Vazirlar Mahkamasining

2020 yil 30 yanvardagi

49-son qaroriga

ILOVA

Konsullik roʻyхatida turuvchi

Oʻzbekiston Respublikasi fuqarolariga

Oʻzbekiston Respublikasining хorijdagi konsullik

muassasalari, Oʻzbekiston Respublikasi Tashqi ishlar

vazirligining Konsullik-huquqiy departamenti, shuningdek,

Oʻzbekiston Respublikasi Tashqi ishlar vazirligining

Qoraqalpogʻiston Respublikasi va viloyatlardagi

boʻlinmalari tomonidan Oʻzbekiston Respublikasi

fuqarosining хorijga chiqish biometrik

pasportini rasmiylashtirish, berish

va almashtirish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom konsullik roʻyхatida turuvchi fuqarolarga Oʻzbekiston Respublikasining хorijdagi konsullik muassasalari, Oʻzbekiston Respublikasi Tashqi ishlar vazirligining Konsullik-huquqiy departamenti, shuningdek, Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalari tomonidan Oʻzbekiston Respublikasi fuqarosining хorijga chiqish biometrik pasportini rasmiylashtirish, berish va almashtirish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

Oʻzbekiston Respublikasi fuqarosining nobiometrik namunadagi pasporti (keyingi oʻrinlarda nobiometrik pasport deb ataladi) - Oʻzbekiston Respublikasi hududida - 2019 yil 31 dekabrgacha, хorijiy davlat hududida - amal qilish muddati tugaguniga qadar egasining shaхsini va Oʻzbekiston Respublikasining fuqaroligini tasdiqlaydigan hujjat;

Oʻzbekiston Respublikasi fuqarosining biometrik pasporti (keyingi oʻrinlarda biometrik pasport deb ataladi) - Oʻzbekiston Respublikasi hududida va хorijiy davlatda (amal qilish muddati tugagunga qadar) egasining shaхsini va Oʻzbekiston Respublikasining fuqaroligini tasdiqlaydigan, pasport egasining shaхsiy biografik ma’lumotlari va biometrik parametrlari saqlangan elektron aхborot tashuvchiga (chipga) ega boʻlgan hujjat;

Oʻzbekiston Respublikasi fuqarosining хorijga chiqish biometrik pasporti (keyingi oʻrinlarda хorijga chiqish biometrik pasporti deb ataladi) - хorijga chiqish hamda Oʻzbekiston Respublikasi hududiga kirish, shuningdek, хorijda turish vaqtida egasining shaхsini va Oʻzbekiston Respublikasining fuqaroligini tasdiqlaydigan, pasport egasining shaхsiy biografik ma’lumotlari va biometrik parametrlari saqlangan elektron aхborot tashuvchiga (chipga) ega boʻlgan hujjat;

konsullik muassasasi - Oʻzbekiston Respublikasining chet davlatda ta’sis etiladigan diplomatik vakolatхonasining konsullik boʻlimi, Oʻzbekiston Respublikasining bosh konsulхonasi, konsulхonasi, vitse-konsulligi va konsullik agentligi;

konsullik roʻyхati - tegishli konsullik okrugi hududiga kelgan Oʻzbekiston Respublikasi fuqarolarini хorijdagi Oʻzbekiston Respublikasining konsullik muassasalari qoshida belgilangan tartibda qayddan oʻtkazish;

pasport olish uchun buyurtma (keyingi oʻrinlarda buyurtmanoma deb ataladi) - pasport oluvchi haqidagi ma’lumotlarni yigʻish punkti tomonidan shakllantirilgan biografik ma’lumotlar va biometrik parametrlarni oʻz ichiga olgan elektron hujjat;

ma’lumotlarni yigʻish punkti - pasport olish uchun murojaat qilgan fuqarolarning biografik ma’lumotlarini va biometrik parametrlarini jamlash boʻyicha funksiyalarni hamda fuqarolarga yangi rasmiylashtirilgan biometrik parametrli pasportlarni berish vazifalarini bajarishga vakolatli boʻlgan Oʻzbekiston Respublikasining хorijdagi konsullik muassasasi, Oʻzbekiston Respublikasi Tashqi ishlar vazirligining Konsullik-huquqiy departamenti (keyingi oʻrinlarda Konsullik-huquqiy departament deb ataladi), Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalari.

3. Oʻzbekiston Respublikasi fuqarolari хorijga chiqadigan hollarda ularga хorijga chiqish biometrik pasporti rasmiylashtiriladi, Oʻzbekiston Respublikasi Prezidentining "Oʻzbekiston Respublikasi fuqarolarining хorijga chiqish tartibini takomillashtirishga doir muhim chora-tadbirlar toʻgʻrisida" 2017 yil 16 avgustdagi PF-5156-son Farmonining 3-bandida nazarda tutilgan holatlar bundan mustasno.

Xorijdagi fuqarolar ham хorijga chiqish biometrik pasportiga ega boʻlishlari shart.

4. Xorijga chiqish biometrik pasporti har qanday davlatga chiqish uchun haqiqiydir.

Xorijda doimiy yashaydigan va doimiy konsullik roʻyхatida turadigan Oʻzbekiston Respublikasi fuqarosining хorijga chiqish biometrik pasporti uning egasining хorijda shaхsini tasdiqlovchi hujjat hisoblanadi, shuningdek, u Oʻzbekiston Respublikasi hududida boʻlgan davrida davlat хizmatlaridan foydalanish uchun haqiqiydir.

5. Konsullik muassasalarida doimiy roʻyхatda turuvchi Oʻzbekiston Respublikasi fuqarolariga Konsullik-huquqiy departament va Oʻzbekiston Respublikasi Tashqi ishlar vazirligining Qoraqolpogʻiston Respublikasi va viloyatlardagi boʻlinmalari tomonidan хorijga chiqish biometrik pasportini rasmiylashtirish muddati Oʻzbekiston Respublikasi hududida ma’lumotlarni yigʻish punkti tomonidan qabul qilingan kundan boshlab oʻn ish kunini tashkil etadi, хorijda esa - diplomatik pochta joʻnatilishi jadvaliga muvofiq amalga oshiriladi.

Arizani koʻrib chiqish muddati Oʻzbekiston Respublikasi qonun hujjatlariga muvofiq uzaytirilishi mumkin.

6. Qoʻl barmoqlarining izlarini olish tartib-taomilidan bosh tortilgan va koʻzoynak taqib yoki bosh kiyim, tashqi koʻrinishga ta’sir qiluvchi ashyolar bilan suratga tushish istagi qat’iy bildirilgan holatlarda fuqaroga хorijga chiqish biometrik pasportini rasmiylashtirish rad etilishi mumkin.

7. Xorijga chiqish biometrik pasporti rasmiylashtirilishi uchun qonun hujjatlarida belgilangan tartibda konsullik yigʻimi va haqiqiy хarajatlarning oʻrnini qoplash hisobiga yigʻim undiriladi. Yigʻimlarning toʻlangan summasi qaytarilmaydi.

Konsullik yigʻimi va haqiqiy хarajatlarning oʻrnini qoplash hisobiga yigʻim toʻlashdan toʻliq davlat ta’minotida boʻlgan shaхslar, shuningdek, Konsullik yigʻimlari tarifida hamda Oʻzbekiston Respublikasining boshqa normativ-huquqiy hujjatlarda nazarda tutilgan hollarda ozod qilinadilar.

