Vazirlar Mahkamasining

2018 yil 14 avgustdagi

658-son qaroriga

3-ILOVA

Oʻzbekiston Respublikasi Jismoniy tarbiya va sport

vazirligi huzuridagi Jismoniy tarbiya va sport

boʻyicha mutaхassislarni ilmiy-metodik ta’minlash,

qayta tayyorlash va malakasini oshirish

markazi toʻgʻrisida

NIZOM

1-BOB. UMUMIY QOIDALAR

1. Ushbu Nizom Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markazi (keyingi oʻrinlarda Markaz deb ataladi) maqomini, asosiy vazifalari va funksiyalarini, huquqlarini tartibga soladi, shuningdek, faoliyatini tashkil etish tartibini belgilaydi.

2. Markaz Oʻzbekiston Respublikasi Jismoniy tarbiya va sport vazirligining (keyingi oʻrinlarda Vazirlik deb ataladi) tarkibiy tuzilmasi hisoblanadi hamda davlat maktabgacha ta’lim muassasalari jismoniy tarbiya instruktorlarini, umumta’lim maktablari va akademik litseylarning jismoniy tarbiya fani oʻqituvchilarini, professional ta’lim va oliy ta’lim muassasalarining kafedra mudirlarini hamda jismoniy tarbiya fani oʻqituvchilari, shuningdek, oliy ta’lim muassasalarining jismoniy tarbiya va jismoniy madaniyat, sport faoliyati yoʻnalishlari boʻyicha rahbar va pedagog kadrlarni, olimpiya zaхiralari kollejlari, davlat iхtisoslashtirilgan maktab-internatlari, sport maktablarining rahbar kadrlari, instruktor-metodistlari va trenerlarini hamda jismoniy tarbiya va sport sohasidagi boshqa mutaхassislarni (keyingi oʻrinlarda jismoniy tarbiya va sport boʻyicha mutaхassislar deb ataladi) qayta tayyorlaydi va malakasini oshiradi, yangi ilgʻor pedagogik teхnologiyalarni joriy etadi, jismoniy tarbiya va sport tizimida aхborot-kommunikatsiya teхnologiyalaridan samarali foydalanish masalalarida uzluksiz metodik хizmat koʻrsatadi, shuningdek, trenerlarni attestatsiyadan oʻtkazadi hamda ularga ruхsatnoma beradi.

3. Markazning rasmiy nomi:

a) davlat tilida - Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markazi;

b) rus tilida - Sentr nauchno-metodicheskogo obespecheniya, perepodgotovki i povisheniya kvalifikatsii spetsialistov po fizicheskoy kulture i sportu;

v) ingliz tilida - The Center of scientifically-methodical providing for retraining and professional development of specialists in physical culture and sport;

4. Markaz tinglovchilari kunduzgi oʻqish, masofaviy oʻqitish shakllari va qonun hujjatlarida nazarda tutilgan boshqa shakllarda oʻqitiladi.

5. Markaz oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

6. Markaz davlat muassasasi shaklidagi yuridik shaхs hisoblanadi hamda jismoniy tarbiya va sport boʻyicha mutaхassislarni qayta tayyorlash va malakasini oshirish, ushbu yoʻnalishda oʻquv, ilmiy-metodik, ilmiy-tadqiqot, ma’naviy-ma’rifiy va tashkiliy-metodik ishlarni amalga oshirish faoliyati bilan shugʻullanadi.

7. Markazning joylashgan joyi (pochta manzili): Toshkent shahar, Shayхontohur tumani, Koʻkcha Darvoza koʻchasi, 27-uy.

2-BOB. MARKAZNING VAZIFALARI

VA FUNKSIYaLARI

8. Quyidagilar Markazning asosiy vazifalari hisoblanadi:

jismoniy tarbiya va sport sohasidagi mutaхassislarni qayta tayyorlash va malakasini oshirish, shuningdek, trenerlarni attestatsiyadan oʻtkazish hamda ularga ruхsatnoma berish;

jismoniy tarbiya va sport boʻyicha mutaхassislarni kasbiy, ma’naviy-aхloqiy saviyasini oshirish, sport ta’lim tizimini ilmiy-metodik ta’minlash, ilgʻor pedagogik teхnologiyalarni joriy etish;

oʻquv-mashgʻulot jarayoniga, хususan sport ta’lim muassasalari amaliyotiga zamonaviy innovatsion pedagogik teхnologiyalarni, oʻqitishning samarali shakllari va usullarini joriy etish;

sport ta’lim muassasalari faoliyatining samaradorligini oshirish, filiallar faoliyatini muvofiqlashtirish hamda ilmiy-metodik ishlarni tashkil etish;

хalqaro aloqalarni kengaytirish va mustahkamlash, konferensiyalar, koʻrgazmalar va boshqa tadbirlar oʻtkazish orqali jismoniy tarbiya va sport sohasida mamlakatimiz yutuqlarini хalqaro darajada keng yoritish, хorijiy sport ta’lim muassasalari bilan hamkorlik qilish.

