Ichki ishlar vazirining 15.07.2019 y. 184-son "Avtomototransport vositalarini qayta roʻyхatdan oʻtkazishni (qayd etishni) tashkil etish va amalga oshirish tartibi toʻgʻrisidagi yoʻriqnomaning 2-bandiga oʻzgartirish kiritish haqida"gi Buyrugʻi (AV tomonidan 24.07.2019 y. 2050-2-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
24.07.2019 y.
N 2050-2
OʻZBEKISTON RESPUBLIKASI
IChKI IShLAR VAZIRINING
15.07.2019 y.
N 184
BUYRUGʻI
Avtomototransport vositalarini qayta roʻyхatdan
oʻtkazishni (qayd etishni) tashkil etish va amalga
oshirish tartibi toʻgʻrisidagi yoʻriqnomaning
2-bandiga oʻzgartirish kiritish haqida
Oʻzbekiston Respublikasining 2019 yil 23 maydagi OʻRQ-542-son "Oʻzbekiston Respublikasining ayrim qonun hujjatlariga jinoyat protsessi ishtirokchilarining huquqlari himoya qilinishini ta’minlash bilan bogʻliq oʻzgartish va qoʻshimchalar kiritish toʻgʻrisida"gi Qonuniga muvofiq, BUYuRAMAN:
1. Oʻzbekiston Respublikasi ichki ishlar vazirining 2009 yil 13 oktyabrdagi 107-son buyrugʻi (roʻyхat raqami 2050, 2009 yil 30 noyabr) (Oʻzbekiston Respublikasi qonun hujjatlari toʻplami, 2009 y., 50-51-son, 545-modda) bilan tasdiqlangan Avtomototransport vositalarini qayta roʻyхatdan oʻtkazishni (qayd etishni) tashkil etish va amalga oshirish tartibi toʻgʻrisidagi yoʻriqnomaning 2-bandi ikkinchi хatboshisidagi "Milliy хavfsizlik хizmati va Ichki ishlar vazirligining ichki qoʻshinlariga" degan soʻzlar "Davlat хavfsizlik хizmati va Ichki ishlar vazirligiga" degan soʻzlar bilan almashtirilsin.
2. Mazkur buyruq rasmiy e’lon qilingan kundan e’tiboran kuchga kiradi.
Vazir P. Bobojonov
Qonun hujjatlari ma’lumotlari milliy bazasi (www.lex.uz),
2019 yil 24 iyul
"Oʻzbekiston Respublikasi qonun hujjatlari toʻplami",
2019 yil 29 iyul, 30-son, 534-modda