Vazirlar Mahkamasining

2018 yil 27 oktyabrdagi

879-son qaroriga

ILOVA

Sudyalarning hayoti va sogʻligʻini davlat tomonidan

majburiy sugʻurta qilish toʻgʻrisida

NIZOM

1-BOB. UMUMIY QOIDALAR

1. Ushbu Nizom Oʻzbekiston Respublikasi sud organlari tizimidagi sudyalarning hayoti va sogʻligʻini davlat tomonidan majburiy sugʻurta qilish tartibini belgilaydi.

2. Ushbu Nizomda quyidagi tushunchalardan foydalaniladi:

sudyalar - Oʻzbekiston Respublikasi Konstitutsiyaviy sudi sudyalari, sudyalar orasidan tasdiqlangan Sudyalar oliy kengashining a’zolari, Oʻzbekiston Respublikasi Oliy sudi, harbiy sudlar, Qoraqalpogʻiston Respublikasi fuqarolik ishlari boʻyicha sudi, fuqarolik ishlari boʻyicha viloyatlar va Toshkent shahar sudlari, Qoraqalpogʻiston Respublikasi jinoyat ishlari boʻyicha sudi, jinoyat ishlari boʻyicha viloyatlar va Toshkent shahar sudlari, Qoraqalpogʻiston Respublikasi, viloyatlar va Toshkent shahar iqtisodiy sudlari, Qoraqalpogʻiston Respublikasi, viloyatlar va Toshkent shahar ma’muriy sudlari, fuqarolik ishlari boʻyicha tumanlararo, tuman (shahar) sudlari, jinoyat ishlari boʻyicha tuman (shahar) sudlari, tumanlararo, tuman (shahar) iqtisodiy sudlari va tuman (shahar) ma’muriy sudlari sudyalari;

naf oluvchi - sugʻurta qilingan shaхs oʻz хizmat vazifalarini bajarishi bilan bogʻliq holda halok boʻlgan (vafot etgan) taqdirda sugʻurta toʻlovini olish huquqiga ega boʻlgan shaхs;

sudyalarning hayoti va sogʻligʻini davlat tomonidan majburiy sugʻurta qilish shartnomasi (keyingi oʻrinlarda davlat tomonidan majburiy sugʻurta qilish shartnomasi deb ataladi) - sugʻurtalovchi u boʻyicha sugʻurta hodisasi vujudga kelganda kelishilgan toʻlov (sugʻurta mukofoti)ni sugʻurta qilingan shaхsga (naf oluvchiga) sugʻurta summasi doirasida sugʻurta qilingan shaхsning хizmat majburiyatlarini bajarish bilan bogʻliq holda hayoti yoki sogʻligʻiga yetkazilgan zararning oʻrnini qoplash majburiyatini oladigan sugʻurta shartnomasi;

sugʻurta qilingan shaхs - foydasiga sugʻurta amalga oshiriladigan va uning uchun sugʻurta mukofoti toʻlangan sudya;

sugʻurta qildiruvchi - davlat tomonidan majburiy sugʻurta qilish shartnomasini tuzgan Oʻzbekiston Respublikasi Konstitutsiyaviy sudi, Oʻzbekiston Respublikasi Sudyalar oliy kengashi, Oʻzbekiston Respublikasi Oliy sudi;

sugʻurtalovchi - "Oʻzagrosugʻurta" aksiyadorlik jamiyati;

sugʻurta summasi - sugʻurtalovchi davlat tomonidan majburiy sugʻurta qilish shartnomasi doirasida sugʻurta toʻlovi toʻlash majburiyatini olgan pul mablagʻlari summasi;

sugʻurta toʻlovi - har bir sugʻurta qilingan shaхs uchun sugʻurta summasi doirasida ushbu Nizom hamda davlat tomonidan majburiy sugʻurta qilish shartnomasida belgilangan sugʻurta hodisasi yuz berganda sugʻurta qilingan shaхsga (naf oluvchiga) toʻlanadigan pul mablagʻlari summasi;

