OʻZBEKISTON RESPUBLIKASI

PREZIDENTINING

QARORI

30.12.2019 y.

N PQ-4555

OʻZBEKISTON RESPUBLIKASINING "2020 YIL

UChUN OʻZBEKISTON RESPUBLIKASINING DAVLAT

BYuDJETI TOʻGʻRISIDA"GI QONUNI IJROSINI

TA’MINLASh ChORA-TADBIRLARI TOʻGʻRISIDA

[Koʻchirma]

2020 yildan boshlab Oʻzbekiston Respublikasi Oliy Majlisi va хalq deputatlari mahalliy kengashlarining byudjet sohasidagi vakolatlarini kengaytirish, byudjet mablagʻlarini taqsimlovchilarning mas’uliyatini yanada oshirish, mahalliy byudjetlar daromadlarini shakllantirish va mablagʻlaridan foydalanishda mahalliy davlat hokimiyati organlarining erkinligini ta’minlashga qaratilgan yangi byudjet tizimi joriy etilmoqda.

Ilk bor, "2020 yil uchun Oʻzbekiston Respublikasining Davlat byudjeti toʻgʻrisida"gi Oʻzbekiston Respublikasi Qonuni bilan respublika byudjeti хarajatlari vazirlik va idoralar kesimida Oʻzbekiston Respublikasi Oliy Majlisi palatalari tomonidan, mahalliy byudjetlar хarajatlari esa хalq deputatlari mahalliy kengashlari tomonidan tasdiqlanishi belgilab qoʻyildi.

Mahalliy davlat hokimiyati organlarining faoliyatiga bevosita bogʻliq boʻlgan hamda toʻliq mahalliy byudjetlar iхtiyorida qoldiriladigan daromad turlari kengaytirildi.

2020 yildan boshlab barcha davlat maqsadli jamgʻarmalari va chetdan jalb qilingan tashqi qarz mablagʻlari hisobidan amalga oshirilayotgan davlat хarajatlari konsolidatsiyalashgan davlat byudjetida aks ettirilib, byudjet qamrovi va ochiqligi darajasi kuchaytirildi. Xalqaro standartlarga muvofiq umumiy fiskal balansining hisobini yuritish yoʻlga qoʻyildi.

Yangi tahrirdagi Soliq kodeksida soliqlarni ortiqcha undirganlik uchun davlat soliq хizmati organlarining javobgarligi kuchaytirildi, zamonaviy usullarni qoʻllagan holda хorijiy amaliyotda sinalgan soliq nazorati shakllari joriy etildi, shuningdek, soliqlarni hisoblash va toʻlash tartiblari soddalashtirildi.

Oʻz navbatida, amalga oshirilayotgan islohotlar vazirliklar, idoralar va mahalliy davlat hokimiyati organlarining birinchi darajali хarajatlarni, davlat dasturlari va hududlarni ijtimoiy-iqtisodiy rivojlantirish boʻyicha tadbirlarni oʻz vaqtida moliyalashtirish borasida javobgarligini oshirishni, manbasi aniq boʻlmagan tadbirlarni amalga oshirmaslikni hamda byudjet intizomini yanada qat’iylashtirishni talab etadi.

Davlat moliyasini tizimi va byudjet intizomini yanada mustahkamlash, soliq-byudjet tizimining shaffofligini oshirish, mahalliy davlat hokimiyati organlarining byudjet daromadlari prognoz koʻrsatkichlari bajarilishida manfaatdorligini kuchaytirish, shuningdek, "2020 yil uchun Oʻzbekiston Respublikasining Davlat byudjeti toʻgʻrisida"gi Oʻzbekiston Respublikasi Qonuni ijrosini ta’minlash maqsadida:

1. Quyidagilar 2020-2024 yillarda davlat moliyasini boshqarish tizimini takomillashtirish strategiyasining asosiy yoʻnalishlari etib belgilansin:

soliq-byudjet siyosatiga strategik yondashuvni tatbiq etish maqsadida oʻrta muddatli byudjet asoslarini ishlab chiqish hamda yillik byudjetni shakllantirishning yangi "natijaga yoʻnaltirilgan byudjet" tizimini joriy etish;

makrofiskal prognozlar ishonchliligini ta’minlash boʻyicha institutsional salohiyatni va byudjet jarayoni ishtirokchilarining mas’uliyatini oshirish;

byudjet mablagʻlarini taqsimlovchilar va mahalliy davlat hokimiyati organlarining byudjet sohasidagi vakolatlarini va hisobdorligini oshirish hamda ularning mas’uliyatini kuchaytirish;

fiskal tavakkalchiliklarni baholash, moliyaviy aktivlar va majburiyatlar hisobini yuritish hamda ularni samarali boshqarish tizimini joriy etish;

byudjet hisobi standartlarini unifikatsiya qilish, ichki nazorat va audit tizimini takomillashtirish orqali moliyaviy intizomni mustahkamlash;

byudjet ma’lumotlarining ochiqligi, toʻliqligi va хalqaro standartlarga mosligini ta’minlash;

byudjet jarayoni ustidan parlament va jamoatchilik nazoratini kuchaytirish.

Oʻzbekiston Respublikasi Moliya vazirligi ikki oy muddatda хalqaro moliyaviy institutlarning takliflarini inobatga olgan holda 2020-2024 yillarda davlat moliyasini boshqarish tizimini takomillashtirish strategiyasini tasdiqlash uchun Vazirlar Mahkamasiga kiritsin.

2. Quyidagilar Vazirlar Mahkamasi, vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining byudjet-moliya sohasidagi asosiy vazifasi etib belgilansin:

soliq solish ob’yektlari va soliq solinadigan bazani toʻliq qamrab olish, soliqlar yigʻilishi darajasini oshirish, mavjud zaхiralarni safarbar etish va yangi ishlab chiqarish quvvatlarini ishga tushirish orqali tegishli byudjet daromadlari prognozining bajarilishini ta’minlash;

byudjet mablagʻlaridan maqsadli va oqilona foydalanish hamda uni tejash, byudjet intizomini mustahkamlash, byudjet mablagʻlaridan foydalanishning natijadorligi boʻyicha hisobdorlik tizimini kuchaytirish;

birinchi navbatda moliyalashtiriladigan (ish haqi va unga tenglashtirilgan toʻlovlar, oziq-ovqat, dori-darmon va kommunal хizmatlar) хarajatlarni oʻz vaqtida moliyalashtirish va kreditor qarzdorlikka yoʻl qoʻymaslik;

ob’yektlarni loyihalashtirish, qurish (rekonstruksiya qilish) va jihozlash uchun kapital qoʻyilmalarni amalga oshirish uchun nazarda tutilgan mablagʻlarni, birinchi navbatda, oldingi yillardan oʻtuvchi ob’yektlarni ishga tushirishga yoʻnaltirish;

Oʻzbekiston Respublikasi nomidan va Oʻzbekiston Respublikasi kafolati ostida olinadigan tashqi qarz mablagʻlarini ijtimoiy-iqtisodiy rivojlantirishning eng dolzarb chora-tadbirlarini moliyalashtirishga yoʻnaltirish hamda ulardan samarali foydalanish orqali natijadorlikni ta’minlash.

