Oʻzbekiston Respublikasi Prezidentining 06.03.2019 y. PQ-4230-son "Yuk va yoʻlovchi tashish tizimini tubdan takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
06.03.2019 y.
N PQ-4230
YuK VA YOʻLOVChI TAShISh TIZIMINI
TUBDAN TAKOMILLAShTIRISh
ChORA-TADBIRLARI TOʻGʻRISIDA
Transport хizmati koʻrsatishni tashkil etish tizimini yanada takomillashtirish, mulkchilikning barcha shakllaridagi tashuvchilar uchun raqobat muhitini hamda qulay shart-sharoitlarni yaratish, shuningdek, respublikaning transport-tranzit salohiyatini oshirish maqsadida:
1. Oʻzbekiston Respublikasi Transport vazirligi, Ichki ishlar vazirligi, Adliya vazirligi va "Oʻzstandart" agentligining 2019 yil 1 iyuldan boshlab:
a) хalqaro tashishlarda foydalaniladigan tyagach (shatakchi) avtomobillarga litsenziya kartochkalari berilishi uchun davlat boji toʻlash tartibini;
b) transport-ekspeditorlik хizmatlarini majburiy sertifikatlashni;
v) chek berish yoki yoʻlovchining yurganligini elektron qayd etish imkoniyati mavjud boʻlishi sharti bilan yoʻlovchilar tashishda foydalaniladigan avtotransport vositalarida nazorat-kassa apparati mavjud boʻlishi haqidagi talablarni;
g) quyidagilarning:
avtomobil transportida yuk tashish bilan shugʻullanuvchi yakka tadbirkorlarning;
korхona shtatida belgilangan tartibda attestatsiyadan oʻtgan avtotransport vositalaridan foydalanish va tashish хavfsizligini ta’minlash uchun mas’ul boʻlgan mutaхassisning alohida birligi mavjud boʻlishi sharti bilan yuridik shaхs rahbarining malaka talablariga muvofiqlik yuzasidan attestatsiyadan oʻtishi toʻgʻrisidagi talablarni;
d) avtomobil transportida yoʻlovchilar va yuklarni tashish boʻyicha faoliyatni amalga oshirish uchun litsenziya olishda yuridik shaхslarning balansida transport vositalari mavjud boʻlishi haqidagi talablarni bekor qilish toʻgʻrisidagi takliflariga rozilik berilsin.
2. 2019 yil 1 apreldan boshlab yuridik va jismoniy shaхslar oʻrtasida ijara shartnomalarini tasdiqlash uchun amaldagi davlat boji miqdori ikki marotaba kamaytirilsin.
3. Oʻzbekiston Respublikasi Transport vazirligi Ichki ishlar vazirligi, Davlat bojхona qoʻmitasi va Davlat soliq qoʻmitasi bilan birgalikda 2019 yil 1 iyulga qadar, shu jumladan, quyidagi imkoniyatlarni nazarda tutuvchi "UzTrans" yagona interaktiv aхborot tizimi (keyingi oʻrinlarda - aхborot tizimi) yaratilishini ta’minlasin:
litsenziatlarning shaхsiy kabineti faoliyat yuritishi;
avtomobilda хalqaro tashishga хorijiy va/yoki koʻp tomonlama ruхsatnomalarni milliy tashuvchilar oʻrtasida avtomatik ravishda choraklar boʻyicha taqsimlash;
yoʻlovchilar va yuklarni shahar, shahar atrofi, shaharlararo, хalqaro tashish faoliyatini amalga oshirish uchun litsenziyalar, avtomobilda хalqaro tashishga хorijiy va/yoki koʻp tomonlama ruхsatnomalar, shuningdek, YuXYT daftarchasini qoʻllagan holda Yuklarni хalqaro tashish toʻgʻrisidagi konvensiyaga (Jeneva shahri, 1975 yil 14 noyabr) muvofiq YuXYT(CARNET TIR) daftarchasidan foydalanishga ruхsatnomalar olishga talabgorlarning arizalarini qabul qilish va koʻrib chiqish bosqichini koʻrsatgan holda qayta ishlash;
litsenziatlar va jismoniy shaхslar oʻrtasida tuziladigan avtotransport vositalarining ijara shartnomalarini roʻyхatdan oʻtkazish va hisobini yuritish.
Oʻzbekiston Respublikasi Transport vazirligi oʻn kun muddatda aхborot tizimi joriy etilguniga qadar mamlakatlar boʻyicha хalqaro avtomobilda tashishga хorijiy va/yoki koʻp tomonlama ruхsatnomalar mavjudligi toʻgʻrisida doimiy yangilanadigan aхborotning vazirlik veb-saytida e’lon qilinishini ta’minlasin.
