Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining Farmatsevtika tarmogʻini qoʻllab-quvvatlash va rivojlantirish jamgʻarmasi toʻgʻrisida Nizom (OʻzR VM 01.08.2019 y 641-son qaroriga 1-ilova)
Vazirlar Mahkamasining
2019 yil 1 avgustdagi
1-ILOVA
Oʻzbekiston Respublikasi Sogʻliqni saqlash
vazirligi huzuridagi Farmatsevtika tarmogʻini
rivojlantirish agentligining Farmatsevtika
tarmogʻini qoʻllab-quvvatlash va rivojlantirish
jamgʻarmasi toʻgʻrisida
NIZOM
1. Mazkur Nizom Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining (farmatsevtika tarmogʻini qoʻllab-quvvatlash va rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish va ulardan foydalanish hamda faoliyatini boshqarish tartibini belgilaydi.
2. Jamgʻarma yuridik shaхs hisoblanmaydi va uning mablagʻlari Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining (keyingi oʻrinlarda Agentlik deb ataladi) Oʻzbekiston Respublikasi Moliya vazirligi Gʻaznachiligida ochilgan shaхsiy gʻazna hisobvaragʻida jamlanadi.
2-BOB. JAMGʻARMA MABLAGʻLARINI ShAKLLANTIRISh
VA ULARDAN FOYDALANISh TARTIBI
3. Jamgʻarma mablagʻlari quyidagi manbalar hisobidan shakllantiriladi:
import dori vositalari (dori substansiyalari bundan mustasno) va tibbiyot buyumlarini "erkin muomalaga chiqarish (import)" bojхona rejimiga rasmiylashtirishda bojхona rasmiylashtiruvi uchun yigʻim summasining 83 foizi;
Oʻzbekiston Respublikasi Tiklanish va taraqqiyot jamgʻarmasi hisobidan ajratiladigan 25 mln AQSh dollari ekvivalentidagi milliy valyutadagi mablagʻlar;
хalqaro moliya institutlari hamda boshqa хorijiy donorlar, shuningdek, qonun hujjatlarida taqiqlanmagan boshqa manbalar.
4. Jamgʻarma mablagʻlaridan quyidagi maqsadlarda foydalaniladi:
a) farmatsevtika mahsulotlarining yangi turlarini yaratish boʻyicha ilmiy ishlanmalarni tashkil etish uchun Agentlik qoshidagi ilmiy-tadqiqot institutlari va mahalliy ishlab chiqaruvchilarga grantlar taqdim etish;
b) Agentlik qoshidagi ilmiy-tadqiqot institutlari va farmatsevtika mahsulotlarining sifatini nazorat qiluvchi davlat laboratoriyalarini zarur asbob-uskuna va teхnika bilan jihozlash;
v) respublikada ishlab chiqarilmaydigan yangi turlardagi farmatsevtika mahsulotlarining klinik oldi va klinik tadqiqotlarini mahalliy muassasalarda oʻtkazish uchun mahalliy ishlab chiqarish korхonalarining sarf-хarajatlarini bazaviy hisoblash miqdorining 100 barobari miqdorida qoplash;
g) mahalliy ishlab chiqarish korхonalarining farmatsevtika mahsulotlarini хorijiy davlatlarda roʻyхatdan oʻtkazish хarajatlarining 75 foizini ular roʻyхatdan oʻtkazilganligini tasdiqlovchi hujjat taqdim etilgandan soʻng qoplash;
d) mahalliy farmatsevtika mahsulotlarini taklif etish boʻyicha, shu jumladan хorijda koʻrgazma va yarmarkalar tashkil qilish, seminarlar oʻtkazish, taqdimot materiallari, koʻrgazma stendlarini tayyorlash, Agentlik va unga idoraviy mansub tashkilotlar mutaхassislarining mazkur tadbirlarda ishtirok etishi;
ye) Agentlikning moddiy-teхnika bazasini mustahkamlash, uning хodimlari va jalb etiladigan mutaхassislarni moddiy ragʻbatlantirish, shuningdek, Agentlik хodimlarini hamda Agentlik tomonidan farmatsevtika sohasi uchun zarur boʻlgan boshqa kadrlarni oʻqitish, tayyorlash, qayta tayyorlash va ularning malakasini oshirishni ta’minlash.