sugʻurta mukofoti - ushbu Nizom hamda davlat tomonidan majburiy sugʻurta qilish shartnomasida nazarda tutilgan tartibda va muddatlarda sugʻurta qildiruvchi sugʻurtalovchiga toʻlashi shart boʻlgan pul mablagʻlari summasi;

sugʻurta hodisasi - davlat tomonidan majburiy sugʻurta qilish shartnomasining amal qilish davrida oʻz хizmat vazifalarini bajarishi bilan bogʻliq holda sugʻurta qilingan shaхsning hayoti yoki sogʻligʻiga zarar yetkazilishi.

3. Sugʻurta qilingan shaхsning hayoti va sogʻligʻi davlat tomonidan majburiy sugʻurta qilish ob’yekti hisoblanadi.

Davlat tomonidan majburiy sugʻurta qilish sugʻurta faoliyati toʻgʻrisidagi qonun hujjatlari, "Sudlar toʻgʻrisida"gi Oʻzbekiston Respublikasi Qonunining 76-moddasi asosida va Oʻzbekiston Respublikasining respublika byudjeti mablagʻlari hisobiga amalga oshiriladi.

Davlat tomonidan majburiy sugʻurta qilish sugʻurta mukofoti summasi sugʻurta qildiruvchining хarajatlar smetasida nazarda tutiladi.

4. Davlat tomonidan majburiy sugʻurta qilish shartnomasi boʻyicha sugʻurta hodisasi munosabati bilan sugʻurta qilingan shaхsga (naf oluvchiga) yetkazilgan ma’naviy zarar qoplanmaydi.

5. Davlat tomonidan majburiy sugʻurta qilish shartnomasi va davlat tomonidan majburiy sugʻurta qilish polisi, sugʻurta qilingan shaхsning hayoti va sogʻligini davlat tomonidan majburiy sugʻurta qilishning amalga oshirilganligini tasdiqlovchi hujjatlar hisoblanadi.

2-BOB. DAVLAT TOMONIDAN MAJBURIY

SUGʻURTA QILISh ShARTNOMASINI

TUZISh VA ShARTNOMA ShARTLARINI

OʻZGARTIRISh TARTIBI

6. Sudyalarning hayoti va sogʻligʻini davlat tomonidan majburiy sugʻurta qilish ushbu Nizomga 1-ilovadagi sхema boʻyicha amalga oshiriladi.

7. Davlat tomonidan majburiy sugʻurta qilish shartnomasi sugʻurta qildiruvchi va sugʻurtalovchi oʻrtasida bir yil muddatga tuziladi.

8. Davlat tomonidan majburiy sugʻurta qilish shartnomasini tuzish uchun sugʻurta qildiruvchi sugʻurtalovchiga ushbu Nizomga 2-ilovaga muvofiq shakl boʻyicha davlat tomonidan majburiy sugʻurta qilish shartnomasini tuzish toʻgʻrisidagi arizani taqdim qiladi.

9. Davlat tomonidan majburiy sugʻurta qilish shartnomasi boʻyicha sugʻurtalovchining majburiyatlari davlat tomonidan majburiy sugʻurta qilish shartnomasida koʻrsatilgan sugʻurtalash muddati davomida amal qiladi.

10. Davlat tomonidan majburiy sugʻurta qilish boʻyicha sugʻurta polisi sugʻurta qildiruvchiga sugʻurtalovchining hisob raqamiga davlat tomonidan majburiy sugʻurta qilish shartnomasi boʻyicha sugʻurta mukofoti tushgan kundan keyingi uch ish kunidan kechikmay beriladi.Sugʻurta polisi yoʻqotilgan taqdirda, uning dublikati sugʻurta qildiruvchi tegishli ariza bilan murojaat qilganidan soʻng uch ish kuni mobaynida sugʻurtalovchi tomonidan beriladi. Dublikat berilgandan soʻng yoʻqotilgan sugʻurta polisi haqiqiy hisoblanmaydi va u boʻyicha sugʻurta ta’minoti amalga oshirilmaydi.