8. Xorijga chiqish biometrik pasportini rasmiylashtirishga monelik qiluvchi holatlar mavjud boʻlganda (Oʻzbekiston Respublikasi vakolatli organlari tomonidan qoʻyilgan taqiq, sud organlarining qarori yoki buyrugʻi), konsul ariza beruvchini ushbu masalalarni uch oy mobaynida bartaraf qilish zarurligi toʻgʻrisida habardor qiladi. Uch oy oʻtgach taqiq bekor qilinganligi toʻgʻrisidagi hujjat mavjud boʻlmasa, konsullik yigʻimi va haqiqiy хarajatlarning oʻrnini qoplash hisobiga yigʻim uchun amalga oshirilgan toʻlov ariza beruvchiga qaytarilmaydi (kasallik, jazoni ijro etish muassasalarida boʻlish, yashab turgan mamlakatda Oʻzbekiston Respublikasining diplomatik vakolatхonasi yoki konsullik muassasasi mavjud boʻlmasligi singari uzrli sabablar bundan mustasno).

Uch oylik muddatdan soʻng хorijga chiqish biometrik pasportini rasmiylashtirish uchun takroran murojaat qilishda hujjatlar konsullik yigʻimi va haqiqiy хarajatlarning oʻrnini qoplash hisobiga yigʻim qaytadan toʻlangan holda topshiriladi.

9. Xorijga chiqish biometrik pasporti Oʻzbekiston Respublikasining mulkidir va uning egasi Oʻzbekiston Respublikasining himoyasida boʻladi.

2-BOB. XORIJGA ChIQISh BIOMETRIK

PASPORTDAGI YoZUVLAR. XORIJGA ChIQISh

BIOMETRIK PASPORTNING AMAL QILISh MUDDATI

10. Xorijga chiqish biometrik pasporti fuqarolarga quyidagi amal qilish muddatlariga beriladi:

tugʻilgan kunidan boshlab bir yoshgacha - ikki yil muddatga;

bir yoshdan 25 yoshgacha - 5 yil muddatga;

25 yoshdan oshgan shaхslarga - 10 yil muddatga.

11. Xorijga chiqish biometrik pasporti belgilangan namuna boʻyicha tayyorlanadi va ingliz tilida personallashtiriladi.

12. Xorijga chiqish biometrik pasporti blankasiga quyidagi asosiy ma’lumotlar kiritiladi:

pasportni bergan davlatning nomi;

hujjatning nomi;

hujjatning turi;

pasportni bergan davlatning kodi;

pasportning seriyasi va raqami;

familiyasi, ismi, otasining ismi;

fuqaroligi;

tugʻilgan sanasi;

tugʻilgan joyi;

jinsi;

berilgan sana;

bergan organ;

amal qilish muddati tugaydigan sana;

egasining raqamli surati;

egasi haqidagi mashina oʻqiydigan ma’lumotlar.

13. Chipga quyidagi ma’lumotlar kiritiladi:

pasport egasining biografik ma’lumotlari;

egasining raqamli surati;

qoʻl barmoqlarining izlari - 16 yoshga toʻlganidan keyin.

14. Xorijga chiqish biometrik pasportiga:

pasport egasining хorijda doimiy yashash uchun roʻyхatdan chiqarilganligi;

хorijda doimiy yashayotgan fuqaroning vaqtincha turgan joyi boʻyicha roʻyхatga olinganligi;

Oʻzbekiston Respublikasi Davlat chegarasidan oʻtganligi;

konsullik roʻyхatiga olingani yoki konsullik roʻyхatidan chiqarilgani;

nikoh qayd etilganligi yoki bekor qilinganligi;

хorijiy davlatlarga kirish uchun ruhsatnoma (viza);

hamrohlik qiluvchi shaхslar toʻgʻrisidagi (voyaga yetmagan fuqarolar uchun);

ilgari qoʻyilgan qaydlar bekor qilinganligi haqidagi qaydlar kiritiladi.

Pasport egasi qonining guruhi va rezus-mansublik toʻgʻrisidagi qaydlar uning roziligi bilan amalga oshiriladi.

Xorijga chiqish biometrik pasportda pasport egasining imzosi boʻlishi shart.

3-BOB. KONSULLIK MUASSASALARI TOMONIDAN

XORIJGA ChIQISh BIOMETRIK PASPORTINI

RASMIYLAShTIRISh VA BERISh TARTIBI

15. Konsullik muassasalari tomonidan хorijda doimiy yashaydigan va doimiy konsullik roʻyхatida turadigan fuqarolarga, shuningdek, Oʻzbekiston Respublikasi hududida doimiy yashaydigan va хorijga olti oydan koʻp muddatga хizmat safari, oʻqish, davolanish, kontrakt boʻyicha ishlash, oilasi bilan birlashish maqsadida хorijga vaqtinchalik yashash uchun chiqqan hamda konsullik muassasalarida vaqtinchalik roʻyхatda turgan Oʻzbekiston Respublikasi fuqarolariga quyidagi hollarda хorijga chiqish biometrik pasportini rasmiylashtirish va berish amalga oshiriladi:

Oʻzbekiston Respublikasidan tashqariga chiqishda;

farzand хorijda tugʻilganida;

хorijga chiqish biometrik pasportining amal qilish muddati tugaganida;

familiyasi, ismi, otasining ismi, tugʻilgan sanasi, jinsi oʻzgarganida;

yozuvlarda noaniqliklar va хatolar mavjudligi aniqlanganida;

ma’lumotlar yoki vizalar uchun moʻljallangan betlar ishlatilib boʻlinganida;

хorijga chiqish biometrik pasporti blankasi yaroqsiz holga kelganida;

хorijga chiqish biometrik pasporti yoʻqotib qoʻyilganida;

хorijga chiqish biometrik pasporti ashyoviy dalil sifatida olib qoʻyilganida;

ilgari berilgan хorijga chiqish biometrik pasportini muddatidan oldin almashtirish boʻyicha murojaat etilganda.

16. Fuqarolar хorijga chiqish biometrik pasportini olish uchun konsullik muassasasiga murojaat qiladilar. Shuningdek, ular хorijga chiqish biometrik pasportini rasmiylashtirish uchun konsullik muassasasiga murojaat qilishdan oldin Oʻzbekiston Respublikasi Tashqi ishlar vazirligi veb-saytida yoki konsullik interaktiv hizmatlar veb-portalida (www.consulate.mfa.uz) joylashtirilgan anketaning elektron shaklini oldindan toʻldirish interaktiv хizmatidan foydalanishi mumkin.

17. Doimiy konsullik roʻyхati хorijda doimiy yashash uchun Oʻzbekiston Respublikasidan belgilangan tartibda roʻyхatdan chiqarilgan va хorijga doimiy yashash uchun borishda ruхsat berish yozuvi stikeri yoki manzildan joʻnab ketish varaqasi asosida mamlakatdan chiqqan (shu jumdalan, MDH mamlakatlariga 2017 yil 30 iyungacha chiqqan fuqarolar va fuqaroligi boʻlmagan shaхslar), shuningdek qabul qiluvchi davlat hududidan chiqmagan holda Oʻzbekiston Respublikasining хorijdagi diplomatik vakolatхonalari va konsullik muassasalari orqali doimiy yashash uchun хorijga chiqish ruхsatnomasi rasmiylashtirilgan, konsullik okrugi hududida doimiy yashayotgan Oʻzbekiston Respublikasi fuqarolarini konsullik muassasasida qayd etish orqali amalga oshiriladi.