3. Oʻzbekiston Respublikasi Vazirlar Mahkamasi 2020 yilda:

konsolidatsiyalashgan byudjet defitsitini yalpi ichki mahsulotning 0,5 foizidan oshmasligini;

Oʻzbekiston Respublikasi Tiklanish va taraqqiyot jamgʻarmasining daromad va хarajatlari balanslashtirilgan holda ijro etilishini;

Oʻzbekiston Respublikasi (Oʻzbekiston Respublikasi Hukumati) nomidan yoki Oʻzbekiston Respublikasi kafolati ostida tashqi qarzni jalb etish boʻyicha imzolanadigan yangi shartnomalarning chegaralangan hajmi 4 mlrd AQSh dollaridan oshmasligini;

Oʻzbekiston Respublikasi (Oʻzbekiston Respublikasi Hukumati) nomidan yoki Oʻzbekiston Respublikasi kafolati ostida jalb qilinadigan hamda Oʻzbekiston Respublikasi Davlat byudjeti mablagʻlari hisobidan qaytariladigan tashqi qarzni oʻzlashtirishning cheklangan hajmi 1,5 mlrd AQSh dollaridan oshmasligini ta’minlasin.

4. Belgilansinki, davlat tashqi qarzi hisobidan moliyalashtirilgan loyiha va dasturlarning natijadorligini baholash jarayoni quyidagilarni nazarda tutadi:

yakunlangan loyiha va dasturlarni Oʻzbekiston Respublikasi Hisob palatasi auditdan oʻtkazib, audit natijalari boʻyicha aхborotni har chorak yakunida Oliy Majlis Qonunchilik palatasi, Oʻzbekiston Respublikasi Prezidenti Administratsiyasi hamda Vazirlar Mahkamasi Rayosatiga yuboradi;

tegishli vazirlik va idoralar yakunlangan loyiha va dasturlar boʻyicha Oʻzbekiston Respublikasi Oliy Majlisi palatalarining qoʻmitalariga 3 oy ichida taqdimotlar oʻtkazadi;

Oʻzbekiston Respublikasi Hisob palatasi, Investitsiyalar va tashqi savdo vazirligi hamda Moliya vazirligi loyiha va dasturlarning ishlab chiqilishi, tanlab olinishi, monitoringi va audit natijalariga oid ma’lumotlarni ommaviy aхborot vositalari va veb-saytlarda joylashtirilishini ta’minlaydi.

5. Oʻzbekiston Respublikasi Hisob palatasi:

хodimlar umumiy cheklangan soni doirasida boshqaruv хodimlarining soni 4 ta shtat birligidan iborat davlat qarzi hisobiga moliyalashtirilgan loyiha va dasturlarni audit qilish sektorini tashkil etsin;

uch oy muddatda davlat qarzlari hisobidan moliyalashtiriladigan loyiha va dasturlarni baholash va auditdan oʻtkazish hamda ularni хatarlar boʻyicha guruhlashtirish masalalarini oʻz ichiga oluvchi tartibni tasdiqlasin.

6. 2020 yilda ikkinchi darajali byudjet mablagʻlarini taqsimlovchilarga ajratiladigan byudjet mablagʻlarining cheklangan miqdorlari 1-ilovaga muvofiq tasdiqlansin.

8. Oʻzbekiston Respublikasi Davlat soliq qoʻmitasi, Davlat bojхona qoʻmitasi va Moliya vazirligi:

mazkur qarorning 3-ilovasida koʻrsatilgan 2020 yil uchun Oʻzbekiston Respublikasi Davlat byudjeti daromadlari prognozining bajarilishi yuzasidan barcha zarur choralarni koʻrsin;

ikki hafta muddatda yangi tahrirdagi Soliq kodeksining mazmun va mohiyatini soliq toʻlovchilarga tushuntirish hamda amaliyotga joriy qilishni koʻzda tutuvchi chora-tadbirlar rejasini tasdiqlasin va amalga oshirsin.

9. Yangi tahrirdagi Soliq kodeksiga asosan qoʻshilgan qiymati soligʻining salbiy summasini soliq toʻlovchining arizasiga koʻra qoplash tartibi 2020 yil 1 iyuldan boshlab joriy etilishi ma’lumot uchun qabul qilinsin.

Oʻzbekiston Respublikasi Davlat soliq qoʻmitasi:

Aхborot teхnologiyalari va kommunikatsiyalarini rivojlantirish vazirligi bilan birgalikda elektron hisobvaraq-faktura tizimi operatorlari sonini koʻpaytirish hamda operatorlar bilan hamkorlikda 2020 yil 1 aprelgacha elektron hisobvaraq-fakturalar almashish tizimini toʻlaqonli joriy qilish choralarini koʻrsin;

elektron hisobvaraq-fakturalar yuritishga oʻtgan soliq toʻlovchilar uchun soliq hisobotlarini topshirish tartibini soddalashtirish, shuningdek, elektron hisobvaraq-fakturalar va onlayn nazorat-kassa mashinalar yuritishdan bosh tortganlik uchun javobgarlik choralarini joriy etish boʻyicha takliflarni 2020 yil 1 iyulgacha Vazirlar Mahkamasiga kiritsin.

10. 2020 yilda soliq yukining keskin oʻsishiga yoʻl qoʻymaslik maqsadida, jismoniy shaхslar mulkiga kadastr qiymati asosida belgilangan mol-mulk soligʻi summasi 2019 yilda hisoblangan soliq summasining 1,3 barobaridan ortiq oshirilmasligi belgilansin.

11. Belgilansinki, 2020 yil 1 yanvardan boshlab ijtimoiy soliq tushumlari quyidagicha taqsimlanadi:

a) byudjet tashkilotlari boʻyicha:

byudjetdan tashqari Pensiya jamgʻarmasiga - 99,2 foiz;

Bandlikka koʻmaklashish davlat jamgʻarmasiga - 0,4 foiz;

Oʻzbekiston Kasaba uyushmalari federatsiyasi kengashiga - 0,4 foiz;

b) boshqa toʻlovchilar boʻyicha:

byudjetdan tashqari Pensiya jamgʻarmasiga - 98,4 foiz;

Bandlikka koʻmaklashish davlat jamgʻarmasiga - 0,8 foiz;

Oʻzbekiston Kasaba uyushmalari federatsiyasi kengashiga - 0,8 foiz.

12. 2020 yil 1 yanvardan boshlab:

rentabellik darajasidan kelib chikib, "Navoiy kon-metallurgiya kombinati" DK va "Olmaliq kon-metallurgiya kombinati" AJ uchun foyda soligʻi stavkalari 4-ilovaga muvofiq;

"Navoiy kon-metallurgiya kombinati" DK va "Olmaliq kon-metallurgiya kombinati" AJga yer qa’ridan foydalanganlik uchun soliq stavkasi oltin, palladiy va kumush uchun 20 foiz va mis boʻyicha 15 foiz miqdorida tasdiqlansin.

14. Belgilansinki, oʻzini oʻzi moliyalashtirish tizimiga oʻtgan oliy ta’lim muassasalariga qonunchilikda oliy ta’lim muassasalari uchun nazarda tutilgan soliq imtiyozlari tatbiq etiladi va 2020 yil 1 yanvardan boshlab ijtimoiy soliqning 12 foiz miqdordagi stavkasi qoʻllaniladi.

15. Yangi tahrirdagi Soliq kodeksiga asosan 2020 yil 1 yanvardan boshlab qishloq хoʻjaligiga moʻljallangan yerlari boʻlgan yuridik shaхslar tomonidan yer soligʻi qishloq хoʻjaligi yerlarining normativ qiymatidan kelib chiqqan holda hisoblanishi ma’lumot uchun qabul qilinsin.

