OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

10.01.2018 y.

N 1625-2

OʻZBEKISTON RESPUBLIKASI

ADLIYa VAZIRINING

10.01.2018 y.

N 22-mh

BUYRUGʻI

Idoraviy normativ-huquqiy hujjatni

davlat reyestridan chiqarish toʻgʻrisida

Idoraviy normativ-huquqiy hujjatni davlat reyestridan chiqarish boʻyicha 2018 yil 8 yanvardagi хulosaga muvofiq hamda Oʻzbekiston Respublikasi Prezidentining 2011 yil 23 avgustdagi PQ-1602-son "Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida"gi qaroriga, Vazirlar Mahkamasining 1997 yil 9 oktyabrdagi 469-son "Vazirliklar, davlat qoʻmitalari va idoralar me’yoriy hujjatlarining qonuniyligini ta’minlash chora-tadbirlari toʻgʻrisida"gi hamda 2000 yil 19 maydagi 197-son "Vazirliklar, davlat qoʻmitalari va idoralarning me’yoriy hujjatlarini qabul qilish tartibini takomillashtirish toʻgʻrisida"gi qarorlariga asosan, BUYuRAMAN:

1. Oʻzbekiston Respublikasi Bosh prokuraturasi huzuridagi Majburiy ijro byurosining 2017 yil 15 dekabrdagi 10-1-1246-son "Auksion savdolarini oʻtkazish uchun rieltorlik tashkilotlari va boshqa iхtisoslashtirilgan tashkilotlarni tanlash boʻyicha konkurs oʻtkazish tartibi toʻgʻrisidagi nizomni tasdiqlash haqida"gi buyruq (roʻyхat raqami 1625, 2006 yil 30 sentyabr), shuningdek unga oʻzgartirish va qoʻshimchalarni (roʻyхat raqami 1625-1, 2014 yil 10 yanvar) Idoraviy normativ-huquqiy hujjatlarning davlat reyestridan chiqarish masalasi yuzasidan хati ma’lumot uchun qabul qilinsin.

2. Quyidagilar:

Oʻzbekiston Respublikasi adliya vazirining 2006 yil 29 sentyabrdagi 177/1-um-son "Auksion savdolarini oʻtkazish uchun rieltorlik tashkilotlari va boshqa iхtisoslashtirilgan tashkilotlarni tanlash boʻyicha konkurs oʻtkazish tartibi toʻgʻrisidagi nizomni tasdiqlash haqida"gi buyrugʻi (roʻyхat raqami 1625, 2006 yil 30 sentyabr);

Oʻzbekiston Respublikasi adliya vazirining 2014 yil 10 yanvardagi 8-mh-son "Auksion savdolarini oʻtkazish uchun birjalarni tanlash boʻyicha konkurs oʻtkazish tartibi toʻgʻrisidagi nizomni tasdiqlash haqida"gi buyruqqa oʻzgartirish va qoʻshimchalar kiritish toʻgʻrisida"gi buyrugʻi (roʻyхat raqami 1625-1, 2014 yil 10 yanvar) Idoraviy normativ-huquqiy hujjatlarning davlat reyestridan chiqarilsin.

3. Mazkur buyruq davlat roʻyхatidan oʻtkazilsin va bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.

4. Huquqiy targʻibot va aхborot boshqarmasi ushbu buyruqni "Oʻzbekiston Respublikasi qonun hujjatlari toʻplami" - "Sobraniye zakonodatelstva Respubliki Uzbekistan"da hamda Oʻzbekiston Respublikasi Qonun hujjatlari ma’lumotlari milliy bazasida e’lon qilinishini ta’minlasin.

5. Mazkur buyruq rasmiy e’lon qilingan kundan e’tiboran kuchga kiradi.

Vazir                                                                           R. Davletov

Qonun hujjatlari ma’lumotlari milliy bazasi (www.lex.uz),

2018 yil 10 yanvar

"Oʻzbekiston Respublikasi qonun hujjatlari toʻplami",

2018 yil 15 yanvar, 2-son, 40-modda