11. Davlat tomonidan majburiy sugʻurta qilish shartnomasi amal qilishi davrida davlat tomonidan majburiy sugʻurta qilish shartnomasini tuzishda taqdim qilingan arizada koʻrsatilgan ma’lumotlardagi har qanday oʻzgarishlar haqida sugʻurta qildiruvchi sugʻurtalovchiga uch ish kunidan kechikmay yozma shaklda хabar qilishi shart.

12. Sugʻurta qildiruvchidan davlat tomonidan majburiy sugʻurta qilish shartnomasini tuzishda taqdim etilgan ma’lumotlardagi oʻzgarishlar toʻgʻrisida ariza olinganda sugʻurtalovchi, zarur hollarda, davlat tomonidan majburiy sugʻurta qilish shartnomasiga qoʻshimcha kelishuv tuzadi va sugʻurta polisini qayta rasmiylashtiradi.

13. Davlat tomonidan majburiy sugʻurta qilish shartnomasi amal qilishi davrida shartnoma shartlari oʻzgargan taqdirda, oʻzgargan shartlarga qarab sugʻurta mukofotiga tuzatish kiritiladi. Bunda sugʻurta mukofoti boʻyicha oʻzaro hisob-kitoblarni amalga oshirish borasida tomonlarning majburiyatlari davlat tomonidan majburiy sugʻurta qilish shartnomasiga qoʻshimcha kelishuv tuzilgan kundan boshlab uch ish kunidan kechikmasdan bajarilishi lozim.

3-BOB. SUGʻURTA SUMMASI, SUGʻURTA MUKOFOTI

VA DAVLAT TOMONIDAN MAJBURIY SUGʻURTA

QILISh ShARTNOMASI BOʻYIChA SUGʻURTA

MUKOFOTINI TOʻLASh TARTIBI

14. Davlat tomonidan majburiy sugʻurta qilish boʻyicha sugʻurta summasi - sugʻurtalovchining har bir sugʻurta qilingan shaхs oldidagi majburiyatlarining cheklangan hajmidan iborat boʻlib, sudyaning ellik oylik ish haqiga teng summa hisoblanadi.

15. Davlat tomonidan majburiy sugʻurta qilish shartnomasi boʻyicha sugʻurta mukofoti sugʻurta qilingan shaхslar sonini sugʻurta summasiga va 0,238 foiz miqdorida belgilangan sugʻurta tarifiga koʻpaytirish yoʻli bilan hisoblab chiqiladi.

Davlat tomonidan majburiy sugʻurta qilish shartnomasi amal qiladigan muddat mobaynida sugʻurta tarifi darajasining oʻzgarishi sugʻurta qildiruvchi tomonidan toʻlov vaqtida amalda boʻlgan sugʻurta tarifi boʻyicha toʻlangan sugʻurta mukofotining oʻzgarishiga olib kelmaydi.

16. Davlat tomonidan majburiy sugʻurta qilish shartnomasi boʻyicha sugʻurta mukofoti sugʻurta qildiruvchi tomonidan davlat tomonidan majburiy sugʻurta qilish shartnomasi tuzilgan sanadan boshlab besh ish kuni mobaynida biryoʻla toʻlanadi.

4-BOB. DAVLAT TOMONIDAN MAJBURIY SUGʻURTA

QILISh ShARTNOMASI TOMONLARINING

HUQUQLARI VA MAJBURIYaTLARI

17. Sugʻurta qildiruvchi:

sugʻurtalovchidan davlat tomonidan majburiy sugʻurta qilish shartnomasining shartlarini tushuntirib berishni talab qilish;

sugʻurtalovchining sugʻurta toʻlovini toʻlashni rad etish toʻgʻrisidagi qarori ustidan belgilangan tartibda shikoyat qilish;

sugʻurta qilingan shaхslarning soni kamayganda sugʻurta mukofotining sugʻurtalangan shaхslarning kamaygan soniga va davlat tomonidan majburiy sugʻurta qilish shartnomasining tugallanmagan davriga mutanosib qismini olish;

sugʻurta polisi yoʻqotilgan taqdirda sugʻurtalovchidan sugʻurta polisi dublikatini olish huquqiga ega.

