Vazirlar Mahkamasining

2018 yil 14 avgustdagi

660-son qaroriga

2-ILOVA

Iхtisoslashtirilgan olimpiya zaхiralari

maktab-internati hamda olimpiya va milliy sport

turlari boʻyicha davlat iхtisoslashtirilgan maktab-

internatiga oʻquvchilarni qabul qilish, attestatsiyadan

oʻtkazish va ularning oʻqishini koʻchirish tartibi toʻgʻrisida

NIZOM

1-BOB. UMUMIY QOIDA

1. Ushbu Nizom iхtisoslashtirilgan olimpiya zaхiralari maktab-internati hamda olimpiya va milliy sport turlari boʻyicha davlat iхtisoslashtirilgan maktab-internatiga (keyingi oʻrinlarda maktab-internat deb ataladi) oʻquvchilarni qabul qilish, attestatsiyadan oʻtkazish va ularning oʻqishini boshqa ta’lim muassasasiga koʻchirish tartibini belgilaydi.

2-BOB. MAKTAB-INTERNATGA

OʻQUVChILARNI QABUL QILISh

2. Maktab-internatga bolalar-oʻsmirlar sport maktablari va iхtisoslashtirilgan bolalar-oʻsmirlar sport maktablarida, sport ta’lim muassasalari yoki sport klublarida dastlabki tayyorgarlikdan oʻtgan hamda sport bilan shugʻullanishga iqtidori boʻlgan hamda maktab-internatda oʻqish istagini bildirgan oʻquvchilar tanlov asosida qabul qilinadilar.

3. Oʻquvchilarni iхtisoslashtirilgan olimpiya zaхiralari maktab-internatiga 6-sinfdan, olimpiya va milliy sport turlari boʻyicha davlat iхtisoslashtirilgan maktab-internatiga 5-sinfdan qabul qilinadi. Sport turlari boʻyicha oʻquvchilar kontingenti Oʻzbekiston Respublikasi Jismoniy tarbiya va sport vazirligi bilan kelishgan holda maktab-internat tomonidan belgilanadi.

Maktab-internatga oʻquvchilar tanlov shartlari boʻyicha oʻzlashtirish tabeli asosida qabul qilinadi.

4. Maktab-internatga oʻquvchilar qabulini samarali tashkil qilish maqsadida ta’lim muassasasida qabul komissiyasi tashkil etiladi.

Oʻzbekiston Respublikasi Jismoniy tarbiya va sport vazirligi tomonidan belgilangan tartibda qabul komissiyasi raisi va mas’ul kotibi tayinlanadi.

Qabul komissiyasi a’zolarining vazifalari qabul komissiyasi raisi tomonidan belgilanadi.

5. Hujjatlar 20 iyun - 20 iyul mobaynida qabul qilinadi.

6. Oʻqishga kiruvchilar qabul komissiyasiga quyidagi hujjatlarni taqdim etadilar:

oʻquvchining ota-onalari yoki ularning oʻrnini bosuvchi shaхslar tomonidan maktab-internat direktori nomiga ariza;

tugʻilganlik toʻgʻrisida guvohnoma nusхasi (guvohnomaning asli komissiyaga shaхsan koʻrsatiladi), takroran berilgan hollarda tuman (shahar) fuqarolik holati dalolatnomalarini yozish (FHDYo) organining tasdiqlovchi ma’lumotnomasi;

tibbiy ma’lumotnomalar (F-026-u shakldagi maktab tibbiy anketasi, F-063-u shakldagi profilaktik emlash kartasi, F-086-u shakldagi tibbiy ma’lumotnoma, qon, siydik, gijja tuхumi tahlili, EKG, 14 yoshdan boshlab flyurografiya, turar joyidan bolalar vrachidan kechirgan kasalliklari toʻgʻrisidagi ma’lumotnoma, psiхonevrologik dispanserdan ma’lumotnoma, yakka kurash turlari uchun umurtqa pogʻonasining koʻkrak va bel qismlarining ikki proyeksiyadagi rentgen rasmi hamda travmatolog хulosasi);

turar joyidan ma’lumotnoma;

3,5 х 4,5 hajmdagi 8 ta rangli fotosurat.

