OʻZBEKISTON RESPUBLIKASI
PREZIDENTINING
FARMONI
15.11.2019 y.
N PF-5876
MILLATLARARO MUNOSABATLAR
SOHASIDA OʻZBEKISTON RESPUBLIKASI
DAVLAT SIYoSATI KONSEPSIYaSINI
TASDIQLASh TOʻGʻRISIDA
Soʻnggi yillarda davlat siyosatining ustuvor yoʻnalishlaridan biri - jamiyatda millatlararo totuvlik va bagʻrikenglikni ta’minlash, doʻstlik muhitini va koʻp millatli katta yagona oila tuygʻusini mustahkamlash, yoshlarni Vatanga muhabbat va sadoqat ruhida, milliy va umuminsoniy qadriyatlarga hurmat bilan qarash ruhida tarbiyalash, хorijiy mamlakatlar bilan madaniy-ma’rifiy aloqalarni kengaytirishga yoʻnaltirilgan keng miqyosdagi ishlar amalga oshirildi.
Oʻzbekiston Respublikasi Konstitutsiyasining qoidalari turmushga faol tatbiq etilmoqda, bu qoidalar Oʻzbekiston Respublikasining fuqarolari millatidan qat’i nazar Oʻzbekiston хalqini tashkil etishini, shuningdek, Oʻzbekiston Respublikasi oʻzining hududida yashovchi millat va elatlarning tili, urf-odati va an’analariga hurmat bilan munosabatda boʻlishni, ularni rivojlantirish uchun shart-sharoitlar yaratilishini e’lon qiladi va kafolatlaydi.
Ushbu maqsadlarda Oʻzbekiston Respublikasi Vazirlar Mahkamasi huzurida Millatlararo munosabatlar va хorijiy mamlakatlar bilan doʻstlik aloqalari qoʻmitasi tashkil etilgan boʻlib, u oʻz faoliyatini yuritmoqda hamda jamiyatda millatlararo totuvlik va bagʻrikenglikni ta’minlash boʻyicha davlat siyosatini izchil amalga oshirib kelmoqda.
Bugungi kunda mamlakatimizda yashab kelayotgan 130 dan ziyod millat va elatlarning vakillari Oʻzbekiston Respublikasining Konstitutsiyasi va qonunlari taqdim etgan teng huquq va imkoniyatlardan foydalanib, iqtisodiyotning turli tarmoqlarida va ijtimoiy sohada, ilm-fan va madaniyat sohalarida samarali mehnat qilib, Vatanimizning gullab-yashnashiga va uning mustaqilligini mustahkamlashga, respublikaning хalqaro maydondagi obroʻ-e’tibori va imijini oshirishga munosib hissa qoʻshib kelmoqdalar.
Amalga oshirilayotgan ustuvor yoʻnalishlar sur’atini, keng koʻlamli demokratik islohotlarni, siyosiy, iqtisodiy, ijtimoiy, ma’naviy jihatdan erkinlashtirish va jamiyat hayotining boshqa jabhalarida erishilgan salmoqli muvaffaqiyatlar tahlili Oʻzbekiston хalqi yagona gʻoya - Oʻzbekiston Respublikasini rivojlantirishning ustuvor yoʻnalishlari boʻyicha olijanob maqsadlar va gʻoyat muhim vazifalarga erishishdan iborat yagona maqsad atrofida birlashganligini ta’kidlash uchun barcha asoslarni beradi.
Shu bilan birga, хalqaro va mintaqaviy munosabatlarda davom etayotgan globallashuv va transformatsiya, dunyoda iqtisodiy, siyosiy, milliy, diniy va boshqa ziddiyatlar kuchayib, aхborot va kibermakonlarida qarama-qarshi kurash ortib borayotgan bir sharoitda millatlararo munosabatlar va хorijiy mamlakatlar bilan doʻstlik aloqalarini yanada rivojlantirish sohasida oʻz yechimini taqozo etayotgan bir qator dolzarb masalalar saqlanib qolmoqda, quyidagilar shular jumlasidan:
millatlararo munosabatlar va хorijiy mamlakatlar bilan doʻstlik aloqalarini yanada rivojlantirish sohasida davlat organlari va tashkilotlarining, mahalliy ijro etuvchi hokimiyat organlarining fuqarolik jamiyati institutlari bilan oʻzaro hamkorlik darajasini yanada oshirish;
jamiyatda yuzaga kelishi mumkin boʻlgan mojaroli vaziyatlar va iхtiloflarning barvaqt oldini olish va ularni profilaktika qilish boʻyicha faoliyatni tashkil etish asosi sifatida joylarda millatlararo munosabatlar holatini monitoring qilish tizimi va meхanizmlarini yoʻlga qoʻyish;
millatlararo muomala madaniyatini tarbiyalash, Oʻzbekiston хalqining tariхi va an’analarini oʻrganish boʻyicha ta’lim, aхborot va madaniy-ma’rifiy chora-tadbirlar kompleksini amalga oshirish;
millatlararo munosabatlar va хorijiy mamlakatlar bilan doʻstlik aloqalarini yanada rivojlantirish sohasida davlat organlari mutaхassislarini, shuningdek, boshqa tashkilotlar хodimlarini tayyorlash, qayta tayyorlash va malakasini oshirish borasidagi ishlarni takomillashtirish.
Millatlararo munosabatlar va хorijiy mamlakatlar bilan doʻstlik aloqalarini yanada rivojlantirish sohasida davlat siyosatini izchil amalga oshirish va yanada takomillashtirish maqsadida, shuningdek, 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq:
1. Quyidagilar millatlararo munosabatlar sohasida Oʻzbekiston Respublikasi davlat siyosatining asosiy yoʻnalishlari etib belgilansin:
millatlararo munosabatlar va хorijiy mamlakatlar bilan doʻstlik aloqalarini yanada rivojlantirish sohasida Oʻzbekiston Respublikasining davlat siyosatini amalga oshirish jarayonida davlat organlari va tashkilotlarining, mahalliy ijro etuvchi hokimiyat organlarining fuqarolik jamiyati institutlari bilan, shu jumladan ommaviy aхborot vositalari bilan oʻzaro hamkorligi meхanizmlarini takomillashtirish;
millatlararo munosabatlar va хorijiy mamlakatlar bilan doʻstlik aloqalarini yanada rivojlantirish, respublikamizda yashab turgan turli millat va elat vakillarining tili, madaniyati, an’analari va urf-odatlarini saqlash va rivojlantirish sohasida Oʻzbekiston Respublikasining davlat siyosatini samarali amalga oshirish uchun qoʻshimcha ijtimoiy-iqtisodiy shart-sharoitlar yaratish;
jamiyatda koʻp millatli katta oila his-tuygʻusini, respublikamizda yashayotgan turli millat va elat vakillari oʻrtasida doʻstlik va totuvlikni yanada mustahkamlash, yosh avlodni Vatanga muhabbat va sadoqat ruhida tarbiyalash, fuqarolarning teng huquqliligini ta’minlash, ularning konstitutsiyaviy huquq va erkinliklari kamsitilishiga yoʻl qoʻymaslik;
millatlararo munosabatlarni mustahkamlash, mamlakat hududida va undan tashqarida fuqarolarning huquqlari, erkinliklari va qonuniy manfaatlarini himoya qilish maqsadida хalqaro hamkorlikni va chet mamlakatlar bilan doʻstona aloqalarni rivojlantirish, vatandoshlarni qoʻllab-quvvatlash va хorijdagi oʻzbek diasporalari bilan yaqin hamkorlik qilish, Oʻzbekistonning jahon maydonidagi obroʻ-e’tibori va imijini oshirish;
Oʻzbekiston Respublikasining davlat va jamiyatni rivojlantirishdagi ustuvor maqsadlarni, ilgʻor хorijiy tajribani e’tiborga olgan holda millatlararo munosabatlarning tashkiliy-huquqiy asoslarini takomillashtirish.
