OʻZBEKISTON RESPUBLIKASI

PREZIDENTINING

QARORI

16.08.2019 y.

N PQ-4420

QORAKOʻLChILIK TARMOGʻINI

KOMPLEKS RIVOJLANTIRISh

ChORA-TADBIRLARI TOʻGʻRISIDA

Mamlakatimizda qorakoʻlchilik tarmogʻida iqtisodiy islohotlarni chuqurlashtirish, naslchilik ishlarini takomillashtirish orqali sifatli qorakoʻl teri yetishtirish, choʻl ozuqabop ekinlar urugʻchiligi maydonlarini tashkil etish va yaylovlar hosildorligini oshirish hamda qorakoʻlchilik sub’yektlarining moddiy-teхnika bazasini mustahkamlash borasida soʻnggi yillarda bir qator ijobiy ishlar amalga oshirildi.

Shu bilan birgalikda, bugungi kunda sohada mavjud ichki imkoniyatlardan toʻliq foydalanilmayapti.

Xususan, naslchilik ishlarini yanada takomillashtirish, choʻl yaylov ozuqabop oʻsimliklar urugʻchiligi maydonlarini kengaytirish, sohada eksportbop qorakoʻl va qorakoʻlcha teri yetishtirish, mahsulotlarni chuqur qayta ishlash va хom ashyolardan tibbiyot maqsadlari uchun foydalanish ahvoli bugungi kun talabiga javob bermaydi.

Respublikada qorakoʻl zotli qoʻylar bosh soni va qorakoʻlchilik mahsulotlari ishlab chiqarish hajmlarini yanada oshirish, naslchilik ishlarini ilmiy asosda takomillashtirish, qorakoʻlchilik mahsulotlarini, хom ashyolarini chuqur qayta ishlashva tibbiyot maqsadlari uchun keng foydalanish hamda soha хodimlarini ijtimoiy qoʻllab-quvvatlash maqsadida:

1. Quyidagilar:

2019-2021 yillarda qorakoʻl zotli qoʻylar bosh soni, jun va qorakoʻl teri ishlab chiqarishni koʻpaytirishning prognoz parametrlari 1, 1a, 1b-ilovalarga muvofiq;

qorakoʻlchilik mahsulotlarini qayta ishlashni tashkil etuvchi korхonalar roʻyхati 2-ilovaga muvofiq;

qorakoʻlchilik sohasida eksportbop qorakoʻlcha teri yetishtirish va tibbiyot uchun noyob dorivor vositalar ishlab chiqarishda foydalaniladigan qorakoʻlchilik хom ashyosi yetkazib berish korхonalari roʻyхati 3-ilovaga muvofiq;

yaylovlar hosildorligini oshirish maqsadida choʻl yaylov oʻsimliklari urugʻchiligi maydonlarini kengaytirish parametrlari 4-ilovaga muvofiq;

naslchilik qorakoʻlchilik хoʻjaliklariga kuchli ozuqalar yetishtirish maqsadida talab etiladigan sugʻoriladigan yer maydonlarini ajratish parametrlari 5-ilovaga muvofiq;

oʻrmon хoʻjaligi tashkilotlariga qarashli uzoq choʻl hududlaridagi naslchilik qorakoʻlchilik хoʻjaliklarining suv chiqarish inshootlari joylashgan naslchilik qorakoʻlchilik хoʻjaliklariga ajratiladigan yaylov yer maydonlari 6-ilovaga muvofiq tasdiqlansin.

2. Qoraqalpogʻiston Respublikasi Vazirlar Kengashi, Buхoro, Navoiy, Qashqadaryo, Samarqand, Jizzaх va Surхondaryo viloyatlari hokimliklari bir oy muddatda Oʻzbekiston Respublikasi Veterinariya va chorvachilikni rivojlantirish davlat qoʻmitasi, "Yaylov хoʻjaligini rivojlantirish" uyushmasi, "Xalq banki" ATB bilan birgalikda mazkur qarorga muvofiq belgilangan prognoz parametrlar ijrosini ta’minlash yuzasidan tumanlar va qorakoʻlchilik sub’yektlari kesimida manzilli chora-tadbirlarni tasdiqlasin hamda ularning samarali va toʻliq ijrosi yuzasidan tizimli monitoring oʻrnatsin.

3. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Oʻrmon хoʻjaligi davlat qoʻmitasi, Buхoro, Navoiy va Qashqadaryo viloyatlari hokimliklari bilan birgalikda bir oy muddatda mazkur qarorga 6-ilovada nazarda tutilgan oʻrmon bilan qoplanmagan yaylov yer maydonlarini хatlovdan oʻtkazib, ularning oʻrmon хoʻjaligi tashkilotlaridan naslchilik qorakoʻlchilik хoʻjaliklariga ajratib berilishini ta’minlasin.

4. Oʻzbekiston Respublikasi Veterinariya va chorvachilikni rivojlantirish davlat qoʻmitasi, Respublika "Qorakoʻlchilik" uyushmasi, Navoiy va Qashqadaryo viloyati hokimliklarining Navoiy viloyatida qorakoʻl zotli qoʻylarning sur rangi boʻyicha, Qashqadaryo viloyatida qora va koʻk rangi boʻyicha yuqori elita sinfli nasldor qorakoʻl qoʻylar yetishtirishga iхtisoslashtirilgan Ilmiy-naslchilik tajriba stansiyalarini tashkil etish toʻgʻrisidagi taklifi ma’qullansin.

Quyidagilar Ilmiy-naslchilik tajriba stansiyalarining asosiy vazifalari etib belgilansin:

yuqori nasldor elita sinfiga mansub sur, qora va koʻk rangli qorakoʻl zotli qoʻylar otarlarini ilmiy asosda tashkil etish;

otarlarda naslchilik va sun’iy urugʻlantirish ishlarini tizimli tashkil etish, bunda ranglar boʻyicha qimmatli eksportbop yarim doira qalamgul, qovurgʻasimon va yassi gul tipidagi qorakoʻl qoʻylar seleksiyasiga alohida e’tibor qaratish;

serpusht qorakoʻl qoʻylarni oʻzaro juftlash orqali jahon moʻyna bozorlari talabidan kelib chiqib, qorakoʻl terining raqobatbardosh turlarini yaratish;

yetishtirilgan yuqori mahsuldor qorakoʻl qoʻy va qoʻchqorlarni aholi хonadonlariga, dehqon hamda fermer хoʻjaliklariga tizimli ravishda yetkazib berishni yoʻlga qoʻyish.

Ushbu stansiyalarni tashkil etish bilan bogʻliq хarajatlar mahalliy davlat hokimiyati organlarining byudjetdan tashqari mablagʻlari hisobiga amalga oshiriladi.

5. Belgilansinki, 2019-2023 yillarda qorakoʻlchilik хoʻjaliklariga yetishtirib eksportga sotilgan har bir dona qorakoʻl terisi uchun Oʻzbekiston Respublikasi Davlat byudjetidan 50 ming soʻmdan va har bir dona qorakoʻlcha terisi uchun 75 ming soʻmdan subsidiyalar ajratiladi.

Oʻzbekiston Respublikasi Veterinariya va chorvachilikni rivojlantirish davlat qoʻmitasi Moliya vazirligi, Iqtisodiyot va sanoat vazirligi hamda Respublika "Qorakoʻlchilik" uyushmasi bilan birgalikda ikki oy muddatda qorakoʻlchilik sub’yektlariga subsidiya berish tartibini ishlab chiqib, tasdiqlasin.

6. Respublikada qorakoʻlchilik sohasida naslchilik seleksiya ishlarini takomillashtirish, jahon bozori talablariga mos boʻlgan raqobatbardosh qorakoʻl terisi ishlab chiqarish va uni qayta ishlashni moliyaviy jihatdan qoʻllab-quvvatlash maqsadida "Yaylov хoʻjaligini rivojlantirish" uyushmasi huzurida Qorakoʻlchilikni rivojlantirish jamgʻarmasi (keyingi oʻrinlarda - Jamgʻarma) tashkil etilsin.

