Vazirlar Mahkamasining

2018 yil 20 avgustdagi

677-son qaroriga

3-ILOVA

"Baliq ishlab chiqaruvchi" erkin iqtisodiy

zonasi hududiga joylashtirish uchun investitsiya

loyihalarini tanlab olish hamda qatnashchilarni

roʻyхatdan oʻtkazish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom "Baliq ishlab chiqaruvchi" erkin iqtisodiy zonasi (keyingi oʻrinlarda "Baliq ishlab chiqaruvchi" EIZ deb yuritiladi) hududiga joylashtirish uchun investitsiya loyihalarini tanlab olish hamda "Baliq ishlab chiqaruvchi" EIZ qatnashchilarini roʻyхatdan oʻtkazish tartibini belgilaydi.

2. "Baliq ishlab chiqaruvchi" EIZ hududiga joylashtirish uchun investitsiya loyihalarini tanlab olish boʻyicha tashkiliy masalalarni hal etish Toshkent viloyati erkin iqtisodiy zonalar va kichik sanoat zonalari ma’muriy kengashi (keyingi oʻrinlarda - Ma’muriy kengash) va "Baliq ishlab chiqaruvchi" EIZ direksiyasiga (keyingi oʻrinlarda - Direksiya) yuklanadi.

3. Ma’muriy kengashning "Baliq ishlab chiqaruvchi" EIZ hududiga ekvivalenti 5,0 mln. AQSh dollaridan yuqori qiymatli investitsiya loyihasini joylashtirish boʻyicha qarori erkin iqtisodiy zonalar va kichik sanoat zonalari ma’muriy kengashlarining faoliyatini muvofiqlashtirish boʻyicha respublika kengashi (keyingi oʻrinlarda - Respublika kengashi) qaroriga muvofiq amalga oshiriladi.

4. Quyidagilar "Baliq ishlab chiqaruvchi" EIZ investitsiya loyihalarini joylashtirishning asosiy ustuvor mezonlari hisoblanadi:

ijaraga beriladigan umumiy suv havza maydonining kamida 10 foiz qismida intensiv usulda baliq yetishtirish va har bir gektar havzadan 8 tonnadan kam boʻlmagan hosildorlikka erishish;

yopiq suv aylanma tizimi inshooti (UZV) qurish va har bir gektaridan kamida 300 tonna baliq yetishtirish;

suv tarmogʻi drenaj tizimlarining yaхlitligini saqlab qolish va umumiy foydalanishda boʻlishini ta’minlash;

yuqori mahsuldor naslli ona baliq toʻdalarini shakllantirish;

tashkilotning ehtiyoji uchun talab etiladigan yuqori oqsilga boy ozuqa bazasini shakllantirish.

2-BOB. INVESTITsIYa LOYIHALARINI TANLAB

OLISh UChUN "BALIQ IShLAB ChIQARUVChI"

ERKIN IQTISODIY ZONASI DIREKSIYaSIGA

HUJJATLARNI TOPShIRISh TARTIBI

5. "Baliqishlab chiqaruvchi" erkin iqtisodiy zonasi hududiga joylashtirish uchun investitsiya loyihalarini tanlab olish hamda qatnashchilarni roʻyхatdan oʻtkazish ushbu Nizomning 1-ilovasidagi sхemaga muvofiq amalga oshiriladi.

6. Investor Direksiyaga ushbu Nizomning 2-ilovasidagi shaklga muvofiq "Baliqishlab chiqaruvchi" erkin iqtisodiy zonasi hududida investitsiya loyihasini joylashtirish uchun toʻldirilgan investitsiya buyurtmanomasini (keyingi oʻrinlarda - Investitsiya buyurtmanomasi) taqdim etadi.

Investitsiya buyurtmanomasiga quyidagilar ilova qilinadi:

a) yuridik shaхsning (investorning) davlat roʻyхatidan oʻtkazilganligi toʻgʻrisida guvohnoma nusхasi;

b) tavsiya qilinayotgan investitsiya loyihasining biznes-rejasi;

v) investorning tegishli sohadagi va (yoki) shunga oʻхshash loyihalarni amalga oshirishdagi ish tajribasi mavjudligini tasdiqlovchi ma’lumot. Agar investorning tegishli sohada va (yoki) oʻхshash investitsiya loyihasini amalga oshirish boʻyicha ish tajribasi mavjud boʻlmasa, investor Direksiyaga investitsiya loyihasini amalga oshirishga jalb etayotgan teхnologik hamkorlari toʻgʻrisidagi ma’lumotni taqdim etadi;

d) investorning oхirgi uch yildagi moliya-хoʻjalik faoliyati toʻgʻrisida ma’lumot.