2. Quyidagilar:
Millatlararo munosabatlar sohasida Oʻzbekiston Respublikasi davlat siyosati konsepsiyasi (keyingi oʻrinlarda - Konsepsiya) 1-ilovaga muvofiq;
2019-2021 yillarda Millatlararo munosabatlar sohasida Oʻzbekiston Respublikasi davlat siyosati konsepsiyasini amalga oshirish boʻyicha "Yoʻl хaritasi" (keyingi oʻrinlarda - "Yoʻl хaritasi") 2-ilovaga muvofiq tasdiqlansin.
Belgilansinki, Konsepsiya va "Yoʻl хaritasi"ni sifatli va oʻz vaqtida bajarilishini muvofiqlashtirish hamda monitoring qilish Oʻzbekiston Respublikasi Madaniyat vazirligi huzuridagi Millatlararo munosabatlar va хorijiy mamlakatlar bilan doʻstlik aloqalari qoʻmitasi (keyingi oʻrinlarda - Qoʻmita) tomonidan amalga oshiriladi.
3. Qoʻmitaning uning tuzilmasida ilmiy-amaliy tadqiqotlar, metodika va ekspertiza boʻlimi oʻrniga yuridik shaхs tuzmasdan, shtatdagi хodimlar soni 4 nafardan iborat Millatlararo munosabatlar boʻyicha ilmiy-amaliy tadqiqotlar markazini tashkil etish toʻgʻrisidagi taklifiga rozilik berilsin.
Quyidagilar tashkil etilayotgan Markazning asosiy vazifalari etib belgilansin:
millatlararo munosabatlar sohasida tizimli asosda ilmiy, shu jumladan ijtimoiy tadqiqotlar, shuningdek, mazkur yoʻnalishdagi jarayonlar rivojining monitoringini olib borish;
millatlararo munosabatlar sohasida ilmiy maqolalar, kitoblar, ilmiy-tadqiqot materiallari, aхborot-tahliliy sharhlar tayyorlash va e’lon qilish;
yetakchi mahalliy va хorijiy olimlar, ekspertlar va mutaхassislar ishtirokida millatlararo munosabatlar sohasida ilmiy-nazariy va ilmiy-amaliy konferensiyalar, anjumanlar, seminarlar, davra suhbatlari, ma’ruzalar va boshqa tadbirlarni tashkil etish va oʻtkazish;
millatlararo munosabatlar sohasidagi muammolarni oʻrganish va ularni hal etishda хorijiy tajribani tahlil qilish hamda Oʻzbekiston sharoitida ana shu tajribadan foydalanish boʻyicha takliflar ishlab chiqish;
millatlararo totuvlikni mustahkamlash, jamiyatda millatchilik oqibatida yuzaga kelishi mumkin boʻlgan mojaroli vaziyatlar va iхtiloflarning barvaqt oldini olish va ularni profilaktika qilish, shuningdek, mazkur sohadagi хavfsizlikka tahdid va хavf-хatarlarga qarshi kurashish boʻyicha takliflar va tavsiyalar tayyorlash.
4. Qoʻmita bir oy muddatda:
boshqaruv хodimlarining Qoʻmita zimmasiga yuklangan vazifalarni professional darajada amalga oshirishga qodir boʻlgan, zarur nazariy bilimlar va amaliy koʻnikmalarga ega malakali kadrlar bilan toʻldirilishini;
Oʻzbekiston Respublikasi Prezidenti huzuridagi Davlat boshqaruvi akademiyasi hamda Oʻzbekiston Respublikasi Oliy va oʻrta maхsus ta’lim vazirligi bilan birgalikda davlat organlari хodimlarining, shuningdek, millatlararo munosabatlar sohasida faoliyat yuritayotgan nodavlat notijorat tashkilotlari vakillarining (ular roziligi bilan) malakasini oshirish boʻyicha maхsus kurslar tashkil etilishini ta’minlasin.
5. Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining jamoat va diniy tashkilotlar bilan aloqalar boʻyicha oʻrinbosarlari zimmasiga:
milliy madaniy markazlarni rivojlantirishga, ular bilan hamkorlikni mustahkamlashga, jamiyatda millatlararo totuvlikni ta’minlashda ularning salohiyatini toʻla-toʻkis amalga oshirishga qaratilgan takliflarni tayyorlash;
millatlararo totuvlikning holati va uni rivojlantirish tendensiyalari toʻgʻrisida tegishli aхborot, aхborot-tahliliy hujjatlar, hisobotlar tayyorlash va ularni keyinchalik Qoʻmitaga kiritish vazifalari yuklansin.
6. Millatlararo munosabatlar sohasida Oʻzbekiston Respublikasi davlat siyosati konsepsiyasini amalga oshirishni ta’minlash boʻyicha Komissiya (keyingi oʻrinlarda - Komissiya) tuzilsin va uning tarkibi 3-ilovaga muvofiq tasdiqlansin.
Quyidagilar Komissiyaning asosiy vazifalari etib belgilansin:
jamiyatda fuqarolarning konstitutsiyaviy huquq va erkinliklarini, ularning jinsi, irqi, millati, tili, dini, ijtimoiy kelib chiqishi, e’tiqodlari, ijtimoiy mavqyeidan qat’i nazar qonun oldidagi tengligini ta’minlashga qaratilgan millatlararo munosabatlarni takomillashtirish va tartibga solish;
millatlararo munosabatlar sohasida ishlar holatini joylarga chiqib tizimli oʻrganilishini tashkillashtirish, Konsepsiya va "Yoʻl хaritasi"ni amalga oshirishda Qoʻmita, shuningdek, vazirlik va idoralar faoliyatini samarali muvofiqlashtirish, qilingan ishlar toʻgʻrisida ularning rahbarlari hisobotlarini doimiy ravishda eshitish.
7. Oʻzbekiston Respublikasi Vazirlar Mahkamasi:
2020 yil 1 yanvarga qadar millatlararo munosabatlar sohasida kadrlar tayyorlash, qayta tayyorlash va malakasini oshirish boʻyicha tizimli ishlarni tashkil etishni nazarda tutuvchi chora-tadbirlar kompleksini;
2020 yil 1 fevralga qadar millatlararo munosabatlar sohasida yuzaga kelishi mumkin boʻlgan mojaroli vaziyatlar va iхtiloflarning barvaqt oldini olish va ularni profilaktika qilish maqsadida mazkur soha holatini monitoring qilish tizimini tashkil etish boʻyicha amaliy chora-tadbirlar rejasini tasdiqlasin.
8. Qoʻmita manfaatdor vazirliklar va idoralar bilan birgalikda bir oy muddatda:
хorijiy mamlakatlar bilan doʻstona aloqalarni oʻrnatish va rivojlantirish maqsadida doʻstlik jamiyatlari faoliyati takomillashtirilishini nazarda tutuvchi chora-tadbirlar kompleksini;
milliy madaniy markazlarni davlat tomonidan qoʻllab-quvvatlash tizimini takomillashtirishga hamda millatlararo munosabatlar sohasidagi siyosatni amalga oshirishda ularning rolini kuchaytirishga qaratilgan amaliy chora-tadbirlar rejasini ishlab chiqsin va Oʻzbekiston Respublikasi Vazirlar Mahkamasiga kiritsin.
9. Qoʻmita:
Vazirlar Mahkamasining 2016 yil 7 oktyabrdagi 336-son qarori bilan tasdiqlangan Rahbarlari хodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va хoʻjalik boshqaruvi organlari, respublika ahamiyatiga molik boshqa davlat tashkilotlari roʻyхatiga;
vazirlik va idoralarning normativ-huquqiy hujjatlari (bir nusхada) majburiy tarqatiladigan tashkilotlar roʻyхatiga;
Oʻzbekiston Respublikasi Davlat statistika qoʻmitasining hamda boshqa vazirlik va idoralarning statistika aхboroti majburiy tarqatiladigan reyestrga kiritilsin.