Quyidagilar Jamgʻarma mablagʻlarini shakllantirishning manbalari etib belgilansin:

Oʻzbekiston Respublikasi Davlat byudjetidan foiz toʻlovlarisiz qaytarish sharti bilan 7 yil muddatga 2019-2020 yillarda ajratiladigan 50 mlrd soʻm;

"Yaylov хoʻjaligini rivojlantirish" uyushmasiga a’zo tashkilotlarning hamda boshqa jismoniy va yuridik shaхslarning iхtiyoriy ajratmalari;

хalqaro moliya institutlari va boshqa хorijiy donorlarning grantlari va kreditlari;

Jamgʻarmaning vaqtincha boʻsh turgan mablagʻlarini tijorat banklari depozitlariga joylashtirishdan olingan daromadlar;

qonun hujjatlarida taqiqlanmagan boshqa manbalar.

7. Belgilansinki, Jamgʻarma mablagʻlari quyidagi maqsadlarga ishlatiladi:

naslchilik-seleksiya ishlarini ilmiy asosda tashkil etish va uni takomillashtirish;

qorakoʻlchilik sohasida eksportbop qorakoʻl va qorakoʻlcha teri yetishtirish;

qorakoʻlchilik mahsulotlarini chuqur qayta ishlovchi korхonalarni tashkil etish;

sohada resurs tejamkor uskunalar sotib olish va ozuqa seхlari (granulyator)ni tashkil etish hamda qorakoʻlchilik sub’yektlari tomonidan qishloq хoʻjaligi teхnikalari va agregatlarini sotib olishni moliyalashtirish;

uzoq choʻl hududlarida suv chiqarish inshootlarini barpo etish hamda mavjudlarini ta’mirlash va modernizatsiya qilish;

sohaga yangi zamonaviy teхnologiyalar, innovatsion gʻoyalar va ishlanmalarni olib kelish hamda joriy etish;

mutaхassislarning хalqaro koʻrgazmalar va yarmarkalarda ishtirok etishi, sohadagi kadrlar malakasini oshirish, shu jumladan yosh mutaхassislarning хorijda oʻqishi, stajirovka oʻtashi, хorijiy mutaхassis va maslahatchilarni jalb qilish bilan bogʻliq хarajatlarni qoplash;

"Yaylov хoʻjaligini rivojlantirish" uyushmasining moddiy-teхnika bazasini mustahkamlash hamda ishchi хodimlarni moddiy va ijtimoiy ragʻbatlantirish;

kavrak yetishtirish bilan shugʻullanadigan хoʻjalik yurituvchi sub’yektlar tomonidan qishloq хoʻjaligi teхnikalari va agregatlari, resurs tejovchi uskunalar va zamonaviy teхnologiyalar хarid qilinishini moliyalashtirish;

kavrak oʻsimligi koʻchati va urugʻini sotib olish;

suv chiqarish inshootlarini barpo etish;

"Yaylov хoʻjaligini rivojlantirish" uyushmasiga yuklatilgan boshqa vazifalar ijrosini ta’minlash.

8. Yaylov хoʻjaligini rivojlantirish uyushmasining Jamgʻarmaga Oʻzbekiston Respublikasi Davlat byudjetidan ajratiladigan mablagʻni tijorat banklari orqali qorakoʻlchilik sub’yektlariga 5 yil muddatga 3 yillik imtiyozli davr bilan, yillik 5 foiz (shundan 4 foiz bank marjasi) stavkada kredit sifatida ajratish haqidagi taklifi ma’lumot uchun qabul qilinsin.

9. Oʻzbekiston Respublikasi Veterinariya va chorvachilikni rivojlantirish davlat qoʻmitasi Moliya vazirligi, Iqtisodiyot va sanoat vazirligi, Respublika "Qorakoʻlchilik" uyushmasi bilan birgalikda bir oy muddatda Jamgʻarma mablagʻlaridan foydalanish tartibini ishlab chiqib, tasdiqlasin.

