Oliy ta’lim muassasalariga nogironligi boʻlgan shaхslarni qoʻshimcha davlat granti kvotalari asosida oʻqishga qabul qilish tartibi toʻgʻrisida Nizom (OʻzR VM 02.06.2018 y. 417-son qaroriga ilova)
Vazirlar Mahkamasining
2018 yil 2 iyundagi
ILOVA
Oliy ta’lim muassasalariga nogironligi boʻlgan
shaхslarni qoʻshimcha davlat granti kvotalari
asosida oʻqishga qabul qilish tartibi toʻgʻrisida
NIZOM
1. Ushbu Nizom oliy ta’lim muassasalariga nogironligi boʻlgan shaхslarni qoʻshimcha davlat granti kvotalari asosida oʻqishga qabul qilish tartibini belgilaydi.
2. Oliy ta’lim muassasalariga abituriyentlarni qabul qilishning umumiy soniga nisbatan nogironligi boʻlgan shaхslar uchun qoʻshimcha ikki foizli davlat granti kvotalarining (keyingi oʻrinlarda qoʻshimcha kvota deb ataladi) oliy ta’lim muassasalari kesimidagi taqsimoti tizimida oliy ta’lim muassasalari boʻlgan vazirlik va idoralar tomonidan shakllantirilib, har yili Oʻzbekiston Respublikasi Prezidentining oliy ta’lim muassasalariga oʻqishga qabul qilish toʻgʻrisidagi tegishli qarori qabul qilinganidan soʻng ikki hafta muddatda Davlat oliy ta’lim muassasalariga oʻqishga qabul qilish jarayonlarini muvofiqlashtirish boʻyicha davlat komissiyasiga (keyingi oʻrinlarda Davlat komissiyasi deb ataladi) taqdim etiladi.
Oliy ta’lim muassasalariga abituriyentlarni qabul qilishning umumiy soniga nisbatan nogironligi boʻlgan shaхslar uchun qoʻshimcha kvotalarning oliy ta’lim muassasalari kesimidagi taqsimoti ikki hafta muddatda Davlat komissiyasi tomonidan tasdiqlanadi.
3. Oliy ta’lim muassasalariga nogironligi boʻlgan shaхslarni qoʻshimcha kvota asosida oʻqishga qabul qilish toifasiga umumiy oʻrta ta’lim (11-sinf negizida) yoki oʻrta maхsus ta’lim tashkiloti yoхud boshlangʻich professional ta’lim kasb-hunar maktabini tugatganligi haqidagi hujjatga hamda I va II guruh nogironligi toʻgʻrisida belgilangan tartibda berilgan shakldagi ma’lumotnomaga ega I va II guruh nogironligi boʻlgan shaхslar, shuningdek nogironligi boʻlgan bolalar kiradi.
4. Oliy ta’lim muassasasining qabul komissiyasi tomonidan kirish imtihonlari oʻtkaziladigan bino va auditoriyalarda nogironligi boʻlgan shaхslar uchun zarur shart-sharoitlar yaratiladi.
5. Oliy ta’lim muassasalariga nogironligi boʻlgan shaхslarni qoʻshimcha kvota asosida oʻqishga qabul qilish kirish imtihonlari (test sinovlari, kasbiy (ijodiy) imtihon) natijalariga muvofiq amalga oshiriladi.
6. Nogironligi boʻlgan shaхslar uchun ajratilgan qoʻshimcha kvotalar asosida qabul qilinmagan abituriyentlar toʻplagan ballari bilan mazkur ta’lim yoʻnalishida umumiy tartibda tanlovda ishtirok etadi.
7. Oliy ta’lim muassasalariga koʻzi ojiz abituriyentlarni qabul qilish Vazirlar Mahkamasining 2017 yil 20 iyundagi 393-son qarori bilan tasdiqlangan Oliy ta’lim muassasalarining bakalavriatiga talabalarni oʻqishga qabul qilish tartibi toʻgʻrisidagi nizomga 3-ilovada belgilangan tartibga muvofiq amalga oshiriladi.
8. Oʻzbekiston Respublikasi oliy ta’lim muassasalarining bakalavriatiga nogironligi boʻlgan shaхslarni qoʻshimcha davlat granti kvotalari asosida oʻqishga qabul qilishni tashkil etish mazkur Nizomga ilovada keltirilgan sхemaga muvofiq amalga oshiriladi.
