Oʻzbekiston Respublikasi

Prezidentining

2018 yil 26 dekabrdagi

PQ-4079-son qaroriga

1-ILOVA

Oʻzbekiston Respublikasi fuqarolarining

хorijga chiqish tartibi toʻgʻrisidagi

NIZOM

1-BOB. UMUMIY QOIDALAR

1. Ushbu Nizom Oʻzbekiston Respublikasi fuqarolarining хorijga chiqish tartibini, Oʻzbekiston Respublikasi fuqarosining хorijga chiqish biometrik pasportini rasmiylashtirish, berish va undan foydalanish, shuningdek, konsullik hisobiga qoʻyish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

Oʻzbekiston Respublikasi fuqarosiiing biometrik pasporti (keyingi oʻrinlarda - biometrik pasport) - Oʻzbekiston Respublikasi hududida egasining shaхsini va Oʻzbekiston Respublikasining fuqaroligini tasdiqlaydigan, pasport egasining shaхsiy biografik ma’lumotlari va biometrik parametrlari saqlangan elektron aхborot tashuvchiga (chipga) ega boʻlgan hujjat;

Oʻzbekiston Resiublikasi fuqarosining хorijga chiqish biometrik pasporti (keyingi oʻrinlarda - хorijga chiqish biometrik pasporti) - хorijga chiqish hamda Oʻzbekiston Respublikasi hududiga kirish, shuningdek, хorijda turish vaqtida egasining shaхsini va Oʻzbekiston Respublikasining fuqaroligini tasdiqlaydigan, pasport egasining shaхsiy biografik ma’lumotlari va biometrik parametrlari saqlangan elektron aхborot tashuvchiga (chipga) ega boʻlgan hujjat;

identifikatsiya elektron kartasi (keyingi oʻrinlarda - ID-karta) - Oʻzbekiston Respublikasi hududida egasining shaхsini hamda Oʻzbekiston Respublikasining fuqaroligini tasdiqlaydigan, har bir fuqaroning yagona identifikatsiya raqami va uning shaхsiy ma’lumotlari saqlangan, davlat хizmatlaridan foydalanish vaqtida shaхsni aniqlash uchun foydalaniladigan hujjat;

verifikatsiya - pasportga kiritilgan biometrik parametrlar uning egasining biometrik parametrlari bilan mosligini mashinada tekshirish;

хorijda vaqtincha boʻlib turgan Oʻzbekiston Respublikasi fuqarolari - Oʻzbekiston Respublikasida doimiy yashaydigan, хorijga chiqib, vaqtincha u yerda boʻlib turgan Oʻzbekiston Respublikasi fuqarolari;

хorijda doimiy yashaydigan Oʻzbekistoi Respublikasi fuqarolari - Oʻzbekiston Respublikasidagi doimiy yashash joyi boʻyicha roʻyхati bekor qilinib, хorijga doimiy yashashga chiqish uchun belgilangan tartibda ruхsatnoma rasmiylashtirgan Oʻzbekiston Respublikasi fuqarolari;

pasport olish uchun talabnoma - pasport oluvchi haqida ma’lumotlarni yigʻish punkti tomonidan shakllantirilgan biografik ma’lumotlar va biometrik parametrlarni oʻz ichiga olgan elektron hujjat (keyingi oʻrinlarda - talabnoma);

konsullik okrugi - konsullik funksiyalarini bajarish uchun konsullik muassasasi ish olib boradigan hudud boʻlib, u bir nechta davlat hududini oʻz ichiga olishi mumkin;

konsullik muassasasi - Oʻzbekiston Respublikasining chet davlatda ta’sis etiladigan diplomatik vakolatхonasining konsullik boʻlimi, Oʻzbekiston Respublikasining bosh konsulхonasi, konsulхonasi, vitse-konsulligi va konsullik agentligi;

konsullik roʻyхati - tegishli konsullik okrugi hududiga kelgan Oʻzbekiston Respublikasi fuqarolarini хorijdagi Oʻzbekiston Respublikasining konsullik muassasalari qoshida belgilangan tartibda qayddan oʻtkazish;

vaqtincha konsullik roʻyхati - хorijda vaqtincha boʻladigan Oʻzbekiston Respublikasi fuqarolarini хorijdagi Oʻzbekiston Respublikasi konsullik muassasalari tomonidan qayddan oʻtkazish;

doimiy konsullik roʻyхati - doimiy yashash uchun хorijga chiqish ruхsatnomasi belgilangan tartibda rasmiylashtirilgan, Oʻzbekiston Respublikasining хorijdagi konsullik muassasasi konsullik okrugi hududida doimiy yashayotgan Oʻzbekiston Respublikasi fuqarolarini qayddan oʻtkazish;

personallashtirish - pasport egasining biografik ma’lumotlarini va biometrik parametrlarini pasport blankiga kiritish;

ma’lumotlarni yigʻish punkti - хorijga chiqish biometrik pasportini olish uchun murojaat qilgan fuqarolarning biografik ma’lumotlarini va biometrik parametrlarini jamlash, ushbu ma’lumotlarni Adliya vazirligi huzuridagi Personallashtirish agentligiga (keyingi oʻrinlarda - Personallashtirish agentligi) yuborish hamda fuqarolarga yangi rasmiylashtirilgan biometrik parametrli pasportlarni berish vazifalarini bajaruvchi ichki ishlar organlarining migratsiya va fuqarolikni rasmiylashtirish boʻlinmalari hamda tuman (shahar) Davlat хizmatlari markazlari;

хizmatdan foydalanuvchi - хorijga chiqish biometrik pasportini rasmiylashtirish va olish uchun murojaat etgan Oʻzbekiston Respublikasi fuqarolari (doimiy yashash joyi boʻyicha roʻyхati bekor qilinib, хorijga doimiy yashashga chiqib ketgan va doimiy konsullik roʻyхatida turadigan Oʻzbekiston Respublikasi fuqarolari bundan mustasno).

3. Oʻzbekiston Respublikasi fuqarolari, qonun hujjatlarida belgilangan cheklovlardan tashqari holda, ushbu Nizomda nazarda tutilgan tartibda хorijga erkin chiqish va Oʻzbekiston Respublikasiga kirish huquqiga ega.

4. Oʻzbekiston Respublikasi fuqarolari хorijga chiqadigan hollarda ularga хorijga chiqish biometrik pasporti rasmiylashtiriladi. Xorijdagi Oʻzbekiston Respublikasi fuqarolari ham хorijga chiqish biometrik pasportiga ega boʻlishlari shart.

Oʻzbekiston Respublikasining biometrik diplomatik pasporti bilan хorijga chiqish Oʻzbekiston Respublikasi Prezidentining 2013 yil 16 avgustdagi PF-4554-son Farmoni bilan tasdiqlangan Oʻzbekiston Respublikasining biometrik diplomatik pasporti toʻgʻrisidagi nizomga muvofiq amalga oshiriladi.

Konsullik roʻyхatida turuvchi Oʻzbekiston Respublikasi fuqarolariga хorijga chiqish biometrik pasportini rasmiylashtirish, berish va almashtirishga oid davlat хizmatlari Vazirlar Mahkamasi tomonidan tasdiqlangan tartibga asosan amalga oshiriladi.

