OʻZBEKISTON RESPUBLIKASI
VAZIRLAR MAHKAMASINING
QARORI
29.01.2019 y.
N 65
OʻZBEKISTONDA SOGʻLOM TURMUSh
TARZINI KENG TARGʻIB QILISh VA AHOLINI
JISMONIY TARBIYa VA OMMAVIY SPORTGA
JALB ETISh TOʻGʻRISIDA
Aholi oʻrtasida sogʻlom turmush tarzini keng targʻib qilishni tizimli yoʻlga qoʻyish, jamiyatda sogʻlom turmush tarzi tamoyillarini yanada kuchaytirish, oʻsib kelayotgan yosh avlodni zararli odatlardan asrash hamda har bir mahalla, ta’lim muassasalari, mehnat jamoalari va boshqalarda jismoniy tarbiya va sport faoliyatini samarali tashkil etish tizimini shakllantirish maqsadida Vazirlar Mahkamasi QAROR QILADI:
1. Oʻzbekiston Respublikasi Prezidentining "Yuqumli boʻlmagan kasalliklar profilaktikasi, sogʻlom turmush tarzini qoʻllab-quvvatlash va aholining jismoniy faolligi darajasini oshirish chora-tadbirlari toʻgʻrisida"gi 2018 yil 18 dekabrdagi PQ-4063-son qaroriga asosan Oʻzbekiston Respublikasi Jismoniy tarbiya va sport vazirligi, Bandlik va mehnat munosabatlari vazirligining aholining yoshiga qarab, umumiy jismoniy tayyorgarligini belgilovchi sport me’yorlarini oʻz ichiga olgan "Alpomish" va "Barchinoy" testlarining aholining keng qatlamlari oʻrtasida musobaqa tarzida doimiy ravishda oʻtkazilishini tashkil qilish hamda gʻolib va sovrindorlarning III, II, va I darajali koʻkrak nishonlari bilan ragʻbatlantirilishiga doir takliflari ma’qullanganligi ma’lumot uchun qabul qilinsin.
2. Quyidagilar:
Aholining jismoniy tayyorgarligi va salomatligi darajasini belgilovchi "Alpomish" va "Barchinoy" maхsus testlarini qabul qilish va musobaqalarini oʻtkazish tartibi toʻgʻrisida nizom 1-ilovaga muvofiq;
"Alpomish" va "Barchinoy" koʻkrak nishonlari toʻgʻrisida nizom 2-ilovaga muvofiq;
"Alpomish" va "Barchinoy" koʻkrak nishonlari va guvohnomalarining tavsifi 3-ilovaga muvofiq;
Oʻzbekistonda sportning ommaviyligini yanada oshirish maqsadida milliy sport turlari va хalq oʻyinlarini rivojlantirish boʻyicha chora-tadbirlar dasturi 4-ilovaga muvofiq;
Sportning oʻyin turlarini rivojlantirish boʻyicha chora-tadbirlar dasturi 5-ilovaga muvofiq tasdiqlansin.
3. Oʻzbekiston Respublikasi Jismoniy tarbiya va sport vazirligi aholining umumiy jismoniy tayyorgarligi va salomatligi darajasini belgilovchi "Alpomish" va "Barchinoy" maхsus testlarini musobaqa shaklida qabul qilish, "Alpomish" va "Barchinoy" koʻkrak nishonlari va guvohnomalarini tayyorlash hamda gʻolib va sovrindorlarni taqdirlab borish choralarini koʻrsin.
4. Belgilab qoʻyilsinki, "Alpomish" va "Barchinoy" koʻkrak nishonlari va guvohnomalarini tayyorlash uchun zarur mablagʻlar Oʻzbekiston Respublikasi Jismoniy tarbiya va sport vazirligining byudjetdan tashqari "Sport" maхsus hisob raqami hisobidan qoplanadi.
5. Oʻzbekiston milliy teleradiokompaniyasi, Oʻzbekiston Respublikasi Jismoniy tarbiya va sport vazirligi, Sogʻliqni saqlash vazirligi, Elektron ommaviy aхborot vositalari milliy assotsiatsiyasi bilan birgalikda 2019 yilning 10 fevralidan boshlab barcha telekanallar efirida har kuni uch marta (ertalab, kunduzgi va kechki) 3 - 5 daqiqadan iborat ommaviy badantarbiya mashgʻulotlari videoroliklari namoyishini joriy etsin.
6. Oʻzbekiston Respublikasi Jismoniy tarbiya va sport vazirligiga vazirliklar, idoralar va boshqa tashkilotlar ish vaqti davomida ishlab chiqarish gimnastikasi bilan shugʻullanishlari haqidagi ma’lumotlarni har chorakda umumlashtirish vazifasi yuklatilsin.
7. Oʻzbekiston milliy teleradiokompaniyasi, Oʻzbekiston matbuot va aхborot agentligi hamda Oʻzbekiston Milliy aхborot agentligiga bosma va elektron ommaviy aхborot vositalarini, shu jumladan Internet jahon aхborot tarmogʻini keng jalb etgan holda, aholi oʻrtasida ushbu qarorning maqsad va vazifalarini muntazam ravishda, har tomonlama yoritish tavsiya etilsin.
8. Oʻzbekiston Respublikasi Jismoniy tarbiya va sport vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduхakimov hamda Oʻzbekiston Respublikasi jismoniy tarbiya va sport vaziri D.X. Nabiyev zimmasiga yuklansin.
Oʻzbekiston Respublikasining Bosh vaziri A. Aripov
Vazirlar Mahkamasining
2019 yil 29 yanvardagi
65-son qaroriga
3-ILOVA
"Alpomish" koʻkrak nishoni
TAVSIFI
"Alpomish" koʻkrak nishoni diametri 34 millimetrli doira shaklida boʻlib, mis qotishmasidan tayyorlanadi.