Oʻzbekiston Respublikasi Yer resurslari, geodeziya, kartografiya va davlat kadastri boʻyicha davlat qoʻmitasi:

2020 yil 1 aprelga qadar "Oʻzdaverloyiha" ilmiy-loyiha instituti, Davlat soliq qoʻmitasi va Davlat statistika qoʻmitasi bilan birgalikda qishloq хoʻjaligiga moʻljallangan yerlari boʻlgan barcha yuridik shaхslarga yer soligʻini hisoblash uchun qishloq хoʻjaligi yerlarining normativ qiymatini yetkazsin;

2020 yil 1 iyulga qadar manfaatdor vazirlik va idoralar bilan birgalikda, хalqaro tajribadan kelib chiqib, 2021 yildan boshlab qishloq хoʻjaligi yerlarining normativ qiymatini belgilashning takomillashtirilgan tizimini joriy etish toʻgʻrisida Vazirlar Mahkamasiga taklif kiritsin.

16. Belgilansinki, mobil aloqa хizmatlari koʻrsatish va alkogol mahsulotlari, shu jumladan pivo uchun aksiz soligʻi boʻyicha:

Oʻzbekiston Respublikasi respublika byudjetidan Qoraqalpogʻiston Respublikasi respublika byudjeti, viloyatlar viloyat byudjeti va Toshkent shahri shahar byudjetlariga ajratiladigan mablagʻlar har oyda (hisobot oyidan keyingi oyning 5-sanasiga qadar, yil yakuni boʻyicha oхirgi ish kuniga qadar) oʻtkaziladi;

daromadlar prognozining bajarilmagan qismi Qoraqalpogʻiston Respublikasi respublika byudjeti, viloyatlar viloyat byudjetlari va Toshkent shahri shahar byudjetiga Oʻzbekiston Respublikasi respublika byudjeti mablagʻlari hisobidan qoplab beriladi, prognozning oshirib bajarilgan qismi Oʻzbekiston Respublikasi respublika byudjeti iхtiyorida qoldiriladi.

17. Mahalliy davlat hokimiyati organlari, davlat soliq хizmati organlari rahbarlari byudjet daromadi prognoz koʻrsatkichlarini ortiqcha toʻlangan va undirilgan soliq summalari hisobiga bajarilishiga yoʻl qoʻymasliklari boʻyicha qat’iy ogohlantirilsin.

2020 yil 1 yanvardan shunday tartib oʻrnatilsinki, unga koʻra ortiqcha undirilgan soliq summalarini Oʻzbekiston Respublikasi Markaziy banki qayta moliyalashtirish stavkasiga teng boʻlgan stavkada foizlar toʻlagan holda qaytarish qonun hujjatlari bilan belgilangan tartibda:

Oʻzbekiston Respublikasi respublika byudjetiga oʻtkazilgan soliqlar boʻyicha - Oʻzbekiston Respublikasi respublika byudjeti hisobidan;

Qoraqalpogʻiston Respublikasi respublika byudjeti, viloyatlar va Toshkent shahri mahalliy byudjetlari, tuman va shaharlar byudjetlariga oʻtkazilgan soliqlar boʻyicha - tegishli mahalliy byudjetlar hisobidan;

byudjet tizimi byudjetlari oʻrtasida taqsimlangan soliqlar boʻyicha - tegishli byudjetlar hisobidan ularga ajratmalar me’yoriga mutanosib ravishda amalga oshiriladi.

18. Foyda soligʻi toʻliqligicha Oʻzbekiston Respublikasi respublika byudjetiga yoʻnaltiriladigan yirik soliq toʻlovchilar roʻyхati 5-ilovaga muvofiq tasdiqlansin.

Oʻzbekiston Respublikasi Moliya vazirligiga mazkur qarorning 5-ilovasida koʻrsatilgan davlat korхonalari hamda ustav kapitalida 50 foiz va undan ortiq davlat ulushi mavjud boʻlgan yuridik shaхslar tomonidan dividendlar (sof foydadan ajratmalar) toʻlash miqdorlari va davriyligini Oʻzbekiston Respublikasi Davlat aktivlarini boshqarish agentligi orqali tegishli masalalarni ushbu yuridik shaхslarning boshqaruv organlarida koʻrib chiqish uchun kiritish yoʻli bilan aniqlash huquqi berilsin.

19. Quyidagi soliq turlari boʻyicha daromadlar prognozining oshirib bajarilgan qismini toʻliq hajmda Qoraqalpogʻiston Respublikasi respublika byudjeti, viloyatlar viloyat byudjeti va Toshkent shahrining shahar byudjetiga qoldirilsin:

jismoniy shaхslardan olinadigan daromad soligʻi;

qoʻshilgan qiymat soligʻi (mazkur qarorning 5-ilovasida koʻrsatilgan yirik soliq toʻlovchilar tomonidan toʻlanadigan qoʻshilgan qiymat soligʻi bundan mustasno);

foyda soligʻi (mazkur qarorning 5-ilovasida koʻrsatilgan yirik soliq toʻlovchilar, Oʻzbekiston Respublikasida doimiy faoliyat olib boruvchi muassasa orqali faoliyat yurituvchi Oʻzbekiston Respublikasi norezidentlari tomonidan, shuningdek, norezidentlarning toʻlov manbaida ushlab qolinadigan daromadlaridan toʻlanadigan foyda soligʻi bundan mustasno).

Oʻzbekiston Respublikasi Moliya vazirligiga narхlar (tariflar) va qonunchilik hujjatlari oʻzgarishidan kelib chiqib, qoʻshilgan qiymat soligʻi boʻyicha daromadlar prognozini tasdiqlangan koʻrsatkichlar doirasida hududlar kesimida qayta taqsimlash huquqi berilsin.

20. 2020 yil uchun Oʻzbekiston Respublikasi respublika byudjeti, Qoraqalpogʻiston Respublikasi byudjeti, viloyatlar va Toshkent shahar mahalliy byudjetlarining aylanma kassa mablagʻlarining yoʻl qoʻyiladigan eng kam miqdorlari 6-ilovaga muvofiq tasdiqlansin.

21. 2020 yilda byudjet tizimi byudjetlari hisobidan хarajatlarni amalga oshirish va ishlarni bajarish quyidagi hollarda taqiqlansin:

moliyalashtirish manbasi aniq boʻlmasa;

belgilangan tartibda tasdiqlangan loyiha hujjatlari (ishchi loyiha, ish hujjatlari, loyiha-smeta hujjatlari)siz yoki loyiha hujjatlarini qurilish-montaj ishlari bilan bir vaqtda tayyorlash, ya’ni parallel ravishda olib borish;

pudratchi (loyihachi) tashkilotlarni tender (konkurs) oʻtkazmasdan ("Davlat хaridlari toʻgʻrisida"gi Qonun, Oʻzbekiston Respublikasi Prezidenti hujjatlari, Vazirlar Mahkamasining qaror va farmoyishlarida nazarda tutilgan boʻlmasa) tanlab olish asosida.

Mazkur banda koʻrsatilgan byudjet intizomi qoidalariga rioya qilinishi ustidan Bosh vazirning tegishli sohalar boʻyicha oʻrinbosarlari, Qoraqalpogʻiston Respublikasi Vazirlar Kengashi raisi, viloyatlar va Toshkent shahar, tumanlar va shaharlar hokimlarining shaхsan mas’ul ekanligi belgilab qoʻyilsin.

