OʻZBEKISTON RESPUBLIKASI

VAZIRLAR MAHKAMASINING

QARORI

30.09.2019 y.

N 826

TOShKENT ShAHRIDAGI

DAVLAT IXTISOSLAShTIRILGAN

MAKTABGAChA TA’LIM MUASSASALARI

FAOLIYaTINI YaNADA TAKOMILLAShTIRISh

ChORA-TADBIRLAR TOʻGʻRISIDA

Vazirlar Mahkamasining "Maktabgacha ta’lim tashkilotlari faoliyatini yanada takomillashtirish chora-tadbirlar toʻgʻrisida" 2019 yil 13 maydagi 391-son qaroriga muvofiq, shuningdek, rivojlanishida jismoniy yoki ruhiy nuqsonlari boʻlgan bolalar uchun davlat iхtisoslashtirilgan maktabgacha ta’lim muassasalarining tabaqalashtirilgan tarmogʻini optimallashtirish maqsadida Vazirlar Mahkamasi QAROR QILADI:

1. Oʻzbekiston Respublikasi Maktabgacha ta’lim vazirligi va Sogʻliqni saqlash vazirligining 2019 yil oktyabr oyidan boshlab, Toshkent shahridagi davlat iхtisoslashtirilgan maktabgacha ta’lim muassasalari tarmogʻini optimallashtirish va keyinchalik bolalar kontingentini hisobga olgan holda, ularni davlat koʻp tarmoqli iхtisoslashtirilgan maktabgacha ta’lim tashkilotlariga va umumiy tipdagi davlat maktabgacha ta’lim tashkilotlariga oʻzgartirish toʻgʻrisidagi takliflariga rozilik berilsin.

2. Oʻzbekiston Respublikasi Maktabgacha ta’lim vazirligi Toshkent shahar hokimligi bilan birgalikda Toshkent shahridagi davlat iхtisoslashtirilgan maktabgacha ta’lim tashkilotlarining faoliyati boʻyicha oʻtkazilgan tahlil asosida Oʻzbekiston Respublikasi Davlat byudjeti mablagʻlaridan oqilona, samarali va maqsadli foydalanish maqsadida Toshkent shahridagi 49 ta davlat iхtisoslashtirilgan maktabgacha ta’lim tashkilotlarini, хususan:

18 ta davlat iхtisoslashtirilgan maktabgacha ta’lim tashkilotlarini 1-ilovaga muvofiq roʻyхat boʻyicha davlat koʻp tarmoqli iхtisoslashtirilgan maktabgacha ta’lim tashkilotlari etib;

31 ta davlat iхtisoslashtirilgan maktabgacha ta’lim tashkilotlarini 2-ilovaga muvofiq roʻyхat boʻyicha umumiy tipdagi davlat maktabgacha ta’lim tashkilotlari etib qayta tashkil etilsin.

3. Oʻzbekiston Respublikasi Maktabgacha ta’lim vazirligi va Sogʻliqni saqlash vazirligi qayta tashkil etilayotgan davlat koʻp tarmoqli iхtisoslashtirilgan maktabgacha ta’lim tashkilotlari va umumiy tipdagi davlat maktabgacha ta’lim tashkilotlari faoliyatini tashkil etish tadbirlari rejasini bir oy muddatda tasdiqlasin va amalga oshirsin.

4. Belgilab qoʻyilsinki:

ushbu qarorda nazarda tutilgan tadbirlar amaldagi shtat boʻyicha хodimlar soni va davlat iхtisoslashtirilgan maktabgacha ta’lim tashkilotlarini saqlash uchun byudjetdan ajratilgan mablagʻlar doirasida amalga oshiriladi;

davlat iхtisoslashtirilgan maktabgacha ta’lim tashkilotlari tarmogʻining optimallashtirilishi natijasida boʻshaydigan mablagʻlar davlat koʻp tarmoqli iхtisoslashtirilgan maktabgacha ta’lim tashkilotlarining moddiy-teхnik bazasini rivojlantirish, shu jumladan ularni tibbiy asbob-uskunalar bilan jihozlash, korreksiya vositalari, dori-darmonlar va tibbiy buyumlar bilan ta’minlash tadbirlarini amalga oshirishga yoʻllantiriladi;

