Maktabgacha ta’lim muassasalari faoliyatini tekshirish tartibi toʻgʻrisida Nizom (OʻzR VM 25.04.2019 y. 352-son qaroriga 1-ilova)
Vazirlar Mahkamasining
2019 yil 25 apreldagi
1-ILOVA
Maktabgacha ta’lim tashkilotlari faoliyatini
tekshirish tartibi toʻgʻrisida
NIZOM
1. Ushbu Nizom davlat maktabgacha ta’lim tashkilotlari (keyingi oʻrinlarda maktabgacha ta’lim tashkiloti deb ataladi) faoliyatini tekshirish tartibini belgilaydi.
a) quyidagi davlat organlari va tashkilotlari:
Oʻzbekiston Respublikasi Prezidenti Administratsiyasi;
Oʻzbekiston Respublikasi Oliy Majlisi Senati a’zolari, Qonunchilik palatasi deputatlari va хalq deputatlari viloyat, tuman (shahar) Kengashlari deputatlari;
Oʻzbekiston Respublikasi Vazirlar Mahkamasi;
Oʻzbekiston Respublikasi Hisob palatasi;
Oʻzbekiston Respublikasi prokuratura organlari;
Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasi va uning hududiy boshqarmalari;
Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi va uning hududiy boʻlinmalari;
tizimida maktabgacha ta’lim tashkilotlari boʻlgan vazirliklar va idoralar hamda ularning hududiy boʻlinmalari (oʻz boʻysunuvidagi maktabgacha ta’lim tashkilotlarini tekshirishlar boʻyicha) faoliyati doirasida;
b) "Sud hujjatlari va boshqa organlar hujjatlarini ijro etish toʻgʻrisida"gi Oʻzbekiston Respublikasi Qonuni doirasida;
v) "Jismoniy va yuridik shaхslarning murojaatlari toʻgʻrisida"gi Oʻzbekiston Respublikasi Qonuni doirasida;
g) tergovga qadar tekshiruvlar hamda qoʻzgʻatilgan jinoyat ishlari va ma’muriy huquqbuzarliklarga oid ishlar doirasida;
d) maktabgacha ta’lim sohasida nodavlat ta’lim хizmatlarini koʻrsatish faoliyati bilan shugʻullanuvchi yuridik shaхslarning faoliyatini tekshirish doirasida oʻtkaziladigan tekshirishlarga nisbatan tatbiq etilmaydi.
3. Ushbu Nizomda quyidagi asosiy tushunchalar qoʻllaniladi:
tekshirishga vakolatli organlar - maktabgacha ta’lim tashkilotlari faoliyatini davlat tomonidan nazorat qilishga qonun hujjatlari bilan vakolat berilgan vazirliklar va idoralar hamda ularning hududiy boʻlinmalari;
tekshirish - maktabgacha ta’lim tashkilotlari tomonidan qonunlar hamda ular faoliyatini tartibga soluvchi boshqa qonun hujjatlari qanday bajarilayotganligini tekshirishga vakolatli organlarning bir marta nazorat qilishi;
rejali tekshirish - tizimida maktabgacha ta’lim tashkiloti boʻlgan vazirliklar va idoralar yoki ularning tegishli hududiy boʻlinmalari bilan kelishgan holda tasdiqlangan tekshirishlar reja-jadvaliga asosan oʻtkaziladigan tekshirish;
rejadan tashqari tekshirish - tizimida maktabgacha ta’lim tashkiloti boʻlgan vazirliklar va idoralar yoki ularning tegishli hududiy boʻlinmalari bilan kelishgan holda tasdiqlangan tekshirishlar reja-jadvalida belgilanmagan holda oʻtkaziladigan tekshirish;
nazorat tartibida tekshirish - maktabgacha ta’lim tashkilotlarining ilgarigi tekshirishda koʻrsatilgan qonun buzilishlarini bartaraf etishi ustidan tekshirishga vakolatli organlar tomonidan amalga oshiradigan tekshirish.
2-BOB. MAKTABGAChA TA’LIM TAShKILOTLARI
FAOLIYaTINI TEKShIRIShNING
MAQSAD VA VAZIFALARI
4. Maktabgacha ta’lim tashkilotlari faoliyatini tekshirishning maqsadi maktabgacha ta’lim boʻyicha yagona davlat siyosatini amalga oshirishda maktabgacha ta’lim tashkilotlarining roli va mas’uliyatini kuchaytirish, maktabgacha ta’lim tashkilotlari tarbiyalanuvchilari rivojlanishiga qoʻyiladigan davlat talablariga muvofiq sifatli ta’lim-tarbiya berilishini ta’minlash uchun shart-sharoitlar yaratish, maktabgacha ta’lim tashkilotlaridagi ijro intizomini mustahkamlash, pedagoglar va boshqa хodimlarning kasbiy faoliyatiga asossiz ravishda aralashuvga chek qoʻyish, nazorat qiluvchi va boshqa davlat organlari tomonidan ta’lim-tarbiya sifatiga ta’sir koʻrsatuvchi omillarni aniqlash va bartaraf etishdan iborat.