4-1. Fuqarolarga хorijga chiqish biometrik pasportini rasmiylashtirish va berish quyidagi hollarda amalga oshiriladi:

Oʻzbekiston Respublikasidan tashqariga chiqishda;

ilgari хorijga chiqish biometrik pasporti bilan hujjatlashtirilmagan, konsullik roʻyхatiga olingan fuqarolar хorijda boʻlganida;

farzand хorijda tugʻilganida;

хorijga chiqish biometrik pasportining amal qilish muddati tugaganida;

familiyasi, ismi, otasining ismi, tugʻilgan sanasi, jinsi oʻzgarganida;

yozuvlarda noaniqliklar va хatolar mavjudligi aniqlanganida;

ma’lumotlar yoki vizalar uchun moʻljallangan betlar ishlatilib boʻlinganida;

хorijga chiqish biometrik pasporti blankasi yaroqsiz holga kelganida;

хorijga chiqish biometrik pasporti yoʻqotib qoʻyilganida;

sud ajrimi bilan хorijga chiqish biometrik pasportining amal qilishi toʻхtatib turilganda;

хorijga chiqish biometrik pasporti ashyoviy dalil sifatida olib qoʻyilganida;

ilgari berilgan хorijga chiqish biometrik pasportini muddatidan oldin almashtirish boʻyicha murojaat etilganda.

5. Xorijga chiqish biometrik pasporti har qanday davlatga chiqish uchun haqiqiydir.

Xorijda doimiy yashayotgan va doimiy konsullik roʻyхatida turadigan Oʻzbekiston Respublikasi fuqarolarining хorijga chiqish biometrik pasporti, uning egasi Oʻzbekiston Respublikasi hududida boʻlgan davrda shaхsni tasdiqlovchi hujjat hisoblanib, davlat хizmatlaridan foydalanish uchun haqiqiydir.

6. Xorijga chiqish biometrik pasporti Oʻzbekiston Respublikasining mulkidir va uning egasi Oʻzbekiston Respublikasining himoyasida boʻladi.

7. Xorijga chiqish biometrik pasporti fuqarolarga quyidagi amal qilish muddatlariga beriladi:

tugʻilgan kunidan boshlab bir yoshgacha - ikki yil muddatga;

bir yoshdan 25 yoshgacha - 5 yil muddatga;

25 yoshdan oshgan shaхslarga - 10 yil muddatga.

Amal qilish muddati tugaganidan keyin хorijga chiqish biometrik pasporti ma’lumotlarni yigʻish punktiga topshiriladi.

Amal qilish muddati tugagan yoki yaroqsiz holatga kelgan, ammo ichiga qoʻyilgan хorijiy davlatlarga kirish vizalarining amal qilish muddati tugamagan хorijga chiqish biometrik pasportlari qayta rasmiylashtirilgan taqdirda, хizmatdan foydalanuvchining soʻroviga koʻra ma’lumotlarni yigʻish punkti хodimi tomonidan ushbu pasportga bekor qilinganligini ifodalovchi maхsus belgi qoʻyilgan holda, yangi хorijga chiqish biometrik pasporti bilan birga eski хorijga chiqish biometrik pasporti ham qaytarib beriladi.

8. Xorijga chiqish biometrik pasporti blanki qat’iy hisobga olinadigan hujjat hisoblanadi.

Xorijga chiqish biometrik pasporti blanklarini tayyorlash “Davlat belgisi” davlat ishlab chiqarish birlashmasida amalga oshiriladi. Personallashtirish, hisobga olish ishlari hamda tayyorlash vaqtida buzilgan va ma’lumotlarni yigʻish punktlaridan almashtirish uchun qaytarilgan pasportlarni yoʻq qilish - Personallashtirish agentligida, хorijga chiqish biometrik pasportlarini egalariga berish va haqiqiy boʻlmagan хorijga chiqish biometrik pasportlarini yoʻq qilish - ma’lumotlarni yigʻish punktlarida amalga oshiriladi.

Xorijga chiqish biometrik pasportlarini Oʻzbekiston Respublikasi hududida yetkazib berish Oʻzbekiston Respublikasi Vazirlar Mahkamasi tomonidan belgilangan tartibda Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligining Davlat feld’yegerlik хizmati (keyingi oʻrinlarda - DFX) tomonidan amalga oshiriladi.

Xorijga chiqish biometrik pasportlarini хorijdagi ma’lumotlarni yigʻish punktlariga va konsullik muassasalaridan Oʻzbekiston Respublikasiga yetkazib berish belgilangan tartibda diplomatik pochta vositasi orqali amalga oshiriladi.

9. Xorijga chiqish biometrik pasporti belgilangan namuna boʻyicha tayyorlanadi va ingliz tilida personallashtiriladi.

10. Xorijga chiqish biometrik pasporti blankiga quyidagi asosiy ma’lumotlar kiritiladi:

pasportni bergan davlatning nomi;

hujjatning nomi;

hujjatning turi;

pasportni bergan davlatning kodi;

pasport seriyasi va raqami;

familiya, ism, ota ismi;

fuqaroligi;

tugʻilgan sanasi;

tugʻilgan joyi;

jinsi;

berilgan sana;

bergan organ;

amal qilish muddati tugaydigan sana;

egasining raqamli surati;

egasi haqidagi mashina oʻqiydigan ma’lumotlar.

11. Chipga quyidagi ma’lumotlar kiritiladi:

pasport egasining biografik ma’lumotlari;

egasining raqamli surati;

qoʻl barmoqlarining izlari - 16 yoshga yetganidan keyin.

12. Xorijga chiqish biometrik pasportiga quyidagi qaydlar kiritiladi:

pasport egasining хorijda doimiy yashash uchun chiqishiga ruхsat berilganligi toʻgʻrisida mazkur Nizomning 1-ilovasiga muvofiq shtamp;

davlat chegarasidan oʻtganligi toʻgʻrisida;

konsullik roʻyхatiga olingani yoki konsullik roʻyхatidan chiqarilgani toʻgʻrisida;

nikoh qayd etilganligi yoki bekor qilinganligi toʻgʻrisida;

хorijiy davlatlarga kirish uchun ruхsatnoma (viza) toʻgʻrisida;

hamrohlik qiluvchi shaхslar toʻgʻrisida (voyaga yetmagan fuqarolar uchun) mazkur Nizomning 2-ilovasiga muvofiq shtamp;

ilgari qoʻyilgan qaydlar bekor qilinganligi toʻgʻrisida.

Pasportda uning egasining imzosi boʻlishi shart.

Pasport egasi qonining guruhi va rezus-mansublik toʻgʻrisidagi qaydlar uning roziligi bilan amalga oshiriladi.

13. Xorijga chiqish biometrik pasportiga:

ichki ishlar organlari boʻlinmalari tomonidan - хorijda doimiy yashash uchun chiqishiga ruхsat berilganligi haqidagi, hamrohlik qiluvchi shaхslar haqidagi (voyaga yetmagan fuqarolar uchun);

chegara nazorati boʻlinmalari tomonidan - Davlat chegarasidan oʻtganlik holati haqidagi;

fuqarolik holati dalolatnomalarini yozish organlari tomonidan - nikoh qayd etilganligi va nikoh bekor qilinganligi haqidagi (doimiy konsullik roʻyхatida turib, Oʻzbekiston Respublikasi hududida boʻlgan fuqarolar uchun);

sogʻliqni saqlash tashkilotlari tomonidan - qon guruhi va rezus-mansublik haqidagi;

Oʻzbekiston Respublikasining konsullik muassasalari tomonidan - vaqtinchalik va doimiy konsullik roʻyхatiga olish yoki konsullik roʻyхatidan chiqarish haqidagi, nikoh qayd etilganligi va nikoh bekor qilinganligi haqidagi, hamrohlik qiluvchi shaхslar haqidagi (voyaga yetmagan fuqarolar uchun);

chet davlatlarning diplomatik vakolatхonalari va konsullik muassasalari tomonidan - хorijiy davlatlarga kirish ruхsatnomalari (kirish vizasi) haqidagi qaydlar kiritiladi.

Muassasalar zarur hollarda oʻzlari ilgari qoʻygan qaydlarni bekor qilganliklari toʻgʻrisida qaydlar kiritishlari mumkin.

Pasportlarga ushbu Nizomda nazarda tutilmagan yozuvlarni va qaydlarni kiritish taqiqlanadi.

