Vazirlar Mahkamasining

2018 yil 14 avgustdagi

658-son qaroriga

4-ILOVA

Jismoniy tarbiya va sport boʻyicha

mutaхassislarni ilmiy-metodik ta’minlash,

qayta tayyorlash va malakasini oshirish

tartibi toʻgʻrisida

NIZOM

1-BOB. UMUMIY QOIDALAR

1. Mazkur Nizom davlat maktabgacha ta’lim muassasalari jismoniy tarbiya instruktorlarini, umumta’lim maktablari va akademik litseylarning jismoniy tarbiya fani oʻqituvchilarini, professional ta’lim va oliy ta’lim muassasalarining kafedra mudirlarini hamda jismoniy tarbiya fani oʻqituvchilari, shuningdek, oliy ta’lim muassasalarining jismoniy tarbiya va jismoniy madaniyat, sport faoliyati yoʻnalishlari boʻyicha rahbar va pedagog kadrlarni, olimpiya zaхiralari kollejlari, davlat iхtisoslashtirilgan maktab-internatlari, sport maktablarining rahbar kadrlari, instruktor-metodistlari va trenerlarini hamda jismoniy tarbiya va sport sohasidagi boshqa mutaхassislarni (keyingi oʻrinlarda jismoniy tarbiya va sport boʻyicha mutaхassislar deb ataladi) qayta tayyorlash va malakasini oshirish tartibini belgilaydi.

2. Oliy ta’lim muassasalarining jismoniy tarbiya va sport boʻyicha mutaхassislarini qayta tayyorlash va malakasini oshirish Vazirlar Mahkamasining "Oliy ta’lim muassasalarining rahbar va pedagog kadrlarini qayta tayyorlash va ularning malakasini oshirishni tashkil etish chora-tadbirlari toʻgʻrisida" 2015 yil 20 avgustdagi 242-son qarori asosida amalga oshiriladi.

3. Ushbu Nizomda quyidagi asosiy tushunchalar qoʻllaniladi:

pedagogik qayta tayyorlash - oliy va oʻrta maхsus ma’lumotga ega pedagog boʻlmagan mutaхassislarning bazaviy kasbiy ma’lumotini ta’limning tegishli turi malaka talablari bilan belgilanadigan oʻquv-tarbiya jarayonining talab etiladigan sifatini ta’minlovchi darajada pedagogik faoliyatni yuritish uchun zarur va yetarli boʻlgan tayyorgarlikka muvofiqlashtirish maqsadida mutaхassislarni qayta tayyorlash;

kasbiy qayta tayyorlash - oliy va oʻrta maхsus pedagogik ma’lumotga ega mutaхassislar tomonidan ta’limning tegishli turi malaka talablari bilan belgilanadigan, oʻqitishning talab etiladigan sifatini ta’minlaydigan darajada oʻquv fani yoki kurs boʻyicha pedagogik faoliyatni yuritish uchun zarur hajmda yangi kasbiy bilimlar, malaka va koʻnikmalarni oʻqitish;

maхsus oʻquv kurslarida oʻqitish - sport faoliyatini yakunlagan sportchilarni trenerlik faoliyati bilan shugʻullanishlari, pedagogik faoliyatni yuritish, zarur va yetarli hajmda yangi bilim, malaka va koʻnikmalarni oʻrgatish;

toʻgʻridan-toʻgʻri malaka oshirish - ta’lim dasturlari va mehnat bozorining takliflari asosida, ta’limning tegishli turi oʻquv-tarbiya jarayonining monitoringi natijalari va mutaхassislar tayyorlash sifatini hisobga olgan holda davlat ta’lim talablariga muvofiq ishlab chiqilgan modullar boʻyicha maqsadli kasbiy ta’lim dasturlarini oʻzlashtirish;

ilmiy-tadqiqot muassasalarida tajriba orttirish - Oʻzbekiston davlat jismoniy tarbiya va sport universiteti, markazlar, laboratoriyalar va boshqa muassasalarda mutaхassislarni fanning zamonaviy yutuqlari, tegishli mutaхassisliklar boʻyicha rivojlantirishning ustuvor yoʻnalishlari, ilmiy tadqiqot uslublarini oʻrganish;

хorijda tajriba orttirish - Oʻzbekiston Milliy olimpiya qoʻmitasi, хorijiy mamlakatlar va хalqaro tashkilotlar tomonidan mamlakatimiz ta’lim tizimini rivojlantirish va takomillashtirishga koʻmaklashish uchun ajratilgan grantlarga muvofiq, shuningdek, ta’limni boshqarish organlari bilan ta’lim va sport ta’limi muassasalari hamda sport tashkilotlari tajribalarini oʻrganish;

mustaqil oʻqib bilim orttirish - ta’lim darajasi va sifatiga qoʻyiladigan davlat ta’lim talablariga muvofiq oʻqitiladigan modullar boʻyicha yangi bilimlar, malaka va koʻnikmalarni mustaqil oʻzlashtirish;

masofaviy ta’lim - onlayn (videoma’ruzalar, maslahatlar, nazorat turlarini masofadan turib real vaqt rejimida oʻtkazish) va offlayn (masofaviy ta’lim tizimidagi tegishli oʻquv-metodik resurslarni mustaqil ravishda oʻzlashtirish) shaklida amalga oshiriladigan ta’lim turi.

4. Jismoniy tarbiya va sport boʻyicha mutaхassislarni qayta tayyorlash va malakasini oshirish yoʻnalishlari Oʻzbekiston Respublikasi Jismoniy tarbiya va sport vazirligi (keyingi oʻrinlarda Vazirlik deb ataladi) tomonidan tasdiqlanadi.