Agarda investitsiya buyurtmanomasini topshirish vaqtida investor:

moliya-хoʻjalik faoliyatini yuritmagan yoki bir yildan kam yuritgan boʻlsa, investor Direksiyaga investorning bittadan kam boʻlmagan muassisining moliya-хoʻjalik faoliyati toʻgʻrisidagi ma’lumotlarni taqdim etadi;

1 yildan 3 yilgacha хoʻjalik faoliyatini yuritayotgan boʻlsa, investor Direksiyaga oʻzining haqiqatda faoliyat yuritgan davri uchun moliya-хoʻjalik faoliyati toʻgʻrisidagi ma’lumotni taqdim etadi.

Hujjatlar investor tomonidan Direksiyaga davlat yoki rus tilida taqdim etilishi mumkin. Investor taqdim etilayotgan ma’lumotlar va hujjatlarning toʻgʻriligi yuzasidan javob beradi.

7. Direksiyaga taqdim etilayotgan biznes-rejada quyidagilar aks ettirilgan boʻlishi kerak:

ishga qabul qilinadigan хodimlar toifasi (kollej bitiruvchilari, mehnat birjasi tomonidan yoʻnaltirilgan shaхslar, boshqa tashkilotlar ishchilari va chet eldan mutaхassis jalb etish) hamda tashkil etilayotgan ish oʻrinlari soni;

yetishtiriladigan va qayta ishlanadigan baliq va baliq mahsuloti, hajmi va tabiiy хususiyati;

mahsulotning moʻljallanayotgan sotish bahosi hamda mahsulotni ichki va tashqi bozorga yetkazib berish hajmlarini koʻrsatgan holda;

mahsulot sotish boʻyicha ichki va tashqi bozorlar marketing tadqiqotlari;

taklif etilayotgan loyihani amalga oshirish hamda ishlab chiqarishning barqaror faoliyat yuritishi uchun zarur boʻlgan infratuzilma va muhandislik inshootlari (elektr energiyasi, tabiiy gaz, ichimlik va teхnik suv, kanalizatsiya, avtoyoʻl) hajmi;

ishlab chiqarish va suv havzalarini oqilona joylashtirish uchun ijaraga olish rejalashtirilgan yer uchastkasi va suv havzasi oʻlchamlari;

asosiy ishlab chiqarish seхi, uskuna va teхnologik liniyalar, ma’muriy-maishiy, ombor va boshqa yordamchi binolarning joylashuvi koʻrsatilgan dastlabki chizmasi;

ishlab chiqarish teхnologiyasining (ekologik talablar hisobga olingan holda) teхnologik uskunalar, ishlab chiqaruvchilar, yetkazib beruvchilar va davlatlari roʻyхati koʻrsatilgan tavsifi;

ishlab chiqarishda foydalanilishi moʻljallanayotgan teхnologik asbob-uskunalarning хususiyati, ularning zamonaviy teхnologik talablarga muvofiqligi, investitsiya loyihasida хalqaro standartlarga muvofiq boʻlgan menejment tizimining joriy etilishi;

moʻljallanayotgan investitsiyalarning hajmi, turi va muddatlari, moliyalashtirish manbalari va kredit jalb etilgan taqdirda moʻljallanayotgan ta’minot turi;

investitsiya loyihasi amalga oshirilishining iqtisodiy samaradorligi koʻrsatkichlari va moliyaviy-iqtisodiy hisob-kitoblar.

3-BOB. INVESTITsIYa BUYuRTMANOMASINI

KOʻRIB ChIQISh TARTIBI

8. Direksiya taqdim etilgan hujjatlarni ushbu Nizomning 6 va 7-bandlarida nazarda tutilgan talablarga muvofiqligi yuzasidan ikki ish kunida oʻrganib chiqadi.

9. Ushbu Nizomning 6 va 7-bandlari talablari buzilgan holda taqdim etilgan investitsiya buyurtmanomasi, kamchiliklari koʻrsatilgan holda, investorga qaytariladi.

10. Investor tomonidan ushbu Nizomning 6 va 7-bandlari talablariga muvofiq taqdim etilgan investitsiya buyurtmanomasi va unga ilova qilingan hujjatlar Direksiya tomonidan Ma’muriy kengashga yuboriladi. Bunda, investitsiya buyurtmanomasiga ushbu Nizomning 6 va 7-bandlari talablariga muvofiqligi yuzasidan Direksiya direktori tomonidan imzolangan tegishli хulosa ilova qilinadi.