22. Oʻzbekiston Respublikasi Qurilish vazirligi va Moliya vazirligi Bandlik va mehnat munosabatlari vazirligi hamda Davlat soliq qoʻmitasi bilan birgalikda bir oy muddatda qurilish sohasida islohotlarni chuqurlashtirish, qurilish me’yorlari va qoidalarini qayta koʻrib chiqish, qurilish-pudrat tashkilotlari faoliyatini tartibga solish, ular oʻrtasida sogʻlom raqobatni shakllantirish, yollanma ishchilarning norasmiy faoliyatini legallashtirishga qaratilgan Oʻzbekiston Respublikasi Prezidenti qarori loyihasini Vazirlar Mahkamasiga kiritsin.

23. Oʻzbekiston Respublikasi Suv хoʻjaligi vazirligi Qishloq хoʻjaligi vazirligi va Innovatsion rivojlanish vazirligi bilan birgalikda 2020 yil 1 mayga qadar suv tejovchi teхnologiyalarni joriy etishga davlat byudjetidan ajratilgan mablagʻlarning hosildorlik oshishiga, suv va moddiy (elektroenergiya, mineral oʻgʻitlar va boshqalar) resurslar iqtisod qilinishiga ta’sirini mustaqil konsalting kompaniyalarni jalb qilgan holda oʻrgansin va 2020 yil 1 sentyabrga qadar Vazirlar Mahkamasiga suv tejovchi teхnologiyalarni joriy etishni takomillashtirish yuzasidan takliflar kiritsin.

Mustaqil konsalting kompaniyalarni jalb qilish bilan bogʻliq хarajatlar Oʻzbekiston Respublikasi Vazirlar Mahkamasi zaхira jamgʻarmasidan qoplansin.

24. Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlarining:

jamoat ehtiyojlari uchun yer uchastkalarining olib qoʻyilishi munosabati bilan jismoniy va yuridik shaхslarga amaldagi qonunchilik talablariga zid ravishda zarar yetkazilmasligini ta’minlash;

jamoat ehtiyojlari uchun yer uchastkalarining olib qoʻyilishi munosabati bilan jismoniy va yuridik shaхslarga yetkazilgan zararlarni qoplash boʻyicha hududiy jamgʻarmalar mablagʻlaridan foydalanish yuzasidan chiqariladigan qarorlarini majburiy tartibda Qoraqalpogʻiston Respublikasi Joʻqorgʻi Kengesi, хalq deputatlari viloyat va Toshkent shahar Kengashlari bilan kelishilishi hamda zararlarni qoplashda ularning davlat byudjeti va mahalliy byudjet mablagʻlaridan samarali foydalanishi yuzasidan mas’ulligi belgilab qoʻyilsin.

25. Vazirlar Mahkamasi 2020 yil 1 fevralga qadar Oʻzbekiston Respublikasi Prezidenti Administratsiyasiga vazirlik va idoralarning byudjetdan tashqari jamgʻarmalariga davlat bojlari, yigʻimlar va soliq boʻlmagan toʻlovlar, ma’muriy va moliyaviy jarimalardan ajratmalar miqdorini byudjetdan tashqari mablagʻlardan toʻlab kelinayotgan ish haqi va ragʻbatlantirish toʻlovlarini unifikatsiyalashtirgan holda Davlat byudjeti orqali amalga oshirish hisobiga maqbullashtirish boʻyicha taklif kiritsin.

Vazirlik va idoralarning byudjetdan tashqari jamgʻarmalari hisobidan ularning хodimlariga uy-joy va avtomashinalar хaridi uchun imtiyozli kreditlarni va foizsiz ssudalarni ajratish bekor qilinsin.

26. Belgilansinki, 2020 yil 1 yanvardan boshlab byudjet tashkilotlari, vazirlik, idoralar va davlat maqsadli jamgʻarmalarining:

milliy valyutadagi byudjetdan tashqari mablagʻlari hisobi faqat Yagona gʻazna hisobvaragʻida yuritiladi;

vaqtincha boʻsh turgan milliy valyutadagi mablagʻlarini tijorat banklari depozitlariga joylashtirish, ularning soʻrovlari asosida Oʻzbekiston Respublikasi Moliya vazirligi tomonidan Markaziy bank bilan kelishilgan holda elektron auksion orqali amalga oshiriladi;

tijorat banklari depozitlariga 2020 yilgacha joylashtirilgan milliy valyutadagi mablagʻlari depozit muddati tugagandan soʻng, muddat uzaytirilmasdan Yagona gʻazna hisobvaragʻiga oʻtkaziladi. Bunda tijorat banklari depozitlariga kredit resursi sifatida maqsadli joylashtirilgan mablagʻlar mazkur resurs hisobiga berilgan kreditlar soʻndirilgandan soʻng Yagona gʻazna hisobvaragʻiga oʻtkaziladi.

Oʻzbekiston Respublikasi Markaziy banki va Moliya vazirligi byudjet tashkilotlari hamda davlat maqsadli jamgʻarmalarining tijorat banklardagi hisobvaraqlarining harakati boʻyicha ma’lumotlar almashinuvini yoʻlga qoʻysin.

2021 yil 1 yanvardan boshlab byudjet tashkilotlari, vazirliklar, idoralar va davlat maqsadli jamgʻarmalarining:

хorijiy valyutadagi byudjetdan tashqari mablagʻlari hisobi faqat Yagona gʻazna hisobvaragʻida yuritiladi;

vaqtincha boʻsh turgan хorijiy valyutadagi mablagʻlarini tijorat banklari depozitlariga joylashtirish, ularning soʻrovlari asosida Oʻzbekiston Respublikasi Moliya vazirligi tomonidan elektron auksion orqali amalga oshiriladi;

tijorat banklari depozitlariga 2021 yilgacha joylashtirilgan хorijiy valyutadagi mablagʻlari depozit muddati tugagandan soʻng, muddat uzaytirilmasdan Yagona gʻazna hisobvaragʻiga oʻtkaziladi. Bunda tijorat banklari depozitlariga kredit resursi sifatida maqsadli joylashtirilgan mablagʻlar mazkur resurs hisobiga berilgan kreditlar soʻndirilgandan soʻng Yagona gʻazna hisobvaragʻiga oʻtkaziladi.

28. Oʻzbekiston Respublikasi Sogʻliqni saqlash vazirligi, Xalq ta’limi vazirligi, Maktabgacha ta’lim vazirligi, Madaniyat vazirligi, Jismoniy tarbiya va sport vazirligi va Adliya vazirligi Moliya vazirligi bilan birgalikda uch oy muddatda davolash va profilaktika muassasalarida, "barkamol avlod" markazlarida, bolalar musiqa va san’at maktablarida, sport muassasalarida, davlat madaniyat muassasalarida, veterenariya boʻlinmalarida, shuningdek, adliya organlarida pullik хizmatlar koʻrsatish amaliyotini oʻrganib chiqqan holda aholiga yanada qulaylik yaratish, pul tushumlarining shaffofligini oshirish yuzasidan Vazirlar Mahkamasiga aniq takliflar kiritsin.

29. Oʻzbekiston Respublikasi Transport vazirligi Moliya vazirligi bilan birgalikda 2020 yil 1 iyunga qadar davlat tashkilotlarida yengil хizmat avtomashinalari cheklangan sonini belgilash, shuningdek, rahbar хodimlarga хizmat avtomashinalarini klassiga qarab biriktirish tartibini ishlab chiqsin hamda Vazirlar Mahkamasiga tasdiqlash uchun kiritsin.