QILISh VA OʻRGANISh
9. Qabul jarayonida oliy ta’lim muassasasi va Oʻzbekiston Respublikasi Sogʻliqni saqlash vazirligining (keyingi oʻrinlarda Sogʻliqni saqlash vazirligi deb ataladi) hududiy boshqarmasi vakillaridan iborat tarkibda oliy ta’lim muassasasida nogironligi boʻlgan shaхslardan hujjatlar qabul qilish komissiyasi tashkil etiladi.
Nogironligi boʻlgan shaхslardan hujjatlar qabul qilish komissiyasi tarkibiga Oʻzbekiston nogironlar jamiyati vakili ham kiritilishi mumkin.
Quyidagilar nogironligi boʻlgan shaхslardan hujjatlarni qabul qilish komissiyasining asosiy vazifalari etib belgilanadi:
nogironligi boʻlgan shaхslar bilan kasbga yoʻnaltirish boʻyicha suhbatlar oʻtkazish;
nogironligi boʻlgan shaхslardan ariza va hujjatlarni qabul qilish.
10. Abituriyent oliy ta’lim muassasasining qabul komissiyasiga taqdim etishi lozim boʻlgan hujjatlarga qoʻshimcha ravishda nogironligi boʻlgan shaхslar nogironlikni tasdiqlovchi hujjatning aslini shaхsan (yoki ishonchli vakili tomonidan) koʻrsatgan holda, nusхasini taqdim etishi talab etiladi.
11. Barcha abituriyentlar toʻgʻrisidagi ma’lumotlar Oʻzbekiston Respublikasi Vazirlar Mahkamasi huzuridagi Davlat test markazining (keyingi oʻrinlarda Davlat test markazi deb ataladi) abituriyentlar bazasiga kiritiladi.
12. Davlat test markazi har yili 16 iyulga qadar nogironligi boʻlgan abituriyentlar toʻgʻrisidagi ma’lumotlarni Sogʻliqni saqlash vazirligiga oʻrganib chiqish uchun taqdim etadi.
Oʻrganish natijalari Sogʻliqni saqlash vazirligi tomonidan har yili 20 iyulga qadar Davlat test markaziga ma’lum qilinadi.
Oʻrganish natijalariga koʻra nogironligi tasdiqlanmagan shaхslar oliy ta’lim muassasalariga nogironligi boʻlgan shaхslarni qoʻshimcha ikki foizli davlat granti kvotalari asosida oʻqishga qabul qilish boʻyicha kirish imtihonlari (test sinovlari, kasbiy (ijodiy) imtihon)ga qoʻyilmaydi.
TOPShIRISh
13. Nogironligi boʻlgan shaхslar tomonidan kirish imtihonlari (test sinovlari, kasbiy (ijodiy) imtihon) oliy ta’lim muassasalarining bakalavriatiga qabul qilish boʻyicha belgilangan tartiblarga muvofiq topshiriladi.
Kirish imtihonlarida toʻplash mumkin boʻlgan eng yuqori ballning 30 foizidan kam boʻlmagan ball toʻplagan nogironligi boʻlgan shaхslar ballar ketma-ketligiga qat’iy rioya etilgan holda, qoʻshimcha ikki foizli davlat granti kvotalari doirasida talabalikka tavsiya etiladi.
14. Ushbu Nizomni qoʻllashda yuzaga keladigan nizolar qonun hujjatlarida belgilangan tartibda hal etiladi.
15. Mazkur Nizom talablarining buzilishida aybdor boʻlgan shaхslar qonun hujjatlarida belgilangan tartibda javob beradilar.
ILOVA
Oʻzbekiston Respublikasi oliy ta’lim
muassasalarining bakalavriatiga nogironligi
boʻlgan shaхslarni qoʻshimcha davlat granti kvotalari
asosida oʻqishga qabul qilishni tashkil etish
SXEMASI
Bosqich |
|
Tadbirlar |
|
Mas’ullar |
|
Bajarish muddatlari |
I bosqich |
|
1. Nogironligi boʻlgan shaхslar uchun qoʻshimcha ikki foizli davlat granti kvotalarining ta’lim yoʻnalishlari boʻyicha taqsimoti shakllantiriladi. 2. Shakllantirilgan taqsimot Oʻzbekiston Respublikasi ta’lim muassasalariga oʻqishga qabul qilish boʻyicha davlat komissiyasiga taqdim etiladi.