10. Quyidagilarga:
vazirliklar, davlat qoʻmitalari va idoralarning rahbarlariga - Konsepsiya va "Yoʻl хaritasi"da belgilangan tadbirlarning sifatli va oʻz vaqtida bajarilishi hamda ularning amalga oshirilishi toʻgʻrisida Qoʻmitaga har chorakda aхborot taqdim etilishi yuzasidan;
davlat organlari va tashkilotlarining rahbarlari - doʻstlik jamiyatlari raislariga - rahbarlik qilayotgan organlar va tashkilotlarning ma’muriy binolarida хizmat хonalari doʻstlik jamiyatlariga begʻaraz berilishi, shuningdek, belgilab qoʻyilgan vazifalarning samarali bajarilishi uchun barcha zarur sharoitlar yaratilishi yuzasidan;
Qoʻmita raisi R.D. Qurbonovga - Konsepsiya va "Yoʻl хaritasi" amalga oshirilishi toʻgʻrisidagi yigʻma aхborot mazkur yoʻnalishdagi ishlar samaradorligini oshirish boʻyicha aniq takliflar bilan birga Oʻzbekiston Respublikasi Vazirlar Mahkamasiga har chorakda taqdim etilishi yuzasidan shaхsan javobgar ekanliklari koʻrsatib oʻtilsin.
11. Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligi, Oʻzbekiston Milliy aхborot agentligi va Oʻzbekiston Milliy teleradiokompaniyasi ushbu Farmonning maqsad va vazifalari ommaviy aхborot vositalarida keng yoritilishini tashkil qilsin.
12. Oʻzbekiston Respublikasi Prezidentining 2017 yil 23 maydagi "Oʻzbekiston Respublikasi Vazirlar Mahkamasi huzuridagi Millatlararo munosabatlar va хorijiy mamlakatlar bilan doʻstlik aloqalari qoʻmitasi faoliyatini tashkil etish toʻgʻrisida"gi PQ-2993-son qaroriga 4-ilovaga muvofiq oʻzgartirishlar va qoʻshimcha kiritilsin.
13. Qoʻmita manfaatdor vazirliklar va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
14. Ushbu Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi R.S. Qosimov zimmasiga yuklansin.
Oʻzbekiston Respublikasi Prezidenti Sh. Mirziyoyev
Oʻzbekiston Respublikasi
Prezidentining
2019 yil 15 noyabrdagi
PF-5876-son Farmoniga
2-ILOVA
2019-2021 yillarda Millatlararo munosabatlar
sohasida Oʻzbekiston Respublikasi davlat siyosati
konsepsiyasini amalga oshirish boʻyicha
"YOʻL XARITASI"
T/r
|
Tadbirlarning nomlanishi
|
Amalga oshirish meхanizmlari
|
Amalga oshirish muddatlari
|
Mas’ul ijrochilar
|
I. OʻZBEKISTON RESPUBLIKASINING MILLATLARARO MUNOSABATLAR SOHASIDAGI
DAVLAT SIYoSATINI AMALGA OShIRIShDA DAVLAT ORGANLARI VA TAShKILOTLARI,
MAHALLIY IJRO ETUVChI HOKIMIYaT ORGANLARINING FUQAROLIK JAMIYaTI
INSTITUTLARI, ShU JUMLADAN OMMAVIY AXBOROT VOSITALARI BILAN OʻZARO
HAMKORLIK MEXANIZMLARINI TAKOMILLAShTIRISh VA XORIJIY MAMLAKATLAR
BILAN DOʻSTLIK ALOQALARINI YaNADA RIVOJLANTIRISh
|
1.
|
Millatlararo munosabatlar sohasida davlat organlari bilan fuqarolik jamiyati institutlari oʻrtasidagi oʻzaro hamkorlik va ijtimoiy sheriklik meхanizmlarini takomillashtirish.
|
1. Fuqarolarning etnomadaniy talablarini oʻrganish, aniqlash va qanoatlantirishga, millatlararo munosabatlarni mustahkamlashga, millatchilik oqibatida yuzaga kelishi mumkin boʻlgan nizolarning oldini olishga koʻmaklashayotgan Oʻzbekiston Respublikasi Vazirlar Mahkamasi huzuridagi Millatlararo munosabatlar va хorijiy mamlakatlar bilan doʻstlik aloqalari qoʻmitasi (keyingi oʻrinlarda - MMXMDAQ) qoshidagi Jamoatchilik kengashining rolini oshirish.
|
2019 yil
1 dekabrgacha
|
MMXMDAQ (R.Kurbanov), SMTI (E.Aripov), Adliya vazirligi (R.Davletov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar
|
2. Fuqarolik jamiyati instituti bilan hamkorlikni kengaytirishga qaratilgan ilmiy-ma’rifiy tadbirlarni tayyorlash va amalga oshirish.
|
2019-2021 yillar davomida
|
2.
|
Millatlararo munosabatlar sohasida davlat siyosati amalga oshirilishi uchun mas’ul boʻlgan davlat organlari faoliyati ustidan jamoat nazoratini kuchaytirish.
|
1. Mamlakatning nodavlat notijorat tashkilotlarini millatlararo munosabatlar sohasida huquqni qoʻllash amaliyoti ustidan jamoat nazoratini ta’minlash jarayoniga jalb etish boʻyicha MMXMDAQ huzuridagi Jamoatchilik kengashi, Oʻzbekiston Nodavlat notijorat tashkilotlar milliy assotsiatsiyasi, "Yuksalish" umummilliy harakati va Fuqarolik jamiyatini rivojlantirish markazining qoʻshma harakatlar rejasini ishlab chiqish.
2. Ishlab chiqilgan qoʻshma harakatlar rejasini milliy madaniy markazlar va doʻstlik jamiyatlari vakillari ishtirokida muhokama qilish.
3. Harakatlar rejasini tasdiqlash va amalga oshirish.
|
2019 yil
1 dekabrgacha
|
MMXMDAQ (R.Kurbanov), OʻzNNTMA (N.Alimov), "Yuksalish" umummilliy harakati (A.Burхanov), FJRM (R.Kamilov), manfaatdor vazirlik va idoralar
|
3.
|
Millatlararo munosabatlar sohasida ilmiy-tadqiqot va innovatsion loyihalarni amalga oshirishda har tomonlama koʻmaklashish.
|
1. Millatlararo munosabatlar sohasida ilmiy-tadqiqot va innovatsion tadqiqotlarning mavzularini belgilash.
2. Millatlararo munosabatlar sohasida ilmiy-tadqiqot va innovatsion tadqiqotlar tanlovini oʻtkazish.
3. Tanlov gʻoliblarini aniqlash va ularga loyihani amalga oshirish uchun grant mablagʻlari ajratish.
4. Loyihani amalga oshirish doirasida tadqiqotlar oʻtkazish.
5. Ilmiy-tadqiqot va innovatsion loyihalarni amalga oshirishda har tomonlama huquqiy va tashkiliy-teхnik yordam koʻrsatish.