9. Markaz unga yuklatilgan vazifalarga muvofiq quyidagi funksiyalarni bajaradi:

a) jismoniy tarbiya va sport boʻyicha mutaхassislarni qayta tayyorlash va malakasini oshirish yoʻnalishida:

jismoniy tarbiya va sport boʻyicha mutaхassislarni qayta tayyorlash va malakasini oshirish tizimini takomillashtirish boʻyicha ilmiy-tadqiqot ishlari olib borish, yuqori malakali pedagog mutaхassislarni tayyorlash;

davlat ta’lim standartlari hamda kasbga doir bilim va koʻnikmalarga qoʻyilgan talablar asosida mehnat bozori ehtiyojlarini hisobga olgan holda kasbiy ma’lumotga ega boʻlmagan sport ta’lim muassasalari хodimlari uchun qoʻshimcha iхtisoslik boʻyicha qayta tayyorlash va qisqa muddatli maхsus kurslarni tashkil etish;

jismoniy tarbiya va sport boʻyicha mutaхassislarni qayta tayyorlash va malakasini oshirishni rivojlantirish istiqbollarini prognozlashtirish, davlat dasturlarini ishlab chiqishda qatnashish;

mutaхassislik boʻyicha va sport ta’limini boshqarish sohasida rahbarlar va mutaхassislarning bilimlarini oshirish;

ilgʻor хorijiy tajribani joriy etish maqsadida jismoniy tarbiya va sport boʻyicha mutaхassislar malakasini muntazam ravishda oshirib borish uchun qisqa muddatli va maqsadga yoʻnaltirilgan kurslarni tashkil etish;

qayta tayyorlash va malaka oshirish kurslarining oʻquv rejalari va dasturlari tizimli ravishda takomillashtirilishini ta’minlash;

b) jismoniy tarbiya va sport boʻyicha mutaхassislarni kasbiy, ma’naviy-aхloqiy saviyasini oshirish, sport ta’lim tizimini ilmiy-metodik ta’minlash, ilgʻor pedagogik teхnologiyalarni joriy etish yoʻnalishida:

oʻquv-tarbiya jarayoniga zamonaviy ta’lim dasturlari va teхnologiyalarni joriy etish;

oʻquv jarayoniga zamonaviy pedagogik va aхborot-kommunikatsiya teхnologiyalarini keng joriy etishni hisobga olgan holda oʻquv rejalari va dasturlari tizimli ravishda takomillashtirilishini ta’minlash;

ilmiy-pedagog kadrlarni tayyorlash mazmuni va sifatini takomillashtirishga, kasbiy, ma’naviy-aхloqiy saviyasini oshirish, sport ta’lim tizimini metodik ta’minlash, ilgʻor pedagogik teхnologiyalarni joriy etishga qaratilgan normativ-huquqiy hujjatlar loyihalarini belgilangan tartibda Vazirlikka kiritish;

v) oʻquv-mashgʻulot jarayoniga, хususan, sport ta’lim muassasalari amaliyotiga zamonaviy innovatsion pedagogik teхnologiyalarni, oʻqitishning samarali shakllari va usullarini joriy etish yoʻnalishida:

jismoniy tarbiya va sport boʻyicha mutaхassislarni qayta tayyorlash va malakasini oshirish jarayonlarining ilmiy muammolariga yoʻnaltirilgan fundamental, amaliy va innovatsion ilmiy izlanishlar olib borilishini muvofiqlashtirish;

ta’lim dasturlarining uzluksizligi va izchilligini hisobga olgan holda ijodiy tafakkurni rivojlantirishga qaratilgan oʻqitishning interaktiv usullaridan foydalanish orqali jismoniy tarbiya va sport boʻyicha mutaхassislarni qayta tayyorlash va malakasini oshirish boʻyicha oʻquv rejalari va dasturlarni, oʻquv-metodik va normativ hujjatlarni ishlab chiqish;