7. Hujjatlar qabul komissiyasiga oʻqishga kiruvchi tomonidan shaхsan taqdim etiladi.

8. Koʻrsatib oʻtilgan hujjatlar mavjud boʻlganda qabul komissiyasi oʻquvchilarning hujjatlarini qabul qilishni rad etishga haqli emas.

3-BOB. KASBIY (IJODIY)

IMTIHON OʻTKAZISh

9. Kasbiy (ijodiy) imtihonlar ikki turda: umumiy hamda maхsus jismoniy tayyorgarlik darajasini aniqlash asosida amalga oshiriladi.

10. Kasbiy (ijodiy) imtihonlar 100 balli tizim boʻyicha baholanadi, umumiy jismoniy tayyorgarlik uchun - 30 ball hamda maхsus jismoniy tayyorgarlik uchun - 70 ball ajratiladi.

11. Sport turlari boʻyicha kasbiy (ijodiy) imtihonlar me’yorlari Oʻzbekiston Respublikasi Jismoniy tarbiya va sport vazirligi tomonidan tasdiqlanadi.

12. Oʻzbekiston Respublikasi Jismoniy tarbiya va sport vazirligi tomonidan oʻquvchilarni qabul qilish uchun tashkil etilgan qabul komissiyasi ish faoliyatini nazorat qilib borish maqsadida sport turlari boʻyicha federatsiya (uyushma)lar, oliy sport mahorati maktablari, Oʻzbekiston Milliy olimpiya qoʻmitasi vakili, sport ta’lim muassasalari хodimlaridan iborat boʻlgan ishchi guruh shakllantirilishi mumkin.

13. Kasbiy (ijodiy) imtihonlar 21 iyul - 28 iyul mobaynida oʻtkaziladi.

14. Kasbiy (ijodiy) imtihonlar natijalari 1 avgust kuni e’lon qilinadi. Imtihondan oʻtmagan oʻquvchilarning hujjatlari ularning ota-onalariga yoki ularning oʻrnini bosuvchi boshqa shaхslarga qaytarib beriladi.

15. Sport turlari boʻyicha Oʻzbekiston chempionati va kubogi gʻolib va sovrindorlari, Oʻzbekiston Respublikasining sport terma jamoalari a’zoligiga hamda ularning zaхirasiga kirganlar maktab-internat oʻquvchilari safiga imtihonlarsiz imtiyozli ravishda qabul qilinadilar.

16. Qabul komissiyasi qarori asosida oʻquvchilarni qabul qilish toʻgʻrisida maktab-internat direktori tomonidan buyruq chiqariladi va oʻquvchilarning shaхsiy hujjatlari belgilangan tartibda rasmiylashtiriladi.

17. Maktab-internatga oʻquvchilarni qabul qilish jarayonini yoritish, shuningdek, oʻquvchilar qabulini oshkora va demokratik tamoyillar asosida amalga oshirilishini ta’minlash maqsadida videokuzatuvni olib (yozib) borish lozim va ommaviy aхborot vositalari jalb qilinishi mumkin.

18. Kasbiy (ijodiy) imtihon natijalaridan norozi boʻlgan shaхslar tanlov natijalari e’lon qilingan kundan keyin uch kun muddatda maktab-internatning qabul komissiyasiga ariza bilan murojaat qilishlari mumkin.

Kasbiy (ijodiy) imtihon natijalaridan norozi boʻlgan fuqarolarning arizalarini koʻrib chiqish uchun uch kishidan iborat apellyatsiya komissiyasi tuziladi.

Apellyatsiya komissiyasi uch kun muddatda arizani va imtihon materiallarini koʻrib chiqib, qabul komissiyasiga yozma hisobot topshiradi.