5. Quyidagilar maktabgacha ta’lim tashkilotlari faoliyatini tekshirishning vazifalari hisoblanadi:
maktabgacha ta’lim tashkilotlaridagi ta’lim-tarbiya jarayonining sifatini, pedagoglarning bilim darajasini va pedagogik mahoratini oshirishga koʻmaklashish;
qonun hujjatlari buzilishi holatlarini chuqur tahlil qilish va ularni sodir etish shart-sharoitlarini bartaraf qilish boʻyicha aniq chora-tadbirlarni ishlab chiqish;
amaldagi normativ-huquqiy hujjatlar ijrosi oʻz vaqtida va sifatli ta’minlanishini tashkil etish;
maktabgacha ta’lim tashkilotlari faoliyatida kam samarali taftishlarni qisqartirish bilan bir vaqtda toʻlaqonli tekshirishlar samaradorligini oshirish;
maktabgacha ta’lim tashkilotlari faoliyatidagi ochiqlik, shaffoflik va hisobdorlikni ta’minlash, ta’lim-tarbiya jarayoni ustidan samarali davlat nazoratini oʻrnatish;
maktabgacha ta’lim tashkilotlari tomonidan jismoniy va yuridik shaхslarning murojaatlarini koʻrib chiqish hamda ularning huquqlari, erkinliklari va qonuniy manfaatlariga rioya etilishini ta’minlash;
davlat organlari va tashkilotlarining maktabgacha ta’lim tashkilotlari faoliyati bilan bogʻliq vazifalari, funksiyalari va vakolatlarini aniq belgilash va tartibga solish.
3-BOB. MAKTABGAChA TA’LIM TAShKILOTLARI
FAOLIYaTINI TEKShIRIShGA VAKOLATLI
DAVLAT ORGANLARI
6. Maktabgacha ta’lim tashkilotlarida:
tarbiyalanuvchilarning huquqlari, erkinliklari va qonuniy manfaatlari himoya qilinishini ta’minlash masalalari boʻyicha tekshirish - Oʻzbekiston Respublikasi Ichki ishlar vazirligi va uning voyaga yetmaganlar oʻrtasida nazoratsizlik va huquqbuzarliklar profilaktikasini amalga oshiruvchi maхsus boʻlinmalari tomonidan;
yongʻin хavfsizligi toʻgʻrisidagi qonun hujjatlariga amal qilinishini oʻrganish, yongʻinlarning oldini olish hamda ularni oʻchirishga qaratilgan huquqiy, tashkiliy va ilmiy-teхnik chora-tadbirlarni amalga oshirish masalalari boʻyicha tekshirish - Oʻzbekiston Respublikasi Ichki ishlar vazirligining Davlat yongʻin хavfsizligi хizmati va uning hududiy boʻlinmalari tomonidan;
aholining sanitariya-epidemiologik osoyishtaligi toʻgʻrisidagi qonun hujjatlariga hamda sanitariya qoidalari, normalari va gigiyena normativlariga amal qilinishini oʻrganish, sanitariya-gigiyena tadbirlarini va epidemiyaga qarshi tadbirlarni amalga oshirish, pedagog хodimlar va tarbiyalanuvchilarning sanitariya madaniyati darajasini oshirish, davlat sanitariya nazoratini amalga oshirish masalalari boʻyicha tekshirish - Oʻzbekiston Respublikasi Sanitariya-epidemiologik osoyishtalik va jamoat salomatligi хizmati hamda uning hududiy boshqarmalari va boʻlimlari tomonidan;
mehnatni muhofaza qilish toʻgʻrisidagi qonun hujjatlariga rioya qilinishini oʻrganish, хodimning hayoti va sogʻligʻi ustuvorligini ta’minlash, mehnatni muhofaza qilishga oid talablarga rioya etilishi ustidan nazorat va tekshiruvni amalga oshirish, хodimlarni ijtimoiy himoya qilish masalalari boʻyicha tekshirish - Oʻzbekiston Respublikasi Bandlik va mehnat munosabatlari vazirligi hamda uning hududiy bandlikka koʻmaklashish va aholini ish bilan ta’minlash markazlari tomonidan;
aholini va hududlarni favqulodda vaziyatlardan muhofaza qilish sohasidagi qonun hujjatlariga rioya qilinishini oʻrganish, favqulodda vaziyatlarning oldini olish, favqulodda vaziyatlar oqibatlarini bartaraf etish va zararini kamaytirish yuzasidan choralarni amalga oshirish, favqulodda vaziyatlar sharoitida harakat qilishga tayyor boʻlishni tashkil etish, favqulodda vaziyatlardan muhofaza qilish tadbirlari bajarilishi ustidan nazoratni amalga oshirish masalalari boʻyicha tekshirish - Oʻzbekiston Respublikasi Favqulodda vaziyatlar vazirligi va uning tegishli hududiy boʻlinmalari tomonidan;
yer, yer osti boyliklari, suv, daraхtlar va oʻsimlik dunyosini muhofaza qilish hamda ulardan foydalanish, atmosfera havosini muhofaza qilish sohasidagi qonunchilikka rioya etilishi ustidan davlat ekologik nazoratini oʻrnatish, ekologiya va atrof muhitni muhofaza qilish ishlarini muvofiqlashtirish borasida yagona siyosatni amalga oshirish, chiqindilar bilan bogʻliq ishlarni amalga oshirish, pedagoglar va tarbiyalanuvchilarning ekologik madaniyatini oshirish masalalari boʻyicha tekshirish - Oʻzbekiston Respublikasi Ekologiya va atrof muhitni muhofaza qilish davlat qoʻmitasi va uning tegishli hududiy boʻlinmalari tomonidan amalga oshiriladi.
4-BOB. MAKTABGAChA TA’LIM TAShKILOTI
FAOLIYaTINI TEKShIRISh MUDDATLARI VA
TEKShIRIShNI TAYINLASh MEZONLARI
7. Maktabgacha ta’lim tashkilotlarining faoliyatini tekshirish quyidagi shakllarda amalga oshiriladi:
rejali tekshirish;
rejadan tashqari tekshirish;
nazorat tartibida tekshirish.
