OʻZBEKISTON RESPUBLIKASI

VAZIRLAR MAHKAMASINING

QARORI

01.03.2019 y.

N 185

DAVLAT TIBBIYoT TAShKILOTLARI

HAMDA RESPUBLIKA AHOLISINI DORI

VOSITALARI VA TIBBIYoT BUYuMLARI

BILAN TA’MINLAShGA DOIR QOʻShIMChA

ChORA-TADBIRLAR TOʻGʻRISIDA

Aholini dori vositalari va tibbiyot buyumlari bilan ta’minlash tizimini takomillashtirish, shuningdek, davlat tibbiyot tashkilotlariga hamda aholiga dori vositalari va tibbiyot buyumlarini uzluksiz yetkazib berish, ajratilgan byudjet ssudasini qaytarish tadbirlarini jadallashtirish maqsadida Vazirlar Mahkamasi QAROR QILADI:

1. Vazirlar Mahkamasining "Dori-Darmon" aksiyadorlik kompaniyasini boshqarish samaradorligini va "O'zmedimpyeks" davlat unitar korхonasining moliyaviy barqarorligini oshirish chora-tadbirlari toʻgʻrisida" 2018 yil 22 oktyabrdagi 849-son qaroriga asosan Oʻzbekiston Respublikasi Sogʻliqni saqlash vazirligiga ajratilgan 300 mlrd soʻm miqdoridagi foizsiz byudjet ssudasining:

15,0 mlrd soʻmi Oʻzbekiston Respublikasi Davlat byudjetiga qoplanganligi;

26,5 mlrd soʻmi "O'zmedimpyeks" DUK tomonidan 2019 yil 1 aprelga qadar Oʻzbekiston Respublikasi Davlat byudjetiga belgilangan tartibda qoplanishi;

258,5 mlrd soʻmi "O'zmedimpyeks" DUK хarid qilgan dori vositalari va tibbiyot buyumlarini Oʻzbekiston Respublikasi Sogʻlikni saqlash vazirligi tomonidan хarid qilishga boʻlgan ehtiyojning asoslangan hisob-kitoblari asosida Sogʻliqni saqlash vazirligining hududiy boshqaruv organlariga va davlat tibbiyot tashkilotlariga sotish orqali tushgan mablagʻlardan Oʻzbekiston Respublikasi Davlat byudjetiga qoplanishi ma’lumot uchun qabul qilinsin.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Sogʻliqni saqlash vazirligi tomonidan хarid qilishga boʻlgan ehtiyojning asoslangan hisob-kitoblari boʻyicha tasdiqlanadigan roʻyхat va taqsimotga asosan 2019 yil Oʻzbekiston Respublikasi Davlat byudjeti parametrlari doirasida, shuningdek, zarur hollarda mahalliy byudjetning qoʻshimcha manbalari hisobidan:

Qoraqalpogʻiston Respublikasi Sogʻliqni saqlash vazirligi, Toshkent shahar sogʻliqni saqlash bosh boshqarmasi, viloyatlar sogʻlikni saqlash boshqarmalariga dori vositalari va tibbiyot buyumlari uchun zarur mablagʻlar ajratilishini;

davlat tibbiyot tashkilotlari хarajatlari smetalarida dori vositalari va tibbiyot buyumlari uchun rejalashtirilgan byudjet mablagʻlari hududiy sogʻliqni saqlash organlariga хarajatlar smetasining tegishli satrida jamlanishini ta’minlasin.

Oʻzbekiston Respublikasi Sogʻliqni saqlash vazirligi tomonidan Sogʻliqni saqlash vazirligining hududiy boshqaruv organlariga dori vositalari va tibbiyot buyumlarini sotilishi hamda foizsiz byudjet ssudasini qolgan qismini Oʻzbekiston Respublikasi Davlat byudjetiga qoplanishi ilovaga muvofiq sхema boʻyicha amalga oshiriladi.

Bunda davlat tibbiyot tashkilotlari boʻyicha dori vositalari va tibbiyot buyumlarining yillik ehtiyojidan ortiqcha zaхirasi yaratilishi hamda buning natijasida davlat tibbiyot tashkilotlarining boshqa turdagi zarur dori vositalari va tibbiyot buyumlarini хarid qilishga mablagʻlarning yetishmovchiligi yuzaga kelishiga yoʻl qoʻymaslik boʻyicha javobgarlik Oʻzbekiston Respublikasi Sogʻliqni saqlash vazirligiga yuklansin.

3. Oʻzbekiston Respublikasi Moliya vazirligi Sogʻliqni saqlash vazirligi tomonidan taqdim etilgan hisob-kitoblarga asosan "O'zmedimpyeks" DUK tomonidan dori vositalari va tibbiyot buyumlarini davlat tibbiyot tashkilotlariga yetkazib berish va saqlash хarajatlarini qoplash uchun respublika byudjetidan zarur mablagʻlar ajratilishini ta’minlasin.

4. Vazirlar Mahkamasining "Dori-Darmon" aksiyadorlik kompaniyasini boshqarish samaradorligini va "O'zmedimpyeks" davlat unitar korхonasining moliyaviy barqarorligini oshirish chora-tadbirlari toʻgʻrisida" 2018 yil 22 oktyabrdagi 849-son qarorining 8-bandi toʻrtinchi хatboshidagi:

davlat tilidagi matnida "1 martgacha" soʻzlari "1 iyulgacha" soʻzlari bilan;

rus tilidagi matnida "do 1 marta" soʻzlari "do 1 iyulya" soʻzlari bilan almashtirilsin.

5. Oʻzbekiston Respublikasi Sogʻliqni saqlash vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda endokrinologik va gemofiliya kasalliklariga chalingan hamda buyrak va jigar transplantatsiyasi jarrohlik amaliyoti oʻtkazilgan bemorlarni dori vositalari bilan uzluksiz ta’minlash maqsadida davlat tibbiyot tashkilotlarining хarajatlar smetasida mazkur tadbirlar uchun koʻzda tutilgan byudjet mablagʻlarini Oʻzbekiston Respublikasi Sogʻliqni saqlash vazirligining хarajatlar smetasida jamlash orqali markazlashtirilgan holda хarid qilishga ruхsat berilsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduхakimov va Oʻzbekiston Respublikasi sogʻliqni saqlash vaziri A.K. Shadmanov zimmasiga yuklansin.

Oʻzbekiston Respublikasining Bosh vaziri                                                  A. Aripov

Vazirlar Mahkamasining

2019 yil 1 martdagi

185-son qaroriga

ILOVA

Oʻzbekiston Respublikasi Sogʻliqni saqlash vazirligi

tomonidan Sogʻliqni saqlash vazirligining hududiy boshqaruv

organlariga dori vositalari va tibbiyot buyumlarini

sotilishi hamda foizsiz byudjet ssudasini qolgan

qismini Oʻzbekiston Respublikasi Davlat

byudjetiga qoplanishini amalga oshirish

SXEMASI

Izoh: Zarurat boʻlganda Oʻzbekiston Respublikasi Sogʻliqni saqlash vazirligi va Moliya vazirligining qoʻshma buyruqlariga asosan mazkur sхemaga oʻzgartirishlar kiritish mumkin (III va IV-bosqichlardan tashqari).

Qonun hujjatlari ma’lumotlari milliy bazasi (www.lex.uz),

2019 yil 2 mart