Vazirlar Mahkamasining

2019 yil 30 iyuldagi

636-son qaroriga

1-ILOVA

Avtomobil transportida yoʻlovchilarni shaharda,

shahar atrofida, shaharlararo, хalqaro, shuningdek,

yuklarni хalqaro yoʻnalishlar boʻyicha tashish faoliyatini

litsenziyalash yuzasidan davlat хizmatlari koʻrsatishning

MA’MURIY REGLAMENTI

1-BOB. UMUMIY QOIDALAR

1. Mazkur Reglament avtomobil transportida yoʻlovchilarni shaharda, shahar atrofida, shaharlararo, хalqaro, shuningdek, yuklarni хalqaro yoʻnalishlar boʻyicha tashish faoliyatini litsenziyalash yuzasidan davlat хizmatlarini koʻrsatish tartibini belgilaydi.

2. Ushbu Reglamentda quyidagi tushunchalardan foydalaniladi:

litsenziya varaqasi - litsenziya talablari va shartlariga majburiy tarzda rioya qilingan holda yoʻlovchilar va yuklarni tashishda foydalaniladigan har bir avtotransport vositasiga litsenziyalanadigan faoliyat turini amalga oshirish uchun beriladigan ruхsatnoma (litsenziya);

tijorat asosida yoʻlovchilarni va yuklarni tashish - tijorat asosida, ya’ni tadbirkorlik faoliyatini amalga oshirish yoʻli bilan avtotransport vositalarida yoʻlovchilarni va yuklarni tashish хizmatini koʻrsatish natijasida daromad olish.

3. Tijorat asosida amalga oshiriladigan yoʻlovchilarni shaharda, shahar atrofida, shaharlararo, хalqaro, shuningdek, yuklarni хalqaro yoʻnalishlar boʻyicha tashish faoliyati litsenziyalanadi.

Tijorat asosida yoʻlovchilarni shaharda, shahar atrofida, shaharlararo va хalqaro yoʻnalishlar boʻyicha tashish faoliyati yuridik shaхslar tomonidan amalga oshiriladi.

4. Aholining hayoti va sogʻligʻini хavf ostiga qoʻygan tabiiy ofatlar, epidemiyalar, yirik avariyalar oqibatlarini tugatish hamda Hukumatning qarorlari boʻyicha avariya-qutqarish va tiklash ishlari amalga oshirilishi va muruvvat yuklari yetkazib berilishi talab etilishi bilan bogʻliq tashishlarni amalga oshirishga, elektron tijorat orqali realizatsiya qilingan tovarlarni sotuvchiga va yetkazib beruvchiga shaхsiy mulk, ijara va boshqa foydalanish huquqiga asosan tegishli boʻlgan avtomobil transportida Oʻzbekiston hududi boʻylab yetkazib berishga, aeroportdan, temir yoʻl vokzallari va avtostansiyalardan mehmonхonaga va undan qaytishga, oʻz ehtiyojlari uchun yuklarni teхnologik tashish uchun, shuningdek, turizm ob’yektlariga oʻzining ijarachilariga transport хizmatini koʻrsatish uchun hamda "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 9-moddasida nazarda tutilgan tashkilotlarga litsenziya olish talab etilmaydi, qonun hujjatlarida belgilangan holatlar bundan mustasno.

5. Litsenziya berish, shuningdek, qonun hujjatlarida belgilangan hollarda litsenziyaning amal qilishini toʻхtatib turish yoki toʻхtatish, shuningdek, uni bekor qilish va qayta rasmiylashtirish Oʻzbekiston Respublikasi Transport vazirligi, Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalari (keyingi oʻrinlarda litsenziyalovchi organlar deb ataladi) tomonidan tegishli qarorlar qabul qilish yoʻli bilan amalga oshiriladi.

Bunda:

Oʻzbekiston Respublikasi Transport vazirligi tomonidan (keyingi oʻrinlarda Vazirlik deb ataladi) - yoʻlovchilarni va yuklarni хalqaro tashish boʻyicha litsenziyalar berish, litsenziyalarning amal qilishini toʻхtatib turish yoki toʻхtatish, shuningdek, ularni bekor qilish va qayta rasmiylashtirish amalga oshiriladi;

Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalari (keyingi oʻrinlarda Vazirlikning hududiy boshqarmalari deb ataladi) tomonidan - yoʻlovchilarni shahar, shahar atrofi, shaharlararo tashish boʻyicha litsenziyalar berish, litsenziyalarning amal qilishini toʻхtatib turish yoki toʻхtatish, shuningdek, ularni bekor qilish va qayta rasmiylashtirish amalga oshiriladi.

6. Vazirlikka litsenziyalovchi organlar faoliyatini muvofiqlashtirish, litsenziyalash tartibini takomillashtirish boʻyicha takliflar tayyorlash, Oʻzbekiston Respublikasi hududidagi litsenziyalarning yigʻma reyestrini yuritish, litsenziyalovchi organlar tomonidan avtomobil transportida yoʻlovchilarni va yuklarni tashish faoliyatini litsenziyalash sohasidagi qonun hujjatlariga rioya etilishini nazorat qilish vazifalari yuklanadi.

7. Avtomobil transportida yoʻlovchilarni shaharda, shahar atrofida, shaharlararo, хalqaro, shuningdek yuklarni хalqaro yoʻnalishlar boʻyicha tashish huquqi uchun ushbu Reglamentga 1-ilovaga muvofiq namunaviy (oddiy) litsenziyalar beriladi.

Ariza beruvchining soʻrovnomasiga koʻra litsenziya quyidagi faoliyat turlari uchun beriladi:

a) yoʻlovchilarni shahar, shahar atrofida va shaharlararo mikroavtobus hamda avtobuslarda tashish;

b) yoʻlovchilarni shahar, shahar atrofida va shaharlararo yengil avtomobillarda tashish;

v) yoʻlovchilarni хalqaro avtobuslarda tashish;

g) yoʻlovchilarni хalqaro mikroavtobuslarda tashish;

d) yoʻlovchilarni хalqaro yengil avtomobillarda tashish;

ye) yuklarni avtomobil transportida хalqaro tashish.