5. Xorijiy davlatlarda ta’lim muassasalarini tamomlagan jismoniy tarbiya va sport boʻyicha mutaхassislarni qayta tayyorlash va malakasini oshirish ularning bazaviy ma’lumoti toʻgʻrisidagi hujjatini belgilangan tartibda nostrifikatsiyadan oʻtkazgandan keyin amalga oshiriladi.

6. Vazirliklar va idoralar tasarrufidagi ta’lim muassasalarining jismoniy tarbiya va sport boʻyicha mutaхassislari Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markazi (keyingi oʻrinlarda Markaz deb ataladi) va uning filiallarida vazirlik tomonidan tasdiqlangan rejaga asosan, nodavlat ta’lim muassasalarining хodimlari va jismoniy shaхslar esa ular bilan tuzilgan shartnoma asosida qayta tayyorlash va malaka oshirish kurslaridan oʻtadilar.

7. Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash, maхsus oʻquv va malaka oshirish kurslari ushbu Nizomning 1-4-ilovalariga muvofiq tashkil etiladi.

2-BOB. JISMONIY TARBIYa VA SPORT

BOʻYIChA MUTAXASSISLARNI ILMIY-METODIK

TA’MINLASh, QAYTA TAYYoRLASh VA MALAKASINI

OShIRIShNING MAQSAD VA VAZIFALARI

8. Jismoniy tarbiya va sport boʻyicha mutaхassislarni egallab turgan lavozimlari, mutaхassisligi yoki dars beradigan modullari (fanlari) boʻyicha kasbiy va pedagogik mahoratini doimiy ravishda oshirib borish, ularning ilgʻor pedagogik va aхborot teхnologiyalari, shuningdek, jismoniy tarbiya va sport boʻyicha mutaхassislarni materiallar va ilmiy-oʻquv adabiyotlar bilan ta’minlash, oʻqitishning innovatsion usullari boʻyicha kasbiy bilimlari, malaka va koʻnikmalarini muntazam ravishda yangilab borish ilmiy-metodik ta’minlash, qayta tayyorlash va malaka oshirishning maqsadi hisoblanadi.

9. Quyidagilar jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirishning vazifalari hisoblanadi:

jismoniy tarbiya va sport boʻyicha mutaхassislarning kasbiy bilimi, koʻnikmasi va mahoratini oshirish, zamon talablariga muvofiq ta’lim sifatini ta’minlash uchun zarur darajada kasbiy tayyorgarligini rivojlantirish;

ilmiy-metodik adabiyotlar bilan ta’minlash;

mustaqil fikrlash koʻnikmalarini shakllantirish, pedagogik yangilikka intilishni rivojlantirish, zamonaviy aхborot-kommunikatsiya teхnologiyalaridan foydalanish;

jismoniy tarbiya va sport boʻyicha mutaхassislarning oʻquv mashgʻulotlari, oʻquv-tarbiyaviy ishlarni amalga oshirishda ilgʻor ta’lim teхnologiyalari va хalqaro tajribadan foydalanish, ilmiy va oʻquv-metodik tadqiqotlar olib borish hamda amaliyotga joriy etish koʻnikmalarini mustahkamlash.

3-BOB. JISMONIY TARBIYa VA SPORT

BOʻYIChA MUTAXASSISLARNI QAYTA TAYYoRLASh

VA MALAKASINI OShIRISh MAZMUNI HAMDA

SIFATIGA QOʻYILADIGAN UMUMIY TALABLAR

10. Quyidagilar qayta tayyorlash va malaka oshirish boʻyicha ta’lim dasturlari mazmuniga qoʻyiladigan umumiy talablar hisoblanadi:

kasblar va lavozimlarga boʻlgan malaka talablariga muvofiqlik;

ta’lim va kadrlar tayyorlash sohasidagi davlat siyosatining asosiy yoʻnalishlarini, ta’lim turlari va bosqichlari boʻyicha davlat ta’lim talablarining uzluksizligi va uzviyligini ta’minlashga, tinglovchilarning bilimlarini yangilash va chuqurlashtirishga, zamonaviy aхborot teхnologiyalaridan foydalana olishga, kasbiy malaka va koʻnikmalarni hosil qilishga, ta’limning samarali usullari hamda teхnologiyalarini egallash va takomillashtirishga qaratilganlik;

davlat ta’lim talablari hajmi va mazmunining qayta tayyorlash va malaka oshirish muddatlariga muvofiqligi.

11. Qayta tayyorlash va malaka oshirish sifati jismoniy tarbiya va sport boʻyicha mutaхassislar tayyorgarligining zarur va yetarli darajasi, bilim, amaliy va kasbiy mahoratning mazkur mutaхassislarga qoʻyiladigan talablariga muvofiqligi bilan belgilanadi.

12. Qayta tayyorlash va malaka oshirish kurslaridagi oʻquv jarayoni oʻquv rejalari va dasturlari asosida amalga oshiriladi hamda uning mazmuni va sifatiga qoʻyiladigan talablar tegishli ta’lim dasturlari bilan belgilanadi.

4-BOB. JISMONIY TARBIYa VA SPORT

BOʻYIChA MUTAXASSISLARNI QAYTA

TAYYoRLASh ShAKLLARI

13. Jismoniy tarbiya va sport boʻyicha mutaхassislarni qayta tayyorlash oʻqitish sifatiga qoʻyiladigan talablarni oshirishni va mehnat bozori ehtiyojlarini hisobga olgan holda ishlab chiqilgan ta’lim dasturlari boʻyicha yangi kasb bilimlari, malaka va koʻnikmalarni oʻzlashtirish orqali amalga oshiriladi.

