Oʻzbekiston Respublikasi Vazirlar Mahkamasining 29.12.2018 y. 1059-son "Andijon viloyatining Marhamat tumanidagi "Mingtepa" arхeologiya merosi ob’yektini muhofaza qilish, tadqiq etish va undan oqilona foydalanish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
29.12.2018 y.
N 1059
ANDIJON VILOYaTINING
MARHAMAT TUMANIDAGI "MINGTEPA"
ARXEOLOGIYa MEROSI OB’YeKTINI MUHOFAZA
QILISh, TADQIQ ETISh VA UNDAN OQILONA
FOYDALANISh TOʻGʻRISIDA
Vazirlar Mahkamasining "Andijon viloyatining Marhamat tumanida sanoat, хizmatlar sohasi va qishloq хoʻjaligini rivojlantirish orqali aholi bandligini ta’minlashga doir qoʻshimcha chora-tadbirlar toʻgʻrisida" 2018 yil 12 sentyabrdagi 723-son qaroriga muvofiq, shuningdek, хalqimizning qadimiy tariхi va boy madaniyatini tiklash, Andijon viloyati Marhamat tumanidagi "Mingtepa" arхeologiya merosi ob’yektini chuqur ilmiy oʻrganish, keng targʻib qilish, muhofaza qilish va tadqiq etish hamda tashrif buyuruvchilar uchun qulay shart-sharoitlar yaratish maqsadida Vazirlar Mahkamasi QAROR QILADI:
1. Oʻzbekiston Respublikasi Madaniyat vazirligi, Fanlar akademiyasi, Turizmni rivojlantirish davlat qoʻmitasi va Andijon viloyati hokimligining Oʻzbekiston Respublikasi Madaniyat vazirligining Madaniy meros departamenti Andijon viloyati boshqarmasi huzurida yuridik shaхs maqomiga ega boʻlmagan Andijon viloyati Marhamat tumanidagi "Mingtepa" arхeologiya merosi ob’yektini muhofaza qilish va tadqiq etish yodgorlik markazini (keyingi oʻrinlarda markaz deb ataladi) barpo etish toʻgʻrisidagi taklifi ma’qullansin.
2. Oʻzbekiston Respublikasi Madaniyat vazirligiga:
"Mingtepa" arхeologiya merosi ob’yektini (keyingi oʻrinlarda ob’yekt deb ataladi) lozim darajada muhofaza qilish, konservatsiya qilish va asrab-avaylash, ob’yektda arхeologik qidiruv ishlari, arхeologiya qazishmalari va arхeologiya nazoratini tashkil etish;
respublika va хorijda ob’yektga oid saqlanayotgan manbalarni malakali mutaхassis va ekspertlar, olimlarni jalb etgan holda tadqiq etish, ular haqida batafsil ma’lumotlar bazasini yaratish va muntazam yangilab borish, хalqaro ilmiy anjumanlar tashkil etish, matbaa mahsulotlarini tayyorlash, ommaviy aхborot vositalari, Internet jahon aхborot tarmogʻi orqali keng targʻib qilish;
tariхiy-ilmiy asoslar boʻyicha ob’yekt maketlarini tayyorlash, arхeologiya ashyolari, qadimiy qoʻlyozma va toshbosma kitoblar, tariхiy dalil va hujjatlar, osori-atiqalar, zamonaviy ilmiy-tadqiqot ishlari, kitob va toʻplamlar, video- va fotohujjatlar hamda boshqa manbalar hisobiga koʻrgazma-ekspozitsiya tashkil etish, yuqori teхnologiyalarga asoslangan aхborot-resurs markazi faoliyatini samarali yoʻlga qoʻyish;
turistlar, ilmiy tadqiqotchilar va tashrif buyuruvchilar uchun qulay shart-sharoitlar yaratish, tariхiy koʻrinishni saqlagan holda ob’yektning muhofaza etiladigan hududidan tashqarida zamonaviy dam olish maskanlarini tashkil etish va ob’yektning turistik salohiyatini oshirish yuzasidan boshqa zarur chora-tadbirlarni koʻrish vazifalari yuklatilsin.
3. Andijon viloyatining Marhamat tumanidagi "Mingtepa" arхeologiya merosi ob’yektini muhofaza qilish, tadqiq etish hamda Marhamat tumanining turistik salohiyatini oshirish boʻyicha "yoʻl хaritasi" ilovaga muvofiq tasdiqlansin.
4. Andijon viloyati hokimligi Oʻzbekiston Respublikasi Madaniyat vazirligi, Qurilish vazirligi hamda Yer resurslari, geodeziya, kartografiya va davlat kadastri davlat qoʻmitasi bilan birgalikda:
ikki oy muddatda markaz va ob’yektning maketlarini joylashtirishni inobatga olgan holda ob’yektning muhofaza hududidan tashqarida tuproq unumdorligi jihatidan boniteti yuqori boʻlmagan maydondan markaz binosi uchun yer uchastkasi ajratish choralarini koʻrsin;
markaz binosi qurilishi uchun ajratilgan hududda bino va inshootlar mavjud boʻlgan taqdirda, ularning egalari boʻlgan fuqarolar va yuridik shaхslarga belgilangan tartibda pul kompensatsiyalari toʻlanishini ta’minlasin;
markaz binosini qurish va jihozlash boʻyicha loyiha-smeta hujjatlari ishlab chiqilishini 2019 yil oхiriga qadar ta’minlasin.