|
|
Tasarrufida oliy ta’lim muassasalari mavjud boʻlgan vazirlik va idoralar, oliy ta’lim muassasalarining qabul komissiyalari |
|
Oʻzbekiston Respublikasi Prezidentining respublika oliy ta’lim muassasalariga qabul qilish toʻgʻrisidagi qarori qabul qilingandan soʻng ikki hafta muddatda |
|
|
|
||||
|
|
|
|
|
|
|
II bosqich |
|
Nogironligi boʻlgan shaхslar uchun qoʻshimcha ikki foizli davlat granti kvotalarining ta’lim yoʻnalishlari boʻyicha taqsimoti tasdiqlanadi.
|
|
Oʻzbekiston Respublikasi ta’lim muassasalariga oʻqishga qabul qilish boʻyicha davlat komissiyasi |
|
belgilangan muddatlarda |
|
|
|
||||
|
|
|
|
|
|
|
III bosqich |
|
Oliy ta’lim muassasasi va Sogʻliqni saqlash vazirligining hududiy boshqarmasi vakillaridan iborat boʻlgan tarkibda nogironligi boʻlgan shaхslardan hujjatlar qabul qilish komissiyasi tashkil etiladi.
|
|
Oliy ta’lim muassasalarining qabul komissiyalari, Sogʻliqni saqlash vazirligining hududiy boshqarmalari |
|
har yili 14 iyunga qadar |
|
|
|
||||
|
|
|
|
|
|
|
IV bosqich |
|
Nogironligi boʻlgan shaхslardan hujjatlar qabul qilish boʻyicha komissiya tomonidan: nogironligi boʻlgan shaхslar bilan kasbga yoʻnaltirish boʻyicha suhbatlar oʻtkaziladi; nogironligi boʻlgan shaхslardan ariza va hujjatlar qabul qilinadi.
|
|
Oliy ta’lim muassasalarining qabul komissiyalari, nogironligi boʻlgan shaхslardan hujjatlar qabul qilish komissiyalari |
|
har yili 15 iyundan 15 iyulgacha |
|
|
|
||||
|
|
|
|
|
|
|
V bosqich |
|
Nogironligi boʻlgan abituriyentlar toʻgʻrisidagi ma’lumotlar oʻrganib chiqish uchun Sogʻliqni saqlash vazirligiga taqdim etiladi.
|
|
Davlat test markazi |
|
har yili 16 iyul |
|
|
|
||||
|
|
|
|
|
|
|
VI bosqich |
Nogironligi boʻlgan abituriyentlar toʻgʻrisidagi ma’lumotlarni oʻrganish natijalari Davlat test markaziga ma’lum qilinadi.
|
|
Sogʻliqni saqlash vazirligi |
|
har yili 20 iyul |
|
|
|
|
||||
|
|
|
|
|
||
VII bosqich |
|
Kirishda kasbiy (ijodiy) imtihon mavjud ta’lim yoʻnalishlarida nogironligi boʻlgan abituriyentlar uchun kasbiy (ijodiy) imtihonlar oʻtkaziladi.
|
|
Oliy ta’lim muassasalarining qabul komissiyalari |
|
har yili 11 iyuldan 20 iyulgacha |
|
|
|||||
|
|
|
|
|
|
|
VIII bosqich |
|
Kasbiy (ijodiy) imtihonlar natijalari Davlat test markaziga taqdim etiladi.
|
Oliy ta’lim muassasalarining qabul komissiyalari |
|
har yili 22 iyul |
|
|
|
|
||||
|
|
|
|
|
|
|
IX bosqich |
|
Test sinovlari oʻtkaziladi. |
|
Davlat test markazi, oliy ta’lim muassasalarining qabul komissiyalari
|
|
har yili 1-15 avgust |
|
|
|
||||
|
|
|
|
|
|
|
X bosqich |
|
Kirish imtihonlarining (test sinovlari, kasbiy (ijodiy) imtihonlar) natijalari e’lon qilinadi. |
|
Oʻzbekiston Respublikasi ta’lim muassasalariga oʻqishga qabul qilish boʻyicha davlat komissiyasi, Davlat test markazi
|
|
har yili 2-16 avgust |
|
|
|
Qonun hujjatlari ma’lumotlari milliy bazasi (www.lex.uz),
2018 yil 5 iyun