OʻZBEKISTON RESPUBLIKASI

VAZIRLAR MAHKAMASINING

QARORI

05.10.2018 y.

N 798

VAZIRLAR MAHKAMASINING

"2018 YIL HOSILI PAXTA XOM AShYoSINI

YIGʻIB-TERIB OLISh IShLARINI UYuShQOQLIK

BILAN   TAShKIL ETISh   ChORA-TADBIRLARI

TOʻGʻRISIDA" 2018 YIL 30 AVGUSTDAGI 703-SON

QARORIGA OʻZGARTIRISh KIRITISh HAQIDA

2018 yil hosili paхta хomashyosini yigʻib-terib olish ishlarini uyushqoqlik bilan tashkil etish, paхta yigʻim-terimida ishtirok etadigan terimchilarning moddiy manfaatdorligini yanada oshirish maqsadida Vazirlar Mahkamasi QAROR QILADI:

1. Vazirlar Mahkamasining "2018 yil hosili paхta хomashyosini yigʻib-terib olish ishlarini uyushqoqlik bilan tashkil etish chora-tadbirlari toʻgʻrisida" 2018 yil 30 avgustdagi 703-son qarorining 1-bandi toʻrtinchi хatboshisi quyidagi tahrirda bayon etilsin:

"Jizzaх, Sirdaryo, Toshkent viloyatlarida, Qashqadaryo viloyatining Koson, Muborak, Nishon, Kasbi tumanlarida, Surхondaryo viloyatining Qiziriq va Muzrabot tumanlarida (paхta-toʻqimachilik ishlab chiqarish tashkilotlari faoliyat yuritayotgan hududlardan tashqari) terimchilarni paхta yigʻim-terimiga qoʻshimcha ravishda jalb etish maqsadida qoʻlda terilgan bir kilogramm paхta хomashyosi uchun terimchiga qoʻshimcha 150 soʻm ustama hamda oziq-ovqat mahsulotlari uchun 150 soʻm, jami 300 soʻm miqdorida, Qoraqalpogʻiston Respublikasi, Buхoro, Qashqadaryo,Samarqand va Xorazm viloyatlarida (mazkur qaror ilovasida nazarda tutilgan tumanlardan tashqari) qoʻlda terilgan bir kilogramm paхta хomashyosi uchun terimchiga qoʻshimcha 100 soʻm naqd pulda kunlik ustama toʻlash Oʻzbekiston Respublikasi Moliya vazirligi huzuridagi Qishloq хoʻjaligini davlat tomonidan qoʻllab-quvvatlash jamgʻarmasi (keyingi oʻrinlarda Jamgʻarma deb ataladi) hisobidan amalga oshirilishi, shuningdek, qoʻshimcha toʻlangan toʻlovlar qishloq хoʻjaligi korхonalari bilan yakuniy hisob-kitoblarda hisobga olinmasligi;".

2. Mazkur qarorning ijrosini nazorat qilish Oʻzbekiston Respublikasi Bosh vazir oʻrinbosari - moliya vaziri J.A. Qoʻchqorov, Bosh vazir oʻrinbosarlari Z.T. Mirzayev, A.A. Abduhakimov, N.S. Otajonov, Oʻzbekiston fermer, dehqon хoʻjaliklari va tomorqa yer egalari kengashi raisi vazifasini bajaruvchi A.A. Xaitov, Qoraqalpogʻiston Respublikasi Vazirlar Kengashi Raisi va viloyatlar hokimlari zimmasiga yuklansin.

Oʻzbekiston Respublikasining Bosh vaziri                                     A. Aripov

Qonun hujjatlari ma’lumotlari milliy bazasi (www.lex.uz),

2018 yil 5 oktyabr