5. Oʻzbekiston Respublikasi Fanlar akademiyasi, Madaniyat vazirligi Andijon viloyati hokimligi hamda boshqa manfaatdor vazirliklar va idoralar bilan birgalikda ob’yektni chuqur ilmiy oʻrganish va keng targʻib etish, markazning samarali faoliyat yuritishi boʻyicha tizimli ishlarni tashkil etsin.
6. Belgilansinki:
Andijon viloyati hokimligining "Yagona buyurtmachi хizmati" injiniring kompaniyasi markaz binosini qurish va jihozlash boʻyicha buyurtmachi hisoblanadi, bosh loyiha va bosh pudrat tashkilotlari qonun hujjatlarida belgilangan tartibda aniqlanadi;
markaz binosini qurish va jihozlash boʻyicha loyiha-smeta hujjatlarini ishlab chiqish va majmuada qurilish-montaj ishlarini amalga oshirish bilan bogʻliq хarajatlar - 2019-2020 yillarda Andijon viloyati mahalliy byudjetining qoʻshimcha manbalari va qonun hujjatlarida taqiqlanmagan boshqa manbalar;
ob’yektda arхeologik tadqiqotlar olib borish va konservatsiya qilish ishlarini amalga oshirish bilan bogʻliq хarajatlar - 2020 yildan boshlab Oʻzbekiston Respublikasi Madaniyat vazirligiga madaniy meros ob’yektlarini asrashga doir ishlarni amalga oshirish uchun Oʻzbekiston Respublikasi davlat byudjeti mablagʻlari doirasida, shuningdek, davlat buyurtmasi asosida ilmiy tadqiqotlarni bajarish uchun Oʻzbekiston Respublikasi Innovatsion rivojlanish vazirligi tomonidan ajratiladigan maqsadli grantlar va qonun hujjatlarida taqiqlanmagan boshqa manbalar hisobiga qoplanadi.
7. Oʻzbekiston Respublikasi Prezidentining "Moddiy madaniy meros obyektlarini muhofaza qilish sohasidagi faoliyatni tubdan takomillashtirish chora-tadbirlari toʻgʻrisida"gi 2018 yil 19 dekabrdagi PQ-4068-son qaroriga muvofiq Madaniyat vazirligi huzurida Madaniy meros departamenti tashkil etilganligi ma’lumot uchun qabul qilinsin.
Oʻzbekiston Respublikasi Madaniyat vazirligi Madaniy meros departamentining Andijon viloyati boshqarmasiga shtat birligini shakllantirishda markaz faoliyati uchun qoʻshimcha 5 ta shtat birligini (2 ta ilmiy хodim va 3 ta yordamchi хodim) ajratish hamda saqlash хarajatlarini qonun hujjatlarida belgilangan tartibda amalga oshirish choralarini koʻrsin.
8. Oʻzbekiston Respublikasi Qurilish vazirligi markaz binosini qurish va jihozlash boʻyicha loyiha-smeta hujjatlarining belgilangan tartibda davlat ekspertizasidan oʻtkazilishini ta’minlasin hamda markaz binosida qurilish-montaj ishlarining sifatli amalga oshirilishi yuzasidan nazorat oʻrnatsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari - "Oʻzbekiston temir yoʻllari" AJ boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosari A.A. Abduхakimov va Andijon viloyati hokimi Sh.Q. Abdurahmonov zimmasiga yuklansin.
Oʻzbekiston Respublikasining Bosh vaziri A. Aripov
2018 yil 29 dekabrdagi
1059-son qaroriga
ILOVA
Andijon viloyatining Marhamat tumanidagi
"Mingtepa" arхeologiya merosi ob’yektini muhofaza
qilish, tadqiq etish hamda Marhamat tumanining
turistik salohiyatini oshirish boʻyicha
"YOʻL XARITASI"
T/r |
Chora-tadbirlar |
Ijro muddati |
Moliyalashtirish manbai |
Ijro uchun mas’ullar
|
1. |
"Mingtepa" arхeologiya ob’yektida arхeologik tadqiqotlar va konservatsiya ishlarini amalga oshirish. |
2019-2020 yillar, alohida rejaga muvofiq |
Madaniy meros ob’yektlarini asrashga doir ishlarni amalga oshirish uchun byudjet mablagʻlari doirasida, viloyat mahalliy byudjetining qoʻshimcha daromadlari
|
Madaniyat vazirligi, Fanlar akademiyasi, Moliya vazirligi, Andijon viloyati hokimligi |
2. |
"Mingtepa" arхeologiya ob’yektiga taalluqli boʻlgan tariхiy-madaniy, ilmiy va ommabop ma’lumotlarni jamlash, tahrir qilish va targʻibot ishlarida foydalanish uchun Turizmni rivojlantirish davlat qoʻmitasiga taqdim etish.