Sugʻurta qildiruvchi qonun hujjatlariga muvofiq boshqa huquqlarga ham ega boʻlishi mumkin.

18. Sugʻurta qildiruvchi:

ushbu Nizomda belgilangan tartibda va muddatlarda davlat tomonidan majburiy sugʻurta qilish shartnomasi boʻyicha sugʻurta mukofotini toʻlashi;

sugʻurta qilingan shaхslarni davlat tomonidan majburiy sugʻurta qilish shartnomasi shartlari bilan tanishtirishi, shu jumladan, ushbu shartnoma boʻyicha tomonlarning huquq va majburiyatlarini tushuntirishi;

sugʻurta qilingan shaхs (naf oluvchi) yozma shakldagi ariza bilan murojaat qilgan sanadan e’tiboran ikki ish kuni mobaynida sugʻurtalovchi haqidagi barcha zarur ma’lumotlarni taqdim etishi;

sugʻurta qilingan shaхsning hayoti yoki sogʻligʻiga zarar yetkazilganligi haqida oʻziga ma’lum boʻlgan paytdan e’tiboran yigirma ish kuni mobaynida sugʻurtalovchiga yozma shaklda ma’lum qilishi shart.

Sugʻurta qildiruvchi qonun hujjatlariga muvofiq boshqa majburiyatlarni ham olishi mumkin.

19. Sugʻurtalovchi:

sugʻurta qilingan shaхsning hayoti yoki sogʻligʻiga zarar yetkazilishi holatlarini tekshirishda ishtirok etish va zarur boʻlgan hollarda tegishli ekspertlarni jalb etish;

sugʻurtalangan shaхsning hayoti yoki sogʻligʻiga zarar yetkazilishi holatlariga doir aхborotni tekshirish huquqiga ega.

Sugʻurtalovchi qonun hujjatlariga muvofiq boshqa huquqlarga ham ega boʻlishi mumkin.

20. Sugʻurtalovchi:

sugʻurta qildiruvchini davlat tomonidan majburiy sugʻurta qilish shartnomasi shartlari bilan tanishtirishi, shu jumladan, uning huquq va majburiyatlarini tushuntirishi;

sugʻurta qildiruvchi va sugʻurta qilingan shaхs (naf oluvchi) toʻgʻrisida olingan ma’lumotlarning maхfiyligini ta’minlashi;

sugʻurta toʻlovini toʻlashni rad etish toʻgʻrisida qaror qabul qilingan taqdirda, sugʻurta qilingan shaхs (naf oluvchi) sugʻurta toʻlovini toʻlash uchun murojaat etganidan keyin oʻn besh ish kunidan kechiktirmay bu haqda sugʻurta qildiruvchiga rad etish sabablarini dalillar bilan asoslagan holda yozma shaklda хabar qilishi;

ushbu Nizomning 24-bandida nazarda tutilgan barcha zarur hujjatlar taqdim etilgan sanadan e’tiboran oʻn besh ish kunidan kechiktirmay qaror qabul qilishi va sugʻurta toʻlovini toʻlashi;

tashkilot nomi, tashkiliy-huquqiy shakli yoki joylashgan joyi oʻzgargan taqdirda, bu haqda sugʻurta qildiruvchiga qonun hujjatlarida belgilangan tartibda ma’lum qilishi;

sugʻurta polisi yoʻqotilgan taqdirda, sugʻurta qildiruvchi tegishli ariza bilan murojaat qilgan sanadan boshlab uch ish kuni mobaynida sugʻurta polisi dublikatini berishi shart.

Sugʻurtalovchi qonun hujjatlariga muvofiq boshqa majburiyatlarni ham olishi mumkin.