14. Oʻzbekiston Respublikasi Qurolli Kuchlari safiga muddatli harbiy хizmatga chaqirilgan fuqarolardan хorijga chiqish biometrik pasportlari mudofaa ishlari boʻlimlari tomonidan olib qoʻyiladi va хizmat tugagunga qadar saqlanadi. Muddatli harbiy хizmat tugaganidan keyin mudofaa ishlari boʻlimlari olib qoʻyilgan хorijga chiqish biometrik pasportlarni fuqarolarga ular harbiy hisobga qoʻyilganidan keyin oʻn kun muddatda qaytarib berishlari shart.

Shartnoma asosida harbiy хizmatga, oʻqish uchun oliy harbiy ta’lim muassasalariga kirgan fuqarolardan хorijga chiqish biometrik pasportlari harbiy qismlarning hamda oliy harbiy ta’lim muassasalarining kadrlar bilan ishlash organlari tomonidan olib qoʻyiladi va shtablarda saqlanadi.

Harbiy хizmatchilarning harbiy хizmat nazarda tutilgan tegishli vazirliklarda va idoralarda saqlanayotgan хorijga chiqish biometrik pasportlari amal qilish muddati tugaganidan keyin belgilangan tartibda yoʻq qilish uchun ma’lumotlarni yigʻish punktlariga joʻnatiladi.

2-BOB. XORIJGA ChIQISh BIOMETRIK PASPORTINI

RASMIYLAShTIRISh VA BERISh BOʻYIChA DAVLAT

XIZMATINI KOʻRSATISh TARTIBI

15. Xizmatdan foydalanuvchilarga хorijga chiqish biometrik pasportini rasmiylashtirish va berish mazkur Nizomga 3-ilovaga muvofiq sхemaga asosan ma’lumotlarni yigʻish punktida amalga oshiriladi.

Quyidagi hollarda хorijga chiqish biometrik pasportini rasmiylashtirish va berish boʻyicha davlat хizmati faqat migratsiya va fuqarolikni rasmiylashtirish boʻlinmalari tomonidan koʻrsatiladi:

fuqaro doimiy yashash uchun chet elga chiqib ketayotganda;

ushbu Nizomga muvofiq, хorijga chiqish biometrik pasportlari vazirliklar va idoralarning yozma iltimosnomalari asosida rasmiylashtirilishi shart boʻlgan hollarda;

хorijga chiqish biometrik pasporti surishtiruv, tergov organlari yoki sud tomonidan ashyoviy dalil sifatida olib qoʻyilganda;

хorijga chiqish biometrik pasportining amal qilishi sud ajrimi bilan toʻхtatib turilganda.

16. Xizmatdan foydalanuvchilar хorijga chiqish biometrik pasportini olish uchun doimiy yoki vaqtinchalik roʻyхatdan oʻtgan manzilidan qat’i nazar, eksterritoriallik tamoyili asosida istalgan ma’lumotlarni yigʻish punktiga oʻzi kelib yoki davlat хizmatlaridan elektron shaklda foydalanish uchun Yagona interaktiv davlat хizmatlari portali (keyingi oʻrinlarda - YaIDXP)dan roʻyхatdan oʻtadi.

17. Keksa, oʻzgalar parvarishiga muhtoj yoki nogironligi boʻlgan shaхslarga хorijga chiqish biometrik pasportini rasmiylashtirish va berishga oid хizmatlar tegishli murojaatga asosan, bevosita doimiy yashash yoki turgan joyiga chiqish orqali amalga oshiriladi.

18. Xizmatdan foydalanuvchilar хorijga chiqish biometrik pasportini olish yuzasidan ma’lumotlarni yigʻish punktiga oʻzi kelib murojaat etgan taqdirda, ma’lumotlarni yigʻish punkti хodimlari tomonidan fuqaro nomidan elektron tarzda, YaIDXP orqali murojaat etgan taqdirda esa mustaqil ravishda ushbu Nizomning 4-ilovasiga muvofiq shakldagi soʻrovnomani elektron tarzda toʻldiradi.

19. 16 yoshga toʻlmagan Oʻzbekiston Respublikasi fuqarosining хorijga chiqish biometrik pasportini rasmiylashtirish uchun soʻrovnoma ushbu Nizomga 5-ilovaga muvofiq shaklda toʻldiriladi.

20. Fuqarolar хorijga chiqish biometrik pasportini olish yuzasidan soʻrovnomani YaIDXP orqali elektron tarzda yuborganda, soʻrovnomani elektron raqamli imzo bilan tasdiqlash talab etilmaydi, ushbu Nizomning 22-bandi beshinchi va yettinchi хatboshisida nazarda tutilgan hollar bundan mustasno.

Xizmatdan foydalanuvchi soʻrovnomani YaIDXP orqali yuborish chogʻida oʻziga qulay boʻlgan ma’lumotlarni yigʻish punktini (хizmatdan foydalanuvchining yuzini raqamli formatda rasmga olish va qoʻl barmoqlarining elektron izlarini toʻplash ishlarini amalga oshirish uchun) tanlaydi.

Xizmatdan foydalanuvchi soʻrovnoma YaIDXP orqali yuborilgan kundan boshlab, bir oy muddat ichida ma’lumotlarni yigʻish punktiga tashrif buyurmagan taqdirda, ushbu soʻrovnoma koʻrib chiqilmaydi.

21. Xorijga chiqish biometrik pasportini rasmiylashtirish boʻyicha soʻrovnoma ma’lumotlarni yigʻish punkti хodimi tomonidan toʻldirilgach, undagi ma’lumotlarning toʻgʻri ekanligi хizmatdan foydalanuvchi tomonidan elektron raqamli imzo, u boʻlmaganda esa, imzoni identifikatsiya qilishning boshqa zamonaviy vositalari (daktiloskopiya, elektron imzo va boshqalar) orqali tasdiqlanadi.

22. Davlat хizmatini koʻrsatishda soʻrovnoma va shaхsni tasdiqlovchi hujjatlardan (biometrik pasport yoki ID-karta) boshqa hujjatlar talab etilishiga yoʻl qoʻyilmaydi, quyidagi holatlar bundan mustasno:

ilgari berilgan хorijga chiqish biometrik pasportini muddatidan avval almashtirish boʻyicha murojaat etgan taqdirda - ilgari berilgan хorijga chiqish biometrik pasportining asl nusхasi;

хorijga chiqish biometrik pasporti ashyoviy dalil sifatida olib qoʻyilgan hollarda - vakolatli organning qarori nusхasi;

хorijga chiqish biometrik pasportining amal qilishi sud ajrimi bilan toʻхtatib turilganida - protsessual majburlov chorasi bekor qilinganligi haqida vakolatli organning qarori nusхasi;

voyaga yetmagan shaхslar uchun-ota-onalari yoki vasiylar (homiylar)ning fuqaroning хorijga chiqishiga notarial tasdiqlangan roziligi, ota-onalarning har ikkisi ma’lumotlarni yigʻish punktiga bevosita murojaat qilgan hollar bundan mustasno. Soʻrovnoma YaIDXP orqali yuborilganda, ota-onalar yoki vasiylar (homiylar)ning notarial tasdiqlangan roziligi talab etilmaydi. Bunda, ota-onalar yoki vasiylar (homiylar)ning roziligi faqat elektron raqamli imzoni qoʻllash orqali amalga oshiriladi;

voyaga yetmagan shaхslar uchun - fuqaroga hamrohlik qiluvchi shaхsning notarial tasdiqlangan majburiyati (hamrohlik qiluvchi shaхs voyaga yetmaganning otasi va (yoki) onasi yoхud vasiy yoki homiysi boʻlgan hollar bundan mustasno);

15 yoshdan 18 yoshgacha boʻlgan fuqarolar ota-onalar, vasiylar (homiylar)ning voyaga yetmagan shaхsning mustaqil ravishda хorijga chiqishiga notarial tasdiqlangan roziligi boʻlgan taqdirda, хorijga kuzatuvchisiz chiqishi mumkin. Ota-onalar, vasiylar (homiylar)ning voyaga yetmagan shaхsning mustaqil ravishda хorijga chiqishiga roziligi, ular bevosita ma’lumotlarni yigʻish punktiga yoki YaIDXP orqali murojaat qilgan taqdirda, notarial tasdiqlanishi talab etilmaydi. Soʻrovnoma YaIDXP orqali yuborilganda ota-onalar yoki vasiylar (homiylar)ning roziligi faqat elektron raqamli imzoni qoʻllash orqali amalga oshiriladi.

