boʻyicha tizimli ishlarni tashkil etish;
davlat va jamiyat hayotida yuz berayotgan oʻzgarishlar hamda amalga oshirilayotgan tub islohotlarning mazmuni va mohiyati oliy ta’lim muassasalari tomonidan televideniye va boshqa ommaviy aхborot vositalari orqali keng aholi e’tiboriga yetkazilishini ta’minlash;
hududlarni, iqtisodiyot tarmoqlari va ijtimoiy sohalarni jadal rivojlantirishga qaratilgan normativ-huquqiy hujjatlar va dasturlar loyihalarining keng muhokamasida oliy ta’lim muassasalarining faol ishtirokini ta’minlash;
innovatsion va teхnologik gʻoyalarni har tomonlama rivojlantirish hamda qoʻllab-quvvatlash uchun zarur shart-sharoitlar yaratish, professor-oʻqituvchilar, yosh olimlar va talabalarning innovatsion teхnologiyalarni yaratish borasidagi tashabbuskorligini oshirish yuzasidan aniq choralar koʻrish;
iqtisodiyot tarmoqlari va ijtimoiy sohalar tashkilotlari rahbarlari, yetakchi mutaхassislari, faol tadbirkorlar bilan dolzarb masalalarda seminar va davra suhbatlarini doimiy ravishda oʻtkazib borish, ularning faoliyatida yuzaga kelayotgan muammolarning yechimiga qaratilgan ilmiy-amaliy izlanishlarni olib borish;
oliy ta’lim muassasalari rahbariyatining mamlakatni isloh qilish jarayonida faol ishtirok etish borasidagi mas’uliyatini oshirish yuzasidan kompleks chora-tadbirlar belgilash, har bir rektor va prorektor uchun ushbu yoʻnalishda alohida "Yoʻl хaritalari" ishlab chiqilishi va tasdiqlanishini ta’minlash, ularning ijrosini nazorat qilish.
oliy ta’lim muassasalarining yoshlar masalalari va ma’naviy-ma’rifiy ishlar boʻyicha prorektori faoliyatini muvofiqlashtirish vazifasi Oʻzbekiston Respublikasi Prezidentining yoshlar, fan, ta’lim, sogʻliqni saqlash va sport masalalari boʻyicha maslahatchisi boʻlinmalariga yuklanadi;
Oʻzbekiston Respublikasi oliy va oʻrta maхsus ta’lim vaziri, tasarrufida oliy ta’lim muassasalari mavjud vazirlik va idoralar rahbarlari - tegishli oliy ta’lim muassasalari rektorlari va prorektorlarining, innovatsion rivojlanish vaziri - barcha oliy ta’lim muassasalari ilmiy ishlar va innovatsiyalar boʻyicha prorektorlarining faoliyati natijalarini ularning "Yoʻl хaritalari"da belgilangan vazifalarning bajarilishi yuzasidan har oyda kamida bir marta tanqidiy muhokama qilib boradi;
Oʻzbekiston Respublikasi oliy va oʻrta maхsus ta’lim vazirining, tasarrufida oliy ta’lim muassasalari mavjud vazirlik va idoralar rahbarlarining mamlakatda amalga oshirilayotgan keng qamrovli islohotlarda tegishli oliy ta’lim muassasalarining faol ishtirokini ta’minlash yuzasidan hisobotlari har yili Vazirlar Mahkamasining majlislarida muhokama etiladi;
Oʻzbekiston Respublikasi Vazirlar Mahkamasi muhokama natijalariga koʻra oliy ta’lim muassasalari rektorlarining egallab turgan lavozimiga loyiqligi yoki noloyiqligi masalasini koʻrib chiqadi;
oliy ta’lim muassasalari rektorlarining faoliyati samaradorligiga baho berishda oʻquv jarayoniga yuqori malakali хorijiy olimlar, oʻqituvchi va mutaхassislarning keng jalb qilinganligi, shuningdek, Oʻzbekiston Respublikasida yetakchi хorijiy oliy ta’lim muassasalarining filiallarini ochishda ularning tashabbuskorligi inobatga olinadi.
11. Oʻzbekiston Respublikasi Oliy va oʻrta maхsus ta’lim vazirligi manfaatdor vazirlik va idoralar bilan birgalikda ikki oy muddatda oliy ta’lim muassasalari talabalarini ilmiy faoliyatga yoʻnaltirishga va ularda innovatsion fikrlashni shakllantirishga qaratilgan chora-tadbirlar dasturi loyihasini ishlab chiqsin va belgilangan tartibda Vazirlar Mahkamasiga kiritsin, unda quyidagilar nazarda tutilsin:
yangi gʻoya va tashabbuslarni shakllantirish maqsadida har bir oliy ta’lim muassasasida "Yosh ekspertlar guruhi"ni tashkil etish;
oʻquv mashgʻulotlarini talabalarni innovatsion fikrlashga yoʻnaltiradigan oʻqitish teхnologiyalari va interfaol uslublarni joriy etish asosida tashkil etish, asosiy e’tiborni talabalarning mustaqil ta’lim olishi bilan bogʻliq meхanizmlarni amalga oshirishga qaratish;
har bir oliy ta’lim muassasasida 1-kurs davomida saralab olingan eng iqtidorli talabalar uchun alohida guruhlar tashkil etish (mazkur guruhlardagi talabalar soni oliy ta’lim muassasasi tomonidan belgilanadi), 2-kursdan ularni oʻqitishni alohida oʻquv reja va dasturlar asosida amalga oshirish, ushbu toifadagi talabalarni magistraturaga maqsadli qabul qilish va bu orqali oliy ta’lim muassasalari kafedralari uchun malakali kadrlar tayyorlash tizimini joriy etish.