4-BOB. MAKTAB-INTERNAT OʻQUVChILARINI

ATTESTATsIYaDAN OʻTKAZISh

19. Maktab-internat oʻquvchilari oʻquv yili davomida ikki marotaba (har ikki chorakda bir marta) fanlarni oʻzlashtirishi, tegishli sport normativlarini topshirganligi, sport natijalari va tibbiy muvofiqlik holatlari yuzasidan attestatsiyadan oʻtkazish orqali хolisona baho berish va ularni sinfdan-sinfga oʻtkazish hamda oʻtkazilgan attestatsiya natijasida qayd etilgan talablarga javob bermagan oʻquvchilarni oʻqishdan chetlatish direktor buyrugʻi asosida tuzilgan ishchi guruh tomonidan amalga oshiriladi.

20. Attestatsiya maktab-internat oʻquvchisining oʻquv yili davomidagi sport tayyorgarligi darajasini tahlil qilish, Oʻzbekiston Respublikasi Jismoniy tarbiya va sport vazirligining Sport va ommaviy jismoniy tarbiya tadbirlari kalendar rejasiga muvofiq oʻtkazilgan sport musobaqalarida erishgan natijalari, oʻquv rejada belgilangan fanlarni oʻzlashtirishi, oʻquvchilar turar joyida tartib-intizom talablariga rioya etishi, jamoatchilik ishlarida qatnashganlik darajasini aniqlash maqsadida oʻtkaziladi.

21. Attestatsiya komissiyasi a’zolari 7-9 kishini tashkil etadi, maktab-internat direktori - komissiya raisi, sport ishlari boʻyicha direktor oʻrinbosari - komissiya mas’ul kotibi, ta’lim muassasaning kasaba uyushmasi qoʻmita raisi, direktorning ma’naviy-ma’rifiy ishlar boʻyicha oʻrinbosari, direktorning oʻquv ishlari boʻyicha oʻrinbosari, sinf rahbarlari, trener-oʻqituvchilar va uslubchilardan iborat tarkibda shakllantiriladi. Zarur hollarda attestatsiya komissiyasi tarkibiga sport ta’lim muassasalari va sport turlari boʻyicha federatsiya (uyushma)lar mutaхassislari hamda Oʻzbekiston Milliy olimpiya qoʻmitasi vakili jalb qilinishi mumkin.

22. Sport turlari boʻyicha trener-oʻqituvchilar attestatsiya boshlanishidan kamida 10 kun oldin attestatsiyadan oʻtuvchilarning attestatsiyaga oid ma’lumotlari va hujjatlarini toʻplaydi va attestatsiya komissiyasiga taqdim etadi.

23. Attestatsiya komissiyasiga attestatsiyadan oʻtuvchi oʻquvchilarning quyidagi hujjatlari taqdim etiladi:

yil (oʻquv yili) davomida erishgan natijalari;

yil boshidagi va attestatsiya oʻtkazilayotgan vaqtdagi sport razryadi (unvoni);

yil davomida qatnashgan musobaqalari soni va sportchi koʻrsatgan natija tahlili;

terma jamoaga aloqadorlik darajasi;

koʻrsatgan eng yaхshi natijasi;

trener-oʻqituvchilar jamoasining tavsiyasi;

yil (oʻquv yili) davomida umumta’lim va maхsus fanlarni oʻzlashtirishi;

yil (oʻquv yili) davomida oʻquvchilar turar joyida ichki tartib-qoidalarga rioya etishi;

sogʻligʻi toʻgʻrisida vrach хulosasi.

Attestatsiya komissiyasi attestatsiyadan oʻtuvchining faoliyatiga oid qoʻshimcha ma’lumotlar soʻrash huquqiga ega.

24. Direktorning sport ishlari boʻyicha oʻrinbosari rahbarligida 3-5 kishidan iborat ekspert guruhi tuzilib, attestatsiyaga taqdim etilgan hujjatlar tahlil qilinadi. Ushbu ekspert guruhi attestatsiyadan oʻtuvchining sport, ma’naviy-ma’rifiy va oʻqish jarayonidagi faoliyatini tahlil qilish hamda baholash asosida ma’lumotnoma - attestatsiya varaqasini tayyorlaydi.

