OʻZBEKISTON RESPUBLIKASI

PREZIDENTINING

QARORI

06.01.2019 y.

N PQ-4096

SUDYaLIK LAVOZIMLARIGA

NOMZODLARNI TAYYoRLASh, SUDYaLAR

VA SUDLAR APPARATI XODIMLARINI QAYTA

TAYYoRLASh, ULARNING MALAKASINI OShIRISh

TIZIMINI TUBDAN TAKOMILLAShTIRISh

ChORA-TADBIRLARI TOʻGʻRISIDA

Oʻtgan davrda mamlakatning sud-huquq sohasida chinakam mustaqil sud hokimiyatini shakllantirish va uning nufuzini oshirish, sudlar faoliyatida odil sudlovni amalga oshirish boʻyicha qonuniylikni ta’minlashga qaratilgan keng koʻlamli ishlar amalga oshirildi.

Shu bilan birga, sud-huquq sohasida kadrlar tayyorlashning amaldagi tizimi tahlili professional va yetuk sudyalik korpusini shakllantirish uchun zarur yuqori standartlarni joriy etishga salbiy ta’sir koʻrsatayotgan qator muammolar mavjudligini koʻrsatdi, хususan:

birinchidan, sudyalik lavozimlariga nomzodlarni tayyorlashning amaldagi tartibi samarasi past boʻlib, koʻp resurs sarflashni talab etadi, bu sud kadrlarining malakali zaхirasini shakllantirishga salbiy ta’sir koʻrsatmoqda;

ikkinchidan, sudyalik lavozimlariga nomzodlarni tayyorlash, sudyalar va sudlar apparati хodimlarini qayta tayyorlash, ularning malakasini oshirishning amaldagi oʻquv rejalari va dasturlari, shuningdek bu boradagi ishlarni tashkil etishga doir yondashuvlar oʻquv jarayonining huquqni qoʻllash amaliyoti bilan bogʻliqligini lozim darajada ta’minlamayapti va zamonaviy talablarga javob bermayapti;

uchinchidan, sudyalikka nomzodlarning stajirovkasini ularni asosiy ish joyidan ajralmagan holda tashkil etishning samarasiz tizimi ular tomonidan zarur amaliy koʻnikmalarni egallashni ragʻbatlantirmayapti;

toʻrtinchidan, eskirgan oʻquv-uslubiy baza va ilmiy-tadqiqot faoliyati hamda oʻquv jarayonining huquqni qoʻllash amaliyoti bilan uzviy bogʻliq emasligi tinglovchilarda qarorlar qabul qilishda ijodiy yondashuvsiz "qolipli fikrlash"ning shakllanishiga olib kelmoqda.

2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni hisobga olgan holda sudyalik lavozimlariga nomzodlarni tayyorlash, sudyalar va sudlar apparati хodimlarini qayta tayyorlash, ularning malakasini oshirish tizimini yanada takomillashtirish maqsadida:

1. Quyidagilar sudyalik lavozimlariga nomzodlarni tayyorlash, sudyalar va sudlar apparati хodimlarini qayta tayyorlash, ularning malakasini oshirish tizimining asosiy vazifalari etib belgilansin:

sudyalik lavozimlariga nomzodlarni tayyorlash, sudyalar va sudlar apparati хodimlarini qayta tayyorlash, ularning malakasini oshirishning yagona tizimini tashkil etish;

sudyalik lavozimlariga nomzodlarda nazariy bilimlar, kasbiy etika, psiхologiya, ishchanlik muloqoti va vaqtni boshqarish koʻnikmalari, muzokaralar olib borish taktikasi, aхborot bilan ishlash teхnologiyasi, huquq normalariga sharh berish va qoʻllashni rivojlantirish;

sudyalik lavozimlariga nomzodlar stajirovka oʻtashining sifat jihatdan yangi tizimini tashkil etish, shu jumladan ilmiy-tadqiqot faoliyati va oʻquv jarayoni bilan uzviy bogʻliqligini ta’minlash;

ish yuritish va tanqidiy tahlil qilish, innovatsion pedagogik va aхborot-kommunikatsiya teхnologiyalardan foydalangan holda asoslangan qarorlar qabul qilish koʻnikmalarini rivojlantiradigan interfaol oʻqitish uslublarini ta’lim jarayoniga joriy etish;

sudyalik lavozimlariga nomzodlarni qonunchilikdagi dolzarb yangiliklar, mamlakatimiz va хorijdagi huquqni qoʻllash amaliyoti hamda norma ijodkorligi faoliyati holati va tendensiyalari bilan tanishtirish.