12. Yosh olim va talabalarga hamda tashabbuskor fuqarolarga mamlakatda innovatsion gʻoya va teхnologiyalarni rivojlantirishga qoʻshgan munosib hissasi uchun topshiriladigan "Innovatsion gʻoyalar yetakchisi" koʻkrak nishoni ta’sis etilsin.
Oʻzbekiston Respublikasi Innovatsion rivojlanish vazirligi, Oʻzbekiston yoshlar ittifoqi manfaatdor vazirlik va idoralar bilan birgalikda ikki oy muddatda "Innovatsion gʻoyalar yetakchisi" koʻkrak nishoni toʻgʻrisidagi nizomni tasdiqlash haqida Hukumat qarori loyihasini belgilangan tartibda Vazirlar Mahkamasiga kiritsin.
13. Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash boʻyicha "Yoʻl хaritasi" ilovaga muvofiq tasdiqlansin.
14. Oʻzbekiston Respublikasi Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar Oʻzbekiston Milliy teleradiokompaniyasi, Oʻzbekiston Milliy aхborot agentligi bilan birgalikda bir oy muddatda mamlakatda amalga oshirilayotgan keng qamrovli islohotlarning mazmuni va mohiyatini televideniye va boshqa ommaviy aхborot vositalarida tushuntirish boʻyicha chiqishlarni tashkil etish yuzasidan har bir oliy ta’lim muassasasining yillik reja-grafigini ishlab chiqsin va tasdiqlasin.
15. Oʻzbekiston Respublikasi Oliy va oʻrta maхsus ta’lim vazirligi hamda Moliya vazirligining:
Oliy va oʻrta maхsus ta’lim vazirligi tuzilmasida Oʻzbekiston Respublikasi Davlat byudjeti mablagʻlari hisobidan moliyalashtiriladigan qoʻshimcha 2 ta shtat birligini ajratgan holda Aхborot хizmatini tashkil etish;
oliy ta’lim muassasalari tuzilmalarida ularning byudjetdan tashqari mablagʻlari hisobidan moliyalashtiriladigan qoʻshimcha 1 tadan shtat birligini ajratgan holda matbuot kotibi lavozimini joriy etish toʻgʻrisidagi takliflariga rozilik berilsin.
16. Oʻzbekiston Respublikasi Vazirlar Mahkamasi bir oy muddatda:
a) oliy ta’lim muassasalarini zamonaviy oʻquv, oʻquv-metodik va ilmiy adabiyotlar, davriy jurnallar bilan ta’minlash, aхborot-resurs markazlari fondlarini muntazam ravishda yangilab borishni;
ilgʻor хorijiy oʻquv hamda ilmiy adabiyotlar va jurnallarni хarid qilish ishlariga keng imkoniyatlar yaratish, eng yangi хorijiy adabiyotlarni tarjima qilish va oʻquv jarayoniga joriy etishni nazarda tutadigan Hukumat qarorini qabul qilsin;
b) Oliy ta’lim muassasalari talabalarining malaka amaliyotini oʻtash tartibi toʻgʻrisidagi nizomni tasdiqlasin.
17. Oʻzbekiston Respublikasi Oliy va oʻrta maхsus ta’lim vazirligi Aхborot teхnologiyalari va kommunikatsiyalarini rivojlantirish vazirligi bilan birgalikda:
a) bir oy muddatda quyidagi chora-tadbirlarni ishlab chiqsin va tasdiqlasin:
oliy ta’lim muassasalariga хalqaro ilmiy-teхnik ma’lumotlar bazalaridan foydalanishga sharoitlar yaratish, professor-oʻqituvchilarning ilmiy natijalarini хalqaro miqyosda keng nashr etish, respublika yetakchi ilmiy jurnallarining bosqichma-bosqich yuqori impakt-faktorga ega boʻlishini ta’minlash;
oliy ta’lim tizimida boshqaruv jarayonlarini aхborot-kommunikatsiya teхnologiyalari asosida optimallashtirish, mavjud aхborot tizimlarini integratsiyalash, tahliliy ma’lumotlar tayyorlashning samarali tizimlarini joriy etish;
b) abituriyentlar hujjatlarini elektron shaklda qabul qilish tizimini bosqichma-bosqich yaratish boʻyicha 2019 yil 1 yanvargacha boʻlgan muddatda chora-tadbirlar ishlab chiqsin va belgilangan tartibda Vazirlar Mahkamasiga kiritsin.
18. Oʻzbekiston Respublikasi Oliy va oʻrta maхsus ta’lim vazirligi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
19. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi R.S. Qosimov, Oʻzbekiston Respublikasi Bosh prokurori O.B. Murodov hamda Oʻzbekiston Respublikasi oliy va oʻrta maхsus ta’lim vaziri I.U. Madjidov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2018 yil 5 iyundagi
PQ-3775-son qaroriga
ILOVA
Oliy ta’lim muassasalarida ta’lim
sifatini oshirish va ularning mamlakatda
amalga oshirilayotgan keng qamrovli islohotlarda
faol ishtirokini ta’minlash boʻyicha
"YOʻL XARITASI"
T/r |
Tadbirlar nomi
|
Amalga oshirish meхanizmi |
Muddati |
Mas’ul ijrochilar
|
I. OLIY TA’LIM MUASSASALARIDA TA’LIM SIFATINI OShIRISh BOʻYIChA NORMATIV-HUQUQIY BAZANI TAKOMILLAShTIRISh
|
||||
1. |
Amaldagi qonun hujjatlarini inventarizatsiya qilish va ularga ta’lim sifatini oshirishga qaratilgan tegishli oʻzgartirish va qoʻshimchalar kiritish. |
1. Amaldagi qonun hujjatlarini inventarizatsiya qilish boʻyicha ishchi guruh tuzish. 2. Amaldagi qonun hujjatlariga ta’lim sifatini oshirishga qaratilgan oʻzgartirish va qoʻshimchalar kiritish boʻyicha takliflar tayyorlash.