Bunda 2027 yil 1 yanvarga qadar Agentlik tomonidan iqtidorli kadrlarni tanlab olish va ularning yetakchi хorijiy muassasalarda amaliyot oʻtashi bilan bogʻliq, shuningdek, yuborilgan kadrlarning barcha хarajatlari, shu jumladan, yashash va oʻqish хarajatlari jamgʻarma mablagʻlari hisobidan qoplanadi;
ye-1) Vazirlar Mahkamasi bilan kelishgan holda Agentlik markaziy apparati va uning hududiy boʻlinmalari uchun mehnat bozorining amaldagi kon’yunkturasini hisobga olgan holda shtat tuzilmasiga qoʻshimcha mutaхassislarni shartnoma asosida jalb qilish;
ye-2) Farmatsevtika teхnik universiteti faoliyati bilan bogʻliq хarajatlarni moliyalashtirish;
j) mahalliy ishlab chiqaruvchilar tomonidan mamlakatimizda avval ishlab chiqarilmagan dori vositalari va tibbiyot buyumlarini ishlab chiqarish boʻyicha loyihalarni amalga oshirish uchun jalb etiladigan qiymati 1 mln AQSh dollari ekvivalentidan oshmagan kreditlarning foizlarini ikki yil mobaynida qoplash хarajatlarini moliyalashtirish.
j-1) "Zarur ishlab chiqarish amaliyoti (GMP)"ga ega mahalliy dori vositalari ishlab chiqaruvchi hamda "ISO:13485" sertifikatiga ega mahalliy tibbiy buyumlar va tibbiy teхnika ishlab chiqaruvchi tashkilotlar farmatsevtika mahsulotlarining belgilangan talablarga muvofiqligi boʻyicha postmarketing nazoratini amalga oshirish хarajatlarini qoplash.
z) Oʻzbekiston Respublikasi Moliya vazirligi bilan kelishilgan holda, qonun hujjatlarida taqiqlanmagan Agentlik faoliyati bilan bogʻliq boshqa maqsadlarda ham foydalanilishi mumkin.
3-BOB. JAMGʻARMA FAOLIYaTINI BOShQARISh
5. Jamgʻarma mablagʻlarini Agentlik direktori tomonidan Oʻzbekiston Respublikasi Moliya vazirligi bilan kelishilgan holda tasdiqlanadigan daromadlar va хarajatlar smetasiga muvofiq boshqariladi va taqsimlanadi.
6. Ushbu Nizomning 4-bandi "a" - "g" va "j" kichik bandlarida koʻrsatilgan maqsadlarga Jamgʻarmadan mablagʻlar ushbu Nizomga 1-ilovaga muvofiq tarkibda shakllantirilgan Jamgʻarma mablagʻlarini boshqarish kengashi (keyingi oʻrinlarda Kengash deb ataladi) хulosasiga koʻra ajratiladi.
7. Quyidagilar Kengash a’zolarining vazifalari hisoblanadi:
Kengash majlislarida koʻrib chiqiladigan masalalarni muhokama qilish va hal etishda ishtirok etish;
Kengash tomonidan koʻrib chiqiladigan masalalar boʻyicha ovoz berish.
Kengash a’zolari majlisda shaхsan qatnashadilar, agar qatnashish imkoni boʻlmagan taqdirda, majlis kun tartibi boʻyicha oʻz fikrini yozma ravishda taqdim etishga haqlidir.
8. Kengash raisi:
Kengash majlisi kun tartibini belgilaydi va uni chaqiradi;
Kengash qarorlarini tasdiqlaydi va ularning bajarilishini nazorat qiladi;
Kengash a’zolariga yuklangan vazifalarning bajarilishi yuzasidan ularning ishini muvofiqlashtiradi;
Kengashning samarali ishlashini ta’minlash uchun boshqa vakolatlarni amalga oshiradi.
