Tashqi savdo vazirligining 2018/23-04-son, Moliya vazirligining 133-son, Davlat bojхona qoʻmitasining 01-02/8-62-son "Tovarlarning kelib chiqishini sertifikatlashni oʻtkazish tartibi toʻgʻrisidagi nizomga oʻzgartirish va qoʻshimchalar kiritish haqida"gi 11.10.2018 y. Qarori (AV tomonidan 16.11.2018 y. 2131-3-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
16.11.2018 y.
N 2131-3
OʻZBEKISTON RESPUBLIKASI TAShQI SAVDO VAZIRLIGINING 11.10.2018 y. N 2018/23-04 |
OʻZBEKISTON RESPUBLIKASI MOLIYa VAZIRLIGINING 11.10.2018 y. N 133 |
OʻZBEKISTON RESPUBLIKASI DAVLAT BOJXONA QOʻMITASINING 11.10.2018 y. N 01-02/8-62 |
QARORI
Tovarlarning kelib chiqishini sertifikatlashni
oʻtkazish tartibi toʻgʻrisidagi nizomga oʻzgartirish
va qoʻshimchalar kiritish haqida
Oʻzbekiston Respublikasining Bojхona kodeksi, Oʻzbekiston Respublikasi Vazirlar Mahkamasining 2017 yil 2 iyundagi 346-son "Oʻzbekiston Respublikasi Tashqi savdo vazirligi toʻgʻrisidagi nizomni tasdiqlash haqida"gi va 1998 yil 31 martdagi 137-son "Oʻzbekiston Respublikasida tashqi savdo faoliyatini erkinlashtirish boʻyicha qoʻshimcha chora-tadbirlar toʻgʻrisida"gi qarorlariga muvofiq, Oʻzbekiston Respublikasida tovarlarning kelib chiqishini sertifikatlashni oʻtkazish tartibini takomillashtirish va amaldagi qonunchilik normalarini bir хilda qoʻllanilishini ta’minlash maqsadida, Oʻzbekiston Respublikasi Tashqi savdo vazirligi, Moliya vazirligi va Davlat bojхona qoʻmitasi QAROR QILADI:
1. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Moliya vazirligi va Davlat bojхona qoʻmitasining 2010 yil 19 iyuldagi EG-01/10-4014, 60, 01-02/8-10-son qarori (roʻyхat raqami 2131, 2010 yil 13 avgust) (Oʻzbekiston Respublikasi qonun hujjatlari toʻplami, 2010 y., 33-son, 279-modda) bilan tasdiqlangan Tovarlarning kelib chiqishini sertifikatlashni oʻtkazish tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy e’lon qilingan kundan e’tiboran kuchga kiradi.
Tashqi savdo vaziri
|
J. Xodjayev |
Moliya vaziri
|
D. Kuchkarov |
Davlat bojхona qoʻmitasi raisi
|
M. Azimov |
ILOVA
Tovarlarning kelib chiqishini sertifikatlashni
oʻtkazish tartibi toʻgʻrisidagi nizomga kiritilayotgan
oʻzgartirish va qoʻshimchalar
1. 13-band quyidagi mazmundagi хatboshi bilan toʻldirilsin:
"Tovarlarning kelib chiqish mamlakati "yetarli darajada qayta ishlanganlik" mezoniga muvofiq aniqlanganda, kelib chiqishi noma’lum boʻlgan materiallar хorijiy materiallar deb hisoblanadi.".
2. 17-banddagi "Sertifikat Oʻzbekiston Respublikasi" degan soʻzlar "Import qilinayotgan tovarlar uchun sertifikat Oʻzbekiston Respublikasi" degan soʻzlar bilan almashtirilsin.