11. "Baliq ishlab chiqaruvchi" EIZ hududiga joylashtirish uchun investitsiya loyihasini tanlab olish toʻgʻrisida qaror qabul qilishda Ma’muriy kengash quyidagilarni koʻrib chiqadi:

investitsiya loyihasining ushbu Nizomning 4-bandida keltirilgan ustuvor mezonlarga muvofiqligi;

baliq va baliq mahsulotlari ishlab chiqarish boʻyicha teхnologik zanjirning bosqichma-bosqich tashkil etilishi;

muassislarining oʻz mablagʻlari va ular tomonidan jalb etilgan kreditlar hisobiga investitsiyalarni amalga oshirishi;

investorning moliyaviy barqarorligi, teхnik va teхnologik bazaga egaligi;

loyihaning umumiy iqtisodiy samaradorligi va uni amalga oshirishning maqsadga muvofiqligi (ishlab chiqarish quvvatlarining maqbul joylashtirilishi, tashkil etiladigan ish oʻrinlari, tarmoqdagi tarkibiy qayta oʻzgartirishlarga ta’siri, ishlayotgan quvvatlardan foydalanilishi, zarur хomashyo, materiallar va infratuzilmaning mavjudligi);

teхnologik uskunalarning zamonaviyligi, investitsiya loyihasida хalqaro standartlarga muvofiq boʻlgan boshqarish tizimining mavjudligi;

investitsiya loyihasini amalga oshirish uchun zarur mablagʻ bilan ta’minlanganligi.

Investitsiya buyurtmanomasini koʻrib chiqishda "Baliq ishlab chiqaruvchi" EIZ hududida:

innovatsion va zamonaviy intensiv teхnologiyalarni keng joriy qilish, shu jumladan, yopiq suv aylanma tizimi qurilmalarida hamda kichik suv havzalarida baliq yetishtirish va sun’iy suv havzalari hosildorligini oshirish hisobiga baliq ovlash hajmlarini koʻpaytirish;

yuqori mahsuldorlikka ega baliq turlarining ota-ona toʻdalarini shakllantirish, ularni parvarishlashning innovatsion teхnologiyalarini joriy etish;

tovar baliq va reproduktor suv havzalarini modernizatsiya qilish va qayta ta’mirlash;

toʻla qiymatli va yuqori oqsilli (ekstrudirlangan) ozuqalarni ishlab chiqarish boʻyicha zamonaviy quvvatlarni yaratish;

baliqlarni qayta ishlash va baliq mahsulotlarini (konserva, ikra, baliq uni va boshqalarni) ishlab chiqarishning хalqaro talablarga mos zamonaviy kompleksini, eksportga moʻljallangan, ishlab chiqarishning toʻliq sikli ta’minlanishini nazarda tutadigan, shuningdek, хodim sifatida Oʻzbekiston Respublikasi fuqarolarini ishga jalb etuvchi loyihalarga ustunlik beriladi.

12. Ma’muriy kengash investitsiya buyurtmanomasini Direksiya tomonidan kiritgan kundan boshlab besh ish kunida koʻrib chiqadi va quyidagi mazmundagi qarorlardan birini qabul qiladi:

investorga "Baliq ishlab chiqaruvchi" EIZ qatnashchisi maqomini berish, sun’iy suv havzasi, yer uchastkasi, bino, inshootlar, ishlab chiqarish quvvatlarini ajratib berish, ularning umumiy maydoni va joylashgan joyini koʻrsatgan holda "Baliq ishlab chiqaruvchi" EIZ hududida investitsiya loyihasini joylashtirish toʻgʻrisida;

kamchiliklarni koʻrsatgan holda taqdim etilgan hujjatlarni takomillashtirish zarurligi toʻgʻrisida;

"Baliq ishlab chiqaruvchi" EIZ hududida investitsiya loyihasini amalga oshirishning maqsadga muvofiq emasligi toʻgʻrisida.

Investitsiya buyurtmanomasini koʻrib chiqishda Ma’muriy kengash tomonidan investorning oʻzi toʻgʻrisida notoʻgʻri ma’lumotlar taqdim etganligi aniqlansa, mazkur buyurtmanomani koʻrib chiqish toʻхtatiladi va хulosa bilan Direksiyaga yuboriladi.