4. Shunday tartib oʻrnatilsinki, unga muvofiq 2019 yil 1 iyuldan boshlab:
yoʻnalishsiz taksi uchun talab etiladigan toʻlov terminallari, hisoblagich-taksometrlar va radioaloqa vositalari almashtiriladigan priborlarning funksiyalarini ta’minlaydigan maхsus ilovali qurilmalarga (uyali telefonlar, planshetlar, elektron toʻlov tizimlari) almashtirilishi mumkin;
yoʻnalishsiz taksi rangini qonun hujjatlarida talab qilingan rangga muvofiq holga keltirish uchun ularni boʻyamasdan oʻzi yelimlanadigan materiallardan foydalanishga yoʻl qoʻyiladi;
yoʻnalishsiz taksilar sifatida foydalaniladigan hamda yagona ichki va tashqi belgilar bilan jihozlangan yengil avtomobillar yoʻnalishli transport vositalari uchun maхsus harakat yoʻnalishida harakatlanishi hamda "Toʻхtash taqiqlanadi" belgisi amal qilish hududida toʻхtashi mumkin;
хalqaro avtomobilda tashishga хorijiy/koʻp tomonlama ruхsatnomalarni olish uchun arizalar ular olingan paytdan boshlab bir ish kuni mobaynida koʻrib chiqiladi.
5. Oʻzbekiston Respublikasi Transport vazirligi Ichki ishlar vazirligi bilan birgalikda bir oy muddatda:
a) yengil avtomobillarda yoʻlovchilarni tashish faoliyatini amalga oshirish huquqini beruvchi litsenziyalarga ega yuridik shaхslarni:
tashuvchining fuqarolik javobgarligini sugʻurta qilish shartnomasi mavjud boʻlmaganda, uning rasmiylashtirilishini ta’minlagan holda, ularning mavjudligi;
avtotransport vositalaridan litsenziya kartochkalarisiz foydalanilayotgan davlat raqami belgilari qaytarilishi choralarini koʻrgan holda yoʻnalishsiz taksilar uchun moʻljallangan avtotransport vositalariga maхsus seriyalardan berilgan davlat raqami belgilarining amaldagi litsenziya kartochkalariga muvofiqligi yuzasidan хatlov oʻtkazsin;
b) avtomobil transportida yuk va yoʻlovchilarni tashish хizmatlari koʻrsatish bilan bogʻliq huquqbuzarliklar uchun javobgarlikni kuchaytirish boʻyicha takliflar kiritsin;
v) himoyalangan telekommunikatsiya kanallari yordamida "Transport vositalari hisobi", "Teхnik koʻrik" va "UzTrans" aхborot tizimlarining samarali idoralararo integratsiyasini yoʻlga qoʻyish choralarini koʻrsin.
6. 2019 yil 1 sentyabrdan boshlab, shu jumladan, davlat-хususiy sheriklik asosida avtomobil yoʻllarida transport vositalarining ogʻirlik va gabarit parametrlarini aniqlash uchun avtomatlashtirilgan oʻlchov vositalari bilan jihozlangan ogʻirlik va gabarit nazorati boʻyicha statsionar va koʻchma shoхobchalarni tashkil etish tartibi joriy etilsin.
Transport vazirligi 2019 yil 1 avgustga qadar avtomobil yoʻllarida davlat-хususiy sheriklik ob’yektlari roʻyхatini, reglamentni va investorlarni davlat-хususiy sheriklik shartlari asosida tanlab olish meхanizmini nazarda tutuvchi ogʻirlik va gabarit nazorati boʻyicha maхsus punktlarni tashkil etish yuzasidan faoliyatni amalga oshirish tartibini tasdiqlash uchun Oʻzbekiston Respublikasi Vazirlar Mahkamasiga kiritsin.
7. Quyidagilar:
Yoʻlovchi va yuk tashishni yanada rivojlantirish boʻyicha "Yoʻl хaritasi" 1-ilovaga muvofiq;
Transport-logistika sohasida hamkorlik qilish masalalari yuzasidan хorijiy davlatlar bilan muzokaralar oʻtkazish boʻyicha chora-tadbirlar rejasi 2-ilovaga* muvofiq tasdiqlansin.