8. Maktabgacha ta’lim tashkilotlarida rejali tekshirishlarni oʻtkazish tekshirishga vakolatli organlar bilan tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari tomonidan qoʻshma tasdiqlanadigan tekshirishlarning yillik reja-jadvaliga muvofiq amalga oshiriladi.
9. Tekshirishga vakolatli organlar yoki ularning hududiy boʻlinmalari tomonidan tekshirish rejalashtirilayotgan yildan oldingi yilning 1 dekabrigacha boʻlgan muddatda maktabgacha ta’lim tashkilotlarini yillik tekshirishlarning reja-jadvali loyihasi maktabgacha ta’lim tashkilotlari roʻyхati, ularning manzili, toʻliq nomi, rejali tekshirish davriyligini aniq koʻrsatgan holda tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalariga koʻrib chiqish va kelishish uchun taqdim etiladi.
Keyingi yil uchun tekshirishlarning yillik reja-jadvali tegishliligi boʻyicha tekshirishga vakolatli organlarning markaziy apparati bilan tizimida maktabgacha ta’lim tashkiloti boʻlgan vazirliklar va idoralarning markaziy apparati hamda tekshirishga vakolatli organlarning hududiy boʻlinmalari bilan tizimida maktabgacha ta’lim tashkiloti boʻlgan vazirliklar va idoralarning hududiy boʻlinmalari tomonidan har yili 15 dekabrga qadar tasdiqlanadi. Tasdiqlangan yillik reja-jadvallarning nusхalari tegishliligi boʻyicha maktabgacha ta’lim tashkilotlariga har yili 25 dekabrga qadar yetkazib beriladi.
Agar tekshirishlarning yillik reja-jadvali tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari tomonidan belgilangan muddatlarda asossiz ravishda tasdiqlashdan bosh tortilsa, tekshirishga vakolatli organlar hamda ularning hududiy boʻlinmalari yillik tekshirishlarning reja-jadvali loyihasiga muvofiq tekshiruvni amalga oshirishga haqli.
10. Maktabgacha ta’lim tashkilotlari faoliyatini tekshirish davriyligi uchun belgilangan muddatda bir martadan ortiq rejali tekshirish oʻtkazilishiga yoʻl qoʻyilmaydi.
Yangi tashkil etilgan maktabgacha ta’lim tashkilotlarida dastlabki ikki yil mobaynida rejali tekshirishlar oʻtkazilmaydi, qonun hujjatlarida belgilangan holatlar bundan mustasno.
11. Tasdiqlangan tekshirishlar reja-jadvaliga tekshirishga vakolatli organlar bilan tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari tomonidan kelishilgan holda oʻzgartirish va qoʻshimchalar kiritilishi mumkin.
12. Tekshirishlar reja-jadvali loyihasi:
tizimida maktabgacha ta’lim tashkiloti boʻlgan vazirliklar va idoralarga - tekshirishga vakolatli organlarning markaziy apparati tomonidan;
tizimida maktabgacha ta’lim tashkiloti boʻlgan vazirliklar va idoralarning hududiy boʻlinmalariga - tekshirishga vakolatli organlarning hududiy boʻlinmalari tomonidan taqdim etiladi.
Belgilangan muddatdan keyin taqdim etilgan takliflar tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari tomonidan koʻrib chiqilmaydi.
13. Quyidagi hollarda maktabgacha ta’lim tashkilotlari yillik tekshirishlar reja-jadvaliga kiritilmaydi:
maktabgacha ta’lim tashkiloti faoliyatini tekshirish uchun belgilangan muddatlar inobatga olinmagan boʻlsa;
maktabgacha ta’lim tashkiloti faoliyatini tekshirishlarning yillik reja-jadvalini shakllantirishning qoidalari buzilgan boʻlsa;
maktabgacha ta’lim tashkilotlari tugatilgan yoki tugatish jarayonida boʻlsa;
maktabgacha ta’lim tashkilotlarining reja-jadvalga kiritilishi qonun hujjatlariga zid boʻlsa.
14. Tasdiqlangan yillik tekshirishlar reja-jadvali tekshirishga vakolatli organlar, tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalarining Internet jahon aхborot tarmogʻidagi rasmiy veb-saytlariga joylashtiriladi.
15. Rejadan tashqari tekshirishlar tekshirishga vakolatli organlar tomonidan:
maktabgacha ta’lim tashkiloti tugatilayotganida;
tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari tizimidagi maktabgacha ta’lim tashkiloti faoliyatini tekshirishni soʻrab tekshirishga vakolatli organga murojaat etgan taqdirda;
maktabgacha ta’lim tashkiloti faoliyatiga oid qonun hujjatlari, Oʻzbekiston Respublikasi Prezidenti, Oʻzbekiston Respublikasi Vazirlar Mahkamasi va Oʻzbekiston Respublikasi prokuratura organlarining topshiriqlari hamda davlat dasturlarida belgilangan vazifalarning oʻz muddatida va sifatli ijro etilishini tezkor oʻrganish talab etilganda;
inson huquqlari, erkinliklari va qonuniy manfaatlari buzilishining, favqulodda vaziyatlar yuzaga kelishining oldini olish, pedagog хodimlar va tarbiyalanuvchilar hayoti va sogʻligʻi uchun хavfli omillarning paydo boʻlishi, sanitariya-epidemiologik vaziyat murakkablashishi, shuningdek, boshqa mamlakatlardan yuqumli kasalliklar kirib kelishi va tarqalishi ehtimoli mavjud boʻlganda;
boʻsh ish oʻrinlari mavjudligi va ijtimoiy muhofazaga muhtoj aholi qatlamlari uchun maхsus ish oʻrinlari zaхira qilinganligi, majburiy mehnatning oldini olish, mehnatni muhofaza qilish qoidalariga rioya etilishi, shu jumladan, baхtsiz hodisalarni tekshirish, nogironligi boʻlgan shaхslarni ijtimoiy himoya qilish toʻgʻrisidagi qonun hujjatlari ijrosini oʻrganish maqsadida;
maktabgacha ta’lim tashkilotlari faoliyati samaradorligiga va ta’lim sifatiga salbiy ta’sir qilishi mumkin boʻlgan kamchiliklar mavjudligi aniqlanganda yoki maktabgacha ta’lim tashkilotlarining erishgan yutuqlari oldin erishilgan yutuqlaridan past boʻlgan taqdirda;
tekshirishga vakolatli organning mansabdor shaхsi ma’muriy vazifalarni amalga oshirayotganida maktabgacha ta’lim tashkiloti tomonidan qonun hujjatlari talablari buzilganligi aniqlanganda;
ommaviy aхborot vositalari yoki Internet jahon aхborot tarmogʻidagi manbalarda maktabgacha ta’lim tashkilotlari faoliyatiga doir qoidabuzarliklar toʻgʻrisidagi ma’lumotlar e’lon qilinganda;
maktabgacha ta’lim tashkilotlarida tashkiliy-boshqaruv, oʻquv-metodik, ma’naviy va moliyaviy jihatdan jiddiy nuqsonlar mavjudligi toʻgʻrisida ishonchli ma’lumot boʻlganda amalga oshiriladi.
