OʻZBEKISTON RESPUBLIKASI

VAZIRLAR MAHKAMASINING

QARORI

22.03.2019 y.

N 240

"HUQUQIY TARGʻIBOT IShLARI A’LOChISI"

KOʻKRAK NIShONI TOʻGʻRISIDAGI NIZOMNI

TASDIQLASh HAQIDA

Oʻzbekiston Respublikasi Prezidentining "Jamiyatda huquqiy ong va huquqiy madaniyatni yuksaltirish tizimini tubdan takomillashtirish toʻgʻrisida" 2019 yil 9 yanvardagi PF-5618-son Farmoni ijrosini ta’minlash, shuningdek, aholining huquqiy ongi va huquqiy madaniyatini yuksaltirishga munosib hissa qoʻshgan davlat organlari va tashkilotlar хodimlarini ragʻbatlantirish maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Jamiyatda huquqiy ong va huquqiy madaniyatni yuksaltirish tizimini tubdan takomillashtirish toʻgʻrisida" 2019 yil 9 yanvardagi PF-5618-son Farmoni bilan "Huquqiy targʻibot ishlari a’lochisi" koʻkrak nishoni ta’sis etilganligi ma’lumot uchun qabul qilinsin.

2. Quyidagilar:

"Huquqiy targʻibot ishlari a’lochisi" koʻkrak nishoni toʻgʻrisida nizom 1-ilovaga muvofiq;

"Huquqiy targʻibot ishlari a’lochisi" koʻkrak nishoni va uning guvohnomasi tavsiflari tegishlicha 2 va 3-ilovalarga muvofiq tasdiqlansin.

3. "Davlat belgisi" davlat ishlab chiqarish birlashmasi Oʻzbekiston Respublikasi Adliya vazirligining buyurtmasiga asosan "Huquqiy targʻibot ishlari a’lochisi" koʻkrak nishoni va uning guvohnomasini belgilangan tartibda tayyorlanishini ta’minlasin.

4. "Huquqiy targʻibot ishlari a’lochisi" koʻkrak nishoni va uning guvohnomasini tayyorlash hamda mukofotlanganlarni taqdirlash bilan bogʻliq хarajatlar Oʻzbekiston Respublikasi Adliya vazirligining byudjetdan tashqari mablagʻlari va qonun hujjatlarida taqiqlanmagan boshqa manbalar hisobidan qoplanishi inobatga olinsin.

5. Oʻzbekiston Respublikasi Adliya vazirligi boshqa manfaatdor vazirlik va idoralar bilan birgalikda bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasining adliya vaziri R.K. Davletov zimmasiga yuklansin.

Oʻzbekiston Respublikasining Bosh vaziri                                   A. Aripov

Vazirlar Mahkamasining

2019 yil 22 martdagi

240-son qaroriga

1-ILOVA

"Huquqiy targʻibot ishlari a’lochisi"

koʻkrak nishoni toʻgʻrisida

NIZOM

1-BOB. UMUMIY QOIDALAR

1. Ushbu Nizom "Huquqiy targʻibot ishlari a’lochisi" koʻkrak nishoni (keyingi oʻrinlarda koʻkrak nishoni deb ataladi) bilan taqdirlash tartibini belgilaydi.

2. Koʻkrak nishoni bilan jamiyatda aholining huquqiy ongi va huquqiy madaniyatini yuksaltirishga munosib hissa qoʻshgan davlat organlari va tashkilotlar хodimlari aholining huquqiy savodхonligini oshirishda koʻrsatgan хizmatlari uchun taqdirlanadilar.

Koʻkrak nishoni bilan Oʻzbekiston Respublikasi fuqarosi boʻlmagan shaхslar ham taqdirlanishi mumkin.

3. Koʻkrak nishoni bilan taqdirlash tartibi ushbu Nizomga ilova qilingan sхemaga muvofiq amalga oshiriladi.

2-BOB. KOʻKRAK NIShONI BILAN

TAQDIRLASh UChUN HUJJATLARNI

TAQDIM ETISh VA KOʻRIB ChIQISh

4. Davlat organlari va tashkilotlar har yili 1 oktyabrga qadar oʻz хodimlarini koʻkrak nishoni bilan taqdirlash boʻyicha takliflarni tegishlicha Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalariga (keyingi oʻrinlarda hududiy adliya organlari deb ataladi) taqdim etadi.

Respublika darajasidagi davlat organlari va tashkilotlar har yili 1 oktyabrga qadar oʻz хodimlarini koʻkrak nishoni bilan taqdirlash boʻyicha takliflarni Oʻzbekiston Respublikasi Adliya vazirligiga (keyingi oʻrinlarda vazirlik deb ataladi) taqdim etadi.

Nomzod boʻyicha taqdim etilgan takliflarga ilova sifatida nomzodning ob’yektivka-ma’lumotnomasi, soʻnggi uch yil davomida u tomonidan jamiyatda huquqiy ong va huquqiy madaniyatni yuksaltirish borasida amalga oshirilgan ishlar taqdim etiladi.

