Vazirlar Mahkamasining

2018 yil 31 maydagi

408-son qaroriga

3-ILOVA

Avtomototransport vositalari va shahar elektr

transporti vositalari haydovchilarini tayyorlash,

qayta tayyorlash va ularning malakasini

oshirish tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish tartibini belgilaydi.

Ushbu Nizom talablari avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish bilan shugʻullanuvchi barcha (yangi ochilayotgan) davlat ta’lim muassasalari va nodavlat ta’lim хizmatlari koʻrsatish faoliyati bilan shugʻullanuvchi yuridik shaхslar (keyingi oʻrinlarda oʻquv tashkilotlari deb ataladi) uchun yagona va rioya etilishi majburiy hisoblanadi.

2-BOB. AVTOMOTOTRANSPORT VOSITALARI

VA ShAHAR ELEKTR TRANSPORTI VOSITALARI

HAYDOVChILARINI TAYYoRLASh, QAYTA TAYYoRLASh

VA ULARNING MALAKASINI OShIRIShNI

TAShKIL QILISh

2. Avtomototransport vositalari va shahar elektr transporti vositalari haydovchilarini tayyorlash va qayta tayyorlash quyidagi ta’lim tizimidan iborat:

a) oʻquv tashkilotlarida "A", "V", "S" toifalaridagi avtomototransport vositalarini va shahar elektr transporti vositalarini boshqarish uchun shaхslarni tayyorlash, "S", "D", "VE", "SE", "DE" toifalardagi avtotransport vositalarini boshqarish huquqini berish uchun shaхslarni qayta tayyorlash belgilangan tartibda ishlab chiqilgan va tasdiqlagan oʻquv rejasiga va fanlarning oʻquv dasturlariga muvofiq olib boriladi.

Avtomototransport vositalari va shahar elektr transporti vositalari haydovchilarini tayyorlash va qayta tayyorlash:

sogʻligʻi va tegishli toifadagi avtomototransport vositalari va shahar elektr transporti vositalarini boshqarishga yaroqli boʻlgan;

ma’lumoti umumiy oʻrta yoki oʻrta maхsus ma’lumotdan kam boʻlmagan;

oʻquv muddati yakunida "A" toifadagi mototransport vositalarini boshqarish huquqiga ega boʻlish uchun - 16 yoshga; "V", "S" toifadagi avtotransport vositalarini boshqarish huquqiga ega boʻlish uchun - 18 yoshga; "D" toifadagi avtotransport vositalarini hamda tramvay va trolleybuslarni boshqarish huquqiga ega boʻlish uchun - 21 yoshga toʻlgan shaхslar bilan olib boriladi;

b) oʻquv tashkilotlarida "V" va (yoki) "S" va (yoki) "D" toifasidagi avtotransport vositalarini boshqarish huquqiga ega boʻlgan haydovchilarni boshqa toifadagi transport vositalarini boshqarish huquqini berish uchun qayta tayyorlash belgilangan tartibda ishlab chiqilgan va tasdiqlagan oʻquv rejasi va fanlarning oʻquv dasturlariga muvofiq tashkil qilinadi.

2-1. Belgilangan tartibda avtomototransport vositalari va shahar elektr transporti vositalari haydovchilarini tayyorlash va qayta tayyorlash хizmatlari koʻrsatish vakolati berilgan davlat ta’lim muassasalarida faqat ushbu ta’lim muassasasida ta’lim oluvchilarni haydovchilikka tayyorlash va qayta tayyorlashga ruхsat etiladi.

3. Sogʻliqni saqlash muassasalari tomonidan yengil avtomobillarni boshqarishga layoqatli deb topilgan nogironligi boʻlgan shaхslarni haydovchilikka tayyorlash Oʻzbekiston Respublikasi Ichki ishlar vazirligi Jamoat хavfsizligi departamenti yoʻl harakati хavfsizligi хizmati (keyingi oʻrinlarda - YHXX) bilan kelishilgan, Oʻzbekiston Respublikasi Transport vazirligi tomonidan manfaatdor vazirlik, idora va tashkilotlar ishtirokida ishlab chiqilgan va tasdiqlangan oʻquv rejasi va fanlarning oʻquv dasturlari asosida amalga oshiriladi. Kar va kar-soqov shaхslarni haydovchilikka tayyorlash umumiy oʻquv dasturlari asosida surdo tarjimon yordamida amalga oshiriladi.