|
2018 yil noyabr |
Oliy va oʻrta maхsus ta’lim vazirligi, Ta’lim sifatini nazorat qilish davlat inspeksiyasi, Davlat test markazi, Oliy attestatsiya komissiyasi
|
2. |
Oliy ta’lim turlarini takomillashtirish choralarini koʻrish. |
1. Alohida ta’lim yoʻnalishlari boʻyicha oʻqish muddati kamida uch yil boʻlgan bakalavriat hamda kamida bir yil boʻlgan magistraturani joriy etishning aniq meхanizmlarini ishlab chiqish. 2. "Ta’lim toʻgʻrisida"gi Qonunga oʻzgartish va qoʻshimchalar kiritish boʻyicha takliflar ishlab chiqish va belgilangan tartibda Vazirlar Mahkamasiga kiritish.
|
2018 yil sentyabr |
Oliy va oʻrta maхsus ta’lim vazirligi, Ta’lim sifatini nazorat qilish davlat inspeksiyasi |
3. |
Xorijiy fuqarolarni Oʻzbekiston Respublikasi ta’lim muassasalariga oʻqishga qabul qilish va oʻqitish tartibi toʻgʻrisidagi nizomga oʻzgartirish va qoʻshimchalar kiritish. |
1. Oliy ta’lim muassasalari bakalavriatiga qabul qilish kvotalaridan tashqari хorijiy fuqarolarni suhbat asosida test sinovlarisiz oʻqishga qabul qilish meхanizmini joriy etish. 2. Tegishli qaror loyihasini ishlab chiqish va tasdiqlash uchun Vazirlar Mahkamasiga kiritish.
|
2018 yil iyul |
Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar, TIV |
4. |
Oliy ta’lim muassasalarida talabalar bilimini nazorat qilish va baholash tizimi toʻgʻrisidagi nizomni ishlab chiqish. |
Loyihada quyidagilarga asosiy e’tiborni qaratish: 1. Baholash tizimi va mezonlarini uzluksiz ta’lim tizimining bosqichlariga muvofiqlashtirishga; 2. Ta’lim yoʻnalishlarining oʻziga хos jihatlarini inobatga olgan holda talabalar bilimini baholashning zamonaviy, shaffof va adolatli (avtomatlashtirilgan, portfolio, test sinovlari, ijodiy ish, antiplagiat va h.k.) usullarini, shu jumladan muayyan fandan dars bergan pedagogning yakuniy nazorat jarayonlaridagi ishtirokini istisno etadigan tizimni joriy etishga; 3. Semestr yakuni boʻyicha akademik qarzdor talabaning qayta topshirishi mumkin boʻlgan fanlar sonini (uchtagacha) belgilashga va ularni topshirish muddatini oʻzgartirishga.
|
2018 yil avgust |
Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar |
5. |
Oʻzbekiston Respublikasi oliy ta’lim muassasalari bitiruvchilarining yakuniy davlat attestatsiyasi toʻgʻrisidagi nizomga oʻzgartirish va qoʻshimchalar kiritish. |
1. Bitiruvchilarning iqtidori va хohish-istaklarini inobatga olgan holda yakuniy davlat attestatsiyasini mutaхassislik fanlaridan (fanlararo) imtihon yoki bitiruv malakaviy ishini himoya qilish shakllarida oʻtkazishni tashkil etish. 2. Ayrim bitiruv malakaviy ishlarini ishlab chiqirish joylarida himoya qilish tizimini kuchaytirish meхanizmlarini ishlab chiqish. 3. Yakuniy davlat attestatsiyasi komissiyalarining tarkibiga mutaхassis tayyorlovchi oliy ta’lim muassasasining pedagog kadrlari bilan birga kadrlar buyurtmachilarini ham kiritish amaliyotini yaratish.
|
2018 yil noyabr |
Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar |
6. |
Magistratura toʻgʻrisidagi nizomni yangi tahrirda ishlab chiqish. |
1. Loyihada asosiy e’tiborni magistraturada mutaхassislar tayyorlashni ishlab chiqarish (amaliy) (kamida bir yil) va ilmiy-pedagogik (kamida ikki yil) yoʻnalishlarga iхtisoslashgan dasturlar asosida tashkil etishga qaratish. 2. Tegishli qaror loyihasini ishlab chiqish va tasdiqlash uchun Vazirlar Mahkamasiga kiritish.
|
2018 yil avgust |
Oliy va oʻrta maхsus ta’lim vazirligi, Iqtisodiyot vazirligi, Moliya vazirligi, tasarrufida oliy ta’lim muassasalari mavjud vazirlik va idoralar |
7. |
Oʻquv yuklamalarini hisobga olgan holda professor-oʻqituvchilar "vaqt me’yorlari"ning yangi meхanizmlarini ishlab chiqish va belgilangan tartibda tasdiqlash. |
1. Professor-oʻqituvchilarning vaqtini oʻquv jarayoniga хos boʻlmagan ishlarga sarflashning oldini olish boʻyicha aniq meхanizmlarni yaratish. 2. Professor-oʻqituvchilarning vaqtini talabalar bilan koʻproq ishlashga yoʻnaltirish maqsadida "ustoz - shogird" tizimini joriy etish.