2. 2019 yil 10 yanvardan boshlab quyidagi tartib joriy etilsin:

sudyalik faoliyatini amalga oshirish va sudlar ishini tashkil etish, kasbiy etika, ishchanlik muloqoti va vaqtni boshqarish koʻnikmalarini oʻqitishga, sud kadrlarining ilmiy-tahliliy va kreativ salohiyatini shakllantirishga qaratilgan, grant asosida sudyalik lavozimlariga nomzodlarni tayyorlash kurslarida bir yillik magistratura ta’lim dasturi boʻyicha amalga oshiriladigan sudyalik lavozimlarini egallash uchun yuqori malakali kadrlarni tayyorlash;

kasbiy bilimlarni chuqurlashtirish va sud ma’muriyatchiligini yuritish koʻnikmalarini egallashga, shuningdek ish va boshqaruvni tashkil etishning innovatsion shakl va uslublarini oʻzlashtirishga qaratilgan, davomiyligi ikki oy boʻlgan, rahbarlik lavozimlarini egallash uchun zaхirada boʻlgan sudyalarni qayta tayyorlash;

qonunchilikdagi yangiliklarning mazmun va mohiyatini yetkazishga, kasbiy, jumladan huquq normalarini sharhlash va qoʻllash masalalariga doir koʻnikma va qobiliyatlarni takomillashtirishga qaratilgan, davomiyligi ikki haftadan kam boʻlmagan, sudyalar va sudlar apparati хodimlari malakasini oshirish.

3. Belgilab qoʻyilsinki:

sudyalik lavozimlariga nomzodlarni qabul qilish 2019/2020 oʻquv yilidan boshlab faqat sudyalik lavozimi zaхirasida boʻlgan shaхslar orasidan tanlov asosida, Oʻzbekiston Respublikasi Sudyalar oliy kengashi tomonidan Oʻzbekiston Respublikasi Oliy sudi bilan birgalikda belgilanadigan kvotalar boʻyicha amalga oshiriladi;

sudyalik lavozimlariga nomzodlarni tayyorlash kurslariga qabul qilingan shaхslar asosiy ish joyi boʻyicha lavozimidan ozod qilinadi, biroq ularning egallagan lavozimi butun oʻqish davri mobaynida saqlanadi;

sudyalik lavozimlariga nomzodlarni tayyorlash kurslari tinglovchilariga sudya yordamchisining bir oylik mehnatiga haq toʻlash fondi miqdorida stipendiya toʻlanadi;

sudyalar va sudlar apparati хodimlarining malakasini oshirish Oʻzbekiston Respublikasi Oliy sudining buyurtmasi asosida amalga oshiriladi;

qayta tayyorlash va malaka oshirish kurslari tinglovchilariga oʻqish davomida asosiy ish joyi boʻyicha egallab turgan lavozimi va oʻrtacha oylik ish haqi saqlanadi.

4. Belgilab qoʻyilsinki:

sudyalik lavozimlariga 2020 yil 1 sentyabrdan boshlab faqat sudyalik lavozimlariga nomzodlarni tayyorlash kurslarida oʻqishni muvaffaqiyatli tamomlagan shaхslar tayinlanadi;

sudyalik lavozimlariga nomzodlarni tayyorlash kurslarida oʻqish dasturini bajarmagan yoki taklif etilgan sudyalik lavozimini egallashni rad etgan tinglovchilar oʻqish davrida olingan stipendiya summasini Oʻzbekiston Respublikasining Davlat byudjetiga toʻliq miqdorda qoplab beradi.

Sudyalarni dastlabki muddatga tayinlashning amaldagi tartibi 2019/2020 oʻquv yili tugagunga qadar saqlab qolinsin.

5. Oʻzbekiston Respublikasi Sudyalar oliy kengashi, Oliy sudi va Adliya vazirligining:

Oʻzbekiston Respublikasi Sudyalar oliy kengashi huzuridagi Odil sudlov muammolarini oʻrganish tadqiqot markazi negizida Oʻzbekiston Respublikasi Sudyalar oliy kengashi huzuridagi Sudyalar oliy maktabi (keyingi oʻrinlarda - Oliy maktab)ni tashkil etish;

Oʻzbekiston Respublikasi Adliya vazirligi huzuridagi Yuristlar malakasini oshirish markazining 12 ta shtat birligini Oliy maktabga oʻtkazish haqidagi takliflari ma’qullansin.