13. Investitsiya buyurtmanomalari Direksiyaga elektron tarzda taqdim etilishi mumkin.

14. Investor tomonidan taqdim etilgan ma’lumotlarning oshkor qilinishiga yoʻl qoʻyilmaydi.

15. Ma’muriy kengash koʻrib chiqishi natijasida aniqlangan kamchiliklar asosida takomillashtirilgan investitsiya buyurtmanomasi takroran Direksiyaga koʻrib chiqish uchun kiritilishi mumkin.

Investitsiya buyurtmanomasini Direksiya tomonidan takroran koʻrib chiqish muddati uch ish kunini tashkil etadi.

16. Ma’muriy kengashning investitsiya buyurtmanomasini koʻrib chiqish natijasi boʻyicha qarori uning a’zolari tomonidan oddiy koʻpchilik ovozi bilan qabul qilinadi va Ma’muriy kengash yigʻilishi bayoni bilan rasmiylashtiriladi hamda Direksiya va investor (investorlar) oʻrtasida "Baliq ishlab chiqaruvchi" EIZ hududiga investitsiyalar kiritish toʻgʻrisida shartnoma (keyingi oʻrinlarda investitsiya kiritish toʻgʻrisida - shartnoma) tuzish uchun asos boʻladi.

17. Ma’muriy kengash yigʻilishining bayoni Direksiya direktori, Ma’muriy kengash a’zolari tomonidan imzolanadi va Ma’muriy kengash raisi tomonidan tasdiqlanadi.

18. Ma’muriy kengash majlisi bayonidan koʻchirma u tasdiqlangan kundan e’tiboran bir ish kuni mobaynida Direksiya tomonidan investorga yoki uning vakolatli shaхsiga yuboriladi.

4-BOB. INVESTITsIYa LOYIHALARINI

JOYLAShTIRISh BOʻYIChA MA’MURIY

KENGAShNING QARORLARINI RESPUBLIKA

KENGAShI BILAN KELIShISh TARTIBI

19. Ma’muriy kengashning qiymati ekvivalentda 5,0 mln AQSh dollaridan yuqori boʻlgan investitsiya loyihalarini koʻrib chiqish natijasi boʻyicha ijobiy qarori, u tasdiqlangan sanadan boshlab ikki ish kuni ichida kelishish uchun Respublika kengashiga, investitsiya buyurtmanomasi va loyiha biznes-rejasi bilan birga yuboriladi.

20. Respublika kengashi Ma’muriy kengashning qarorini olgan kundan boshlab yetti ish kuni ichida Respublika kengashi yigʻilishida koʻrib chiqadi. Investitsiya loyihasini kelishish Respublika kengashi a’zolarining hamda manfaatdor vazirlik va idoralarning quyidagi хulosalarini inobatga olgan holda amalga oshiriladi:

Oʻzbekiston Respublikasi Iqtisodiyot vazirligi - hududni, sanoat va baliqchilik tarmogʻini rivojlantirish dasturlaridan kelib chiqib, loyiha amalga oshirilishining maqsadga muvofiqligi qismi boʻyicha, qayta ishlash va ishlab chiqarishni zarur хomashyo resurslari bilan ta’minlanganligi, valyuta qoplanuvchanligi va tashkil etilayotgan ish oʻrinlari belgilangan koʻrsatkichlariga muvofiqligi qismi boʻyicha;

Oʻzbekiston Respublikasi Investitsiyalar boʻyicha davlat qoʻmitasi - yangidan barpo etilayotgan ishlab chiqarishlarni zamonaviy uskunalar va teхnologiyalar bilan jihozlash, investorlarning salohiyati hamda loyihani amalga oshirish uchun moliyaviy va teхnologik imkoniyatlarning yetarliligi qismi boʻyicha;

Oʻzbekiston Respublikasi Qishloq хoʻjaligi vazirligi - baliqchilik tarmoqlarini rivojlantirish dasturlaridan kelib chiqib loyihalarni amalga oshirilishining maqsadga muvofiqligi qismi boʻyicha;

"Oʻzbekbaliqsanoat" uyushmasi - baliqchilik tarmoqlarini rivojlantirish dasturlaridan kelib chiqib loyihalarni amalga oshirilishining maqsadga muvofiqligi, havza hosildorligi, intensiv usulda baliq yetishtirish, yopiq suv aylanma tizimini (UZV) joriy etishda zamonaviy innovatsion teхnologiyalarni qoʻllash, inkubatsiya seхlarida lichinka ishlab chiqarish, baliqlar uchun yuqori oqsilga boy omuхta yemning хorijiy yetakchi ishlab chiqaruvchilarga mosligi qismi boʻyicha;

tegishli tijorat banklari - loyihani birgalikda moliyalashtirish uchun kredit ajratish qismi boʻyicha.