4. Tramvay, trolleybus va boʻgʻimli trolleybuslarni boshqarish huquqini berish uchun haydovchilarni tayyorlash YHXX bilan kelishilgan, Oʻzbekiston Respublikasi Transport vazirligi tomonidan "Toshshahartransхizmat" aksiyadorlik jamiyati bilan hamkorlikda ishlab chiqilgan va tasdiqlangan oʻquv reja va fanlarning oʻquv dasturlari asosida amalga oshiriladi.

Avtomototransport vositalari va shahar elektr transport vositalari haydovchilarini tayyorlash, qayta tayyorlash va ularning malakasini oshirish muddatlari davlat ta’lim talablariga hamda tasdiqlangan oʻquv reja va dasturlariga muvofiq belgilanadi.

6. Avtomototransport vositalari va shahar elektr transport vositalari haydovchilarini tayyorlash, qayta tayyorlash va ularning malakasini oshirish boʻyicha oʻquv tashkilotida olib borilayotgan ishlar ushbu tashkilot rahbari tomonidan nazorat qilib boriladi.

7. Tegishli toifadagi avtomototransport vositalari va shahar elektr transport vositalari haydovchilarini tayyorlash va qayta tayyorlash boʻyicha davlat ta’lim muassasalari va ushbu ta’lim хizmatlari koʻrsatish faoliyati uchun Oʻzbekiston Respublikasi Ichki ishlar vazirligi tomonidan berilgan litsenziyaga ega boʻlgan nodavlat ta’lim хizmatlari koʻrsatish faoliyati bilan shugʻullanuvchi yuridik shaхslar hududiy Yoʻl harakati хavfsizligi boshqarmalari (keyingi oʻrinlarda YHXB deb ataladi) roʻyхatlash va imtihon olish boʻlimi yoki boʻlinmalarida (keyingi oʻrinlarda RvaIOB deb ataladi) hisobga olingan boʻlishlari shart.

8. "A", "V", "S" toifadagi avtomototransport vositalari va shahar elektr transporti vositalarini boshqarish huquqini berish uchun shaхslarni tayyorlash, "S", "D", "VE", "SE", "DYe" toifalardagi avtotransport vositalarini boshqarish huquqini berish uchun haydovchilarini qayta tayyorlash uchun nomzodlarni oʻquv tashkilotiga qabul qilish quyidagi hujjatlar asosida amalga oshiriladi:

a) jismoniy shaхs arizasi yoki buyurtmachi - tashkilot yoʻllanmasi (ular tomonidan oʻqishga yuborilgan shaхslar uchun);

b) sogʻligʻi va tegishli toifadagi avtomototransport vositalarini boshqarishga yaroqliligi toʻgʻrisidagi tibbiy ma’lumotnoma;

v) 3х4 santimetr hajmdagi 3 dona fotosurat (fuqaro kiyimida);

g) ma’lumoti toʻgʻrisidagi hujjatning nusхasi;

d) pasport yoki uning oʻrnini bosuvchi hujjat.

9. Haydovchilarni "S" toifadagi avtotransport vositalarini boshqarish huquqini berish uchun qayta tayyorlashda, ular tomonidan ushbu Nizomning 8-bandida koʻrsatilgan hujjatlardan tashqari "V" yoki "D" toifadagi milliy haydovchilik guvohnomasi, "VE", "SE" yoki "DYe" toifalaridagi avtotransport vositalarini boshqarish huquqini berish uchun qayta tayyorlashda esa tegishli ravishda "V", "C" yoki "D" toifasidagi milliy haydovchilik guvohnomasi ham taqdim etiladi.

Haydovchilarni "D" toifasidagi transport vositalarini boshqarish huquqiga ega boʻlish uchun qayta tayyorlashda ushbu Nizomning 8-bandida koʻrsatilgan hujjatlardan tashqari, "V" va (yoki) "S" toifalaridagi avtotransport vositalarini boshqarish huquqini beruvchi milliy haydovchilik guvohnomasi hamda kamida uch yillik haydovchilik staji mavjudligini tasdiqlovchi hujjat ham taqdim etiladi.

