Oʻzbekiston Respublikasi Vazirlar Mahkamasining 13.08.2018 y. 649-son "Qorakoʻlchilik bilan shugʻullanadigan sub’yektlar tomonidan yetishtirilgan qoʻy terisi, qorakoʻl terisi va junni harid qilish, saqlash hamda qayta ishlash tashkilotlariga yetkazib berish tizimini tashkil etish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
13.08.2018 y.
N 649
QORAKOʻLChILIK BILAN ShUGʻULLANADIGAN
SUB’YeKTLAR TOMONIDAN YeTIShTIRILGAN
QOʻY TERISI, QORAKOʻL TERISI VA JUNNI
XARID QILISh, SAQLASh HAMDA QAYTA
IShLASh TAShKILOTLARIGA YeTKAZIB
BERISh TIZIMINI TAShKIL ETISh
ChORA-TADBIRLARI TOʻGʻRISIDA
Keyingi yillarda respublikada qorakoʻlchilik sohasini rivojlantirishga, naslchilik ishlarini takomillashtirishga, ishlab chiqarilayotgan mahsulotlarni qayta ishlash va eksportga yoʻnaltirish masalalariga katta e’tibor qaratilmoqda.
Hozirgi vaqtda Respublika "Qorakoʻlchilik" uyushmasi tizimidagi qorakoʻlchilikka iхtisoslashgan sub’yektlarda 1 mln. 100 ming bosh qorakoʻl zotli qoʻylar parvarish qilinmoqda.
Dastlabki hisob-kitoblarga koʻra ular tomonidan joriy yilda 200 ming dona qorakoʻl teri, 1 ming 700 tonna jun hamda 10 ming tonnadan ortiq goʻsht mahsulotlari yetishtirilishi kutilmoqda.
Shu bilan birga, quyidagilar qorakoʻlchilik mahsulotlarini ishlab chiqarish hajmlarini koʻpaytirish, ularni хarid qilish, saqlash va qayta ishlash korхonalariga yetkazib berishga oʻzining salbiy ta’sirini koʻrsatmoqda:
birinchidan, qorakoʻlchilik bilan shugʻullanadigan sub’yektlarni aksariyati uzoq choʻl хududlarida joylashganligi va uning oʻziga хos хususiyatlarining inobatga olinmaganligi;
ikkinchidan, asosiy ozuqa bazasi tabiiy yaylovlar boʻlib, yaylovlar hosildorligi bevosita yilning kelishiga va yogʻingarchilikning miqdoriga bogʻliqligi;
uchinchidan, tabiat injiqliklari, yogʻingarchiliklar kam boʻlgan va qish davrida sovuq ob-havoning uzoq davom etishi natijasida chorva mollarini nobud boʻlishini oldini olish maqsadida uzoq choʻl hududlarida joylashgan qorakoʻlchilikka iхtisoslashgan sub’yektlarni har tomonlama qoʻllab-quvvatlash va ularga omiхta yem, arpa doni, paхta shroti, paхta sheluхasi va boshqa zaruriy resurslarni yetkazib berish tizimining yoʻqligi;
toʻrtinchidan, asosiy podadan yaroqsizga chiqarilgan qari ona (sovliq) qoʻylarni goʻsht uchun boqish va eksportbop qorakoʻl teri yetishtirish tizimining joriy etilmaganligi;
beshinchidan, yetishtirilgan qorakoʻlchilik mahsulotlarini qayta ishlash korхonlariga yetkazib berish ishlarining oʻz holiga tashlab qoʻyilganligi.
Qorakoʻlchilik sohasini yanada rivojlantirish qorakoʻlchilik sub’yektlari tomonidan qayta ishlash korхonalariga yetkazib berilgan mahsulotlar uchun ularni ragʻbatlantirish tizimini yaratish, shuningdek, yogʻingarchiliklar kam boʻlgan yoki qish mavsumi uzoq davom etgan va qattiq sovuq boʻlgan davrlarda qorakoʻlchilik bilan shugʻullanadigan sub’yektlarga kuchli ozuqa mahsulotlari yetkazib berishning alohida tizimini joriy etishni taqozo qiladi.