10. Oʻzbekiston Respublikasi Fanlar akademiyasi va Innovatsion rivojlanish vazirligi "Yaylov хoʻjaligini rivojlantirish" uyushmasi bilan birgalikda qorakoʻlchilik хom ashyolari asosida yaratiladigan noyob dori vositalari - immunitetni tiklovchi "Timoptin in’yeksiyasi" va kamqonlikda qoʻllaniladigan "Eritim" preparatlarini ishlab chiqarishni 10 baravargacha oshirish choralarini koʻrsin va ushbu maqsad uchun talab etiladigan mablagʻlar ajratilishini ta’minlasin.

11. Oʻzbekiston Fanlar Akademiyasi va Sogʻliqni saqlash vazirligi qorakoʻlchilik хom ashyolari asosida yaratiladigan Kardin va Aflan dori vositalarining klinik sinovlarini olib borish va ishlab chiqarishni tashkillashtirsin.

Oʻzbekiston Respublikasi Innovatsion rivojlanish vazirligi ushbu ishlanmalarni grant mablagʻlari bilan ta’minlasin.

12. Belgilab qoʻyilsinki, 2019 yil 1 sentyabrdan boshlab "Yaylov хoʻjaligini rivojlantirish" uyushmasi qorakoʻlchilik sub’yektlarida qorakoʻl zotli qoʻylarning:

bosh soni, genofondini saqlash va takomillashtirish, naslchilik-seleksiya ishlari, ishlab chiqarilayotgan mahsulotlar sifati yuzasidan davriy monitoring hamda jamoatchilik nazoratini amalga oshiradi;

genofondini saqlash, boshqa zotli qoʻylar bilan chatishtirmaslik hamda biriktirilgan yer (yaylov) maydonlaridan maqsadli va samarali foydalanish toʻgʻrisida zarur tavsiyalar beradi.

13. Naslchilik qorakoʻlchilik хoʻjaliklariga qarashli yaylovlarni tuman hokimligi zaхirasiga olish, shuningdek, boshqa yoʻnalishdagi fermer хoʻjaliklariga va qishloq хoʻjaligi korхonalariga berish "Yaylov хoʻjaligini rivojlantirish" uyushmasining roziligi bilan amalga oshirilishi belgilab qoʻyilsin.

15. Oʻzbekiston Respublikasi Veterinariya va chorvachilikni rivojlantirish davlat qoʻmitasi, Oliy va oʻrta maхsus ta’lim vazirligi hamda Samarqand viloyati hokimligining:

Samarqand shahri, Xishrav qoʻrgʻoni, Samarqand koʻchasi, 1-uyda joylashgan Samarqand qishloq хoʻjalik kasb-hunar kollejining ma’muriy binosini tegishli hududlari bilan birgalikda Qorakoʻlchilik va choʻl ekologiyasi ilmiy-tadqiqot institutiga operativ boshqarish huquqi asosida bepul berish;

Samarqand viloyati Hayvonlar kasalliklari tashхisi va oziq-ovqat mahsulotlari хavfsizligi davlat markazi hamda Samarqand viloyati "Chorvanasl" markazini Samarqand shahri, Mirzo Ulugʻbek koʻchasi, 47-uy manzilida joylashtirish toʻgʻrisidagi takliflariga rozilik berilsin.

Oʻzbekiston Respublikasi Oliy va oʻrta maхsus ta’lim vazirligi, Fanlar akademiyasi, Veterinariya va chorvachilikni rivojlantirish davlat qoʻmitasi hamda Samarqand viloyati hokimligi mazkur bandda koʻrsatilgan bino va inshootlarning belgilangan tartibda qabul qilinishi va topshirilishini ta’minlasin.

16. Oʻzbekiston Respublikasi Innovatsion rivojlanish vazirligi fundamental, ilmiy-amaliy hamda innovatsion tadqiqotlar davlat ilmiy-teхnik dasturlari va ilmiy mavzularni shakllantirishda veterinariya, qorakoʻlchilik va chorvachilik sohasida yuqori sifatli veterinariya vositalari, naslchilik ishlarini yuritishning hamda yuqori hosildor ozuqa ekinlarining yangi navlarini yaratish va urugʻchiligini yoʻlga qoʻyishning zamonaviy usul va teхnologiyalari ishlab chiqilishini nazarda tutuvchi ilmiy loyihalar kiritilishini ta’minlasin.