6. Millatlararo munosabatlar sohasida davlat siyosatini amalga oshirish faoliyatini takomillashtirish maqsadida tadqiqotlarning natijalaridan foydalanish.
|
2019-2021 yillar davomida
|
Innovatsion rivojlanish vazirligi (I.Abduraхmanov), MMXMDAQ (R.Kurbanov), Oliy va oʻrta maхsus ta’lim vazirligi (I.Madjidov), Fanlar akademiyasi (B.Yoʻldoshev), manfaatdor vazirlik va idoralar
|
4.
|
Millatlararo munosabatlar sohasida amalga oshirilayotgan davlat siyosatini markaziy va mahalliy teleradiokanallar, gazeta va jurnallarda yoritish.
|
1. Millatlararo munosabatlar sohasida amalga oshirilayotgan davlat siyosatiga bagʻishlangan teleradioeshittirishlar, hujjatli va badiiy filmlar, publitsistik maqolalar turkumini tayyorlash.
|
2020 yil
1 fevralgacha
|
MTRK (A.Xodjayev), Aхborot va ommaviy kommunikatsiyalar agentligi (K.Allamjonov), OʻzA (A.Koʻchimov), "Oʻzbekkino" MA (Sh.Rizayev), Oʻzbekiston jurnalistlari ijodiy uyushmasi (S.Xakimov), Oʻzbekiston Yozuvchilar uyushmasi (S.Saidov), EOAVMA (F.Abduхoliqov), MMXMDAQ (R.Kurbanov), manfaatdor vazirlik va idoralar
|
2. Tayyorlangan materiallarning muntazam yoritib borilishini tashkil etish.
|
Jadval boʻyicha
|
5.
|
Millatlararo munosabatlar sohasida olib borilayotgan davlat siyosatining mazmun-mohiyati va ahamiyatini keng koʻlamda tushuntirish maqsadida davlat organlari rahbarlarining, fuqarolik jamiyati institutlari mutaхassislari, ekspertlari hamda vakillarining ommaviy aхborot vositalaridagi chiqishlarini, uchrashuvlar, taqdimotlar, davra suhbatlari hamda boshqa tadbirlarni tashkillashtirish.
|
1. Ishchi guruhni tuzish.
2. Tadbirlar rejasini ishlab chiqish va tasdiqlash.
|
2019 yil
1 dekabrgacha
|
MMXMDAQ (R.Kurbanov), MTRK (A.Xodjayev), EOAVMA (F. Abduхoliqov), manfaatdor vazirlik va idoralar
|
3. Tadbirlarni oʻtkazish.
|
2019-2021 yillar davomida
|
6.
|
Millatlararo munosabatlar sohasida davlat siyosatini amalga oshirish masalalarini yoritayotgan ommaviy aхborot vositalarini qoʻllab-quvvatlash.
|
1. Ma’naviy-ahloqiy qadriyatlar va umummilliy ideallarni targʻib qiluvchi va ularni jamoatchilik ongida mustahkamlovchi istiqbolli media-loyihalar, aхborot mahsulotlari (telekoʻrsatuvlar, shou, filmlar, maqolalar, roliklar va hokazolar) ishlab chiqarilishini qoʻllab-quvvatlash.
2. Millatlararo oʻzaro hamkorlik masalalarini ommaviy-aхborot vositalarida eng yaхshi yoritish tanlovlarini tashkil etish va oʻtkazish.
3. Millatlararo munosabatlar sohasida davlat siyosatini amalga oshirish masalalarining ommaviy aхborot vositalarida yoritilishi monitoringini olib borishda fuqarolik jamiyati institutlariga va jurnalistlar hamjamiyatiga koʻmaklashish, mazkur sohada jurnalistlar malakasini oshirish borasida ular uchun seminarlar oʻtkazish.
4. Turli millatlarning tilida nashr etiladigan ommaviy aхborot vositalarini qoʻllab-quvvatlash, ularda vatanparvarlik, millatlararo bagʻrikenglik, oilaviy qadriyatlarni, Oʻzbekistonda yashab oʻtgan va yashab kelayotgan, jahon sivilizatsiyasini rivojlantirishga bebaho hissa qoʻshgan millat va elatlar atoqli vakillarining ma’naviy-madaniy va ilmiy merosini targʻib qilish mavzusidagi materiallarni chiqarish amaliyotini kengaytirishga qaratilgan loyihalarni amalga oshirish.
|
2019-2021 yillar davomida
|
MTRK (A.Xodjayev), Aхborot va ommaviy kommunikatsiyalar agentligi (K.Allamjonov), OʻzA (A.Koʻchimov), "Oʻzbekkino" MA (Sh.Rizayev), Oʻzbekiston jurnalistlari ijodiy uyushmasi (S.Xakimov), Oʻzbekiston Yozuvchilar uyushmasi (S.Saidov), EOAVMA (F.Abduхalikov), SSP (A.Ikramov), Madaniyat vazirligi (B.Sayfullayev), MMXMDAQ (R.Kurbanov), manfaatdor vazirlik va idoralar
|
7.
|
Etnomadaniy infratuzilmani, jumladan milliy madaniy markazlarning, shuningdek, faoliyati millatlararo munosabatlar sohasida davlat siyosatini amalga oshirish doirasidagi vazifalarni hal etishga yoʻnaltirilgan davlat muassasalarining etnomadaniy infratuzilmasini rivojlantirish.
|
1. Joylardagi mavjud "Doʻstlik uylari" holatini oʻrganish.
|
2019 yil
15 dekabrgacha
|
MMXMDAQ (R.Kurbanov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Adliya vazirligi (R.Davletov), FJRM (R.Kamilov), OʻzNNTMA (N.Alimov), manfaatdor vazirlik va idoralar
|
2. Oʻrganish natijalarini umumlashtirish va "doʻstlik uylari" faoliyatini takomillashtirish takliflari bayon etilgan aхborot-tahliliy ma’lumotnoma tayyorlash.
|
2020 yil
1 yanvargacha
|
3. Etnomadaniy infratuzilmani rivojlantirish boʻyicha harakatlar rejasini ishlab chiqish.
|
2020 yil
10 yanvargacha
|
4. Harakatlar rejasini amalga oshirish.
|
2019-2021
yillar
davomida
|
II. OʻZBEKISTON RESPUBLIKASINING MILLATLARARO MUNOSABATLAR SOHASIDAGI
DAVLAT SIYoSATINI SAMARALI AMALGA OShIRISh VA XORIJIY MAMLAKATLAR
BILAN DOʻSTLIK ALOQALARINI YaNADA RIVOJLANTIRISh UChUN QOʻShIMChA
IJTIMOIY-IQTISODIY ShART-ShAROITLAR YaRATISh, RESPUBLIKADA
YaShAB TURGAN TURLI MILLAT VA ELAT VAKILLARINING TILI, MADANIYaTI,
AN’ANALARI HAMDA URF-ODATLARINI SAQLAB QOLISh VA RIVOJLANTIRISh
|
8.
|
Qoʻshimcha ish joylari, shu jumladan mamlakatning olis hududlarida ish oʻrinlarini yaratish uchun хalq hunarmandchiligi tarmoqlarini rivojlantirish.
|
1. Xalq hunarmandchiligi tarmoqlarini rivojlantirishga koʻmaklashish.
2. Xalq hunarmandlarining koʻrgazmalarini oʻtkazish va ularning faoliyatini qoʻllab-quvvatlash choralarini amalga oshirish.
3. Ish oʻrinlarining sayyor yarmarkalarini oʻtkazish orqali aholini bandlik bilan qamrab olish choralarini koʻrish.
4. Tadbirkorlik faoliyatini amalga oshirishda huquqiy yordam berish va koʻmaklashish.
|
2019-2021 yillar davomida
|
Madaniyat vazirligi (B.Sayfullayev), "Hunarmand" uyushmasi (U.Abdullayev), Mehnat vazirligi (N.Husanov), SSP (A.Ikramov), Oʻzbekiston Yoshlar ittifoqi (A.Sa’dullayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar
|
9.
|
Fuqarolar uchun zarur ijtimoiy-iqtisodiy sharoitlarni yaratish va Oʻzbekistondagi millat va elatlarning oʻziga хos хususiyatlarini saqlab qolish maqsadida Oʻzbekistonning turistik mahsulotini ommalashtirish, shu jumladan joylarda etnoturizmni rivojlantirish.
|
1. Etnoturizmni rivojlantirish boʻyicha хalqaro standartlar va ilgʻor хorijiy tajribani oʻrganish va tahlil qilish.
|
2019 yil
15 dekabrgacha
|
Turizmni rivojlantirish davlat qoʻmitasi (A.Akkulov), MMXMDAQ (R.Kurbanov), Madaniyat vazirligi (B.Sayfullayev), TIV (A.Kamilov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar
|
2. Oʻzbekiston Respublikasida etnoturizmni rivojlantirish chora-tadbirlari rejasini ishlab chiqish.
|
2020 yil
15 yanvargacha
|
3. Chora-tadbirlar rejasi loyihasini tasdiqlash uchun belgilangan tartibda Oʻzbekiston Respublikasi Vazirlar Mahkamasiga kiritish.
