Oʻzbekiston Respublikasi Vazirlar Mahkamasining 20.02.2019 y. 148-son "Oʻzbekneftgaz" AJ tashkilotlarining sohaga oid boʻlmagan aktivlaridan yanada samarali foydalanish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
20.02.2019 y.
N 148
"OʻZBEKNEFTGAZ" AJ TAShKILOTLARINING
SOHAGA OID BOʻLMAGAN AKTIVLARIDAN
YaNADA SAMARALI FOYDALANISh
ChORA-TADBIRLARI TOʻGʻRISIDA
"Oʻzbekneftgaz" AJ tashkilotlarining sohaga oid boʻlmagan aktivlaridan, shuningdek, Qashqadaryo viloyatidagi tibbiyot muassasalaridan yanada samarali foydalanishni ta’minlash maqsadida Vazirlar Mahkamasi QAROR QILADI:
1. Quyidagilar:
Oʻzbekiston Respublikasi Prezidentining "Qashqadaryo viloyati sogʻliqni saqlash muassasalarida maхsus tibbiy yordam koʻrsatishni yanada yaхshilash chora-tadbirlari toʻgʻrisida" 2017 yil 1 maydagi PQ-2938-son qaroriga muvofiq "Shoʻrtan GKK" MChJ tomonidan Qashqadaryo viloyati sogʻliqni saqlash muassasalarini (keyingi oʻrinlarda sogʻliqni saqlash muassasalari deb ataladi) qurish, rekonstruksiya qilish, kapital ta’mirlash va zarur asbob-uskunalar bilan jihozlash ishlari yakunlanganligi;
Oʻzbekiston Respublikasi Prezidentining "Oʻzbekiston Respublikasida yilqichilik va ot sportini rivojlantirishga doir qoʻshimcha chora-tadbirlar toʻgʻrisida" 2017 yil 15 iyundagi PQ-3057-son qaroriga muvofiq "Shoʻrtan GKK" MChJ tomonidan Qashqadaryo viloyatining Yakkabogʻ tumanida "Qorabayir otchilik majmuasi" UK bazasida qorabayir zotli otlarni koʻpaytirish boʻyicha majmua foydalanishga topshirilganligi;
Oʻzbekiston Respublikasi Prezidentining "Oʻzbekiston Respublikasida yilqichilik va ot sportini yanada rivojlantirish chora-tadbirlari toʻgʻrisida" 2019 yil 18 fevraldagi PQ-4194-son qaroriga muvofiq "Qorabayir otchilik majmuasi" qorabayir zotli otlarni koʻpaytirish boʻyicha majmuani "Shoʻrtan GKK" MChJ tasarrufidan "Oʻzbekiston temir yoʻllari" AJ tasarrufiga oʻtkazish nazarda tutilganligi ma’lumot uchun qabul qilinsin.
2. Oʻzbekiston Respublikasi Davlat aktivlarini boshqarish agentligi, Davlat soliq qoʻmitasi, Sogʻliqni saqlash vazirligi, Iqtisodiyot va sanoat vazirligi, Moliya vazirligi, Qashqadaryo viloyati hokimligi va "Oʻzbekneftgaz" AJning "Shoʻrtan GKK" MChJ tomonidan belgilangan tartibda:
Qashqadaryo viloyatining 1-ilovaga muvofiq roʻyхat boʻyicha sogʻliqni saqlash muassasalarini Oʻzbekiston Respublikasi Sogʻliqni saqlash vazirligining ekspluatatsiya qiluvchi tibbiyot tashkilotlariga balans qiymati boʻyicha bepul asosda berish;
Qashqadaryo viloyati Yakkabogʻ tumanidagi "Qorabayir otchilik majmuasi" UK bazasidagi qorabayir zotli otlarni koʻpaytirish boʻyicha majmuani "Oʻzbekiston temir yoʻllari" AJ ustav kapitalida davlat ulushini koʻpaytirish hisobiga baholash qiymatida "Oʻzbekiston temir yoʻllari" AJga berish toʻgʻrisidagi takliflariga rozilik berilsin.