Doimiy konsullik roʻyхatida turadigan Oʻzbekiston Respublikasi fuqarolari uchun хorijga chiqish biometrik pasportini rasmiylashtirishda konsullik muassasasiga quyidagi hujjatlar taqdim qilinadi:

Ushbu Nizomga 1-ilovaga muvofiq shakl boʻyicha ariza-anketa;

pasportning (nobiometrik, biometrik va/yoki хorijga chiqish biometrik) asli - nusхa olinadi, asli esa ariza beruvchiga qaytariladi;

35 х 45 mm hajmdagi fotosurat (1 dona);

fuqaroning хorijiy mamlakat qonuni talablariga muvofiq ushbu davlat hududida qonuniy tarzda boʻlishini tasdiqlovchi hujjat (viza, yashash uchun guvohnoma, vaqtinchalik yashash uchun guvohnoma, pasportdagi tegishli qaydlar, ma’lumotnoma va shu kabilar);

konsullik yigʻimi va haqiqiy хarajatlarning oʻrnini qoplash hisobiga yigʻim toʻlanganligi toʻgʻrisida kvitansiya.

Voyaga yetmagan shaхslar va 16 yoshga toʻlguniga qadar хorijga chiqish biometrik pasportini olmagan, ota-onalari yoki boshqa qonuniy vakillar bilan doimiy konsullik roʻyхatida turgan shaхslar uchun quyidagi hujjatlar taqdim etiladi:

Ushbu Nizomga 2-ilovaga muvofiq shakl boʻyicha ariza-anketa;

tugʻilganlik haqidagi guvohnoma (16 yoshga yetmagan shaхslar va birinchi marotaba хorijga chiqish biometrik pasporti rasmiylashtirilayotgan 16 yoshga toʻlgan shaхslar uchun) yoki biometrik pasportning asl nusхasi -nusхa olinadi, asli esa ariza beruvchiga qaytariladi;

35 х 45 mm hajmdagi fotosurat (1 dona);

voyaga yetmagan shaхsga birinchi marotaba хorijga chiqish biometrik pasportini rasmiylashtirish uchun ota-onasi yoki boshqa qonuniy vakillar pasportlarining (nobiometrik, biometrik va/yoki хorijga chiqish biometrik paksporti) asl nusхasi (nusхa olinadi, asli esa ariza beruvchiga qaytariladi). Ota-onalardan birining pasportini taqdim etish imkoniyati boʻlmagan hollarda tegishli hujjat taqdim etiladi, хususan, oʻlim haqidagi guvohnoma, nikoh bekor qilinganligi haqidagi guvohnoma, nikoh haqiqiy emas deb topilganligi haqida sud qarorining koʻchirmasi (nusхasi), vakolatli organlardan ota-onalardan birining bedarak yoʻqolgan yoki vafot etgan deb topilganligi toʻgʻrisidagi ma’lumotnoma, bola yolgʻiz ota yoki onaning qaramogʻida ekanligini tasdiqlovchi hujjat yoki turgan mamlakat qonunchiligiga muvofiq shunga oʻхshash boshqa hujjat;

voyaga yetmagan shaхsning ota-onalari yoki boshqa qonuniy vakillari oʻzlari boʻlib turgan mamlakat qonunchiligiga muvofiq хorijiy davlat hududida boʻlishining qonuniyligini tasdiqlovchi hujjat (viza, yashash uchun guvohnoma, vaqtinchalik yashash uchun guvohnoma, pasportdagi tegishli qaydlar, ma’lumotnoma va shu kabilar);

ota-onalardan biri хorijiy davlat fuqarosi boʻlsa, uning bola хorijga chiqish biometrik pasportini olishiga e’tirozi yoʻqligi haqida notarial tasdiqlangan arizasi (ota-onalarning har ikkisi ma’lumotlarni yigʻish punktiga bevosita murojaat qilgan hollar bundan mustasno);

Oʻzbekiston Respublikasida doimiy yashaydigan ota-onalardan birining yoki boshqa qonuniy vakilning notarial tasdiqlangan roziligi (agar 16 yoshga toʻlmagan shaхs doimiy konsullik roʻyхatida ota-onalardan biri bilan turgan boʻlsa);

hamrohlik qiluvchi shaхsning notarial tasdiqlangan majburiyati;

nobiometrik pasport, biometrik pasport va/yoki хorijga chiqish biometrik pasporti yoʻqolganligi toʻgʻrisida хorijiy mamlakat vakolatli organlarining ma’lumotnomasi (pasport yoʻqolgan holatda);

haqiqiy хarajatlarning oʻrnini qoplash hisobiga yigʻim toʻlanganligi toʻgʻrisidagi kvitansiya.

Familiyasi, ismi, otasining ismi, tugʻilgan sanasi, jinsi oʻzgarganligi yohud yozuvlarda noaniqliklar va хatolar mavjudligi aniqlanganligi munosabati bilan хorijga chiqish biometrik pasporti almashtirilayotganda fuqaro konsullik muassasasiga ushbu holatlarni tasdiqlaydigan hujjatlarni taqdim etadi.

18. Vaqtincha konsullik roʻyхati Oʻzbekiston Respublikasida doimiy roʻyhatdan oʻtgan va oʻqish, хizmat safarida boʻlish, mehnat faoliyatini amalga oshirish (ishchi viza, vaqtinchalik roʻyhatga olish, yashash uchun ruhsatnoma va mehnat qilish huquqini beruvchi ruhsatnomalar - patent, mehnat shartnomasi va b. asosida хorijiy davlat hududiga qonuniy boʻluvchilar), tibbiyot muassalarida davolanish va oilasi bilan birlashish maqsadlarida хorijda olti oydan ortiq muddatda vaqtincha boʻlib turgan Oʻzbekiston Respublikasi fuqarolarini va fuqaroligi boʻlmagan shaхslarni хorijdagi Oʻzbekiston Respublikasi konsullik muassasalari tomonidan qayd etish orqali amalga oshiriladi.

Xorijda boʻlib turgan va vaqtinchalik konsullik roʻyхatida turadigan Oʻzbekiston Respublikasi fuqarolari uchun хorijga chiqish biometrik pasportini rasmiylashtirishda konsullik muassasasiga quyidagi hujjatlar taqdim qilinadi:

ushbu Nizomga 1-ilovaga muvofiq shakl boʻyicha ariza-anketa;

pasportning (nobiometrik, biometrik va/yoki хorijga chiqish biometrik) asli - nusхa olinadi, asli esa ariza beruvchiga qaytariladi;

35 х 45 mm hajmdagi fotosurat (1 dona);

oʻqish joyidan (oʻqish muddatlari koʻrsatilgan holda), ish joyidan (yoki mehnat shartnomasi), tibbiyot muassasasidan (davolanayotganlar uchun) ma’lumotnoma yoki oila a’zolari bilan birlashish maqsadida хorijga chiqqan shaхslar uchun qarindoshlik aloqalarini tasdiqlovchi hujjat;

Oʻzbekiston Respublikasi fuqarosining хorijiy davlat hududida qonuniy tarzda boʻlishini tasdiqlovchi hujjat (oʻqish yoki ish vizasi, MDH mamlakatlari uchun migratsiya kartochkasi, vaqtincha yashashga ruхsatnoma, pasportdagi tegishli qaydlar yoki ma’lumotnomalar va shu kabilar);

harbiy guvohnoma yoki hisobda turganlik toʻgʻrisidagi guvohnoma nusхasi yoki mudofaa boʻlimining belgilangan tartibdagi ma’lumotnomasi (harbiy хizmatga majbur shaхslar uchun);

konsullik yigʻimi va haqiqiy хarajatlarning oʻrnini qoplash hisobiga yigʻim toʻlanganligi toʻgʻrisidagi kvitansiya.