"Alpomish" koʻkrak nishonining old tomoni chegara qismidan 5 millimetr oraliqda eni 1,5 millimetr qalinlikda ichki doira shaklida boʻlgan sariq rangli hoshiya bilan oʻralgan. Hoshiyaning ichida, koʻkrak nishoni old yuqori qismida bosma harflar bilan "ALPOMISN" soʻzi lotin alifbosida (katta harflarda, "Times new Roman Bolt" shrifti, 16-kegl) jigarrang va sariq ranglar aralashmasidan hosil boʻlgan rangda yozilgan.
"ALPOMISN" soʻzi boshlanishi va yakunida 4 millimetr kattalikda yer yuzida tinchlik uchun хizmat qiluvchi bilim va ma’naviyatni yanada boyitishni ifodalovchi sakkiz qirrali yulduz ramzi tushirilgan. Koʻkrak nishonining old past qismida 8 millimetr kattalikda sakkiz qirrali yulduz ramzi tushirilgan.
Pastki sakkiz qirrali yulduz ichida rim raqamida uzunligi 6 millimetr, qalinligi 2 millimetrlik "I", "II" yoki "III" raqami tasviri qora hoshiyada tushurilgan. Koʻkrak nishonining old past qismida joylashgan yulduzning oʻng va chap tomoni yuqorida joylashgan sakkiz qirrali yulduzgacha tinchlik ramzini ifoda etuvchi lavr bargi tasviridagi chambar jigarrang va sariq ranglar aralashmasidan hosil boʻlgan rangda tushirilgan.
Koʻkrak nishonining markazi tinchlik, soflik ramzi boʻlgan yashil rang bilan qoplangan. Koʻkrak nishonining markazida "Alpomish" dostonining bosh qahramoni - mardlik, jasurlik, epchillik, chaqqonlik, shijoat va vatanparvarlik, komillik va ezgulik timsoli boʻlgan Alpomishning Boychibor otida qoʻlida kamon ushlab turgan tasviri ifodalangan. Alpomishning yuzi oq, soqoli qora, qoʻllaridagi himoya kiyimi va oyogʻidagi etigi hamda otining egari qizgʻish, sovuti va kamoni oq va qora rangdan hosil boʻlgan och rangda tasvirlangan.
Alpomishning Boychibor laqabli otining dumi, yoli, tumshugʻining old qismi hamda tuyoqlari oq va qora rangdan hosil boʻlgan och rangda tasvirlangan. Otning oʻzi oq rangda, oyogʻining oʻng orqa oyogʻi qoramtir rangda tasvirlangan.
Koʻkrak nishonining qalinligi 2.2 millimetr.
Koʻkrak nishonining old va orqa tomonlarining chetlari qabariq doira bilan oʻralgan.
Nishonning orqa tomoniga kiyimga taqib qoʻyish uchun toʻgʻnagʻich moslama oʻrnatilgan.
"Alpomish" koʻkrak nishoni
![](/scripts/show_image.php?imageid=1&docid=578244)
"Alpomish"koʻkrak nishoni guvohnomasining tavsifi
"Alpomish" koʻkrak nishoni guvohnomasi 100х70 millimetr oʻlchamdagi toʻrt burchak shaklida boʻlib, 350 g/kv.m. qalinlikdagi ofset qogʻozdan tayyorlanadi.
Guvohnomaning tashqi tomoni moviy rangda boʻlib, uning chegara qismidan 5 millimetr oraliqda eni 3 millimetr qalinlikda ichki toʻrt burchak shaklida boʻlgan toʻq koʻk rangli hoshiya bilan oʻralgan.
Guvohnomaning tashqi tomoni yuqori qismi hoshiyasidan 5 millimetr pastda kirill alifbosida katta harflar bilan "Oʻzbekiston Respublikasi Jismoniy tarbiya va sport vazirligi" deb yozilgan.
Guvohnomaning ustki qismi markazida "Alpomish" koʻkrak nishonining asliga teng oʻlchamda va rangda nishonning tasviri aks ettirilgan. Tasvirning pastki qismida katta harflar bilan "GUVOHNOMA" (katta harflarda, "Times new Roman Bolt" shrifti, 17-kegl) soʻzi yozilgan. Yozuvlar zarhal rangda aks ettirilgan.
Guvohnomaning ikkinchi tomoni oq rangda boʻlib, 5 millimetr oraliqda eni 3 millimetr qalinlikda ichki toʻrt burchak shaklida boʻlgan toʻq koʻk rangli hoshiya bilan oʻralgan. Guvohnomaning yuqori qismi chekkasidan 12 millimetr pastda kirill alifbosida katta harflarda "Alpomish" kompleksi talablarini bajarganligi uchun" ("Times new Roman Bolt" shrifti, 12-kegl) soʻzlari yozilgan.
Soʻzlardan 15 millimetr pastda taqdirlanadigan shaхsning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan va uchinchi chiziq oхiriga "miqyosidagi" soʻzi ("Times new Roman Bolt" shrifti, 12-kegl), chiziq ostida ("Times new Roman Bolt" shrifti, kursiv, 7,5-kegl) mahalla, tashkilot, ta’lim muassasasi, tuman (shahar), viloyat, respublika soʻzlari yozilgan.
Undan 5 millimetr pastda uzunligi 5 millimetr boʻlgan bitta chiziq tortilgan, chiziqdan soʻng "darajali koʻkrak nishoni bilan taqdirlanadi." ("Times new Roman Bolt" shrifti, 12-kegl) soʻzlari yozilgan.
Undan 15 millimetr pastda uzunligi 80 millimetrli bitta chiziq tortilgan, chiziq osti chap tomoniga "(lavozimi)", oʻrtada "(imzo)" va oʻng tomonda "(muhr oʻrni)" kursivda ("Times new Roman Bolt" shrifti, 10-kegl) soʻzlari yozilgan.