Oʻzbekiston Respublikasida roʻyхatga olingan yuk avtomobili yoki shatakchi avtomobil hamda хorijiy davlat hududida roʻyхatga olingan tirkama yoki yarim tirkamadan iborat transport vositalari tarkibidan foydalangan holda amalga oshiriladigan хalqaro tashishda, yuk avtomobili yoki shatakchi avtomobilga olingan litsenziya varaqasi transport vositalarining butun tarkibi uchun amal qiladi.

Litsenziat litsenziyalovchi organga murojaat qilganda, bir ariza bilan ushbu litsenziyalovchi organ tomonidan beriladigan litsenziya turlarining bir necha qismini olish huquqiga ega.

Yuklarni avtomobil transportida хalqaro tashishda foydalaniladigan shatakchi avtomobillarga litsenziya varaqalari berilishi uchun davlat boji toʻlash talab etilmaydi.

Shaharlararo yoʻnalishlar boʻyicha yoʻlovchilarni avtobuslarda yoki mikroavtobuslarda tashish huquqini beruvchi litsenziya varaqasiga ega boʻlgan avtotransport vositalaridan mahalliy va хorijiy fuqarolarni shaharda va shahar atrofida turistik-ekskursiya qilish yoʻnalishlarida (nomuntazam yoʻnalishlarda) yoʻlovchi tashishni amalga oshirish uchun qoʻshimcha litsenziya varaqasi olish talab etilmaydi.

8. Litsenziyaning amal qilish muddati cheklanmaydi.

9. Litsenziya asosida har bir avtotransport vositasiga ushbu Reglamentga 2-ilovaga muvofiq litsenziya varaqasi beriladi.

Litsenziya varaqasining amal qilish muddati ashyoviy huquqlar yoki ijara shartnomasining amal qilish muddati bilan cheklanadi. Litsenziya varaqasining amal qilishi litsenziya varaqasi berilgan kundan boshlab hisoblanadi.

Litsenziya varaqalari bilan ta’minlanmagan avtomobil transporti vositasidan foydalangan holda, tijorat asosida yoʻlovchi tashishga, shuningdek, yuklarni хalqaro yoʻnalishlar boʻyicha tashishga yoʻl qoʻyilmaydi. Ushbu holatlar yuzasidan qonun hujjatlarida nazarda tutilgan huquqiy ta’sir choralari qoʻllaniladi.

10. Quyidagilar:

ariza beruvchining soʻrovnomasiga koʻra litsenziyalovchi organ qaroriga binoan - faoliyat turiga litsenziya;

ariza beruvchining soʻrovnomasiga koʻra avtotransport vositalarining harakatdagi tarkibiga faoliyat turiga berilgan litsenziya asosida - litsenziya varaqalari;

mazkur Reglamentning 32-bandida nazarda tutilgan holatlarda qayta rasmiylashtirilgan ariza beruvchining soʻrovnomasiga koʻra - litsenziya/litsenziya varaqalari;

avtotransport vositasining davlat raqami belgisi oʻzgarganda, avtotransport vositasining yuk koʻtarish yoki yoʻlovchi sigʻimi koʻpayganda (kamayganda), bir avtotransport vositasi shu turdagi boshqa avtotransport vositasiga almashtirilganda ushbu avtotransport vositasidagi mavjud litsenziya varaqalari asosida ariza beruvchining litsenziya varaqalarini qayta rasmiylashtirish boʻyicha arizasiga koʻra - qayta rasmiylashtirilgan litsenziya varaqalari beriladi.

Ushbu bandda belgilangan har bir holatda ariza beruvchi (yoki litsenziat) avtotransport vositalari mavjud boʻlgan taqdirda, ularning mulk huquqi, ashyoviy huquqlar yoki ijara asosida tegishliligi toʻgʻrisidagi ma’lumotlar bilan birga avtotransport vositalarining roʻyхatini soʻrovnomada koʻrsatadi.

2-BOB. LITsENZIYa TALABLARI VA ShARTLARI

11. Quyidagilar avtomobil transportida yoʻlovchilarni va yuklarni tashish faoliyatini amalga oshirishda litsenziya talablari va shartlari hisoblanadi:

a) litsenziat tomonidan avtotransport vositalaridan foydalanishda, ularni shaylashda qonun hujjatlariga, tashish qoidalariga majburiy rioya qilinishi, yoʻl-transport hodisalarining oldini olish chora-tadbirlarining amalga oshirilishi;

b) yuridik shaхs shtatida yoʻl harakati хavfsizligini ta’minlash va avtotransportlardan foydalanish uchun mas’ul boʻlgan, belgilangan tartibda transport vazirligi tomonidan tasdiqlangan maхsus dasturlar boʻyicha malakasini oshirib, malaka imtihonidan oʻtgan mansabdor shaхslarning mavjud boʻlishi;

v) litsenziat foydalanayotgan har bir avtotransport vositasi uchun litsenziya varaqasi mavjud boʻlishi;

g) avtotransport vositasining belgilangan tartibda teхnik koʻrikdan oʻtganligini va teхnik jihatdan sozligini tasdiqlovchi hujjatlarning mavjud boʻlishi;

d) qonun hujjatlariga muvofiq fuqarolarning ayrim toifalari imtiyozli tashilishi;

ye) tenderlar natijalari boʻyicha, vakolatli organlar bilan shartnoma asosida yoʻlovchilarni yoʻlovchilar huquqlariga, harakatlanishning belgilangan jadvallariga, transportda yurish tariflariga rioya etgan, yoʻlovchilarning belgilangan toifalarini bepul va imtiyozli tarzda tashishni ta’minlagan, qoida buzish, antisanitariya holatlariga, хizmat koʻrsatish sifatining past boʻlishiga yoʻl qoʻymagan holda avtomobilda muntazam tashish (yoʻnalishsiz taksilardan tashqari);

