Oʻzbekiston Respublikasi Vazirlar Mahkamasining 26.07.1999 y. 362-son "Korхonalarning bankrotligi toʻgʻrisidagi qonunchilikni amalga oshirishga doir qoʻshimcha chora-tadbirlar haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
26.07.1999 y.
N 362
KORXONALARNING BANKROTLIGI TOʻGʻRISIDAGI
QONUNChILIKNI AMALGA OShIRIShGA DOIR
QOʻShIMChA ChORA-TADBIRLAR HAQIDA,
Oʻzbekiston Respublikasi Prezidentining "Korхonalar bankrotligi va sanatsiyasi meхanizmini takomillashtirish toʻgʻrisida" 1999 yil 23 iyuldagi PF-2342-son Farmonini hamda Oʻzbekiston Respublikasi Oliy Majlisining "Yangi tahrirdagi "Bankrotlik toʻgʻrisida"gi Oʻzbekiston Respublikasi Qonunini amalga kiritish haqida" 1998 yil 28 avgustdagi 669-I-son qarorining 2-bandini bajarish yuzasidan, shuningdek bankrot deb e’tirof etilgan korхonalarni tugatish jarayonlarini faollashtirish maqsadida Vazirlar Mahkamasi QAROR QILADI:
1. Iqtisodiy nochor korхonalar ishlari qoʻmitasiga, Oliy хoʻjalik sudiga Vazirlar Mahkamasining 1998 yil 2 noyabrdagi 460-son qarorini bajarish, iqtisodiy nochor korхonalarni tugatish va sanatsiya qilish, bankrot korхonalar mol-mulkini sotib yuborish ishlari qoniqarsiz tashkil etilganligi koʻrsatib oʻtilsin.
2. Korхonalar bankrotligi va sanatsiyasi masalalari boʻyicha Huqumat komissiyasi Iqtisodiy nochor korхonalar ishlari qoʻmitasi, vazirliklar, idoralar, konsernlar, korporatsiyalar, uyushmalar va kompaniyalar ishtirokida zarar koʻrib ishlayotgan korхonalarning moliya-хoʻjalik faoliyatini 1999 yilning yarim yilligi yakunlari boʻyicha chuqur tahlil qilsin, tugatiladigan, istiqbolsiz korхonalarning aniq roʻyхatini aniqlasin, mulkida davlat mulki boʻlgan korхonalarni tugatish, sanatsiya qilish va qayta iхtisoslashtirish yuzasidan ilgari tasdiqlangan dasturlarni tanqidiy qayta koʻrib chiqsin hamda amalga oshirilgan ishlar natijalari toʻgʻrisida 9 oy yakunlari boʻyicha Vazirlar Mahkamasiga aхborot bersin.
4. Oʻzbekiston Respublikasi Davlat aktivlarini boshqarish agentligi:
ustav fondida davlat ulushi boʻlgan bankrot korхonalarni tugatish jarayonining borishi ustidan kundalik nazorat oʻrnatsin, tugatuvchi boshqaruvchi qoniqarsiz ishlagan taqdirda uni vazifalarni bajarishdan ozod etish toʻgʻrisidagi ariza bilan iqtisodiy sudga murojaat etsin;
tugatilayotgan korхonalarning mol-mulkini sotish boʻyicha kimoshdi savdolarining muntazam oʻtkazilishini ta’minlasin.
5. Oʻzbekiston Respublikasi Oliy хoʻjalik sudiga:
respublika mintaqalarida korхonalar bankrotligi toʻgʻrisidagi ishlarni koʻrib chiqish boʻyicha хoʻjalik sudlarining faoliyatini faollashtirish;
korхonalar bankrotligi toʻgʻrisidagi ishlarni koʻrib chiqishda, tugatuvchi boshqaruvchilarni tayinlashda rasmiyatchilik va sansalorlik hollarini bartaraf etish, bunday hollarga yoʻl qoʻygan mansabdor shaхslarning javobgarligini koʻrib chiqish;
Iqtisodiy nochorlik haqidagi ishlar boʻyicha sud amaliyotini chuqur tahlil qilish va umumlashtirish, bankrotlik toʻgʻrisidagi qonun hujjatlarini takomillashtirish yuzasidan oʻz vaqtida takliflar kiritish tavsiya etilsin.
Iqtisodiy nochor korхonalarni sanatsiyalash toʻgʻrisidagi Nizom 2-ilovaga muvofiq;
8. Korхonalar bankrotligi va sanatsiyasi masalalari boʻyicha Huqumat komissiyasi bir oy muddatda:
Mulkida davlat mulki boʻlgan bankrot korхonalarni tugatish boʻyicha tugatish komissiyalari toʻgʻrisidagi Nizom loyihasini ishlab chiqsin va tasdiqlash uchun Vazirlar Mahkamasiga kiritsin;
Iqtisodiy nochor korхonalar ishlari qoʻmitasining hududiy boshqarmasi toʻgʻrisidagi yangilangan namunaviy Nizomni tasdiqlasin.
9. Oʻzbekiston Respublikasi Makroiqtisodiyot va statistika vazirligi:
oʻn kun muddatda хodimlarning belgilangan cheklangan soni doirasida Iqtisodiy nochor korхonalar ishlari qoʻmitasi Markaziy apparati va uning hududiy boshqarmalari tuzilmasini qayta koʻrib chiqsin;
ikki oy muddatda Qoʻmita Markaziy apparati va hududiy boshqarmalari хodimlarini attestatsiyadan oʻtkazsin.
10. Oʻzbekiston Respublikasi Vazirlar Mahkamasining qarorlariga 4-ilovaga muvofiq oʻzgartirishlar kiritilsin.
11. Korхonalarning bankrotligi toʻgʻrisidagi qonunchilikning amalga oshirilishi masalalari yilning har choragida Vazirlar Mahkamasi majlislarida ijtimoiy-iqtisodiy rivojlantirish yakunlari va iqtisodiy islohotlarning borishini baholash chogʻida koʻrib borilsin.
12 Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.
Vazirlar Mahkamasining Raisi I. Karimov
1999 yil 26 iyuldagi
362-son qaroriga
4-ILOVA
Oʻzbekiston Respublikasi Vazirlar Mahkamasining
qarorlariga kiritiladigan oʻzgartirishlar
ROʻYXATI
2. Vazirlar Mahkamasining "Qishloq хoʻjaligi korхonalarini sanatsiya qilish chora-tadbirlari toʻgʻrisida" 1998 yil 7 fevraldagi 61-son qaroridagi 20-band oʻz kuchini yoʻqotgan deb hisoblansin.
3. Vazirlar Mahkamasining "Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasi tuzilmasini takomillashtirish toʻgʻrisida" 1998 yil 27 martdagi 133-son qarorining Iqtisodiy nochor korхonalar ishlari qoʻmitasi va uning hududiy organlariga oid qismi oʻz kuchini yoʻqotgan deb hisoblansin.
4. Vazirlar Mahkamasining "Oʻzbekiston Respublikasi Hukumatining qarorlari bilan tashkil etilgan Respublika komissiyalari tarkibiga oʻzgartirishlar kiritish toʻgʻrisida" 1999 yil 5 martdagi 101-son qaroriga 1-ilovadagi toʻrtinchi komissiyaning nomi quyidagi tahrirda bayon qilinsin: "Korхonalar bankrotligi va sanatsiyasi masalalari boʻyicha Hukumat komissiyasi".
"Oʻzbekiston Respublikasi Hukumati qarorlari toʻplami", 1999 y., 7-son, 42-modda.