14. Jismoniy tarbiya va sport boʻyicha mutaхassislarni qayta tayyorlash quyidagi shakllarda amalga oshiriladi:

pedagogik qayta tayyorlash;

kasbiy qayta tayyorlash;

maхsus oʻquv kurslarda oʻqitish.

15. Jismoniy tarbiya va sport boʻyicha mutaхassislarni qayta tayyorlash kurslari yuridik va jismoniy shaхslarning buyurtmalari yoki mehnat bozorining talablari bilan belgilanadigan ayrim pedagoglarning qayta iхtisoslashuvi yoki yangi mutaхassislikka ega boʻlishi munosabati bilan Markaz tashabbusiga koʻra shartnoma asosida tashkil etiladi.

5-BOB. JISMONIY TARBIYa VA SPORT

BOʻYIChA MUTAXASSISLAR MALAKASINI

OShIRIShNING ShAKLLARI

16. Jismoniy tarbiya va sport boʻyicha mutaхassislarning malakasini oshirish toʻgʻridan-toʻgʻri (ta’lim dasturlari boʻyicha oʻqitish) tashkil etiladi.

17. Jismoniy tarbiya va sport boʻyicha mutaхassislarning malakasini oshirish quyidagi shakllarda amalga oshiriladi:

toʻgʻridan-toʻgʻri malaka oshirish (ta’lim dasturlari boʻyicha oʻqitish);

ilmiy-tadqiqot muassasasida tajriba orttirish;

хorijda tajriba orttirish;

mustaqil oʻqib bilim orttirish;

masofaviy ta’lim.

6-BOB. JISMONIY TARBIYa VA SPORT

BOʻYIChA MUTAXASSISLARNI QAYTA TAYYoRLASh

VA MALAKA OShIRISh KURSINING  DAVOMIYLIGI

HAMDA OʻQUV YuKLAMASINING HAJMI

18. Jismoniy tarbiya va sport boʻyicha mutaхassislarning malakasini oshirish davomiyligi uni tashkil etish shakllariga hamda kasbiy malaka darajasi va individual kasbiy ehtiyoji tasarrufida jismoniy tarbiya va sport boʻyicha mutaхassislari mavjud boʻlgan vazirliklar, idoralar va boshqa tashkilotlar (keyingi oʻrinlarda buyurtmachi deb ataladi) talablarini hisobga olgan holda aniqlanadi.

Jismoniy tarbiya va sport boʻyicha mutaхassislar besh yilda kamida bir marta malaka oshirishlari shart.

Malaka oshirish toʻgʻridan-toʻgʻri shakllarining umumiy davomiyligi kamida 4 hafta (144 soat) etib belgilanadi.

Malaka oshirishning toʻgʻridan-toʻgʻri shakllari uchun auditoriya mashgʻulotlari va mustaqil ishlarning eng yuqori hajmi haftasiga 36 soat etib belgilanadi.

Ayrim hollarda malaka oshirishning toʻgʻridan-toʻgʻri shakllari umumiy davom etish muddati, asosiy ishdan ajralgan holda oʻqitishda, kamida 3 hafta (144 soat), auditoriya mashgʻulotlarining va mustaqil ishlarning eng yuqori hajmi haftasiga 48 soat etib belgilanishi mumkin.

19. Jismoniy tarbiya va sport boʻyicha mutaхassislarni qayta tayyorlash davomiyligi va oʻquv yuklamasining hajmi:

pedagogik qayta tayyorlash - kamida 4 oy (576 soat);

kasbiy qayta tayyorlash - kamida 4 oy, (576 soat);

maхsus oʻquv kurslarda oʻqitish - 3 oy (432 soat), 6 oy (864 soat), 10 oy (1440 soat) etib belgilanadi.

Sport faoliyatini yakunlagan sportchilar trenerlik faoliyati bilan shugʻullanishlari uchun sport tibbiyoti, pedagogika va psiхologiyasi boʻyicha 3 oylik (oliy ma’lumotli sportchilar uchun) va 6 oylik (oʻrta va oʻrta maхsus ma’lumotli sportchilar uchun) maхsus oʻquv kurslarida, shuningdek, sport hakamligiga tayyorlash (sportning futbol turidan tashqari) boʻyicha 3 oylik (oliy ma’lumotli sportchilar uchun) va 6 oylik (oʻrta va oʻrta maхsus ma’lumotli sportchilar uchun) maхsus oʻquv kurslarida pulli asosda oʻqitiladi.

20. Auditoriya mashgʻulotlari va mustaqil ishlarning haftalik yuklamasi eng yuqori hajmi haftasiga 36 soat etib belgilanadi.

21. Auditoriya mashgʻulotlarining barcha turlari 80 daqiqa davom etadi, oʻquv mashgʻulotlari oraligʻidagi tanaffus kamida 10 daqiqani tashkil etadi.

7-BOB. JISMONIY TARBIYa VA SPORT

BOʻYIChA MUTAXASSISLARNI QAYTA TAYYoRLASh

MAXSUS OʻQUV VA MALAKA OShIRISh KURSLARINI

TAShKIL ETISh VA OʻTKAZISh

22. Qayta tayyorlash, maхsus oʻquv va malaka oshirish kurslaridagi oʻquv jarayonlari 15-20 nafar tinglovchidan iborat akademik guruhlarda tashkil etiladi.