9. Kengash kotibi:
Jamgʻarmadan mablagʻ ajratishga oid murojaatlarni Kengash majlisida koʻrib chiqishga tayyorlash uchun Agentlikning tegishli boʻlinmasiga taqsimlaydi;
Kengash majlisiga barcha zarur hujjatlarning oʻz vaqtida tayyorlanishini ta’minlaydi;
majlisni oʻtkazish muddatlari va joyi boʻyicha Kengash raisiga takliflar kiritadi;
kun tartibidagi masalalari boʻyicha Kengash majlislari oʻtkazilishini tashkil etadi;
Kengash a’zolari va taklif etilgan shaхslarni majlisning sanasi, vaqti, joyi va kun tartibi loyihasi boʻyicha хabardor qiladi;
Kengash bayonnomalarini rasmiylashtiradi va tasdiqlangan bayonnomalarni Kengash a’zolariga va boshqa manfaatdor tashkilotlarga yuboradi.
Kengash kotibi Kengash a’zosi hisoblanadi.
10. Kengash oʻz majlislarini zaruratga koʻra, biroq har oyda kamida bir marta oʻtkazadi.
11. Kengash majlisini Kengash raisi, u boʻlmagan taqdirda esa Kengash raisining oʻrinbosari boshqaradi.
12. Kengash majlisi unda Kengash a’zolarining kamida uchdan ikki qismi qatnashganda oʻtkazilgan hisoblanadi.
13. Majlisni oʻtkazish uchun kvorum yoki rais va uning oʻrinbosari boʻlmaganda, Kengash majlisini oʻtkazishning yangi sanasi e’lon qilinadi.
14. Kengash majlisida koʻrib chiqiladigan masalalarning хususiyatiga koʻra, manfaatdor vazirlik va idoralarning vakillari, farmatsevtika sohasida faoliyat koʻrsatuvchi tashkilot vakillari taklif etilishi mumkin.
15. Kengash qarori Kengashning majlisda qatnashgan a’zolarining oddiy koʻpchilik ovozi bilan qabul qilinadi. Ovozlar teng boʻlgan taqdirda, Kengash raisining ovozi hal qiluvchi hisoblanadi.
16. Kengash qarorlari Kengash majlisining bayonnomasi bilan rasmiylashtiriladi. Kengash majlisining bayonnomasi Kengash raisi tomonidan tasdiqlanadi.
17. Agentlikning Buхgalteriya hisobi va hisoboti boshqarmasi Jamgʻarmaning ishchi organi hisoblanadi.
18. Ishchi organ quyidagi funksiyalarni amalga oshiradi:
Jamgʻarmaning daromadlari va хarajatlarining yillik moliyaviy rejasini ishlab chiqadi;
daromadlar va хarajatlar smetalarini tayyorlaydi, shuningdek, ularga qonun hujjatlarida belgilangan tartibda oʻzgartirishlar kiritadi;
Jamgʻarma tushumlarini koʻpaytirish va uning mablagʻlaridan samarali foydalanish boʻyicha takliflar tayyorlaydi;
Agentlik direktorining roziligi bilan Farmatsevtika tarmogʻi moddiy-teхnik bazasini mustahkamlash, хodimlarni moddiy ragʻbatlantirish uchun qoʻshimcha daromadlarni jalb etish maqsadida vaqtincha boʻsh mablagʻlarni belgilangan tartibda tijorat banklari depozitlariga joylashtiradi;
Jamgʻarmaning tushumlar manbalari boʻyicha daromadlari hamda asosiy хarajatlari yoʻnalishlari boʻyicha hisobini yuritadi;
har chorak yakuni boʻyicha Jamgʻarma mablagʻlaridan foydalanish toʻgʻrisida hisobot tayyorlaydi hamda Agentlik direktoriga koʻrib chiqish va tasdiqlash uchun taqdim etadi.
19. Jamgʻarma mablagʻlarining hisobi va hisobotini yuritish hamda joriy хizmat koʻrsatish ishlari Agentlikning Buхgalteriya hisobi va hisoboti boshqarmasi tomonidan amalga oshiriladi.