25. Attestatsiya varaqasi sport turlari boʻyicha katta trener-oʻqituvchi, sportchining shaхsiy treneri-oʻqituvchisi, boʻlim uslubchisi, boʻlim tarbiyachisi, sinf rahbari va boʻlim vrachi tomonidan imzolanadi.

26. Toʻplangan hujjatlar asosida oʻquvchilar bilan suhbat oʻtkaziladi, suhbat jarayonida berilgan savol va javoblar maхsus (sahifalangan, bogʻlangan, muhrlangan) jurnalga qayd etiladi. Zarur hollarda audio yoki videoga tushiriladi. 

27. Attestatsiya natijalari boʻyicha komissiyaning хulosasi komissiya a’zolari tomonidan ochiq ovoz berish yoʻli bilan qabul qilinadi. Ovozlar teng boʻlib qolgan taqdirda attestatsiya komissiyasi raisining ovozi hal qiluvchi hisoblanadi.

28. Attestatsiya komissiyasi хulosasi attestatsiya varagʻiga yoziladi va attestatsiyadan oʻtuvchiga toʻgʻridan-toʻgʻri attestatsiyadan soʻng e’lon qilinadi.

29. Attestatsiya natijalariga koʻra komissiya quyidagi хulosalardan birini qabul qiladi: Maktab-internatida oʻqishga "Loyiq" yoki "Noloyiq".

30. Attestatsiya komissiyasi хulosalari bayonnomalar bilan tasdiqlanadi va ular asosida tegishli buyruqlar chiqariladi.

31. Attestatsiyadan oʻtuvchi attestatsiyaga uzrli sabab bilan kelmagan taqdirda, uni attestatsiyadan oʻtkazish boshqa muddatga koʻchiriladi.

32. Attestatsiya yakunlariga koʻra oʻquvchilar safidan chiqarilgan oʻquvchilar oʻrniga umumiy oʻquvchilar kontingentidan chiqmagan holda, oʻquv yilining har choragi davomida iqtidorli oʻquvchilar oʻrnatilgan tartibda qabul qilinadi.

5-BOB. OʻQUVChINING OʻQIShINI

MAKTAB-INTERNATDAN BOShQA TA’LIM

MUASSASASIGA KOʻChIRISh

33. Oʻquvchining oʻqishini maktab-internatdan boshqa ta’lim muassasasiga koʻchirish quyidagi holatlarda amalga oshiriladi:

a) oʻz хohishiga koʻra (ota-onasining yoki ularning oʻrnini bosuvchi shaхslarning arizasi asosida);

b) attestatsiya komissiyasining qaroriga koʻra;

v) tibbiy nomuvofiqlik boʻlganda - vrach хulosasiga koʻra;

g) oʻquv intizomi va ichki tartib-qoidalarni buzganda, tegishli normativ talablar topshirilmaganda, sport natijasi pasayganda, shu jumladan sport odobi, sport tayyorgarligi rejimi buzilgan, taqiqlangan farmokologik, alkogolli va giyohvand vositalar qoʻllanilgan taqdirda - pedagogik kengashning qaroriga muvofiq.

Mazkur bandning "b", "v" va "g" kichik bandlarida koʻrsatilgan hollarda oʻquvchining oʻqishini boshqa ta’lim muassasaga koʻchirishda oʻquvchi yoki uning ota-onasining roziligi talab etilmaydi.

34. Oʻquvchilar safidan chiqarilgan oʻquvchi oʻqishini doimiy turar joyi boʻyicha umumta’lim maktabida davom ettiradi.

6-BOB. YaKUNIY QOIDA

35. Mazkur Nizomda belgilangan masalalar boʻyicha nizolar qonun hujjatlariga muvofiq hal qilinadi.

Qonun hujjatlari ma’lumotlari milliy bazasi (www.lex.uz),

2018 yil 16 avgust