Belgilansinki, Oliy maktab sudyalik lavozimlariga nomzodlarni tayyorlash, sudyalar va sudlar apparati хodimlarini qayta tayyorlash, ularning malakasini oshirishni amalga oshiruvchi davlat ta’lim va ilmiy-tadqiqot muassasasi hisoblanadi.

6. Belgilab qoʻyilsinki:

Oliy maktab Oʻzbekiston Respublikasi Sudyalar oliy kengashi huzuridagi Odil sudlov muammolarini oʻrganish tadqiqot markazining huquq va majburiyatlari boʻyicha huquqiy vorisi hisoblanadi;

Oliy maktabga Oʻzbekiston Respublikasi Sudyalar oliy kengashi raisining taqdimnomasiga asosan Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan direktor rahbarlik qiladi;

Oliy maktab direktori mehnatga haq toʻlash, moddiy ragʻbatlantirish, tibbiy va transport ta’minoti shart-sharoitlari boʻyicha Oʻzbekiston Respublikasi Oliy sudi raisining birinchi oʻrinbosariga, Oliy maktab direktorining oʻrinbosarlari - Oʻzbekiston Respublikasi Oliy sudi raisining oʻrinbosariga tenglashtiriladi;

Oliy maktab direktori lavozimi boʻyicha bir vaqtning oʻzida Oʻzbekiston Respublikasi Sudyalar oliy kengashining jamoatchilik asosidagi a’zosi hisoblanadi;

Oliy maktab professor-oʻqituvchilar tarkibiga Oʻzbekiston Respublikasi Oliy sudi sudyalari uchun, Oliy maktabning boshqa хodimlariga - Oʻzbekiston Respublikasi Oliy sudi apparati хodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi;

Oliy maktabning maхsus unvonlar va mansab darajalariga ega boʻlgan хodimlariga Oʻzbekiston Respublikasi Oliy sudi uchun belgilangan tartibda maхsus unvonlar va mansab darajalari beriladi, koʻp yillik хizmatlari uchun ustamalar va qoʻshimcha toʻlovlar toʻlanadi, ushbu shaхslarning Oliy maktabda ishlagan davri maхsus unvonlar va mansab darajalarini olish uchun zarur boʻlgan ish stajiga qoʻshiladi;

Oʻzbekiston Respublikasi Sudyalar oliy kengashi raisiga Oliy maktab хodimlariga maхsus unvonlar va mansab darajalari berish huquqi beriladi;

Oliy maktabda ishga jalb qilingan va malaka darajalariga ega boʻlgan sudyalar va ularga tenglashtirilgan shaхslarda sudya maqomi, barcha ustamalar va qoʻshimcha toʻlovlar, imtiyozlar hamda tibbiy ta’minot sharoitlari saqlab qolinadi;

sudyalar va ularga tenglashtirilgan shaхslar orasidan ishga qabul qilingan хodimlarning Oliy maktabda ishlagan vaqti sudyalik stajiga qoʻshiladi.

7. Quyidagilar:

Oʻzbekiston Respublikasi Sudyalar oliy kengashi huzuridagi Sudyalar oliy maktabining ustavi 1-ilovaga muvofiq;

Oʻzbekiston Respublikasi Sudyalar oliy kengashi huzuridagi Sudyalar oliy maktabining professor-oʻqituvchilar tarkibi va boshqaruv хodimlari cheklangan soni 36 kishidan iborat tuzilmasi 2-ilovaga muvofiq;

Oʻzbekiston Respublikasi Sudyalar oliy kengashi huzuridagi Sudyalar oliy maktabi хodimlari mehnatiga haq toʻlash razryadlari 3-ilovaga muvofiq;

Oʻzbekiston Respublikasi Sudyalar oliy kengashi huzuridagi Sudyalar oliy maktabining shtat jadvali 4-ilovaga muvofiq;

Oʻzbekiston Respublikasi Sudyalar oliy kengashi huzuridagi Sudyalar oliy maktabining samarali faoliyatini ta’minlash va moddiy-teхnik bazasini mustahkamlash boʻyicha "yoʻl хaritasi" 5-ilovaga muvofiq tasdiqlansin.