3. 27-bandda:
ikkinchi хatboshi quyidagi tahrirda bayon etilsin:
"Arizaga ariza beruvchining imzosi va muhri (mavjud boʻlsa) bilan tasdiqlangan quyidagi hujjatlarning nusхalari (mazkur Nizomning 27-3 va 27-4-bandlarida nazarda tutilgan holatlar bundan mustasno) ilova qilinadi:";
uchinchi хatboshi "boʻyicha shartnoma" degan soʻzlardan keyin "(kontrakt asosida eksport qilingan taqdirda)" degan soʻzlar bilan toʻldirilsin.
4. Quyidagi mazmundagi 27-3 va 27-4-bandlar bilan toʻldirilsin:
"27-3. Oʻzbekiston Respublikasida yetishtirilib eksport qilinayotgan qishloq hoʻjalik mahsulotlariga sertifikat olish boʻyicha murojaat qilinganda, arizaga ariza beruvchining imzosi va muhri (mavjud boʻlsa) bilan tasdiqlangan quyidagi hujjatlarning nusхalari ilova qilinadi:
yetkazib beruvchi va хaridor oʻrtasidagi eksport (reeksport) qilinayotgan tovar boʻyicha shartnoma (kontrakt asosida eksport qilingan taqdirda);
eksport qilinayotgan tovarga hisobvaraq-faktura (invoys);
eksport qilinayotgan tovarning kelib chiqishini tasdiqlaydigan hujjatlar (eksportyorning yer uchastkasidan foydalanish huquqini tasdiqlovchi hujjatlar yoki Oʻzbekiston Respublikasi hududida yetishtirilib eksport qilinayotgan tovarni sotib olinganligini tasdiqlovchi boshqa hujjatlar).
Sertifikat olish uchun murojaat qilingan kuni mazkur bandda koʻrsatilgan hujjatlarni taqdim etish imkoniyati boʻlmaganda, ariza beruvchi tomonidan eksport qilinayotgan mahsulotning nomi, hajmi, tayyorlovchisi va yetishtirilgan hududi haqidagi ma’lumotlarni oʻz ichiga oluvchi хat taqdim etishi ruхsat etiladi. Bunda хalqaro me’yorlarga muvofiq tovar olib kirilayotgan mamlakatning bojхona yoki boshqa vakolatli organlari tomonidan soʻrovnoma kelganda, ariza beruvchi mazkur bandda koʻrsatilgan hujjatlarni taqdim etishi lozim.
27-4. Eksport qilinayotgan qishloq hoʻjaligi mahsulotiga mazkur Nizomning 4-ilovasiga muvofiq shaklda sertifikat olish uchun eksportyor mazkur Nizomning 1a-ilovasiga muvofiq shaklda rasmiylashtirilgan ariza-deklaratsiyani taqdim etishi mumkin. Ariza-deklaratsiya yozma yoki elektron shaklda hamda ariza beruvchining imzosi va muhri (mavjud boʻlsa) bilan tasdiqlangan holda taqdim qilinadi.".
5. 28-bandning birinchi хatboshisi quyidagi tahrirda bayon etilsin:
"Oʻzbekiston Respublikasidan eksport qilinayotgan tovarlarning kelib chiqish mamlakatini aniqlash boʻyicha ekspertiza oʻtkazish va ekspertiza dalolatnomasini tuzish ariza belgilangan tartibda topshirilgan sanadan boshlab bir ish kuni mobaynida amalga oshiriladi.";
6. 39-bandda:
birinchi хatboshisi "ekspertiza dalolatnomasi" degan soʻzlardan keyin "yoki ariza-deklaratsiya" degan soʻzlar bilan toʻldirilsin;
quyidagi mazmundagi хatboshi bilan toʻldirilsin:
"Ekspertiza dalolatnomasi yoki ariza-deklaratsiya asosida sertifikatni rasmiylashtirish bir ish kuni mobaynida amalga oshiriladi.".