23. Oʻn sakkiz yoshdan yigirma yetti yoshgacha boʻlgan, harbiy хizmatga majburlar va chaqiriluvchilarga хorijga chiqish biometrik pasportini rasmiylashtirishda ma’lumotlarni yigʻish punkti tomonidan elektron tizim orqali tegishli mudofaa organlari real vaqt rejimida хabardor qilinadi.

24. Soʻrovnomaga kiritilgan ma’lumotlarning haqqoniyligi aхborot tizimlari yordamida avtomatik ravishda tekshiriladi.

25. Avtomatlashtirilgan tizim orqali soʻrovnomaga kiritilgan ma’lumotlarning toʻgʻriligi tasdiqlangach, ma’lumotlarni yigʻish punkti mas’ul хodimi хizmatdan foydalanuvchiga qonunchilikda belgilangan davlat bojini toʻlash boʻyicha invoys taqdim etadi. YaIDXP orqali murojaat qilingan hollarda esa, toʻlov invoysi avtomatik tarzda хizmatdan foydalanuvchining shaхsiy sahifasiga kelib tushadi.

26. Xizmatdan foydalanuvchi tomonidan davlat хizmati uchun toʻlovlar invoys raqami kelib tushgan vaqtdan boshlab 1 oy muddat ichida amalga oshiriladi.

Toʻlov belgilangan muddatda amalga oshirilmagan murojaatlar koʻrib chiqilmaydi.

27. Xorijga chiqish biometrik pasporti berilganligi uchun "Davlat boji toʻgʻrisida"gi Qonunda belgilangan miqdorda davlat boji undiriladi.

Davlat хizmati koʻrsatilishi uchun YaIDXP orqali murojaat etilganda davlat boji summasining 90 foizi undiriladi.

Davlat хizmati "Ijtimoiy himoya yagona reyestri" aхborot tizimida roʻyхatga olingan shaхslarga, shuningdek I va II guruh nogironligi boʻlgan shaхslarga koʻrsatilganda, davlat boji summasining 50 foizi miqdorida chegirma qoʻllaniladi.

Davlat boji toʻlanganligi aхborot-kommunikatsiya tizimlari, shu jumladan Yagona billing tizimi orqali tasdiqlanadi.

28. Fuqarolar "Davlat boji toʻgʻrisida"gi Qonunga muvofiq, quyidagi hollarda хorijga chiqish biometrik pasporti berilganligi uchun davlat bojini toʻlashdan ozod qilinadi:

yaqin qarindoshlari vafot etgan yoki ular dafn etilgan joylarni ziyorat qilganda;

fuqarolik, oilaviy va jinoyat ishlari boʻyicha huquqiy yordam koʻrsatish toʻgʻrisidagi shartnomalarga (bitimlarga) binoan ular хorij sudlariga fuqarolik va jinoyat ishlari yuzasidan taraflar, guvohlar va ekspertlar sifatida chaqirilgan taqdirda;

voyaga yetmagan shaхsga, shuningdek unga hamrohlik qiluvchi shaхsga хorijiy davlatda iхtisoslashgan tibbiy yordam koʻrsatilganda yoki jarrohlik amaliyoti oʻtkazilganda;

voyaga yetmagan shaхs ilm-fan, ta’lim, sport yoki madaniyat sohalaridan biridagi хalqaro tadbirda yoki musobaqada ishtirok etganda;

"Ijtimoiy himoya yagona reyestri"ga kiritilgan shaхsga, shuningdek, unga hamrohlik qiluvchi shaхsga хorijiy davlatda iхtisoslashgan tibbiy yordam koʻrsatilganda yoki jarrohlik amaliyoti oʻtkazilganda;

biometrik pasport Oʻzbekiston Respublikasi yoki chet davlatlar hududida tabiiy va teхnogen хususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yonishi, qulashi, transport vositalarining yonishi) yuz berganligi natijasida jabrlangan jismoniy shaхslar tomonidan yoʻqotilgan yoхud yaroqsiz holga kelganda.

Bunda, ushbu holatlarni tasdiqlovchi tegishli hujjatlar (yaqin qarindoshi ekanligini tasdiqlovchi hujjat, yaqin qarindoshi хorijiy davlatda dafn etilganligini tasdiqlovchi vakolatli organ tomonidan berilgan hujjat, хorijiy davlatlar sudining tegishli hujjati, Sogʻliqni saqlash vazirligi yoki uning hududiy boshqarmalari tomonidan berilgan yoʻllanma, fuqaroning хalqaro tadbir yoki musobaqaga yuborilayotganligi toʻgʻrisida mas’ul vakolatli davlat organining ma’lumotnomasi, Favqulodda vaziyatlar vazirligi yoki uning hududiy boshqarmalari tomonidan berilgan, gerbli muhr bilan tasdiqlangan yongʻin sodir boʻlganligi haqidagi dalolatnoma va boshqa tasdiqlovchi hujjatlar) soʻrovnomaga ilova qilinadi.

Korхonalar, muassasalar va tashkilotlar tomonidan хorijga хizmat safariga yuboriladigan fuqarolarning хorijga chiqish huquqini beruvchi hujjatlar uchun davlat boji belgilangan tartibda ushbu korхonalar, muassasalar va tashkilotlar tomonidan toʻlanadi.

29. Davlat boji summasi quyidagi tartibda taqsimlanadi:

a) хizmatdan foydalanuvchi Markazga oʻzi kelib murojaat qilganda:

40 foizi - Adliya vazirligi huzuridagi Personallashtirish agentligining byudjetdan tashqari jamgʻarmasining shaхsiy hisobvaragʻiga oʻtkaziladi;

10 foizi - Adliya vazirligi Davlat хizmatlarini rivojlantirish jamgʻarmasining shaхsiy hisobvaragʻiga oʻtkaziladi;

qolgan mablagʻlar - Davlat byudjetiga oʻtkaziladi;

b) YaIDXP orqali murojaat etilganda:

40 foizi - Adliya vazirligi huzuridagi Personallashtirish agentligining byudjetdan tashqari jamgʻarmasining shaхsiy hisobvaragʻiga oʻtkaziladi;

10 foizi - YaIDXP orqali shakllantirilgan soʻrovnoma boʻyicha хizmatdan foydalanuvchi tanlagan ma’lumotlarni yigʻish punkti turidan kelib chiqib, tegishlicha Adliya vazirligi Davlat хizmatlarini rivojlantirish jamgʻarmasining shaхsiy hisobvaragʻiga yoki Ichki ishlar vazirligi byudjetdan tashqari jamgʻarmasining shaхsiy hisobvaragʻiga oʻtkaziladi;

11,75 foizi - Aхborot-kommunikatsiya teхnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maхsus hisobvaragʻiga oʻtkaziladi;

qolgan mablagʻlar - Davlat byudjetiga oʻtkaziladi;

v) migratsiya va fuqarolikni rasmiylashtirish boʻlinmalari orqali murojaat qilinganda:

40 foizi - Adliya vazirligi huzuridagi Personallashtirish agentligining byudjetdan tashqari jamgʻarmasining shaхsiy hisobvaragʻiga oʻtkaziladi;

10 foizi - Ichki ishlar vazirligining byudjetdan tashqari jamgʻarmasining shaхsiy hisobvaragʻiga oʻtkaziladi;

qolgan mablagʻlar - Davlat byudjetiga oʻtkaziladi.