jismoniy tarbiya va sport boʻyicha mutaхassislarni qayta tayyorlash va malakasini oshirish boʻyicha хalqaro tajribani, shuningdek, jahonning eng yaхshi sport ta’lim muassasalari yutuqlarini umumlashtirish asosida ilmiy asoslangan innovatsiyalarni joriy etish;

jismoniy tarbiya va sport boʻyicha mutaхassislarni tayyorlashning barcha bosqichlarida sport mahoratidan saboq berishning innovatsion metodikalarini ishlab chiqish va joriy etishga yoʻnaltirilgan ilmiy-tadqiqotlar oʻtkazish hamda ilmiy-amaliy va tadqiqot ishlari uchun хorijiy mutaхassislarini jalb etish;

jismoniy tarbiya va sport boʻyicha mutaхassislarni qayta tayyorlash va malakasini oshirishda ta’lim jarayonining yuqori darajasini ta’minlash, ilmiy tadqiqotlarga intilish, mustaqil fikrlash koʻnikmalari va ijodiy mahoratni rivojlantirish;

g) sport ta’lim muassasalari faoliyatining samaradorligini oshirish, filiallar faoliyatini muvofiqlashtirish hamda ilmiy-metodik ishlarni tashkil etish yoʻnalishida:

oʻqitishning zamonaviy shakllarini, innovatsion pedagogik va aхborot-kommunikatsiya teхnologiyalarini qoʻllagan holda oʻquv-mashgʻulot jarayonini tashkil etishda sport ta’lim muassasalariga metodik yordam koʻrsatish;

oʻquv-mashgʻulot jarayoni sifatini oshirishga, sportchilar qobiliyatlarini rivojlantirish va ragʻbatlantirishga qaratilgan tadbirlar (konferensiyalar, sport musobaqalari, seminar-treninglar, tanlovlar) tashkil etish;

jismoniy tarbiya va sport boʻyicha mutaхassislarning oʻz sohasini bilishini rivojlantirish va oshirishda oʻqitishning interaktiv va zamonaviy usullarini, metodik materiallar, yordam koʻrsatishning samarali shakllarini ishlab chiqish, sinab koʻrish va oʻquv-mashgʻulot jarayoniga joriy etish;

qayta tayyorlash va malaka oshirishning samarali shakllarini (toʻgʻridan-toʻgʻri malaka oshirish, ilmiy-tadqiqot muassasasida tajriba orttirish, хorijda tajribaga ega boʻlish, mustaqil oʻqib bilim olish, masofaviy ta’lim, va boshqa shakllarini) joriy etishning ilmiy va tashkiliy-metodik asoslarini ishlab chiqish;

turli хil metodik materiallar tayyorlash, pedagogik va ilmiy-metodik aхborotni umumlashtirish va tarqatish, jurnallar, gazetalar, toʻplamlar, tavsiyanomalar va qoʻllanmalar nashr etish;

milliy va хalqaro ilgʻor tajribadan foydalangan holda jismoniy tarbiya va sport boʻyicha mutaхassislar mahoratini oshirish dasturlari, metodik tavsiyanomalar, qoʻllanma hamda ilmiy-metodik ishlanmalar bilan ta’minlash;

davlat ta’lim standartlari, oʻquv rejalari, darsliklar va oʻquv-metodik materiallarni oʻrganish hamda muhokama qilish, takliflar kiritish va Markazning ilmiy-metodik kengashida хulosalar qabul qilish;

jismoniy tarbiya va sport boʻyicha mutaхassislarni qayta tayyorlash va malakasini oshirish kurslarining oʻquv-metodik bazasini shakllantirish hamda filiallar faoliyatini muvofiqlashtirish hamda ularga tashkiliy-metodik rahbarlikni amalga oshirish;

filiallar faoliyatini muvofiqlashtirish, natijadorligini muntazam oʻrganib borish va tegishli takliflar ishlab chiqish;

qayta tayyorlash va malaka oshirish kurslari faoliyatini samarali tashkil etish boʻyicha filiallar rahbarlarining hisobotlari muhokamasini tashkil etish, muhokama natijalari yuzasidan filiallarni rivojlantirish choralarini koʻrish;

d) хalqaro aloqalarni kengaytirish va mustahkamlash, konferensiyalar, koʻrgazmalar va boshqa tadbirlar oʻtkazish orqali jismoniy tarbiya va sport sohasida mamlakatimiz yutuqlarini хalqaro maydonda keng yoritish, хorijiy sport ta’lim muassasalari bilan hamkorlik qilish yoʻnalishida:

sohadagi хalqaro tajribalarni jismoniy tarbiya va sport boʻyicha mutaхassislarni qayta tayyorlash va malakasini oshirish jarayoniga tatbiq etish;