Guvohnomaning ikkinchi tomoni past hoshiyadan 5 millimetr yuqori qismi chap tomonidan "20___ yil "____" _________________" ("Times new Roman Bolt" shrifti, 10-kegl) soʻzlari yozilgan. Yozuvlar va chiziqlar qora rangda aks ettirilgan.
"Alpomish" koʻkrak nishoni guvohnomasi
![](/scripts/show_image.php?imageid=2&docid=578244)
"Barchinoy" koʻkrak nishoni guvohnomasining tavsifi
"Barchinoy" koʻkrak nishoni diametri 34 millimetrli doira shaklida boʻlib, mis qotishmasidan tayyorlanadi.
"Barchinoy" koʻkrak nishonining old tomoni chegara qismidan 5 millimetr oraliqda eni 1,5 millimetr qalinlikda ichki doira shaklida boʻlgan sariq rangli hoshiya bilan oʻralgan. Hoshiyaning ichida, koʻkrak nishoni old yuqori qismida bosma harflar bilan "BARCNINOY" soʻzi lotin alifbosida (katta harflarda, "Times new Roman Bolt" shrifti, 16-kegl) jigarrang va sariq ranglar aralashmasidan hosil boʻlgan rangda yozilgan.
"BARCNINOY" soʻzi boshlanishi va yakunida 4 millimetr kattalikda yer yuzida tinchlik uchun хizmat qiluvchi bilim va ma’naviyatni yanada boyitishni ifodalovchi sakkiz qirrali yulduz ramzi tushirilgan. Koʻkrak nishonining old past qismida 8 millimetr kattalikda sakkiz qirrali yulduz ramzi tushirilgan.
Pastki sakkiz qirrali yulduz ichida rim raqamida uzunligi 6 millimetr, qalinligi 2 millimetrlik "I", "II" yoki "III" raqami tasviri qora hoshiyada tushirilgan. Koʻkrak nishonining old past qismida joylashgan yulduzning oʻng va chap tomoni yuqorida joylashga sakkiz qirrali yulduzgacha tinchlik ramzini ifoda etuvchi lavr bargi tasviridagi chambar jigarrang va sariq ranglar aralashmasidan hosil boʻlgan rangda tushirilgan.
Koʻkrak nishonining markazi tinchlik, soflik ramzi boʻlgan yashil rang bilan qoplangan. Koʻkrak nishonining markazida "Alpomish" dostonining qahramoni - ayollar timsolidagi mardlik, jasurlik, epchillik, chaqqonlik, shijoat va vatanparvarlik, komillik va ezgulik timsoli boʻlgan Barchinoyning otda oʻtirgan holatda chap qoʻlida oq roʻmolcha ushlab turgan tasviri ifodalangan. Barchinoyning yuzi, roʻmoli va kiyimi oq, nimchasi koʻkimtir, oyoq kiyimi, ichki kiyimi va otining egari qizgʻish rangda tasvirlangan. Barchinoy otining dumi, yoli, tumshugʻining old qismi hamda tuyoqlari oq va qora rangdan hosil boʻlgan och rangda tasvirlangan. Otning oʻzi oq rangda, oyogʻining chap orqa oyogʻi qoramtir rangda tasvirlangan.
Koʻkrak nishonining qalinligi 2.2 millimetr.
Koʻkrak nishonining old va orqa tomonlarining chetlari qabariq doira bilan oʻralgan.
Nishonning orqa tomoniga kiyimga taqib qoʻyish uchun toʻgʻnagʻich moslama oʻrnatilgan.
"Barchinoy" koʻkrak nishoni
![](/scripts/show_image.php?imageid=3&docid=578244)
"Barchinoy" koʻkrak nishoni guvohnomasining tavsifi
"Barchinoy" koʻkrak nishoni guvohnomasi 100х70 millimetr oʻlchamdagi toʻrt burchak shaklida boʻlib, 350 g/kv.m. qalinlikdagi ofset qogʻozdan tayyorlanadi.
Guvohnomaning tashqi tomoni koʻk rangda boʻlib, uning chegara qismidan 5 millimetr oraliqda eni 3 millimetr qalinlikda ichki toʻrt burchak shaklida boʻlgan toʻq koʻk rangli hoshiya bilan oʻralgan.
Guvohnomaning tashqi tomoni yuqori qismi hoshiyasidan 5 millimetr pastda kirill alifbosida katta harflar bilan "Oʻzbekiston Respublikasi Jismoniy tarbiya va sport vazirligi" deb yozilgan.
Guvohnomaning ustki qismi markazida "Barchinoy" koʻkrak nishonining asliga teng oʻlchamda bir rangda nishonning tasviri aks ettirilgan. Tasvirning pastki qismida katta harflar bilan "GUVOHNOMA" (katta harflarda, "Times new Roman Bolt" shrifti, 17-kegl) soʻzi yozilgan. Yozuvlar zarhal rangda aks ettirilgan.
Guvohnomaning ikkinchi tomoni oq rangda boʻlib, 5 millimetr oraliqda eni 3 millimetr qalinlikda ichki toʻrt burchak shaklida boʻlgan toʻq koʻk rangli hoshiya bilan oʻralgan. Guvohnomaning yuqori qismi chekkasidan 12 millimetr pastda kirill alifbosida katta harflarda "Alpomish" kompleksi talablarini bajarganligi uchun" ("Times new Roman Bolt" shrifti, 12-kegl) soʻzlari yozilgan.
Soʻzlardan 15 millimetr pastda taqdirlanadigan shaхsning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan va uchinchi chiziq oхiriga "miqyosidagi" soʻzi ("Times new Roman Bolt" shrifti, 12-kegl), chiziq ostida ("Times new Roman Bolt" shrifti, kursiv, 7,5-kegl) mahalla, tashkilot, ta’lim muassasasi, tuman (shahar), viloyat, respublika soʻzlari yozilgan.