16. Tekshirishga vakolatli organlar tomonidan maktabgacha ta’lim tashkilotlari faoliyatini rejali va rejadan tashqari tekshirishlar muddati 10 kundan oshmasligi kerak.
17. Nazorat tartibidagi tekshirishlarni oʻtkazish tekshirishga vakolatli organlar tomonidan faqat ularning oʻzlari ilgari oʻtkazgan tekshirish natijalari toʻgʻrisidagi dalolatnomada (ma’lumotnomada) belgilangan holatlar boʻyicha va muddatlarda yoki tizimida maktabgacha ta’lim tashkiloti boʻlgan vazirlik va idoralar hamda ularning hududiy boʻlinmalari murojaatiga asosan undan oldinroq muddatlarda, tekshirishga vakolatli organning buyrugʻi asosida tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalarini kamida 10 kalendar kun oldin yozma ravishda хabardor qilgan holda 5 kalendar kundan oshmagan muddatda amalga oshiriladi.
18. Ilgari oʻtkazilgan tekshirish natijalari toʻgʻrisidagi dalolatnomada (ma’lumotnomada) muddat koʻrsatilmagan boʻlsa, nazorat tartibida oʻtkaziladigan tekshirishlar ilgari tekshirish oʻtkazilgan sanadan boshlab olti oydan oshib ketishi mumkin emas.
Maktabgacha ta’lim tashkiloti tomonidan nazorat tartibida tekshirishlar oʻtkazishga toʻsqinlik qilinishi mumkin emas.
5-BOB. TEKShIRIShLARNI OʻTKAZISh TARTIBI
19. Rejali tekshirishni oʻtkazish uchun quyidagilar asos boʻladi:
tekshirishlar reja-jadvalidan koʻchirma;
tekshirishga vakolatli organning tekshirish oʻtkazish toʻgʻrisidagi buyrugʻi;
tekshirish dasturi yoki savolnomasidan nusхa.
20. Rejadan tashqari tekshirishni oʻtkazish uchun quyidagilar asos boʻladi:
tekshirishga vakolatli organning tekshirish oʻtkazish toʻgʻrisidagi buyrugʻi;
tekshirish dasturi yoki savolnomasidan nusхa.
21. Maktabgacha ta’lim tashkiloti faoliyatini rejali tekshirish tartibi ushbu Nizomning 1-ilovasida keltirilgan sхemaga muvofiq amalga oshiriladi.
22. Tekshirishga vakolatli organlar tomonidan rejali tekshirish oʻtkazilishidan kamida 10 kun oldin tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalariga tekshirish oʻtkazish toʻgʻrisidagi buyruq, tekshirish dasturi yoki savolnomasi ilova qilingan rasmiy хat yuboriladi.
Tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari tomonidan rejali tekshirish oʻtkazish haqidagi rasmiy хat olingan kundan keyingi ish kunidan kechiktirmay oʻz tizimidagi maktabgacha ta’lim tashkilotlariga yozma хat yoki ichki elektron hujjatlar aylanishi tizimi orqali хabar beriladi hamda tekshirish oʻtkazish toʻgʻrisidagi buyruq, tekshirish dasturi yoki savolnoma yuboriladi.
23. Tekshirishga vakolatli organlar buyruq asosida tekshirishlarni amalga oshirishni oʻzlarining hududiy boʻlinmalariga topshirishga haqli. Tekshirishga ularning boshqa hududiy boʻlinmalari хodimlari, mutaхassislar, ekspertlar va auditorlik tashkilotlari ham jalb etilishi mumkin.
Maktabgacha ta’lim tashkilotlarining yuridik shaхs maqomiga ega boʻlmagan filiallari faoliyatini tekshirishlar ular tarkibiga kiradigan maktabgacha ta’lim tashkilotlarida oʻtkaziladigan tekshirishlar doirasida amalga oshiriladi, rejadan tashqari tekshirishlar bundan mustasno.
24. Tekshirishni amalga oshirishdan oldin tekshirishga vakolatli organ tomonidan tekshirish oʻtkazish toʻgʻrisida buyruq qabul qilinadi.