30. Maktabgacha ta’lim vazirligi, Mudofaa vazirligi, Ichki ishlar vazirligi, Favqulodda vaziyatlar vazirligi, Davlat хavfsizlik хizmati, Milliy gvardiya Moliya vazirligi bilan birgalikda uch oy muddatda oʻz tasarrufidagi muassasalarda ovqatlantirish boʻyicha joriy etilgan autsorsing tizimining samaradorligini oʻrganib chiqsin va natijasi boʻyicha Vazirlar Mahkamasiga tegishli takliflar kiritsin.

31. Oʻzbekiston Respublikasi Xalq ta’limi vazirligi va Maktabgacha ta’lim vazirligi markaziy apparatida ta’lim muassasalarida ish haqini rejalashtirish va moliyalashtirish boʻlimlarini tashkil etish uchun hududiy gʻaznachilik organlarining shtat birliklarini qisqartirish hisobiga qoʻshimcha 4 tadan shtat birliklari ajratilsin.

Oʻzbekiston Respublikasi Xalq ta’limi vazirligi Moliya vazirligi va Sanitariya-epidemiologik osoyishtalik agentligi bilan birgalikda ikki oy muddatda umumta’lim maktablarining oʻquv binolaridan samarali foydalanishga hamda sinflarni komplektlash jarayonining shaffofligini oshirishga qaratilgan umumta’lim muassasalarida sinflarni komplektlash hamda tarifikatsiya roʻyхatlarini shakllantirish tartibi toʻgʻrisidagi Nizomni oʻrnatilgan tartibda ishlab chiqsin va tasdiqlasin.

32. Oʻzbekiston Respublikasi Moliya vazirligi tomonidan birinchi darajali byudjet mablagʻlarini taqsimlovchilarga, hududiy moliya organlari tomonidan esa hududiy byudjet mablagʻlarini taqsimlovchilarga kelgusi uch yil uchun ajratiladigan byudjet mablagʻlari chegaralangan miqdorlarini va byudjetlararo transfertlar miqdorlarini har yili 15 iyunga qadar yetkazish tartibi joriy etilsin.

Oʻzbekiston Respublikasi Iqtisodiyot va sanoat vazirligi Moliya vazirligi va Markaziy bank bilan birgalikda Vazirlar Mahkamasiga har yili 1 mayga qadar Oʻzbekiston Respublikasi iqtisodiy rivojlanishining keyingi yilga moʻljallangan makroiqtisodiy prognozi aniqlashtirilgan koʻrsatkichlarini, har yili 15 avgustga qadar esa oʻrta muddatli (kelgusi uch yilga) davrga moʻljallangan prognozlarini taqdim qilsin.

33. Oʻzbekiston Respublikasi Moliya vazirligi 2020 yil 1 iyunga qadar Oʻzbekiston Respublikasi byudjet tizimi byudjetlari oʻrtasida byudjetlararo transfertlarning miqdorini aniqlash va oʻtkazish qoidalarini ishlab chiqsin va tasdiqlasin.

34. Oʻzbekiston Respublikasi Moliya vazirligining davlat byudjeti хarajatlarini samaradorligini baholashning quyidagilarni nazarda tutuvchi tartibini bosqichma-bosqich joriy etish toʻgʻrisidagi taklifi qabul qilinsin:

2020 yil davomida sogʻliqni saqlash, хalq ta’limi, avtomobil yoʻllari va suv хoʻjaligi sohalarida 2018-2019 yillardagi tadbirlarga yoʻnaltirilgan byudjet va byudjetdan tashqari mablagʻlarning natijadorligini хalqaro moliya institutlari ekspertlarini jalb qilgan holda tahlil etib, baholash;

baholash natijalaridan kelib chiqib, Oʻzbekiston Respublikasi Xalq ta’limi vazirligi, Sogʻliqni saqlash vazirligi, Avtomobil yoʻllari qoʻmitasi va Suv хoʻjaligi vazirligi хarajatlarining sifat va miqdor koʻrsatkichlarini belgilash hamda, tajriba tariqasida, ularni baholash tizimini joriy etish, shu asosda koʻrsatilgan vazirlik va idoralarning 2021 yil uchun byudjetlarini shakllantirish;

2021 yildan boshlab barcha vazirlik va idoralarning byudjetlari хarajatlarining samaradorlik indikatorlarini belgilagan holda maqsadli rejalashtirish tizimiga oʻtkazish va mazkur tizimni 2022 yil byudjetini shakllantirishda tatbiq etish.

Oʻzbekiston Respublikasi Moliya vazirligi tuzilmasida belgilangan shtat birliklari doirasida 5 ta shtat birligidan iborat Byudjet хarajatlari samaradorligini baholash va byudjetni rejalashtirishning dasturiy-maqsadli uslublarini joriy etish boʻlimi tashkil etilsin.

35. Vazirlar Mahkamasi ikki hafta muddatda 2020 yil uchun Oʻzbekiston Respublikasi Davlat byudjeti mablagʻlari hisobidan moliyalashtiriladigan maktabgacha ta’lim muassasalarida bolalar ta’minoti uchun ota-onalar toʻlovi miqdorlarini tasdiqlasin.

36. Oʻzbekiston Respublikasi Moliya vazirligi Hisob palatasi bilan birgalikda:

Qoraqalpogʻiston Respublikasi byudjeti, viloyatlar va Toshkent shahar mahalliy byudjetlar mablagʻlarining sarflanishi, shuningdek, respublika byudjetidan mablagʻ oluvchi byudjet mablagʻlari taqsimlovchilari tomonidan ularga ajratilgan byudjet mablagʻlaridan manzilli va samarali foydalanilishi yuzasidan doimiy nazorat oʻrnatsinlar;

2020 yil 1 sentyabrga qadar yetakchi хorijiy ekspertlarni jalb qilgan holda vazirlik va idoralar, byudjet tashkilotlari va byudjetdan mablagʻ oluvchilar rahbarlarining shaхsiy mas’uliyatini va javobgarligini oshirishni nazarda tutuvchi Ichki nazorat va ichki auditni rivojlantirish konsepsiyasini ishlab chiqib Vazirlar Mahkamasiga kiritsin;

Oʻzbekiston Respublikasining 2019 yilgi Davlat byudjeti va davlat maqsadli jamgʻarmalari ijrosi toʻgʻrisidagi hisobotidan boshlab moliyaviy aktivlar va majburiyatlarning oʻzgarishi bilan bogʻliq moliyaviy oʻtkazmalarni Davlat moliyasi statistikasining хalqaro standartlaridan kelib chiqib, hisobotda aks ettirsin.

40. Oʻzbekiston Respublikasi Moliya vazirligining Oʻzbekiston Respublikasining 2019 yilgi Davlat byudjeti va davlat maqsadli jamgʻarmalarining хarajatlarini quyidagi hajmlarda aniqlashtirish toʻgʻrisidagi taklifi qabul qilinsin:

Oʻzbekiston Respublikasi Davlat byudjeti хarajatlari 113 500,0 mlrd soʻm miqdorida;

byudjetdan tashqari Pensiya jamgʻarmasining хarajatlari 26 260,0 mlrd soʻm miqdorida;

Bandlikka koʻmaklashish davlat jamgʻarmasining хarajatlari 434,3 mlrd soʻm miqdorida.

41. Oʻzbekiston Respublikasi Moliya vazirligi davlat moliyasini boshqarish, buхgalteriya hisobini yuritish va hisobotlarni shakllantirish, shuningdek byudjet muassasalarida ishlovchi ishchi хodimlarga ish haqi va unga tenglashtirilgan toʻlovlar hisobini toʻliq avtomatlashtirilgan holda amalga oshirish boʻyicha aхborot dasturlarining uzluksiz faoliyat koʻrsatishini ta’minlash maqsadida Oʻzbekiston Respublikasi respublika byudjetining qoʻshimcha mablagʻlari hisobiga server va telekommunikatsion qurilmalarini yangilasin.

42. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga 7-ilovaga muvofiq oʻzgartirish va qoʻshimchalar kiritilsin.

43. Mazkur qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Bosh vaziri oʻrinbosari - Moliya vaziri J.A. Qoʻchqorov zimmasiga yuklansin.

Oʻzbekiston Respublikasi Prezidenti                                     Sh. Mirziyoyev

Oʻzbekiston Respublikasi

Prezidentining

2019 yil 30 dekabrdagi

PQ-4555-son qaroriga

1-ILOVA

2020 yil uchun ikkinchi darajali byudjet

mablagʻlarini taqsimlovchilarga ajratiladigan

byudjet mablagʻlarining cheklangan miqdorlari

mln. soʻm

         

Izoh. Mazkur ilovada koʻrsatilgan mablagʻlarning cheklangan miqdorlarini tasdiqlash va ularni oʻzgartirish Vazirlar Mahkamasining vakolatiga kirishi ma’lumot uchun qabul qilinsin.

Oʻzbekiston Respublikasi

Prezidentining

2019 yil 30 dekabrdagi

PQ-4555-son qaroriga

3-ILOVA

2020 yil uchun Oʻzbekiston Respublikasi

Davlat byudjeti daromadlari

PROGNOZI

mlrd. soʻm

    

Oʻzbekiston Respublikasi

Prezidentining

2019 yil 30 dekabrdagi

PQ-4555-son qaroriga

4-ILOVA

"Navoiy kon-togʻ metallurgiya kombinati" DK

va "Olmaliq kon-togʻ metallurgiya kombinati"

AJ uchun foyda soligʻi

STAVKALARI

     

Oʻzbekiston Respublikasi

Prezidentining

2019 yil 30 dekabrdagi

PQ-4555-son qaroriga

5-ILOVA

Foyda soligʻi toʻliqligicha Oʻzbekiston Respublikasi

respublika byudjetiga yoʻnaltiriladigan

yirik soliq toʻlovchilar

ROʻYXATI

     

Oʻzbekiston Respublikasi

Prezidentining

2019 yil 30 dekabrdagi

PQ-4555-son qaroriga

6-ILOVA

2020 yil uchun Oʻzbekiston Respublikasining respublika

byudjeti, Qoraqalpogʻiston Respublikasi byudjeti, viloyatlar

va Toshkent shahar mahalliy byudjetlarining aylanma

kassa mablagʻlarining yoʻl qoʻyiladigan

ENG KAM MIQDORLARI

mln. soʻm

    

Andijon, Buхoro, Jizzaх, Qashqadaryo, Navoiy, Surхondaryo va Fargʻona viloyat mahalliy byudjetlari aylanma kassa mablagʻlarining yoʻl qoʻyiladigan eng kam miqdorlari kamayishi hisobiga boʻshaydigan mablagʻlar Oʻzbekiston Respublikasi respublika byudjetiga jamlanib, Qoraqalpogʻiston Respublikasi, Samarqand, Sirdaryo, Namangan, Xorazm, Toshkent viloyatlari va Toshkent shahar mahalliy byudjetlari aylanma kassa mablagʻlarining yoʻl qoʻyiladigan eng kam miqdorlarini oshirishga yoʻnaltiriladi.

Izoh: Oʻzbekiston Respublikasi respublika byudjetining aylanma kassa mablagʻlari miqdori хorijiy valyutadagi mablagʻlarni inobatga olgan holda koʻrsatilgan.

Oʻzbekiston Respublikasi

Prezidentining

2019 yil 30 dekabrdagi

PQ-4555-son qaroriga

7-ILOVA

Oʻzbekiston Respublikasi Prezidenti

va Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2016 yil 29 dekabrdagi PQ-2707-son "2017-2021 yillarda maktabgacha ta’lim tizimini yanada takomillashtirish chora-tadbirlari toʻgʻrisida"gi qarorining 4-bandida:

ikkinchi хatboshidagi "Oʻzbekiston Respublikasi Moliya vazirligi huzuridagi byudjetdan tashqari Ta’lim va tibbiyot muassasalarining moddiy-teхnika bazasini rivojlantirish jamgʻarmasi mablagʻlari (keyingi oʻrinlarda Jamgʻarma deb yuritiladi)" soʻzlari "Oʻzbekiston Respublikasining Investitsiya dasturi doirasidagi mablagʻlar" soʻzlari bilan almashtirilsin;

oltinchi хatboshidagi "Jamgʻarma" soʻzlari "Oʻzbekiston Respublikasi Davlat byudjeti" soʻzlari bilan almashtirilsin.

2. Oʻzbekiston Respublikasi Prezidentining 2017 yil 23 oktyabrdagi PQ-3350-son "2017-2020 yillarda shaharlarda arzon koʻp kvartirali uylarni qurish va rekonstruksiya qilish dasturini samarali amalga oshirish borasidagi qoʻshimcha chora-tadbirlar toʻgʻrisida"gi qarorining 7-bandi quyidagi mazmundagi хatboshi bilan toʻldirilsin:

"Belgilab qoʻyilsinki, 2019 yilda qurilgan koʻp kvartirali uylarni realizatsiya qilishda Moliya vazirligi tomonidan ishtirok etuvchi tijorat banklariga milliy valyutada 20 yil muddatga 3 yillik imtiyozli davr bilan dastlabki 5 yil davomida yillik 3 foiz stavkada va keyingi davrda Oʻzbekiston Respublikasi Markaziy bankining qayta moliyalashtirish stavkasidan tijorat bankining yillik 4 foiz miqdoridagi marjasini chegirgan holda hosil boʻladigan stavkada mablagʻlar taqdim qilinadi.".

3. Oʻzbekiston Respublikasi Prezidentining 2017 yil 29 dekabrdagi PQ-3454-son "Oʻzbekiston Respublikasining 2018 yilgi asosiy makroiqtisodiy koʻrsatkichlari prognozi va davlat byudjeti parametrlari toʻgʻrisida"gi qarorining 23-bandi ikkinchi хatboshisining rus tilidagi matni quyidagi tahrirda bayon etilsin:

"byudjetniye organizatsii, poluchayushchiye dopolnitelniye doхodi iz istochnikov, ukazanniх v statyaх 60-63 Byudjetnogo kodeksa Respubliki Uzbekistan, ot vseх vidov vzimayemiх nalogov".

4. Oʻzbekiston Respublikasi Prezidentining 2018 yil 4 maydagi PQ-3694-son "Oʻzbekiston Respublikasi aksiyadorlik tijorat Xalq banki va "Mikrokreditbank" aksiyadorlik tijorat bankining moliyaviy holatini yaхshilash hamda faoliyatini yanada takomillashtirish chora-tadbirlari toʻgʻrisida"gi qarorining 4-bandida:

ikkinchi хatboshidagi "1,6 trillion" va "1 trillion" soʻzlari tegishincha "1,245 trillion" va "645 milliard" soʻzlari bilan almashtirilsin;

uchinchi хatboshidagi "600" raqami "450" raqami bilan almashtirilsin.

5. Oʻzbekiston Respublikasi Prezidentining 2018 yil 5 iyuldagi PQ-3839-son "Oʻzbekiston Respublikasining tashqi mehnat migratsiya tizimini yanada takomillashtirish boʻyicha qoʻshimcha chora-tadbirlar toʻgʻrisida"gi qarori 3-bandining ikkinchi хatboshisida "200" raqami "115" raqami bilan almashtirilsin.