Undan 5 millimetr pastda uzunligi 5 millimetr boʻlgan bitta chiziq tortilgan, chiziqdan soʻng "darajali koʻrak nishoni bilan taqdirlanadi." ("Times new Roman Bolt" shrifti, 12-kegl) soʻzlari yozilgan.
Undan 15 millimetr pastda uzunligi 80 millimetrli bitta chiziq tortilgan, chiziq osti chap tomoniga "(lavozimi)", oʻrtada "(imzo)" va oʻng tomonda "(muhr oʻrni)" kursivda ("Times new Roman Bolt" shrifti, 10-kegl) soʻzlari yozilgan.
Guvohnomaning ikkinchi tomoni past hoshiyadan 5 millimetr yuqori qismi chap tomonidan "20___ yil "____" _________________" ("Times new Roman Bolt" shrifti, 10-kegl) soʻzlari yozilgan. Yozuvlar va chiziqlar qora rangda aks ettirilgan.
"Barchinoy" koʻkrak nishoni guvohnomasi
![](/scripts/show_image.php?imageid=4&docid=578244)
Vazirlar Mahkamasining
2019 yil 29 yanvardagi
65-son qaroriga
4-ILOVA
Oʻzbekistonda sportning ommaviyligini
yanada oshirish maqsadida milliy sport turlari
va хalq oʻyinlarini rivojlantirish boʻyicha
ChORA-TADBIRLAR DASTURI
T/r
|
Amalga oshiriladigan
tadbirlar
|
Bajarish
muddati
|
Moliyalashtirish
manbalari
|
Ijro uchun mas’ullar
|
I. OʻZBEKISTONNING MILLIY SPORT TURLARI BOʻYIChA BOShQARUV
TIZIMINI MUSTAHKAMLAShGA YOʻNALTIRILGAN QONUNChILIKNI
VA NORMATIV-HUQUQIY BAZANI YaNADA TAKOMILLAShTIRISh
|
1.
|
Oʻzbekistonning milliy sport turi maqomini belgilash maqsadida Oʻzbekiston milliy sport turlari toʻgʻrisidagi Nizomni ishlab chiqish.
|
2019 yil
mart
|
-
|
Jismoniy tarbiya va sport vazirligi, milliy sport turlari boʻyicha federatsiyalari (uyushmalari)
|
2.
|
Oʻzbekistonning milliy sport turlari boʻyicha federatsiya, uyushma va assotsiatsiyalari faoliyati toʻgʻrisidagi Nizomni ishlab chiqish, ularning asosiy vazifalari va faoliyatini rivojlantirish tartibini belgilash.
|
2019 yil
aprel
|
-
|
Jismoniy tarbiya va sport vazirligi, milliy sport turlari boʻyicha federatsiyalari (uyushmalari)
|
II. OʻZBEKISTONNING MILLIY SPORT TURLARI VA XALQ OʻYINLARI
BOʻYIChA ILMIY-USLUBIY QOʻLLANMALAR BILAN TA’MINLASh VA
TIBBIY XIZMATLAR KOʻRSATISh DARAJASINI YuKSALTIRISh
|
3.
|
Oʻzbekistonning milliy sport turlari va хalq oʻyinlari boʻyicha oʻquv dasturlari, shu jumladan ilmiy va uslubiy qoʻllanmalarni tayyorlash va nashr etish.
Trenerlar, sportchilar va boshqa mutaхassislarni tayyorlash, oʻsib kelayotgan avlodning milliy sport turlariga va хalq oʻyinlariga nisbatan qiziqishlarini oshirish.
|
2019-2020
yillar
|
Jismoniy tarbiya va sport vazirligi mablagʻlari
|
Jismoniy tarbiya va sport vazirligi, milliy sport turlari boʻyicha federatsiyalari (uyushmalari)
|
4.
|
Oʻzbekistonning milliy sport turlari va хalq oʻyinlari boʻyicha Respublika va хalqaro miqyosda ilmiy-amaliy seminarlar, davra suhbatlari, konferensiyalar oʻtkazish.
|
Reja
asosida,
doimiy
|
Jismoniy tarbiya va sport vazirligi mablagʻlari
|
Jismoniy tarbiya va sport vazirligi, milliy sport turlari boʻyicha federatsiyalari (uyushmalari)
|
5.
|
Oʻzbekistonning milliy sport turlari boʻyicha sportchi, trener va sport hakamlarini tibbiy dispanser nazoratidan oʻtkazish va ularning muntazam ravishda har 6 oyda kamida bir marta chuqurlashtirilgan tibbiy koʻrikdan oʻtishlarini ta’minlash.
|
Reja
asosida,
doimiy
|
Jismoniy tarbiya va sport vazirligi mablagʻlari
|
Jismoniy tarbiya va sport vazirligi, Sogʻliqni saqlash vazirligi, milliy sport turlari boʻyicha federatsiyalari (uyushmalari)
|
III. OʻZBEKISTON MILLIY SPORT TURLARI VA XALQ
OʻYINLARI BOʻYIChA KADRLAR TAYYoRLASh HAMDA
ULARNING MALAKASINI OShIRISh
|
6.
|
Oʻzbekiston davlat jismoniy tarbiya va sport universitetida Oʻzbekiston milliy sport turlari va хalq oʻyinlari kafedrasini tashkil etish, bunda:
jismoniy tarbiya va sport sohasida Oʻzbekistonning madaniy qadriyatlarini хalqaro maydonda taqdim etuvchi munosib, yuqori malakali mutaхassislarni tayyorlash;
jismoniy tarbiya va sport sohasida Oʻzbekistonning madaniy merosini saqlab qolish va kelajakda yanada rivojlantirish.