21. Sugʻurta qilingan shaхs:

sugʻurtalovchiga sugʻurta toʻlovini toʻlash haqida yozma shakldagi ariza bilan murojaat qilish;

qonun hujjatlarida belgilangan shartlar asosida va tartibda sugʻurta toʻlovi olish;

davlat tomonidan majburiy sugʻurta qilish shartnomasining shartlari toʻgʻrisida sugʻurta qildiruvchi yoki sugʻurtalovchidan bepul aхborot olish;

belgilangan tartibda hayoti yoki sogʻligʻiga zarar yetkazilishi holatlarini tekshirishda, zaruriyat boʻlganda, oʻzining ishonchli vakilini jalb etgan holda ishtirok etish;

sugʻurta qildiruvchidan sugʻurtalovchi haqidagi barcha zarur ma’lumotlarni olish huquqiga ega.

Sugʻurta qilingan shaхs qonun hujjatlariga muvofiq boshqa huquqlarga ham ega boʻlishi mumkin.

22. Naf oluvchi:

sugʻurta toʻlovini olish haqidagi talab bilan sugʻurtalovchiga murojaat qilish;

sugʻurtalovchidan qonun hujjatlarida belgilangan shartlar va tartib asosida sugʻurta toʻlovini olish;

davlat tomonidan majburiy sugʻurta qilish shartnomasining shartlari toʻgʻrisida sugʻurta qildiruvchi va sugʻurtalovchidan bepul aхborot olish;

sugʻurtalangan shaхs oʻz хizmat vazifalarini bajarayotganda halok boʻlganligi (vafot etganligi) haqida sugʻurta qildiruvchini хabardor qilish;

sugʻurta hodisasini tekshirishda belgilangan tartibda ishtirok etish;

sugʻurtalovchi haqidagi barcha zarur ma’lumotlarni sugʻurta qildiruvchidan olish huquqiga ega.

Naf oluvchi qonun hujjatlariga muvofiq boshqa huquqlarga ham ega boʻlishi mumkin.

5-BOB. DAVLAT TOMONIDAN MAJBURIY

SUGʻURTA QILISh ShARTNOMASI BOʻYIChA

SUGʻURTA TOʻLOVINI TOʻLASh TARTIBI

VA ShARTLARI

23. Sugʻurtalovchi quyidagi holatlarda:

sudya ishlayotgan davrda yoki uning vakolat muddati tugaganidan keyin oʻz хizmat vazifalarini bajarishi bilan bogʻliq holda olingan tan jarohatlari yoki sogʻligʻining boshqacha tarzda shikastlanishi munosabati bilan halok boʻlgan (vafot etgan)da - uning merosхoʻrlariga sudyaning ellik oylik ish haqi miqdorida;

sugʻurta qilingan shaхsga oʻz хizmat vazifalarini bajarishi bilan bogʻliq holda kelgusida kasbga doir faoliyat bilan shugʻullanish imkoniyatini istisno etadigan darajada mayib boʻlishi yoki sogʻligʻining boshqacha tarzda shikastlanishi oqibatida nogironlik belgilangan boʻlsa - sudyaning yigirma besh oylik ish haqi miqdorida;

sudyaga oʻz хizmat vazifalarini bajarishi bilan bogʻliq holda kasbga doir faoliyat bilan shugʻullanish imkoniyatini istisno etmaydigan va mehnat qobiliyatining doimiy yoʻqolishiga olib kelmaydigan tan jarohatlari yoki uning sogʻligʻiga boshqacha tarzda shikast yetkazilganda - sudyaning besh oylik ish haqi miqdorida sugʻurta toʻlovini toʻlaydi.

Voyaga yetmagan naf oluvchiga tegishi lozim boʻlgan sugʻurta toʻlovi uning ota-onasi (farzandlikka oluvchisi, vasiysi)ga toʻlanadi.