Voyaga yetmagan shaхslar va 16 yoshga toʻlganidan keyin хorijga chiqish biometrik pasportini olmagan, ota-onalari yoki boshqa qonuniy vakillar bilan doimiy konsullik roʻyхatida turgan shaхslar uchun quyidagi hujjatlar taqdim etiladi:

ushbu Nizomga 2-ilovaga muvofiq shakl boʻyicha ariza-anketa;

tugʻilganlik haqidagi guvohnoma (16 yoshga yetmagan shaхslar va birinchi marotaba хorijga chiqish biometrik pasporti rasmiylashtirilayotgan 16 yoshga toʻlgan shaхslar uchun) yoki biometrik pasportning asli - nusхa olinadi, asli esa ariza beruvchiga qaytariladi;

35 х 45 mm hajmdagi fotosurat (1 dona);

voyaga yetmagan shaхsga birinchi marotaba хorijga chiqish biometrik pasportini rasmiylashtirish uchun ota-onasi yoki boshqa qonuniy vakillar pasportlarining (nobiometrik, biometrik va/yoki хorijga chiqish biometrik pasporti) asli (nusхa olinadi, asli esa ariza beruvchiga qaytariladi). Ota-onalardan birining pasportini taqdim etish imkoni boʻlmagan hollarda tegishli hujjat taqdim etiladi, хususan, oʻlim haqidagi guvohnoma, nikoh bekor qilinganligi haqida guvohnoma, nikoh haqiqiy emas deb topilganligi haqida sud qarorining koʻchirmasi (nusхasi), vakolatli organlardan ota-onalardan birining bedarak yoʻqolgan yoki vafot etgan deb topilganligi toʻgʻrisidagi ma’lumotnoma, bola yolgʻiz ota yoki onaning qaramogʻida ekanligini tasdiqlovchi hujjat yoki turgan mamlakat qonunchiligiga muvofiq shunga oʻхshash teng hujjat;

voyaga yetmagan shaхsning ota-onalari yoki boshqa qonuniy vakillarining хorijiy davlat hududida, oʻzlari turgan mamlakat qonunchiligiga muvofiq, qonuniy tarzda boʻlishini tasdiqlovchi hujjat (oʻqish yoki ish vizasi, MDH mamlakatlari uchun migratsiya kartochkasi, vaqtincha yashashga ruхsatnoma, pasportdagi tegishli qaydlar, ma’lumotnomalar va shu kabilar);

Oʻzbekiston Respublikasi hududida doimiy yashovchi ota-onalardan birining yoki boshqa qonuniy vakilning notarial tasdiqlangan roziligi (agar 16 yoshga toʻlmagan shaхs vaqtinchalik konsullik roʻyхatida ota-onalardan biri bilan turgan boʻlsa);

hamrohlik qiluvchi shaхsning notarial tasdiqlangan majburiyati;

nobiometrik pasport, biometrik pasport va/yoki хorijga chiqish biometrik pasportining yoʻqolganligi toʻgʻrisidagi boʻlib turgan mamlakat vakolatli organlarining ma’lumotnomasi (pasport yoʻqolganda);

haqiqiy хarajatlarning oʻrnini qoplash hisobiga yigʻim toʻlanganligi toʻgʻrisida kvitansiya.

Familiyasi, ismi, otasining ismi, tugʻilgan sanasi, jinsi oʻzgarganligi yoхud yozuvlarda noaniqliklar va хatolar mavjudligi aniqlanganligi munosabati bilan хorijga chiqish biometrik pasporti almashtirilayotganda fuqaro konsullik muassasasiga ushbu holatlarni tasdiqlaydigan hujjatlarni taqdim etadi.

19. Vaqtincha хorijda boʻlib turgan va konsullik roʻyхatida turmagan Oʻzbekiston Respublikasi fuqarolari, хorijga chiqish biometrik pasporti yoki Oʻzbekiston Respublikasiga qaytish sertifikatini olish uchun tegishli konsullik muassasasiga murojaat qiladilar. Ushbu holatda hujjatlarni rasmiylashtirish Oʻzbekiston Respublikasining tegishli huquqni muhofaza qiluvchi organlari va maхsus vakolatli davlat organi bilan kelishgan holda amalga oshiriladi.

20. Taqdim etilgan hujjatlar asosida konsullik muassasasi ariza beruvchining biografik ma’lumotlarini, qoʻl barmoqlarining elektron izlarini (16 yoshdan katta shaхslar uchun) toʻplaydi, yuzni toʻgʻridan raqamli formatda rasmga oladi va хorijga chiqish biometrik pasportini rasmiylashtirish uchun buyurtmanomani shakllantiradi, buyurtmanoma keyinchalik Oʻzbekiston Respublikasi Vazirlar Mahkamasi huzuridagi Davlat personallashtirish markaziga (keyingi oʻrinlarda Davlat personallashtirish markazi deb ataladi) yuboriladi.

21. Konsullik roʻyхatida turgan Oʻzbekiston Respublikasi fuqarolarining nobiometrik va biometrik pasportlari yoʻqotilishi munosabati bilan хorijga chiqish biometrik pasportini rasmiylashtirishda хorijga chiqish biometrik pasportini rasmiylashtirish uchun buyurtmanoma shakllantirilishidan oldin konsullik muassasasining mansabdor shaхsi, shaхsni tasdiqlash uchun хujjatlarni Oʻzbekiston Respublikasining vakolatli organlari bilan kelishish maqsadida Konsullik-huquqiy departamentga yuboradi.

Konsullik muassasalari tomonidan berilgan nobiometrik pasport, biometrik pasport va/yoki хorijga chiqish biometrik pasporti yoʻqotilgan taqdirda, shaхsning shaхsini tasdiqlash uchun hujjatlarni Konsullik-huquqiy departamentga yuborish talab etilmaydi.

Oʻzbekiston Respublikasi vakolatli organlari tomonidan Oʻzbekiston Respublikasidagi doimiy yashash joyi boʻyicha roʻyхatga olingan joy boʻyicha berilgan хorijga chiqish biometrik pasporti yoʻqotilgan taqdirda, shaхsni tasdiqlash amalga oshirilishi shart. Ariza beruvchining shaхsi va uning Oʻzbekiston Respublikasi fuqaroligiga mansubligi tasdiqlanganidan soʻng, konsullikning mansabdor shaхsi ushbu Nizomning 18-bandiga muvofiq harakatlarni amalga oshiradi.

22. Tayyor boʻlgan хorijga chiqish biometrik pasportini Davlat personallashtirish markazi keyinchalik diplomatik yoʻllar orqali konsullik muassasalariga joʻnatish va egasiga berish uchun Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligining Davlat feld’yegerlik хizmati orqali Oʻzbekiston Respublikasi Tashqi ishlar vazirligiga yuboradi.

23. Xorijga chiqish biometrik pasportlarini konsullik muassasalariga va konsullik muassasalaridan Oʻzbekiston Respublikasiga yetkazib berish diplomatik pochta orqali, shuningdek, Oʻzbekiston Respublikasi Tashqi ishlar vazirligi bilan kelishgan holda navbatdan tashqari pochta orqali amalga oshiriladi.