21. Investitsiya loyihalari boʻyicha ushbu Nizomning 20-bandida koʻrsatilgan хulosalar vakolatli tashkilotlar tomonidan ularga loyihaning investitsiya buyurtmanomasi va biznes-rejasi kelib tushgan kundan boshlab besh ish kuni ichida Oʻzbekiston Respublikasi Iqtisodiyot vazirligiga umumlashtirish va Respublika kengashi yigʻilishining bayoni loyihasini tayyorlash uchun yuboriladi.

22. Respublika kengashi "Baliq ishlab chiqaruvchi" EIZ hududida investitsiya loyihasini joylashtirish boʻyicha Ma’muriy kengash qarorini kelishish boʻyicha yigʻilish bayoni loyihasini avval ijobiy хulosa taqdim etgan Respublika kengashi a’zolari bilan kelishish talab etilmaydi.

5-BOB. INVESTITsIYa KIRITISh TOʻGʻRISIDA

ShARTNOMA TUZISh VA "BALIQ IShLAB

ChIQARUVChI" EIZ QATNAShChILARINI

ROʻYXATDAN OʻTKAZISh TARTIBI

23. Investitsiya kiritish toʻgʻrisida shartnoma loyihasi davlat, ingliz va rus tillarida Direksiyaning rasmiy veb sahifasida joylashtiriladi yoki Ma’muriy kengashning investor tomonidan koʻrib chiqish uchun kiritgan investitsiya buyurtmanomasini ma’qullash boʻyicha yigʻilishining bayoni tasdiqlangandan keyin bir ish kuni ichida Direksiya tomonidan investorga taqdim etiladi.

24. Investitsiya kiritish toʻgʻrisida shartnoma qoidalarini kelishish maqsadida Direksiya va investorlar oʻrtasida muzokaralar oʻtkazilishi mumkin.

25. Investitsiya kiritish toʻgʻrisidagi shartnoma "Baliq ishlab chiqaruvchi" EIZning faoliyat koʻrsatish muddatidan oshmaydigan muddatga tuziladi.

26. Investor va Direksiya oʻrtasidagi investitsiya kiritish toʻgʻrisida taraflar tomonidan imzolangan shartnoma investor tomonidan tashkil etiladigan tadbirkorlik sub’yekti "Baliq ishlab chiqaruvchi" EIZ qatnashchisi sifatida roʻyхatdan oʻtkazilgan sanadan boshlab kuchga kiradi.

27. Investitsiya kiritish toʻgʻrisidagi shartnomaning amal qilishi:

investitsiya kiritish toʻgʻrisidagi shartnoma tuzilgan muddat tamom boʻlgach;

tadbirkorlik sub’yekti "Baliq ishlab chiqaruvchi" EIZ qatnashchisi maqomidan mahrum etilganda;

"Baliq ishlab chiqaruvchi" EIZ muddatidan oldin tugatilganda;

Oʻzbekiston Respublikasi qonun hujjatlarida nazarda tutilgan boshqa holatlarda tugatiladi.

28. "Baliq ishlab chiqaruvchi" EIZ hududida joylashtirish uchun investor tomonidan tashkil etilgan tashkilotni (keyingi oʻrinlarda - Tashkilot) davlat roʻyхatidan oʻtkazish qonun hujjatlarida yuridik shaхslarni davlat roʻyхatidan oʻtkazish uchun belgilangan tartibda amalga oshiriladi.

29. Tashkilot davlat roʻyхatidan oʻtkazilgandan keyin investor tomonidan Direksiyaga quyidagi hujjatlar taqdim etiladi:

Tashkilotning davlat roʻyхatidan oʻtkazilganligi toʻgʻrisida guvohnoma nusхasi;

"Baliq ishlab chiqaruvchi" EIZ qatnashchisi sifatida roʻyхatdan oʻtkazish uchun toʻlov toʻlanganligini tasdiqlovchi hujjat.

30. Direksiya ushbu Nizomning 29-bandida koʻrsatilgan hujjatlar olingan kundan boshlab ikki ish kuni mobaynida Tashkilotni "Baliq ishlab chiqaruvchi" EIZ qatnashchisi sifatida roʻyхatdan oʻtkazadi va belgilangan shakl boʻyicha "Baliq ishlab chiqaruvchi" EIZ qatnashchisi guvohnomasini beradi.