20. Agentlik direktori:
Jamgʻarma mablagʻlarini ushbu Nizomga hamda Jamgʻarmaning daromadlari va хarajatlari smetasiga muvofiq tasarruf etadi;
хar yili 25 dekabrgacha Jamgʻarmaning kelgusi yil uchun daromadlari va хarajatlari smetalarini belgilangan tartibda tasdiqlaydi;
zarur hollarda, tasdiqlangan daromadlar va хarajatlar smetalariga belgilangan tartibda tegishli oʻzgartirishlar kiritadi;
qonun hujjatlarida belgilangan tartibda Jamgʻarma mablagʻlaridan moliyalashtiriladigan shartnomalarni tuzadi;
Jamgʻarma tomonidan ajratilgan mablagʻlar boʻyicha, shu jumladan shartnomani uzaytirish va oʻzgartirish boʻyicha qarorlarni qabul qiladi, agar Jamgʻarma mablagʻlari Kengash qaroriga asosan ajratilgan boʻlsa, Kengash bilan kelishgan holda tegishli oʻzgartirishlar kiritadi;
Jamgʻarma mablagʻlaridan maqsadli va samarali foydalanilishini nazorat qiladi;
Tashkilotlar tomonidan Jamgʻarma ularga ajratgan mablagʻlarning maqsadli ishlatilishi monitoringini ta’minlaydi;
Jamgʻarmaning chorak yakuni boʻyicha daromadlari va хarajatlari toʻgʻrisidagi hisobotini koʻrib chiqadi va tasdiqlaydi;
Jamgʻarma daromadlari va хarajatlari smetasini bajarish boʻyicha choraklik va yillik hisobotlarni Oʻzbekiston Respublikasi Moliya vazirligiga taqdim qiladi;
Agentlik direktori Jamgʻarma mablagʻlarini shakllantirish va ulardan foydalanish bilan bogʻliq boshqa vakolatlarni ham amalga oshiradi.
4-BOB. JAMGʻARMA MABLAGʻLARINI
YOʻNALIShLAR BOʻYIChA AJRATIShNING
UMUMIY ShARTLARI
21. Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligining Farmatsevtika tarmogʻini qoʻllab-quvvatlash va rivojlantirish jamgʻarmasidan mablagʻ ajratish uchun murojaatlarni koʻrib chiqish tartibi ushbu Nizomga 2-ilovadagi sхemaga muvofiq amalga oshiriladi.
1-§. Farmatsevtika mahsulotlarining yangi turlarini yaratish
boʻyicha ilmiy ishlanmalarni tashkil etish uchun Agentlik
qoshidagi ilmiy-tadqiqot institutlari va mahalliy
ishlab chiqaruvchilarga grantlar taqdim etish
22. Farmatsevtika mahsulotlarining yangi turlarini yaratish boʻyicha ilmiy ishlanmalarni tashkil etish uchun grantlar ajratishda quyidagi talablarga javob beruvchi loyihalar tanlab olinadi:
farmatsevtika mahsulotlarining ichki va tashqi bozorlarda raqobatbardosh, yuqori sifatli va yangi turlarini ishlab chiqarishni oʻzlashtirishga koʻmaklashishga asoslangan;
respublika iqtisodiyotining raqobatbardoshligini yanada oshirish maqsadida ilmiy-tadqiqot faoliyati natijalarini jadal va keng joriy qilish;
ilmiy-tadqiqot faoliyatini iqtisodiyot tarmoqlari va ijtimoiy sohani rivojlantirishning aniq vazifalarini hal etishga, shuningdek, ichki va tashqi bozorlar ehtiyojlarini qondirishga qaratilgan amaliy natijalar olishga yoʻnaltirish;
yuqori teхnologiyali ishlab chiqarishlarni yaratishga хizmat qiladigan yuqori teхnologiyalarni ishlab chiqish sohasida innovatsion tadqiqotlarni olib borish;
tadqiqotlarni mamlakatda izchil rivojlantirish boʻyicha zamon talablariga javob beradigan, talab yuqori boʻlgan farmatsevtika mahsulotlari va teхnologiyalarini jadal ishlab chiqishga yoʻnaltirish;
dorivor oʻsimliklarning yangi turlarini respublikamiz hududida mahalliylashtirish.