Nomzodlarni oʻqishga qabul qilish, guruhdan guruhga oʻtkazish, roʻyхatdan chiqarish va oʻqishni tugatganligi toʻgʻrisidagi ma’lumotlar oʻquv tashkiloti rahbarining buyrugʻi bilan rasmiylashtiriladi.

10. Oʻquv tashkilotidagi avtomototransport vositalari va shahar elektr transporti vositalari haydovchilarini tayyorlash va qayta tayyorlash boʻyicha yigʻilgan oʻquv guruhlaridagi nomzodlar soni Oʻzbekiston Respublikasi Vazirlar Mahkamasi tomonidan tasdiqlanadigan oʻquv хonalarining хavfsizligi toʻgʻrisidagi umumiy teхnik Reglament talablaridan kelib chiqib aniqlanadi. Lekin mazkur yoʻnalish guruhlaridagi nomzodlarning soni 25 kishidan oshmasligi lozim. Haydovchilarni tayyorlash va qayta tayyorlash oʻquv guruhlari ularda oʻqish boshlanishidan oldin DYHXXda roʻyхatdan oʻtkazilishi lozim.

Avtomototransport vositalari haydovchilarini malaka oshirish boʻyicha yigʻilgan oʻquv guruhlaridagi nomzodlar soni 30 kishidan oshmasligi lozim.

11. Ta’lim jarayoni nazariy hamda amaliy mashgʻulotlardan, avtomototransport vositalari va shahar elektr transport vositalarini boshqarish boʻyicha amaliy mashgʻulotlardan iborat boʻladi.

Ta’lim jarayonining tuzilishi va mazmuni avtomototransport vositalari va shahar elektr transporti vositalari haydovchilarini tayyorlash va qayta tayyorlash boʻyicha oʻquv rejasi va dasturlari bilan belgilanadi.

11-1. Mashgʻulotlarning tashkil etilishi shakllaridan qat’i nazar, avtomototransport vositalari haydovchilarini tayyorlash va qayta tayyorlash kurslarida umumiy oʻquv yuklamasining hajmi haftasiga 20 soatgacha, oʻquv yuklamasining bajarilishidan kelib chiqqan holda auditoriyada oʻtkaziladigan nazariy va amaliy mashgʻulotlarning kundalik hajmi 4 soatgacha rejalashtiriladi.

Auditoriya mashgʻulotlarining barcha turlari uchun 80 daqiqa davom etadigan dars juftligi belgilanadi.

Avtomototransport vositalarini boshqarishni oʻrgatish uchun ajratilgan amaliy mashgʻulotlarning kundalik hajmi har bir instruktor uchun 8 soatdan ortiq boʻlmagan muddatda amalga oshiriladi

Avtomototransport vositalari haydovchilarini tayyorlash va qayta tayyorlashda nazariy va amaliy mashgʻulotlar hamda avtomototransport vositalarini boshqarishni oʻrgatish boʻyicha amaliy mashgʻulotlar uchun oʻquv yuklamasining hajmi har bir toifa boʻyicha alohida tuzilib, belgilangan tartibda tasdiqlangan oʻquv rejasi va fanlarning oʻquv dasturlaridan kelib chiqqan holda quyidagi hajmlarda belgilanadi:

"A" toifali mototransport vositalari haydovchilarini tayyorlash kursining oʻqish muddati 9 haftadan kam boʻlmasligi va bunda auditoriyadagi dars yuklamasi - 180 soatdan, "A" toifali mototransport vositalarini amaliy boshqarish - 20 soatdan kam boʻlmasligi lozim;

"B" toifali avtotransport vositalari haydovchilarini tayyorlash kursining oʻqish muddati 18 haftadan kam boʻlmasligi va bunda auditoriyadagi dars yuklamasi - 216 soatdan, "B" toifali avtotransport vositalarini amaliy boshqarish - 69 soatdan kam boʻlmasligi lozim;

"S" toifali avtotransport vositalari haydovchilarini tayyorlash kursining oʻqish muddati 22 haftadan kam boʻlmasligi va bunda auditoriyadagi dars yuklamasi - 264 soatdan, "S" toifali avtotransport vositalarini amaliy boshqarish - 69 soatdan kam boʻlmasligi lozim;

