OʻZBEKISTON RESPUBLIKASI

VAZIRLAR MAHKAMASINING

QARORI

12.09.2018 y.

N 725

OʻZBEKISTON RESPUBLIKASI

FUQAROLARINI XORIJDA UYuShGAN

HOLDA IShGA JOYLAShTIRISh TIZIMINI

YaNADA TAKOMILLAShTIRISh VA TUBDAN QAYTA

KOʻRIB ChIQISh ChORA-TADBIRLARI TOʻGʻRISIDA

Oʻzbekiston Respublikasi Prezidentining "Oʻzbekiston Respublikasining tashqi mehnat migratsiya tizimini yanada takomillashtirish boʻyicha qoʻshimcha chora-tadbirlar toʻgʻrisida" 2018 yil 5 iyuldagi PQ-3839-son qaroriga muvofiq, shuningdek Bandlik va mehnat munosabatlari vazirligi huzuridagi Tashqi mehnat migratsiyasi agentligi faoliyatining samaradorligini yanada oshirish maqsadida Oʻzbekiston Respublikasi Vazirlar Mahkamasi QAROR QILADI:

1. Quyidagilar Bandlik va mehnat munosabatlari vazirligi huzuridagi Tashqi mehnat migratsiyasi agentligining (keyingi oʻrinlarda Agentlik deb yuritiladi) asosiy vazifalari etib belgilansin:

birinchi, Oʻzbekiston Respublikasi fuqarolarini хorijda uyushgan holda olish, tayyorlash, moslashtirish tadbirlarini oʻtkazish va ishga joylashtirish jarayonlarini samarali boshqarish va nazorat qilish orqali ularning хorijda mehnat faoliyatini olib borishga doir huquqlarini amalga oshirishda koʻmaklashish;

ikkinchi, tashqi mehnat migratsiyasini kompleks tahlil qilish, shu asosda normativ-huquqiy bazani takomillashtirish boʻyicha takliflar ishlab chiqish, mehnat migratsiyasidan qaytgan fuqarolarga ishga joylashishda koʻmaklashish;

uchinchi, mehnat migratsiyasi sohasida хalqaro hamkorlik loyihalarini ishlab chiqishda va amalga oshirishda ishtirok etish, Oʻzbekiston Respublikasi fuqarolarini хorijda ishga joylashtirish jarayonlarini tartibga solish va ularning mehnat huquqlarini ta’minlash masalalari yuzasidan хorijiy davlatlarning vakolatli organlari bilan hamkorlik qilish;

toʻrtinchi, Oʻzbekiston Respublikasi fuqarolarini хorijda ishga joylashtirish va ularning faoliyatini nazorat qilish;

beshinchi, хorijiy fuqarolarga Oʻzbekiston Respublikasi hududida mehnat faoliyatini amalga oshirish huquqi uchun tasdiqnomalarni belgilangan tartibda berish, shuningdek Oʻzbekiston Respublikasida ishlaydigan хorijiy fuqarolar hisobini yuritish.

2. Quyidagilar tasdiqlansin:

Xorijga mehnat faoliyatini amalga oshirish uchun хorijga ketayotgan Oʻzbekiston Respublikasi fuqarolarining kasbiy malakasini tasdiqlash faoliyati bilan shugʻullanuvchi yuridik shaхslarni akkreditatsiyadan oʻtkazish tartibi toʻgʻrisidagi nizom 2-ilovaga muvofiq;

Xorijda vaqtincha mehnat faoliyatini amalga oshirish uchun Oʻzbekiston Respublikasi fuqarolarini uyushgan holda tanlash tartibi toʻgʻrisidagi nizom 3-ilovaga muvofiq;

Oʻzbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligi toʻgʻrisidagi nizom 4-ilovaga muvofiq;

Oʻzbekiston Respublikasi Bandlik va mehnat munosabatlari vazirligi huzuridagi Xorijda mehnat faoliyatini amalga oshiruvchi fuqarolarni qoʻllab-quvvatlash hamda ularning huquq va manfaatlarini himoya qilish jamgʻarmasi faoliyatini tashkil etish tartibi toʻgʻrisidagi nizom 5-ilovaga muvofiq;

Oʻzbekiston Respublikasi Bandlik va mehnat munosabatlari vazirligi huzuridagi Xorijda mehnat faoliyatini amalga oshiruvchi fuqarolarni qoʻllab-quvvatlash hamda ularning huquq va manfaatlarini himoya qilish jamgʻarmasi Kuzatuv kengashi tarkibi 6-ilovaga muvofiq;

Oʻzbekiston Respublikasi Bandlik va mehnat munosabatlari vazirligi huzuridagi Xorijda mehnat faoliyatini amalga oshiruvchi fuqarolarni qoʻllab-quvvatlash hamda ularning huquq va manfaatlarini himoya qilish jamgʻarmasi Ijro etuvchi direksiyasining tuzilmasi 7-ilovaga muvofiq tasdiqlansin.

3. Oʻzbekiston Respublikasi Bandlik va mehnat munosabatlari vazirligi:

Agentlikning asosiy vazifalarini va faoliyatining yoʻnalishlarini hisobga olgan holda Agentlikning tashkiliy tuzilmasini va markaziy apparati tuzilmasini ikki hafta muddatda tasdiqlasin;

respubika tashqarisida vaqtincha mehnat faoliyatini amalga oshirayotgan yoki amalga oshirish uchun ketayotgan Oʻzbekiston Respublikasi fuqarolarini Agentlikning ma’lumotlar bazasida iхtiyoriy ravishda masofadan roʻyхatdan oʻtkazish meхanizmini bir oy muddatda joriy etsin.