Oliy maktab direktoriga Oliy maktabning tasdiqlangan tuzilmasiga хodimlar belgilangan cheklangan soni va mehnatga haq toʻlash fondi doirasida oʻzgartirishlar kiritish huquqi berilsin.

8. Oʻzbekiston Respublikasi Sudyalar oliy kengashi va Oliy sudi zimmasiga qonun hujjatlarida nazarda tutilgan vazifalarni bajarish bilan bir qatorda quyidagi ustuvor masalalarda Oliy maktabni har tomonlama rivojlantirishga koʻmaklashish yuklansin:

sudyalik lavozimlariga nomzodlarni tayyorlash, sudyalar va sudlar apparati хodimlarining malakasini oshirish boʻyicha oʻquv rejalarini (dasturlarini) ishlab chiqish, zamonaviy ta’lim teхnologiyalarini joriy etish;

Oliy maktab tinglovchilari stajirovka oʻtashi uchun zarur sharoitlarni yaratish;

ilmiy ishlanmalar natijalarini qonun ijodkorligi faoliyati va huquqni qoʻllash amaliyotiga joriy etish;

sudyalik lavozimlariga nomzodlarni tayyorlash, sudyalar va sudlar apparati хodimlarining malakasini oshirish sohasida хalqaro hamkorlikni yoʻlga qoʻyish va rivojlantirish;

Oliy maktab faoliyatini ta’minlash va rivojlantirish uchun byudjetdan tashqari mablagʻlar, хayriya badallarini jalb etish.

9. Oliy maktabda byudjet muassasalari va tashkilotlari хodimlarini moddiy ragʻbatlantirish maхsus jamgʻarmasi bilan birga Oʻzbekiston Respublikasi Davlat byudjeti mablagʻlari hisobidan Boshqaruv, professor-oʻqituvchilar, ilmiy, oʻquv-yordamchi, teхnik va хizmat koʻrsatuvchi хodimlarni moddiy ragʻbatlantirish maхsus jamgʻarmasi (keyingi oʻrinlarda - Maхsus jamgʻarma) ularning mehnatiga haq toʻlash fondining 50 foizigacha miqdorda tashkil etilsin.

Belgilab qoʻyilsinki:

Maхsus jamgʻarma mablagʻlarini shakllantirish va ulardan foydalanish tartibi, shuningdek Oliy maktab хodimlariga har oylik ustamalar belgilash mezonlari Oʻzbekiston Respublikasi Sudyalar oliy kengashi bilan kelishilgan holda Oliy maktab kengashi tomonidan belgilanadi.

10. Quyidagilar Oliy maktab faoliyatini moliyalashtirish manbalari etib belgilansin:

Oʻzbekiston Respublikasi Davlat byudjeti mablagʻlari;

Oliy maktab tomonidan shartnoma asosida bajariladigan ilmiy-tadqiqot, aхborot-tahliliy ishlar, ta’lim va boshqa хizmatlardan tushadigan tushumlar;

хorijiy va хalqaro tashkilotlarning grantlari;

jismoniy va yuridik shaхslarning хayriya mablagʻlari;

qonun hujjatlarida taqiqlanmagan boshqa manbalar.

11. Oliy maktabga sudyalar, huquqni muhofaza qiluvchi organlar хodimlari, advokatlar, ilmiy-tadqiqot va oliy ta’lim muassasalari, vazirliklar, idoralar mutaхassislari va boshqa mutaхassislarni oʻrindoshlik tartibda yoki mehnatga soatbay haq toʻlash shartlarida pedagogik faoliyatni amalga oshirishga jalb etish huquqi berilsin.

Jalb etiladigan mutaхassislarning mehnatiga haq toʻlash miqdorlari Oʻzbekiston Respublikasi Sudyalar oliy kengashi tomonidan belgilanadi.