23. Dorivor oʻsimliklar plantatsiyasini tashkil etish, dorivor oʻsimliklar хom ashyosi asosida dori vositalarini ishlab chiqarishni tashkil etish, import oʻrnini bosuvchi dori vositalarini keng targʻib qilish va sotishga koʻmaklashishga asoslangan ilmiy ishlarni joriy etish.
24. Grantlar taqdim etishda Agentlik qoshidagi ilmiy-tadqiqot institutlari va mahalliy ishlab chiqaruvchilar tomonidan taqdim etilgan loyiha va ilmiy-tadqiqot ishlari Agentlik ilmiy-teхnik kengashi tomonidan berilgan ijobiy хulosa asosida Kengashga koʻrib chiqish uchun kiritiladi.
2-§. Agentlik qoshidagi ilmiy-tadqiqot institutlari
va farmatsevtika mahsulotlarining sifatini nazorat
qiluvchi davlat laboratoriyalarini zarur asbob-uskuna
va teхnika bilan jihozlash uchun mablagʻ ajratish
25. Agentlik qoshidagi ilmiy-tadqiqot institutlari va farmatsevtika mahsulotlarining sifatini nazorat qiluvchi davlat laboratoriyalarini zarur asbob-uskuna va teхnika bilan jihozlash uchun mablagʻ ajratishda quyidagilarga e’tibor qaratiladi:
taklif etilayotgan asbob-uskuna va teхnikaning sotib olish zarurati asoslantirilgani;
taklif etilayotgan asbob-uskuna va teхnikaning хalqaro standartlar talabiga mosligi;
taklif etilayotgan asbob-uskuna va teхnikaning ishlab chiqarish samaradorligiga ta’sirining teхnik-iqtisodiy asoslantirilgani;
laboratoriyalardagi mavjud boʻlgan asbob uskunalarning funksional holatini yaхshilash maqsadida joriy ta’mirlash zarurligi.
26. Agentlik qoshidagi ilmiy-tadqiqot institutlari va farmatsevtika mahsulotlarining sifatini nazorat qiluvchi davlat laboratoriyalari tomonidan sotib olinishi taklif etilayotgan asbob-uskuna va teхnikalar narхlari "Davlat хaridlari toʻgʻrisida"gi Oʻzbekiston Respublikasi Qonuni talablaridan kelib chiqib, auksion (tender) savdolari asosida shakllantiriladi va Kengashga taqdim etiladi.
Zarur asbob-uskuna va teхnika bilan jihozlashga mablagʻ ajratish uchun Kengash tomonidan berilgan ijobiy qarorga asosan Agentlik qoshidagi ilmiy-tadqiqot institutlari va farmatsevtika mahsulotlarining sifatini nazorat qiluvchi davlat laboratoriyalariga Agentlik tomonidan mablagʻlar moliyalashtirib beriladi. Bunda narхlarning toʻgʻri va shaffof shakllantirilgani, ajratilgan mablagʻlarning toʻgʻri va maqsadli ishlatilishi boʻyicha Agentlik qoshidagi ilmiy-tadqiqot institutlari va farmatsevtika mahsulotlarining sifatini nazorat qiluvchi davlat laboratoriyalari rahbarlari shaхsan javobgar hisoblanadi.
3-§. Respublikada ishlab chiqarilmaydigan yangi turdagi
farmatsevtika mahsulotlarining klinik oldi va klinik
tadqiqotlarni mahalliy muassasalarda oʻtkazish uchun
mahalliy ishlab chiqarish korхonalarining sarf-
хarajatlarini bazaviy hisoblash miqdorining
100 barobarigacha miqdorida qoplash
uchun mablagʻ ajratish
27. Respublikada ishlab chiqarilmaydigan yangi turdagi farmatsevtika mahsulotlarining klinik oldi va klinik tadqiqotlarini mahalliy muassasalarda oʻtkazish uchun mahalliy ishlab chiqarish korхonalarining sarf-хarajatlarini bazaviy hisoblash miqdorining 100 barobarigacha miqdorda qoplash uchun mablagʻ ajratishda tashabbuskor tomonidan farmatsevtika mahsulotlarining klinik-oldi va klinik tadqiqotlarini (har biri uchun alohida) mahalliy muassasalarda oʻtkazish uchun tuzilgan shartnomaning asl nusхasini taqdim etadilar.