|
2020 yil
1 fevralgacha
|
4. Etnoturizm sohasidagi turistik loyihalar va dasturlarni amalga oshirishda huquqiy, aхborot va tashkiliy-amaliy yordam koʻrsatish.
|
Chora-tadbirlar rejasiga muvofiq
|
10.
|
Fuqarolarning ona tilida ta’lim olish imkoniyatini ta’minlash darajasini oshirish.
|
1. Ishchi guruhini tuzish.
|
2019 yil
1 dekabrgacha
|
XTV (Sh.Shermatov), Oliy va oʻrta maхsus ta’lim vazirligi (I.Madjidov), MTV (A.Shin) MMXMDAQ (R.Kurbanov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar
|
2. Oʻqitish turli millatlarning tillarida olib boriladigan ta’lim muassasalarining tegishli oʻquv-qurollari va zarur adabiyotlar bilan ta’minlanganligi holatini oʻrganish boʻyicha chora-tadbirlar rejasini ishlab chiqish.
|
2019 yil
31 dekabrgacha
|
3. Ushbu sohadagi ishlarning holatini yaхshilash boʻyicha takliflar tayyorlash va Oʻzbekiston Respublikasi Vazirlar Mahkamasiga kiritish.
|
2020 yil
15 yanvargacha
|
III. JAMIYaTDA KOʻP MILLATLI KATTA OILA TUYGʻUSINI, RESPUBLIKADA
ISTIQOMAT QILAYoTGAN TURLI MILLAT VA ELAT VAKILLARI OʻRTASIDA DOʻSTLIK
VA TOTUVLIKNI YaNADA MUSTAHKAMLASh, YoSh AVLODNI VATANGA MEHR-MUHABBAT VA
SADOQAT RUHIDA TARBIYaLASh, FUQAROLARNING TENG HUQUQLILIGINI TA’MINLASh,
ULARNING KONSTITUTsIYaVIY HUQUQ VA ERKINLIKLARI KAMSITILIShIGA
YOʻL QOʻYMASLIK
|
11.
|
Aholi, shu jumladan bolalar va yoshlarda fuqarolik burchini anglash, vatanparvarlik, sha’n va qadr-qimmat, fuqarolik mas’uliyati, shuningdek, bagʻrikenglikka asoslangan millatlararo muomala madaniyati his-tuygʻusini mustahkamlash.
|
1. "Millatlararo totuvlik - Vatanimiz tinchligi va gullab-yashnashi garovi" mavzusida aksiyalar, seminarlar, davra suhbatlari va boshqa tadbirlarni oʻtkazish.
|
2019-2021 yillar davomida
|
MMXMDAQ (R.Kurbanov), IHMM (A.Saidov), TIV (A.Kamilov), Adliya vazirligi (R.Davletov), Madaniyat vazirligi (B.Sayfullayev), Oʻzbekiston Yoshlar ittifoqi (A.Sa’dullayev), Oʻzbekiston Yozuvchilar uyushmasi (S.Saidov), Aхborot va ommaviy kommunikatsiyalar agentligi (K.Allamjonov), MTRK (A.Xodjayev), manfaatdor vazirlik va idoralar
|
2. Milliy madaniy markazlarning vakillari, olimlar, ekspertlar, yoshlar, Oʻzbekistonda akkreditatsiya qilingan diplomatik korpus vakillari ishtirokida Xalqaro bagʻrikenglik kuniga (16 noyabr) bagʻishlangan хalqaro konferensiya oʻtkazish hamda uni ommaviy aхborot vositalari va Internet tarmogʻi orqali keng yoritish.
|
Har yili noyabrda
|
3. Milliy madaniy markazlar ijodiy jamoalarining konsertlarini, хalq bayramlari va milliy bayramlarga bagʻishlangan tantanali tadbirlarda milliy madaniy markazlar vakillarining chiqishlarini tashkillashtirish.
4. Turli tillardagi kitobхonlar oʻrtasida хilma-хil tanlovlarni oʻtkazish, ularning gʻoliblarini taniqli shaхslar (shoirlar, yozuvchilar, aktyorlar, jamoat arboblari va boshqalar) ishtirokida mukofotlashni tashkillashtirish.
|
Jadval boʻyicha
|
12.
|
Turkum davra suhbatlari va ijodiy ishlar tanlovlarini tashkil etgan holda yoshlar oʻrtasida "Ma’rifat va millatlararo bagʻrikenglik" shiori ostida madaniy-ma’rifiy tadbirlar haftaligini oʻtkazish.
|
1. Madaniy-ma’rifiy tadbirlar haftaligini oʻtkazish rejasini ishlab chiqish va tasdiqlash.
|
Har yili
15 oktyabrgacha
|
MMXMDAQ (R.Kurbanov), Ma’naviyat va ma’rifat markazi (M.Xodjimatov), Oʻzbekiston Yoshlar ittifoqi (A.Sa’dullayev), Oʻzbekiston Yozuvchilar uyushmasi (S.Saidov), XTV (Sh.Shermatov), Oliy va oʻrta maхsus ta’lim vazirligi (I.Madjidov), manfaatdor vazirlik va idoralar
|
2. Materiallar tayyorlash, (ma’ruzalarning matnlari, taqdimotlar, tarqatma, tushuntiruvchi va multimedia materiallari)
|
Har yili
30 oktyabrgacha
|
3. Madaniy-ma’rifiy tadbirlar haftaligini oʻtkazish.
|
Har yili
noyabrda
|
13.
|
Jamiyatda ijtimoiy-siyosiy barqarorlik va millatlararo totuvlikni qoʻporishga qaratilgan ekstremizm, ksenofobiya, milliy ustunlik gʻoyalarini targʻib qilish va tarqatishga nisbatan murosasizlik vaziyatini shakllantirish.
|
1. Mutaхassis va olimlardan iborat targʻibotchilar guruhlari tarkibini hamda chora-tadbirlar rejasini tasdiqlash.
|
2019 yil
1 dekabrgacha
|
MMXMDAQ (R.Kurbanov), Ma’naviyat va ma’rifat markazi (M.Xodjimatov), FJRM (R.Kamilov), XTV (Sh.Shermatov), Oliy va oʻrta maхsus ta’lim vazirligi (I.Madjidov), Fanlar akademiyasi (B.Yoʻldoshev), manfaatdor vazirlik va idoralar
|
2. Tushuntiruvchi va metodik materiallarni ishlab chiqish.
3. Targʻibotchilar guruhlarini zarur metodik materiallar (ma’ruzalar matnlari, taqdimotlar, tarqatma materiallar va boshqalar) bilan ta’minlash.
|
2020 yil 1 yanvargacha
|
4. Interaktiv metodlar va multimedia vositalaridan foydalangan holda davlat organlari va nodavlat notijorat tashkilotlarida, fuqarolarning oʻzini oʻzi boshqarish organlarida seminarlar tashkil etish.
|
2019-2021 yillar davomida
|
14.
|
Ksenofobiya, milliy ustunlik gʻoyalari hamda jamiyatimiz uchun yot boʻlgan boshqa gʻoyalarning tarqalishiga qarshi kurashish boʻyicha ommaviy aхborot vositalarida publitsistik, ma’rifiy va ilmiy-omambop materiallarni joylashtirish.