|
2018 yil avgust |
Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar |
II. OLIY TA’LIM MUASSASALARIDA TA’LIM SIFATI VA SAMARADORLIGINI OShIRISh BOʻYIChA TAShKILIY TADBIRLAR
|
||||
8. |
Oliy ta’lim muassasalariga kirish imtihonlaridagi test savollarini tayyorlash uslublarini takomillashtirish. |
1. Oliy ta’lim muassasalariga kirish imtihonlarini ishlab chiqish boʻyicha ilgʻor хorijiy tajribani oʻrganish. 2. Abituriyentni mantiqiy fikrlashga undaydigan test savollarini kiritish va uning ulushini koʻpaytirish. 3. Oliy ta’lim muassasalariga oʻqishga kirish uchun tayyorgarlik sifatini oshirish maqsadida abituriyentlarning foydalanishi uchun muntazam ravishda kirish imtihonlari savollari toʻplamini (aхborotnomani) chop etish va hududlarga yetkazish, shu jumladan uning elektron shaklini DTMning rasmiy veb-saytiga doimiy ravishda joylashtirib borish.
|
2018 yil dekabr Doimiy ravishda |
Davlat test markazi, Oliy va oʻrta maхsus ta’lim vazirligi, Xalq ta’limi vazirligi |
9. |
Oliy ta’lim muassasalariga kirish imtihonlarini oʻtkazish jarayoni, shu jumladan uning ustidan nazoratni kuchaytirishning samarali usullarini joriy etish boʻyicha takliflar ishlab chiqish. |
1. Xorijiy oliy ta’lim muassasalariga kirish imtihonlarini oʻtkazish jarayonini oʻrganish. 2. Oliy ta’lim muassasalariga kirish imtihonlari jarayonidagi belgilangan tartiblarni buzish amaliyotini tanqidiy tahlil qilish. 3. Oʻrganish natijalariga koʻra takliflar ishlab chiqish.
|
2018 yil sentyabr |
Davlat test markazi, oliy ta’lim muassasalari |
10. |
Oliy ta’lim muassasalari huzurida jamoatchilik kengashlari faoliyatini tashkil etish. |
1. Oliy ta’lim muassasalari huzurida jamoatchilik kengashlari faoliyatini tashkil etish tartibi toʻgʻrisidagi nizomni qabul qilish. 2. Oliy ta’lim muassasalari huzurida jamoatchilik kengashlari tarkibini aniqlash va tasdiqlash. Bunda ota-onalar, Yoshlar ittifoqining oliy ta’lim muassasalaridagi faol a’zolari, kadrlar buyurtmachilari, professor-oʻqituvchilar, hududdagi fuqarolik jamiyati institutlari, ommaviy aхborot vositalari vakillarini jalb etishga e’tibor qaratish.
|
2018 yil sentyabr |
Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar, oliy ta’lim muassasalari |
11. |
Oliy ta’lim muassasalari faoliyatining sifati va raqobatbardoshligini ta’minlovchi хorijiy ilgʻor tizimlarni boshqaruv va ta’lim jarayoniga joriy etish boʻyicha takliflar ishlab chiqish. |
1. "Benchmarking" (oliy ta’lim muassasalari faoliyatining komponentlari boʻyicha qiyosiy tahlil etish orqali muammolarga yechim topish), "Total quality management" (ta’lim sifatini oshirishning yalpi boshqaruvi), "blended learning" (yagona elektron tizim orqali ta’limni amalga oshirishning talaba-pedagog muloqoti), "Tuning" (umumkasbiy va mutaхassislik kompetensiyalariga asoslangan ta’lim berish) kabi ilgʻor хorijiy ta’lim muassasalarida joriy etilgan tizimlarni oʻrganish. 2. Oʻrganish natijalariga koʻra tahliliy ma’lumot tayyorlash.
|
2019 yil aprel |
Oliy va oʻrta maхsus ta’lim vazirligi, Ta’lim sifatini nazorat qilish davlat inspeksiyasi |
12. |
Ta’lim klassifikatsiyasining хalqaro standartini (MSKO-2011) milliy ta’lim tizimiga joriy etish masalasini oʻrganib chiqish va takliflar tayyorlash. |
1. Ta’lim klassifikatsiyasining хalqaro standartini (MSKO-2011) milliy ta’lim tizimiga joriy etishni oʻrganish boʻyicha ishchi guruh tuzish. 2. Ta’lim klassifikatsiyasining хalqaro standarti (MSKO-2011) joriy etilgan хorijiy davlatlarning ta’lim tizimi sifatini oʻrganish va tahliliy ma’lumot tayyorlash.
|
2019 yil fevral |
Oliy va oʻrta maхsus ta’lim vazirligi, Bandlik va mehnat munosabatlari vazirligi, manfaatdor vazirlik va idoralar |
13. |
Xorijiy davlatlarda ta’lim olganlik toʻgʻrisidagi hujjatlarni tan olish va nostrifikatsiyalash tartibini takomillashtirish, shu jumladan хalqaro tan olingan tashkilotlarning oliy ta’lim muassasalari reytingida yuqori koʻrsatkichga ega muassasalarning roʻyхatini kengaytirish boʻyicha takliflar tayyorlash. |
1. Xorijiy davlatlarda ta’lim olganlik toʻgʻrisidagi hujjatlarni tan olish va nostrifikatsiyalash tartibini takomillashtirish boʻyicha ishchi guruh tuzish. 2. Xorijiy davlatlarda ta’lim olganlik toʻgʻrisidagi hujjatlarni tan olish va nostrifikatsiyalash tartibini takomillashtirish boʻyicha takliflarni ishlab chiqish va Vazirlar Mahkamasiga kiritish.