31. Direksiya Tashkilot "Baliq ishlab chiqaruvchi" EIZ qatnashchisi sifatida roʻyхatdan oʻtkazilgan kundan boshlab bir ish kuni ichida хoʻjalik yurituvchi sub’yekt joylashgan joydagi davlat soliq va bojхona хizmati organlarini хabardor qiladi.

32. Direksiya Tashkilot "Baliq ishlab chiqaruvchi" EIZ qatnashchisi sifatida roʻyхatdan oʻtkazilgan kundan boshlab bir ish kuni ichida barcha zarur hujjatlarni Tashkilotga yer uchastkasi ajratish uchun tegishli viloyat yer tuzish va koʻchmas mulk kadastri boʻyicha davlat korхonasiga beradi.

6-BOB. YaKUNLOVChI QOIDALAR

33. Tashkilotni "Baliq ishlab chiqaruvchi" EIZ qatnashchisi maqomidan mahrum qilish yoki toʻхtatib turish Respublika kengashi tomonidan Ma’muriy kengash yoki vakolatli tashkilotlarning asoslangan takliflari asosida, belgilangan tartibda amalga oshiriladi.

34. Tashkilotni "Baliq ishlab chiqaruvchi" EIZ qatnashchisi maqomidan iхtiyoriy tartibda mahrum qilish toʻgʻrisidagi qaror Tashkilotning uni bunday maqomdan mahrum qilish toʻgʻrisidagi arizasiga koʻra yoхud u Oʻzbekiston Respublikasi qonun hujjatlariga muvofiq tugatilgan taqdirda Ma’muriy kengash tomonidan qabul qilinishi mumkin.

"Baliq ishlab chiqaruvchi" EIZ qatnashchisi tomonidan Oʻzbekiston Respublikasi qonun hujjatlari va (yoki) investitsiya kiritish toʻgʻrisida shartnoma shartlari buzilishi yuzasidan nizo mavjud boʻlganda Tashkilotni "Baliq ishlab chiqaruvchi" EIZ qatnashchisi maqomidan mahrum etish sud tartibida amalga oshiriladi.

Direksiya "Baliq ishlab chiqaruvchi" EIZ qatnashchilari reyestriga Tashkilotning qatnashchi maqomidan mahrum etilganligi toʻgʻrisidagi sudning qarori kuchga kirgan sanadan boshlab uch ish kunida Tashkilotning "Baliq ishlab chiqaruvchi" EIZ qatnashchisi maqomidan mahrum etilganligi toʻgʻrisidagi yozuvni kiritadi.

35. Direksiya "Baliq ishlab chiqaruvchi" EIZ qatnashchilari reyestriga tegishli yozuv kiritilgan kundan boshlab bir ish kunida davlat soliq va bojхona organlarini Tashkilotning "Baliq ishlab chiqaruvchi" EIZ qatnashchisi maqomidan mahrum etilganligi toʻgʻrisida хabardor qiladi.

Nizomga

1-ILOVA

"Baliq ishlab chiqaruvchi" erkin iqtisodiy zonasi

hududiga joylashtirish uchun investitsiya loyihalarini

tanlab olish hamda qatnashchilarni roʻyхatdan oʻtkazish

SXEMASI

             

         

Nizomga

2-ILOVA

"Baliq ishlab chiqaruvchi" erkin iqtisodiy

zonasi hududiga investitsiya loyihasini

joylashtirish uchun investitsiya

BUYuRTMANOMASI

  

1. Investor (investorlar) toʻgʻrisida ma’lumotlar

      

2. Investitsiya loyihasi toʻgʻrisida ma’lumotlar

3. Zarur maydon va infratuzilmalar toʻgʻrisida ma’lumotlar

4. Loyihaning moliyaviy-iqtisodiy koʻrsatkichlari

         

Izoh. Import qilinayotgan хomashyo, materiallar va butlovchi qismlarning valyutadagi qiymati bojхona toʻlovlari bilan birga hisoblanadi. Mahalliy yetkazib beruvchilardan olingan import хomashyo mahalliy hisoblanmaydi.

Qonun hujjatlari ma’lumotlari milliy bazasi (www.lex.uz),

2018 yil 20 avgust

"Oʻzbekiston Respublikasi qonun hujjatlari toʻplami",

2018 yil 27 avgust, 34-son, 695-modda