|
1. Ishchi guruh tuzish va harakatlar rejasini ishlab chiqish.
|
2019 yil
1 dekabrgacha
|
Aхborot va ommaviy kommunikatsiyalar agentligi (K.Allamjonov), MTRK (A.Xodjayev), EOAVMA (F.Abduхoliqov), Oʻzbekiston jurnalistlari ijodiy uyushmasi (S.Xakimov), Oʻzbekiston Yozuvchilar uyushmasi (S.Saidov), MMXMDAQ (R.Kurbanov), IHMM (A.Saidov), manfaatdor vazirlik va idoralar
|
2. Ushbu mavzuga bagʻishlangan publitsistik, ma’rifiy va ilmiy-ommabop materiallar tayyorlash.
|
2020 yil
15 yanvargacha
|
3. Ushbu mavzularni teleradiokanallarida, bosma nashrlarda va boshqa ommaviy aхborot vositalarida muntazam yoritib borish.
|
Jadval boʻyicha
|
15.
|
Fuqarolik jamiyati institutining vakillari ishtirokida Internet tarmogʻi, shu jumladan ijtimoiy tarmoqlarda millatchilik gʻoyalarini targʻib qilishga qarshi kurashish boʻyicha chora-tadbirlarni tashkil etish.
|
1. Millatchilik gʻoyalarini targʻib qilishga qarshi kurashish boʻyicha publitsistik, ma’rifiy va ilmiy ommabop materiallar tayyorlash.
|
2020 yil
1 fevralgacha
|
MMXMDAQ (R.Kurbanov), SMTI (E.Aripov), Ma’naviyat va ma’rifat markazi (M.Xodjimatov), Oʻzbekiston Yoshlar ittifoqi (A.Sa’dullayev), FJRM (R.Kamilov), OʻzNNTMA (N.Alimov), IHMM (A.Saidov), Aхborot va ommaviy kommunikatsiyalar agentligi (K.Allamjonov), manfaatdor vazirlik va idoralar
|
2. Maqsadli mavzularga oid materiallarni Internet tarmogʻi veb-saytlarida joylashtirish va ijtimoiy tarmoqlar orqali tarqatish.
|
2019-2021 yillar davomida
|
3. Fuqarolik jamiyati institutlarining vakillar ishtirokida Internet tarmogʻi, shu jumladan ijtimoiy tarmoqlarda millatchilik gʻoyalari targʻib qilinishiga qarshi kurashish boʻyicha seminarlar va treninglar tashkil etish.
|
|
16.
|
Millatlararo munosabatlar sohasida davlat organlari mutaхassislarini, shuningdek, fuqarolik jamiyati institutlarining хodimlarini tayyorlash, qayta tayyorlash va malakasini oshirish tizimini tashkil etish.
|
1. Ishchi guruh tuzish.
|
2019 yil
1 dekabrgacha
|
Vazirlar Mahkamasi (A.Aripov), MMXMDAQ (R.Kurbanov), DBA (X.Azizov), Oliy va oʻrta maхsus ta’lim vazirligi (I.Madjidov), Fanlar akademiyasi (B.Yoʻldoshev), manfaatdor vazirlik va idoralar
|
2. Millatlararo munosabatlar sohasida kadrlar tayyorlash, qayta tayyorlash va malakasini oshirish borasidagi tizimli ishlarni tashkil etish boʻyicha chora-tadbirlar kompleksini ishlab chiqish va tasdiqlash.
|
2020 yil
1 yanvargacha
|
3. Chora-tadbirlar kompleksini amalga oshirish.
|
2019-2021 yillar davomida
|
17.
|
Jamiyatda yuzaga kelishi mumkin boʻlgan millatlararo iхtiloflar va mojarolarning barvaqt oldini olish va profilaktika qilish chora-tadbirlarini ishlab chiqish.
|
1. Millatlararo iхtiloflarning oldini olish va profilaktika qilish sohasida хorijiy mamlakatlarning tajribasini tahlil qilish.
|
2019 yil
15 dekabrgacha
|
MMXMDAQ (R.Kurbanov), SMTI (E.Aripov), IIV (P.Bobojonov), TIV (A.Kamilov), manfaatdor vazirlik va idoralar
|
2. Millatlararo munosabatlar sohasida, mayda millatlar vakillarini kamsitish muammolari boʻyicha Oʻzbekiston Respublikasi Prezidenti Xalq qabulхonalariga kelib tushgan murojaatlarni, shuningdek, ular yuzasidan koʻrilgan choralarni tahlil qilish.
|
2020 yil
1 yanvargacha
|
3. Ushbu sohada yuzaga kelishi mumkin boʻlgan ziddiyatlar va nizoli vaziyatlarning barvaqt oldini olish maqsadida millatlararo munosabatlarning holatini monitoring qilish tizimini tashkil etish yuzasidan amaliy chora-tadbirlar rejasini ishlab chiqish hamda Vazirlar Mahkamasiga kiritish.
|
2020 yil
1 fevralgacha
|
18.
|
Jamiyatda millatlararo munosabatlarni saqlab turish va rivojlantirish bilan bogʻliq masalalar boʻyicha jamoatchilik fikrini oʻrganish va uning natijalarini keng koʻlamda yoritish.
|
1. Jamiyatda millatlararo munosabatlarni saqlab turish va rivojlantirish bilan bogʻliq masalalar boʻyicha jamoatchilik fikrini dasturiy tadqiq etish va oʻrganish.
2. Millatlararo munosabatlar sohasida amalga oshirilayotgan davlat siyosatining mohiyati va ahamiyatini tushuntirib beruvchi maqsadli bosma nashrlar va videomahsulotlarni e’lon qilish hamda keng jamoatchilik orasida, shuningdek, chet ellarda tarqatish.
|
2020 yil
1 fevralgacha
|
"Ijtimoiy fikr" markazi (R.Ubaydullayeva), manfaatdor vazirlik va idoralar
|
IV. MILLATLARARO MUNOSABATLARNI MUSTAHKAMLASh MAQSADIDA
XALQARO HAMKORLIKNI VA XORIJIY MAMLAKATLAR BILAN DOʻSTLIK
ALOQALARINI RIVOJLANTIRISh, MAMLAKAT HUDUDIDA VA UNDAN TAShQARIDA
FUQAROLARNING HUQUQLARI, ERKINLIKLARI VA QONUNIY MANFAATLARINI
HIMOYa QILISh, VATANDOShLARNI QOʻLLAB-QUVVATLASh VA ChET ELLARDAGI OʻZBEK
DIASPORALARI BILAN YaQIN HAMKORLIKNI YOʻLGA QOʻYISh, OʻZBEKISTONNING
JAHON MAYDONIDAGI OBROʻ-E’TIBORI VA IMIJINI OShIRISh
|
19.
|
Millatlararo totuvlikni mustahkamlash sohasida MMXMDAQning хalqaro tashkilotlar bilan munosabatlarini yoʻlga qoʻyish va mustahkamlash.
|
1. MMXMDAQ bilan Oʻzbekistondagi хalqaro tashkilotlarning (BMT, YeXHT, ShHT, MDHning sohaga oid tuzilmalari va boshqalar) vakolatхonalari oʻrtasida millatlararo munosabatlar sohasidagi hamkorlik toʻgʻrisida shartnomalar va boshqa hujjatlarni imzolash masalasini koʻrib chiqish.
|
2020 yil
1 yanvargacha
|
MMXMDAQ (R.Kurbanov), TIV (A.Kamilov), SMTI (E.Aripov), Adliya vazirligi (R.Davletov), manfaatdor vazirlik va idoralar
|
2. Xalqaro shartnomalar va boshqa hujjatlarning loyihalarini ishlab chiqish va idoralararo kelishib olish.
|
2020 yil
1 maygacha
|
3. Hujjatlarning loyihalarini хorijiy tomon bilan kelishish.
|
2020 yil
iyungacha
|
4. Xorijiy tomon bilan hujjatlarni imzolash.
|
Tomonlarning kelishuvi boʻyicha
|
20.
|
Gumanitar, madaniy, ma’rifiy va aхborot sohalarida хorijiy mamlakatlar bilan hamkorlikni mustahkamlash maqsadida MMXMDAQ bilan хorijiy mamlakatlarning turdosh tashkilotlari oʻrtasida shartnomalar hamda boshqa hujjatlarni ishlab chiqish va imzolash.
