OʻZBEKISTON RESPUBLIKASI

VAZIRLAR MAHKAMASINING

QARORI

04.06.2019 y.

N 460

YOʻL HAPAKATI XAVFSIZLIGINI

TA’MINLASh BOʻYIChA QOʻShIMChA

ChORA-TADBIRLAR TOʻGʻRISIDA

Yoʻl harakati barcha ishtirokchilarining хavfsiz harakatlanishi uchun zarur sharoitlar yaratish maqsadida Vazirlar Mahkamasi QAROR QILADI:

3. 2020 yil 1 yanvardan shunday tartib joriy etilsinki, unga muvofiq:

mamlakatda ishlab chiqariladigan barcha avtomototransport vositalari ichki bozorga ishlab chiqaruvchi tomonidan avtomatik yonib turuvchi kunduzgi signal chiroqlari bilan jihozlangan holda chiqariladi;

respublikaga chet eldan import qilinadigan avtomototransport vositalarida kunduzgi signal chiroqlarining mavjudligi sertifikatsiyadan oʻtkazish uchun majburiy teхnik talab sifatida belgilanadi.

4. Oʻzbekiston Respublikasi Transport vazirligi "Oʻzstandart" agentligi, "Oʻzavtosanoat" aksiyadorlik jamiyati bilan birgalikda ikki oy muddatda Muomalaga chiqarilayotgan gildirakli transport vositalarining хavfsizligi toʻgʻrisidagi umumiy teхnik reglamentni mazkur qaror talablaridan kelib chiqib takomillashtirish boʻyicha Vazirlar Mahkamasiga takliflar kiritsin.

6. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari - transport vaziri A.J. Ramatov va Oʻzbekiston Respublikasi ichki ishlar vaziri P.R. Bobojonov zimmasiga yuklansin.

Oʻzbekiston Respublikasining Bosh vaziri                              A. Aripov

Qonun hujjatlari ma’lumotlari milliy bazasi (www.lex.uz),

2019 yil 7 iyun

"Oʻzbekiston Respublikasi qonun hujjatlari toʻplami",

2019 yil 10 iyun, 23-son, 433-modda