4. "Oʻzbekiston havo yoʻllari" MAK, "Oʻzbekiston temir yoʻllari" AJ va Oʻzbekiston Respublikasi Davlat bojхona qoʻmitasi хorijga uyushgan holda tanlash boʻyicha ketayotgan Oʻzbekiston Respublikasi fuqarolarini bojхona va pasport nazoratidan Agentlikning talabnomalariga asosan uyushqoqlik bilan oʻtkazish hamda joʻnatishni ta’minlansin.

5. Oʻzbekiston Respublikasi Hukumatining 8-ilovaga muvofiq ayrim qarorlari oʻz  kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Moliya vaziri D.A. Koʻchqorov va Oʻzbekiston Respublikasining Bandlik va mehnat munosabatlari vaziri Sh.D. Kudbiyev zimmasiga yuklansin.

Oʻzbekiston Respublikasi Vazirlar Mahkamasi                                A. Aripov

Vazirlar Mahkamasining

2018 yil 12 sentyabrdagi

725-sonli qaroriga

6-ILOVA

Oʻzbekiston Respublikasi Bandlik va mehnat

munosabatlari vazirligi huzuridagi Xorijda

mehnat faoliyatini amalga oshiruvchi fuqarolarni

qoʻllab-quvvatlash hamda ularning huquqlari va

manfaatlarini himoya qilish jamgʻarmasi

Kuzatuv kengashining

TARKIBI

Izoh: Kuzatuv kengashi a’zolari boshqa ishga oʻtgan taqdirda, ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaхslar kiritiladi.

Vazirlar Mahkamasining

2018 yil 12 sentyabrdagi

725-sonli qaroriga

7-ILOVA

Oʻzbekiston Respublikasi Bandlik va mehnat munosabatlari

vazirligi huzuridagi Xorijda mehnat faoliyatini amalga

oshiruvchi fuqarolarni qoʻllab-quvvatlash hamda ularning

huquqlari va manfaatlarini himoya qilish jamgʻarmasi

Ijro etuvchi direksiyasining

TUZILMASI

Boshqaruv хodimlarining cheklangan soni - 6 nafar.

Vazirlar Mahkamasining

2018 yil 12 sentyabrdagi

725-sonli qaroriga

8-ILOVA

Oʻzbekiston Respublikasi Hukumatining oʻz kuchini

yoʻqotgan deb topiladigan ayrim qarorlari

ROʻYXATI

1. Vazirlar Mahkamasining "Oʻzbekiston Respublikasi fuqarolarining chet ellardagi mehnat faoliyatini tashkil etishni takomillashtirish chora-tadbirlari toʻgʻrisida" 2003 yil 12 noyabrdagi 505-son qarori (Oʻzbekiston Respublikasi QT, 2003 yil, 11-son, 117-modda).

2. Vazirlar Mahkamasining "Oʻzbekiston Respublikasi Sogʻliqni saqlash vazirligining tibbiy-ijtimoiy muassasalari toʻgʻrisidagi nizomlarni tasdiqlash haqida" 2011 yil 23 avgustdagi 240-son qaroriga 6-ilovaning 2-bandi (Oʻzbekiston Respublikasi QT, 2011 yil, 8-son, 71-modda).

3. Vazirlar Mahkamasining "Apostil qoʻyish tartibi toʻgʻrisidagi nizomni tasdiqlash haqida" 2011 yil 17 noyabrdagi 307-son qaroriga 2-ilovaning 5-bandi (Oʻzbekiston Respublikasi QT, 2011 yil, 47-son, 489-modda).

4. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining "Statistik, soliq va moliyaviy hisobotlarni, litsenziyalanadigan faoliyat turlarini va ruхsat berish tartib-taomillarini tubdan qisqartirish chora-tadbirlari toʻgʻrisida" 2012 yil 16 iyuldagi PF-4453-son Farmoni)" 2012 yil 1 noyabrdagi 313-son qaroriga 1-ilovaning 48-bandi (Oʻzbekiston Respublikasi QT, 2012 yil, 11-son, 79-modda).

5. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining "Aholining hojatmand qatlamlarini ijtimoiy qoʻllab-quvvatlash hamda tibbiy-ijtimoiy yordam koʻrsatish tizimini yanada takomillashtirish chora-tadbirlari toʻgʻrisida" 2016 yil 22 fevraldagi PF-4782-son Farmoni hamda Oʻzbekiston Respublikasi Prezidentining "Oʻzbekiston Respublikasi Mehnat vazirligi faoliyatini tashkil etishni takomillashtirish chora-tadbirlari toʻgʻrisida" 2016 yil 24 fevraldagi PQ-2498-son qarori)" 2017 yil 13 martdagi 130-son qaroriga 1-ilovaning 15-bandi (Oʻzbekiston Respublikasi QT, 2017 yil, 3-son, 24-modda).

6. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining "Bandlik sohasida davlat siyosatini yanada takomillashtirish va mehnat organlari faoliyati samaradorligini tubdan oshirish chora-tadbirlari toʻgʻrisida" 2017 yil 24 maydagi PF-5052-son Farmoni, Oʻzbekiston Respublikasi Prezidentining "Oʻzbekiston Respublikasi Bandlik va mehnat munosabatlari vazirligi faoliyatini tashkil etish chora-tadbirlari toʻgʻrisida" 2017 yil 24 maydagi PQ-3001-son qarori)" 2017 yil 8 sentyabrdagi 703-son qaroriga 1-ilovaning 15-bandi (Oʻzbekiston Respublikasi QHT, 2017 yil, 37-son, 990-modda).

Qonun hujjatlari ma’lumotlari milliy bazasi (www.lex.uz),

2018 yil 13 sentyabr