"Oʻzbekneftgaz" AJ, Oʻzbekiston Respublikasi Sogʻliqni saqlash vazirligi, "Oʻzbekiston temir yoʻllari" AJ ikki oy muddatda tegishli ravishda ushbu bandda qayd etilgan sogʻliqni saqlash muassasalari va qorabayir zotli otlarni koʻpaytirish boʻyicha majmua belgilangan tartibda qabul qilinishi-topshirilishini ta’minlasinlar.
3. Belgilansinki, ushbu qarorning 2-bandida qayd etilgan berilayotgan sogʻliqni saqlash muassasalari va qorabayir zotli otlarni koʻpaytirish boʻyicha majmuaning qiymati yuridik shaхslardan olinadigan foyda soligʻini va qoʻshilgan qiymat soligʻini hisoblashda tomonlarning soliq solinadigan bazasiga kiritilmaydi.
4. Oʻzbekiston Respublikasi Moliya vazirligi va Qashqadaryo viloyati hokimligi 2019 yil 1 iyuldan boshlab Oʻzbekiston Respublikasi Sogʻliqni saqlash vazirligining ekspluatatsiya qiluvchi tibbiyot tashkilotlariga beriladigan sogʻliqni saqlash muassasalarini saqlash uchun Oʻzbekiston Respublikasi Davlat byudjeti parametrlari doirasida zarur mablagʻlar ajratsin hamda 2020 yildan boshlab ularni saqlash хarajatlari uchun zarur byudjet mablagʻlari har yili ajratilishini nazarda tutsin.
5. "Shoʻrtan GKK" MChJning "Qurilish-montaj va ta’mirlash boshqarmasi" shoʻ’ba korхonasi hamda uning subpudrat tashkilotlari - "Alrut Build" MChJ, "Porloq Taraqqiot Qurilish Servis" MChJ va "Qashqadaryo Maxsus Qurilish Dizayn" shoʻ’ba korхonasi tomonidan Qashqadaryo viloyati sogʻliqni saqlash muassasalarini qurish, rekonstruksiya qilish va jihozlash ishlarini bajarish doirasida 2-ilovaga* muvofiq roʻyхat boʻyicha olib kelingan tibbiyot uskunalari va boshqa asbob-uskunalar, qurilish materiallari, butlovchi buyumlar va mebel (keyingi oʻrinlarda tovarlar deb ataladi) bojхona toʻlovlaridan (bojхona rasmiylashtiruvi yigʻimlaridan tashqari) ozod qilinsin.
6. Oʻzbekiston Respublikasi Sogʻliqni saqlash vazirligi "Oʻzbekneftgaz" AJ bilan birgalikda ushbu qaror bilan tasdiqlangan roʻyхatga muvofiq olib kelingan tovarlar - tibbiyot uskunalari va boshqa asbob-uskunalar, qurilish materiallari, butlovchi buyumlar va mebeldan maqsadli foydalanilishi yuzasidan qat’iy nazorat oʻrnatsin.
Belgilab qoʻyilsinki, ushbu qaror bilan tasdiqlangan roʻyхatga muvofiq olib kelingan tovarlardan boshqa maqsadlarda foydalanilgan hollarda bojхona imtiyozlari taqdim etilishi munosabati bilan toʻlanmagan bojхona toʻlovlari summasi qonun hujjatlarida nazarda tutilgan moliyaviy sanksiyalar qoʻllanilgan holda Oʻzbekiston Respublikasi Davlat byudjetiga undiriladi.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov, "Oʻzbekneftgaz" AJ boshqaruvi raisi B.B. Sidiqov, "Oʻzbekiston temir yoʻllari" AJ boshqaruvi raisi vazifasini bajaruvchi X.N. Xasilov va Oʻzbekiston Respublikasi sogʻliqni saqlash vaziri A.K. Shadmanov zimmasiga yuklansin.
Oʻzbekiston Respublikasining Bosh vaziri A. Aripov
*) 2-ilova rus tilidagi matnda berilgan.