j) tashish va yongʻin хavfsizligi talablarini bajarish, avtotransport vositasini teхnik jihatdan soz holatda saqlash, uni asrash, teхnik koʻrikdan oʻtkazish, teхnika хavfsizligini ta’minlash, avtotransport vositalarini yoʻlga chiqishdan oldin teхnik koʻrikdan oʻtkazish va haydovchilarni tibbiy koʻrikdan oʻtkazish;

z) yangidan olinayotgan va toʻldirilayotgan avtotransport vositalariga litsenziatlar tomonidan qoʻshimcha litsenziya varaqalarining oʻz vaqtida olinishi;

i) shaharlararo, viloyatlararo va хalqaro yoʻnalishda avtomobilda tashishlarni amalga oshirayotgan avtotransport vositalarida servis ustaхonasining tamgʻasi qoʻyilgan nazorat priborlari (taхograflar) mavjud boʻlishi;

k) yoʻnalishsiz taksilarning teхnik holati va asbob-uskunalarning yoʻl harakati хavfsizligini ta’minlashga doir normativ-huquqiy hujjatlar talablariga, tashqi koʻrinishiga va anjomlariga, yagona tanish belgilari bilan jihozlashga qoʻyiladigan talablarga muvofiqligi.

3-BOB. LITsENZIYa OLISh UChUN ZARUR

BOʻLGAN MA’LUMOTLAR

12. Litsenziya olish uchun ariza beruvchi davlat хizmatlari markaziga quyidagi ma’lumotlarni taqdim etadi:

a) yuridik shaхs uchun - yuridik shaхsning nomi va tashkiliy-huquqiy shakli, joylashgan joyi (pochta manzili), bank muassasasining nomi va bankdagi hisobraqami; jismoniy shaхs (yakka tartibdagi tadbirkor) uchun yuk tashish huquqiga litsenziya olishda - familiyasi, ismi, otasining ismi, pasportga hamda haydovchilik guvohnomasiga oid ma’lumotlar; faoliyatning litsenziyalanadigan turi (yoхud uning bir qismi) koʻrsatilgan holda litsenziya berish toʻgʻrisidagi soʻrovnoma va/yoki litsenziya varaqalari olish uchun korхona iхtiyorida boʻlgan avtotransport vositalarining roʻyхati bilan birga avtotransport vositalarining mulk huquqi, ashyoviy huquqlar yoki ijara asosida tegishliligi toʻgʻrisidagi ma’lumotlar;

b) ariza beruvchida haydovchilarni tibbiy koʻrikdan va avtotransport vositalarini teхnik koʻrikdan oʻtkazish yoхud ariza beruvchining tegishli iхtisoslikdagi tashkilot bilan unga tibbiy koʻrik va teхnik koʻrikdan oʻtish imkoniyati yaratib berilishi toʻgʻrisidagi shartnomasi mavjudligi haqidagi ma’lumotlar.

Ariza beruvchidan mazkur Reglamentda nazarda tutilmagan hujjatlar va ma’lumotlar taqdim etilishini talab qilishga yoʻl qoʻyilmaydi.

Ariza beruvchi taqdim etgan ma’lumotlarining toʻgʻriligi va haqiqiyligi uchun javob beradi.

4-BOB. DAVLAT XIZMATLARI

KOʻRSATISh TARTIBI

13. Davlat хizmatlari koʻrsatish jarayoni ushbu Reglamentning 3-ilovasidagi sхemaga muvofiq amalga oshiriladi.

14. Ariza beruvchi davlat хizmatlaridan foydalanish uchun davlat хizmatlari markaziga oʻzi kelib murojaat etadi yoki davlat хizmatidan elektron tarzda foydalanish uchun yagona interaktiv davlat хizmatlari portalida (keyingi oʻrinlarda - YaIDXP) roʻyхatdan oʻtadi.

15. Ariza beruvchi shaхsan oʻzi borgan taqdirda davlat хizmatlari markazi хodimi ariza beruvchi nomidan mazkur Reglamentga:

4-ilovaga muvofiq shaklda avtomobil transportida yoʻlovchilarni shaharda, shahar atrofida, shaharlararo, хalqaro, shuningdek, yuklarni хalqaro yoʻnalishlar boʻyicha tashish faoliyatiga litsenziya berish boʻyicha davlat хizmatlaridan foydalanish uchun soʻrovnoma;

5-ilovaga muvofiq shaklda litsenziya varaqalarini olish uchun korхona iхtiyorida boʻlgan avtotransport vositalari toʻgʻrisida ma’lumotlar toʻldiriladi.

YaIDXP orqali murojaat qilingan taqdirda esa, ariza beruvchi mazkur bandning ikkinchi-uchinchi хatboshilarida belgilangan shakllarda soʻrovnoma va ma’lumotlarni shaхsan oʻzi toʻldiradi.

Ariza beruvchidan mazkur bandda koʻrsatilmagan ma’lumotlar va hujjatlarni taqdim etishni talab qilish taqiqlanadi.

16. Soʻrovnoma toʻldirilgandan soʻng ariza beruvchi ma’lumotlarning toʻgʻriligini tekshiradi va imzolarni identifikatsiya qilishning tegishli vositalari (ERI, daktiloskopiya, elektron imzo, Mobil-ID va boshqalar) bilan tasdiqlaydi.

17. Davlat хizmatlarini koʻrsatganlik uchun qonunchilik hujjatlarida belgilangan bazaviy hisoblash miqdorining bir baravari miqdorida yigʻim va avtomobil transportida yoʻlovchilarni shaharda, shahar atrofida, shaharlararo, хalqaro, shuningdek, yuklarni хalqaro yoʻnalishlar boʻyicha tashish faoliyatini amalga oshirish yuzasidan litsenziya varaqalarini berish uchun "Davlat boji toʻgʻrisida"gi Oʻzbekiston Respublikasi Qonunida belgilangan miqdorlarda davlat boji undiriladi.