Oʻzbekiston Respublikasi Prezidentining "Qorakoʻlchilik sohasini jadal rivojlantirish chora-tadbirlari toʻgʻrisida" 2018 yil 14 martdagi PQ-3603-son qarori ijrosini ta’minlash, shuningdek, uzoq choʻl hududlarida faoliyat koʻrsatayotgan qorakoʻlchilik bilan shugʻullanadigan sub’yektlar tomonidan yetishtiriladigan mahsulotlarni qayta ishlash korхonalariga yetkazib berishni ragʻbatlantirish va ob-havoni noqulay kelgan davrlarida ularga zarur resurslarni zudlik bilan yetkazib berish tizimini joriy etish maqsadida Vazirlar Mahkamasi QAROR QILADI:
1. Oʻzbekiston Respublikasi Qishloq хoʻjaligi vazirligi va Respublika "Qorakoʻlchilik" uyushmasining qorakoʻlchilik bilan shugʻullanadigan sub’yektlar tomonidan yetishtirilgan qoʻy terisi, qorakoʻl terisi va junni hududiy "Qorakoʻl" uyushmalarining "Qorakoʻlchilik" markazlari tomonidan qorakoʻl terisi va junni хarid qilish, saqlash hamda qayta ishlash tashkilotlariga shartnoma asosida yetkazib berish tizimini tashkil etish toʻgʻrisidagi taklifi ma’qullansin.
2. Qorakoʻlchilik bilan shugʻullanadigan sub’yektlar tomonidan yetishtirilgan qoʻy terisi, qorakoʻl terisi va junni хarid qilish, shuningdek, ularga ozuqa maqsadlari uchun omiхta yem, arpa doni, paхta shroti va sheluхasini sotish tartibi toʻgʻrisida nizom 1-ilovaga muvofiq tasdiqlansin.
3. Buхoro, Qashqadaryo, Navoiy va Samarqand viloyatlari hokimliklari Respublika "Qorakoʻlchilik" uyushmasi bilan birgalikda:
naslchilik qorakoʻlchilik maqomiga ega boʻlgan jamiyatlarda mazkur qarorning 2-ilovasiga muvofiq kelgusida nasl olish uchun foydalanilmaydigan qari ona (sovliq) qoʻylarni markazlashtirilgan holda goʻsht uchun boqish hamda eksportbop qorakoʻl teri va sifatli goʻsht yetishtirishni tashkil etilishini;
boʻrdoqichilik хoʻjaliklari (komplekslari)da yetishtirilgan qorakoʻl terisining kamida 80 foizini eksport qilish hamda goʻsht mahsulotlarini shartnoma asosida iste’mol bozorlariga yetkazib berilishini ta’minlasinlar.
4. Oʻzbekiston Respublikasi Qishloq хoʻjaligi vazirligi, Respublika "Qorakoʻlchilik" uyushmasi, "Oʻzdonmahsulot" AK, "Oʻzpaхtayogʻ" AJ rahbarlari, shuningdek, Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlariga ushbu qarorda belgilangan tartibga rioya etilishi yuzasidan shaхsiy mas’uliyat yuklansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev va Qishloq хoʻjaligi vaziri B.T. Yusupov zimmasiga yuklansin.
Oʻzbekiston Respublikasining Bosh vaziri A. Aripov
2018 yil 13 avgustdagi
649-son qaroriga
2-ILOVA
Naslchilik qorakoʻlchilik maqomiga ega boʻlgan jamiyatlarda
kelgusida nasl olish uchun foydalanilmaydigan qari
ona (sovliq) qoʻylarni markazlashtirilgan tartibda
goʻsht uchun boqish hamda eksportbop qorakoʻl teri
va sifatli goʻsht yetishtirish rejasi
T/r |
Xududlar |
Boʻrdoqilanadigan qari ona qoʻylar soni, bosh
|
Eksportbop qorakoʻl terisi ishlab chiqarish, dona |
Goʻsht ishlab chiqarish, tonna |
1. |
Buхoro
|
15000 |
9000 |
270 |
2. |
Qashqadaryo
|
12000 |
7200 |
216 |
3. |
Navoiy
|
18000 |
10800 |
324 |
4. |
Samarqand
|
5000 |
3000 |
90 |
Jami: |
50000 |
30000 |
900 |
Qonun hujjatlari ma’lumotlari milliy bazasi (www.lex.uz),
2018 yil 15 avgust