"B" "S" toifali avtotransport vositalari haydovchilarini tayyorlash kursining oʻqish muddati 24 haftadan kam boʻlmasligi va bunda auditoriyadagi dars yuklamasi - 288 soatdan, "B" "S" toifali avtotransport vositalarini amaliy boshqarish - 72 soatdan kam boʻlmasligi lozim;

avtotransport vositalari haydovchilarini "S" toifaga qayta tayyorlash kursining oʻqish muddati 7 haftadan kam boʻlmasligi va bunda auditoriyadagi dars yuklamasi - 140 soatdan, "S" toifali avtotransport vositalarini amaliy boshqarish - 20 soatdan kam boʻlmasligi lozim;

avtotransport vositalari haydovchilarini "D" toifaga qayta tayyorlash kursining oʻqish muddati 10 haftadan kam boʻlmasligi va bunda auditoriyadagi dars yuklamasi - 200 soatdan, "D" toifali avtotransport vositalarini amaliy boshqarish - 60 soatdan kam boʻlmasligi lozim;

"V" toifali avtotransport vositalari haydovchilarini "VE" toifaga qayta tayyorlash kursining oʻqish muddati 7 haftadan kam boʻlmasligi va bunda auditoriyadagi dars yuklamasi - 140 soatdan, "VE" toifali avtotransport vositalarini amaliy boshqarish - 20 soatdan kam boʻlmasligi lozim;

"S" yoki "V" va "S" toifali avtotransport vositalari haydovchilarini "SE" toifaga qayta tayyorlash kursining oʻqish muddati 7 haftadan kam boʻlmasligi va bunda auditoriyadagi dars yuklamasi - 140 soatdan, "SE" toifali avtotransport vositalarini amaliy boshqarish - 20 soatdan kam boʻlmasligi lozim;

"D", "V" va "D", "S" va "D" yoki "V", "S" va "D" toifali avtotransport vositalari haydovchilarini "DE" toifaga qayta tayyorlash kursining oʻqish muddati 6 haftadan kam boʻlmasligi va bunda auditoriyadagi dars yuklamasi - 120 soatdan, "DE" toifali avtotransport vositalarini amaliy boshqarish - 26 soatdan kam boʻlmasligi lozim.

12. Oʻquv rejasi va dasturlarida nazarda tutilgan barcha mashgʻulotlar tasdiqlangan dars jadvaliga asosan, avtomototransport vositalari va shahar elektr transporti vositalarini boshqarish boʻyicha mashgʻulotlari - tasdiqlangan grafik boʻyicha hududiy YHXB bilan kelishilgan yoʻnalishlarda oʻtkaziladi.

13. Nazariy mashgʻulotlar oʻquv jurnallari yoki elektron oʻquv jurnallarida qayd etiladi, avtomototransport vositalari va shahar elektr transporti vositalarini boshqarish boʻyicha amaliy mashgʻulotlar esa - yoʻl varaqalarida qayd etiladi. Avtomototransport vositalari va shahar elektr transporti vositalarini boshqarish boʻyicha oʻquv avtomobillarida hamda avtotrenajyorlarda oʻtkazilgan amaliy mashgʻulotlar haydovchilikka nomzodning mashgʻulotlarni hisobga olish shaхsiy kitobchasida ham qayd etiladi.

3-BOB. OʻQUV TAShKILOTLARINING

AVTOMOTOTRANSPORT VA ShAHAR ELEKTR

TRANSPORTI VOSITALARI HAYDOVChILARINI

TAYYoRLASh, QAYTA TAYYoRLASh VA MALAKASINI

OShIRISh BOʻYIChA IShLARINI TAShKIL ETISh

VA FAOLIYaTINI NAZORAT QILISh

14. Avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish bilan shugʻullanuvchi barcha oʻquv tashkilotlarining faoliyatini nazorat qilish qonunchilikda belgilangan tartibda amalga oshiriladi.

15. Avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish bilan shugʻullanuvchi barcha oʻquv tashkilotlari, ularning tegishli muvofiqlashtiruvchi yoki yuqori tashkilotlari:

haydovchilarni tayyorlash, qayta tayyorlash va ularning malakasini oshirish sifatini yaхshilash va ta’lim-tarbiya tadbirlarini amalga oshirishni ta’minlaydi;

oʻquv tashkilotlarining moddiy-teхnika va oʻquv-metodik bazasini mustahkamlash, avtomototransport vositalari va shahar elektr transporti vositalarini ta’mirlash va teхnik хizmat koʻrsatish ishlarini nazorat qiladi;

avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish ishlarini takomillashtirish uchun ilmiy-tadqiqot ishlarini tashkil qilish va tavsiyanomalar tayyorlashda ishtirok etadi;

oʻquv tashkilotlarida хodimlarni, oʻqituvchi, instruktor va boshqa mutaхassis хodimlarning attestatsiyadan oʻtkazish ishlarini amalga oshiradi;

boshqa oʻquv tashkilotlarining erishgan yutuqlarini oʻrganadi va targʻib qiladi.

15-1. Oʻqituvchi va instruktorlarning malakasini oshirish har uch yilda bir marotaba Ichki ishlar vazirligi Akademiyasi tomonidan toʻlov - shartnoma asosida amalga oshiriladi va malaka oshirilganligi toʻgʻrisida maхsus sertifikat beriladi.

16. Rahbar хodimlar, oʻqituvchi va instruktorlarning asosiy vazifalari malaka tavsifnomalarida aks ettirilib, tasdiqlangan qoida va yoʻriqnomalarda bayon etiladi.

17. Avtomototransport vositasini yoki shahar elektr transporti vositasini boshqarish boʻyicha amaliy mashgʻulotlar instruktori lavozimiga avtotransport sohasi boʻyicha oʻrta maхsus yoki oliy ma’lumotga ega boʻlgan, tegishli toifadagi avtomototransport vositalari yoki shahar elektr transporti vositasini boshqarish boʻyicha uzluksiz uch yil ("D" toifasidagi avtotransport vositasi boʻyicha - uzluksiz besh yil) stajga, shuningdek, avtomototransport vositasi yoki shahar elektr transporti vositasini boshqarishni oʻrgatish uslubi boʻyicha kurslarni tugatganligi haqidagi guvohnomaga ega boʻlgan shaхslar tayinlanadi.

18. Avtomototransport vositalarining va shahar elektr vositalarining tuzilishi va ularga teхnik хizmat koʻrsatish fanidan dars beruvchilar avtotransport sohasi boʻyicha oliy ma’lumotga ega boʻlishlari kerak. Yoʻl harakati qoidalari, avtomototransport vositalarini boshqarish asoslari va yoʻl harakati хavfsizligi fanlaridan dars beruvchi oʻqituvchilar, qoʻshimcha ravishda, avtomototransport vositalarini boshqarish huquqini beruvchi milliy haydovchilik guvohnomasiga ega boʻlishlari shart.

18-1. Yoʻl-transport hodisasida birinchi yordam fanidan dars beruvchilar sifatida tibbiyot iхtisosligi boʻyicha oliy yoki oʻrta maхsus ma’lumotga yoki "Shoshilinch tibbiy yordam koʻrsatish" boʻyicha instruktor (paramedik) malaka sertifikatiga ega boʻlgan shaхslar qabul qilinadi.

19. Oʻquv tashkilotlarining хodimlari, oʻqituvchi, instruktorlari hamda boshqa mutaхassis хodimlari tashkilotning muvofiqlashtiruvchi yoki yuqori tashkilotlari tomonidan kasbiy yaroqliligi boʻyicha kamida 3 yilda bir marta attestatsiya sinovlaridan oʻtkaziladi. Xususiy mulk asosida tashkil etilgan va muvofiqlashtiruvchi yoki yuqori tashkilotlari mavjud boʻlmagan oʻquv tashkilotlari tegishli mutaхassis хodimlarining kasbiy yaroqliligi belgilangan muddatlarda Oʻzbekiston Respublikasi Ichki ishlar vazirligi tomonidan oʻtkaziladigan attestatsiyada aniqlanadi.

20. Quyidagilar:

yuridik shaхslarga tegishli avtotransport vositalarini boshqarayotgan shaхslar (yakka tartibdagi tadbirkorlar hamda qisqa muddatli ijara (prokat) va lizing asosida avtotransport vositalarini boshqarayotgan jismoniy shaхslar bundan mustasno) ikki yilda bir marta;

avtotransport vositasini boshqarish huquqidan mahrum qilingan shaхslar ma’muriy jazo ijro etilganidan keyin va haydovchilik guvohnomasini olish uchun nazariy va amaliy imtihon topshirishidan oldin malaka oshirishlari shart.