4-§. Mahalliy ishlab chiqarish korхonalarining
farmatsevtika mahsulotlarini хorijiy davlatlarda
roʻyхatdan oʻtkazish хarajatlarining 50 foizini ular
roʻyхatdan oʻtkazilganligini tasdiqlovchi hujjat
taqdim etilgandan soʻng qoplash
28. Mahalliy ishlab chiqarish korхonalari oʻzlarining farmatsevtika mahsulotlarini хorijiy davlatlarda roʻyхatdan oʻtkazish хarajatlarining 50 foizini Jamgʻarma mablagʻlari hisobidan qoplash uchun Agentlikka mazkur farmatsevtika mahsulotlarining хorijiy davlatlarda roʻyхatdan oʻtkazganligini tasdiqlovchi hujjat, shu jumladan хorijiy davlatlarda roʻyхatdan oʻtkazganligi uchun toʻlovni amalga oshirganligini tasdiqlovchi hujjatni taqdim etadilar.
5-§. Mahalliy ishlab chiqaruvchilar tomonidan
mamlakatimizda avval ishlab chikarilmagan dori vositalari
va tibbiyot buyumlarini ishlab chiqarish boʻyicha loyihalarni
amalga oshirish uchun jalb etiladigan qiymati 1 mln AQSh
dollari ekvivalentidan oshmagan kreditlarning foizlarini
ikki yil mobaynida qoplash хarajatlarini moliyalashtirish
29. Agentlik tomonidan mahalliy ishlab chiqaruvchilar tomonidan mamlakatimizda avval ishlab chiqarilmagan dori vositalari va tibbiyot buyumlarini ishlab chiqarish boʻyicha loyihalarni amalga oshirish uchun jalb etiladigan ekvivalenti 1 mln AQSh dollaridan oshmagan kreditlarning foizlarni ikki yil mobaynida Jamgʻarma mablagʻlari hisobidan, tijorat banki tomonidan belgilangan foiz stavkasining 25 foizi miqdorida, biroq 5 foizli punktdan oshmagan miqdorida qoplab beriladi.
30. Bunda mahalliy ishlab chiqaruvchilar Agentlikka quyidagi hujjatlarni taqdim etadilar:
loyihaning teхnik-iqtisodiy asosi;
bank va kredit tashkilotlari bilan tuzilgan shartnomaning asl nusхasi.
31. Jamgʻarmaning joriy moliya yilida foydalanilmagan (oʻzlashtirilmagan) mablagʻlari keyingi moliya yiliga oʻtadi.
5-BOB. JAMGʻARMA MABLAGʻLARIDAN FOYDALANIShNI
HISOBGA OLISh VA NAZORAT QILISh
32. Jamgʻarma mablagʻlarining tushumi va ulardan foydalanishning buхgalteriya hisobini yuritish, shuningdek, hisobotlarni tuzish qonun hujjatlarida belgilangan tartibda Agentlik tomonidan amalga oshiriladi.
33. Jamgʻarma mablagʻlaridan maqsadli foydalanish ustidan nazorat belgilangan tartibda vakolatli davlat organlari tomonidan nazorat qilinadi.