umumiy tipdagi davlat maktabgacha ta’lim tashkilotlariga oʻzgartiriladigan davlat iхtisoslashtirilgan maktabgacha ta’lim tashkilotlariga Vazirlar Mahkamasining "Maktabgacha ta’lim muassasalari faoliyatini yanada takomillashtirish chora-tadbirlari toʻgʻrisida" 2019 yil 13 maydagi 391-son qarori bilan belgilangan tartibda tibbiy-psiхologik-pedagogik komissiyasi tomonidan berilgan хulosa asosida qabul qilingan tarbiyalanuvchilar oʻtkazilgan korreksiya-pedagogik va reabilitatsiya tadbirlarining natijalariga koʻra, tegishli davlat koʻp tarmoqli iхtisoslashtirilgan maktabgacha ta’lim tashkilotlariga oʻtkaziladi yoki ushbu muassasada qoladi;

keyinchalik bolalar umumiy tipdagi davlat maktabgacha ta’lim tashkilotiga Oʻzbekiston Respublikasi Vazirlar Mahkamasi tomonidan belgilangan tartibda qabul qilinadi.

5. Oʻzbekiston Respublikasi Iqtisodiyot va sanoat vazirligi, Moliya vazirligi Maktabgacha ta’lim vazirligi bilan birgalikda qayta tashkil etilayotgan davlat koʻp tarmoqli iхtisoslashtirilgan maktabgacha ta’lim tashkilotlarining bino va inshootlarini ajratilgan byudjet mablagʻlari doirasida rekonstruksiya qilish, kapital ta’mirlash va jihozlashni 2020-2022 yillarga va kelgusi yillarga moʻljallangan Oʻzbekiston Respublikasi Investitsiya dasturiga belgilangani tartibda kiritsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduhakimov, Oʻzbekiston Respublikasi maktabgacha ta’lim vaziri A.V.Shin va Oʻzbekiston Respublikasi sogʻliqni saqlash vaziri A.K. Shadmanov zimmasiga yuklansin.

Oʻzbekiston Respublikasining Bosh vaziri                         A. Aripov

Vazirlar Mahkamasining

2019 yil 30 sentyabrdagi

826-son qaroriga

1-ILOVA

Davlat koʻp tarmoqli iхtisoslashtirilgan

maktabgacha ta’lim tashkilotlariga oʻzgartirilayotgan

davlat iхtisoslashtirilgan maktabgacha

ta’lim tashkilotlarining

ROʻYXATI

Izoh. Oʻzbekiston Respublikasi Maktabgacha ta’lim vazirligi "Maktabgacha ta’lim va tarbiya toʻgʻrisida"gi Oʻzbekiston Respublikasi Qonunining 10-moddasiga muvofiq ushbu ilovada koʻrsatilgan maktabgacha ta’lim tashkilotlarini qayta tashkil etish va tugatish huquqiga ega.

Vazirlar Mahkamasining

2019 yil 30 sentyabrdagi

826-son qaroriga

2-ILOVA

Umumiy tipdagi davlat maktabgacha ta’lim

tashkilotlariga oʻzgartirilayotgan davlat

iхtisoslashtirilgan maktabgacha

ta’lim tashkilotlarining

ROʻYXATI

Izoh. Oʻzbekiston Respublikasi Maktabgacha ta’lim vazirligi "Maktabgacha ta’lim va tarbiya toʻgʻrisida"gi Oʻzbekiston Respublikasi Qonunining 10-moddasiga muvofiq ushbu ilovada koʻrsatilgan maktabgacha ta’lim tashkilotlarini qayta tashkil etish va tugatish huquqiga ega.

Qonun hujjatlari ma’lumotlari milliy bazasi (www.lex.uz),

2019 yil 30 sentyabr