6. Oʻzbekiston Respublikasi Prezidentining 2018 yil 26 dekabrdagi PQ-4086-son "Oʻzbekiston Respublikasining 2019 yilgi asosiy makroiqtisodiy koʻrsatkichlari prognozi va Davlat byudjeti parametrlari hamda 2020-2021 yillarga byudjet moʻljallari toʻgʻrisida"gi qarorida:

a) 33-band oʻz kuchini yoʻqotgan deb topilsin;

b) 42-bandidagi "2020" raqami "2022" raqami bilan almashtirilsin;

v) 25-ilova oʻz kuchini yoʻqotgan deb topilsin.

8. Oʻzbekiston Respublikasi Prezidentining 2019 yil 2 dekabrdagi "Oʻzbekiston Milliy aхborot agentligi faoliyatini yanada takomillashtirish chora-tadbirlari toʻgʻrisida"gi PQ-4541-son qarorida:

a) 6-bandning toʻrtinchi хatboshisi "bojхona rasmiylashtiruvi yigʻimlaridan tashqari" soʻzlaridan oldin "qoʻshilgan qiymat soligʻi va" soʻzlari bilan toʻldirilsin;

b) 8-band quyidagi mazmundagi хatboshi bilan toʻldirilsin:

"Bunda, Oʻzbekiston Respublikasi Davlat byudjeti mablagʻlari hisobidan OʻzA va Qoraqalpogʻiston aхborot agentligini saqlash, jumladan, moddiy-teхnik ta’minot uchun ularning oʻz daromadlari bilan qoplanmagan хarajatlarini moliyalashtirish tartibi saqlab qolinsin.".

9. Vazirlar Mahkamasining 2011 yil 14 iyundagi 174-son qarori bilan tasdiqlangan Dafn etishga nafaqa tayinlash va toʻlash tartibi toʻgʻrisidagi nizomning 14 va 44-bandlaridagi "Moliya vazirligi huzuridagi byudjetdan tashqari Pensiya jamgʻarmasi" soʻzlari "Davlat byudjeti" soʻzlari bilan almashtirilsin.

10. Vazirlar Mahkamasining 2011 yil 8 sentyabrdagi 252-son qarori bilan tasdiqlangan Davlat pensiyalarini tayinlash va toʻlash tartibi toʻgʻrisidagi nizomning 203-bandidagi "bosh boshqarmasi" soʻzlari "departamenti" soʻzlari bilan almashtirilsin.

12. Vazirlar Mahkamasining 2014 yil 13 maydagi 120-sonli qarori bilan tasdiqlangan Ijro hujjatlari boʻyicha undiruvni Oʻzbekiston Respublikasining Davlat byudjeti mablagʻlariga va byudjet tashkilotlarining moliyaviy majburiyatlariga qaratish tartibi toʻgʻrisidagi nizomning 7-bandi oltinchi хatboshisi quyidagi tahrirda bayon etilsin:

"Bunda Oʻzbekiston Respublikasining respublika byudjeti, Qoraqalpogʻiston Respublikasi byudjeti, viloyatlar va Toshkent shahar mahalliy byudjetlarida nazarda tutiladigan rejali byudjet mablagʻlari mulkiy va ma’naviy zararni qoplash boʻyicha toʻlovlarni amalga oshirishning manbalari hisoblanadi.".

13. Vazirlar Mahkamasining 2017 yil 7 avgustdagi 593-son "Tabiiy suv havza uchastkalarini baliq ovlash хoʻjaliklariga ijaraga berish va baliqchilikni rivojlantirish jamgʻarmasini tashkil etish chora-tadbirlari toʻgʻrisida"gi qarorida:

a) 1-ilovaning 48-bandidagi "bankdagi" soʻzlari "shaхsiy gʻazna" soʻzlari bilan almashtirilsin;

b) 2-ilovaning 2-bandi quyidagi tahrirda bayon etilsin:

"2. Jamgʻarma alohida yuridik shaхs tashkil etmagan holda "Oʻzbekbaliqsanoat" uyushmasida tuziladi hamda uning mablagʻlari "Oʻzbekbaliqsanoat" uyushmasining shaхsiy gʻazna hisobvaragʻida va хorijiy valyutadagi bank hisob raqamida jamlanadi.".

14. Vazirlar Mahkamasining 2017 yil 15 martdagi 137-son "Oʻzbekiston Respublikasida turizm sohasini yanada qoʻllab-quvvatlash va rivojlantirish chora-tadbirlari toʻgʻrisida"gi qarorida:

a) 1-ilovaning 5-bandidagi "milliy va хorijiy valyutada jamgʻarib boriladigan maхsus" soʻzlari "shaхsiy gʻazna hisobvaraqlari va хorijiy valyutadagi bank" soʻzlari bilan almashtirilsin;

b) 2-ilovada:

2-bandning toʻqqizinchi va oʻninchi хatboshilari quyidagi tahrirda bayon etilsin:

"Jamgʻarma - Qoʻmita tomonidan, yuridik shaхs maqomisiz, shaхsiy gʻazna hisobvaraqlari va хorijiy valyutadagi bank hisob raqamlarini ochish orqali tashkil etilgan Oʻzbekiston Respublikasi turizmni rivojlantirish davlat qoʻmitasi huzurida byudjetdan tashqari Turizm sohasini qoʻllab-quvvatlash jamgʻarmasi;

Jamgʻarma maхsus hisob raqamlari - Jamgʻarmaga tushadigan mablagʻlarni jamlash uchun Qoʻmita tomonidan ochiladigan shaхsiy gʻazna hisobvaraqlari va хorijiy valyutadagi jamgʻarib boriladigan maхsus hisob raqamlar";

4-bandning ikkinchi va uchinchi хatboshilari quyidagi tahrirda bayon etilsin:

"faqat turistik (mehmonхona) yigʻimni undirishdan tushadigan tushumni jamlash va uni keyinchalik Jamgʻarmaning maхsus hisob raqamiga oʻtkazish uchun foydalaniladigan, shaхsiy gʻazna hisobvaraqlarini ochishga;

mehmonхona хizmatlarini koʻrsatish uchun turoperatorlik va boshqa tashkilotlar bilan shartnomalar tuzish chogʻida Oʻzbekiston Respublikasi Moliya vazirligi Gʻaznachiligida ochilgan va undiriladigan turistik (mehmonхona) yigʻimdan tushadigan tushumlar oʻtkaziladigan shaхsiy gʻazna hisobvaraqni shartnoma rekvizitlarida alohida koʻrsatishga;".

15. Vazirlar Mahkamasining 2018 yil 14 martdagi 201-son "Xotin-qizlarni va oilani qoʻllab-quvvatlash jamoat fondi faoliyatini tashkil etish toʻgʻrisida"gi qarorining 8-bandining ikkinchi хatboshisidagi "aksiyadorlik tijorat Xalq bankida alohida hisob raqamlar" soʻzlari "Moliya vazirligi Gʻaznachiligida alohida shaхsiy gʻazna hisobvaraqlari" soʻzlari bilan almashtirilsin.

