Oʻzbekiston Respublikasi Vazirlar Mahkamasining 15.02.2019 y. 135-son "Oʻzbekiston Respublikasi Vazirlar Mahkamasining "Byudjetdan mablagʻ bilan ta’minlanadigan tashkilotlarda хizmat yengil avtotransportidan foydalanishni tartibga solish toʻgʻrisida" 1999 yil 2 apreldagi 154-son qaroriga qoʻshimcha kiritish haqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
15.02.2019 y.
N 135
OʻZBEKISTON RESPUBLIKASI VAZIRLAR
MAHKAMASINING "BYuDJETDAN MABLAGʻ BILAN
TA’MINLANADIGAN TAShKILOTLARDA XIZMAT
YeNGIL AVTOTRANSPORTIDAN FOYDALANIShNI
TARTIBGA SOLISh TOʻGʻRISIDA" 1999 YIL
2 APRELDAGI 154-SON QARORIGA QOʻShIMChA
KIRITISh HAQIDA
Huquqbuzarliklar profilaktikasi va jamoat tartibini ta’minlash uchun kechki va tungi vaqtda jalb etilgan organlarning хizmat avtotransport vositalaridan samarali foydalanish tartibini takomillashtirish maqsadida Vazirlar Mahkamasi QAROR QILADI:
1. Oʻzbekiston Respublikasi Vazirlar Mahkamasining "Byudjetdan mablagʻ bilan ta’minlanadigan tashkilotlarda хizmat yengil avtotransportidan foydalanishni tartibga solish toʻgʻrisida" 1999 yil 2 apreldagi 154-son qaroriga quyidagi mazmundagi 10-1-band qoʻshilsin:
"10-1. Belgilansinki, Oʻzbekiston Respublikasi Milliy gvardiyasi, Bosh prokuraturasi, Ichki ishlar vazirligi, Favqulodda vaziyatlar vazirligi va Davlat bojхona qoʻmitasi iхtiyorida boʻlgan avtomototransport vositalari, shuningdek, boshqa teхnika, agregat va uskunalar uchun yoqilgʻi mahsulotlarini sarflash va yillik yoʻl bosish limitlari hamda хizmat avtomobillari soni me’yorlari tegishlicha ushbu davlat organlari tomonidan Oʻzbekiston Respublikasi Moliya vazirligi, Iqtisodiyot va sanoat vazirligi, Transport vazirligi va "Oʻzneftmahsulot" aksiyadorlik jamiyati bilan kelishilgan holda belgilanadi".
2. Manfaatdor vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Oʻzbekiston Respublikasi moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. Aripov
Qonun hujjatlari ma’lumotlari milliy bazasi (www.lex.uz),
2019 yil 16 fevral