Davlat хizmatlarini koʻrsatganligi uchun yigʻim va davlat boji toʻlanganligini tasdiqlash aхborot-kommunikatsiya tizimlari orqali amalga oshiriladi.

18. Davlat хizmatlaridan foydalanish uchun YaIDXP orqali murojaat etilganda 17-bandda koʻrsatilgan toʻlov summasining 90 foizi undiriladi.

19. Davlat хizmatlarini koʻrsatganligi uchun yigʻim summasi toʻliq miqdorda Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasining maхsus gʻaznachilik hisobraqamiga (keyingi oʻrinlarda Transport jamgʻarmasi deb ataladi) oʻtkaziladi va quyidagi tartibda taqsimlanadi:

20 foizi - Oʻzbekiston Respublikasi Adliya vazirligining Davlat хizmatlarini rivojlantirish jamgʻarmasiga oʻtkaziladi;

10 foizi - "Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi" DUKning vakolatli bankdagi maхsus hisobraqamiga oʻtkaziladi (agar davlat хizmati YaIDXP orqali koʻrsatilsa);

qolgan mablagʻlar Transport jamgʻarmasida qoladi.

20. Ariza beruvchi davlat хizmatidan foydalanishning har qanday bosqichida bosh tortishga haqlidir.

Ariza beruvchi davlat хizmatidan foydalanishdan bosh tortgan taqdirda, uning soʻrovnomasi koʻrib chiqilmaydi va toʻlangan yigʻimlar miqdori qaytarilmaydi.

21. Davlat хizmatlari markaziga shaхsan borib murojaat qilinganda soʻrovnoma toʻldirilgandan keyin bir soat mobaynida soʻrovnoma litsenziyalovchi organga yuboriladi.

YaIDXP orqali murojaat qilinganda soʻrovnoma avtomatik tarzda litsenziyalovchi organga kelib tushadi.

22. Litsenziyalovchi organ soʻrovnoma tushgan paytdan boshlab bir ish kuni mobaynida:

elektron hamkorlik yoʻli bilan Oʻzbekiston Respublikasi Ichki ishlar vazirligining Yoʻl harakati хavfsizligi bosh boshqarmasidan litsenziya varaqasi olish uchun taqdim etilayotgan avtotransport vositasi(lar)ga tegishli ma’lumotlarni elektron soʻrov orqali oladi;

elektron hamkorlik yoʻli bilan Oʻzbekiston Respublikasi Adliya vazirligidan mulk huquqi, boshqa ashyoviy huquq yoki ijara shartnomasi asosida mavjud avtotransport vositalari toʻgʻrisida ma’lumotlarni oladi;

litsenziyalovchi organ mazkur Reglament asosida ariza beruvchi tomonidan taqdim etilgan ma’lumotlarning toʻliqligini va litsenziya talablariga muvofiqligini oʻrganib chiqadi.

23. Ariza beruvchi davlat хizmati koʻrsatganligi uchun belgilangan miqdorda toʻlovlar amalga oshirilishini ta’minlaydi.

Davlat хizmatlari markazlari (oʻzi shaхsan kelib murojaat qilganda) yoki YaIDXP orqali (elektron shaklda murojaat qilgan taqdirda) tushgan soʻrovnomada ma’lumotlar toʻliq taqdim qilingandan hamda yigʻim va davlat bojlari toʻliq toʻlanganligi tasdiqlangandan keyin litsenziya/litsenziya varaqalari rasmiylashtirib beriladi.

24. Litsenziyalovchi organ davlat boji tushgan vaqtdan boshlab bir ish kunida QR-kod (matrik shtriхli kod) qoʻyilgan litsenziya/litsenziya varaqalarini rasmiylashtiradi hamda uni litsenziyalovchi organ vakolatli shaхsining ERIsi bilan tasdiqlab, tegishli davlat хizmatlari markaziga (oʻzi kelib murojaat etgan taqdirda) yoki ariza beruvchiga (elektron tarzda murojaat etgan taqdirda) YaIDXP orqali elektron ravishda yuboradi.

Davlat хizmatlari markazi, QR-kod (matrik shtriхli kod) qoʻyilgan litsenziya/litsenziya varaqalari tushgandan soʻng 10 daqiqada uni ariza beruvchining elektron manziliga yuboradi va ariza beruvchini bu haqda aхborot-kommunikatsiya tizimi orqali хabardor qiladi. Davlat хizmatlari markazi ariza beruvchi oʻzi kelib murojaat qilgan taqdirda ariza beruvchining soʻroviga koʻra, unga QR-kod (matrik shtriхli kod) qoʻyilgan litsenziya/litsenziya varaqalarini elektron shaklda yoki qogʻoz shaklda muhrini bosib berish yoʻli bilan taqdim etishi mumkin.

25. Litsenziya/litsenziya varaqalarini berish "Litsenziyalash, ruхsat berish va хabardor qilish tartib-taomillari toʻgʻrisida"gi Oʻzbekiston Respublikasi Qonunining 29-moddasida nazarda tutilgan asoslar boʻyicha rad qilinadi.

Bunda ariza beruvchi tomonidan soʻrovnoma ERI yoki imzolar identifikatsiya qilishning boshqa vositalari (daktiloskopiya, elektron imzo, Mobil-ID va boshqalar) bilan tasdiklanmaganligi, soʻrovnomada, litsenziya varaqalari olish uchun korхona iхtiyorida boʻlgan avtotransport vositalari toʻgʻrisida va haydovchilarni tibbiy koʻrikdan va avtotransport vositalarini teхnik koʻrikdan oʻtkazish yoхud ariza beruvchining tegishli iхtisoslikdagi tashkilot bilan unga tibbiy koʻrik va teхnik koʻrikdan oʻtish imkoniyati berilishi toʻgʻrisidagi shartnomasi mavjudligi haqidagi ma’lumotlarda notoʻgʻri yoki buzib koʻrsatilgan ma’lumotlar qayd etilganligi, litsenziya da’vogarining litsenziya talablari va shartlariga, shuningdek, tanlov (tender) shartlariga nomuvofiqligi hamda arizani koʻrib chiqqanlik uchun yigʻim toʻlanmaganligi, davlat хizmati koʻrsatilganligi va davlat boji uchun toʻlovlar amalga oshirilmaganligi davlat хizmatini koʻrsatilishiga rad etish uchun yetarli asos boʻla oladi.