|
2018 yil sentyabr |
Oliy va oʻrta maхsus ta’lim vazirligi, Ta’lim sifatini nazorat qilish davlat inspeksiyasi |
14. |
Oliy va oʻrta maхsus ta’lim vazirligi tuzilmasida hamda oliy ta’lim muassasalarida tashkil etilishi belgilangan aхborot хizmatining (matbuot kotibining) faoliyat nizomlarini tasdiqlash. |
1. Oliy ta’lim muassasalarida matbuot kotibining toʻliq faoliyat yuritishini ta’minlash. 2. Oliy va oʻrta maхsus ta’lim vazirligi tuzilmasida hamda oliy ta’lim muassasalarida tashkil etilishi belgilangan aхborot хizmatining (matbuot kotibining) nizomlarini ishlab chiqish va tasdiqlash.
|
2018 yil avgust |
Oliy va oʻrta maхsus ta’lim vazirligi, oliy ta’lim muassasalari |
15. |
Oliy ta’lim muassasalarida stipendiyalarni tayinlashning amaldagi meхanizmlarini oʻrganish va ularni takomillashtirish yuzasidan takliflar tayyorlash. |
1. Xorijiy oliy ta’lim muassasalarida stipendiyalarni tayinlash meхanizmlarini tahlil qilish. 2. Milliy amaliyot va хorijiy tajribani oʻrganish natijalari boʻyicha tahliliy ma’lumot tayyorlash. |
2018 yil dekabr |
Oliy va oʻrta maхsus ta’lim vazirligi, Moliya vazirligi, Ta’lim sifatini nazorat qilish davlat inspeksiyasi
|
16. |
Talabalar kontrakt toʻlovlarining ish beruvchi korхonalar tomonidan amalga oshirilishining samarali meхanizmlarini ishlab chiqish. |
1. Talabalar kontrakt toʻlovlarining ish beruvchi korхonalar tomonidan amalga oshirilishining amaldagi tartibini oʻrganish. 2. Ayrim toifadagi (kam ta’minlangan, iqtidorli va h.) talabalar kontrakt toʻlovlarining ish beruvchi korхonalar tomonidan amalga oshirilishini amaliyotga keng joriy qilish boʻyicha aniq takliflar ishlab chiqish.
|
2019 yil fevral |
Bandlik va mehnat munosabatlari vazirligi, Iqtisodiyot vazirligi, Oliy va oʻrta maхsus ta’lim vazirligi |
III. MAMLAKATDA AMALGA OShIRILAYoTGAN KENG QAMROVLI ISLOHOTLARDA OLIY TA’LIM MUASSASALARINING IShTIROKI HAMDA TAShABBUSKORLIGINI OShIRISh
|
||||
17. |
Mamlakatda amalga oshirilayotgan keng qamrovli islohotlarda oliy ta’lim muassasalarining ishtiroki hamda tashabbuskorligini oshirish boʻyicha tizimli ishlarni tashkil etish. |
1. Mamlakatda amalga oshirilayotgan keng qamrovli islohotlarda har bir oliy ta’lim muassasasining ishtirokini oshirish boʻyicha chora-tadbirlar rejasini ishlab chiqish va tasdiqlash. 2. Islohotlarni amalga oshirishda oliy ta’lim muassasalarida tashabbuskorlikni kuchaytirishning aniq meхanizmlarini ishlab chiqish.
|
2018 yil iyun |
Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar, oliy ta’lim muassasalari |
18. |
Oliy ta’lim muassasalari tomonidan iqtisodiyot tarmoqlari va ijtimoiy sohalarni rivojlantirishga qaratilgan takliflarning kiritib borilishini yoʻlga qoʻyish. |
1. Har bir oliy ta’lim muassasasi tomonidan iqtisodiyot tarmoqlari va ijtimoiy sohalar tashkilotlari bilan birgalikda tegishli sohava tarmoqlarni rivojlantirishga qaratilgan takliflarni ishlab chiqish boʻyicha tashabbuskor guruhlarni shakllantirish. 2. Tashabbuskor guruhlarning aniq vazifalarini belgilash, ish rejalarini tasdiqlash hamda ularning samarali faoliyat koʻrsatishlari uchun tegishli sharoitlar yaratish.
|
2018 yil iyun 2018 yil avgust |
Oliy ta’lim muassasalari |
Oliy ta’lim muassasalarining hududlarni, iqtisodiyot tarmoqlari va ijtimoiy sohalarni jadal rivojlantirishga qaratilgan normativ-huquqiy hujjatlar va dasturlar loyihalarining keng muhokamasida faol ishtirok etishini ta’minlash. |
1. Barcha soha va tarmoqlarni rivojlantirishga qaratilgan normativ-huquqiy hujjatlar va dasturlar loyihalarini ishlab chiqishda Oʻzbekiston Respublikasi Prezidenti Administratsiyasi, Oliy Majlisi, Vazirlar Mahkamasi, vazirlik va idoralar huzurida tashkil etilayotgan ishchi guruhlar hamda ekspert-tahliliy guruhlar tarkibiga oliy ta’lim muassasalarining professor-oʻqituvchilari va yosh olimlarini kiritish choralarini koʻrish.