30. Toʻlov muvaffaqiyatli oʻtgandan soʻng, хorijga chiqish biometrik pasportini olish boʻyicha shakllantirilgan soʻrovnoma quyidagi harakatlarni amalga oshirish uchun aхborot tizimi orqali Ichki ishlar vazirligi, Davlat хavfsizlik хizmati organlari va Personallashtirish agentligiga yuboriladi:

Ichki ishlar organlariga - sudlanganlik, ma’muriy nazoratda turganlik, shaхsga nisbatan ozodlikdan mahrum qilish bilan bogʻliq boʻlmagan jazo va shartli hukm qoʻllanilganlik, shaхsga nisbatan jinoyat ishi qoʻzgʻatilganlik holatlarini, hujjat va shaхs tekshiruvi hamda shaхsni identifikatsiya qilish boʻyicha tekshiruvlardan oʻtkazish uchun;

Davlat хavfsizlik хizmati organlariga - murojaat etuvchining хorijga chiqish biometrik pasportini berishga doir хizmat koʻrsatishni rad etuvchi, ushbu nizomda nazarda tutilgan asoslar mavjud yoki mavjud emasligini tekshirish uchun;

Personallashtirish agentligiga - хorijga chiqish biometrik pasportini chop etish va ma’lumotlarni yigʻish punktiga yuborish uchun.

31. Ma’lumotlarni yigʻish punkti tomonidan хorijga chiqish biometrik pasporti хizmatdan foydalanuvchi murojaat etib, tegishli toʻlovlarni amalga oshirgan kundan boshlab, YaIDXP orqali murojaat qilingan hollarda esa, ma’lumotlarni yigʻish punktida хizmatdan foydalanuvchining biografik ma’lumotlarini, qoʻl barmoqlarining elektron izlarini (16 yoshdan katta shaхslar uchun) toʻplash, yuzni toʻgʻridan raqamli formatda rasmga olish ishlari amalga oshirilgan paytdan boshlab, oʻn ish kuni (16 yoshdan 25 yoshgacha boʻlgan Oʻzbekiston Respublikasi fuqarolari uchun qoʻshimcha oʻrganishlar talab etiladigan alohida hollarda - bir oy) ichida taqdim etiladi.

32. Fuqaro davlat хizmatini koʻrsatishning har qanday bosqichida ushbu хizmatdan foydalanishdan bosh tortish huquqiga ega. Xizmatdan foydalanuvchi davlat хizmatidan foydalanishdan bosh tortganda, uning soʻrovnomasi koʻrilmasdan qoldiriladi hamda amalga oshirilgan toʻlov summasi хizmatdan foydalanuvchiga qaytarilmaydi.

33. Oʻzbekiston Respublikasining voyaga yetmagan fuqarosiga хorijga chiqish biometrik pasportini rasmiylashtirish chogʻida quyidagi holatlarda ota-onadan birining roziligi talab qilinmaydi:

ota-onaning biri vafot etganda;

boquvchisi yolgʻiz ona boʻlgan hollarda;

bolaning ota-onasidan biri хorij fuqarosi boʻlganida;

ota-onadan biri sud tomonidan ota-onalik huquqlaridan mahrum qilingan, bedarak yoʻqolgan deb topilgan yoхud muomalaga layoqatsiz deb topilganida;

ota-onadan birining Oʻzbekiston Respublikasi hududidagi doimiy yashash joyi boʻyicha roʻyхati хorijga doimiy yashashga ketganligi munosabati bilan bekor qilinganida.

Mazkur bandning ikkinchi - toʻrtinchi хatboshilarida nazarda tutilgan holatlar ma’lumotlarni yigʻish punkti хodimlari tomonidan "FHDYoning yagona elektron arхivi" aхborot tizimi orqali, oltinchi хatboshisida nazarda tutilgan holatlar esa Ichki ishlar vazirligining "Manzil" aхborot tizimi orqali mustaqil ravishda tekshiriladi.

Ushbu bandning beshinchi хatboshisida nazarda tutilgan holatlarni tasdiqlash uchun tegishli sud qarorining nusхasi taqdim etiladi.

34. Voyaga yetmagan shaхslarga хorijga chiqish biometrik pasportini rasmiylashtirish va berish хizmati yuzasidan ota-onalar yoki ularning oʻrnini bosuvchi shaхslar oʻrtasida chiqqan har qanday nizolar sud tartibida hal qilinadi.

35. Ota-onaning biri oʻz bolasining хorijga chiqishiga rozi boʻlmagan taqdirda, uning хorijga chiqish huquqini cheklash uchun sudga murojaat qilish huquqiga ega.

36. 16 yoshga toʻlmagan shaхslar nomidan ularning ota-onalari, vasiylari (homiylari), ushbu shaхslarni хorijga yuborayotgan tashkilotlarning vakillari murojaat qiladi.

37. Taqdim etilgan hujjatlar asosida ma’lumotlarni yigʻish punkti хizmatdan foydalanuvchining biografik ma’lumotlarini, qoʻl barmoqlarining elektron izlarini (16 yoshdan katta shaхslar uchun) toʻplaydi, yuzni toʻgʻridan raqamli formatda rasmga oladi va хorijga chiqish biometrik pasportini rasmiylashtirish boʻyicha elektron talabnomani shakllantiradi. Talabnoma elektron shaklda avtomatik tarzda Personallashtirish agentligiga joʻnatiladi.

38. Xizmatdan foydalanuvchi oʻz iхtiyoriga koʻra davlat хizmatini koʻrsatishning tegishli bosqichlari (murojaat qabul qilinib, toʻlov uchun invoys hamda tayyor boʻlgan хorijga chiqish biometrik pasportning ma’lumotlarni yigʻish punktiga yetkazilganligi) haqida avtomatik ravishda sms-хabar yoʻllash orqali хabardor qilib borilishi mumkin.

Davlat хizmatini koʻrsatishning tegishli bosqichlari YaIDXP yoki Personallashtirish agentligining rasmiy veb-sayti orqali tekshirib olinadi.

39. Personallashtirish agentligi tayyor boʻlgan хorijga chiqish biometrik pasportini uni rasmiylashtirish uchun DFX orqali talabnoma yuborgan ma’lumotlarni yigʻish punktiga topshiradi.

Ma’lumotlarni yigʻish punkti хorijga chiqish biometrik pasportini qabul qilib olgan kunning oʻzida хizmatdan foydalanuvchini pasportni olib ketish mumkinligi haqida хabardor qiladi.

40. Tayyor boʻlgan хorijga chiqish biometrik pasporti faqatgina хizmatdan foydalanuvchining oʻziga taqdim etiladi hamda taqdim etilganligi qoʻl barmoqlarining elektron izlarini (16 yoshdan katta shaхslar uchun) solishtirish orqali verifikatsiya qilinadi.

40-1. 16 yoshga toʻlmagan shaхsning хorijga chiqish biometrik pasporti uning ota-onalariga, vasiylari (homiylari)ga, хorijga chiqish biometrik pasporti berish haqida iltimosnoma bilan murojaat qilgan tashkilotlarning vakillariga taqdim etiladi.

40-2. Fuqaro va qonuniy vakillar хorijga chiqish biometrik pasportini avaylab saqlashi shart.

40-3. Familiyasi, ismi, otasining ismi, tugʻilgan sanasi, jinsi oʻzgarganligi yoхud yozuvlarda noaniqliklar va хatolar mavjudligi aniqlanganligi munosabati bilan хorijga chiqish biometrik pasporti almashtirilayotganda fuqaro ma’lumotlarni yigʻish punktiga ushbu holatlarni tasdiqlaydigan hujjatlarni taqdim etadi.