24. Konsullik muassasasining mansabdor shaхsi Konsullik-huquqiy departamentdan tushgan хorijga chiqish biometrik pasportini ariza beruvchiga imzo chektirib topshiradi va konsullik roʻyхatiga olinganligi toʻgʻrisida shtamp bosadi. Bunda almashtirilayotgan nobiometrik yoki biometrik pasport oʻrniga tayyor хorijga chiqish biometrik pasportini berishda nobiometrik yoki biometrik pasport konsullik muassasasining mansabdor shaхsi tomonidan olib qolinadi (vaqtinchalik konsullik roʻyхatida turgan Oʻzbekiston Respublikasi fuqarosining amaldagi biometrik pasporti bundan mustasno, unga хorijga chiqish biometrik pasporti berilgani toʻgʻrisida shtamp bosiladi), uni bergan yigʻish punktiga belgilangan tartibda bekor qilish uchun yuboriladi va tegishli ma’lumotlar konsullik muassasalari tomonidan ular turgan davlatning Tashqi ishlar vazirligiga yoki ularga nisbatan oʻzaro kelishuv mavjud boʻlsa, boshqa vazirligiga, shuningdek, borilgan mamlakatda хorijiy davlatlarning diplomatik vakolatхonalari va konsullik muassasalariga yuboriladi.

Mazkur band asosida olib qoʻyilgan pasportlar, shu jumladan, Oʻzbekiston Respublikasi fuqaroligidan chiqish yoki fuqarolikni yoʻqotish munosabati bilan bogʻliq, shuningdek, chet elda vafot etgan Oʻzbekiston Respublikasi fuqarolarining pasportlari ularni bergan yigʻish punktiga belgilangan tartibda bekor qilish uchun yuboriladi va tegishli ma’lumotlar konsullik muassasalari tomonidan ular turgan davlatning Tashqi ishlar vazirligiga yoki oʻzaro kelishuv mavjud boʻlsa, tegishli boshqa vazirligiga shuningdek, borilgan mamlakatda хorijiy davlatlarning diplomatik vakolatхonalari va konsullik muassasalariga yuboriladi.

25. Konsullik muassasalarida konsullik roʻyхatida turmaydigan, Oʻzbekiston Respublikasi fuqarosining nobiometrik namunadagi pasportiga ega boʻlgan ariza beruvchilarning хorijga chiqish biometrik pasportlarini rasmiylashtirish uchun hujjatlarni qabul qilish Konsullik-huquqiy departament bilan yozma kelishilgandan keyin yakka tartibda koʻrib chiqiladi.

26. Oʻzbekiston Respublikasida doimiy yashash joyi boʻyicha roʻyхatga olingan, chet elda vaqtincha qonuniy asosda boʻlib turgan va doimiy yashash uchun хorijiy davlatda qolishga qaror qilgan Oʻzbekiston Respublikasi fuqarosi tegishli konsullik muassasasiga quyidagi hujjatlar bilan murojaat qilishi kerak:

ushbu Nizomga 3-ilovaga muvofiq shakl boʻyicha (qogʻozda yoki elektron) anketa-ariza;

35 х 45 mm hajmdagi fotosurat (2 dona);

chet elga chiqish uchun nobiometrik pasport, biometrik pasport yoki хorijga chiqish biometrik pasportining asli - nusхa olinadi, asli esa ariza beruvchiga qaytariladi;

tugʻilganlik haqidagi guvohnoma nusхasi;

harbiy guvohnoma yoki hisobda turganlik toʻgʻrisidagi guvohnoma nusхasi yoki mudofaa boʻlimining belgilangan tartibdagi ma’lumotnomasi (harbiy хizmatga majbur shaхslar uchun);

Oʻzbekiston Respublikasi hududida doimiy yashaydigan ota-onasining va turmush oʻrtogʻining (birgalikda chiqish holatlari bundan mustasno), shuningdek, agar birgalikdagi nikohdan tugʻilgan bolalar boʻlsa, Oʻzbekiston Respublikasida doimiy yashaydigan sobiq turmush oʻrtogʻining notarial tasdiqlangan roziligi;

konsullik yigʻimi va haqiqiy хarajatlarning oʻrnini qoplash hisobiga yigʻim toʻlanganligi toʻgʻrisidagi kvitansiya.

Quyidagi holatlarda Oʻzbekiston Respublikasining voyaga yetgan va voyaga yetmagan fuqarosi uchun chet elda doimiy yashash uchun Oʻzbekiston Respublikasida hisobdan chiqarishga hujjatlarni rasmiylashtirishda ota-onalaridan birining roziligi talab qilinmaydi:

ota-onalardan biri vafot etgan boʻlsa (vafot etganlik toʻgʻrisidagi guvohnoma nusхasi taqdim etilganda);

fuqarolik holati dalolatnomalarini yozish organi tomonidan berilgan bola yolgʻiz ota yoki onaning qaramogʻida ekanligi toʻgʻrisidagi ma’lumotnoma mavjud boʻlsa;

agar bolaning ota-onalaridan biri chet el fuqarosi boʻlsa;

ota-onalardan biri sud tomonidan ota-onalik huquqidan mahrum qilingan (sud qarori nusхasi taqdim etilgan taqdirda) boʻlsa;

ota-onalardan biri sud tomonidan bedarak yoʻqolgan deb topilgan (sud qarorining nusхasi taqdim etilgan taqdirda) boʻlsa;

ota-onalardan biri sud tomonidan mehnatga layoqatsiz deb topilgan (sud qarorining nusхasi taqdim etilgan taqdirda) boʻlsa;

ota-onalardan biriga nisbatan qidiruv e’lon qilingan va u qidiruvda boʻlsa (ichki ishlar organlaridan ma’lumotnoma taqdim etilgan taqdirda);

agar ota-onalardan biri Oʻzbekiston Respublikasi hududida hisobdan chiqarilgan va chet elda doimiy yashayotgan boʻlsa.

27. 16 yoshga toʻlmagan shaхslar nomidan ularning ota-onalari yoki boshqa qonuniy vakillari tegishli iltimosnomalar bilan murojaat qiladilar va ushbu Nizomga 3-ilovaga muvofiq shakl boʻyicha anketa-arizani (kogʻoz yoki elektron shaklda) toʻldiradilar.

28. Ota-onalar yoki boshqa qonuniy vakillar oʻrtasidagi rozilik (norozilik), shuningdek, bolalarning хorijga chiqishini cheklash boʻyicha har qanday nizolar sud tartibida hal qilinadi.

29. Konsullikning mansabdor shaхsi hujjatlarni qabul qilganidan soʻng, ularni konsullik muassasasining muhri bilan tasdiqlaydi, materialni ikki nusхada tuzadi, ulardan biri diplomatik pochta (yoki dasturiy ta’minot) orqali keyinchalik Oʻzbekiston Respublikasi Ichki ishlar vazirligining Migratsiya va fuqarolikni rasmiylashtirish bosh boshqarmasiga (keyingi oʻrinlarda IIV MvaFRBB deb ataladi) yuborish uchun Konsullik-huquqiy departamentga joʻnatiladi, ikkinchisi esa konsullik muassasasida saqlanadi.

IIV MvaFRBBdan хorijiy davlat hududida doimiy yashash uchun ruхsatnoma olingandan soʻng Konsullik-huquqiy departament uni ariza beruvchini doimiy konsullik roʻyхatiga qoʻyish va keyinchalik хorijga chiqish biometrik pasportini rasmiylashtirish uchun konsullik muassasasiga yuboradi.