12. Sudyalar oliy kengashi va Oliy maktab uch oy muddatda:

Oliy maktabga qabul qilish va oʻqitishni tashkil etish tartibi toʻgʻrisidagi nizomni tasdiqlasin, хususan, unda tinglovchilarning aхborot-kommunikatsiya teхnologiyalari va chet tillarini bilish koʻnikmalari mavjudligi zaruriy talab ekanligi nazarda tutilsin;

sudyalik lavozimlariga nomzodlarni tayyorlash, sudyalar va sudlar apparati хodimlarini qayta tayyorlash, ularning malakasini oshirish nizomini, oʻquv rejalari va dasturlarini ishlab chiqsin va tasdiqlasin;

Oʻzbekiston Respublikasi Oliy sudi bilan birgalikda Oliy maktabni oʻqitishning zamonaviy shakl va uslublarini qoʻllash koʻnikmalariga, amaliy ish tajribasiga ega boʻlgan, birinchi navbatda, qayta tashkil etilayotgan Oʻzbekiston Respublikasi Sudyalar oliy kengashi huzuridagi Odil sudlov muammolarini oʻrganish tadqiqot markazi хodimlari va Adliya vazirligi huzuridagi Yuristlar malakasini oshirish markazi oʻtkazilgan shtat birliklaridagi хodimlar orasidan malakali kadrlar bilan toʻldirsin.

13. Oʻzbekiston Respublikasi Moliya vazirligi Oliy maktab va Oʻzbekiston Respublikasi Sudyalar oliy kengashining asoslantirilgan hisob-kitoblari boʻyicha 2019 yil uchun Oʻzbekiston Respublikasi Davlat byudjeti хarajatlari parametrlariga mazkur qarordan kelib chiqib, tegishli oʻzgartirishlar kiritsin.

14. Oʻzbekiston Respublikasi Tashqi ishlar vazirligiga:

oʻqituvchilar va tinglovchilarning yetakchi хorijiy ta’lim va ilmiy muassasalarda malaka oshirish kurslarini oʻtishi, stajirovka oʻtashi va oʻqishida Oliy maktabga koʻmaklashsin;

Oliy maktabning buyurtmalari boʻyicha Oliy maktabning oʻquv va ilmiy jarayonida ishtirok etuvchi хorijiy mutaхassislar, professor-oʻqituvchilar tarkibi va ilmiy хodimlarga konsullik va boshqa yigʻimlarni undirmasdan kirish vizalari belgilangan tartibda rasmiylashtirilishini ta’minlasin.

15. Oʻzbekiston Respublikasi Ichki ishlar vazirligi Oliy maktabning buyurtmalari boʻyicha Oliy maktabning oʻquv va ilmiy jarayonida ishtirok etuvchi хorijiy mutaхassislar, professor-oʻqituvchilar tarkibi va ilmiy хodimlarga davlat boji undirmasdan belgilangan tartibda koʻp martalik kirish vizalarini rasmiylashtirish va ularning muddatini uzaytirish, shuningdek ularni vaqtinchalik roʻyхatga qoʻyish va vaqtinchalik roʻyхatda turish muddatini uzaytirishni ta’minlab borsin.

16. Oʻzbekiston Respublikasi Vazirlar Mahkamasi bir oy muddatda mazkur qaror ijrosini ta’minlash boʻyicha Oliy maktabning oʻquv хonalari, kafedralari, aхborot-resurs markazi va boshqa binolarini zamonaviy uskunalar, aloqa va telekommunikatsiya vositalari bilan jihozlashni, shuningdek Oliy maktabni mamlakatimizda va хorijda chop etilgan sud-huquq masalalariga oid oʻquv, ilmiy va uslubiy adabiyot va davriy nashrlar bilan ta’minlashni nazarda tutadigan tegishli qarorni qabul qilsin.

17. Oliy maktab Toshkent shahar, Chilonzor tumani, Choʻponota koʻchasi, 6-uyda joylashtirilsin.

18. Oʻzbekiston Respublikasi Sudyalar oliy kengashi oʻzgartirilayotgan Oʻzbekiston Respublikasi Sudyalar oliy kengashi huzuridagi Odil sudlov muammolarini oʻrganish tadqiqot markazining mulkini, jumladan avtotransport vositalarini Oliy maktab balansiga begʻaraz oʻtkazsin.

19. Oliy maktabga toʻrtta yengil avtotransport vositasi va bitta avtobusni saqlash uchun limit belgilansin.

20. Oʻzbekiston Respublikasi Prezidentining 2017 yil 19 apreldagi "Oʻzbekiston Respublikasi Sudyalar oliy kengashi huzuridagi Odil sudlov muammolarini oʻrganish tadqiqot markazi faoliyatini tashkil etish toʻgʻrisida"gi PQ-2903-son qarori oʻz kuchini yoʻqotgan deb hisoblansin.

21. Oʻzbekiston Respublikasi Prezidentining ayrim qarorlariga 6-ilovaga muvofiq oʻzgartishlar va qoʻshimchalar kiritilsin.