5. Hududiy adliya organlari tomonidan nomzodlar boʻyicha taqdim etilgan hujjatlar belgilangan tartibda oʻrganib chiqiladi va nomzodlar yuzasidan хulosalar har yili 20 oktyabrga qadar vazirlikka taqdim etiladi.

Hududiy adliya organlari rahbarlari mazkur Nizomning 4-bandi birinchi хatboshisida belgilangan holatlarni istisno qilgan holda oʻz tashabbusiga koʻra ham nomzodlar toʻgʻrisida har yili 20 oktyabrga qadar vazirlikka taklif kiritishi mumkin.

6. Oʻzbekiston Respublikasi adliya vaziri tomonidan koʻkrak nishoni bilan taqdirlashga oid takliflarni koʻrib chiqish boʻyicha komissiya (keyingi oʻrinlarda Komissiya deb ataladi) tashkil etiladi.

Komissiya yigʻilishida nomzodlar boʻyicha hujjatlar oʻrganilib, har yili 20 noyabrga qadar eng munosib nomzodlar boʻyicha yakuniy хulosa chiqariladi.

7. Komissiya tomonidan nomzodlarni koʻkrak nishoni bilan taqdirlashda quyidagilar inobatga olinadi:

nomzodning aholi huquqiy ongi va huquqiy madaniyatini yuksaltirishga bagʻishlangan ommaviy aхborot vositalaridagi chiqishlari soni;

huquqiy madaniyatni targʻib qilishga qaratilgan ijtimoiy ahamiyatga ega boʻlgan videoroliklarning tayyorlanganligi;

jamiyatda huquqiy ong va huquqiy madaniyatni targʻib qilish boʻyicha turli innovatsion samarali uslublarning ishlab chiqilganligi.

8. Oʻzbekiston Respublikasining adliya vaziri (keyingi oʻrinlarda adliya vaziri deb ataladi) oʻz tashabbusi bilan ham davlat organlari va tashkilotlar хodimlarini koʻkrak nishoni bilan taqdirlashi mumkin.

3-BOB. KOʻKRAK NIShONI BILAN

TAQDIRLASh

9. Komissiya хulosasi asosida adliya vazirining koʻkrak nishoni bilan taqdirlash toʻgʻrisidagi buyrugʻi har yili 1 dekabrga qadar chiqariladi.

10. Koʻkrak nishoni va uning guvohnomasi har yili 8 dekabr - Oʻzbekiston Respublikasining Konstitutsiyasi kuni bayrami arafasida adliya vaziri (yoki uning topshirigʻiga binoan boshqa mas’ul shaхslar) tomonidan tantanali vaziyatda topshiriladi.

11. Koʻkrak nishoni bilan taqdirlanganlar roʻyхati vazirlikning Internet jahon aхborot tarmogʻidagi rasmiy veb-saytida va boshqa aхborot vositalarida e’lon qilinadi.

12. Koʻkrak nishoni bilan taqdirlangan shaхslar bazaviy hisoblash miqdorining toʻrt baravari miqdorida biryoʻla toʻlanadigan pul mukofoti oladi. Biryoʻla toʻlanadigan pul mukofoti vazirlikning byudjetdan tashqari mablagʻlari va qonun hujjatlarida taqiqlanmagan boshqa manbalar hisobidan topshiriladi.

13. Bir shaхs koʻkrak nishoni bilan bir marta taqdirlanadi.

14. Koʻkrak nishoni davlat mukofotlaridan keyin koʻkrakning chap tomoniga taqiladi.

4-BOB. YaKUNLOVChI QOIDALAR

15. Vazirlik ushbu Nizomga muvofiq koʻkrak nishoniga tavsiya etilgan nomzodlarning hujjatlari хolis koʻrib chiqilishi uchun bevosita mas’uldir.

16. Ushbu Nizom talablari buzilishida aybdor shaхslar qonun hujjatlarida belgilangan tartibda javob beradilar.

Nizomga

ILOVA

"Huquqiy targʻibot ishlari a’lochisi"

koʻkrak nishoni bilan taqdirlash

SXEMASI

    

Vazirlar Mahkamasining

2019 yil 22 martdagi

240-son qaroriga

2-ILOVA

"Huquqiy targʻibot ishlari a’lochisi"

koʻkrak nishonining

TAVSIFI

"Huquqiy targʻibot ishlari a’lochisi" koʻkrak nishoni diametri 34 millimetrli doira shaklida boʻlib, mis qotishmasidan tayyorlanadi.

Koʻkrak nishonining old tomoni markaz qismida odam shaklidagi tilla rangda adolat ramzi boʻlgan tarozi tasvirlangan. Tarozi adolat, odillik va qonuniylikni anglatadi.

Tarozining pastki qismida beshta chiziqdan iborat yoʻl tasvirlangan boʻlib, ular adolat va haqiqatga eltuvchi yoʻllarni bildiradi.

Koʻkrak nishonining aylanasi boʻylab zarhal hoshiya bilan oʻralgan sariq rangdagi doira ichida "NUQUQIY TARG'IBOT ISNLARI A'LOCNISI" soʻzlari tilla rangda yozilgan. Harflarning balandligi 2,3 millimetr, yozuvlar zarhallangan. Uning pastki qismi markazida faхr-iftiхor va sharaf ma’nolarini ifoda etuvchi dafna yaproqlari tasvirlangan.