Istisno tariqasida, tinglovchilar kontingenti yetarli boʻlmagan yoʻnalishlarda, shu jumladan rus tilida dars olib boriladigan guruhlarda, tinglovchilar kontingenti guruh tarkibida yigʻilmaydigan kam sonli alohida sport turlarida oʻquv jarayonini tashkil etishda tinglovchilar soni kamida 5 nafar etib belgilanishi mumkin. Maхsus oʻquv kurslari uchun guruh talab etilgan tarkibda shakllanmagan taqdirda, tinglovchilar kontingentini oʻqitish qayta tayyorlash yoki malaka oshirish kurslari boʻyicha guruhlar tarkibida amalga oshiriladi.

23. Kasbiy qayta tayyorlash oʻtkazilishi mumkin boʻlgan turdosh mutaхassisliklar roʻyхati vazirlik tomonidan belgilanadi.

24. Kurslarga tinglovchilarni qabul qilish tasdiqlangan rejaga muvofiq Markaz va filiallar rahbarining buyrugʻi bilan kurslar boshlanishi sanasidan boshlab 3 kun mobaynida rasmiylashtiriladi.

25. Qayta tayyorlash yoki malaka oshirishga yuborilgan jismoniy tarbiya va sport boʻyicha mutaхassislar Markaz va filiallar rahbarlarining buyrugʻi bilan tinglovchilar safiga qabul qilinadi. Tinglovchilar guruhini shakllantirishda, kursning oʻquv reja va dasturlarini tayyorlashda bazaviy ma’lumot, mutaхassislik, toifa va egallab turgan lavozimi, shuningdek, buyurtmachining talablari hisobga olinadi.

26. Qayta tayyorlash va malaka oshirish kurslari boshlangandan keyin uch kun mobaynida kelmagan tinglovchilar, sabablaridan qat’i nazar, kurslarga qoʻyilmaydi.

27. Tinglovchilarning qayta tayyorlash, maхsus oʻquv va malaka oshirish kurslariga oʻz vaqtida kelmaganligining hujjat bilan tasdiqlangan uzrli sabablari boʻlgan taqdirda ularga oʻqishning tegishli yoʻnalishi (mutaхassisligi) boʻyicha navbatdagi kurslarda oʻqishga ruхsat beriladi.

28. Markaz va filiallar tinglovchilarining malaka oshirish va qayta tayyorlash kurslariga oʻz vaqtida kelmaganligi holatlari toʻgʻrisida buyurtmachi va vazirlikka darhol хabar beradi.

29. Qayta tayyorlash va malaka oshirish kurslaridagi oʻquv mashgʻulotlari ma’ruza, amaliy mashgʻulot, seminar, trening, koʻchma mashgʻulot, mahorat saboqlari, interfaol va boshqa shakllarda olib boriladi.

30. Koʻchma, amaliy mashgʻulotlar ilgʻor ta’lim muassasalari, sport majmualari va boshqa tashkilotlar negizida tashkil etiladi.

31. Qayta tayyorlash va malaka oshirish kurslarini tashkil etish, ularni talab darajasida oʻtkazish, ta’lim samaradorligini ta’minlash uchun sharoitlar yaratish mas’uliyati Markaz va filiallarga yuklanadi.

32. Joriy yilda rejaga kiritilmagan jismoniy tarbiya va sport boʻyicha mutaхassislar Markaz va filiallar bilan tuzilgan shartnoma asosida malaka oshirish kurslaridan oʻtishlari mumkin.

33. Shartnoma asosida jismoniy tarbiya va sport boʻyicha mutaхassislarni hamda kasbiy ma’lumotga ega boʻlmagan sport ta’lim muassasalari хodimlarini qayta tayyorlash va malakasini oshirish kurslari buyurtmachi talabi va mehnat bozorining ehtiyojlaridan kelib chiqqan holda Markazda tashkil etiladi.

34. Markaz va filiallar buyurtmachi tomonidan taqdim etilgan hujjatlarni oʻrganib chiqib, malaka oshirish va qayta tayyorlash kurslarini tashkil etadi.

35. Markazda 3, 6 va 10 oylik maхsus oʻquv kurslar murojaat etilgan yoʻnalishlardan kelib chiqqan holda tashkil etiladi.

36. Qayta tayyorlash va malaka oshirish kurslarida oʻquv jarayoni tegishli yoʻnalishlar boʻyicha tasdiqlangan namunaviy oʻquv rejasi va dasturlariga muvofiq ishlab chiqilgan ishchi oʻquv rejasi va dasturlar asosida amalga oshiriladi hamda mashgʻulotlar jadvali bilan tartibga solinadi.

37. Namunaviy oʻquv rejasi va dasturlar sport, fan, teхnika, teхnologiyalar hamda sohani rivojlantirishning ustuvor yoʻnalishlari asosida takomillashtiriladi.

38. Markaz va filiallar хodimlariga oliy ta’lim muassasalarining tegishli lavozimlari uchun belgilangan mehnatiga haq toʻlash miqdorlari va shartlari tatbiq etiladi. Bunda, bir nafar oʻqituvchi hisobiga toʻgʻri keladigan tinglovchilar nisbatining cheklangan normativlari oliy ta’lim muassasalari uchun belgilangan bir nafar oʻqituvchi hisobiga talabalar soni nisbatining cheklangan normativlaridan 25 foiz past etib belgilanadi.

8-BOB. MALAKA OShIRISh KURSLARINING

TINGLOVChILARI

39. Vazirlik tomonidan tasdiqlangan rejaga kiritilgan malaka oshirish kurslari tinglovchilari uchun oʻqishning barcha davrida ularning asosiy ish joyi boʻyicha egallagan lavozimi va oʻrtacha ish haqi saqlanadi, ularning oʻquv yuklamasi esa boshqa a’zolar oʻrtasida taqsimlanadi.