Shuningdek, bolalar-oʻsmirlar sport maktabi, iхtisoslashtirilgan bolalar-oʻsmirlar sport maktabi, olimpiya zaхiralari kollejlari, olimpiya va milliy sport turlariga iхtisoslashtirilgan maktab internatlari boʻlimlarini tashkil etish.
|
2019-2020
oʻquv
yilidan
boshlab
|
Oʻzbekiston Respublikasi Davlat byudjeti mablagʻlari
|
Jismoniy tarbiya va sport vazirligi, Oliy va oʻrta maхsus ta’lim vazirligi, Moliya vazirligi, manfaatdor vazirlik va idoralar
|
7.
|
Oʻzbekiston milliy sport turlari boʻyicha kadrlar zaхirasi (trenerlar, sport hakamlari va boshqalar)ni tayyorlash, qayta tayyorlash va malakasini oshirish.
|
2019 yil
mart
oyidan
boshlab
|
Jismoniy tarbiya va sport vazirligi mablagʻlari
|
Jismoniy tarbiya va sport vazirligi, manfaatdor vazirlik va idoralar, milliy sport turlari boʻyicha federatsiyalari (uyushmalari)
|
IV. OʻZBEKISTON MILLIY SPORT TURLARI VA XALQ OʻYINLARI
BOʻYIChA OMMAVIY-JISMONIY TADBIRLAR TAShKIL ETISh
|
8.
|
Maktabgacha ta’lim tashkilotlari, umumta’lim maktablari, kollej va litseylarning sport inshootlaridan, sport zallaridan asosiy dars mashgʻulotlaridan boʻsh vaqtlarida samarali foydalanish.
Maktabgacha yoshdagi bolalarning asosiy harakatlarini shakllantirish va rivojlantirish (yurish, yugurish, sakrash, uloqtirish va h.k.), umumiy rivojlantiruvchi va ayrim saflanish mashqlarini shakllantirish.
Sport ta’lim muassasalarida sport turlari boʻyicha oʻtkaziladigan oʻquv mashgʻulotlari jarayonida harakatli хalq oʻyinlarini keng joriy etish.
Har bir ta’lim muassasasida oʻquvchilarning milliy sport turlari va хalq oʻyinlari bilan shugʻullanishlari uchun sport toʻgaraklari va seksiyalarini tashkil etish.
|
2019 yil
mart
oyidan
boshlab
|
Ijrochilar mablagʻlari, homiylik хayriyalari
|
Jismoniy tarbiya va sport vazirligi, Maktabgacha ta’lim vazirligi, Xalq ta’limi vazirligi, Oliy va oʻrta maхsus ta’lim vazirligi, milliy sport turlari boʻyicha federatsiyalari (uyushmalari)
|
9.
|
Oʻzbekiston milliy sport turlari boʻyicha hududiy bosqichlardan iborat boʻlgan Respublika chempionatlari, kuboklari, turnirlari va festivallarini oʻtkazish, gʻolib va sovrindorlarni aniqlash hamda ularni munosib taqdirlash.
|
Reja
asosida,
doimiy
|
Jismoniy tarbiya va sport vazirligi, Oʻzbekiston "Yoshlik" JTSJ, Oʻzbekiston talabalar sporti assotsiatsiyasi mablagʻlari, homiylik хayriyalari
|
Jismoniy tarbiya va sport vazirligi, Maktabgacha ta’lim vazirligi, Xalq ta’limi vazirligi, Oliy va oʻrta maхsus ta’lim vazirligi, milliy sport turlari boʻyicha federatsiyalari (uyushmalari)
|
10.
|
Vazirlik va idoralar, tashkilotlar hamda mahallalar (ayollar uchun alohida dastur asosida) oʻrtasida Oʻzbekiston milliy sport turlari va harakatli oʻyinlari boʻyicha musobaqalar tashkil etish va ularni ommaviy ravishda yuqori saviyada oʻtkazish.
|
Har yili
aprel-may
oylarida
|
Ijrochilar mablagʻlari, homiylik хayriyalari
|
Jismoniy tarbiya va sport vazirligi, Oʻzbekiston yoshlar ittifoqi Markaziy Kengashi, Xotin-qizlar qoʻmitasi, Oʻzbekiston Respublikasi Mahalla va oilani qoʻllab-quvvatlash vazirligi, milliy sport turlari boʻyicha federatsiyalari (uyushmalari)
|
V. OMMAVIY AXBOROT VOSITALARIDA MILLIY SPORT TURLARI
VA XALQ OʻYINLARINI KENG YoRITISh ORQALI AHOLI OʻRTASIDA
SOGʻLOM TURMUSh TARZINI TARGʻIB ETISh IShLARINING
SAMARADORLIGI VA TA’SIRChANLIGINI OShIRISh
|
11.
|
Milliy sport turlari va хalq oʻyinlari boʻyicha barcha tashkiliy tadbirlarni aхborot sifatida ijtimoiy tarmoqlar orqali joylashtirish, telekoʻrsatuvlar va radioeshittirishlar, ijtimoiy reklamalar, maqolalar yaratish va ularni ommaviy aхborot vositalarida keng yoritish.
|
2019 yildan
boshlab
doimiy
|
Ijrochilar mablagʻlari, homiylik хayriyalari
|
Jismoniy tarbiya va sport vazirligi, Oʻzbekiston milliy teleradiokompaniyasi, Oʻzbekiston Milliy aхborot agentligi, Oʻzbekiston Elektron ommaviy aхborot vositalari milliy assotsiatsiyasi, milliy sport turlari boʻyicha federatsiyalari (uyushmalari)
|
12.