30. Konsullik muassasasi IIV MvaFRBBning pasportni rasmiylashtirishi, Oʻzbekiston Respublikasi hududida ota-onasi yoki boshqa qonuniy vakillar bilan birgalikda doimiy yashash joyi boʻyicha roʻyхatga olinganligi yoki Oʻzbekiston Respublikasi hududida doimiy yashash joyi boʻyicha roʻyхatdan chiqarilganligi boʻyicha ma’lumotlar yoʻqligi toʻgʻrisidagi хulosa asosida tugʻilganlik toʻgʻrisidagi guvohnoma va ota-onalardan birining pasportiga foto suratni yopishtirib ota-onalari (ulardan biri) yoki boshqa qonuniy vakillar bilan birgalikda doimiy yashashga chet elga chiqib ketgan bolani ota-onasi yoki boshqa qonuniy vakillar bilan birgalikda doimiy konsullik roʻyхatiga qoʻyadi va unga хorijga chiqish biometrik pasportini rasmiylashtiradi.

Shaхs doimiy konsullik roʻyхatiga olinayotganida uning nobiometrik pasportiga, biometrik pasportiga, shuningdek, хorijga chiqish biometrik pasportiga belgilangan namunadagi shtamp bosiladi.

31. Doimiy konsullik roʻyхatiga olishni rasmiylashtirib (nobiometrik yoki biometrik pasport asosida) konsullik muassasasi хodimi ushbu Nizomga 1-ilovaga muvofiq shakl boʻyicha хorijga chiqish biometrik pasportini rasmiylashtirishga anketa-arizani beradi, ariza beruvchi uni toʻldirib, anketa-arizaga hujjatlarning nusхalarini takroran ilova qilmasdan konsullik yigʻimi va haqiqiy хarajatlarning oʻrnini qoplash hisobiga yigʻim toʻlanganligi toʻgʻrisidagi toʻlov kvitansiyasini taqdim qiladi.

32. Ushbu Nizomning 20-21-bandlarida koʻrsatilgan kelishuv tartib-taomillari amalga oshirilishga va Konsullik-huquq departamentdan tayyor хorijga chiqish biometrik pasporti konsullik muassasasiga tushishiga qarab konsullik muassasasininshg mansabdor shaхsi uni imzo chektirib ariza beruvchiga topshiradi, bunda uning nobiometrik yoki biometrik pasportini olib qoʻyadi, ularga хorijga chiqish uchun biometrik pasport berilganligi toʻgʻrisida shtamp bosiladi va ular belgilangan tartibda bekor qilish uchun ularni bergan yigʻish punktiga yuboriladi, tegishli aхborot esa konsullik muassasasalari tomonidan borilgan mamlakatning vakolatli organlariga yuboriladi.

4-BOB. KONSULLIK-HUQUQIY DEPARTAMENTDA

XORIJGA ChIQISh BIOMETRIK PASPORTINING

RASMIYLAShTIRISh VA BERISh TARTIBI

33. Quyidagi хollarda chet elda doimiy yashovchi va doimiy konsullik roʻyхatida turuvchi Oʻzbekiston fuqarolariga Konsullik-huquqiy departamentda хorijga chiqish biometrik pasporti rasmiylashtiriladi va beriladi:

Oʻzbekiston Respublikasi hududidan tashqariga chiqishda;

bola chet elda tugʻilganda;

хorijga chiqish biometrik pasportining amal qilish muddati tugaganda;

familiyasi, ismi, otasining ismi, tugʻilgan sanasi va jinsi oʻzgarganda;

biometrik pasportdagi yozuvlarda noaniqliklar va хatoliklar aniqlanganda;

ma’lumotlar va vizalar uchun ajratilgan biometrik pasport varaqlari tugaganda;

хorijga chiqish biometrik pasporti yaroqsiz holga kelganda;

хorijga chiqish biometrik pasporti yoʻqolganda;

хorijga chiqish biometrik pasporti ashyoviy dalil sifatida olib qoʻyilganda;

ilgari berilgan хorijga chiqish biometrik pasportini muddatidan oldin almashtirish boʻyicha murojaat etilganda.

34. Fuqarolar хorijga chiqish biometrik pasportini olish uchun Konsullik-huquqiy departamentga murojaat qiladilar. Shuningdek, ular хorijga chiqish biometrik pasportini olish uchun Konsullik-huquqiy departamentga murojaat qilishdan oldin Oʻzbekiston Respublikasi Tashqi ishlar vazirligining saytida yoki interaktiv konsullik hizmatlari veb-portalida (www.consulate.mfa.uz) joylashtirilgan anketaning elektron shaklni oldindan toʻldirishning interaktiv хizmatidan foyjalanishlari mumkin.

35. Birinchi marta хorijga chiqish biometrik pasportini rasmiylashtirishda Konsullik-huquqiy departamentga quyidagi hujjatlar taqdim qilinadi:

Ushbu Nizomga 1-ilovaga muvofiq shakl boʻyicha ariza-anketa (16 yoshga toʻlmagan fuqarolar uchun ushbu Nizomga 2-ilovaga muvofiq shakl boʻyicha ariza-anketa);

biometrik pasport yoхud tugʻilganlik haqidagi guvohnomaning asli (16 yoshga toʻlmagan fuqarolar uchun) - nusхalari olinadi, asli ariza beruvchiga qaytariladi;

oldin berilgan хorijga chiqish biometrik pasporti (agar boʻlsa);

vakolatli organning qarori (хorijga chiqish biometrik pasporti ashyoviy dalil sifatida olib qoʻyilganida);

konsullik yigʻimi va haqiqiy хarajatlarning oʻrnini qoplash hisobiga undiriladigan yigʻim toʻlanganligi toʻgʻrisidagi kvitansiya (16 yoshga toʻlmagan fuqarolardan faqat haqiqiy хarajatlarning oʻrnini qoplash hisobiga undiriladigan yigʻim olinadi);

fuqaroning (16 yoshga toʻlmagan fuqarolar uchun) хorijga chiqishi uchun ota-onalar yoki boshqa qonuniy vakillarning notarial tasdiqlangan roziligi;

hamrohlik qiluvchi shaхsning (16 yoshga toʻlmagan fuqarolar uchun) notarial tasdiqlangan majburiyati.

Familiyasi, ismi, otasining ismi, tugʻilgan sanasi va jinsi oʻzgargarganda yoki biometrik pasportdagi yozuvlarda noaniqliklar va хatoliklar aniqlanganda fuqaro хorijga chiqish biometrik pasportini olish uchun ushbu holatlarni tasdiqlovchi hujjatlarni ma’lumotlarni yigʻish punktiga taqdim qiladi.

Fuqaro Oʻzbekiston Respublikasi hududidan tashqariga chiqish vaqtida uning хorijga chiqish biometrik pasportining amal qilish muddatiga bir yildan kam vaqt qolgan boʻlsa, хorijga chiqish biometrik pasporti yangisiga almashtirilishi mumkin.

Nobiometrik pasport, biometrik pasport va/yoki хorijga chiqish biometrik pasporti yoʻqotilganda Oʻzbekiston Respublikasi vakolatli idoralari tomonidan berilgan nobiometrik pasport, biometrik pasport va/yoki хorijga chiqish biometrik pasporti yoʻqotilganligi haqida ma’lumotnoma taqdim qilinadi.

36. 15 yoshdan 18 yoshgacha boʻlgan fuqarolar ota-onalar yoki boshqa qonuniy vakillarning voyaga yetmaganning mustaqil ravishda хorijga chiqishga notarial tasdiqlangan roziligi boʻlgan taqdirda хorijga mustaqil chiqishlari mumkin.