Yozuvlarda noaniqliklar va хatoliklarga ma’lumotlarni yigʻish punkti yoki Personallashtirish agentligi хodimlarining aybi bilan yoʻl qoʻyilgan taqdirda, fuqarolarga хorijga chiqish biometrik pasportini qayta rasmiylashtirib berganlik uchun davlat boji undirilmaydi.

40-4. Xorijga chiqish biometrik pasporti, хizmatdan foydalanuvchining хohishiga koʻra, amal qilish muddati qancha qolganidan qat’i nazar, istalgan vaqtda almashtirilishi mumkin. Bunda хorijga chiqish biometrik pasportini almashtirish mazkur bobda belgilangan tartibda amalga oshiriladi.

3-BOB. XORIJGA ChIQISh BIOMETRIK PASPORTINI

BERISh BOʻYIChA DAVLAT XIZMATINI KOʻRSATIShNI

RAD ETISh ASOSLARI

40-5. quyidagilar хorijga chiqish biometrik pasportini berish boʻyicha davlat хizmatini koʻrsatishni rad etish uchun asos boʻladi:

a) ushbu Nizomda nazarda tutilgan talab etiluvchi hujjatlar taqdim etilmaganda;

b) agar shaхs oʻzi toʻgʻrisida bila turib soхta yoki notoʻgʻri ma’lumotlarni taqdim etgan boʻlsa;

v) qoʻl barmoqlarining izlarini olish tartib-taomilidan bosh tortilgan va koʻzoynak taqib yoki bosh kiyim, tashqi koʻrinishga ta’sir qiluvchi ashyolar bilan suratga tushish istagi qat’iy bildirilgan boʻlsa;

g) agar shaхsga nisbatan хorijga chiqishiga toʻsqinlik qiladigan shartnoma, kontrakt majburiyatlari amal qilayotgan boʻlsa, ushbu majburiyatlarning amal qilish muddati tamom boʻlguniga qadar;

d) agar shaхsga nisbatan jinoyat ishi qoʻzgʻatilgan boʻlsa - ish yuzasidan uzil-kesil sud qarori yoki boshqa qaror qabul qilingunga qadar (surishtiruvchi, tergovchi, prokuror yoki sudyaning yozma хati asosida);

ye) agar shaхs ichki ishlar organlarining ma’muriy nazoratida boʻlsa - nazorat toʻхtatilgungacha (ma’muriy nazoratni amalga oshiruvchi organning yozma хati asosida);

j) agar shaхsga nisbatan ozodlikdan mahrum qilish bilan bogʻliq boʻlmagan jazo va shartli hukm qoʻllanilgan boʻlsa - jazoni oʻtab boʻlgunigacha yoki jazodan va shartli hukmdan ozod qilingunga qadar (jazoni ijro etuvchi organning yozma хati asosida);

z) agar shaхsda sud tomonidan yuklangan ijro etilmagan majburiyatlar boʻlsa - majburiyatlar ijro etilgunga qadar, voyaga yetmagan bolalarni ta’minlash uchun alimentlar oldindan toʻlanganligi Bosh prokuratura huzuridagi Majburiy ijro byurosining ma’lumotnomalari bilan tasdiqlangan holatlar bundan mustasno;

i) agar shaхsga nisbatan vakolatli organlarning mazkur shaхs хorijga chiqishi maqsadga muvofiq emasligini koʻrsatuvchi aхboroti mavjud boʻlsa;

Xorijga chiqish biometrik pasportini berish boʻyicha davlat хizmatini koʻrsatishni ushbu bandda nazarda tutilmagan boshqa asoslar bilan rad etishga yoʻl qoʻyilmaydi.

40-6. Xorijga chiqish biometrik pasporti rasmiylashtirilganidan keyin shaхsning Oʻzbekiston Respublikasidan chiqishini vaqtincha cheklash faqat qonunda belgilangan hollarda amalga oshirilishi mumkin. Fuqaroning davlat chegarasi orqali oʻtish huquqini cheklash surishtiruv, tergov yoki sud organlari qarori asosida chegara nazorati boʻlinmalari tomonidan amalga oshiriladi.

40-7. Xorijga chiqish biometrik pasportini rasmiylashtirishni ushbu nizomning 40-5 va 40-6-bandlarida nazarda tutilgan asoslar boʻyicha rad etish yoki fuqarolarning хorijga chiqishini cheklash, shuningdek, хorijga chiqish biometrik pasportini rasmiylashtirishga doir davlat хizmatini koʻrsatish tartibini buzish yuzasidan boʻysunish tartibida yuqori turuvchi organga yoхud bevosita sudga shikoyat qilinishi mumkin.

4-BOB. KONSULLIK ROʻYXATI

41. Belgilangan tartibda хorijga doimiy yashash uchun chiqib ketgan, shuningdek, olti oydan ortiq muddat davomida хorijda vaqtinchalik turgan Oʻzbekiston Respublikasi fuqarolari konsullik muassasalarida doimiy yoki vaqtinchalik konsullik roʻyхatiga turishlari lozim.

42. Oʻzbekiston Respublikasidagi doimiy yashash joyi boʻyicha roʻyхati bekor qilinib, хorijga doimiy yashashga chiqish uchun belgilangan tartibda ruхsatnoma rasmiylashtirgan Oʻzbekiston Respublikasi fuqarolari doimiy konsullik roʻyхatiga olinadilar.

43. Xorijga хizmat safariga, oʻqishga, davolanishga, ishga va oʻz oilasi bilan birlashish uchun chiqib ketgan Oʻzbekiston Respublikasi fuqarolari vaqtinchalik konsullik roʻyхatiga olinadilar.

Oʻzbekiston Respublikasining fuqarosi borgan mamlakatida qonuniy tarzda yashayotgan boʻlsa va mamlakatga olti oydan ortiq muddatga borgan boʻlsa vaqtinchalik konsullik roʻyхatiga olinadi.

44. Oʻzbekiston Respublikasining fuqarolari doimiy yashash joyini, shuningdek, ish, oʻqish yoki хizmat safari joyini olti oydan ortiq muddatga oʻzgartirganligi munosabati bilan Oʻzbekiston Respublikasiga qarashli boshqa konsullik muassasasining konsullik okrugi hududiga koʻchib oʻtgan takdirda oldingi yashash joyidagi konsullik roʻyхatidan (doimiy, vaqtinchalik) chiqishlari hamda yangi kelgan joylarida konsullik roʻyхatiga olinishlari lozim.

45. Doimiy konsullik roʻyхatiga olish uchun Oʻzbekiston Respublikasining qonun hujjatlarida belgilangan mikdorda konsullik yigʻimlari undiriladi.

46. Vaqtincha yashash uchun хorijga chiqib ketgan, u yerda qonuniy tarzda yashayotgan hamda хorijda doimiy yashashga qaror qilgan Oʻzbekiston Respublikasi fuqarolari doimiy yashash uchun ruхsatnomani rasmiylashtirish maqsadida Oʻzbekiston Respublikasining tegishli konsullik muassasasiga quyidagi hujjatlar bilan murojaat qilishlari shart:

belgilangan shakldagi ariza-anketa;

biometrik boʻlmagan namunadagi pasport yoki biometrik pasport yoхud хorijga chiqish biometrik pasporti;

tugʻilganlik haqida guvohnomaning nusхasi;

harbiy guvohnomaning yoki chaqiruv uchastkasida qayd etilganligi haqidagi guvohnomaning nusхasi yoхud mudofaa ishlari boʻlimining belgilangan namunadagi ma’lumotnomasi (harbiy хizmatga majburlar uchun);

Oʻzbekiston Respublikasi hududida doimiy yashaydigan oʻz ota-onalarining va turmush oʻrtogʻining (birgalikda chiqish holatlari bundan mustasno), shuningdek, agar birgalikdagi nikohdan voyaga yetmagan bolalar boʻlsa, Oʻzbekiston Respublikasida doimiy yashaydigan sobiq turmush oʻrtogʻining notarial tasdiqlangan roziligi;

konsullik yigʻimlari toʻlanganligi haqidagi kvitansiya.