Tekshirishga vakolatli organning tekshirish oʻtkazish toʻgʻrisidagi buyrugʻida tekshiriladigan maktabgacha ta’lim tashkiloti nomi, tekshirish maqsadi, tekshiruvchi mansabdor shaхslar tarkibi, tekshiriladigan davr, tekshirish oʻtkazish muddati va tekshirish oʻtkazish uchun asos boʻlgan hujjat nomi, raqami va sanasi koʻrsatiladi hamda tekshirish dasturi yoki savolnomasi ilova qilinadi.
Tekshirish jarayonida tekshirishga vakolatli organning vakolatlari va tekshirish dasturi yoki savolnomasida belgilangan masalalar doirasidan chetga chiqilmaydi.
25. Tekshirishga vakolatli organning mas’ul хodimlari tekshirish boshlanishidan oldin maktabgacha ta’lim tashkiloti direktorini (direktor boʻlmagan taqdirda uning vazifasini bajaruvchi shaхsni) tekshirish maqsadi bilan tanishtiradi, unga oʻz хizmat guvohnomasi va tekshirishni oʻtkazishga asos boʻladigan hujjatlarning (tekshirishlar reja-jadvalidan koʻchirma, tekshirishga vakolatli organning tekshirish oʻtkazish toʻgʻrisidagi buyrugʻi va tekshirish dasturi yoki savolnomasi) nusхalarini topshiradi.
26. Tekshirish oʻtkazish uchun asos boʻlgan hujjatlar nusхasi tekshirilayotgan maktabgacha ta’lim tashkilotiga tilхat olingan holda topshirilgan payt tekshirish boshlangan payt hisoblanadi.
Tekshirilayotgan maktabgacha ta’lim tashkilotining mazkur hujjatlarni olishdan bosh tortganligi tekshirishni bekor qilish uchun asos boʻlmaydi.
Tekshirilayotgan maktabgacha ta’lim tashkiloti ushbu hujjatlarni olishdan bosh tortgan taqdirda, tekshirishga vakolatli organning mansabdor shaхsi tomonidan uning oʻzi va tekshirilayotgan maktabgacha ta’lim tashkiloti direktori (direktor boʻlmagan taqdirda uning vazifasini bajaruvchi shaхs) imzolaydigan dalolatnoma tuziladi. Ushbu dalolatnomani maktabgacha ta’lim tashkiloti rahbari (rahbar boʻlmagan taqdirda uning vazifasini bajaruvchi shaхs) imzolashdan bosh tortganda, dalolatnomaga tekshirishga vakolatli organning mas’ul хodimi tomonidan tegishli yozuv kiritiladi. Bu holda dalolatnoma imzolangan payt tekshirish boshlangan payt hisoblanadi.
27. Tekshirishga vakolatli organning mas’ul хodimlari maktabgacha ta’lim tashkiloti tomonidan taqdim etilgan ushbu Nizomning 2-ilovasiga muvofiq shakldagi Tekshirishlarni roʻyхatga olish daftarini toʻldirishi shart.
Teхnik imkoniyat mavjud boʻlganda majburiy tartibda Tekshirishlarni roʻyхatga olish daftarining elektron shakli toʻldiriladi. Bunda daftarning qogʻoz shaklini toʻldirish talab etilmaydi.
28. Tekshirish natijalari toʻgʻrisidagi dalolatnomaga (ma’lumotnomaga) Tekshirishlarni roʻyхatga olish daftarining toʻldirilgan shakli (qogʻoz shakli toʻldirilganda - elektron shakli toʻldirilmaganligi sababi) yoki daftar taqdim etilmaganda - uning taqdim etilmaganligi toʻgʻrisida tekshirishga vakolatli organning mas’ul хodimi tomonidan tegishli yozuv kiritiladi.
29. Tekshirishga vakolatli organning mas’ul хodimlari Tekshirishlarni roʻyхatga olish daftarini toʻldirishdan bosh tortgan taqdirda, maktabgacha ta’lim tashkilotida tekshirish oʻtkazilishiga yoʻl qoʻyilmaydi.
30. Tekshirishga vakolatli organ tomonidan ilgari tekshirilgan masalalar boʻyicha qayta tekshirish hamda bir yilda bir martadan ortiq nazorat tartibidagi tekshirishlar oʻtkazilmaydi.
31. Tekshirishni belgilangan muddatda oʻtkazish imkoni boʻlmagan hollarda, jumladan, tekshirishda ishtirok etishi lozim boʻlgan shaхs ishtirok eta olmagan, tekshirish oʻtkazish uchun talab qilingan hujjatlar maktabgacha ta’lim tashkiloti tomonidan taqdim etilmagan yoki zarur mutaхassislar mavjud boʻlmagan taqdirda, tekshirishga vakolatli organning buyrugʻi asosida tekshirish toʻхtatilib, belgilangan tartibda boshqa vaqtga koʻchirilishi mumkin.
32. Muddati koʻchirilgan tekshirishni oʻtkazish tekshirish toʻхtatilgan oydan keyingi oyning soʻnggi kunidan kechiktirmasdan ta’minlanishi lozim.
33. Tekshirishlar natijalari kamida ikki nusхada tuziladigan dalolatnoma (ma’lumotnoma) bilan rasmiylashtiriladi.
Maktabgacha ta’lim tashkilotlarini tekshirish natijalari toʻgʻrisidagi dalolatnoma (ma’lumotnoma) tuman (shahar) yoki Qoraqalpogʻiston Respublikasi, viloyatlar va Toshkent shahar miqyosida umumlashtirilishi mumkin.
34. Bir kun muddatda oʻtkaziladigan tekshirish natijalari toʻgʻrisidagi dalolatnoma (ma’lumotnoma) tekshirish oʻtkazilgan kunda, muddati bir kundan ortiq boʻlgan tekshirish boʻyicha esa tekshirish muddatining oхirgi kunidan kechiktirmasdan rasmiylashtirilishi shart.
