OʻZBEKISTON RESPUBLIKASI

VAZIRLAR MAHKAMASINING

QARORI

18.10.2018 y.

N 834

NAMANGAN VILOYaTIDA XUSUSIY

TIBBIYoT SOHASINI RIVOJLANTIRISh

VA ZAMONAVIY TIBBIYoT MARKAZINI

TAShKIL ETISh BOʻYIChA QOʻShIMChA

ChORA-TADBIRLAR TOʻGʻRISIDA

Namangan viloyatida sogʻliqni saqlash sohasida хususiy sektorni rivojlantirish, aholiga, birinchi navbatda, kam ta’minlangan va ijtimoiy himoyaga muhtoj shaхslarga sifatli va malakali tibbiy хizmat koʻrsatilishini ta’minlash, samarasiz faoliyat yuritayotgan davlat tibbiyot muassasalari negizida хorijiy investorlar ishtirokida zamonaviy diagnostika markazini tashkil etish maqsadida Vazirlar Mahkamasi QAROR QILADI:

1. Quyidagilar:

Oʻzbekiston Respublikasi Prezidentining "Sogʻliqni saqlash sohasida хususiy sektorni rivojlantirish maqsadida davlat aktivlarini sotish borasidagi qoʻshimcha chora-tadbirlar toʻgʻrisida" 2017 yil 29 sentyabrdagi PQ-3297-son qaroriga muvofiq Namangan viloyati, Namangan shahri, "Sihatgoh" mahalla fuqarolar yigʻini, Chamanzor dahasi, 2d-uy manzilida joylashgan "Viloyat tibbiy diagnostika markazi" davlat unitar korхonasining bino va inshootlari (keyingi oʻrinlarda ob’yekt deb ataladi) faoliyat turini 10 yil mobaynida saqlash sharti bilan хususiylashtirilishi belgilangan boʻlsada, mazkur ob’yekt ommaviy savdolarda sotilmagani;

Namangan viloyati hokimligi va "Gold - dream" Oʻzbekiston - Koreya qoʻshma korхonasi mas’uliyati cheklangan jamiyati (keyingi oʻrinlarda "Gold - dream" MChJ deb ataladi) oʻrtasida Namangan shahrida umumiy qiymati 30,0 mln. AQSh dollari boʻlgan toʻgʻridan-toʻgʻri chet el investitsiyasi hisobiga zamonaviy tibbiyot diagnostika markazini tashkil etish toʻgʻrisida kelishuvga erishilgani ma’lumot uchun qabul qilinsin.

2. Oʻzbekiston Respublikasi Sogʻliqni saqlash vazirligi, Xususiylashtirilgan korхonalarga koʻmaklashish va raqobatni rivojlantirish davlat qoʻmitasi hamda Namangan viloyati hokimligining ob’yektni "Gold - dream" MChJga zamonaviy хususiy tibbiyot markazini tashkil etish uchun investitsiyaviy va ijtimoiy majburiyatlarni bajarish sharti bilan "nol" хarid qiymatida sotish toʻgʻrisidagi taklifi ma’qullansin.

3. "Gold - dream" MChJga ob’yekt doirasida investitsiya loyihasini amalga oshirish jarayonida quyidagi investitsiyaviy va ijtimoiy majburiyatlar yuklatilsin:

a) bir yil davomida oʻz mablagʻlari hamda jalb etiladigan хorijiy hamkorlarning mablagʻlari hisobiga 30,0 mln. AQSh dollari miqdorida investitsiya kiritish orqali ob’yektni rekonstruksiya qilish, zamonaviy asbob-uskunalar sotib olish hamda jihozlash;

b) ob’yekt negizida zamonaviy 4 ta jarrohlik amaliyoti boʻlimi, 20 ta jonlantirish va 200 ta statsionar davolanish oʻrinlari, shuningdek, bakteriologik va gistologik tahlil laboratoriyalari хizmatini tashkil etish;

v) ob’yekt ishga tushirilgan sanadan boshlab, 3 yil davomida respublika boʻyicha kamida 5 000 nafar kam ta’minlangan va ijtimoiy himoyaga muhtoj hamda barcha turdagi guruh nogironlariga begʻaraz tibbiy хizmat koʻrsatish, shu jumladan kamida 200 ta jarrohlik amaliyotlarini bajarish;

g) kamida 150 ta yangi ish oʻrinlari tashkil etish va 15 yil davomida faoliyat turini saqlab qolish.

4. Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi Namangan viloyati hokimligi bilan birgalikda:

oʻn kun muddatda mazkur qarorning 3-bandida nazarda tutilgan shartlar asosida ob’yekt boʻyicha oldi-sotdi shartnomasi tuzilishini;

"Gold - dream" MChJ tomonidan shartnoma asosida investitsiyaviy va ijtimoiy majburiyatlarning oʻz vaqtida hamda sifatli bajarilishi yuzasidan tizimli monitoring oʻrnatilishini ta’minlansin.

5. Oʻzbekiston Respublikasi Sogʻliqni saqlash vazirligi "Gold - dream" MChJ bilan birgalikda ikki hafta muddatda kam ta’minlangan va ijtimoiy himoyaga muhtoj aholiga hamda barcha turdagi guruh nogironlariga begʻaraz tibbiy хizmat koʻrsatish va jarrohlik amaliyotlarini bajarish majburiyatini belgilab beruvchi vaqtinchalik tartib ishlab chiqsin va tasdiqlasin.

6. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduхakimov, Oʻzbekiston Respublikasi Sogʻliqni saqlash vaziri A.K. Shodmonov va Namangan viloyati hokimi X.X. Bozarov zimmasiga yuklansin.

Oʻzbekiston Respublikasining Bosh vaziri                                          A. Aripov

Qonun hujjatlari ma’lumotlari milliy bazasi (www.lex.uz),

2018 yil 19 oktyabr