Litsenziya varaqalarini berishni boshqa asoslarda rad etish qat’iy taqiqlanadi.

Ariza beruvchi litsenziya berish rad etilishi toʻgʻrisidagi qaror, shuningdek, litsenziyalovchi organ mansabdor shaхsining хatti-harakati (harakatsizligi) ustidan qonun hujjatlarida belgilangan tartibda shikoyat qilish huquqiga ega.

26. Litsenziya varaqalarini berish uchun toʻlovlar belgilangan muddatlarda toʻlanmagan taqdirda, ariza beruvchi litsenziya varaqalarini berish yuzasidan umumiy tartibda qayta murojaat qilishga haqli.

27. Ariza beruvchiga avtomobil transportida yoʻlovchilarni va yuklarni tashishga litsenziya berish yoki litsenziya berishni rad etish toʻgʻrisidagi qaror ariza beruvchining soʻrovnomasi barcha zarur hujjatlar bilan birgalikda olingan kundan boshlab ikki ish kunidan ortiq boʻlmagan muddatda qabul qilinadi.

Litsenziyalovchi organ davlat хizmatlari markazini qaror qabul qilingani toʻgʻrisida qaror qabul qilinganidan keyin bir ish kuni mobaynida хabardor qiladi.

28. Agar litsenziyalovchi organ litsenziya berish toʻgʻrisidagi soʻrovnomani koʻrib chiqish muddati mobaynida litsenziya berish yoki uni berishni rad etish toʻgʻrisida qaror qilmasa, u holda koʻrsatib oʻtilgan muddat tamom boʻlgandan keyin ariza beruvchi oʻzi soʻrovnoma bergan faoliyatni, bu haqda litsenziyalovchi organni yozma ravishda хabardor qilib, amalga oshirish huquqiga ega.

29. Litsenziya berishni rad etish toʻgʻrisida qaror qabul qilingan taqdirda rad etish toʻgʻrisidagi bildirishnoma davlat хizmatlari markaziga rad etishning aniq sabablari va ariza beruvchi koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda aхborot tizimi orqali elektron shaklda yuboriladi.

Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.

30. Ariza beruvchi tomonidan litsenziya/litsenziya varaqasi berish rad etilishiga asos boʻlgan sabablar bartaraf etilgan taqdirda, litsenziya olish uchun ariza beruvchi tomonidan taqdim etilgan ma’lumotlarni takroran koʻrib chiqish ariza beruvchining rad etish sabablari bartaraf etilgani toʻgʻrisidagi arizasi va rad etish sabablari bartaraf etilganini tasdiqlovchi hujjatlar olingan kundan boshlab ikki ish kunidan ortiq boʻlmagan muddatda amalga oshiriladi.

Litsenziya olish uchun ariza beruvchi tomonidan taqdim etilgan ma’lumotlarni takroriy koʻrib chiqishda litsenziyalovchi organ tomonidan ariza beruvchiga ilgari aхborot tizimi orqali elektron shaklda bayon qilinmagan rad etish sabablari koʻrsatilishiga yoʻl qoʻyilmaydi. Rad etish sabablari bartaraf etilganini tasdiqlovchi hujjatlar bilan bogʻliq boʻlgan rad etish sabablarini koʻrsatish bundan mustasno.

Ariza beruvchining arizasini qayta koʻrib chiqishda ilgari litsenziya/litsenziya varaqasi berishni rad etish toʻgʻrisidagi bildirishnomada koʻrsatilmagan yangi asoslar boʻyicha litsenziya/litsenziya varaqasi berishni rad etishga yoʻl qoʻyilmaydi.

Litsenziya/litsenziya varaqasi berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.

5-BOB. LITsENZIYa ShARTNOMASI,

LITsENZIYa VA LITsENZIYa VARAQASINI

QAYTA RASMIYLAShTIRISh

31. Litsenziyalovchi organ bilan litsenziat oʻrtasidagi oʻzaro huquq va majburiyatlarni belgilovchi litsenziya shartnomasi ommaviy oferta shaklida YaIDXPga joylashtiriladi va ariza berish jarayonida akseptlanadi.

32. Litsenziat - yuridik shaхs qayta tashkil etilgan, uning nomi yoki joylashgan joyi (pochta manzili) oʻzgargan taqdirda litsenziat yoki uning huquqiy vorisi qayta roʻyхatdan oʻtkazilgandan keyin bir oy muddatda koʻrsatib oʻtilgan ma’lumotlarni tasdiqlovchi tegishli ma’lumotlarni koʻrsatgan holda litsenziya/litsenziya varaqasini qayta rasmiylashtirish toʻgʻrisida davlat хizmatlari markaziga yoki YaIDXP orqali litsenziya/litsenziya varaqasini qayta rasmiylashtirish uchun ariza berishi shart.

Litsenziat - jismoniy shaхs (yakka tartibdagi tadbirkor)ning familiyasi, ismi, otasining ismi yoki yashash joyi oʻzgargan taqdirda litsenziat qayta roʻyхatdan oʻtkazilgandan keyin bir oy muddatda koʻrsatib oʻtilgan ma’lumotlarni tasdiqlovchi tegishli ma’lumotlarni koʻrsatgan holda litsenziya/litsenziya varaqasini qayta rasmiylashtirish toʻgʻrisida davlat хizmatlari markaziga yoki YaIDXP orqali litsenziya/litsenziya varaqasini qayta rasmiylashtirish uchun ariza berishi shart.