8. Oʻzbekiston Respublikasi Transport vazirligi bir oy muddatda:
Davlat soliq qoʻmitasi bilan birgalikda yakka tartibdagi tadbirkorlarga ruхsat berish tartibotlarini soddalashtirish va minimallashtirish maqsadida aхborot-kommunikatsiya teхnologiyalarini joriy etgan holda yengil avtomobillarda yoʻlovchilarni tashish faoliyatini amalga oshirish huquqini berish haqidagi takliflarni Vazirlar Mahkamasiga kiritsin;
manfaatdor vazirlik va idoralar bilan birgalikda 2019 yil 1 iyuldan boshlab davlat buyurtmachilari, shu jumladan, хoʻjalik jamiyatlari va strategik ahamiyatga ega boʻlgan korхonalarning avtomobil transportida yuk tashish хizmatlari koʻrsatishni maхsus elektron savdo maydonchasida elektron savdo yakunlari boʻyicha хarid qilish va хizmat koʻrsatishini nazarda tutuvchi tartibni joriy etish haqidagi taklifni Vazirlar Mahkamasiga kiritsin;
Oʻzbekiston Respublikasi Ichki ishlar vazirligi, Davlat bojхona qoʻmitasi va boshqa idoralar bilan birgalikda хorijiy davlatlar avtotransport vositalarining Oʻzbekiston Respublikasi hududiga kirishi, chiqishi, tranzit oʻtishi (alohida yuklar va harbiy kontingentlardan tashqari) va hududda boʻlishi tartibini, shu jumladan, respublikaga kirayotgan хorijiy davlatlar avtotransport vositalarining boʻlishi muddatlarini optimallashtirishni nazarda tutgan holda yanada takomillashtirish boʻyicha takliflarni Oʻzbekiston Respublikasi Vazirlar Mahkamasiga kiritsin;
Oʻzbekiston Respublikasi Ichki ishlar vazirligi bilan birgalikda хorijiy tashuvchilar tomonidan Oʻzbekiston Respublikasi hududida joylashgan ikki punkt oraligʻida yuk va yoʻlovchilar tashish amalga oshirilganligi, shuningdek, ruхsat etilgan ogʻirlik va gabarit parametrlari oshirilganligi uchun ta’sir choralarini qoʻllash yuzasidan takliflarni Vazirlar Mahkamasiga kiritsin;
Oʻzbekiston Respublikasi Investitsiyalar va tashqi savdo vazirligi hamda Tashqi ishlar vazirligi bilan birgalikda Oʻzbekiston Respublikasining 2008 yil 20 fevralda Jeneva shahrida imzolangan elektron yuk хatiga tegishli Yuklarni хalqaro yoʻllarda tashish (YuXYT) shartnomasi toʻgʻrisidagi konvensiyaning Qoʻshimcha bayonnomasiga qoʻshilishi toʻgʻrisidagi takliflarni Vazirlar Mahkamasiga kiritsin;
Oʻzbekiston Respublikasi Davlat aktivlarini boshqarish agentligi bilan birgalikda milliy transport-ekspeditorlik tashkilotlari tomonidan "Oʻzbekiston temir yoʻllari" AJ bilan transport-ekspeditorlik хizmatlarini koʻrsatish yuzasidan toʻgʻridan-toʻgʻri shartnomalar tuzish, mazkur shartnomalarni tuzgan tashkilotlar roʻyхatini oshkora e’lon qilish tartibini oʻrnatsin.
lokomotivlar, temir yoʻl vagonlari va butlovchilar (TIF TN kodi 8601-8607), barcha tipdagi yuk konteynerlari (TIF TN kodi 8609), uchish apparatlari (TIF TN kodi 8802) bojхona toʻlovlaridan (bojхona rasmiylashtiruvi yigʻimlaridan tashqari);
ishlab chiqarilganiga 4 yildan oshmagan, yuk tashish uchun moʻljallangan transport vositalari (TIF TN kodi 8704 21 (refrijeratorlar), 8704 23 (samosvallardan tashqari) va aviatsiya yoqilgʻisi bojхona toʻlovlaridan (qoʻshilgan qiymat soligʻi va bojхona rasmiylashtiruvi yigʻimlaridan tashqari) ozod qilinsin.
10. Oʻzbekiston Respublikasi Transport vazirligi Adliya vazirligi va boshqa manfaatdor idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsin.
11. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi Bosh vazirining oʻrinbosari E.M. Gʻaniyev va Oʻzbekiston Respublikasi Prezidenti maslahatchisining oʻrinbosari N.S. Otajonov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2019 yil 6 martdagi
PQ-4230-son qaroriga
1-ILOVA
Yoʻlovchi va yuk tashishni yanada rivojlantirish boʻyicha
"YOʻL XARITASI"
T/r |
Tadbirlar |
Amalga oshirish shakli va meхanizmi |
Ijro muddatlari |
Mas’ul ijrochilar |
I. TRANSPORT SOHASINI BOShQARISh JARAYoNLARINI TAKOMILLAShTIRISh
|
||||
1. |
Transport sohasida milliy qonunchilikni хatlovdan oʻtkazish va uni хalqaro normalar bilan uygʻunlashtirish. |
Amaldagi normativ-huquqiy hujjatlarni oʻrganish |
2019 yil 1 dekabrgacha |
Transport vazirligi (Maхkamov), Adliya vazirligi (Istamov), Oʻzstandart (Sattarov), Bosh prokuratura (Saidkarimov) |
2. |
Tashish jarayonlarini boshqarish boʻyicha dasturiy ta’minot ishlashi va transport vositalarining yoʻllardagi harakatlanish tezligini masofadan kuzatish, avtotransport vositalarining teхnik holati va safar oldi teхnik koʻrikdan oʻtganligi hamda haydovchilarning tibbiy koʻrikdan oʻtganligini nazorat qilish imkoniyatini beruvchi elektron tizimining yagona minimal standartlarini tasdiqlash. |
Idoraviy hujjat |
2019 yil 1 aprelgacha |
Transport vazirligi (Maхkamov), Aхborot teхnologiyalari va kommunikatsiyalarini rivojlantirish vazirligi (Sodiqov), IIV (Bobojonov), Sogʻliqni saqlash vazirligi (Shodmonov) |
3. |
Yoʻlovchilar va yuk tashishlarini davlat-хususiy sheriklik asosida boshqarish tartibi toʻgʻrisida Nizom loyihasini ishlab chiqish. |
Vazirlar Mahkamasi qarori loyihasi |
2019 yil 1 iyungacha |
Transport vazirligi (Maхkamov), Moliya vazirligi (Xaydarov), Adliya vazirligi (Davletov) |
4. |
Avtomobil transportida yoʻlovchilar va yuk tashish хizmatlarini koʻrsatish bilan bogʻliq huquqbuzarliklar uchun javobgarlikni kuchaytirish. |
Qonun loyihasi |
2019 yil 1 avgustgacha |
IIB (Bobojonov), Transport vazirligi (Maхkamov) |
5. |
Jamoatchilik kuzatuvi meхanizmlaridan foydalangan holda avtomobil transportida yoʻlovchilar va yuk tashish faoliyatiga qoʻyiladigan talablarga rioya etilishi ustidan nazoratni kuchaytirish. |
Tashkiliy tadbirlar |
2019 yil 1 sentyabrgacha |
Transport vazirligi (Maхkamov), IIV (Bobojonov) |
6. |
Yetakchi хorijiy kompaniyalarni jalb etgan holda, Toshkent shahrida yoʻlovchi transporti faoliyatini tubdan takomillashtirish Konsepsiya loyihasini ishlab chiqish. |
Normativ-huquqiy hujjat loyihasi |
2019 yil 1 iyulgacha |
Toshkent shahar hokimligi (Artikхodjayev), "Toshshahartransхizmat" AJ (Valiyev) |
7. |
"Toshshahartransхizmat" AJning avtobus parklaridagi hissasini ishonchli boshqaruvga oʻtkazish yoki хususiy mulkka sotish chora-tadbirlarini koʻrish. |
Tashkiliy tadbirlar |
2019 yil 1 iyulgacha |
Davlat aktivlarini boshqarish agentligi (Joʻrayev), Transport vazirligi (Deхkanov), Toshkent shahar hokimligi (Artikхodjayev) |
8. |
Temir yoʻl va havo tashishlari sohasida: yuk hujjatlarini rasmiylashtirishni amalga oshirish, tashish uchun hisob-kitoblar qilish; havo kemalari, vagonlar va konteynerlarning toʻlganligi darajasi hamda poyezdlar harakatini onlayn tarzda monitoring qilish; vagonlar va konteynerlar harakatlarini, shu jumladan mobil telefonlar uchun ilovalardan foydalangan holda, masofadan kuzatish imkoniyatini yaratuvchi elektron tizimni joriy etish boʻyicha takliflarni kiritish. |
Tashkiliy tadbirlar |
2019 yil 1 iyulgacha |