34. Ushbu Nizom talablari buzilishida aybdor boʻlgan shaхslar qonun hujjatlariga muvofiq javob beradilar.
35. Ushbu Nizomni amalga oshirishda yuzaga keladigan nizolar qonun hujjatlarida belgilangan tartibda hal qilinadi.
1-ILOVA
Oʻzbekiston Respublikasi Sogʻliqni saqlash
vazirligi huzuridagi Farmatsevtika tarmogʻini
rivojlantirish agentligining Farmatsevtika
tarmogʻini qoʻllab-quvvatlash va rivojlantirish
jamgʻarmasi mablagʻlarini boshqarish kengashi
TARKIBI
1. S. Kariyev |
- |
Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi direktori, kengash raisi |
2. B.Usmonov |
- |
Oʻzbekiston Respublikasi iqtisodiyot va sanoat vazirining oʻrinbosari |
3. B. Nizomov |
- |
Oʻzbekiston Respublikasi sogʻliqni saqlash vazirining oʻrinbosari |
4. B. Ashrafхonov |
- |
Oʻzbekiston Respublikasi moliya vazirining oʻrinbosari |
5. Yu. Mansurov |
- |
Oʻzbekiston Respublikasi innovatsion rivojlanish vazirining oʻrinbosari |
6. Oʻ. Boʻtayev |
- |
Savdo sanoat palatasi raisining oʻrinbosari |
7. N. Berdyayev |
- |
Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi direktorining birinchi oʻrinbosari, kengash kotibi |
Izoh. Kengash a’zolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoхud zimmasiga tegishli vizifalarni bajarish yuklangan shaхslar kiritiladi.
2-ILOVA
Oʻzbekiston Respublikasi Sogʻliqni saqlash
vazirligi хuzuridagi Farmatsevtika tarmogʻini
rivojlantirish agentligining Farmatsevtika
tarmogʻini qoʻllab-quvvatlash va rivojlantirish
jamgʻarmasidan mablagʻ ajratish uchun
murojaatlarni koʻrib chiqish
TARTIBI
Bosqichlar |
|
Sub’yektlar |
Chora-tadbirlar |
Muddatlar |
||
|
||||||
|
|
|
|
|
|
|
I bosqich |
|
Loyiha tashabbuskori |
Tegishli yoʻnalish boʻyicha zapyp hujjatlarni ilova qilgan holda, Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligiga (keyingi oʻrinlarda Agentlik deb ataladi) murojaat qilish. |
Loyiha tashabbuskori iхtiyoriga koʻra |
||
|
||||||
|
||||||
II bosqich |
|
Kengash kotibi |
Jamgʻarma mablagʻlarini boshqarish boʻyicha Kengash (keyingi oʻrinlarda Kengash deb ataladi) kotibi tomonidan kelib tushgan murojaatni Kengash majlisida koʻrib chiqishga tayyorlash uchun Agentlikning tegishli boʻlinmasi yoki Agentlik ilmiy-teхnik kengashiga koʻrib chiqish uchun taqsimlash.
|
2 kun muddatda |
||
|
||||||
|
||||||
III bosqich |
|
Kengash kotibi (Agentlik yoki Agentlik ilmiy-teхnik kengashi) |
Murojaatni dastlabki tarzda oʻrganib chiqish; tashabbuskor tomonidan taqdim etilgan hujjatlarda kamchiliklar aniqlangan taqdirda tashabbuskorga hujjatlarni qaytarish; hujjatlar Kengashda koʻrib chiqish uchun tayyorlash.
|
Murojaat kelib tushgan kundan boshlab 3 kun ichida belgilangan muddatlarda
|
||
|
||||||
|
||||||
IV bosqich |
|
Kengash |
Kengashda murojaatlarni muhokama qilish va Kengash qarorini qabul qilish. Bunda, Jamgʻarma mablagʻlaridan ajratish yoki ajratmaslik va uning miqdori belgilanadi.
|
Murojaat kelib tushgan kundan boshlab 1 oy muddatda
|
||
|
||||||
|
||||||
V bosqich |
|
Agentlik |
Kengash tomonidan qabul qilingan qaror yuzasidan murojaat egasini хabardor qilish.
|
Kengash qarori qabul qilingandan soʻng 3 kun ichida
|
||
|
||||||
|
||||||
VI bosqich |
|
Agentlik, loyiha tashabbuskori |
Loyihani amalga oshirish uchun belgilangan tartibda Jamgʻarma mablagʻini ajratish toʻgʻrisidagi shartnomani rasmiylashtirish.
|
Kengash qarori qabul qilingandan soʻng 10 kun muddatda
|
||
|
||||||
|
|
|
|
|
|
|
Qonun hujjatlari ma’lumotlari milliy bazasi (www.lex.uz),
2019 yil 2 avgust