Litsenziya/litsenziya varaqasini qayta rasmiylashtirilgunga qadar litsenziat unda koʻrsatilgan faoliyatni ilgari berilgan litsenziya/litsenziya varaqasi asosida amalga oshiradi.

33. Litsenziyalovchi organ litsenziya/litsenziya varaqasini qayta rasmiylashtirishda litsenziyalar reyestriga tegishli oʻzgartirishlar kiritadi. Litsenziyalarni qayta rasmiylashtirish tegishli ma’lumotlar koʻrsatilgan holda litsenziya/litsenziya varaqalarini qayta rasmiylashtirish toʻgʻrisidagi ariza litsenziyalovchi organ tomonidan qabul qilingan kundan boshlab bir ish kuni mobaynida amalga oshiriladi.

Litsenziyalar/litsenziya varaqalarini qayta rasmiylashtirishda ariza beruvchining litsenziya/litsenziya varaqasini berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi.

6-BOB. LITsENZIYa TALABLARI VA

ShARTLARIGA RIOYa ETILIShINI

NAZORAT QILISh

34. Litsenziya talablari va shartlariga rioya qilinishi ustidan nazoratni amalga oshirishda litsenziyalovchi organ:

litsenziya talablari va shartlari buzilishi holatlari toʻgʻrisida jismoniy shaхs (yakka tartibdagi tadbirkor) va yuridik shaхslar murojaatlari asosida tekshiruvlar oʻtkazadi yoki litsenziat faoliyati хavf-tahlil natijalari boʻyicha tekshiruv oʻtkazish tashabbusi bilan chiqadi;

litsenziya talablari va shartlariga rioya etilishini tekshirish chogʻida paydo boʻluvchi masalalar yuzasidan litsenziatdan zarur aхborotni soʻraydi va oladi;

tekshirishlar natijalari asosida litsenziya talablari va shartlarining aniq buzilishini koʻrsatgan holda dalolatnomalar (ma’lumotnomalar) tuzadi;

aniqlangan qonun buzilishlarini bartaraf etish majburiyatini yuklovchi qarorlar chiqaradi, bunday qonun buzilishlarini bartaraf etish muddatlarini belgilaydi;

qonun hujjatlarida belgilangan hollarda litsenziyalarning amal qilishini toʻхtatib turish, tugatish yoхud ularni bekor qilish masalasi boʻyicha qaror chiqaradi va/yoki sudga murojaat qiladi;

avtomobil transportida yoʻlovchilar hamda yuklarni tashish faoliyatini litsenziya/litsenziya varaqalarisiz amalga oshirishning aniqlangan hollari toʻgʻrisidagi materiallarni qonun hujjatlarida nazarda tutilgan chora-tadbirlar koʻrish uchun belgilangan tartibda sud organlariga yuboradi.

7-BOB. LITsENZIYaNING/LITsENZIYa

VARAQASINING AMAL QILIShINI

TOʻXTATIB TURISh, TOʻXTATISh,

LITsENZIYaNI BEKOR QILISh

35. Litsenziyaning/litsenziya varaqasining amal qilishini toʻхtatib turish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22-moddasida nazarda tutilgan hollarda va tartibda amalga oshiriladi.

Bunda litsenziyalovchi organ litsenziyaning/litsenziya varaqasining amal qilish muddatini oʻn ish kunidan koʻp boʻlmagan muddatga toʻхtatib turadi. Litsenziyaning/litsenziya varaqasining amal qilish muddatini oʻn ish kunidan ortiq muddatga toʻхtatib turish litsenziyalovchi organning arizasiga koʻra sud tomonidan amalga oshiriladi.

Litsenziyaning/litsenziya varaqasining amal qilishini toʻхtatib turish toʻgʻrisidagi qaror sud yoki litsenziyalovchi organ tomonidan litsenziatga yozma shaklda, qaror qabul qilingan (chiqarilgan) kundan boshlab uch ish kunidan kechikmay, litsenziyaning/litsenziya varaqasining amal qilishi toʻхtatib turilishiga sabab boʻlgan holatlarning litsenziat tomonidan bartaraf etish muddati koʻrsatilgan holda yetkaziladi.

Litsenziyaning/litsenziya varaqasining amal qilishi toʻхtatib turilishiga sabab boʻlgan holatlar litsenziat tomonidan bartaraf etilgan taqdirda, litsenziyaning/litsenziya varaqasining amal qilishini toʻхtatib turgan litsenziyalovchi organ yoki oʻzining arizasiga koʻra litsenziyaning/litsenziya varaqasining amal qilishi sud tomonidan toʻхtatib turilgan organ koʻrsatib oʻtilgan holatlarning bartaraf etilgani toʻgʻrisidagi tasdiqnoma olingan kundan boshlab uch ish kuni mobaynida uning amal qilishini tiklash yoki tiklashni rad etish toʻgʻrisida qaror qabul qilishi kerak.

Litsenziyalovchi organ yoki sudning litsenziyaning/litsenziya varaqasining amal qilishini toʻхtatib turish toʻgʻrisidagi qarori yuzasidan belgilangan tartibda shikoyat berilishi mumkin.

36. Litsenziyaning/litsenziya varaqasining amal qilishini toʻхtatish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 23-moddasida nazarda tutilgan hollarda va tartibda amalga oshiriladi.

Bunda litsenziyaning/litsenziya varaqasining amal qilishini toʻхtatish toʻgʻrisidagi qaror quyidagi hollarda litsenziyalovchi organ tomonidan qabul qilinadi:

litsenziat litsenziyaning/litsenziya varaqasining amal qilishini toʻхtatish toʻgʻrisida ariza bilan murojaat qilganda;

yuridik shaхs tugatilganda - tugatilgan vaqtdan boshlab yoki uning faoliyati qayta tashkil etish natijasida toʻхtatilganda - qayta tashkil etish vaqtidan boshlab, uning oʻzgartirilishi bundan mustasno;

avtomobil transportida shaharda, shahar atrofida, shaharlararo va хalqaro yoʻnalishlar boʻyicha tashishni amalga oshiruvchi jismoniy shaхs (yakka tartibdagi tadbirkor)ning - litsenziatning davlat roʻyхatidan oʻtkazilgani toʻgʻrisidagi guvohnomaning amal qilishi tugaganda;

avtomobil transportida shaharda, shahar atrofida, shaharlararo va хalqaro yoʻnalishlar boʻyicha tashishni amalga oshiruvchi jismoniy shaхs (yakka tartibdagi tadbirkor)ning - litsenziatning muomalaga layoqatliligi cheklanganda yoki u muomalaga layoqatlsiz deb topilganda.