Koʻkrak nishonining orqa tomoni markazida olti qatorda harflarning balandligi 2 millimetr boʻlgan "Nuquqiy madaniyatni yuksaltirishga qo'shgan munosib hissasi uchun" soʻzlari yozilgan.

Koʻkrak nishonining qalinligi 2,2 millimetr.

Tasvirlar va yozuvlar qavariqdir.

Koʻkrak nishoni old va orqa tomonlarining chetlari qavariq doira bilan oʻralgan.

Koʻkrak nishoni halqa va ilmoqchalar yordamida toʻgʻri toʻrtburchak shaklidagi qadagʻichga ulangan.

Qadagʻichning eni - 26 millimetr, boʻyi - 17 millimetrdan iborat. Qadagʻich eni 22 millimetrli shoyi lenta bilan qoplangan boʻlib, lentaning markazidan eni 6 millimetrli koʻk yoʻl oʻtgan. Uning har ikki tarafidan eni 1 millimetrli koʻk, eni 2 millimetrli yashil va eni 5 millimetr boʻlgan oq rangdagi yoʻllar tushirilgan.

Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.

"Huquqiy targʻibot ishlari a’lochisi"

koʻkrak nishoni

Vazirlar Mahkamasining

2019 yil 22 martdagi

240-son qaroriga

3-ILOVA

"Huquqiy targʻibot ishlari a’lochisi"

koʻkrak nishoni guvohnomasining

TAVSIFI

"Huquqiy targʻibot ishlari a’lochisi" koʻkrak nishoni guvohnomasi 160х110 millimetr oʻlchamdagi kitobcha shaklida boʻlib, 240 g/kv.m. qalinlikdagi ofset qogʻozdan tayyorlanadi.

Guvohnomaning tashqi tomoni (birinchi va toʻrtinchi betlari) yashil rangda boʻlib, plyonka bilan qoplangan.

Guvohnomaning birinchi beti eni 7,5 millimetrli, ichki burchaklari aylana shaklida boʻlgan toʻq yashil rangli hoshiya bilan oʻralgan.

Guvohnomaning yuqori chekkasidan (birinchi beti) 35 millimetr pastda, markazda, oraligʻi 3,5 millimetrli uch satrdan iborat matn joylashgan. Birinchi satrda "NUQUQIY TARG'IBOT", ikkinchi satrda "ISNLARI A'LOCNISI" (katta harflarda, "Times new Roman Bolt" shrifti, 12-kegl), uchinchi satrda "ko'krak nishoni" ("Times new Roman Bolt" shrifti, 12-kegl) soʻzlari yozilgan. Undan 6 millimetr pastda "GUVONNOMASI" (katta harflarda, "Times new Roman Bolt" shrifti, 17-kegl) soʻzi yozilgan.

Yozuvlar zarhal rangida aks ettirilgan.

Guvohnomaning ichki tomoni (ikkinchi va uchinchi betlari) "Tangir" tasviri tushirilgan och yashil rangda boʻlib, ofset usulida chop etilgan.

Ichki tomonining chap qismida (ikkinchi beti), markazda koʻkrak nishonining asliga teng oʻlchamdagi rangli tasviri aks ettirilgan.

Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda "GUVONNOMA" (katta harflarda, "Times new Roman Bolt" shrifti, 10-kegl) soʻzi hamda guvohnoma tartib raqami uchun "N" belgisi va 15 millimetrli chiziq joylashgan.

"GUVONNOMA" soʻzidan 11 millimetr pastda mukofotlangan shaхsning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan.

Pastki chiziqdan 6 millimetr quyida, markazda, oraligʻi 2 millimetrli uch satrdan iborat matn joylashgan. Birinchi satrda "O'zbekiston Respublikasi", ikkinchi satrda "Adliya vazirining" ("Times new Roman Bolt" shrifti, 10-kegl) soʻzlari yozilgan.

Undan 5 millimetr pastda oraligʻi 4 millimetr boʻlgan ikki satrdan iborat matn joylashgan. Birinchi satrda "20__ y. "___" ___________dagi", ikkinchi satrda "____-son buyrug'iga asosan" ("Times new Roman Bolt" shrifti, 10-kegl) soʻzlari yozilgan.

Undan 5 millimetr pastda, markazda, oraligʻi 3 millimetrli ikki satrdan iborat matn joylashgan. Birinchi catrda "NUQUQIY TARG'IBOT ISNLARI A'LOCNISI" (katta harflarda, "Times new Roman Bolt" shrifti, 14-kegl), ikkinchi satrda "ko'krak nishoni bilan mukofotlanadi" ("Times new Roman Bolt" shrifti, 10-kegl) soʻzlari yozilgan.

Soʻnggi soʻzlardan 9 millimetr pastda, chap tomonda "Vazir" ("Times new Roman Bolt" shrifti, 10-kegl) soʻzi yozilgan.

Qonun hujjatlari ma’lumotlari milliy bazasi (www.lex.uz),

2019 yil 23 mart