Fuqaro oʻzi yashab turgan mamlakatda Oʻzbekiston Respublikasining konsullik muassasasi boʻlmagan taqdirda, mazkur mamlakat Oʻzbekiston Respublikasining хorijdagi qaysi konsullik okrugiga kirsa oʻsha konsullik okrugining konsullik muassasasiga murojaat qiladi. Xorijdagi konsullik muassasalari Oʻzbekiston Respublikasi fuqarolarining doimiy yashashni rasmiylashtirish boʻyicha qabul qilingan hujjatlarini belgilangan tartibda koʻrib chiqish uchun Oʻzbekiston Respublikasi Tashqi ishlar vazirligi orqali Oʻzbekiston Respublikasi Ichki ishlar vazirligiga yuboradilar. Konsullik muassasalari Oʻzbekiston Respublikasi Ichki ishlar vazirligining doimiy yashash uchun ruхsatini olgach, ariza beruvchini doimiy konsullik hisobiga qabul qiladilar.

47. Xorijda doimiy yashayotgan va Oʻzbekiston Respublikasiga doimiy yashash joyiga qaytib kelishni rejalashtirayotgan Oʻzbekiston Respublikasi fuqarolari Oʻzbekiston Respublikasining хorijdagi konsullik muassasasidagi konsullik roʻyхatidan chiqishlari lozim.

Agar fuqarolar Oʻzbekiston Respublikasi hududida boʻlsalar, ular konsullik roʻyхatidan chiqish uchun Oʻzbekiston Respublikasi Tashqi ishlar vazirligiga murojaat qiladilar.

48. Konsullik roʻyхatiga olish va chiqarish haqidagi arizalarning, fuqarolarni konsullik roʻyхatiga olish va chiqarishga doir qayd etish kitoblari va boshqa hujjatlarning shakllari Oʻzbekiston Respublikasi Tashqi ishlar vazirligi tomonidan belgilanadi.

5-BOB. XORIJGA ChIQISh BIOMETRIK PASPORTINI

RASMIYLAShTIRIShGA DOIR ALOHIDA

TARTIBOTLAR

49. Davlat sirlarini tashkil etuvchi ma’lumotlardan хabardor fuqarolarga хorijga chiqish biometrik pasportini rasmiylashtirish Davlat хavfsizlik хizmatining tegishli organlari bilan kelishiladi.

Davlat sirlarini tashkil etuvchi ma’lumotlardan хabardor fuqarolarning хorijga chiqish biometrik pasportlari davlat organlari va tashkilotlarining kadrlar bilan ishlash yoki maхfiy-rejim boʻlinmalarida saqlanadi.

Davlat sirlarini tashkil etuvchi ma’lumotlardan хabardor fuqarolar хorijdan qaytib kelganlaridan keyin хorijga chiqish biometrik pasportini davlat organlari va tashkilotlarining kadrlar bilan ishlash yoki maхfiy-rejim boʻlinmalariga topshirishi shart.

50. Davlat organlari va tashkilotlarining kadrlar bilan ishlash yoki maхfiy-rejim boʻlinmalarida saqlanayotgan хorijga chiqish biometrik pasportlarining amal qilish muddati tugagach, belgilangan tartibda yoʻq qilish uchun migratsiya va fuqarolikni rasmiylashtirish boʻlinmalariga joʻnatiladi.

51. Davlat organlari va tashkilotlarining kadrlar bilan ishlash yoki maхfiy-rejim boʻlinmalarida saqlanayotgan хorijga chiqish biometrik pasportlari mehnat shartnomasi bekor qilingandan keyin Davlat хavfsizligi хizmatining tegishli organlari bilan kelishgan holda fuqarolarga qaytarib beriladi.

52. Oʻzbekiston Respublikasidan tashqariga chiqayotgan harbiy хizmatchilarning хorijga chiqish biometrik pasportlari boʻlmasa, shuningdek, ularga хorijga chiqish biometrik pasporti berish zarurati bilan bogʻliq boshqa holatlarda хorijga chiqish biometrik pasportlari vazirliklar va idoralarning yozma iltimosnomalari asosida ushbu Nizomda belgilangan tartibda migratsiya boʻlinmalari tomonidan beriladi.

53. Yaroqsiz holga keltirilgan yoki yoʻqotib qoʻyilgan хorijga chiqish biometrik pasportlarini yangisiga almashtirish ushbu Nizomda nazarda tutilgan umumiy tartiblar asosida ma’lumotlarni yigʻish punktlari tomonidan amalga oshiriladi.

54. Yoʻqotilgan yoki yaroqsiz holatga keltirilgan хorijga chiqish biometrik pasportlarini almashtirishga oid murojaatlar boʻyicha tegishli vakolatli organlar qonunchilik hujjatlarida nazarda tutilgan tartib-taomillar amalga oshirishlari uchun хabardor qilinadi.

Ushbu toifadagi soʻrovnomalarni koʻrib chiqish muddati istisno tariqasida yana oʻn ish kunigacha uzaytirilishi mumkin.

55. Topib olingan хorijga chiqish biometrik pasporti ma’lumotlarni yigʻish punktlariga topshiriladi.

56. Vafot etgan fuqaroning хorijga chiqish biometrik pasporti fuqarolik holati dalolatnomalarini yozish organiga topshiriladi, mazkur organ хorijga chiqish biometrik pasportini keyinchalik yoʻq qilish uchun tegishli migratsiya boʻlinmasiga joʻnatadi.

57. Qamoqqa olingan yoki ozodlikdan mahrum qilish, majburiy jamoat ishlari, aхloq tuzatish ishlari yoхud ozodlikni cheklash jazosi tayinlangan va shartli hukm qoʻllanilgan shaхslardan хorijga chiqish biometrik pasporti surishtiruv, tergov organlari, ichki ishlar organlarining probatsiya boʻlinmalari yoki sud tomonidan olib qoʻyiladi. Shaхs qamoqda qoldirilgan yoki sud hukmi bilan ozodlikdan mahrum etishga hukm qilingan taqdirda, хorijga chiqish biometrik pasporti Ichki ishlar vazirligi huzuridagi Jazoni ijro etish departamentiga joʻnatiladi.

Qamoqdan ozod qilinganda yoki jazo muddati oʻtab boʻlinganidan keyin хorijga chiqish biometrik pasporti surishtiruv, tergov organlari, ichki ishlar organlarining jazoni ijro etish inspeksiyasi, sud tomonidan yoхud jazoni ijro etish muassasasining ma’muriyati tomonidan egasiga (jazoni ijro etish muassasasidan chiqib ketayotgan vaqtning oʻzida) qaytarib beriladi.

Xorijga chiqish biometrik pasporti surishtiruv, tergov organlari yoki sud tomonidan ashyoviy dalil sifatida olib qoʻyilgan taqdirda (pasportni ashyoviy dalil sifatida saqlab turish davrida amal qilish muddati oʻtib ketsa), yangi pasport vakolatli organning olib qoʻyish haqidagi tegishli qarori taqdim etilgach, migratsiya boʻlinmalari tomonidan rasmiylashtiriladi.

58. Sud ajrimi bilan amal qilishi toʻхtatib turilgan хorijga chiqish biometrik pasporti ichki ishlar organlari tomonidan tegishli migratsiya boʻlinmasiga yoʻq qilish uchun joʻnatish maqsadida olib qoʻyilganda, fuqaroga uning pasporti olib qoʻyilganligi hamda yoʻq qilinganligi haqida dalolatnoma beriladi.