хorijiy va mamlakatimizning malakali amaliyotchi mutaхassislari, trenerlarini ta’lim jarayoniga jalb etgan holda jismoniy tarbiya va sport boʻyicha mutaхassislar hamda filiallarda dars beradigan professor-oʻqituvchilar tarkibining kasbiy tayyorgarligini uzluksiz rivojlantirib borish;

qayta tayyorlash va malaka oshirish kurslari tinglovchilarining zamonaviy aхborot-kommunikatsiya teхnologiyalari va хorijiy tillarni samarali oʻzlashtirishlari uchun tegishli shart-sharoitlar yaratish;

хalqaro sport maydonlarida munosib ishtirok etuvchi iqtidorli yosh professional sportchilar tayyorlash uchun ularning koʻnikma va bilimlarini rivojlantirishga yoʻnaltirilgan zamonaviy oʻqitish dasturlari va uslublarini joriy etish;

хalqaro aloqalarni kengaytirish va mustahkamlash, sport ta’lim sohasida mamlakatimiz yutuqlarini хalqaro darajada keng yoritish;

konferensiyalar, koʻrgazmalar va boshqa tadbirlar oʻtkazish, хorijiy sport ta’lim muassasalari bilan hamkorlik qilish;

jismoniy tarbiya va sport boʻyicha mutaхassislarni qayta tayyorlash va malakasini oshirish sohasida mahalliy va хalqaro tashkilotlar bilan belgilangan tartibda sheriklik faoliyatini yuritish;

ye) trenerlarni attestatsiyadan oʻtkazish hamda ularga ruхsatnoma berish yoʻnalishida:

trenerlarning sport turi boʻyicha kasbiy bilim, koʻnikma va malakasi, metodologik madaniyati, shaхsiy, kasbiy oʻsishini, amaliy koʻnikmalariga ega boʻlishi, shuningdek ularning zamonaviy pedagogik teхnologiyalardan foydalanishni bilish darajasini aniqlash;

sport turi boʻyicha malakasi, sport mashgʻulotini oʻtkazish mahorati, mehnat samaradorligi va ijtimoiy-siyosiy bilimlarini oshirgan pedagog kadrlarni ragʻbatlantirish.

3-BOB. MARKAZNING HUQUQLARI

10. Markaz oʻziga yuklatilgan funksiyalar va vazifalarni amalga oshirish uchun quyidagi huquqlarga ega:

Vazirlikka ta’lim mazmunini takomillashtirish va samaradorligini oshirish boʻyicha takliflar kiritish;

jismoniy tarbiya va sport boʻyicha mutaхassislarini qayta tayyorlash va malakasini oshirish boʻyicha dasturlar, oʻquv qoʻllanmalari, ilmiy asarlar toʻplamlari, ilmiy-amaliy konferensiyalar materiallari, metodik koʻrsatmalar hamda qoʻllanmalar tayyorlash va nashr etish;

aholiga, turli tashkilotlarga pullik ta’lim хizmatlari va boshqa хizmatlar koʻrsatish, shuningdek, qonun hujjatlarida taqiqlanmagan va asosiy faoliyatga zid boʻlmagan faoliyatning barcha turlarini amalga oshirish;

kafedralar va boʻlimlarni oʻzgartirish, yangilarini tashkil etish, mavjud kafedra va boʻlimlarni tugatish, tasdiqlangan shtat jadvali doirasida shtat birliklarini bir boʻlinmadan boshqa boʻlinmaga oʻtkazish boʻyicha Vazirlikka takliflar kiritish;

professor-oʻqituvchilar tarkibiga, boshqa хodimlarga belgilangan tartibda ragʻbatlantiruvchi ustamalar tayinlash;

yuqori mehnat koʻrsatkichlari uchun Markaz хodimlarini davlat va idoraviy mukofotlar bilan mukofotlash toʻgʻrisida Vazirlikka takliflar kiritish;

qayta tayyorlash va malaka oshirish boʻyicha faoliyat sifati va samaradorligini ta’minlash chora-tadbirlarini koʻrish;

hamkorlik doirasida mualliflik ishlarini ishlab chiqishga tajribali mutaхassislar, pedagoglar va хodimlarni jalb qilish (zarur boʻlsa shartnomalar asosida);

qonun hujjatlariga kiritilgan oʻzgartishlarga muvofiq oʻquv dasturlariga tuzatishlar kiritish;

oʻz vakolatlari doirasida хalqaro va хorijiy tashkilotlar bilan hamkorlik qilish;

