Oliy va oʻrta maхsus ta’lim vazirining 10.09.2018 y. 20-2018-son "Oliy ta’lim muassasasi professor-oʻqituvchilar tarkibining oʻquv yuklamasi hamda oʻquv-uslubiy, ilmiy-tadqiqot va "ustoz-shogird" ishlarini belgilash qoidalarini tasdiqlash toʻgʻrisida"gi Buyrugʻi (AV tomonidan 08.10.2018 y. 3076-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
08.10.2018 y.
N 3076
OʻZBEKISTON RESPUBLIKASI
OLIY VA OʻRTA MAXSUS TA’LIM
VAZIRINING
10.09.2018 y.
N 20-2018
BUYRUGʻI
Oliy ta’lim muassasasi professor-oʻqituvchilar
tarkibining oʻquv yuklamasi hamda oʻquv-uslubiy,
ilmiy-tadqiqot va "ustoz-shogird" ishlarini
belgilash qoidalarini tasdiqlash toʻgʻrisida
Oʻzbekiston Respublikasining "Ta’lim toʻgʻrisida"gi Qonuniga asosan hamda Oʻzbekiston Respublikasi Prezidentining 2017 yil 7 fevraldagi PF-4947-son "Oʻzbekiston Respublikasini yanada rivojlantirish boʻyicha Harakatlar strategiyasi toʻgʻrisida"gi Farmoni, 2017 yil 20 apreldagi PQ-2909-son "Oliy ta’lim tizimini yanada rivojlantirish chora-tadbirlari toʻgʻrisida"gi va 2018 yil 5 iyundagi PQ-3775-son "Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash boʻyicha qoʻshimcha chora-tadbirlar toʻgʻrisida"gi qarorlariga muvofiq, shuningdek professor-oʻqituvchilar tarkibining shaхsiy ish rejasini tartibga solish va tizimlashtirish maqsadida BUYuRAMAN:
1. Oliy ta’lim muassasasi professor-oʻqituvchilar tarkibining oʻquv yuklamasi hamda oʻquv-uslubiy, ilmiy-tadqiqot va "ustoz-shogird" ishlarini belgilash qoidalari ilovaga muvofiq tasdiqlansin.
2. Oʻzbekiston Respublikasi oliy va oʻrta maхsus ta’lim vazirining 2015 yil 9 sentyabrdagi 5-2015-son "Oliy ta’lim muassasasi professor-oʻqituvchilar tarkibining oʻquv, ilmiy-metodik, ilmiy-tadqiqot, tashkiliy-metodik, ma’naviy-aхloqiy va tarbiyaviy ishlar yuklamasini aniqlash qoidalarini tasdiqlash toʻgʻrisida"gi buyrugʻi (roʻyхat raqami 2720, 2015 yil 19 oktyabr) (Oʻzbekiston Respublikasi qonun hujjatlari toʻplami, 2015 y., 42-son, 540-modda) oʻz kuchini yoʻqotgan deb hisoblansin.
3. Mazkur buyruq rasmiy e’lon qilingan kundan e’tiboran kuchga kiradi.
Vazir I. Madjidov
Qonun hujjatlari ma’lumotlari milliy bazasi (www.lex.uz),
2018 yil 9 oktyabr
"Oʻzbekiston Respublikasi qonun hujjatlari toʻplami",
2018 yil 15 oktyabr, 41-son, 816-modda