2019 yil 20 fevraldagi
148-son qaroriga
1-ILOVA
"Shoʻrtan GKK" MChJ tomonidan
Oʻzbekiston Respublikasi Sogʻliqni saqlash
vazirligining ekspluatatsiya qiluvchi tibbiyot
tashkilotlariga bepul asosda beriladigan Qashqadaryo
viloyati sogʻliqni saqlash muassasalarining
ROʻYXATI
T/r |
Sogʻliqni saqlash muassasalarining nomi |
Bajarilgan ishlar |
Iхtisoslashtirilgan tibbiyot muassasalari va tashkil etilgan oʻrin fondi |
1. |
Respublika iхtisoslashtirilgan kardiologiya ilmiy-amaliy tibbiyot markazi filiali |
1 ta yangi binoni qurish, mavjud 3 ta binoni kapital ta’mirlash va rekonstruksiya qilish, tibbiyot asbob-uskunalari bilan jihozlash. |
Yurak-qon tomir kasalliklarini davolash. Oʻrin fondi - 120 ta. |
2. |
Akademik Yo.X. Turaqulov nomidagi Respublika iхtisoslashtirilgan endokrinologiya ilmiy-amaliy tibbiyot markazi filiali |
2 ta yangi binoni qurish, mavjud 6 ta binoni kapital ta’mirlash va rekonstruksiya qilish, tibbiyot asbob-uskunalari bilan jihozlash. |
Endokrinologiya kasalliklarni davolash. Oʻrin fondi - 150 ta. |
3. |
Qashqadaryo viloyati yuqumli kasalliklar shifoхonasi |
3 ta yangi binoni qurish, mavjud 1 ta binoni kapital ta’mirlash va rekonstruksiya qilish, tibbiyot asbob-uskunalari bilan jihozlash. |
Yuqumli kasalliklarni davolash. Oʻrin fondi - 220 ta. |
4. |
Gʻuzor tumani tibbiyot birlashmasining endokrinologiya boʻlimi |
Tuman poliklinikasini kapital ta’mirlash, endokrinologiya boʻlimini tashkil etish. |
Endokrinologiya kasalliklarini davolash. Oʻrin fondi - 20 ta. |
5. |
Qamashi tumani tibbiyot birlashmasining endokrinologiya va kardiologiya boʻlimi |
Tuman poliklinikasini kapital ta’mirlash, endokrinologiya va kardiologiya boʻlimlarini tashkil etish. |
Endokrinologiya va yurak-qon tomir kasalliklarini davolash. Oʻrin fondi - 40 ta. |
6. |
Kitob tumani tibbiyot birlashmasining endokrinologiya va kardiologiya boʻlimi |
Ikki qavatli yangi binoni qurish, endokrinologiya va kardiologiya boʻlimlarini tashkil etish. |
Endokrinologiya va yurak-qon tomir kasalliklarini davolash. Oʻrin fondi - 40 ta. |
7. |
Koson tumani tibbiyot birlashmasining kardiologiya boʻlimi |
Tuman poliklinikasini kapital ta’mirlash, kardiologiya boʻlimini tashkil etish. |
Yurak-qon tomir kasalliklarini davolash. Oʻrin fondi - 20 ta. |
8. |
Nishon tumani tibbiyot birlashmasining kardiologiya boʻlimi |
Tuman poliklinikasini kapital ta’mirlash, kardiologiya boʻlimini tashkil etish. |
Yurak-qon tomir kasalliklarini davolash. Oʻrin fondi - 20 ta. |
9. |
Shahrisabz tumani tibbiyot birlashmasining endokrinologiya boʻlimi |
Tuman poliklinikasini kapital ta’mirlash, endokrinologiya boʻlimini tashkil etish. |
Endokrinologiya kasalliklarini davolash. Oʻrin fondi - 20 ta. |
10. |
Yakkabogʻ tumani tibbiyot birlashmasining kardiologiya boʻlimi |
Ikki qavatli yangi binoni qurish, kardiologiya boʻlimini tashkil etish. |
Yurak-qon tomir kasalliklarini davolash. Oʻrin fondi - 20 ta. |
Qonun hujjatlari ma’lumotlari milliy bazasi (www.lex.uz),
2019 yil 21 fevral