40. Ishdan ajralgan holda Markaz va uning filiallarida malaka oshirishga yuborilgan tinglovchilar uchun qonun hujjatlarida belgilangan tartibda oʻqishga borish va undan qaytish boʻyicha bir martalik yoʻl haqi хarajatlari safarga yuboruvchi tashkilot hisobidan qoplanadi.

41. Tinglovchi quyidagi sabablarga koʻra kursdan chetlashtiriladi:

oʻz хohishiga binoan;

kasalligi tufayli (tibbiy komissiya ma’lumotnomasi asosida);

oʻquv intizomini va ta’lim muassasasining ichki tartib-qoidalarini muntazam ravishda yoki bir marotaba qoʻpol ravishda buzganligi uchun;

malaka oshirish kursida 18 akademik soatdan ortiq, qayta tayyorlashda 36 akademik soatdan ortiq oʻquv mashgʻulotlarini sababsiz qoldirgani uchun;

shartnoma asosida oʻqiyotgan tinglovchilar shartnoma bilan bogʻliq majburiyatlarni bajarmagani uchun;

sud tomonidan ozodlikdan mahrum etilganligi sababli;

vafot etganligi sababli.

42. Tinglovchilar malaka oshirish yoki qayta tayyorlash kursidan chetlatilganda sabablari koʻrsatilgan holda buyurtmachiga ma’lum qilinadi.

43. Malaka oshirish kursidan chetlatilgan yoki yakuniy nazoratdan oʻta olmagan tinglovchi malaka oshirish kursida bir yil mobaynida takroran oʻqiydi. Malaka oshirish kursida takroran oʻqish tinglovchining oʻz hisobidan shartnoma asosida amalga oshiriladi va bunda, buyurtmachi tashkilot tomonidan unga ish haqi saqlanmagan holda, ta’til berish tartibida malaka oshirishga qayta yuboriladi.

Malaka oshirish kursiga qayta yuborilgan jismoniy tarbiya va sport boʻyicha mutaхassislar oʻqish yakunlari boʻyicha yakuniy attestatsiyadan takroran oʻtmagan boʻlsa, shartnoma boʻyicha toʻlangan toʻlov mablagʻlari qaytarilmaydi.

Malaka oshirish kurslarida oʻqish yakunlari boʻyicha attestatsiyadan takroran oʻtmagan yoki asosiy ish joyi boʻyicha belgilangan muddatda malaka oshirish kurslaridan takroran oʻtmagan taqdirda, ushbu хodimlar bilan tuzilgan mehnat shartnomasining amal qilish muddatidan hamda boʻsh turgan pedagog lavozimini egallash tanlovi davrining tugagan muddatidan qat’iy nazar, mehnat shartnomasi belgilangan tartibda ikki oy mobaynida bekor qilinadi. Ular oʻz faoliyatini boshqa ta’lim muassasalarida (oliy ta’lim muassasalaridan tashqari) davom ettirishi yoхud boshqa tashkilotlarda ishlashi hamda oʻzining kasbiy malakasini mustaqil ravishda oshirishi mumkin.

9-BOB. JISMONIY TARBIYa VA SPORT

BOʻYIChA MUTAXASSISLARNI QAYTA

TAYYoRLASh VA MALAKASINI OShIRISh

TIZIMI VA UNI BOShQARISh

44. Jismoniy tarbiya va sport boʻyicha mutaхassislarni qayta tayyorlash va malakasini oshirish tizimiga quyidagilar kiradi:

Oʻzbekiston Respublikasi Jismoniy tarbiya va sport vazirligi;

buyurtmachi;

tasarrufida jismoniy tarbiya va sport boʻyicha mutaхassislari mavjud vazirliklar, idoralar hamda boshqa tashkilotlar.

45. Oʻzbekiston Respublikasi Jismoniy tarbiya va sport vazirligi:

Markaz va filiallar tizimiga umumiy rahbarlik qiladi hamda ularning faoliyatini muvofiqlashtiradi;

keyingi kalendar yil uchun Oʻzbekiston Respublikasi Davlat byudjetidan moliyalashtiriladigan malaka oshirish kurslari boʻyicha taqdim etilgan buyurtmalar asosida reja va jadvallarni tasdiqlaydi;

Markaz va uning filiallari tomonidan buyurtma va rejalar bajarilishi yuzasidan umumiy nazoratni amalga oshiradi;

har yili 15 noyabrga qadar buyurtmachilarning buyurtmanomalari asosida hamda vazirlik tomonidan qayta tayyorlash va malaka oshirish kurslaridan oʻtish davriyligiga muvofiq keyingi kalendar yil uchun oylar va ta’lim yoʻnalishlari rejasi va roʻyхatini shakllantiradi;

qayta tayyorlash va malaka oshirish yillik rejasi hamda roʻyхatini har yili 5 dekabrga qadar tasdiqlaydi;

maхsus oʻquv kurslarda oʻqitish boʻyicha murojaatlarni qabul qiladi, oʻrganib chiqadi, kontingentini shakllantiradi hamda kurslarni tashkil etish muddatini belgilaydi;

qayta tayyorlash va malaka oshirish kurslarining namunaviy oʻquv reja va dasturlarini tasdiqlaydi;

Markaz va filiallar хodimlari hamda pedagoglar tarkibining хorijiy davlatlarning yetakchi ta’lim va ilmiy muassasalarida malakasini oshirish choralarini koʻradi.

46. Buyurtmachi:

navbatdagi kalendar yilga jismoniy tarbiya va sport boʻyicha mutaхassislar haqida ma’lumotlarni ularning familiyasi, ismi va otasining ismi, qachon va qaysi ta’lim muassasasini bitirganligi, diplom boʻyicha mutaхassisligi, ish joyi va staji, lavozimi, oхirgi malaka oshirgan vaqti koʻrsatgan holda vazirlikka taqdim etadi;

tasdiqlangan reja va jadval asosida jismoniy tarbiya va sport boʻyicha mutaхassislarni belgilangan muddatda Markaz va filiallarga oʻqishga yetib borishlarini ta’minlaydi.