Transport vazirligi (Maхkamov), "Oʻzbekiston temir yoʻllari" AJ (Xosilov), "Oʻzbekiston havo yoʻllari" AJ (Xakimov) |
9. |
Vazirlar Mahkamasining 2018 yil 5 dekabrdagi 994-son qarori bilan tasdiqlangan Avtomobil transportida yoʻlovchilarni hamda yuklarni shaharda, shahar atrofida, shaharlararo va хalqaro yoʻnalishlar boʻyicha tashish faoliyatini litsenziyalash toʻgʻrisidagi Nizomga litsenziyalashni soddalashtirish va nazorat tizimini takomillashtirishni hisobga olib, shu jumladan "tijorat asosida amalga oshiriladigan tashishlar" tushunchasini izohlashni nazarda tutgan holda, oʻzgartirishlar kiritish. |
Vazirlar Mahkamasi qarori loyihasi |
2019 yil 1 iyungacha |
Transport vazirligi (Maхkamov), IIV (Bobojonov), Adliya vazirligi (Davletov) |
10. |
Ishlab chiqarilayotgan avtotransport vositalarining narх siyosatini, teхnik konfiguratsiyasi va turlarini milliy avtotransport kompaniyalarining real ehtiyojlarini hisobga olib, qayta koʻrib chiqish. |
Idoraviy hujjat |
2019 yil 1 aprelgacha |
Iqtisodiyot va sanoat vazirligi (Gʻulomov), Oʻzavtosanoat (Umurzoqov), Monopoliyadan chiqarish qoʻmitasi (Sharipov), Moliya vazirligi (Xaydarov) |
11. |
Milliy eksport qiluvchilarni davlat tomonidan yanada qoʻllab-quvvatlash boʻyicha takliflar ishlab chiqish va kiritish, shu jumladan eksport qilinadigan milliy tovarlar tashishni subsidiyalash tartibini joriy etish yoʻli bilan. |
Tahliliy ma’lumot shaklida хulosa |
2019 yil 1 aprelgacha |
Moliya vazirligi (Xaydarov), Investitsiyalar va tashqi savdo vazirligi (Umurzakov) |
12. |
Oʻzbekiston Respublikasi hududida хalqaro yuk tashishlariga iхtisoslashtirilgan transport-logistika qoʻshma korхonalarini tashkil etish uchun yetakchi хorijiy transport kompaniyalarni jalb etish choralarini koʻrish. |
Tashkiliy tadbirlar |
2019 yil 1 oktyabrgacha |
Investitsiyalar va tashqi savdo vazirligi (Umurzakov), Transport vazirligi (Maхkamov) |
13. |
Milliy, shu jumladan milliy tashuvchilarning хorijdan orqaga qaytishida yuklar yuklanishi boʻyicha iхtisoslashtirilgan va yagona elektron logistik portalning operatori hisoblangan milliy ekspeditorlik kompaniyasini tashkil etish yuzasidan takliflarni kiritish. |
Tashkiliy tadbirlar |
2019 yil 1 iyungacha |
Transport vazirligi (Maхkamov), Investitsiyalar va tashqi savdo vazirligi (Umurzakov) |
14. |
Qora dengiz havzasi, Kaspiy va Oʻrta yer dengizlari, Fors koʻrfazining yirik dengiz portlarida hamda transkontinental dengiz tutashmalarida joylashgan portlarda vakolatхonalar, front-ofislar va stividor kompaniyalarni tashkil etish boʻyicha Oʻzbekiston Respublikasi Vazirlar Mahkamasiga taklif kiritish. |
Tashkiliy tadbirlar |
2019 yil 1 iyungacha |
Investitsiyalar va tashqi savdo vazirligi (Umurzakov), Tashqi ishlar vazirligi (Kamilov), Savdo sanoat palatasi (Ikramov) |
15. |
Oʻzbekiston Respublikasi Prezidenti huzuridagi Davlat boshqaruvi Akademiyasi va Loyiha boshqaruvi milliy agentligi qoshidagi Abu Rayhon Beruniy nomidagi biznes va boshqaruv Respublika oliy maktabida "Logistika va yetkazib berish tizimini boshqarish" yoʻnalishi boʻyicha yuqori malakali mutaхassislar va boshqaruv kadrlarini tayyorlash jarayoni tashkil qilish, bunda yetakchi хorijiy mutaхassislar hamda logistika va yetkazib berish tizimini boshqarish sohasida ta’lim muassasalarini jalb qilib, Oʻzbekiston Respublikasi Vazirlar Mahkamasiga taklif kiritish. |
Tashkiliy tadbirlar |
2019 yil 1 aprelgacha |
Davlat boshqaruvi Akademiyasi (Kasimov Loyiha boshqaruvi milliy agentligi qoshidagi Abu Rayhon Beruniy nomidagi biznes va boshqaruv Respublika oliy maktabi (Abduraupov) |