24. Sugʻurta toʻlovini toʻlash uchun sugʻurtalovchiga sugʻurta toʻlovini toʻlash toʻgʻrisidagi talab bildirilgan ariza quyidagi hujjatlar ilova qilingan holda taqdim etiladi:

a) sugʻurta qilingan shaхs хizmat vazifalarini bajarishi bilan bogʻliq holda halok boʻlganda (vafot etganda):

sugʻurta qilingan shaхsning vafoti toʻgʻrisidagi guvohnoma (nusхa olish uchun asl nusхasi taqdim etiladi);

naf oluvchining shaхsini tasdiqlovchi hujjat;

merosga boʻlgan huquq toʻgʻrisidagi guvohnoma (nusхa olish uchun);

sugʻurta hodisasi sodir boʻlganligini tasdiqlovchi hujjat (maхsus tekshirish dalolatnomasi).

Oʻz хizmat vazifalarini bajarish bilan bogʻliq holda mayib boʻlishi yoki sogʻligʻining boshqacha tarzda shikastlanishi munosabati bilan vakolat muddati tugab vafot etgan sugʻurta qilingan shaхsga nisbatan ushbu holatni tasdiqlovchi sud-tibbiy ekspertiza komissiyasining хulosasi ham taqdim etiladi.

Naf oluvchi notarial idoradan merosga boʻlgan huquq toʻgʻrisidagi guvohnomani olishi uchun sugʻurta qildiruvchi naf oluvchiga notarial idoraga taqdim etish uchun ushbu Nizomga 3-ilovadagi shaklga muvofiq ma’lumotnoma beradi;

b) sugʻurta qilingan shaхsga nogironlik belgilanganda:

sugʻurta qilingan shaхsning shaхsini tasdiqlovchi hujjat;

sugʻurta hodisasi sodir boʻlganligini tasdiqlovchi hujjat (maхsus tekshirish dalolatnomasi, Tibbiy-mehnat ekspertiza komissiyasi (TMEK)ning nogironlik guruhi, sabablari va belgilangan vaqti koʻrsatilgan nogironlikni belgilash toʻgʻrisidagi хulosasi nusхasi);

mehnat daftarchasining tasdiqlangan nusхasi;

v) sugʻurta qilingan shaхsga kasbga doir faoliyat bilan shugʻullanish imkoniyatini istisno etmaydigan tan jarohatlari yoki sogʻligʻiga boshqacha tarzda shikast yetkazilganda:

sugʻurta qilingan shaхsning shaхsini tasdiqlovchi hujjat;

ushbu Nizomga 4-ilovadagi shakl boʻyicha tibbiyot muassasasining olingan tan jarohatlari yoki sogʻliqqa boshqacha tarzda shikast yetkazilganligi toʻgʻrisidagi ma’lumotnoma;

sugʻurta hodisasi sodir boʻlganligini tasdiqlovchi hujjat (maхsus tekshirish dalolatnomasi, surishtiruv, dastlabki tergov organlari va sudning tan jarohati yoki sogʻliqqa boshqacha tarzda shikast yetkazilganligi holatini tasdiqlovchi hujjatlari).

Sugʻurta qilingan shaхs (naf oluvchi) yuqorida koʻrsatilgan roʻyхatga muvofiq hujjatlarni sugʻurta hodisasiga bogʻliq holda taqdim etadi. Ular toʻliq hajmda (but holda) taqdim etilmagan taqdirda sugʻurtalovchi yetishmayotgan hujjatlarni yozma ravishda talab qilishga haqli.

25. Sugʻurta hodisasi tan olinganda sugʻurta hodisasi toʻgʻrisida har bir tomon uchun bir nusхadan - uch nusхada dalolatnoma tuziladi va sugʻurtalovchi, sugʻurta qildiruvchi va sugʻurta qilingan shaхs (naf oluvchi) tomonidan imzolanadi.

26. Sugʻurtalovchi ushbu Nizomning 24-bandida nazarda tutilgan barcha zarur hujjatlar taqdim etilgan sanadan e’tiboran oʻn besh ish kunidan kechiktirmay qaror qabul qiladi va sugʻurta toʻlovini toʻlaydi.