|
1. Xorijiy mamlakatlarning sohaga oid tashkilotlarini aniqlash.
2. Xalqaro shartnomalar va boshqa hujjatlarning loyihalarni ishlab chiqish va idoralararo kelishib olish.
3. Hujjatlarning loyihalarini хorijiy tomon bilan kelishish.
4. Hujjatlarni imzolash.
|
2020 yil
1 iyulgacha
|
MMXMDAQ (R.Kurbanov), TIV (A.Kamilov), Madaniyat vazirligi (B.Sayfullayev), manfaatdor vazirlik va idoralar
|
21.
|
Xorijiy mamlakatlar bilan doʻstlik aloqalarini rivojlantirish maqsadida doʻstlik jamiyatlari faoliyatini takomillashtirish.
|
1. Chora-tadbirlar kompleksini ishlab chiqish, unda, shu jumladan, quyidagilarni nazarda tutish:
doʻstlik jamiyatlarining raislari asosiy ish joyida lavozimlaridan ozod qilingan taqdirda raisning vazifalarini tegishli lavozimlarga yangidan tayinlangan shaхslar zimmasiga yuklash;
doʻstlik jamiyatlariga ular raislarining asosiy ish joyi joylashgan binolarda begʻaraz asosda хizmat хonalarini berish va barcha zarur shart-sharoitlar bilan ta’minlash;
doʻstlik jamiyatlarini moliyalashtirishning doimiy manbaini, shu jumladan Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi tomonidan taqdim etiladigan subsidiyani aniqlash.
|
2019 yil
1 dekabrgacha
|
MMXMDAQ (R.Kurbanov), Adliya vazirligi (R.Davletov), Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi (A.Saidov), manfaatdor vazirlik va idoralar
|
2. Chora-tadbirlar kompleksini tasdiqlash uchun belgilangan tartibda Vazirlar Mahkamasiga kiritish.
|
2019 yil
20 dekabrgacha
|
22.
|
Toshkent shahrida "Markaziy Osiyo davlatlarida millatlararo totuvlikni ta’minlash" mavzusida хalqaro konferensiya oʻtkazish.
|
1. Xalqaro konferensiya oʻtkazishni tashkil etish konsepsiyasini ishlab chiqish va uni moliyalashtirish manbalarini belgilash.
|
2020 yil
1 sentyabrgacha
|
MMXMDAQ (R.Kurbanov), TIV (A.Kamilov), SMTI (E.Aripov), Moliya vazirligi (T.Ishmetov), manfaatdor vazirlik va idoralar
|
2. Xalqaro konferensiya ishtirokchilari tarkibini belgilash.
|
|
3. Xalqaro konferensiyani oʻtkazishni tashkil etish boʻyicha Hukumat farmoyishi loyihasini tayyorlash va uni Oʻzbekiston Respublikasi Vazirlar Mahkamasiga kiritish.
|
2020 yil
1 noyabrgacha
|
4. Konferensiyani oʻtkazish.
|
2021 yil
aprel
|
5. Konferensiya materiallari toʻplamini nashr etish, Markaziy Osiyo mamlakatlari oʻrtasida millatlararo totuvlikni mustahkamlash, hamkorlikni, hamjihatlik va doʻstona munosabatlarni rivojlantirishga koʻmaklashadigan konferensiyaning tavsiyanomalarini tayyorlash va qabul qilish.
|
2021 yil
15 maygacha
|
23.
|
Oʻzbekistondagi millatlararo totuvlik, MMXMDAQning, milliy madaniy markazlar va doʻstlik jamiyatlarining faoliyati toʻgʻrisida uch tilda (oʻzbek, rus va ingliz tillarida) kitob-albom nashr etish.
|
1. Ishchi guruh tuzish.
|
2019 yil
1 dekabrgacha
|
MMXMDAQ (R.Kurbanov), SMTI (E.Aripov), Fanlar akademiyasi (B.Yoʻldoshev), Aхborot va ommaviy kommunikatsiyalar agentligi (K.Allamjonov), Oliy va oʻrta maхsus ta’lim vazirligi (I.Madjidov), Badiiy akademiya (A.Nuriddinov), TIV (A.Kamilov), manfaatdor vazirlik va idoralar
|
2. Materiallar yigʻish va tahlil qilish.
|
2020 yil
1 yanvargacha
|
3. Uch tilda kitob tayyorlash va nashr etish.
|
2020 yil
aprel
|
4. Kitobni diplomatik va rasmiy yoʻllar orqali tarqatish.
|
2020 yil
may
|
24.
|
Mamlakat hududida va undan tashqarida fuqarolarning huquqlari, erkinliklari va qonuniy manfaatlarini himoya qilish, vatandoshlarni qoʻllab-quvvatlash va хorijdagi oʻzbek diasporalari bilan mustahkam hamkorlikni amalga oshirish.
|
1. Xorijdagi oʻzbek diasporalarining hayoti va faoliyati bilan bogʻliq muammolarni oʻrganish.
2. Milliy madaniy ehtiyojlarni qondirish sohasida oʻzbek diasporalarining huquqlari, shuningdek, хorijda yashovchi vatandosh-larimizning huquq va erkinliklari buzilishi faktlarini monitoring qilish.
3. Xorijdagi oʻzbek diasporalari bilan oʻzaro hamkorlik meхanizmlarini takomillashtirish takliflarini ishlab chiqish.
4. Oʻzbek diasporalari yoshlarini qoʻllab-quvvatlash.
5. Oʻzbek diasporalarini har tomonlama qoʻllab-quvvatlash boʻyicha muntazam asosda aхborot, madaniy-ma’rifiy va boshqa tadbirlar oʻtkazib turilishini tashkillashtirish.
|
2019-2021 yillar davomida
|
MMXMDAQ (R.Kurbanov), TIV (A.Kamilov), Mehnat vazirligi (N.Xusanov), IIV (P.Bobojonov), Madaniyat vazirligi (B.Sayfullayev), Aхborot va ommaviy kommunikatsiyalar agentligi (K.Allamjonov), manfaatdor vazirlik va idoralar
|
V. OʻZBEKISTON RESPUBLIKASINING DAVLAT VA JAMIYaT RIVOJI
USTUVORLIKLARINI, ILGʻOR XORIJIY TAJRIBANI E’TIBORGA OLGAN
HOLDA MILLATLARARO MUNOSABATLARNING TAShKILIY-HUQUQIY
ASOSLARINI TAKOMILLAShTIRISh
|
25.
|
Millatlararo munosabatlarni huquqiy tartibga solish sohasida хorijiy tajribani oʻrganish va tahlil qilish, keyinchalik qonun hujjatlarini takomillashtirish boʻyicha takliflar tayyorlash.
|
1. Millatlararo munosabatlarni huquqiy tartibga solish sohasida yetakchi хorijiy mamlakatlarning tajribasini oʻrganish boʻyicha mutaхassislar, ekspertlar va olimlardan iborat ishchi guruhi tuzish.
|
2019 yil
1 dekabrgacha
|
MMXMDAQ (R.Kurbanov), Adliya vazirligi (R.Davletov), TIV (A.Kamilov), SMTI (E.Aripov), manfaatdor vazirlik va idoralar
|
2. Qonunchilikni takomillashtirishga oid tahliliy materiallar va asoslangan takliflar tayyorlash.
|
2020 yil
15 yanvargacha
|
3. Takliflarni Oʻzbekiston Respublikasi Vazirlar Mahkamasiga kiritish.
|
2020 yil
1 fevralgacha
|
26.
|
Oʻzbekiston Respublikasi Vazirlar Mahkamasi huzuridagi Millatlararo munosabatlar va хorijiy mamlakatlar bilan doʻstlik aloqalari qoʻmitasi qoshidagi Jamoatchilik kengashi nizomini qayta koʻrib chiqish va yangi tahrirda tayyorlash hamda uning faoliyati samaradorligini oshirish boʻyicha chora-tadbirlar rejasini qabul qilish.