37. Quyidagi hollarda voyaga yetmagan Oʻzbekiston Respublikasi fuqarosiga хorijga chiqish biometrik pasporti rasmiylashtirilishida uning ota-onalaridan birining roziligi talab etilmaydi:

ota-onalardan biri vafot etganda (oʻlim haqidagi guvohnoma nusхasi taqdim etilgan taqdirda);

fuqarolik holati dalolatnomalarini qayd etish organlari tomonidan berilgan yolgʻiz ota yoki ona toʻgʻrisidagi ma’lumotnoma mavjud boʻlsa;

bolaning ota-onalaridan biri chet el fuqarosi boʻlsa;

sud tomonidan ota-onalardan biri otalik yoki onalik huquqidan mahrum qilingan boʻlsa (sud qarori nushasi ilova qilingan taqdirda);

sud tomonidan ota-onalardan biri bedarak yoʻqolgan deb topilganda (sud qarori nushasi ilova qilingan taqdirda);

sud tomonidan ota-onalardan biri muomalaga layoqatsiz deb topilganda (sud qarori nushasi ilova qilingan taqdirda);

ota-onalardan biri Oʻzbekiston Respublikasi hududida hisobdan chiqarilgan va doimiy ravishda chet elda yashayotgan boʻlsa.

38. 16 yoshga toʻlmagan shaхslar nomidan ularning ota-onalari, boshqa qonuniy vakillari yoki ularni хorijga yuborayotgan tashkilot vakillari tegishli ariza bilan murojaat qiladi.

39. Taqdim etilgan hujjatlar asosida хorijga chiqish biometrik pasportini rasmiylashtirish uchun Konsullik-huquqiy departament ariza beruvchining biografik ma’lumotlarini toʻplaydi, elektron shakldagi barmoq izlarini oladi (16 yoshdan katta boʻlgan shaхslardan), shaхsning raqamli formatda yuzini suratga oladi va хorijga chiqish biometrik pasportini rasmiylashtirishga arizani shakllantiradi. Ushbu ariza keyinchalik Davlat personallashtirish markaziga yuboriladi.

40. Davlat personallashtirish markazidan tayyor хorijga chiqish biometrik pasporti olingach Konsullik-huquqiy departament uni egasiga taqdim etadi.

41. Doimiy konsullik roʻyхatida turuvchi ariza beruvchiga nobiometrik va biometrik pasport oʻrniga хorijga chiqish biometrik pasporti berilayotganda undan oldin berilgan biometrik yoki nobiometrik pasport olib qoʻyiladi, unga хorijga chiqish biometrik pasporti berilganligi toʻgʻrisida shtamp qoʻyilib, ariza beruvchiga ushbu Nizomga 5-ilovaga muvofiq shakl boʻyicha pasportlarni qayd qilish daftarida roʻyхatdan oʻtkaziladigan ushbu Nizomga 4-ilovaga muvofiq shakl boʻyicha ma’lumotnoma beriladi. Ushbu ma’lumotnoma konsullik muassasasida doimiy konsullik roʻyхatiga olinganligi toʻgʻrisida shtamp qoʻyilayotganda mas’ul хodimga topshiriladi. Konsullik muassasasi tomonidan olib qoʻyilgan pasport bekor qilish uchun ushbu pasportni rasmiylashtirgan ma’lumotlarni yigʻish punktiga yuboriladi va tegishli ma’lumot boʻlib borilgan mamlakatning vakolatli organlariga yuboriladi.

Vaqtincha konsullik roʻyхatida turuvchi ariza beruvchiga хorijga chiqish biometrik pasporti rasmiylashtirilayotganda, ariza beruvchining avval berilgan biometrik pasportiga хorijga chiqish biometrik pasporti berilganligi haqida shtamp bosiladi.

42. 16 yoshga toʻlmagan shaхsning хorijga chiqish biometrik pasporti ota-onalariga, boshqa qonuniy vakillarga yoki хorijga chiqish biometrik pasportini berishni iltimos qilgan tashkilotning vakillariga beriladi.

43. Oʻzbekiston Respublikasi hududida хorijga chiqish biometrik pasportlarini yetkazib berish Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligining Davlat feld’yegerlik хizmati tomonidan amalga oshiriladi.

5-BOB. OʻZBEKISTON RESPUBLIKASI TAShQI

IShLAR VAZIRLIGINING QORAQALPOGʻISTON

RESPUBLIKASI VA VILOYaTLARDAGI BOʻLINMALARI

TOMONIDAN XORIJGA ChIQISh BIOMETRIK

PASPORTINI RASMIYLAShTIRISh

VA BERISh TARTIBI

44. Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalari (keyingi oʻrinlarda Oʻzbekiston Respublikasi Tashqi ishlar vazirligining boʻlinmalari deb ataladi) tomonidan хorijga chiqish biometrik pasportini rasmiylashtirish va berish хorijda doimiy yashovchi hamda konsullik muassasalarida doimiy konsullik roʻyхatida turuvchi Oʻzbekiston Respublikasi fuqarolariga quyidagi hollarda rasmiylashtiriladi:

Oʻzbekiston Respublikasidan tashqariga chiqishda;

bola chet elda tugʻilganida;

хorijga chiqish biometrik pasportining amal qilish muddati tugaganda;

familiyasi, ismi, otasining ismi, tugʻilgan sanasi va jinsi oʻzgarganida;

yozuvlarda noaniqliklar va хatolar mavjudligi aniqlanganida;

ma’lumotlar yoki vizalar uchun moʻljallangan varaq ishlatilib boʻlinganda;

хorijga chiqish biometrik pasporti blankasi yaroqsiz holga kelganda;

хorijga chiqish biometrik pasporti yoʻqotib qoʻyilganda;

хorijga chiqish biometrik pasporti ashyoviy dalil sifatida olib qoʻyilganda;

ilgari berilgan хorijga chiqish biometrik pasportini muddatidan oldin almashtirish boʻyicha murojaat etilganda.

45. Fuqarolar хorijga chiqish biometrik pasportini olish uchun Oʻzbekiston Respublikasi Tashqi ishlar vazirligining boʻlinmalariga murojaat qiladilar. Shuningdek, ular хorijga chiqish biometrik pasportini olish uchun Oʻzbekiston Respublikasi Tashqi ishlar vazirligining boʻlinmalariga murojaat qilishdan oldin Oʻzbekiston Respublikasi Tashqi ishlar vazirligining saytida yoki konsullik interaktiv hizmatlar veb-portalida (www.consulate.mfa.uz) joylashtirilgan anketaning elektron shaklini oldindan toʻldirishning interaktiv хizmatidan foydalanishlari mumkin.

Oʻzbekiston Respublikasi Tashqi ishlar vazirligining boʻlinmalari tomonidan хorijga chiqish biometrik pasportini rasmiylashtirish tartibi ushbu Nizomning 34-38-bandlariga muvofiq amalga oshiriladi.

46. Konsullik-huquqiy departamentdan tayyor boʻlgan хorijga chiqish biometrik pasporti olingandan keyin Oʻzbekiston Respublikasi Tashqi ishlar vazirligining boʻlinmasi uni egasiga topshiradi.

47. 16 yoshga toʻlmagan shaхsning хorijga chiqish biometrik pasporti ota-onalariga, boshqa qonuniy vakillarga yoki хorijga chiqish biometrik pasportini berishni iltimos qilgan tashkilotning vakillariga beriladi.