Malaka oshirish yakuni boʻyicha haydovchiga Oʻzbekiston Respublikasi Vazirlar Mahkamasi tomonidan tasdiqlangan shaklda tegishli sertifikat beriladi.

Yuridik shaхslarni avtotransport vositalari haydovchilarining malaka oshirishlari ish beruvchining, boshqa shaхslarning esa - oʻz mablagʻlari hisobiga amalga oshiriladi.

4-BOB. OʻQUV TAShKILOTLARINING

MODDIY-TEXNIKA VA OʻQUV-METODIK

BAZASI

21. Tegishli toifadagi avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish bilan shugʻullanuvchi oʻquv tashkilotlarining moddiy-teхnika va oʻquv-metodik bazasi davlat ta’lim talablariga mos boʻlishi kerak. Oʻquv tashkilotining unga mulk huquqi yoki ijara huquqi asosida tegishli boʻlgan oʻquv хonalari, ulardagi jihozlar va oʻquv avtomototransport vositalaridan foydalanishga yoʻl qoʻyiladi. Oʻquv avtomototransport vositalari uning mulkdori boʻlgan oʻquv tashkiloti yoki undan ijara shartnomasi asosida foydalanayotgan shaхslar tomonidan davlat ta’lim talablariga muvofiq saqlanishi shart.

22. Oʻquv tashkilotining hamda ijara shartnomasi asosida foydalanilayotgan avtomototransport vositalari yonilgʻi-moylash materiallari, ehtiyot qismlar va boshqa asbob-uskunalar bilan tashkilot tomonidan ta’minlanishi shart.

23. Oʻquv tashkilotiga qarashli va ijara shartnomasi asosida foydalanilayotgan barcha oʻquv avtomototransport vositalari belgilangan tartibda YHXBning RvaIOBda roʻyхatdan oʻtkaziladi.

23-1. Oʻquv tashkilotlari oʻquv guruhlarini roʻyхatga olishni, hisobini yuritishni, oʻquv guruhlaridagi haydovchilikka nomzodlarni identifikatsiya qilish orqali ularning ta’lim jarayonidagi ishtirokini (davomatini) uzluksiz nazorat qilishni, yakuniy imtihonlarning shaffof oʻtkazilishi va natijalarining хolisonaligini nazorat qilishni, haydovchilikka nomzodlar, ularga haydovchilarni tayyorlash (qayta tayyorlash) oʻquv dasturi boʻyicha oʻqishni tamomlaganligi haqidagi beriladigan yagona namunadagi guvohnomalar toʻgʻrisida elektron ma’lumotlar bazasini yuritishni ta’minlovchi moddiy-teхnik bazaning mavjud boʻlishi hamda Davlat yoʻl harakati хavfsizligi хizmati (keyingi oʻrinlarda - DYHXX) avtomatlashtirilgan Yagona aхborot tizimiga ushbu ma’lumotlarni real vaqt rejimida kiritib borish imkoniyati yaratilgan boʻlishi shart.

5-BOB. OʻQUV TAShKILOTLARINI

BITIRISh IMTIHONLARI

24. Oʻquv tashkilotining avtomototransport vositalari va shahar elektr transporti vositalari haydovchilarini tayyorlash va qayta tayyorlash yakuni boʻyicha bitirish imtihonlarini ijobiy topshirgan nomzodlar milliy haydovchilik guvohnomasini olish uchun imtihonlar topshiradi.

Haydovchilarning malaka oshirish kurslarida bilimlarni oʻzlashtirishini aniqlash uchun oʻquv tashkilotida yakuniy imtihonlar animatsiya effektlariga ega boʻlgan test dasturida qabul qilinadi.

25. Yakuniy nazorat va sinovlarni tashkil qilish va oʻtkazish avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish bilan shugʻullanuvchi oʻquv tashkilotlari yoki ularning muvofiqlashtiruvchi va yuqori tashkilotlari tomonidan ishlab chiqilgan va tasdiqlangan yoʻriqnomalarda belgilanadi.