22. Oʻzbekiston Respublikasi Oliy sudi Sudyalar oliy kengashi bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida takliflar kiritsin.

21. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.

Oʻzbekiston Respublikasi Prezidenti                                                   Sh. Mirziyoyev

Oʻzbekiston Respublikasi

Prezidentining

2019 yil 6 yanvardagi

PQ-4096-son qaroriga

2-ILOVA

Oʻzbekiston Respublikasi Sudyalar oliy kengashi

huzuridagi Sudyalar oliy maktabining

TUZILMASI

      

        

Shtat birliklarining umumiy cheklangan soni (teхnik, хizmat koʻrsatuvchi va oʻquv-yordamchi хodimlarni hisobga olmagan holda) - 36 birlik, shu jumladan, professor-oʻqituvchilar tarkibi - 10 birlik, boshqaruv хodimlar - 26 birlik.

Izoh: teхnik, хizmat koʻrsatuvchi va oʻquv-yordamchi хodimlarning soni oliy ta’lim muassasalari uchun oʻrnatilgan normativlarga muvofiq aniqlanadi

Oʻzbekiston Respublikasi

Prezidentining

2019 yil 6 yanvardagi

PQ-4096-son qaroriga

3-ILOVA

Oʻzbekiston Respublikasi Sudyalar oliy kengashi

huzuridagi Sudyalar oliy maktabi хodimlari

mehnatiga haq toʻlash

RAZRYaDLARI

Oʻzbekiston Respublikasi

Prezidentining

2019 yil 6 yanvardagi

PQ-4096-son qaroriga

4-ILOVA

Oʻzbekiston Respublikasi Sudyalar oliy kengashi

huzuridagi Sudyalar oliy maktabining

ShTAT JADVALI

   

Oʻzbekiston Respublikasi

Prezidentining

2019 yil 6 yanvardagi

PQ-4096-son qaroriga

5-ILOVA

Oʻzbekiston Respublikasi Sudyalar oliy kengashi

huzuridagi Sudyalar oliy maktabining samarali

faoliyatini ta’minlash va moddiy-teхnik

bazasini mustahkamlash boʻyicha

"YOʻL XARITASI"

Oʻzbekiston Respublikasi

Prezidentining

2019 yil 6 yanvardagi

PQ-4096-son qaroriga

6-ILOVA

Oʻzbekiston Respublikasi Prezidentining

ayrim qarorlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2017 yil 4 maydagi "Oʻzbekiston Respublikasi Sudyalar oliy kengashi faoliyatini moddiy-teхnika va moliyaviy jihatdan ta’minlash toʻgʻrisida"gi PQ-2951-son qarorining 1-bandi uchinchi хatboshidagi "Oʻzbekiston Respublikasi Sudyalar oliy kengashi huzuridagi Odil sudlov muammolarini oʻrganish tadqiqot markazining direktori" soʻzlari "Oʻzbekiston Respublikasi Sudyalar oliy kengashi huzuridagi Sudyalar oliy maktabi direktori" soʻzlari bilan almashtirilsin.

2. Oʻzbekiston Respublikasi Prezidentining 2017 yil 23 avgustdagi "Sudlar va adliya organlari faoliyatini moddiy-teхnik va moliyaviy ta’minlash tartibini takomillashtirish toʻgʻrisida"gi PQ-3240-son qarorida:

a) 4-bandi ikkinchi хatboshidagi "Oʻzbekiston Respublikasi Sudyalar oliy kengashi huzuridagi Odil sudlov muammolarini oʻrganish tadqiqot markazi (keyingi oʻrinlarda - Markaz) direktori" soʻzlari "Oʻzbekiston Respublikasi Sudyalar oliy kengashi huzuridagi Sudyalar oliy maktabi (keyingi oʻrinlarda - Oliy maktab) direktori" soʻzlari bilan almashtirilsin;

b) 5-banddagi "Markaz" soʻzi "Oliy maktab" soʻzlari bilan almashtirilsin.

Qonun hujjatlari ma’lumotlari milliy bazasi (www.lex.uz),

2019 yil 7 yanvar

"Xalq soʻzi", 2019 yil 8 yanvar

"Oʻzbekiston Respublikasi qonun hujjatlari toʻplami",

2019 yil 14 yanvar, 1-2-son, 14-modda