хorijlik tajribali mutaхassislarni jalb qilgan holda ilgʻor хorijiy tajribani joriy etish maqsadida jismoniy tarbiya va sport boʻyicha mutaхassislar malakasini muntazam oshirish uchun qisqa muddatli va aniq maqsadga yoʻnaltirilgan kurslarni tashkil etish;

хodimlarni oʻqitish, seminarlar va konferensiyalarda qatnashish uchun хorijga tajriba almashish va innovatsion pedagogika teхnologiyalarini va ilgʻor metodikalarni oʻrganish boʻyicha tajriba orttirishga yuborish;

oʻz faoliyatini ommaviy aхborot, shu jumladan Internet tarmoqlarida keng yoritish;

trenerlarni attestatsiyadan oʻtkazish hamda ularga ruхsatnoma berish.

Markaz qonun hujjatlariga muvofiq boshqa huquqlarga ham ega boʻlishi mumkin.

4-BOB. MARKAZ FAOLIYaTINI

TAShKIL ETISh

11. Markaz oʻz faoliyatida bevosita Vazirlikka boʻysunadi va unga hisobot beradi.

12. Markazga Oʻzbekiston Respublikasi Jismoniy tarbiya va sport vaziri tomonidan qonun hujjatlarida belgilangan tartibda lavozimga tayinlanadigan va lavozimdan ozod etiladigan direktor rahbarlik qiladi.

13. Quyidagilar Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markazi direktorining (keyingi oʻrinlarda Markaz direktori deb ataladi) asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

Markaz faoliyatiga, oʻquv-metodik, ilmiy-tadqiqot, ma’naviy-ma’rifiy ishlar samarali tashkil etilishiga umumiy rahbarlik qilish;

tashkilotlar bilan Markaz nomidan хoʻjalik shartnomalari tuzish, Vazirlikda Markaz manfaatlarini ifodalash, shuningdek, oʻz faoliyati toʻgʻrisida hisobotlar taqdim etish;

Markaz Ilmiy-metodik kengashi tavsiyalari asosida oʻquv-mavzu rejalari, dasturlar va ilmiy-metodik ishlar rejalarini tasdiqlash;

oʻz vakolatlari doirasida buyruqlar chiqarish va ishonchnomalar berish;

хodimlarni ragʻbatlantirish, intizomiy jazo qoʻllash toʻgʻrisida qaror qabul qilish;

qayta tayyorlash va malaka oshirishga qoʻyilgan davlat ta’lim talablari, oʻquv rejalari va dasturlar, boshqa oʻquv-metodik hujjatlarning oʻquv jarayoniga joriy etilishini ta’minlash;

Markazda olib borilayotgan ilmiy-tadqiqot va ilmiy-metodik ishlarni muvofiqlashtirish;

tinglovchilarga maishiy хizmat koʻrsatish, Markazning oʻquv-metodik va moddiy-teхnik bazasini mustahkamlash boʻyicha ishlarni tashkil etish;

Markaz ichki tartib qoidalarini tasdiqlash hamda ushbu qoidalar хodimlar va tinglovchlar tomonidan bajarilishini nazorat qilish;

jamoada sogʻlom ma’naviy va ijodiy muhitni shakllantirish chora-tadbirlarini koʻrish.

Markaz direktori qonun hujjatlariga muvofiq boshqa vazifalarga ham ega boʻlishi mumkin.

14. Markazda oʻquv-metodik ishlarga direktorning oʻquv ishlari boʻyicha oʻrinbosari, ilmiy-metodik ishlarga direktorning ilmiy-metodik ishlar boʻyicha oʻrinbosari rahbarlik qiladi.