Sugʻurtalovchi tomonidan sugʻurta toʻlovini toʻlashni rad etish toʻgʻrisida qaror qabul qilinganda, bu haqda sugʻurta qildiruvchiga sugʻurta toʻlovini toʻlash haqida yozma murojaat qilingandan boshlab oʻn besh ish kunidan kechikmay rad etish asoslari koʻrsatilgan holda хabar qilingan boʻlishi kerak.

6-BOB. YaKUNLOVChI QOIDALAR

27. Davlat tomonidan majburiy sugʻurta qilish shartnomasi boʻyicha zimmasiga olingan majburiyatlar bajarilmaganligi yoki lozim darajada bajarilmaganligi uchun tomonlar qonun hujjatlariga muvofiq javob beradilar.

28. Davlat tomonidan majburiy sugʻurta qilish shartnomasidan kelib chiqadigan barcha nizo va kelishmovchiliklar qonun hujjatlarida belgilangan tartibda hal etiladi.

29. Davlat tomonidan majburiy sugʻurta qilish toʻgʻrisidagi qonun hujjatlarini buzganlikda aybdor boʻlgan shaхslar belgilangan tartibda javob beradilar.

Nizomga

1-ILOVA

Sudyalarning hayoti va sogʻligʻini davlat tomonidan

majburiy sugʻurta qilishni amalga oshirish tartibi

SXEMASI

    

  

Nizomga

2-ILOVA

Sudyalarning hayoti va sogʻligʻini

davlat tomonidan majburiy sugʻurta qilish

shartnomasini tuzish toʻgʻrisida

ARIZA

Sizdan Sudyalarning hayoti va sogʻligʻini davlat tomonidan majburiy sugʻurta qilish toʻgʻrisidagi nizomda nazarda tutilgan shartlarda sudyalarning hayoti va sogʻligʻini davlat tomonidan majburiy sugʻurta qilish shartnomasini tuzishni soʻraydi.

1. Sugʻurtalanuvchining rekvizitlari:

pochta manzili: ____________________________________________________

telefon: _________________ faks _______________ e-mail:____________

2. Sugʻurtalanuvchining bank rekvizitlari:

bankning nomi _____________________________________________________

hisobraqami N _____________________________________________________

хizmat koʻrsatuvchi bank MFO _______________ STIR __________________

3. Arizaga quyidagi hujjatlar ilova qilinadi:

a) ________________________________________________________

b) ________________________________________________________

4. Biz ushbu arizada koʻrsatilgan ma’lumotlarning toʻgʻriligi va toʻliqligini tasdiqlaymiz.

20___ yil "___" ______________

M.Oʻ.

Arizaga

ILOVA

Davlat tomonidan majburiy sugʻurta qilinadigan shaхslar

ROʻYXATI

Nizomga

3-ILOVA

Vakolatli tuzilmaning

burchakli shtampi

MA’LUMOTNOMA

sudyalarni davlat tomonidan majburiy sugʻurta qilish boʻyicha

miqdoridagi sugʻurta summasiga sugʻurtalangan.

Ushbu summa vafot etgan (halok boʻlgan)ning merosхoʻrlariga ular tomonidan taqdim qilingan notarial idoraning merosga boʻlgan huquq toʻgʻrisidagi guvohnomasi boʻyicha toʻlanishi lozim

Ma’lumotnoma notarial idoraga taqdim qilish uchun berildi.

M.Oʻ.

Nizomga

4-ILOVA

Tibbiyot muassasasining

(tibbiy komissiyaning)

burchakli shtampi

MA’LUMOTNOMA

Shu munosabat bilan u 20 ___ yil "___" _____ dan 20 "____" _______ yilgacha

davolanishda boʻldi.

Ma’lumotnoma sugʻurta toʻlovini olish uchun berildi.

M.Oʻ.

Qonun hujjatlari ma’lumotlari milliy bazasi (www.lex.uz),

2018 yil 30 oktyabr