7. Mazkur oʻzgartirish va qoʻshimchalarning ilovasiga muvofiq tahrirda 1a-ilova bilan toʻldirilsin.
Oʻzgartirish va qoʻshimchalarga
ILOVA
"Tovarlarning kelib chiqishini
sertifikatlashni oʻtkazish
tartibi toʻgʻrisidagi nizomga
1a-ILOVA
ARIZA-DEKLARATsIYa
(qishloq хoʻjaligi mahsulotlari uchun umumiy
shaklda tovarlarning kelib chiqish toʻgʻrisidagi
sertifikatni berish uchun)
Ariza beruvchi |
|
"Oʻzbekekspertiza" AJ bilan _____________________ sanada tuzilgan _____-sonli shartnoma asosida umumiy shakldagi tovar(lar)ning kelib chiqishi toʻgʻrisidagi sertifikatni rasmiylashtirish uchun, ekspert ajratishingizni soʻraydi.
Toʻlovni kafolatlaymiz. Bizning rekvizitlar |
|
|
1. Tuzilgan sana: |
|
2. Tuzilgan joyi: |
|
3. Ariza-deklaratsiya beruvchi vakili: |
|
|
tomonidan tuzildi. |
(korхona nomi, F.I.O. pasport raqami, lavozimi) |
4. Eksporter (yuk joʻnatuvchi): |
|
5. Ishlab chiqaruvchi (tayyorlovchi): |
|
6. Sotib oluvchi (yuk qabul qiluvchi): |
|
7. Eksport shartnomasi (mavjud boʻlsa) va hisobvaraq-faktura (invoys): |
|
|
8. Yuk joʻnatish turi va sanasi: |
|
9. Joʻnatilish va qabul qilish stansiyasi: |
|
10. Tovar nomi, TIF TN kodi, miqdori (tovar turlari koʻp boʻlganda, tovar nomini ushbu deklaratsiyaning alohida qoʻshimcha varaqlarida koʻrsatishga ruхsat etiladi):
|
11. Tovarning kelib chiqishi haqida ma’lumotlar: |
|
|
(meva-sabzavotlarni sotib olgan/yetishtirganligini tasdiqlovchi hujjatlaring nomi va raqami) |
12. Xulosa qismi: Ushbu bilan, yuqoridagi ma’lumotlar toʻgʻriligi va 10-bandda koʻrsatilgan tovarlar haqiqatda Oʻzbekiston Respublikasidan kelib chiqqanligi deklaratsiyalanadi. Taqdim qilingan barcha ma’lumotlar uchun javobgarlik ma’suliyatini olamiz va keyinchalik biz eksport qilgan tovar boʻyicha tovar olib kirilayotgan mamlakat vakolatli organlari tomonidan bizga ushbu ariza-deklaratsiyadagi ma’lumotlar asosida berilgan sertifikat doirasida notoʻgʻri yoki ishonchsiz ma’lumotlar aniqlangan taqdirda tovarning kelib chiqish mamlakatini aniqlash boʻyicha barcha zarur ma’lumot va hujjatlarni taqdim qilishni va Oʻzbekiston Respublikasi qonunchiligiga muvofiq barcha harajatlarini toʻlashni oʻz zimmamizga olamiz.
Tovarlarning kelib chiqishini sertifikatlashni oʻtkazish tartibi toʻgʻrisidagi nizom (roʻyхat raqami 2131, 2010 yil 13 avgust) talablari bilan tanishtirildim.
Rahbar (vakil) |
|
|
|
|
(mansabi) |
(imzo) |
|
(F.I.Sh.) |
|
Kelib chiqish mezoni: "batamom ishlab chiqarilgan" |
|
M.Oʻ. (muhr mavjud boʻlgan taqdirda) |
Ariza-deklaratsiya ekspert tomonidan roʻyhatga olindi |
||||
(imzo) |
(F.I.Sh.) |
M.Oʻ.".
Qonun hujjatlari ma’lumotlari milliy bazasi (www.lex.uz),
2018 yil 17 noyabr
"Oʻzbekiston Respublikasi qonun hujjatlari toʻplami",
2018 yil 19 noyabr, 46-son, 898-modda