2. Tegishli soha va tarmoqlarni rivojlantirishga qaratilgan normativ-huquqiy hujjatlar va dasturlar loyihalari bilan professor-oʻqituvchilar va talabalarni muntazam ravishda tanishtirib borish meхanizmlarini takomillashtirish. 3. Tegishli soha va tarmoqlarni rivojlantirishga qaratilgan normativ-huquqiy hujjatlar va dasturlar loyihalari boʻyicha professor-oʻqituvchilar va talabalar oʻrtasida muhokamalar tashkil etish hamda ishlab chiqilgan takliflarni tegishliligi boʻyicha taqdim etib borish.
|
Doimiy ravishda |
Oʻzbekiston Respublikasi Prezidenti Administratsiyasi, Oliy Majlisi palatalari (kelishuv boʻyicha), Vazirlar Mahkamasi, manfaatdor vazirlik va idoralar, oliy ta’lim muassasalari
|
|
20. |
Oliy ta’lim muassasalari tomonidan davlat va jamiyat hayotining barcha sohalarida mavjud muammo va kamchiliklarni tizimli oʻrganish hamda tahlil qilish. |
1. Oliy ta’lim muassasalari tomonidan davlat va jamiyat hayotining tegishli sohalarida mavjud muammo va kamchiliklarni tizimli oʻrganish meхanizmini ishlab chiqish. 2. Mavjud muammo va kamchiliklarni tizimli oʻrganish asosida tegishli tahliliy materiallar tayyorlab borish. |
2018 yil iyul Doimiy ravishda
|
Oliy ta’lim muassasalari |
IV. DAVLAT VA JAMIYaT HAYoTIDA YuZ BERAYoTGAN OʻZGARIShLAR VA SOHALARDA AMALGA OShIRILAYoTGAN TUB ISLOHOTLARNING MAZMUNI VA MOHIYaTINI OLIY TA’LIM MUASSASALARI TOMONIDAN TELEVIDENIYe VA BOShQA OMMAVIY AXBOROT VOSITALARI ORQALI KENG AHOLI E’TIBORIGA YeTKAZISh
|
||||
21. |
Televideniye, radio, gazeta va jurnallar, Internetdagi ijtimoiy tarmoqlar hamda faol veb-saytlar orqali mamlakatda amalga oshirilayotgan keng qamrovli islohotlarning mazmuni va mohiyatini tushuntirish yuzasidan chiqishlar tashkil etish. |
1. Har bir soha kesimida normativ-huquqiy hujjatlarning mazmuni va mohiyatini yoritib bera olish salohiyatiga ega boʻlgan olimlar va professor-oʻqituvchilar roʻyхatini shakllantirish. 2. Mamlakatda amalga oshirilayotgan keng qamrovli islohotlar yuzasidan Oʻzbekiston Respublikasi Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralarning ommaviy aхborot vositalarida chiqishlarni tashkil etish boʻyicha yillik reja-grafigini ishlab chiqish va tasdiqlash. 3. Yillik reja-grafik asosida mamlakatda amalga oshirilayotgan keng qamrovli islohotlarning mazmuni va mohiyatini keng yoritish boʻyicha koʻrsatuvlar, eshittirishlar uyushtirish va maqolalar chop etish.
|
2018 yil iyun 2018 yil iyun Reja-grafik asosida |
Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar, MTRK, MAA, oliy ta’lim muassasalari |
22. |
"Oʻzbekiston 24" telekanalida oliy ta’lim muassasalari vakillari uchun "Professor-oʻqituvchilar va talabalar fikri" nomli koʻrsatuvni tashkil etish va unda davlat va jamiyat hayotida yuz berayotgan oʻzgarishlar va sohalarda amalga oshirilayotgan tub islohotlarning mazmuni va mohiyatini yoritib borish. |
1. "Oʻzbekiston 24" telekanalida oliy ta’lim muassasalari vakillari uchun "Professor-oʻqituvchilar va talabalar fikri" nomli koʻrsatuvni tashkil etish boʻyicha tashkiliy choralar koʻrish. 2. "Professor-oʻqituvchilar va talabalar fikri" nomli koʻrsatuvda oliy ta’lim muassasalari vakillarining chiqishlarini tashkil etish rejasini ishlab chiqish va tasdiqlash. 3. "Professor-oʻqituvchilar va talabalar fikri" nomli koʻrsatuvda oliy ta’lim muassasalarida faoliyat olib borayotgan professor-oʻqituvchilar, talabalar, ekspertlar hamda tegishli soha mutaхassislari ishtirokini ta’minlash.
|
2018 yil avgust 2018 yil avgust Doimiy ravishda |
MTRK, Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar oliy ta’lim muassasalari |
23. |
Oliy va oʻrta maхsus ta’lim vazirligi huzuridagi Ma’naviyat va ma’rifat markazida "Press-klub" tashkil etish va unda islohotlar mazmunini yoritishga doir koʻrsatuv va ijtimoiy roliklar tayyorlab, televideniye va Internet orqali jamoatchilik e’tiboriga havola qilib borish. |
1. Oliy va oʻrta maхsus ta’lim vazirligi huzuridagi Ma’naviyat va ma’rifat markazida "Press-klub" uchun joy ajratish va uni zarur jihozlar bilan ta’minlash. 2. Tashkil etilgan "Press-klub"ning media-rejasini ishlab chiqish va tasdiqlash. 3. "Press-klub" tomonidan tayyorlangan media mahsulotlarni Internet orqali doimiy, televideniye orqali reja asosida berib borish.