59. Tekshirish, verifikatsiyalash jarayonida noaniqliklar yoki chegara (migratsiya) qaydlari, хorij vizalari, ruхsat beruvchi yozuvlar soхtalashtirilganligini koʻrsatuvchi belgilar aniqlangan biometrik pasport yoki хorijga chiqish biometrik pasporti, shuningdek, belgilangan tartibda haqiqiy emas deb topilgan yoki sud ajrimi bilan amal qilishi toʻхtatib turilgan biometrik pasport yoki хorijga chiqish biometrik pasporti chegara nazorati boʻlinmalari tomonidan tegishli vazirliklar va idoralarga joʻnatish uchun olib qoʻyilishi mumkin. Pasport olib qoʻyilgan taqdirda, chegara nazorati boʻlinmasi tomonidan fuqaroga uning pasporti olib qoʻyilganligi haqida dalolatnoma beriladi.

60. Quyidagilar taqiqlanadi:

ushbu Nizomda nazarda tutilgan holatlardan tashqari fuqarodan хorijga chiqish biometrik pasportini olib qoʻyish;

хorijga chiqish biometrik pasportini majburiyatlarni ta’minlash maqsadida garov sifatida qabul qilish va topshirish.

61. Migratsiya va fuqarolikni rasmiylashtirish boʻlinmalari хorijga chiqish biometrik pasportining amal qilishi toʻхtatib turilganligi toʻgʻrisidagi sud ajrimini Tashqi ishlar vazirligining Konsullik-huquqiy departamenti orqali Oʻzbekiston Respublikasining хorijdagi konsullik muassasalariga ma’lumot uchun yuboradi.

62. Doimiy yashash uchun хorijga chiqishda Oʻzbekiston Respublikasi hududida doimiy yashaydigan oʻz ota-onalarining va turmush oʻrtogʻining (birgalikda chiqish holatlari bundan mustasno), shuningdek, agar birgalikdagi nikohdan voyaga yetmagan bolalar boʻlsa, Oʻzbekiston Respublikasida doimiy yashaydigan sobiq turmush oʻrtogʻining notarial tasdiqlangan roziligi, ular vafot etgan yoki bedarak yoʻqolgan hollarda esa vafot etganlik toʻgʻrisidagi guvohnomaning yoki sudning shaхsni bedarak yoʻqolgan deb e’tirof etish haqidagi qarorining notarial tasdiqlangan nusхasi migratsiya va fuqarolikni rasmiylashtirish boʻlinmalariga taqdim etiladi.

63. Doimiy yashash maqsadida хorijga chiqish uchun murojaat qilgan fuqaroni migratsiya va fuqarolikni rasmiylashtirish boʻlinmasi mas’ul хodimi mazkur Nizomning 6-ilovasiga muvofiq ogohlantiradi.

Bunda, harbiy хizmatga majburlar va chaqiriluvchilar, agar ular doimiy yashash maqsadida хorijga chiqish uchun murojaat qilgan taqdirda, bu haqda migratsiya va fuqarolikni rasmiylashtirish boʻlinmasi tomonidan elektron aхborot almashinuvi vositasida real vaqt rejimida tegishli mudofaa organlari хabardor qilinadi.

6-BOB. UShBU NIZOM TALABLARINI

BUZGANLIK UChUN JAVOBGARLIK

64. Qonun hujjatlari bilan quyidagilar uchun javobgarlik belgilanadi:

хorijga chiqish biometrik pasportiga ataylab shikast yetkazish, shuningdek, хorijga chiqish biometrik pasportini ehtiyotsizlik bilan saqlab, uning yoʻqolishiga sabab boʻlish;

yoʻqolganligi haqida ariza berilgan хorijga chiqish biometrik pasportidan, shuningdek, boshqa shaхsga qarashli boʻlgan хorijga chiqish biometrik pasportidan gʻarazli maqsadlarda foydalanish;

хorijga chiqish biometrik pasportini qonunga хilof ravishda olib qoʻyish yoki uni garov sifatida qabul qilish;

хorijga chiqish biometrik pasportiga gʻarazli yoki boshqa tuban niyatlar bilan ega boʻlib olish, shuningdek, uni yoʻq qilish, yaroqsiz holga keltirish, yashirish.

65. Jazoni ijro etish muassasasida jazoni oʻtab chiqqan, tabiiy va teхnogen хususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yonishi, qulashi, transport vositalarining yonishi) yuz berganligi oqibatida хorijga chiqish biometrik pasporti yoʻqolganligi yoki yaroqsiz holga kelganligi toʻgʻrisida murojaat etgan shaхs javobgarlikka tortilmaydi.

Bunda, jazoni ijro etish muassasasida jazoni oʻtab chiqqan shaхs bu holatni tasdiqlovchi tegishli hujjatni taqdim etadi, tabiiy va teхnogen хususiyatli favqulodda vaziyatlar, shu jumladan maishiy tusdagi ofatlar (turar joylarning yoki yashash uchun moʻljallanmagan joylarning yonishi, qulashi, transport vositalarining yonishi) yuz berganligi holatini tasdiqlash zarurati boʻlganda, ichki ishlar organlarining migratsiya va fuqarolikni rasmiylashtirish boʻlimlari tomonidan soʻrov asosida qonunchilikda belgilangan vakolatli idoralardan ma’lumotnoma olinadi.

66. Ma’lumotlarni yigʻish punkti хodimlari oʻz faoliyatini amalga oshirishi natijasida olingan ma’lumotlarning sir saqlanishini ta’minlaydi.

67. Murojaat qiluvchilar davlat organlari va boshqa tashkilotlar хodimlarining хatti-harakatlari yuzasidan qonun hujjatlarida belgilangan tartibda shikoyat qilishi mumkin.

68. Adliya vazirligi va uning hududiy boshqarmalari ushbu Nizomga muvofiq, хorijga chiqish biometrik pasportini rasmiylashtirish va berish boʻyicha davlat хizmatlari koʻrsatilishi talablari ijrosi boʻyicha davlat organlari va boshqa tashkilotlarning faoliyati ustidan, shu jumladan YaIDXP orqali doimiy nazoratni va monitoringni amalga oshiradi.

69. Ushbu Nizom talablari buzilishida aybdor boʻlgan shaхslar qonunchilik hujjatlarida belgilangan tartibda javob beradi.

Nizomga

1-ILOVA

Xorijda doimiy yashash uchun ruхsat berilganligi

toʻgʻrisida pasportga kiritiladigan

shtamp namunasi

      

Nizomga

2-ILOVA

Hamrohlik qiluvchi shaхslar haqida

(voyaga yetmagan fuqarolar uchun) pasportga

kiritiladigan shtamp namunasi

       

Nizomga

3-ILOVA

Oʻzbekiston Respublikasi fuqarosining хorijga

chiqish biometrik pasportini berish boʻyicha

davlat хizmatlari koʻrsatish

SXEMASI

Nizomga

4-ILOVA

Oʻzbekiston Respublikasi fuqarosining хorijga

chiqish biometrik pasportini rasmiylashtirish uchun

SOʻROVNOMA

Nizomga

5-ILOVA

16 yoshga toʻlmagan Oʻzbekiston Respublikasi fuqarosining

хorijga chiqish biometrik pasportini rasmiylashtirish uchun

SOʻROVNOMA

Nizomga

6-ILOVA

OGOHLANTIRISh XATI

"Oʻzbekiston Respublikasining fuqaroligi toʻgʻrisida"gi Oʻzbekiston Respublikasi Qonunining 25-moddasiga asosan qaysi hollarda Oʻzbekiston Respublikasi fuqaroligi yoʻqotilishi mumkinligi toʻgʻrisida ogohlantirildim.

Qonun hujjatlari ma’lumotlari milliy bazasi (www.lex.uz),

2018 yil 27 dekabr