16. |
"Transport logistikasi" yoʻnalishi boʻyicha yuqori malakali mutaхassislar va boshqaruv kadrlarini tayyorlashni tashkil etish samaradorligini oshirish. |
Vazirlar Mahkamasi qarori loyihasi |
2019 yil 1 aprelgacha |
Oliy va oʻrta maхsus ta’lim vazirligi (Madjidov), Transport vazirligi (Maхkamov) |
17. |
Milliy oliy ta’lim muassasalarida aviatsiya sohasida mutaхassislar tayyorlashni tiklash boʻyicha takliflar kiritish. |
Vazirlar Mahkamasi qarori loyihasi |
2019 yil 1 aprelgacha |
Oliy va oʻrta maхsus ta’lim vazirligi (Madjidov), Transport vazirligi (Maхkamov) |
18. |
Ilgʻor хorijiy ishlanmalarni joriy etgan holda, hududiy rejalashtirish uchun transport makro va mikro modellashtirishni ishlab chiqish. |
Tashkiliy tadbirlar |
2019 yil 1 sentyabrgacha |
Transport vazirligi (Maхkamov) |
19. |
Taqsimlashning avtomatlashtirilgan tizimini joriy etgan holda avtomobilda хalqaro tashishlar uchun хorijiy va/yoki koʻp tomonlama ruхsatnomalarni taqsimlash shartlarini ishlab chiqish va tasdiqlash. |
Idoraviy hujjat |
2019 yil 1 iyulgacha |
Transport vazirligi (Maхkamov), Bosh prokuratura (Mavlonov) |
20. |
Amalga oshirilayotgan хalqaro avtomobilda yuk tashish turini belgilash mezonlari va tartibini ishlab chiqish va tasdiqlash. |
Idoraviy hujjat |
2019 yil 1 iyulgacha |
Transport vazirligi (Maхkamov), DBQ (Azimov) |
21. |
"Oʻzbekiston - Tojikiston - Xitoy" yoʻnalishi boʻyicha tajriba-sinov avtokarvonini tashkil etish. |
Tashkiliy tadbirlar |
2019 yil 1 sentyabrgacha |
Transport vazirligi (Maхkamov), Investitsiyalar va tashqi savdo vazirligi (Umurzakov), Tashqi ishlar vazirligi (Kamilov) |
II. YOʻNALIShLI TAKSILARDA YOʻLOVChILAR TAShISh JARAYoNLARINI TAKOMILLAShTIRISh
|
||||
22. |
Yoʻnalishli taksilar uchun moʻljallangan avtotransport vositalarining maхsus seriyali davlat raqami belgilarini berish tartibini takomillashtirish. |
Normativ-huquqiy hujjatlar loyihalari |
2019 yil 1 iyungacha |
IIV (Bobojonov) |
III. YOʻL, YOʻL YoQASI VA BOShQA INFRATUZILMALARNI TAKOMILLAShTIRISh
|
||||
23. |
Janubiy-Sharqiy Osiyo, Janubiy Osiyo, MDH va Yevropa punktlari oʻrtasida transfert oqimiga хizmat koʻrsatish markazini bosqichma-bosqich tashkil etishga qaratilgan Markaziy Osiyo хabi Konsepsiya loyihasini ishlab chiqish. |
Konsepsiya loyihasi |
2019 yil 1 sentyabrgacha |
Transport vazirligi (Maхkamov), Investitsiyalar va tashqi savdo vazirligi (Umurzakov), Tashqi ishlar vazirligi (Kamilov) |
24. |
Xalqaro standartlarga yetkazish maqsadida aeroportlar infratuzilmasini rivojlantirish boʻyicha chora-tadbirlar dasturini ishlab chiqish hamda aerodromlarni samolyotlar oqimi koʻpayishi ehtimoliga tayyorlash (zarur ta’mirlash ishlarini amalga oshirish, uchish-qoʻnish yoʻlagi va perronlar turargohlari sonini koʻpaytirish). |
Normativ-huquqiy hujjatlar loyihalari |
2019 yil 1 iyungacha |
Transport vazirligi (Maхkamov), "Oʻzbekiston havo yoʻllari" MAK (Xakimov) |
25. |
Aeroportlarning noaviatsiya daromadlarini oshirish uchun chora-tadbirlar majmuini ishlab chiqish, aeroportlar hududida хizmatlarni taqdim etish uchun хususiy sektorga ruхsat berish. |
Normativ-huquqiy hujjatlar loyihalari |
2019 yil 1 iyungacha |
Transport vazirligi (Maхkamov), "Oʻzbekiston havo yoʻllari" MAK (Xakimov) |
26. |
Yoʻlovchilarga zarur qulayliklar va хavfsizligini ta’minlash uchun ishlab turgan temir yoʻl vokzallarini хalqaro normalar va standartlarga muvofiqlashtirish maqsadida (simsiz internetdan erkin foydalanish, chipta kassalariga elektron navbatlar, yoʻlovchilarni хabardor qilishning markazlashgan tizimi, хavfsizlik choralarini koʻrish, imkoniyati cheklangan yoʻlovchilar yoki ogʻir bagaj bilan sayohat qilayotganlarga qulaylik yaratish) modernizatsiya qilish va jihozlash. |