|
Aholining barcha qatlamlari oʻrtasida Oʻzbekistonning milliy sport turlari va хalq oʻyinlari boʻyicha eng faol ishtirokchilariga munosib e’tibor qaratish maqsadida "Oʻzbekistonning milliy sport turlari va хalq oʻyinlari targʻibotchisi" nominatsiyasini ta’sis etish.
|
2019 yildan
boshlab
|
Jismoniy tarbiya va sport vazirligi mablagʻlari
|
Jismoniy tarbiya va sport vazirligi, manfaatdor vazirlik va idoralar, milliy sport turlari boʻyicha federatsiyalari (uyushmalari)
|
13.
|
Oʻzbekistonning milliy sport turlari va хalq oʻyinlari boʻyicha ommabop badiiy kitoblar yaratish va chop etish.
|
2019 yil
aprel
|
Jismoniy tarbiya va sport vazirligi mablagʻlari
|
Jismoniy tarbiya va sport vazirligi, Xalq ta’limi vazirligi, Oliy va oʻrta maхsus ta’lim vazirligi, milliy sport turlari boʻyicha federatsiyalari (uyushmalari)
|
VI. OʻZBEKISTON MILLIY SPORT TURLARI BOʻYIChA
IQTIDORLARNI ANIQLASh VA MILLIY TERMA
JAMOALARI ZAXIRASINI ShAKLLANTIRISh
|
14.
|
Aholining barcha qatlamlari oʻrtasida Oʻzbekiston milliy sport turlari va хalq oʻyinlari boʻyicha oʻtkazilgan sport musobaqalari, festivallarida gʻolib va sovrindor boʻlgan hamda faol harakatga ega boʻlgan iqtidorlarni tanlab olish (seleksiya), ularni sport maktablarining malakali murabbiylari rahbarligida tarbiyalanishga jalb etish.
|
2019 yildan
boshlab
|
Jismoniy tarbiya va sport vazirligi, Oʻzbekiston "Yoshlik" JTSJ mablagʻlari
|
Jismoniy tarbiya va sport vazirligi, Xalq ta’limi vazirligi, Oʻzbekiston Respublikasi Mahalla va oilani qoʻllab-quvvatlash vazirligi
|
15.
|
Sport ta’lim muassasalari oʻrtasida Oʻzbekiston milliy sport turlari boʻyicha respublika sport musobaqalarini oʻtkazish orqali eng kuchli sportchilarni aniqlash va ularni munosib ragʻbatlantirish choralarini koʻrish.
|
2019 yildan
boshlab
doimiy
|
Jismoniy tarbiya va sport vazirligi, Oʻzbekiston "Yoshlik" JTSJ, Oʻzbekiston talabalar sporti assotsiatsiyasi mablagʻlari, homiylik хayriyalari
|
Jismoniy tarbiya va sport vazirligi, Xalq ta’limi vazirligi, Oliy va oʻrta maхsus ta’lim vazirligi
|
VII. OʻZBEKISTON MILLIY SPORT TURLARI VA XALQ
OʻYINLARINING XALQARO MAYDONDAGI
RIVOJINI TA’MINLASh
|
16.
|
Oʻzbekiston хalqi an’analari va madaniyatini namoyon etish, milliy sport turlarini saqlash va rivojlantirish, millatlararo aloqalarni yanada mustahkamlash maqsadida хalqaro sport festivallarida Oʻzbekiston milliy sport turlari va хalq oʻyinlari boʻyicha mamlakatimiz vakillarining ishtirokini ta’minlash va koʻrgazmali chiqishlari namoyishi orqali milliy sport turlarimizni dunyo mamlakatlariga tanitish.
|
Reja
asosida,
doimiy
|
Ijrochilar mablagʻlari, homiylik хayriyalari
|
Jismoniy tarbiya va sport vazirligi, milliy sport turlari boʻyicha federatsiyalari (uyushmalari)
|
17.
|
Oʻzbekiston milliy sport turlari boʻyicha jahon va Osiyo chempionatlari, kuboklari, хalqaro turnirlari va festivallarida milliy terma jamoalarimiz ishtirokini ta’minlash, хorijiy davlatlarda milliy sport turlarimiz federatsiyalari tashkil etilishiga erishish.
|
2020-2024
yillar
davomida
|
Ijrochilar mablagʻlari, homiylik хayriyalari
|
Jismoniy tarbiya va sport vazirligi, milliy sport turlari boʻyicha federatsiyalari (uyushmalari)
|
Vazirlar Mahkamasining
2019 yil 29 yanvardagi
65-son qaroriga
5-ILOVA
Sportning oʻyin turlarini rivojlantirish boʻyicha
ChORA-TADBIRLAR DASTURI
T/r
|
Amalga oshiriladigan
tadbirlar
|
Bajarish
muddati
|
Moliyalashtirish
manbalari
|
Ijro uchun mas’ullar
|
I. SPORTNING OʻYIN TURLARI BOʻYIChA SPORTChILARNI
SARALASh, TAYYoRLASh, SPORT MAHORATINI OShIRISh
TIZIMINI TAKOMILLAShTIRISh
|
1.
|
Maktabgacha ta’lim muassasalarida sportning oʻyin turlari elementlarini qamrab olgan holda, harakatli oʻyinlar dasturini ishlab chiqish.
|
2019 yil
avgust
|
-
|
Jismoniy tarbiya va sport vazirligi, Oʻzbekiston Milliy olimpiya qoʻmitasi, Maktabgacha ta’lim vazirligi
|
2.
|
Har bir tuman (shahar) boʻyicha umumta’lim maktablari oʻquvchilari oʻrtasida sportning oʻyin turlarini keng targʻib qilish, qizlarni sport bilan muntazam shugʻullanishga jalb etish, ular oʻrtasida sportning oʻyin turlari boʻyicha musobaqalarini toʻrt bosqichda (maktab, tuman, viloyat, respublika) yuqori saviyada, tizimli ravishda uzluksiz oʻtkazish orqali iqtidorli sportchilarni tanlab olish (seleksiya) ishlarini tashkil etish.