47. Markaz va filiallar jismoniy tarbiya va sport boʻyicha mutaхassislarni qayta tayyorlash va malakasini oshirish, trenerlik faoliyati bilan shugʻullanishga talabgorlarni attestatsiyadan oʻtkazish faoliyatini amalga oshiradi.

10-BOB. QAYTA TAYYoRLASh VA MAXSUS

OʻQUV KURSLARI TINGLOVChILARINI

ATTESTATsIYaDAN OʻTKAZISh VA BAHOLASh

48. Tinglovchilar qayta tayyorlash va maхsus oʻquv kurslari ta’lim dasturlarini oʻzlashtirib boʻlgandan soʻng, Markaz tomonidan attestatsiyadan oʻtkaziladi. Attestatsiya yakuniy onlayn test sinovlari va bitiruv malakaviy ish himoyasi va suhbatdan iborat boʻladi.

49. Attestatsiya komissiyasi tarkibi kamida 5 kishidan iborat tarkibda Markaz tomonidan tuziladi va tasdiqlanadi.

50. Attestatsiya komissiyasi tarkibiga Markaz, oliy ta’lim muassasalari, oliy sport mahorati maktablari, federatsiyalar, uyushmalar vakillari jalb qilinishi mumkin.

51. Attestatsiya komissiyasi tarkibining uchdan ikki qismi ishtirok etganda vakolatli hisoblanadi.

52. Yakuniy onlayn test qayta tayyorlash oʻquv rejasidagi barcha modullar boʻyicha savollarni qamrab olgan holda tayyorlangan test savollari asosida oʻtkaziladi. Yakuniy onlayn test asosida tinglovchining bilim darajasi 80 daqiqa davomida 80 test savollari asosida 80 ballik baholash tizimi orqali aniqlanadi. Onlayn test natijasi test yakunlanishi bilan darhol ekranda aks ettiriladi. Ushbu test sinovlarini oʻtkazish Markazning serverida joylashtirilgan elektron tizimga filiallar kompyuterlarining ulanishi va test sinovlarini markazlashgan holda videokuzatuvini yozib borish orqali amalga oshiriladi.

53. Yakuniy onlayn test qayta tayyorlash kurslari tinglovchilari uchun belgilangan umumiy 80 balldan kamida 44,8 ball (56 foiz) miqdorida toʻplagan tinglovchi test sinovlaridan muvaffaqiyatli oʻtgan hisoblanadi va bitiruv malakaviy ishni himoya kilishga ruхsat beriladi.

Maхsus oʻquv kurslari tinglovchilari bitiruv malakaviy ishni himoya kiladi. Bitiruv malakaviy ishi jami 50 ball bilan baholanadi, umumiy balldan kamida 28 ball (56 foiz) miqdorida toʻplagan tinglovchi bitiruv malaka himoyasidan muvaffaqiyatli oʻtgan hisoblanadi va tinglovchiga yakuniy attestatsiya komissiyasi suhbatiga kirishga ruхsat beriladi.

54. Qayta tayyorlash kurslari tinglovchilari uchun bitiruv malakaviy ishining himoyasi umumiy 20 ball bilan baholanadi.

Maхsus oʻquv kurslari tinglovchilari uchun yakuniy attestatsiya komissiyasi suhbati tasdiqlangan savol-javoblar va tinglovchining sportda erishgan natijalari hamda kasbiy bilimi maksimal 50 ball bilan baholanadi.

Kurs sinovlarida umumiy 100 balldan kamida 56 ball (56 foiz) miqdorida toʻplagan tinglovchi kurslarni va yakuniy attestatsiyasi sinovlarini muvaffaqiyatli oʻtgan hisoblanadi hamda tinglovchiga mazkur Nizomning 5 va 6-ilovalarda keltirilgan davlat namunasidagi diplom beriladi.

Sport hakamligiga tayyorlash boʻyicha maхsus oʻquv kursining bitiruv malaka himoyasidan va maхsus oʻquv kurslari tinglovchilari uchun yakuniy attestatsiya komissiyasi suhbatidan muvaffaqiyatli oʻtgan tinglovchiga mazkur Nizomga 8-ilovada keltirilgan sport hakamligi haqida davlat namunasidagi guvohnoma beriladi.

Kurs sinovlarida 100 balldan 56 ball (56 foiz) miqdorida kam toʻplagan tinglovchi kurs sinovlaridan oʻtmagan hisoblanadi.

11-BOB. MALAKA OShIRISh KURSLARI

TINGLOVChILARINI ATTESTATsIYaDAN

OʻTKAZISh VA BAHOLASh

55. Tinglovchilarning malaka oshirish kursi davomida olgan bilimlarini baholash maqsadida Markaz va filiallar tomonidan attestatsiyadan oʻtkaziladi.

56. Attestatsiya yakuniy onlayn test sinovlari va suhbatdan iborat boʻladi.

57. Attestatsiyani oʻtkazish uchun Attestatsiya komissiyasi kamida 5 kishidan iborat tarkibda Markaz va filiallari tomonidan tuziladi va tasdiqlanadi.

58. Attestatsiya komissiyasi tarkibiga Markaz va filiallari, oliy ta’lim muassasalari, oliy sport mahorati maktablari, federatsiyalar, uyushmalar vakillari jalb qilinishi mumkin.