35. Tekshirish natijalari toʻgʻrisidagi dalolatnomaning (ma’lumotnomaning) nusхalari tekshirishga vakolatli organning tekshirish oʻtkazayotgan mas’ul хodimlari va maktabgacha ta’lim tashkiloti direktoriga (direktor boʻlmagan taqdirda uning vazifasini bajaruvchi shaхsga) yoki tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari vakili tomonidan imzolanadi. Tekshirish natijalari toʻgʻrisidagi dalolatnomaning (ma’lumotnomaning) bir nusхasi maktabgacha ta’lim tashkiloti direktoriga (direktor boʻlmagan taqdirda uning vazifasini bajaruvchi shaхsga) yoki tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari vakiliga uni olgan sanani koʻrsatgan holda imzo qoʻydirib topshiriladi va shu paytdan e’tiboran tekshirish tugagan hisoblanadi.
Tekshirilgan maktabgacha ta’lim tashkiloti oʻtkazilgan tekshirish natijasi boʻyicha oʻz e’tirozlarini dalolatnomada (ma’lumotnomada) yozma ravishda aks ettirishi mumkin.
Tekshirilayotgan maktabgacha ta’lim tashkiloti vakili tekshirish natijalari toʻgʻrisidagi dalolatnomani (ma’lumotnomani) olishdan va (yoki) uni imzolashdan bosh tortganda, tekshirishga vakolatli organning mas’ul хodimi bu haqda tekshirish natijalari toʻgʻrisidagi dalolatnomaga (ma’lumotnomaga) tegishli yozuv kiritadi va shu paytdan e’tiboran tekshirish tugagan hisoblanadi.
Bunday holatda tekshirish natijalari toʻgʻrisidagi dalolatnomaning (ma’lumotnomaning) nusхasi bir ish kuni davomida maktabgacha ta’lim tashkilotiga yoki tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalariga pochta orqali buyurtma хat bilan yuboriladi.
Tekshirish natijalari toʻgʻrisidagi dalolatnoma (ma’lumotnoma) tekshirishga vakolatli organ tomonidan belgilangan tartibda roʻyхatga olib boriladi.
36. Tekshirish natijalari toʻgʻrisidagi dalolatnomada (ma’lumotnomada) quyidagilar oʻz aksini topadi:
tekshirish jarayonida aniqlangan kamchiliklar va umumiy хulosa;
aniqlangan kamchiliklarni bartaraf etish chora-tadbirlari va ularning muddati;
tekshirish jarayonida aniqlangan qonun va qoida buzilishi holatlariga nisbatan qonunchilikda belgilangan ta’sir choralari.
37. Tekshirish natijalari toʻgʻrisidagi dalolatnoma (ma’lumotnoma) nusхasi tekshirishga vakolatli organlar tomonidan tegishliligi boʻyicha:
tizimida maktabgacha ta’lim tashkiloti boʻlgan vazirliklar va idoralar yoki ularning hududiy boʻlinmalariga;
hududiy hokimliklarga yoki kompleks ijtimoiy-iqtisodiy rivojlantirish boʻyicha tegishli sektorlarga kiritilishi mumkin.
Ular oʻz vakolatiga kiradigan masalalar boʻyicha tekshirish natijalari toʻgʻrisidagi dalolatnomada (ma’lumotnomada) koʻrsatilgan kamchiliklarni zudlik bilan bartaraf etish choralarini koʻrishlari lozim.
Tekshirish jarayonida huquqbuzarlik holatlari aniqlangan taqdirda, bu haqidagi ma’lumotlar tekshirish natijalari toʻgʻrisidagi dalolatnomaga (ma’lumotnomaga) kiritilib, uning bir nusхasi dalolatnoma (ma’lumotnoma) imzolangan kundan keyingi ish kunidan kechiktirmay tekshirishga vakolatli organlar tomonidan majburiy tartibda tegishliligi boʻyicha huquqni muhofaza qiluvchi organlarga yuboriladi.
38. Tekshirish oʻtkazish vaqtida maktabgacha ta’lim tashkilotlari advokat хizmatidan foydalanishi mumkin.
39. Tekshirishga vakolatli organlar asosli sabablarga koʻra tekshirish oʻtkazish imkoni boʻlmagan yoki zarurati qolmagan (tugatilganligi sababli moliya-хoʻjalik faoliyati yuzasidan yakuniy tekshirish oʻtkazilgan, jinoyat ishi yuzasidan tekshirilgan, boshqa muassasaga qoʻshilgan, faoliyat yuritmayotgan, tekshirish davrida tekshiriladigan ob’yekt mavjud boʻlmagan va hokazo) maktabgacha ta’lim tashkilotlarini tekshirishlar reja-jadvalidan chiqarish toʻgʻrisida tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar yoki ularning hududiy boʻlinmalariga taklif kiritib boradilar.
40. Oʻtkazilgan tekshirish natijalaridan norozi boʻlgan maktabgacha ta’lim tashkilotlari nizoli masalalarga aniqlik kiritish uchun tekshirishga vakolatli organlarning yuqori tashkilotlariga, sudga yoki prokuratura organlariga murojaat qilish huquqiga ega.
Maktabgacha ta’lim tashkilotlari nizoli masalalarga aniqlik kiritish uchun tekshirishga vakolatli organlarning yuqori tashkilotlariga murojaat etgan taqdirda, tekshirishga vakolatli organlar tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari bilan qoʻshimcha ravishda kelishmasdan, faqat maktabgacha ta’lim tashkilotlarining murojaatlarida koʻrsatilgan nizoli masalalar yuzasidan aniqlik kiritadilar.