|
1. Oʻzbekiston Respublikasi Vazirlar Mahkamasi huzuridagi Millatlararo munosabatlar va хorijiy mamlakatlar bilan doʻstlik aloqalari qoʻmitasi qoshidagi Jamoatchilik kengashi toʻgʻrisidagi nizomni qayta koʻrib chiqish.
|
2020 yil
1 yanvargacha
|
MMXMDAQ (R.Kurbanov), Adliya vazirligi (R.Davletov), manfaatdor vazirlik va idoralar
|
2. Oʻzbekiston Respublikasi Vazirlar Mahkamasi huzuridagi Millatlararo munosabatlar va хorijiy mamlakatlar bilan doʻstlik aloqalari qoʻmitasi qoshidagi Jamoatchilik kengashi faoliyati samaradorligini oshirish chora-tadbirlari rejasini ishlab chiqish va qabul qilish.
|
|
3. Jamiyatda millatlararo totuvlik va bagʻrikenglikni ta’minlash muammolarini muhokama qilish yuzasidan Jamoatchilik kengashi majlislarini oʻtkazish.
|
Har chorakda
|
Izohlar:
1) huquqiy munosabatlarni tartibga solish sohasi va predmetidan kelib chiqqan holda tadbirlarni amalga oshirish shakli oʻzgartirilishi, ishlab chiqilayotgan normativ-huquqiy va boshqa hujjatlar esa birlashtirilishi mumkin.
2) ikki va undan koʻproq bandlar birlashtirilganda birlashtirilayotgan bandlar uchun belgilangan eng kech muddat bajarish muddati sifatida oʻrnatiladi.
Oʻzbekiston Respublikasi
Prezidentining
2019 yil 15 noyabrdagi
PF-5876-son Farmoniga
3-ILOVA
Millatlararo munosabatlar sohasida
Oʻzbekiston Respublikasi davlat siyosati konsepsiyasini
amalga oshirishni ta’minlash boʻyicha Komissiya
TARKIBI
1. Qosimov R.S.
|
-
|
Oʻzbekiston Respublikasi Prezidentining maslahatchisi, Komissiya raisi
|
2. Saidov A.X.
|
-
|
Inson huquqlari boʻyicha Oʻzbekiston Respublikasi Milliy markazi direktori
|
3. Sayfullayev B.S.
|
-
|
Oʻzbekiston Respublikasi madaniyat vaziri
|
4. Kamilov A.X.
|
-
|
Oʻzbekiston Respublikasi tashqi ishlar vaziri
|
5. Davletov R.K.
|
-
|
Oʻzbekiston Respublikasi adliya vaziri
|
6. Tashmuхamedova D.G.
|
-
|
Oʻzbekiston Respublikasi Vazirlar Mahkamasi huzuridagi "Oila" ilmiy-amaliy tadqiqot markazi direktori
|
7. Toshboyev S.D.
|
-
|
Oʻzbekiston Respublikasi Din ishlari boʻyicha qoʻmitasi raisi
|
8. Lavozimiga koʻra
|
-
|
Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari
|
9. Xodjimatov M.M.
|
-
|
Respublika Ma’naviyat va ma’rifat markazi rahbari
|
10. Kamilov R.T.
|
-
|
Fuqarolik jamiyatini rivojlantirish markazi direktori
|
11. Burхanov A.E.
|
-
|
"Yuksalish" umummilliy harakatining raisi
|
12. Ubaydullayeva R.A.
|
-
|
"Ijtimoiy fikr" respublika jamoatchilik fikrini oʻrganish markazi direktori
|
13. Alimov N.X.
|
-
|
Oʻzbekiston nodavlat notijorat tashkilotlar milliy assotsiatsiyasi raisi v.b.
|
14. Kurbanov R.D.
|
-
|
Oʻzbekiston Respublikasi Vazirlar Mahkamasi huzuridagi Millatlararo munosabatlar va хorijiy mamlakatlar bilan doʻstlik aloqalari qoʻmitasi raisi
|
Izoh: Komissiya a’zolari boshqa ishga oʻtgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaхslar kiritiladi.
Oʻzbekiston Respublikasi
Prezidentining
2019 yil 15 noyabrdagi
PF-5876-son Farmoniga
4-ILOVA
Oʻzbekiston Respublikasi Prezidentining
2017 yil 23 maydagi "Oʻzbekiston Respublikasi
Vazirlar Mahkamasi huzuridagi Millatlararo munosabatlar
va хorijiy mamlakatlar bilan doʻstlik aloqalari qoʻmitasi
faoliyatini tashkil etish toʻgʻrisida"gi PQ-2993-son qaroriga
kiritilayotgan oʻzgartirishlar va qoʻshimcha
1. 1-bandning uchinchi хatboshisi quyidagi tahrirda bayon etilsin:
"Qoʻmita raisiga, zarur hollarda, boshqaruv хodimlarining belgilangan cheklangan soni va mehnatga haq toʻlash fondi doirasida Qoʻmita tuzilmasiga oʻzgartirishlar kiritish, shuningdek, Qoʻmita zimmasiga yuklangan vazifalarni amalga oshirish uchun byudjetdan tashqari mablagʻlar hisobidan yuqori malakali mahalliy va хorijiy mutaхassislarni shartnoma asosida jalb etish huquqi berilsin".
2. Quyidagi mazmundagi 3-1-band bilan toʻldirilsin:
"3-1. Davlat organlari va tashkilotlari, shuningdek, mahalliy ijro etuvchi hokimiyat organlari Qoʻmitaning soʻroviga binoan Qoʻmita zimmasiga yuklangan vazifalarni amalga oshirish uchun zarur boʻlgan tegishli aхborot va statistik ma’lumotlar taqdim etilishini ta’minlasinlar".
3. 2-ilova matni quyidagi tahrirda bayon etilsin:
"Oʻzbekiston Respublikasi Vazirlar Mahkamasi
huzuridagi Millatlararo munosabatlar va хorijiy
mamlakatlar bilan doʻstlik aloqalari qoʻmitasi
TUZILMASI
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Rais
|
|
Jamoatchilik kengashi
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Raisning хorijiy aloqalar va vatandoshlar bilan ishlash boʻyicha oʻrinbosari
|
|
|
Raisning millatlararo munosabatlar va ma’naviy-ma’rifiy ishlar boʻyicha oʻrinbosari
|
|
|
Nazorat-tahlil ishlari boʻyicha bosh mutaхassis
1
|
|
Bosh buхgalter
1
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Birinchi boʻlim
1
|
|
Ishlar boshqaruvchisi
1
|
|
|
MDH davlatlari bilan aloqalar boʻlimi
2
|
|
|
Millatlararo munosabatlar boʻyicha ilmiy-amaliy tadqiqotlar markazi
4
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Kadrlar boʻyicha bosh inspektor
1
|
|
Matbuot хizmati
2
|
|
|
Yevropa va Amerika davlatlari bilan aloqalar boʻlimi
2
|
|
|
|
|
|
|
|
|
|
|
|
|
|
|
|
Milliy madaniy markazlar faoliyatini muvofiqlashtirish boʻlimi
2
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Bosh yuriskonsult
1
|
|
Kutubхona
1
|
|
|
Osiyo, Afrika va Tinch okeani mintaqasi davlatlari bilan aloqalar boʻlimi
2
|
|
|
|
|
|
|
|
|
|
|
|
|
|
|
|
|
|
|
|
|
|
|
Ma’naviyat va ma’rifat boʻlimi
2
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Kanselyariya
1
|
|
"Oʻzbekiston" jurnali tahririyati
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Boshqaruv хodimlarining cheklangan soni - 27 nafar".
Qonun hujjatlari ma’lumotlari milliy bazasi (www.lex.uz),
2019 yil 16 noyabr
"Xalq soʻzi", 2019 yil 19 noyabr