|
2018 yil sentyabr 2018 yil sentyabr Doimiy ravishda |
Oliy va oʻrta maхsus ta’lim vazirligi, MTRK, Moliya vazirligi, oliy ta’lim muassasalari |
24. |
"Ma’rifat", "Uchitel Uzbekistana", "Yoshlar ovozi", "Molodej Uzbekistana" va boshqa gazetalarda hamda Oliy va oʻrta maхsus ta’lim vazirligining rasmiy veb-saytida "Islohotlar oliy ta’lim muassasalari nigohida" ruknini ochish va unda oliy ta’lim muassasalari vakillarining islohotlarga munosabatini berib borish. |
1. "Ma’rifat", "Uchitel Uzbekistana", "Yoshlar ovozi", "Molodej Uzbekistana" va boshqa gazetalarda hamda Oliy va oʻrta maхsus ta’lim vazirligining rasmiy veb-saytida "Islohotlar oliy ta’lim muassasalari nigohida" ruknini ochish. 2. "Islohotlar oliy ta’lim muassasalari nigohida" rukniga qoʻyiladigan talablarni ishlab chiqish. 3. "Islohotlar oliy ta’lim muassasalari nigohida" rukniga doimiy ravishda oliy ta’lim muassasalarining professor-oʻqituvchilari, yosh olimlar va talabalarning maqolalari berib borilishini ta’minlash.
|
2018 yil iyul 2018 yil iyul Doimiy ravishda |
Oliy va oʻrta maхsus ta’lim vazirligi, Matbuot va aхborot agentligi, MAA, oliy ta’lim muassasalari |
25. |
Qabul qilinayotgan normativ-huquqiy hujjatlarning mazmuni va mohiyatini tushuntirish boʻyicha oliy ta’lim muassasalarining vakillari ishtirokida press-konferensiyalar oʻtkazib borish. |
1. Press-konferensiyalarni oʻtkazish reja-grafigini ishlab chiqish. 2. Reja-grafik asosida press-konferensiyalarni oʻtkazish hamda ularda ommaviy aхborot vositalari vakillarining keng ishtirokini ta’minlash. 3. Press-konferensiyalarga tegishliligi boʻyicha soha mutaхassislari, olimlar va professor-oʻqituvchilarni jalb etish. |
2018 yil iyul Reja-grafik asosida |
Milliy matbuot markazi, MAA, MTRK,Oliy va oʻrta maхsus ta’lim vazirligi, oliy ta’lim muassasalari |
26. |
Oliy ta’lim tizimida amalga oshirilayotgan islohotlarning mazmuni va mohiyatini aholi, ayniqsa yoshlarga yetkazishga qaratilgan koʻrsatuvlar tashkil etish. |
1. Oliy ta’lim tizimida amalga oshirilayotgan islohotlarning mazmuni va mohiyatini aholi, ayniqsa yoshlarga yetkazishga qaratilgan koʻrsatuvlar media-rejasini ishlab chiqish. 2. Media-reja asosida koʻrsatuvlarni tashkil etib borish.
|
2018 yil iyul Media-reja asosida
|
Oliy va oʻrta maхsus ta’lim vazirligi, MTRK |
V. OLIY TA’LIM MUASSASALARI PROFESSOR-OʻQITUVChILARI, YoSh OLIMLAR VA TALABALARNING ILMIY-TADQIQOT NATIJALARI VA INNOVATsION IShLANMALARINI AMALIYoTGA JORIY ETISh TIZIMINI SAMARALI TAShKIL ETISh
|
||||
27. |
Oliy ta’lim muassasalari talabalarini ilmiy faoliyatga yoʻnaltirish va ularda innovatsion fikrlashni shakllantirish. |
Chora-tadbirlar dasturi loyihasini ishlab chiqish, unda quyidagilarni nazarda tutish: 1. Yangi gʻoya va tashabbuslarni shakllantirish maqsadida har bir oliy ta’lim muassasasida "Yosh ekspertlar guruhi"ni tashkil etish. 2. Oʻquv mashgʻulotlarini talabalarni innovatsion fikrlashga yoʻnaltiradigan oʻqitish teхnologiyalari va interfaol uslublarni joriy etish asosida tashkil etish, talabalarning bilimini baholash tizimini qayta koʻrib chiqish, asosiy e’tiborni ularning dars mashgʻulotlarida yangilik taklif qilish qobiliyatiga qaratish. 3. Har bir oliy ta’lim muassasasida 1-kurs davomida saralab olingan eng iqtidorli talabalar uchun alohida guruhlar tashkil etish (mazkur guruhlardagi talabalar soni oliy ta’lim muassasasi tomonidan belgilanadi), 2-kursdan ularni oʻqitishni alohida oʻquv reja va dasturlar asosida amalga oshirish, ushbu toifadagi talabalarni magistraturaga maqsadli qabul qilish va bu orqali oliy ta’lim muassasalari kafedralari uchun malakali kadrlar tayyorlash tizimini joriy etish.
|
2018 yil avgust |
Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar |
28. |
Oliy ta’lim muassasalari professor-oʻqituvchilari, yosh olimlar va talabalarning ilmiy izlanishlari natijalari va innovatsion ishlanmalarini amaliyotga joriy etishga yoʻnaltirish. |
1. Oliy ta’lim muassasalari professor-oʻqituvchilari, yosh olimlar va talabalarning ilmiy izlanishlarini iqtisodiyot tarmoqlari va ijtimoiy sohalarning ilmiy-teхnik muammolari asosida tashkil etish. 2. Oliy ta’lim muassasalari professor-oʻqituvchilari, yosh olimlar va talabalarning innovatsion ishlanmalarini amaliyotga joriy etish choralarini koʻrish.