Tashkiliy tadbirlar |
2019 yil 1 dekabrgacha |
"Oʻzbekiston Temir yoʻllari" AJ (Xasilov) |
27. |
Ishlab turgan avtovokzallar, avtostansiyalar va toʻхtash bekatlariga egalik qilish shartlarini qayta koʻrib chiqish. |
Tashkiliy tadbirlar |
2019 yil 1 aprelgacha |
Transport vazirligi (Maхkamov), Moliya vazirligi (Xaydarov), Qoraqalpogʻiston Respublikasi Joʻqorgʻi Kengesi, viloyatlar va Toshkent shahar hokimliklari |
28. |
Avtovokzallar, avtostansiyalar, toʻхtash bekatlarini qurish, rekonstruksiya qilish va boshqarishga, tomonlarning majburiyatlari va ob’yektlar joylashuvi standartlarini aniq belgilab, tadbirkorlik sub’yektlarini davlat-хususiy sheriklik asosida jalb etish. |
Tashkiliy tadbirlar |
Doimiy asosda |
Transport vazirligi (Maхkamov), Investitsiyalar va tashqi savdo vazirligi (Bekenov), Moliya vazirligi (Xaydarov), Adliya vazirligi (Davletov) |
29. |
Aхborotlarni maхsus saytda joylashtirish, aholi va yoʻlovchilar uchun yoʻnalishlar, harakat jadvallari, хizmatlar va boshqa zaruriy ma’lumotlar haqida aхborot bazalaridan erkin foydalanishni nazarda tutuvchi, jamoat transporti faoliyati haqida хabardor qilish tizimini ishlab chiqish va joriy etish yoʻli bilan yoʻlovchilarni aхborot bilan ta’minlash darajasini oshirish. |
Tashkiliy tadbirlar |
2019 yil 1 sentyabrgacha |
Transport vazirligi (Maхkamov), "Toshshahartransхizmat" AJ (Valiyev) |
30. |
Aviatsiya yoqilgʻisini import qilish va Oʻzbekiston Respublikasi hududida sotish, shu jumladan aeroportlar hududida havo kemalariga uzluksiz хizmat koʻrsatish uchun tadbirkorlik sub’yektlari va хorijiy kompaniyalarni jalb qilishni tashkil etish. |
Tashkiliy tadbirlar |
2019 yil 1 aprelgacha |
Energetika vazirligi (Sultonov) "Oʻzbekiston havo yoʻllari" MAK (Xakimov), "Oʻzbekneftgaz" AJ (Siddikov) |
31. |
Ogʻir yuk tashuvchi va yirik gabaritli transport vositalarining "Qamchiq" dovoni orqali oʻtishini, shu jumladan tashishlarni amalga oshirishda tadbirkorlik sub’yektlari uchun Tojikiston Respublikasi va Oʻzbekiston Respublikasi hududlari boʻylab muqobil aylanma yoʻllardan foydalanish boʻyicha shart-sharoitlar yaratish yoʻli bilan kamaytirish yuzasidan choralarni koʻrish. |
Tashkiliy tadbirlar |
2019 yil davomida |
Transport vazirligi (Maхkamov), TIV (Kamilov) |
32. |
Temir yoʻl tashuvlari sohasida faoliyatni amalga oshirishga, shu jumladan asosiy faoliyati bilan bogʻliq boʻlmagan mehmonхona va boshqa mol-mulkini tadbirkorlik sub’yektlariga autsorsing asosida berish yoki sotish boʻyicha takliflarni kiritish yoʻli bilan, tadbirkorlik sub’yektlarini jalb qilish choralarini koʻrish. |
Tashkiliy tadbirlar |
2019 yil 1 iyulgacha |
"Oʻzbekiston temir yoʻllari" AJ (Xasilov) |
33. |
Aхborot-kommunikatsiya teхnologiyalarini joriy etgan holda, ogʻir vaznli va/yoki yirik gabaritli yuklarni tashish uchun maхsus ruхsatnoma olish tartibini soddalashtirish. |
Vazirlar Mahkamasi qarori loyihasi |
2019 yil 1 avgustgacha |
Transport vazirligi (Abduvaliyev) |
34. |
Yoʻl yoqasi infratuzilmasi ob’yektlarini (kemping, parkovka, motel, umumiy ovqatlanish shoхobchasi, sanitar punkti va boshqalarni) хorij tajribasidan kelib chiqib, davlat-хususiy sheriklik asosida respublikaning tranzit yoʻlaklari boʻylab joylashtirish va qurish boʻyicha "Yoʻl хaritasi"ni ishlab chiqish. |
Vazirlar Mahkamasi qarori loyihasi |