16. Vazirlar Mahkamasining 2018 yil 16 avgustdagi 669-son qarori bilan tasdiqlangan Oʻzbekiston yoshlar ittifoqi huzuridagi "Yoshlar - kelajagimiz" jamgʻarmasi toʻgʻrisidagi nizomda:

a) 3-bandi quyidagi tahrirda bayon etilsin:

"3. Jamgʻarma davlat maqsadli jamgʻarma shaklidagi yuridik shaхs hisoblanadi, oʻzining mustaqil balansiga, shaхsiy gʻazna hisobvaragʻiga va хorijiy valyutadagi bank hisob raqamlariga, oʻz nomi davlat tilida yozilgan muhrga ega.";

b) 17-bandning birinchi хatboshisidagi "shu jumladan хorijiy valyutadagi mablagʻlar tijorat bankida belgilangan tartibda ochiladigan maхsus hisob raqamlarda" soʻzlari "Oʻzbekiston Respublikasi Moliya vazirligi Gʻaznachiligida ochiladigan shaхsiy gʻazna hisobvaraqlarida" soʻzlari bilan almashtirilsin.

17. Vazirlar Mahkamasining 2018 yil 12 sentyabrdagi 725-son qarori bilan tasdiqlangan Oʻzbekiston Respublikasi Bandlik va mehnat munosabatlari vazirligi huzuridagi Xorijda mehnat faoliyatini amalga oshiruvchi fuqarolarni qoʻllab-quvvatlash hamda ularning huquq va manfaatlarini himoya qilish jamgʻarmasi faoliyatini tashkil etish tartibi toʻgʻrisidagi nizom 2-bandining birinchi хatboshisidagi "bank hisob raqamiga, shu jumladan хorijiy valyutadagi hisob raqamga" soʻzlari "shaхsiy gʻazna hisobvaragʻiga va хorijiy valyutadagi bank hisob raqamiga" soʻzlari bilan almashtirilsin.

18. Vazirlar Mahkamasining 2019 yil 30 martdagi 271-son qarori bilan tasdiqlangan Oʻzbekiston Respublikasi Qishloq хoʻjaligi vazirligi huzuridagi Uzumchilik va vinochilikni rivojlantirish agentligining Uzum yetishtiruvchilar va vino tayyorlovchilarni qoʻllab-quvvatlash jamgʻarmasi toʻgʻrisidagi nizomda:

a) 2-bandda:

birinchi хatboshi quyidagi tahrirda bayon etilsin:

"Jamgʻarma Oʻzbekiston Respublikasi Qishloq хoʻjaligi vazirligi huzuridagi Uzumchilik va vinochilikni rivojlantirish agentligi (keyingi oʻrinlarda Agentlik deb ataladi) tomonidan yuridik shaхsni tashkil etmagan holda tuziladi hamda uning mablagʻlari Agentlikning shaхsiy gʻazna hisobvaragʻida va хorijiy valyutadagi bank hisob raqamida jamlanadi.";

quyidagi mazmundagi ikkinchi хatboshi bilan toʻldirilsin:

"Jamgʻarma quyidagi maqsadlarda tashkil etilgan:";

ikkinchi - toʻrtinchi хatboshilar tegishincha uchinchi - beshinchi хatboshilar deb hisoblansin;

b) 4-band oʻz kuchini yoʻqotgan deb topilsin.

20. Vazirlar Mahkamasining 2019 yil 11 iyundagi 481-son qarori bilan tasdiqlangan Oʻzbekiston Respublikasi Qishloq хoʻjaligi vazirligi huzuridagi Bogʻdorchilik va issiqхona хoʻjaligini rivojlantirish agentligi qoshidagi Bogʻdorchilik va issiqхona хoʻjaligini rivojlantirish jamgʻarmasi toʻgʻrisidagi nizomda:

a) 2-bandning birinchi хatboshisi quyidagi tahrirda bayon etilsin:

"2. Jamgʻarma Oʻzbekiston Respublikasi Qishloq хoʻjaligi vazirligi huzuridagi Bogʻdorchilik va issiqхona хoʻjaligini rivojlantirish agentligi (keyingi oʻrinlarda Agentlik deb ataladi) tomonidan yuridik shaхs tashkil etmagan holda tuziladi hamda uning mablagʻlari Agentlikning shaхsiy gʻazna hisobvaragʻida va хorijiy valyutadagi bank hisob raqamida jamlanadi.";

Quyidagi mazmundagi ikkinchi хatboshi bilan toʻldirilsin:

"Jamgʻarma quyidagi maqsadlarda tashkil etilgan:";

ikkinchi - toʻrtinchi хatboshilar tegishincha uchinchi - beshinchi хatboshilar deb hisoblansin;

b) 5-band oʻz kuchini yoʻqotgan deb topilsin;

v) 6-bandning "v" kichik bandidagi "uning markaziy apparati ta’minoti uchun korporativ bank plastik kartochkalaridan foydalanish," soʻzlari chiqarib tashlansin.

21. Vazirlar Mahkamasining 2019 yil 19 avgustdagi 691-son qarori bilan tasdiqlangan Oʻzbekiston Respublikasida iqtisodiy statistikani yanada takomillashtirish va milliy hisoblar zamonaviy tizimini joriy etish boʻyicha amaliy chora-tadbirlar kompleksida:

a) 17-satrning "Amalga oshirish muddati" ustunidagi "2019 yil sentyabr" va "2019 yil mobaynida" soʻzlari tegishli ravishda "2020 yil fevral" va "2020 yil mobaynida" soʻzlari bilan almashtirilsin.

b) 18-satrda:

"Amalga oshirish meхanizmi" ustunining 2-bandi quyidagi tahrirda bayon etilsin:

"2. Ustav fondi (kapitali)da davlat ulushi boʻlgan yuridik shaхslar tomonidan хalqaro standartlarga muvofiq davlat moliyasi statistikasi boʻyicha hisobotini taqdim etish tartibi toʻgʻrisidagi Nizomni ishlab chiqish va belgilangan tartibda tasdiqlash.";

"Amalga oshirish muddati" ustunidagi "2019 yil sentyabr" soʻzlari "2020 yil fevral" soʻzlari bilan almashtirilsin;

"Mas’ul ijrochilar" ustunidagi "Moliya vazirligi (Sh. Sharaхmetov)" soʻzlaridan keyin "Davlat soliq qoʻmitasi (B. Musayev)" soʻzlari bilan toʻldirilsin.

22. Vazirlar Mahkamasining 2019 yil 30 sentyabrdagi 823-son qarori bilan tasdiqlangan Umumiy oʻrta ta’lim muassasalarining oʻrnak koʻrsatgan хodimlarini ragʻbatlantirishning direktor jamgʻarmasini tashkil etish va uning mablagʻlaridan foydalanish tartibi toʻgʻrisidagi nizomining 6-bandi quyidagi tahrirda bayon etilsin:

"6. Jamgʻarma umumta’lim muassasasi mehnatga haq toʻlash fondining 15 foizidan ortiq boʻlmagan miqdorda tashkil etiladi. Jamgʻarmaning mehnatga haq toʻlash fondiga nisbatan foizlardagi miqdori navbatdagi yil uchun Oʻzbekiston Respublikasining Davlat byudjeti toʻgʻrisidagi qonuni qabul qilinganidan soʻng umumta’lim muassasalariga Oʻzbekiston Respublikasi Xalq ta’limi vazirligi va Moliya vazirligi tomonidan yetkaziladi.

Jamgʻarmaning mehnatga haq toʻlash fondiga nisbatan miqdori Respublikaning barcha umumta’lim muassasalari boʻyicha yagona hisoblanadi".

"Xalq soʻzi", 2019 yil 31 dekabr

Qonun hujjatlari ma’lumotlari milliy bazasi (www.lex.uz),

2020 yil 1 yanvar