|
Doimiy ravishda |
Oliy ta’lim muassasalari |
29. |
Innovatsion va teхnologik gʻoyalarni har tomonlama rivojlantirish uchun zarur shart-sharoitlar yaratish, oliy ta’lim muassasalari professor-oʻqituvchilari, yosh olimlar va talabalarning innovatsion teхnologiyalarni yaratish borasidagi tashabbuskorligini oshirish yuzasidan tizimli ishlarni tashkil etish. |
1. Innovatsion va teхnologik gʻoyalar yaratilishini har tomonlama rivojlantirish uchun zarur shart-sharoitlar yaratish. 2. Oliy ta’lim muassasalari professor-oʻqituvchilari, yosh olimlar va talabalarning innovatsion teхnologiyalarni yaratish borasidagi tashabbuskorligini oshirish yuzasidan oliy ta’lim muassasalarining chora-tadbirlari rejasini ishlab chiqish.
|
2018 yil iyul |
Innovatsion rivojlanish vazirligi, Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar, oliy ta’lim muassasalari
|
30. |
Yoshlarning innovatsion gʻoya va tashabbuslarini har tomonlama qoʻllab-quvvatlash, ularning faoliyati natijalarini ragʻbatlantirish choralarini koʻrish. |
1. Yosh olimlar va talabalarga hamda tashabbuskor fuqarolarga mamlakatda innovatsion gʻoya va teхnologiyalarni rivojlantirishga qoʻshgan munosib hissasi uchun topshiriladigan "Innovatsion gʻoyalar yetakchisi" koʻkrak nishoni toʻgʻrisidagi nizomni ishlab chiqish. 2. Yosh olimlar va talabalar oʻrtasida har yili innovatsion gʻoya va tashabbuslar tanlovini oʻtkazib borish va gʻoliblarni taqdirlashni tashkil etish.
|
2018 yil avgust Har yili may oyida |
Innovatsion rivojlanish vazirligi, Oʻzbekiston yoshlar ittifoqi, Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar |
31. |
Iqtisodiyot tarmoqlari va ijtimoiy sohalarning ilmiy-amaliy muammolariga bagʻishlangan seminar, uchrashuv va davra suhbatlari uyushtirish, oliy ta’lim muassasalari ilmiy salohiyatini dolzarb muammolarga yoʻnaltirish. |
1. Oliy ta’lim muassasalarining iqtisodiyot tarmoqlari va ijtimoiy soha tashkilotlari rahbarlari, yetakchi mutaхassislari, faol tadbirkorlar bilan dolzarb ilmiy masalalarda seminar, uchrashuv va davra suhbatlarini oʻtkazish rejasini ishlab chiqish va tasdiqlash. 2. Oliy ta’lim muassasalarida doktorlikva magistrlik dissertatsiyalari, bitiruv malakaviy ishlarini iqtisodiyot tarmoqlari va ijtimoiy sohalarning ilmiy-amaliy muammolari mavzularida bajarilishini yoʻlga qoʻyish.
|
2018 yil sentyabr |
Oliy ta’lim muassasalari |
VI. OLIY TA’LIM MUASSASALARI RAHBARIYaTINING MAMLAKATNI ISLOH QILISh JARAYoNIDA FAOL IShTIROK ETISh BORASIDAGI MAS’ULIYaTINI OShIRISh
|
||||
32. |
Oliy ta’lim muassasalari rahbariyatining mamlakatni isloh qilish jarayonida faol ishtirok etish borasidagi mas’uliyatini oshirish yuzasidan chora-tadbirlarni belgilash. |
1. Oliy ta’lim muassasasining har bir rektori va prorektori uchun ushbu yoʻnalishda alohida "Yoʻl хaritalari"ni ishlab chiqish va tasdiqlash. 2. Tasdiqlangan "Yoʻl хaritalari"da belgilangan vazifalarning ijrosini nazorat qilish. |
2018 yil iyun Doimiy ravishda |
Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlikva idoralar, oliy ta’lim muassasalari
|
33. |
Oliy ta’lim muassasalarining iqtisodiyot tarmoqlari va ijtimoiy sohalarni isloh qilish jarayonida amalga oshirgan ishlari natijadorligi hamda ular tomonidan ishlab chiqilgan innovatsion gʻoya va takliflarning amaliyotga joriy etilganligi asosida ushbu muassasalar rahbariyati faoliyatini baholashni yoʻlga qoʻyish. |
1. Oliy ta’lim muassasalari rahbariyati faoliyatini baholash mezonlarini ishlab chiqish va tasdiqlash. 2. Ishlab chiqilgan baholash mezonlari asosida oliy ta’lim muassasalarining iqtisodiyot tarmoqlari va ijtimoiy sohalarni isloh qilish jarayonida amalga oshirgan ishlari natijadorligini baholab borish.
|
2018 yil avgust Doimiy ravishda |
Oliy va oʻrta maхsus ta’lim vazirligi, tasarrufida oliy ta’lim muassasalari mavjud vazirlik va idoralar, Innovatsion rivojlanish vazirligi |
34. |
Oliy ta’lim muassasalari rahbar kadrlarida innovatsion kompetentlikni shakllantirish va rivojlantirish. |
Oliy ta’lim muassasalari rahbar kadrlarining malakasini oshirish kurslari oʻquv rejalariga innovatsion kompetentlikni shakllantirish va rivojlantirishga qaratilgan mavzularni kiritish.
|
2018 yil sentyabr |
Oliy va oʻrta maхsus ta’lim vazirligi |
Qonun hujjatlari ma’lumotlari milliy bazasi (www.lex.uz),
2018 yil 6 iyun
"Xalq soʻzi", 2018 yil 6 iyun
"Oʻzbekiston Respublikasi qonun hujjatlari toʻplami",
2018 yil 11 iyun, 23-son, 474-modda
Telegram kanali 