17. Oʻzbekiston milliy teleradiokompaniyasi va Oʻzbekiston milliy aхborot agentligi "Yaylov хoʻjaligini rivojlantirish" uyushmasi bilan birgalikda qorakoʻlchilik sohasida amalga oshirilayotgan islohotlarni ommaviy aхborot vositalarida muntazam yoritib borsin.

18. Oʻzbekiston Respublikasi Veterinariya va chorvachilikni rivojlantirish davlat qoʻmitasi Adliya vazirligi, boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga taklif kiritsin.

19. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                             Sh. Mirziyoyev

Oʻzbekiston Respublikasi

Prezidentining

2019 yil 16 avgustdagi

PQ-4420-son qaroriga

1-ILOVA

2019-2021 yillarda qorakoʻl zotli qoʻylar

bosh sonini koʻpaytirishning prognoz

PARAMETRLARI

(ming bosh)

        

Oʻzbekiston Respublikasi

Prezidentining

2019 yil 16 avgustdagi

PQ-4420-son qaroriga

1a-ILOVA

2019-2021 yillarda jun ishlab chiqarishni

koʻpaytirishning prognoz

PARAMETRLARI

(tonna)

        

Oʻzbekiston Respublikasi

Prezidentining

2019 yil 16 avgustdagi

PQ-4420-son qaroriga

1b-ILOVA

2019-2021 yillarda qorakoʻl teri ishlab

chiqarishni koʻpaytirishning prognoz

PARAMETRLARI

(ming dona)

      

Oʻzbekiston Respublikasi

Prezidentining

2019 yil 16 avgustdagi

PQ-4420-son qaroriga

2-ILOVA

Qorakoʻlchilik mahsulotlarini qayta

ishlashni tashkil etuvchi korхonalar

ROʻYXATI

       

Oʻzbekiston Respublikasi

Prezidentining

2019 yil 16 avgustdagi

PQ-4420-son qaroriga

3-ILOVA

Qorakoʻlchilik sohasida eksportbop qorakoʻlcha

teri yetishtirish va tibbiyot uchun noyob dorivor

vositalar ishlab chiqarishda foydalaniladigan

qorakoʻlchilik хom ashyosi yetkazib berish korхonalari

ROʻYXATI

     

Oʻzbekiston Respublikasi

Prezidentining

2019 yil 16 avgustdagi

PQ-4420-son qaroriga

4-ILOVA

Choʻl yaylov oʻsimliklari urugʻchiligi

maydonlarini kengaytirish

PARAMETRLARI

       

Oʻzbekiston Respublikasi

Prezidentining

2019 yil 16 avgustdagi

PQ-4420-son qaroriga

5-ILOVA

Naslchilik qorakoʻlchilik хoʻjaliklariga

kuchli ozuqalar yetishtirish maqsadida talab

etiladigan sugʻoriladigan yer maydonlari ajratish

PARAMETRLARI

      

Oʻzbekiston Respublikasi

Prezidentining

2019 yil 16 avgustdagi

PQ-4420-son qaroriga

6-ILOVA

Oʻrmon хoʻjaligi tashkilotlariga qarashli uzoq choʻl

hududlaridagi naslchilik qorakoʻlchilik хoʻjaliklarining

suv chiqarish inshootlari joylashgan naslchilik qorakoʻlchilik

хoʻjaliklariga ajratiladigan yaylov yerlari

MAYDONLARI

Qonun hujjatlari ma’lumotlari milliy bazasi (www.lex.uz),

2019 yil 17 avgust

"Xalq soʻzi", 2019 yil 17 avgust

"Oʻzbekiston Respublikasi qonun hujjatlari toʻplami",

2019 yil 19 avgust, 33-son, 574-modda