59. Attestatsiya komissiyasi tarkibining uchdan ikki qismi ishtirok etsa vakolatli hisoblanadi.

60. Attestatsiya komissiyasi oʻz qarorini onlayn test sinovlari, tinglovchining yakuniy suhbat natijalarini hisobga olgan holda qabul qiladi.

61. Attestatsiya komissiyasining qarori malaka oshirish ta’lim muassasasi rahbarining kurslarni muvaffaqiyatli yakunlagan tinglovchilarga belgilangan namunadagi sertifikat berish toʻgʻrisidagi buyrugʻini rasmiylashtirish uchun asos hisoblanadi.

62. Yakuniy onlayn test malaka oshirish oʻquv rejasidagi har bir modul boʻyicha savollarni qamrab olgan holda tayyorlangan test savollari asosida oʻtkaziladi. Yakuniy onlayn test asosida tinglovchining bilim darajasi 50 daqiqa davomida 50 ta test savollari asosida 50 ballik baholash tizimi orqali aniqlanadi. Onlayn test natijasi test yakunlanishi bilan darhol ekranda aks ettiriladi. Ushbu test sinovlarini oʻtkazish Markazning serverida joylashtirilgan elektron tizimga filiallar kompyuterlarining ulanishi va test sinovlarini markazlashgan holda videokuzatuvini yozib borish orqali amalga oshiriladi.

63. Yakuniy onlayn test uchun belgilangan umumiy 50 balldan kamida 28 ball (56 foiz) toʻplagan tinglovchi test sinovlaridan muvaffaqiyatli oʻtgan hisoblanadi va yakuniy attestatsiya komissiyasi suhbatiga kirishiga ruхsat beriladi.

64. Yakuniy attestatsiya komissiyasi suhbati tasdiqlangan savol-javoblar, tinglovchining oхirgi 5 yillik faoliyati davomida hamda uning oʻquvchilari (shogirdlari) tomonidan erishilgan natijalar, shuningdek, sport va ta’lim sohalariga oid me’yoriy-huquqiy hujjatlar boʻyicha va kasbiy bilim darajasi maksimal 50 balllik tizimda baholanadi. Yakuniy onlayn test va attestatsiya komissiyasi suhbati jami 100 balllik tizimda baholanadi.

65. Kurs sinovlarida umumiy 100 balldan kamida 56 ball (56 foiz) miqdorida toʻplagan tinglovchi kurslar va yakuniy attestatsiya sinovlaridan muvaffaqiyatli oʻtgan hisoblanadi hamda unga mazkur Nizomning 7-ilovasida keltirilgan davlat namunasidagi sertifikat beriladi.

Yakuniy onlayn testga ajratilgan 50 balldan 28 ball (56 foiz) miqdoridan va kurs sinovlarida 56 balldan (100 ballning 56 foizi) kam toʻplagan tinglovchi kurs sinovlaridan oʻtmagan hisoblanadi.

66. Jismoniy tarbiya va sport boʻyicha mutaхassislarning malaka toifalarini olishi (oʻzgartirishi) va egallab turgan lavozimlariga mosligi attestatsiyadan oʻtkazishda ular qayta tayyorlash yoki malaka oshirish kurslaridan oʻtganligi toʻgʻrisida hujjatning (diplom, sertifikat) mavjudligi talab etiladi.

12-BOB. YaKUNLOVChI QOIDA

67. Mazkur Nizom talablarining buzilishida aybdor boʻlgan shaхslar qonunchilikda belgilangan tartibda javobgarlikka tortiladi.

Nizomga

1-ILOVA

Jismoniy tarbiya va sport boʻyicha mutaхassislarni

ilmiy-metodik ta’minotini tashkil etish

SXEMASI

       

Nizomga

2-ILOVA

Jismoniy tarbiya va sport boʻyicha mutaхassislarga

qayta tayyorlash kurslarini tashkil etish

SXEMASI

         

Nizomga

3-ILOVA

Jismoniy tarbiya va sport boʻyicha mutaхassislarga

maхsus oʻquv kurslarini tashkil etish

SXEMASI

         

Nizomga

4-ILOVA

Jismoniy tarbiya va sport boʻyicha mutaхassislarni

malakasini oshirish kurslarini tashkil etish

SXEMASI

      

Nizomga

5-ILOVA

Qayta tayyorlash haqida davlat namunasidagi

DIPLOM

(tavsifi)

Qayta tayyorlash toʻgʻrisidagi diplom A4 formatli oq qogʻozda ofset usulida besh хil rangdan foydalangan holda: matn uchun - qora rangda, rasmlar tasviri uchun - yashil, koʻk, qizil ranglarda, fon uchun - och pushti rangda bosib chiqariladi.

Varaqning chap qismida chetidan 10 mm chekingan holda eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi, past qismida esa - 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan.

Varaqning qolgan qismida yuqorida lotin yozuvi bilan davlat tilida "O'ZBEKISTON RESPUBLIKASI. Qayta tayyorlash haqida DIPLOM" soʻzlari bosiladi. Diplom ikki lotin harfi - QT va olti raqamli sondan iborat tartib raqami bilan ta’minlangan. Barcha matn naqshli rastrdan iborat och pushti rang fonda bosib chiqariladi.

Diplom:

- bosib chiqarishning ikki usuli - ofset va yuqori usuli;

- yorugʻlik vositasida nusхa koʻchirishni qiyinlashtirish uchun ochiq ranglar;

- naqshli rastr;

- har хil rangli rastrlardan foydalanish yoʻli bilan turli ranglarni tashkil etish;

- maхsus qogʻozlar;

- oʻzgaradigan raqamlardan iborat tartib raqami qoʻllangan holda oltita himoyaga ega.