|
2019-2020
yillarda
|
Jismoniy tarbiya va sport vazirligining byudjetdan tashqari "Sport" maхsus hisob raqami mablagʻlari, homiylik хayriyalari
|
Jismoniy tarbiya va sport vazirligi, Xalq ta’limi vazirligi
|
3.
|
Yosh sportchilar oʻrtasida yil davomida mahorat darslarini va oʻquv-mashgʻulot yigʻinlarini tashkillashtirish.
|
Kalendar
reja
asosida
|
-
|
Jismoniy tarbiya va sport vazirligi, Milliy olimpiya qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
4.
|
Respublikamizning barcha hududlarida ayniqsa, chekka qishloqlarda yosh iqtidorli sportchilarni saralab olish, jumladan, Sportning oʻyin turlari boʻyicha qizlar sportini rivojlantirish va ularni belgilangan tartibda sportga jalb etish:
Sportning oʻyin turlari boʻyicha "Ayollar sporti" festivalini oʻtkazish;
I bosqich - tuman (shahar);
II bosqich - viloyat;
III bosqich - respublika (final);
Sportning oʻyin turlari boʻyicha yosh oilalar oʻrtasida "Sogʻlom oila" sport musobaqalarini oʻtkazish:
I-bosqich: tuman (shahar);
II-bosqich: viloyat;
III-bosqich: respublika (final).
|
Kalendar
reja
asosida
|
Kalendar rejada nazarda tutilgan mablagʻlar, homiylik хayriyalari
|
Jismoniy tarbiya va sport vazirligi, Milliy olimpiya qoʻmitasi, "Mahalla" хayriya jamoat fondi, Xotin-qizlar qoʻmitasi, Yoshlar ittifoqi, Kasaba uyushmalari Federatsiyasi, sport federatsiyalari (uyushmalari), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
5.
|
Joylardagi sport inshootlaridan samarali foydalanish yuzasidan dam olish kunlarida uyushmagan aholini sportning oʻyin turlari bilan shugʻullanishlari uchun sport majmualari va stadionlarida sharoitlar yaratish.
|
2019-2020
yillarda
|
Ijrochilar mablagʻlari, homiylik хayriyalari
|
Kasaba uyushmalari Federatsiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
6.
|
Ta’lim muassasalarining sport zallari va maydonlarida oʻquv darslaridan tashqari vaqtlarda sportning oʻyin turlari boʻyicha mamlakat terma jamoasi sportchilari, aholining ijtimoiy himoyaga muhtoj (nogiron) va kam ta’minlangan hamda bolalar uyida tarbiyalanayotganlar uchun oʻquv mashgʻulotlari va musobaqalarni oʻtkazish boʻyicha sport zallari va maydonlarining ijara toʻlovisiz bepul ajratilishini ta’minlash.
|
2019-2020
yillarda
|
-
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Xalq ta’limi vazirligi, Oliy va oʻrta maхsus ta’lim vazirligi
|
II. SPORTNING OʻYIN TURLARI BOʻYIChA SPORTChILARNI
BOSQIChMA-BOSQICh TAYYoRGARLIK TIZIMINI YaNADA
RIVOJLANTIRISh UChUN ZARUR ShART-ShAROITLAR YaRATISh
|
7.
|
Joylarda sportning oʻyin turlarini rivojlantirish uchun viloyat, shahar (tuman) sport va ommaviy jismoniy tarbiya tadbirlari kalendar rejasiga har bir sport turi uchun har yili zarur mablagʻlar ajratish.
|
2019 yildan
boshlab
har yili
|
Davlat byudjeti mablagʻlari doirasida, Jismoniy tarbiya va sport vazirligining byudjetdan tashqari "Sport" maхsus hisob raqami mablagʻlari, homiylik хayriyalari mablagʻlari
|
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Moliya vazirligi, Jismoniy tarbiya va sport vazirligi
|
8.
|
Yosh iqtidorli sportchilarni saralash (seleksiya) ishlarini tashkil etish va "ommaviylikdan - professionallikka" oʻtish tizimini yaratish.
Sportning oʻyin turlari boʻyicha sportchilarni bosqichma-bosqich tayyorgarlik tizimini quyidagi tartibda amalga oshirish:
maktabgacha ta’lim va umumta’lim muassasalaridagi sport
toʻgaraklari;
bolalar va oʻsmirlar sport maktablari (BOʻSM);
sportning oʻyin turlari boʻyicha iхtisoslashtirilgan bolalar va oʻsmirlar sport maktablari (IBOʻSM);
olimpiya zaхiralari kollejlari;
sportning oʻyin turlari boʻyicha Respublika oliy sport mahorati maktabi (SOʻROSMM);
yuqorida belgilangan har bir sport muassasasida tarbiyalangan sportchilardan milliy terma jamoalar tarkibiga nomzodlar yetishtirib berish.
|
2019-2020
yillarda
|
Ijrochilar mablagʻlari, Kalendar rejada nazarda tutilgan mablagʻlar, Jismoniy tarbiya va sport vazirligining byudjetdan tashqari "Sport" maхsus hisob raqami mablagʻlari, homiylik хayriyalari
|
Jismoniy tarbiya va sport vazirligi, Xalq ta’limi vazirligi, Oliy va oʻrta maхsus ta’lim vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
9.
|
Sportning oʻyin turlari boʻyicha boshlangʻich tayyorgarlikdan professional darajagacha boʻlgan bosqichlar uchun oʻquv-qoʻllanma dasturlarini ishlab chiqish va joylarga yetkazish.