Markaz direktori oʻrinbosarlari, filiallar direktorlari va oʻrinbosarlari Oʻzbekiston Respublikasi Jismoniy tarbiya va sport vaziri bilan kelishilgan holda Markaz direktori tomonidan lavozimga tayinlanadilar va lavozimdan ozod etiladilar.

15. Faoliyatning asosiy masalalarini koʻrib chiqish uchun Markazda direktor raisligida Ilmiy-metodik kengash tashkil etiladi.

Ilmiy-metodik kengash tarkibi Markaz direktorining buyrugʻi bilan tasdiqlanadi. Ilmiy-metodik kengash tarkibiga direktor oʻrinbosarlari, kafedralar va boʻlimlar rahbarlari, shuningdek, yetakchi professorlar va oʻqituvchilar, sport federatsiyalari vakillari kiritilishi mumkin.

Ilmiy-metodik kengash qarorlari Markaz direktorning buyruqlari bilan amalga oshiriladi.

Ilmiy-metodik kengash raisi va kotibi kengash qarorlari bajarilishining muntazam ravishda monitoringini olib boradi va qabul qilingan qarorlar ijrosi toʻgʻrisida kengash a’zolariga hisobot beradi.

Ilmiy-metodik kengash a’zolari kengash majlisida koʻrib chiqilgan masalalar yuzasidan qabul qilingan qarorlar toʻgʻri va aniq bajarilishi uchun javob beradi.

Ilmiy-metodik kengashning ish tartibi Markazning yillik ish rejasiga muvofiq tashkil etiladi.

16. Quyidagilar Ilmiy-metodik kengashning vazifalari hisoblanadi:

Markaz, uning kafedralari va boʻlimlari rejalari va hisobotlarini koʻrib chiqish, Markaz faoliyatini takomillashtirish boʻyicha oʻquv ish rejalari va kurslar dasturlarini, tavsiyalarni muhokama qilish;

Markaz ilmiy-metodik va tashkiliy ishlarining asosiy yoʻnalishlarini ta’minlash va belgilash, samarali qayta tayyorlash va malaka oshirish, ilmiy-tadqiqot faoliyatini tahlil qilish va muvofiqlashtirish, ma’naviy-ma’rifiy ishlarni takomillashtirish;

qayta tayyorlash va malaka oshirishning davlat ta’lim talablari, oʻquv rejalari va dasturlar bajarilishini koʻrib chiqish;

Markaz kafedralari va boʻlimlarini ochish, ularning faoliyatini oʻzgartirish va tugatish bilan bogʻliq masalalarni koʻrib chiqish;

darsliklar, oʻquv qoʻllanmalari, ilmiy, oʻquv-metodik adabiyotlarni e’lon qilish masalalarini koʻrib chiqish;

Markazni rivojlantirishning joriy (yillik) va istiqbolli rejalarini tasdiqlash.

5-BOB. MARKAZNI MOLIYaLAShTIRISh VA

MODDIY-TEXNIK TA’MINLASh, UNING

XODIMLARI MEHNATIGA HAQ TOʻLASh

VA ULARNI MODDIY RAGʻBATLANTIRISh

17. Markaz Oʻzbekiston Respublikasi davlat byudjeti, shuningdek, qonun hujjatlarida taqiqlanmagan boshqa manbalar hisobidan moliyalashtiriladi.

18. Markaz хodimlarining ish haqi lavozim maoshi, mukofotlar, qoʻshimcha haqlar, ustamalardan va qonun hujjatlarida nazarda tutilgan boshqa toʻlovlardan iborat boʻladi.

19. Markaz хodimlari lavozim maoshlariga har oyda qoʻshiladigan ragʻbatlantirish хususiyatiga ega boʻlgan ustamalar va qoʻshimcha haqlar Vazirlik tomonidan tasdiqlanadigan nizomga muvofiq toʻlanadi.

20. Mehnatga haq toʻlash jamgʻarmasi, Byudjet tashkilotlarini rivojlantirish jamgʻarmasi mablagʻlari va qonun hujjatlarida taqiqlanmagan boshqa manbalar Markaz хodimlariga ish haqi toʻlash va ularni moddiy ragʻbatlantirish manbalari hisoblanadi.

6-BOB. YaKUNLOVChI QOIDA

21. Markazni qayta tashkil etish va tugatish qonun hujjatlarida belgilangan tartibda amalga oshiriladi.

Qonun hujjatlari ma’lumotlari milliy bazasi (www.lex.uz),

2018 yil 14 avgust