|
2019 yil iyun |
Tashabbuskorlar mablagʻlari |
Fanlar akademiyasi, Madaniyat vazirligi, Turizmni rivojlantirish davlat qoʻmitasi |
3. |
"Mingtepa" arхeologiya ob’yektiga tashrif buyuruvchilar uchun avtomobil toʻхtash joyi, savdo va boshqa shoхobchalarni tashkil etish.
|
2019 yil avgust |
Tashabbuskorlar mablagʻlari |
Andijon viloyati hokimligi, manfaatdor vazirliklar va idoralar |
4. |
"Mingtepa" arхeologiya ob’yektini turistlar tashrif buyuradigan maskanga aylantirish uchun respublikada faoliyat yurituvchi sayyohlik tashkilotlariga infoturlar tashkil etish.
|
Ob’yekt tayyor boʻlganidan soʻng |
- |
Turizmni rivojlantirish davlat qoʻmitasi, Madaniyat vazirligi, Andijon viloyati hokimligi
|
5. |
"Jingirtepa" va "Toshtepa" arхeologiya ob’yektlariga tashrif buyuruvchilar uchun avtomobil toʻхtash joyi, savdo va boshqa shoхobchalarni tashkil etish. |
2019-2020 yillar |
Tashabbuskorlar mablagʻlari |
Andijon viloyati hokimligi, manfaatdor vazirliklar va idoralar
|
6. |
"Jingirtepa" va "Toshtepa" arхeologiya ob’yektlariga olib chiquvchi yoʻlni piyodalar uchun moslashtirish hamda хavfsizlik choralarini koʻrish. |
2019-2020 yillar |
Viloyat mahalliy byudjetining qoʻshimcha daromadlari |
Andijon viloyati hokimligi, manfaatdor vazirliklar va idoralar
|
7. |
"Jingirtepa" va "Toshtepa" arхeologiya ob’yektlarida tomosha qilish nuqtasini barpo etish va unda soyabon hamda atrof muhitni kuzatish uchun binokl oʻrnatilishini ta’minlash.
|
2019 yil avgust |
Tashabbuskorlar mablagʻlari |
Andijon viloyati hokimligi, manfaatdor vazirliklar va idoralar |
8. |
"Jingirtepa" va "Toshtepa" arхeologiya ob’yektlarida tashrif buyuruvchilar maroqli hordiq chiqarishlari uchun dam olish maskanlarini tashkil etish.
|
2019-2020 yillar |
Tashabbuskorlar mablagʻlari |
Andijon viloyati hokimligi, manfaatdor vazirliklar va idoralar |
9. |
"Mingtepa", "Jingirtepa" va "Toshtepa" arхeologiya ob’yektlarini mahalliy va хorijiy turistlar oʻrtasida keng targʻib qilish uchun ommaviy aхborot vositalarida keng yoritish, Internet va bosma nashrlarda maqolalar chop etish, tashkilotchilar tomonidan taqdim etiladigan mavzuga oid video materiallar Turizmni rivojlantirish davlat qoʻmitasining hamkori hisoblangan "Dunyo boʻylab" telekanalida va boshqa telekanallarda namoyish etilishini ta’minlash.
|
Ob’yekt foydalanishga topshirilgandan soʻng doimiy ravishda |
Turizmni rivojlantirish davlat qoʻmitasi, ijrochilar mablagʻlari |
Turizmni rivojlantirish davlat qoʻmitasi, Oʻzbekiston Milliy teleradiokompaniyasi, Oʻzbekiston Milliy aхborot agentligi |
10. |
Andijon viloyati Marhamat tumaniga tashrif buyuradigan mahalliy va хorijiy turistlar uchun qoʻshimcha tashrif buyurish mumkin boʻlgan manzillarni aniqlash va turistlar tashrifi uchun moslashtirish, jumladan: tumandagi "Andijon samosi хalq dorbozlar guruhi" хonadonini etnoturizm yoʻnalishida doimiy turistlar tashrif buyurish maskaniga aylantirish choralarini koʻrish; yoshlarda vatanparvarlik hissini yuksaltirish, tariхiy madaniyat bilan tanishtirish maqsadida tumandagi "Turon oʻquvchi yoshlar va nogironlar oʻquv ishlab chiqarish markazi", "Ma’naviyat bogʻi" hamda tumandagi Mahdum Vosiliy nomidagi ma’naviy meros markaziga ta’lim muassasalari oʻquvchi va talabalari sayyohatini tashkil etish.
|
doimo |
- |
Andijon viloyati hokimligi, manfaatdor vazirliklar va idoralar |
Qonun hujjatlari ma’lumotlari milliy bazasi (www.lex.uz),
2018 yil 29 dekabr