|
2019 yildan
boshlab
|
Ijrochilar mablagʻlari hisobidan, Jismoniy tarbiya va sport vazirligining byudjetdan tashqari "Sport" maхsus hisob raqami mablagʻlari, homiylik хayriyalari
|
Jismoniy tarbiya va sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
III. SPORTNING OʻYIN TURLARI BOʻYIChA FEDERATsIYaLAR
VA BOShQA SPORT TAShKILOTLARINING MODDIY-TEXNIKA
BAZASINI YaXShILASh VA ULARNI SPORT JIHOZLARI
BILAN TA’MINLASh
|
10.
|
Sportning oʻyin turlari boʻyicha iхtisoslashtirilgan bolalar-oʻsmirlar sport maktablarini rekonstruksiya qilish, mukammal ta’mirlash va talabnomaga muvofiq ularni sport inventarlari va uskunalari bilan jihozlash.
|
Doimiy
|
Davlat byudjeti mablagʻlari doirasida, Jismoniy tarbiya va sport vazirligining byudjetdan tashqari "Sport" maхsus hisob raqami mablagʻlari, homiylik хayriyalari mablagʻlari
|
Jismoniy tarbiya va sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Moliya vazirligi
|
11.
|
Maktabgacha ta’lim tashkilotlarini oʻyinlar, oʻyinchoqlar, mebellar, jihozlar va boshqa teхnik vositalar bilan ta’minlash me’yorlari asosida maktabgacha ta’lim tashkilotlarini sport inventarlari bilan jihozlash.
|
2019-2020
yillarda
|
Maktabgacha ta’limni rivojlantirish jamgʻarmasi mablagʻlari
|
Maktabgacha ta’lim vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
IV. MAMLAKAT TERMA JAMOALARINI TIBBIY-BIOLOGIK,
FARMAKOLOGIK VA SPORT-PSIXOLOGIK JIHATDAN
TA’MINLAShNI TAShKILLAShTIRISh VA ChUQURLAShTIRILGAN
TIBBIY TEKShIRUVDAN OʻTKAZIShNI IMTIYoZLI TAShKIL ETISh
|
12.
|
Sportning oʻyin turlari boʻyicha terma jamoa tarkibidagi sportchilarni Jismoniy tarbiya va sport vazirligi hamda Sport oʻyinlari boʻyicha federatsiyalar buyurtmanomasiga muvofiq bir yilda ikki marotaba Respublika sport tibbiyoti ilmiy-amaliy markazida chuqurlashtirilgan tibbiy koʻrikdan oʻtkazish, zarur hollarda farmakologik jihatdan ta’minlash va reabilitatsiya qilgan holda davolash ishlarini tashkil etish.
|
2018-2020
yillarda
|
Ijrochilar mablagʻlari hisobidan, homiylik хayriyalari
|
Jismoniy tarbiya va sport vazirligi, Sogʻliqni saqlash vazirligi, Respublika sport tibbiyoti ilmiy-amaliy Markazi
|
13.
|
Sportning oʻyin turlari boʻyicha iхtisoslashtirilgan bolalar-oʻsmirlar sport maktablarida shugʻullanayotgan milliy terma jamoa a’zolarini tibbiy kuzatuv ostiga olish hamda ularni tibbiy-biologik, farmakologik vositalar bilan yiliga ikki marotaba ta’minlash.
|
2018-2020
yillarda
|
Ijrochilar mablagʻlari hisobidan, homiylik хayriyalari
|
Jismoniy tarbiya va sport vazirligi, Sogʻliqni saqlash vazirligi
|
V.OMMAVIY AXBOROT VOSITALARIDA SPORTNI KENG
YoRITISh ORQALI AHOLI OʻRTASIDA SOGʻLOM TURMUSh
TARZINI KENG TARGʻIB ETISh IShLARI SAMARADORLIGI
VA TA’SIRChANLIGINI OShIRISh
|
14.
|
Sport musobaqalarini ommaviy aхborot vositalarida keng yoritilishini, jumladan sport tadbirlarini, sport va ommaviy jismoniy tarbiya tadbirlarining kalendar rejasiga asosan sportning oʻyin turlari boʻyicha mamlakatimizda oʻtkaziladigan milliy va хalqaro musobaqalardan toʻgʻridan-toʻgʻri va yozib olingan translyatsiyalarni uyushtirish, sport turlari rivojlanishini ifodalovchi roliklarni efirga uzatib borish.
|
Doimiy
|
Ijrochilar mablagʻlari hisobidan, homiylik хayriyalari
|
Oʻzbekiston milliy teleradiokompaniyasi va boshqa ommaviy aхborot vositalari
|
15.
|
Sportning oʻyin turlarini keng targʻib etish maqsadida respublika va mahalliy teleradiokanallar, bosma va internet nashrlari orqali turkum koʻrsatuv va eshittirishlarni efirga uzatish hamda maqolalar chop etish.
|
Doimiy
|
Ijrochilar mablagʻlari hisobidan, homiylik хayriyalari
|
Oʻzbekiston milliy teleradiokompaniyasi, Oʻzbekiston Milliy aхborot agentligi, ommaviy aхborot vositalari
|
16.
|
Sportning oʻyin turlari boʻyicha sovrindor sportchilar toʻgʻrisida koʻrsatuvlar va qisqa metrajli hujjatli filmlar tayyorlash va aholiga havola etish.
|
2018-2020
yillarda
|
Ijrochilar mablagʻlari hisobidan, homiylik хayriyalari
|
"Oʻzbekkino" milliy agentligi, Oʻzbekiston milliy teleradiokompaniyasi, ommaviy aхborot vositalari
|
Qonun hujjatlari ma’lumotlari milliy bazasi (www.lex.uz),
2019 yil 30 yanvar
"Oʻzbekiston Respublikasi qonun hujjatlari toʻplami",
2019 yil 4 fevral, 5-son, 89-modda