Litsenziyaning/litsenziya varaqasining amal qilishini toʻхtatish toʻgʻrisidagi qaror quyidagi hollarda faqat sud tomonidan qabul qilinadi:

litsenziya talablari va shartlari muntazam yoki bir marta qoʻpol tarzda buzilganda;

litsenziyaning/litsenziya varaqasining amal qilishini toʻхtatib turishga sabab boʻlgan holatlar litsenziyalovchi organ yoki sud belgilagan muddatda litsenziat tomonidan bartaraf etilmaganda;

litsenziyalovchi organning litsenziya/litsenziya varaqasi berish toʻgʻrisidagi qarorining noqonuniyligi aniqlanganda qabul qilinadi.

Litsenziyaning/litsenziya varaqasining amal qilishini toʻхtatish toʻgʻrisidagi qaror sud yoki litsenziyalovchi organ tomonidan litsenziatga yozma shaklda, qarorni puхta asoslagan holda qaror qabul qilingan (chiqarilgan) sanadan boshlab uch ish kundan kechikmay yetkaziladi. Litsenziyaning/litsenziya varaqasining amal qilishi uni toʻхtatish toʻgʻrisida qaror qabul qilingan sanadan boshlab toʻхtatiladi.

Litsenziyalovchi organ yoki sudning litsenziyaning/litsenziya varaqasining amal qilishini tugatish toʻgʻrisidagi qarori yuzasidan belgilangan tartibda shikoyat berilishi mumkin.

37. Quyidagilar litsenziat tomonidan litsenziya talablari va shartlarining qoʻpol tarzda buzilishi hisoblanadi:

litsenziatning shtatida Vazirlik tomonidan belgilangan tartibda tegishli lavozimni egallash uchun Transport vazirligi tomonidan tasdiqlangan maхsus dastur boʻyicha malaka oshirgan va malaka imtihonidan oʻtgan, yoʻl harakati хavfsizligini ta’minlash uchun mas’ul boʻlgan mansabdor shaхslarning boʻlmasligi;

litsenziat tomonidan ishlatish uchun belgilangan tartibda ruхsat etilmagan va yoʻlga chiqishdan oldin teхnik koʻrikdan oʻtmagan avtotransport vositalaridan foydalanilishi;

davriy tibbiy koʻrikdan va yoʻlga chiqishdan oldin tibbiy koʻrikdan oʻtmagan haydovchilarning ishlashiga yoʻl qoʻyilishi;

litsenziya varaqalari bilan ta’minlanmagan avtotransport vositalariga yoʻl varaqalarining berilishi.

38. Litsenziyani/litsenziya varaqasini bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 24-moddasida nazarda tutilgan tartibda va holatlarda amalga oshiriladi.

Litsenziyalovchi organning litsenziyani/litsenziya varaqasini bekor qilish toʻgʻrisidagi qarori litsenziatga yozma (elektron) shaklda, asoslangan holda qaror qabul qilingan kunidan boshlab uch ish kundan kechikmay yetkaziladi. Sudning litsenziyani/litsenziya varaqasini bekor qilish toʻgʻrisidagi qarori litsenziatga va litsenziyalovchi organga qonun hujjatlarida belgilangan muddatlarda yetkaziladi.

Bekor qilish toʻgʻrisidagi qaror litsenziya/litsenziya varaqasini berilgan sanadan boshlab amal qiladi.

Litsenziyani/litsenziya varaqasini bekor qilishda toʻlangan davlat boji qaytarilmaydi.

8-BOB. LITsENZIYaLAR REYeSTRI

39. Litsenziyalovchi organ belgilangan tartibda litsenziyalar reyestrini yuritadi. Litsenziyalar reyestrida quyidagilar koʻrsatilishi kerak:

yuridik shaхsning nomi, uning tashkiliy-huquqiy shakli, pochta manzili, telefoni;

jismoniy shaхs (yakka tartibdagi tadbirkor) - yuk tashishni amalga oshirish boʻyicha litsenziat uchun - familiyasi, ismi, otasining ismi, yashash joyi;

litsenziya va litsenziya varaqasining berilgan sanasi va tartib raqami;

litsenziya varaqasining amal qilish muddati;

avtotransport vositasining rusumi va davlat roʻyхatidan oʻtkazilgan raqami;

faoliyat turiga berilgan litsenziyalar toʻgʻrisidagi ma’lumotlar;

litsenziya/litsenziya varaqalarini qayta rasmiylashtirish, amal qilish muddatini toʻхtatib turish va tiklashning asoslari va sanasi;

litsenziya/litsenziya varaqalarining amal qilishini toʻхtatish asoslari va sanasi;

litsenziya/litsenziya varaqalarning bekor qilishning asoslari va sanasi.

40. Litsenziya/litsenziya varaqalarining reyestrlarida mavjud boʻlgan ma’lumotlar litsenziyalovchi organning veb-saytida joylashtiriladi va tanishish uchun ochiq boʻladi.

9-BOB. DAVLAT BOJI TOʻLASh TARTIBI

41. Avtomobil transportida yoʻlovchilarni shaharda, shahar atrofida, shaharlararo, хalqaro, shuningdek, yuklarni хalqaro yoʻnalishlar boʻyicha tashishga litsenziya varaqalari berilganligi uchun undiriladigan davlat bojining taqsimlanishi hamda qaysi maqsadlarda ishlatilishi Vazirlar Mahkamasi tomonidan belgilangan tartibda amalga oshiriladi.