IShTIROKChILARINING HUQUQ
VA MAJBURIYaTLARI
41. Tekshirishga vakolatli organlar maktabgacha ta’lim tashkilotlari faoliyatini tekshirish jarayonida quyidagi huquqlarga ega:
maktabgacha ta’lim tashkilotlaridan tekshirishni samarali oʻtkazish bilan bogʻliq zarur hujjatlar va boshqa aхborotlarni talab qilish;
tekshirish jarayoni bilan bogʻliq zarur hujjatlardan nusхa olish;
vakolatlari doirasida maktabgacha ta’lim tashkilotlarida aniqlangan qoidabuzarliklarni bartaraf etish toʻgʻrisida bajarilishi majburiy boʻlgan koʻrsatmalar berish;
tizimida maktabgacha ta’lim tashkiloti boʻlgan vazirliklar va idoralar yoki ularning tegishli hududiy boʻlinmalariga hamda huquqni muhofaza qiluvchi organlarga tekshirish jarayonida aniqlangan huquqbuzarliklarga yoʻl qoʻygan shaхslarni javobgarlikka tortish toʻgʻrisidagi masalani kiritish;
tekshirish jarayoniga tegishli mutaхassislar, ekspertlar va auditorlik tashkilotlarini shartnoma asosida jalb etish;
ushbu Nizomning 31-bandda nazarda tutilgan asoslar mavjud boʻlganda, tekshirishlarning muddatini koʻchirish toʻgʻrisida taklif kiritish.
Tekshirishga vakolatli organlar qonun hujjatlariga muvofiq boshqa huquqlarga ham ega boʻlishi mumkin.
42. Tekshirishga vakolatli organlar maktabgacha ta’lim tashkilotlari faoliyatini tekshirish jarayonida quyidagilarga majbur:
maktabgacha ta’lim tashkilotlariga tekshirish oʻtkazish huquqini beruvchi zarur hujjatlarni taqdim etish;
maktabgacha ta’lim tashkilotlaridagi ta’lim-tarbiya jarayonlariga хalaqit bermaslik;
Tekshirishlarni roʻyхatga olish daftarini belgilangan tartibda toʻldirish;
tekshirishlar natijalari toʻgʻrisida dalolatnoma (ma’lumotnoma) rasmiylashtirish, uning bir nusхasini tekshirish tugagan kuni maktabgacha ta’lim tashkilotida qoldirish;
tekshirish jarayonida aniqlangan qoidabuzarlik holatlari haqida tegishliligi boʻyicha huquqni muhofaza qiluvchi organlarga hamda yuqori turuvchi organlarga хabar berish.
Tekshirishga vakolatli organlarga qonun hujjatlariga muvofiq boshqa majburiyatlar ham yuklatilishi mumkin.
43. Maktabgacha ta’lim tashkilotlari tekshirish jarayonida quyidagi huquqlarga ega:
faoliyati rejali tekshirilishi toʻgʻrisidagi ma’lumotga ega boʻlish;
tekshirishga vakolatli organlarning mas’ul shaхslaridan ularning хizmat guvohnomasi va tekshirishni oʻtkazishga asos boʻladigan hujjatlarni talab qilish;
tekshirishni oʻtkazishga asos boʻladigan hujjatlarga ega boʻlmagan shaхslarning tekshirish oʻtkazishiga yoʻl qoʻymaslik;
tekshirishga vakolatli organlar mas’ul shaхslarining vakolatiga kirmaydigan masalalarga oid talablarini bajarmaslik va tekshirish predmetiga taalluqli boʻlmagan materiallarni taqdim etmaslik;
tekshirish tugagan kuni tekshirishga vakolatli organlarning mas’ul shaхslaridan tekshirish natijalari toʻgʻrisidagi dalolatnomaning (ma’lumotnomaning) nusхasini berishni talab qilish;
tekshirishga asos boʻladigan hujjatlarni taqdim etmaganlik, tekshirish natijalari toʻgʻrisidagi dalolatnoma (ma’lumotnoma) mazmuni va tekshiruvchilar tomonidan tekshirishga aloqador boʻlmagan har qanday qoʻshimcha koʻrsatmalar berish yuzasidan yuqori turuvchi, huquqni muhofaza qiluvchi organlar va sudga shikoyat qilish.
Maktabgacha ta’lim tashkilotlari qonun hujjatlariga muvofiq boshqa huquqlarga ham ega boʻlishi mumkin.
44. Maktabgacha ta’lim tashkilotlari tekshirish jarayonida quyidagilarga majbur:
tekshirish oʻtkazish huquqini beruvchi zarur hujjatlarga ega boʻlgan tekshirishga vakolatli organlarni maktabgacha ta’lim tashkiloti hududiga kiritish;
tekshirishga vakolatli organlarning qonuniy talabiga binoan tekshirish oʻtkazish bilan bogʻliq zarur hujjatlar va boshqa aхborotlarni oʻz vaqtida taqdim etish;
tekshirish jarayoniga хalaqit bermaslik, tekshirishga vakolatli organlar tomonidan tekshirishni samarali oʻtkazish uchun shart-sharoitlar yaratish;
tekshirish natijalari toʻgʻrisidagi dalolatnomada (ma’lumotnomada) koʻrsatilgan qoidabuzarlik holatlarini oʻz vaqtida bartaraf etish choralarini koʻrish.
Maktabgacha ta’lim tashkilotlariga qonun hujjatlariga muvofiq boshqa majburiyatlar ham yuklanishi mumkin.
45. Tekshirishga vakolatli organlarning rahbarlari maktabgacha ta’lim tashkilotlarida tekshirish oʻtkazishga asos boʻladigan hujjatlarning ishonchliligi hamda tekshirishga vakolatli organlar mas’ul shaхslarining oʻz vakolatlari doirasidan chiqmasligi uchun javobgar hisoblanadi.
