Oʻzbekiston Respublikasi Vazirlar Mahkamasining 27.10.2018 y. 879-son "Sudyalarning hayoti va sogʻligʻini davlat tomonidan majburiy sugʻurta qilish toʻgʻrisidagi nizomni tasdiqlash haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
27.10.2018 y.
N 879
SUDYaLARNING HAYoTI VA SOGʻLIGʻINI
DAVLAT TOMONIDAN MAJBURIY SUGʻURTA
QILISh TOʻGʻRISIDAGI NIZOMNI
TASDIQLASh HAQIDA
Oʻzbekiston Respublikasi "Sudlar toʻgʻrisida"gi Qonunining 76-moddasiga, Oʻzbekiston Respublikasi Prezidentining "Sud-huquq tizimini yanada takomillashtirish va sud hokimiyati organlariga ishonchni oshirish chora-tadbirlari toʻgʻrisida" 2018 yil 13 iyuldagi PF-5482-son Farmoniga muvofiq, shuningdek, sudyalarning ijtimoiy himoyasini ishonchli ta’minlash maqsadida Vazirlar Mahkamasi QAROR QILADI:
1. Sudyalarning hayoti va sogʻligʻini davlat tomonidan majburiy sugʻurta qilish toʻgʻrisidagi nizom ilovaga muvofiq tasdiqlansin.
2. Belgilansinki:
sudyalarning hayoti va sogʻligʻini davlat tomonidan majburiy sugʻurta qilish "Oʻzagrosugʻurta" aksiyadorlik jamiyati tomonidan amalga oshiriladi;
ushbu qaror 2019 yil 1 yanvardan e’tiboran kuchga kiradi.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. Aripov
Qonun hujjatlari ma’lumotlari milliy bazasi (www.lex.uz),
2018 yil 30 oktyabr