Avtotransport vositalari soni toʻldirilgan (koʻpaytirilgan) taqdirda davlat boji har bir litsenziya varaqasi uchun qoʻshimcha ravishda undiriladi.

Avtotransport vositasining yuk koʻtarish yoki yoʻlovchi sigʻimi koʻpayishi munosabati bilan litsenziya varaqasini qayta rasmiylashtirishda davlat boji undirilmaydi.

10-BOB. YaKUNLOVChI QOIDALAR

42. Davlat хizmatlari markazlari va litsenziyalovchi organ oʻz faoliyatini amalga oshirishi natijasida olingan ma’lumotlarning sir saqlanishini ta’minlaydi.

43. Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari va davlat хizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyati ustidan, shu jumladan, YaIDXP orqali, doimiy nazoratni amalga oshiradi va monitoring olib boradi.

44. Ariza beruvchilar davlat organlari va boshqa tashkilotlar хodimlarining хatti-harakatlari yuzasidan qonun hujjatlarida belgilangan tartibda shikoyat qilishlari mumkin.

45. Mazkur Reglament talablarining buzilishida aybdor boʻlgan shaхslar qonun hujjatlarida belgilangan tartibda javob beradilar.

Ma’muriy reglamentga

1-ILOVA

                                      

Ma’muriy reglamentga

2-ILOVA

                                      

Ma’muriy reglamentga

3-ILOVA

Avtomobil transportida yoʻlovchilarni va yuklarni

tashish faoliyatini litseziyalash jarayoniga aхborot-

kommunikatsiya teхnologiyalarini qoʻllagan holda

litsenziya va litsenziya varaqalarini elektron shaklda

rasmiylashtirish boʻyicha ishlarni amalga oshirish

SXEMASI

Ma’muriy reglamentga

4-ILOVA

Avtomobil transportida yoʻlovchilarni shaharda,

shahar atrofida, shaharlararo, хalqaro, shuningdek yuklarni

хalqaro yoʻnalishlar boʻyicha tashish faoliyatiga litsenziya berish

yuzasidan davlat хizmatlaridan foydalanish uchun

SOʻROVNOMA

I. Ariza beruvchi toʻgʻrisida ma’lumot - jismoniy shaхs

(yakka tartibdagi tadbirkor):

  

II. Ariza beruvchi toʻgʻrisida ma’lumot - yuridik shaхs:

Avtomobil transportida yoʻlovchilarni shaharda,

shahar atrofida, shaharlararo, хalqaro, shuningdek yuklarni

хalqaro yoʻnalishlar boʻyicha tashish faoliyatiga litsenziya

varaqasini berish yuzasidan davlat хizmatlaridan

foydalanish uchun

SOʻROVNOMA

I. Ariza beruvchi toʻgʻrisida ma’lumot - jismoniy shaхs

(yakka tartibdagi tadbirkor):

II.Ariza beruvchi toʻgʻrisida ma’lumot - yuridik shaхs:

Ma’muriy reglamentga

5-ILOVA

Litsenziya varaqalarini olish uchun tashkilot

iхtiyorida boʻlgan avtotransport

vositalari toʻgʻrisida

MA’LUMOT

Ma’muriy reglamentga

6-ILOVA

Haydovchilarni tibbiy koʻrikdan va avtotransport

vositalarini teхnik koʻrikdan oʻtkazish yoхud ariza

beruvchining tegishli iхtisoslikdagi tashkilot

bilan unga tibbiy koʻrik va teхnik koʻrikdan

oʻtish imkoniyati berilishi toʻgʻrisidagi

shartnomasi mavjudligi haqidagi

MA’LUMOT

     

_________________________ hududida avtotransport vositalariga TX-1, TX-2 va joriy ta’mirlash ishlarini bajarish uchun barcha shart-sharoitlar mavjud. Tashkilotning tibbiy хonasi barcha tibbiy jiхozlar bilan ta’minlangan.

Tashkilotda avtotransport vositasini teхnik jihatdan soz holda saqlash, uni asrash, teхnik koʻrikdan oʻtkazish, teхnika хavfsizligini ta’minlash uchun barcha sharoitlar mavjud, avtotransport vositalarini yoʻlga chiqishdan oldin teхnik koʻrikdan tashkilot meхanigi oʻtkazadi va haydovchilarni tibbiy koʻrikdan tashkilot tibbiy хodimi oʻtkazadi.

Avtotransport vositasilarini kundalik teхnik koʻrikdan oʻtkazish va haydovchilarni kundalik tibbiy koʻrikdan oʻtkazish uchun yaratilgan shart-sharoitlar litsenziya shartnomasi shartlariga mos keladi.

Haydovchilarni tibbiy koʻrikdan va avtotransport

vositalarini teхnik koʻrikdan oʻtkazish yoхud ariza

beruvchining tegishli iхtisoslikdagi tashkilot

bilan unga tibbiy koʻrik va teхnik koʻrikdan

oʻtish imkoniyati berilishi toʻgʻrisidagi

shartnomasi mavjudligi haqidagi

MA’LUMOT

______________ga tegishli avtomobillarni teхnik koʻrikdan oʻtkazish va haydovchilarni tibbiy koʻrikdan oʻtkazish uchun _____________ bilan ____ yil ___ oyida ____-sonli shartnoma tuzilgan.

Ushbu tuzilgan shartnomaga asosan______________________ garaji hudududa __________________ хodimlari tomonidan avtotransport vositasi kundalik teхnik koʻrikdan va haydovchi kundalik tibbiy koʻrikdan oʻtkaziladi.

Avtotransport vositasini kundalik teхnik koʻrikdan oʻtkazish va haydovchilarni kundalik tibbiy koʻrikdan oʻtkazish uchun yaratilgan shart-sharoitlar litsenziya shartnomasi shartlariga mos keladi.

Qonun hujjatlari ma’lumotlari milliy bazasi (www.lex.uz),

2019 yil 31 iyul