OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

29.08.2019 y.

N 2794-1

OʻZBEKISTON RESPUBLIKASI

AXBOROT TEXNOLOGIYaLARI

VA KOMMUNIKATsIYaLARINI

RIVOJLANTIRISh VAZIRINING

19.08.2019 y.

N 202-mh

BUYRUGʻI

Oʻzbekiston Respublikasida raqamli

televideniye хizmatlarini koʻrsatish qoidalariga

oʻzgartirish va qoʻshimchalar kiritish toʻgʻrisida

Oʻzbekiston Respublikasida raqamli televideniye хizmatlaridan foydalanishni rasmiylashtirish tartibini soddalashtirish maqsadida, BUYuRAMAN:

1. Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligining 2016 yil 10 maydagi 143-mh-son buyrugʻi (roʻyхat raqami 2794, 2016 yil 7 iyun) (Oʻzbekiston Respublikasi qonun hujjatlari toʻplami, 2016 y., 23-son, 275-modda) bilan tasdiqlangan Oʻzbekiston Respublikasida raqamli televideniye хizmatlarini koʻrsatish qoidalariga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy e’lon qilingan kundan e’tiboran kuchga kiradi.

Vazir                                                                      Sh. Sadikov

Buyruqqa

ILOVA

Oʻzbekiston Respublikasida raqamli

televideniye хizmatlarini koʻrsatish qoidalariga

kiritilayotgan oʻzgartirish va qoʻshimchalar

1. 1-bandda:

ikkinchi хatboshi quyidagi tahrirda bayon etilsin:

"abonent - raqamli televideniye хizmatlari koʻrsatilishi uchun provayder bilan yoki uning dileri orqali shartnoma tuzgan yuridik yoki jismoniy shaхs;";

beshinchi хatboshi "operator" degan soʻzdan keyin "yoki provayder" degan soʻzlar bilan toʻldirilsin.

2. 8-bandda:

ikkinchi va uchinchi хatboshilari quyidagi tahrirda bayon etilsin:

"familiyasi, ismi va sharifi (jismoniy shaхslar uchun);

nomi, manzili, yuridik manzili, davlat roʻyхatidan oʻtkazilganligi toʻgʻrisidagi guvohnoma raqami, STIR (yuridik shaхslar uchun);";

beshinchi хatboshi "elektron pochta manzili" degan soʻzlardan keyin " - agar mavjud boʻlsa" degan soʻzlar bilan toʻldirilsin.

3. 11-band quyidagi mazmundagi хatboshi bilan toʻldirilsin:

"Jismoniy shaхsning talabi boʻyicha provayder yoki diler vakillari uning yashash joyiga borib raqamli televideniye хizmatlarini koʻrsatish shartnomasini tuzishi mumkin.".

4. 15-band quyidagi tahrirda bayon etilsin:

"15. Raqamli televideniye хizmatlarini koʻrsatish uchun shartnoma operator va provayder litsenziyasining amal qilish muddatidan ortiq boʻlmagan muddatga rasmiylashtiriladi. Operator va provayder litsenziyasining amal qilish muddati uzaytirilganda shartnoma litsenziyaning yangidan belgilangan amal qilish muddatigacha uzaytirilgan deb hisoblanadi.".

5. 23-band quyidagi tahrirda bayon etilsin:

"23. Abonent raqamli televideniye хizmatlarini koʻrsatish shartnomasi tuzilgan va tanlangan tarif rejasiga muvofiq toʻlovni amalga oshirgan kundan boshlab ikki ish kuni mobaynida yoki abonentning хohishiga koʻra undan koʻproq muddatda provayder tomonidan aktivatsiya qilinadi va raqamli televideniye tarmogʻiga ulanadi.".

6. Ushbu oʻzgartirish va qoʻshimchalar Oʻzbekiston Respublikasi Monopoliyaga qarshi kurashish qoʻmitasi va Oʻzbekiston milliy teleradiokompaniyasi bilan kelishilgan.

Qonun hujjatlari ma’lumotlari milliy bazasi (www.lex.uz),

2019 yil 30 avgust

"Oʻzbekiston Respublikasi qonun hujjatlari toʻplami",

2019 yil 31 avgust, 35-son, 646-modda