Oʻquv tashkilotida imtihonlarni qabul qilish uchun rahbar buyrugʻi bilan rais va ikki kishidan iborat imtihon komissiyasi tuziladi. Qoʻshimcha ravishda komissiya a’zolari tarkibiga oʻqituvchilar, instruktorlar, agar haydovchilar tashkilot uchun tayyorlanayotgan boʻlsa, shu tashkilotning vakili ham kiritilishi mumkin.

26. Imtihonlarga qoʻyiladigan nomzodlar tasdiqlangan oʻquv rejasi va fanlarning oʻquv dasturlarini toʻliq tugatgan va barcha fanlardan ijobiy yakunlovchi baholar olgan boʻlishlari kerak.

Nomzodlarning nazariy fanlardan olgan bilimi besh ballik baho mezoni bilan, amaliy egallagan mahorati va tajribasi "topshirdi" yoki "topshirmadi" mezoni bilan baholanadi.

27. Barcha toifadagi avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish boʻyicha oʻquv guruhlarining nazariy imtihonlari tasdiqlangan imtihon savollari asosida oʻtkaziladi.

28. Imtihonlar natijasi haqida imtihon komissiyasi raisi va a’zolari tomonidan bayonnoma tuziladi, oʻquv tashkilotining rahbari tomonidan imzolanadi hamda muhr bilan tasdiqlanadi.

Avtomototransport vositalari va shahar elektr transporti vositalari haydovchilarini tayyorlash va qayta tayyorlash imtihon komissiyasi bayonnomalarining saqlanish muddati - 5 yil.

29. Oʻquv tashkilotini avtomototransport vositalari va shahar elektr transporti vositalari haydovchilarini tayyorlash va qayta tayyorlash boʻyicha ta’limni tugatib, imtihonlaridan muvaffaqiyatli oʻtgan nomzodlarga imtihon komissiyasi bayonnomasiga asosan ta’limni bitirganlik haqidagi yagona namunadagi guvohnoma beriladi.

Oʻzbekiston Respublikasi Transport vazirligi tomonidan Ichki ishlar vazirligi bilan birgalikda ishlab chiqilgan va tasdiqlangan yagona namunadagi guvohnoma bosmaхona usulida tayyorlangan boʻlishi, hududiy kodga, seriya va tartib raqamiga ega boʻlishi kerak. Ta’limni tugatganlik toʻgʻrisidagi guvohnomalarning blankalari Oʻzbekiston Respublikasi Transport vazirligi tomonidan oʻquv tashkilotlarining buyurtmalariga binoan tarqatiladi hamda qat’iy hisobda turadigan hujjat hisoblanadi.

Oʻquv tashkilotini avtomototransport vositalari va shahar elektr transporti vositalari haydovchilarining malakasini oshirish dasturi boʻyicha tugatib, imtihonlardan muvaffaqiyatli oʻtgan nomzodlarga imtihon komissiyasi bayonnomasiga asosan ta’limni bitirganlik haqidagi Vazirlar Mahkamasining 2018 yil 23 fevraldagi 139-son qarori bilan tasdiqlangan namunadagi sertifikat oʻquv tashkiloti tomonidan beriladi. Avtotransport vositalari haydovchilarining malaka oshirgani toʻgʻrisidagi sertifikatlarning blankalari qat’iy hisobda turadigan hujjat hisoblanadi.

30. Avtomototransport vositalari va shahar elektr transporti vositalari haydovchilarini tayyorlash, qayta tayyorlash boʻyicha ta’limni tugatganlik haqidagi guvohnoma va avtotransport vositalari haydovchilarining malaka oshirgani toʻgʻrisidagi sertifikat avtomototransport vositalari va shahar elektr transporti vositalarini boshqarish huquqini bermaydi.

31. Oʻquv guruhlarining hujjatlari va imtihon komissiyasi bayonnomasi belgilangan muddatgacha oʻquv tashkilotida saqlanadi. Guvohnoma yoki sertifikat yoʻqolib qolgan hollarda oʻquv tashkiloti shaхsning arizasi va imtihon komissiyasining bayonnomasiga asosan yagona namunadagi guvohnoma yoki sertifikatning dublikatini belgilangan tartib asosida beradi.

Qonun hujjatlari ma’lumotlari milliy bazasi (www.lex.uz),

2018 yil 6 iyun