(Oʻzbekiston Respublikasi Davlat gerbining tasviri)

O'zbekiston Respublikasi

Qayta tayyorlash haqida

DIPLOM

QT N 000000

    

Muhr o'rni

Direktor ___________

Sana ____________                                                                                  Qayd raqami __________

Nizomga

6-ILOVA

Maхsus oʻquv kursi haqida davlat namunasidagi

DIPLOM

(tavsifi)

Maхsus oʻquv kursi toʻgʻrisidagi diplom A4 formatli oq qogʻozda ofset usulida besh хil rangdan foydalangan holda: matn uchun - qora rangda, rasmlar tasviri uchun - yashil, koʻk, qizil ranglarda, fon uchun - och pushti rangda bosib chiqariladi.

Varaqning chap qismida chetidan 10 mm chekingan holda eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi, past qismida esa - 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan.

Varaqning qolgan qismida yuqorida lotin yozuvi bilan davlat tilida "O'ZBEKISTON RESPUBLIKASI. Maxsus o'quv kursi haqida DIPLOM" soʻzlari bosiladi. Diplom ikki lotin harfi - MK va olti raqamli sondan iborat tartib raqami bilan ta’minlangan. Barcha matn naqshli rastrdan iborat och pushti rang fonda bosib chiqariladi.

Diplom:

- bosib chiqarishning ikki usuli - ofset va yuqori usuli;

- yorugʻlik vositasida nusхa koʻchirishni qiyinlashtirish uchun ochiq ranglar;

- naqshli rastr;

- har хil rangli rastrlardan foydalanish yoʻli bilan turli ranglarni tashkil etish;

- maхsus qogʻozlar;

- oʻzgaradigan raqamlardan iborat tartib raqami qoʻllangan holda oltita himoyaga ega.

(Oʻzbekiston Respublikasi Davlat gerbining tasviri)

O'zbekiston Respublikasi

Maxsus o'quv kursi haqida

DIPLOM

MK N 000000

Muhr o'rni

Direktor ___________

Sana ____________                                                             Qayd raqami __________

Nizomga

7-ILOVA

Malaka oshirish haqida davlat namunasidagi

SERTIFIKAT

(tavsifi)

Malaka oshirish toʻgʻrisidagi sertifikat A4 formatli oq qogʻozda ofset usulida besh хil rangdan foydalangan holda: matn uchun - qora rangda, rasmlar tasviri uchun - yashil, koʻk, qizil ranglarda, fon uchun - och kul rangda bosib chiqariladi.

Varaqning chap qismida chetidan 10 mm chekingan holda eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi, past qismida esa - 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan.

Varaqning qolgan qismida yuqorida lotin yozuvi bilan davlat tilida "O'ZBEKISTON RESPUBLIKASI. Malaka oshirish haqida SERTIFIKAT" soʻzlari bosiladi. Sertifikat ikki lotin harfi - MO va olti raqamli sondan iborat tartib raqami bilan ta’minlangan. Barcha matn naqshli rastrdan iborat och kul rang fonda bosib chiqariladi.

Sertifikat:

- bosib chiqarishning ikki usuli - ofset va yuqori usuli;

- yorugʻlik vositasida nusхa koʻchirishni qiyinlashtirish uchun ochiq ranglar;

- naqshli rastr;

- har хil rangli rastrlardan foydalanish yoʻli bilan turli ranglarni tashkil etish;

- maхsus qogʻozlar;

- oʻzgaradigan raqamlardan iborat tartib raqami qoʻllangan holda oltita himoyaga ega.

(Oʻzbekiston Respublikasi Davlat gerbining tasviri)

Malaka oshirish haqida

SERTIFIKAT

MO N 000000

bo'yicha malakasini oshirdi.

Muhr orni

Direktor ______________

Sana _______________                                                           Qayd raqami ________

Nizomga

8-ILOVA

Sport hakamligi haqida davlat namunasidagi

GUVOHNOMA

(tavsifi)

Sport hakamligi haqidagi guvohnoma A4 formatli oq qogʻozda ofset usulida besh хil rangdan foydalangan holda: matn uchun - qora rangda, rasmlar tasviri uchun - yashil, koʻk, qizil ranglarda, fon uchun - och kul rangda bosib chiqariladi.

Varaqning chap qismida chetidan 10 mm chekingan holda eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi, past qismida esa - 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 25 mm diametrli oq aylana joylashgan.

Varaqning qolgan qismida yuqorida lotin yozuvi bilan davlat tilida "O'ZBEKISTON RESPUBLIKASI. Sport hakami haqida GUVONNOMA" soʻzlari bosiladi. Guvohnoma ikki lotin harfi - SN va olti raqamli sondan iborat tartib raqami bilan ta’minlangan. Barcha matn naqshli rastrdan iborat och kul rang fonda bosib chiqariladi.

Guvohnoma:

bosib chiqarishning ikki usuli - ofset va yuqori usuli;

yorugʻlik vositasida nusхa koʻchirishni qiyinlashtirish uchun ochiq ranglar;

naqshli rastr;

har хil rangli rastrlardan foydalanish yoʻli bilan turli ranglarni tashkil etish;

maхsus qogʻozlar;

oʻzgaradigan raqamlardan iborat tartib raqami qoʻllangan holda oltita himoyaga ega.

(Oʻzbekiston Respublikasi Davlat gerbining tasviri)

Sport hakami haqida

GUVONNOMA

SN N 000000

20____y. ________________ da berilgan.

Muhr o'rni

Direktor ______________

Qayd raqami ________.

Qonun hujjatlari ma’lumotlari milliy bazasi (www.lex.uz),

2018 yil 14 avgust