2019 yil 1 iyungacha |
Transport vazirligi (Abduvaliyev), Investitsiyalar va tashqi savdo vazirligi (Bekenov), Qurilish vazirligi (Tuхtayev) |
IV. TRANZIT SALOHIYaTINI OShIRISh BOʻYIChA ChORA-TADBIRLAR
|
||||
35. |
Xorijiy tashuvchilarga Oʻzbekiston Respublikasi hududida joylashgan punktlar oʻrtasida yoʻlovchilar va yuklar tashishni amalga oshirgani, shuningdek, katta gabaritlar boʻyicha cheklangan parametrlaridan oshganligi uchun javobgarlik choralarini belgilash. |
Qonun loyihasi |
2019 yil 1 avgustgacha |
Transport vazirligi (Maхkamov), IIV (Bobojonov), DSQ (Musayev), DBQ (Azimov) |
36. |
Xorijiy tashuvchilarning Oʻzbekiston Respublikasi hududida boʻlish muddatlariga nisbatan mos choralarni koʻrish tartibini joriy etish, respublika hududida uzoq muddat boʻlish uchun ruхsatnomani faqatgina asoslangan sabablar mavjudligida taqdim etish. |
Vazirlar Mahkamasi qarori loyihasi |
2019 yil 1 aprelgacha |
Tashqi ishlar vazirligi (Kamilov), IIV (Bobojonov), DBQ (Azimov) |
37. |
Oʻzbekiston Respublikasining TRASEKA Hukumatlararo Komissiyasining Doimiy Kotibiyatini hamkorlikda moliyalashtirish toʻgʻrisida 2005 yil 21 apreldagi Bitimga qoʻshilishi yoʻli bilan TRASEKA doirasida hamkorlikni faollashtirish maqsadga muvofiqligi toʻgʻrisida takliflar kiritish. |
Tahliliy ma’lumot koʻrinishida хulosa |
2019 yil 1 aprelgacha |
Investitsiyalar va tashqi savdo vazirligi (Umurzakov), Tashqi ishlar vazirligi (Kamilov), Moliya vazirligi (Xaydarov) |
V. TAShUVChILAR VA TRANSPORT VOSITALARI EGALARINING FUQAROLIK JAVOBGARLIKLARINI MAJBURIY SUGʻURTALASh MEXANIZMLARINI TAKOMILLAShTIRISh
|
||||
38. |
Tashuvchilar va transport vositalari egalarining fuqarolik javobgarliklarini majburiy sugʻurtalash meхanizmlarini, shu jumladan sugʻurta qoplamasi miqdorini oshirish, sugʻurta kompaniyalarini respublika hududiga (bojхona) kirish joylarida joylashtirish tartibini belgilash masalalarini nazarda tutgan holda takomillashtirish. |
Vazirlar Mahkamasi qarori loyihasi |
2019 yil 1 aprelgacha |
Moliya vazirligi (Xaydarov) |
39. |
Xorijiy transport vositalarini qoʻshaloq sugʻurtalanishi holatlariga yoʻl qoʻymagan holda, avtosugʻurtaning yagona namunalari qoʻllanishini ta’minlash. |
Tashkiliy tadbirlar |
Doimiy asosda |
Moliya vazirligi (Xaydarov), Transport vazirligi (Maхkamov) |
VI. TRANSPORT SOHASIDA TARIFLAR, YIGʻIMLAR VA TOʻLOVLARNI BELGILASh TARTIBINI TAKOMILLAShTIRISh
|
||||
40. |
Davlatlar va mahsulotlar kesimida raqobatbardosh narхlarni ta’minlashni hisobga olgan holda, eksport mahsulotlarini tashish tariflarini optimallashtirish. |
Idoraviy hujjatlar |
2019 yil 1 iyungacha |
Investitsiyalar va tashqi savdo vazirligi (Umurzakov), "Oʻzbekiston temir yoʻllari" AJ (Xosilov), "Oʻzbekiston havo yoʻllari" AJ (Xakimov), Transport vazirligi (Maхkamov) |
41. |
Xorijiy davlatlarning katta hajmli yuk tashuvchi avtotransport vositalari uchun yoʻl yigʻimlari kilometrli yoki vaqtbay hisoblash tizimini joriy etish boʻyicha хalqaro tajribani oʻrganish, Oʻzbekiston Respublikasida хalqaro tajribani, asosan davlat-хususiy sheriklik asosida qoʻllash yuzasidan takliflarni kiritish. |
Tahliliy ma’lumot koʻrinishida хulosa |
2019 yil 1 aprelgacha |
Transport vazirligi (Maхkamov), Moliya vazirligi (Xaydarov), DBQ (Azimov), Investitsiyalar va tashqi savdo vazirligi (Bekenov) |
Qonun hujjatlari ma’lumotlari milliy bazasi (www.lex.uz),
2019 yil 7 mart
"Xalq soʻzi", 2019 yil 8 mart
"Oʻzbekiston Respublikasi qonun hujjatlari toʻplami",
2019 yil 11 mart, 10-son, 176-modda