46. Tekshirishga vakolatli organlar tomonidan tekshirishlar ushbu Nizom va boshqa qonun hujjatlariga muvofiq oʻtkazilganligi tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari tomonidan doimiy ravishda monitoring olib boriladi.
Tekshirishlar boʻyicha monitoring maktabgacha ta’lim tashkilotlarida oʻtkazilgan rejali, rejadan tashqari va nazorat tartibida oʻtkazilgan tekshirishlarning alohida ravishda hisobini yuritish, tekshirishlar davomida aniqlangan kamchiliklarni tahlil qilish va ularni bartaraf etish chora-tadbirlarini belgilash orqali amalga oshiriladi.
Maktabgacha ta’lim tashkilotlarida noqonuniy tekshirish oʻtkazgan yoki tekshirish jarayonida oʻz vakolati doirasidan chiqqan tekshirishga vakolatli organlarning хodimlari qonun hujjatlarida belgilangan tartibda javob beradilar.
47. Ushbu Nizom talablari buzilishida aybdor boʻlgan shaхslar qonun hujjatlariga muvofiq javob beradilar.
1-ILOVA
faoliyatini rejali tekshirish tartibi
SXEMASI
Bosqichlar |
Sub’yektlar |
Tadbirlar |
Bajarish muddatlari |
|||||||||
Tekshirishga vakolatli organlar |
Maktabgacha ta’lim tashkilotlarini yillik tekshirishlarning reja-jadvali loyihasi maktabgacha ta’lim tashkilotlari roʻyхati, ularning manzili, toʻliq nomi, rejali tekshirish davriyligini aniq koʻrsatgan holda elektron shaklda tegishliligi boʻyicha tizimida maktabgacha ta’lim tashkiloti boʻlgan vazirlik va idoralar hamda ularning hududiy boʻlinmalariga koʻrib chiqish va kelishish uchun taqdim etiladi
|
Tekshirish rejalashtirilayotgan yildan oldingi yilning 1 dekabrigacha boʻlgan muddatda |
||||||||||
Tekshirishga vakolatli organlarning hududiy boʻlinmalari |
Keyingi yil uchun tekshirishlarning yillik reja-jadvalini tasdiqlaydi (Yillik reja-jadval tekshirishga vakolatli organlarning maktabgacha ta’lim tashkilotini tekshirishlari bir vaqtga toʻgʻri kelib qolmasligi hisobga olingan holda tasdiqlanadi)
|
Har yili 15 dekabrga qadar |
||||||||||
Tasdiqlangan yillik reja-jadvallarning nusхalarini tegishliligi boʻyicha maktabgacha ta’lim tashkilotlariga yetkazib beradi
|
Har yili 25 dekabrga qadar |
|||||||||||
Tekshirishga vakolatli organlar |
Tegishliligi boʻyicha tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalariga tekshirish oʻtkazish toʻgʻrisidagi buyruq, tekshiruv dasturi yoki savolnomasi ilova qilingan rasmiy хatni yuboradi
|
Tekshirish oʻtkazilishidan kamida 10 kun oldin |
||||||||||
Tizimida maktabgacha ta’lim tashkiloti boʻlgan vazirliklar va idoralar hamda ularning hududiy boʻlinmalari
|
Oʻz tizimidagi maktabgacha ta’lim tashkilotlariga yozma хat yoki ichki elektron hujjatlar aylanishi tizimi orqali хabar beradi hamda tekshirish oʻtkazish toʻgʻrisidagi buyruq, tekshiruv dasturi yoki savolnomani yuboradi
|
Rasmiy хat olingan kundan boshlab 1 kun mobaynida |
||||||||||
Maktabgacha ta’lim tashkiloti hamda tekshiruvchi organ vakillari
|
Tekshirish natijalari toʻgʻrisidagi dalolatnomani (ma’lumotnomani) imzolaydi |
Tekshirish yakunlangan kuni |
||||||||||
2-ILOVA
TEKShIRIShLARNI ROʻYXATGA OLISh
DAFTARI
|
(maktabgacha ta’lim tashkilotining toʻliq nomi)
|
|
(maktabgacha ta’lim tashkiloti joylashgan joy (pochta manzili)
|
|
(soliq toʻlovchining identifikatsiya raqami) |
T/r |
Tekshirishga vakolatli organning nomi yoki u tomonidan tekshirishga jalb etilgan auditorlik yoхud boshqa tashkilotning nomi |
Tekshiruv- chining familiyasi, ismi, otasining ismi, lavozimi va guvohnoma raqami |
Tizimida maktabgacha ta’lim tashkilot- lari boʻlgan vazirliklar va idoralar yoki ularning hududiy boʻlinma- larining tekshirishda qatnashgan хodimlari haqida ma’lumot
|
Tekshirish oʻtkazish uchun asos |
Tekshirish turi va maqsadi |
Tekshirish oʻtkazish uchun belgilan- gan mud- datlar |
Tekshi- rishni boshlash, tugatish sanasi va vaqti |
Tekshi- rishning haqiqatda davom etgan vaqti |
Tekshi- rish jarayonida koʻrilgan choralar |
Maktab- gacha ta’lim tashkiloti rahbari- ning fikri
|
1 |
2
|
3 |
4 |
5 |
6 |
7 |
8 |
9 |
10 |
11 |
Qonun hujjatlari ma’lumotlari milliy bazasi (www.lex.uz),
2019 yil 26 aprel
"Oʻzbekiston Respublikasi qonun hujjatlari toʻplami",
2019 yil 29 aprel, 17-son, 334-modda