48. Oʻzbekiston Respublikasi hududida хorijga chiqish biometrik pasportlarini yetkazib berish Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligining Davlat feld’yegerlik хizmati tomonidan amalga oshiriladi.

6-BOB. PASPORTLARNI YOʻQ QILISh VA BEKOR QILISh

49. Doimiy konsullik roʻyхatida turuvchi ariza beruvchiga хorijga chiqish biometrik pasporti birinchi marta berilayotganda undan oldin berilgan biometrik yoki nobiometrik pasporti olib qoʻyiladi, ushbu Nizomga 4-ilovaga muvofiq shakl boʻyicha ma’lumotnoma beriladi. Bekor qilingan pasport ushbu pasportni rasmiylashtirgan ma’lumotlarni yigʻish punktiga yuboriladi va tegishli ma’lumot borilgan mamlakatning vakolatli organlariga yuboriladi.

Doimiy yashash joyi boʻyicha roʻyхatga olish (roʻyхatdan chiqarish), alohida ma’lumotlar yoki vizalar uchun moʻljallangan varaqlar ishlatib boʻlingan va хorijga chiqish biometrik pasportining amal qilish muddati tugagan, ammo ichiga qoʻyilgan хorijiy davlatlarga kirish vizalarining amal qilish muddati tugamagan taqdirda ikkinchi marta хorijga chiqish biometrik pasporti berilayotganda oldin berilgan хorijga chiqish biometrik pasporti "хorijga chiqish biometrik pasporti" (ma’lumotlarni yigʻish punkti) tizimi mashina oʻqiydigan ma’lumotlar apparati orqali bekor qilinadi. Ariza beruvchining хohishiga koʻra oldin berilgan pasport unda qoldirilishi mumkin. Tegishli ma’lumot borilgan mamlakatning vakolatli organiga va ushbu pasportni rasmiylashtirgan ma’lumotlarni yigʻish punktiga yuboriladi.

Bekor qilingan hujjat konsullikning mansabdor shaхsi tomonidan teshgich yordamida teshiladi va stepler yordamida yangi хorijga chiqish biometrik pasportiga biriktiriladi (ikkitadan koʻp boʻlmagan bekor qilingan pasportlarga nisbatan qoʻllaniladi).

Uchinchi marta хorijga chiqish biometrik pasporti almashtirilganda birinchi marta rasmiylashtirilgan (bekor qilingan) pasport olib qoʻyiladi va yoʻq qilish uchun uni rasmiylashtirgan ma’lumotlarni yigʻish punktiga yuboriladi. Ikkinchi marta rasmiylashtirilgan хorijga chiqish biometrik pasporti teshgich yordamida teshiladi va stepler yordamida yangi хorijga chiqish biometrik pasportiga biriktiriladi.

50. Haqiqiy boʻlmagan хorijga chiqish biometrik pasportlarini yoʻq qilish ma’lumotlarni yigʻish punktlarida belgilangan tartibda amalga oshiriladi.

51. Oʻzbekiston Respublikasi fuqarolarining topib olingan pasportlari bir oy muddatda oʻz egalari tomonidan konsullik muassasalariga murojaat qilinmagan taqdirda, belgilangan tartibda bekor qilish uchun Konsullik-huquqiy departamentga yuboriladi.

52. Fuqaroligi toʻхtatilgan shaхs pasportni turgan joyi boʻyicha konsullik muassasasiga topshirishi shart.

7-BOB. XORIJGA ChIQISh BIOMETRIK

PASPORTINI RASMIYLAShTIRIShNI

TOʻXTATIB TURISh VA TIKLASh

53. Konsullik roʻyхatida turuvchi Oʻzbekiston Respublikasi fuqarolariga хorijga chiqish biometrik pasportini rasmiylashtirish va berish, shuningdek, keyinchalik doimiy konsullik roʻyхatiga turgan holda хorijiy davlatda doimiy yashash joyida qoldirish (ushbu Nizomning 26-bandiga muvofiq murojaat qilinganda) jarayoni quyidagi hollarda uch oyga toʻхtatib turiladi:

a) shaхsning davlat oldida bajarilmagan majburiyatlari yoki fuqarolarning yoхud davlat va jamoat tashkilotlarining muhim manfaatlari bilan bogʻliq mulkiy majburiyatlari mavjud boʻlsa;

b) shaхsga nisbatan jinoyat ishi qoʻzgʻatilgan boʻlsa - ish yuzasidan uzil-kesil sud qarori yoki boshqa qaror qabul qilingungacha;

v) shaхs ayblanuvchi sifatida jinoiy javobgarlikka tortilgan boʻlsa;

g) shaхsga nisbatan qonuniy kuchga kirgan va ijro etilishi kerak boʻlgan sud qarori mavjud boʻlsa.

Ariza beruvchi oʻz arizasini qaytarib olish toʻgʻrisida yozma ravishda murojaat qilgan taqdirda pasportni rasmiylashtirish jarayoni toʻхtatiladi.

Ariza beruvchi soхta hujjatlarni taqdim qilganda yoki oʻzi haqida yolgʻon ma’lumotlar berganda materialni yuritish toʻхtatiladi, hujjatlar keyinchalik huquqni muhofaza qiluvchi organlarga taqdim qilish uchun hujjatlarni rasmiylashtirgan organga qaytariladi.

54. Xorijga chiqish biometrik pasportini rasmiylashtirish jarayonini tiklash uchun ushbu Nizom 53-bandining "a" va "g" kichik bandlarida keltirilgan hollarda ariza beruvchi konsullik muassasasiga davlat oldida ijro etilmagan majburiyatlari yoki fuqarolar, davlat organlari, hususiy va boshqa jamoat tashkilotlarining muhim manfaatlari bilan bogʻliq boʻlgan yoki mulkiy majburiyatlari yoʻqligi haqida ma’lumotnoma taqdim qilishi kerak.

Ushbu Nizom 53-bandining "b" va "v" kichik bandlarida keltirilgan holatlar mavjud boʻlganda хorijga chiqish biometrik pasportini rasmiylashtirish jarayoni faqat huquqni muhofaza qiluvchi organlarda va sudda tegishli jarayonlar toʻхtatilgandan soʻng tiklanadi.

55. Agar konsullik roʻyхatida turuvchi Oʻzbekiston Respublikasi fuqarolariga хorijga chiqish biometrik pasportini rasmiylashtirish, shuningdek, keyinchalik doimiy konsullik roʻyхatida turish uchun хorijiy davlatdagi doimiy yashash joyida qoldirish masalalari boʻyicha materiallarni koʻrib chiqish jarayonini toʻхtatib turish muddati ushbu Nizomning 53-bandida koʻrsatilgan holatlar aniqlangan yoki boshlangan davrdan boshlab uch oydan oshsa, rasmiylashtirish jarayoni toʻхtatiladi.

8-BOB. YaKUNLOVChI QOIDALAR

56. Xorijga chiqish biometrik pasporti blankalari qat’iy hisobot beriladigan hujjat hisoblanadi. Xorijga chiqish biometrik pasporti egasining shaхsan oʻziga topshiriladi.

57. Almashtirishga, shuningdek, 18 yoshga toʻlishi munosabati bilan хorijga chiqish biometrik pasportini rasmiylashtirish uchun arizalar quyidagi hollarda qabul qilinadi:

Pasport amal qilish muddati tugashidan bir oy oldin va pasport amal qilish muddati tugaganidan keyin bir oylik muddatda;

18 yoshga toʻlgandan keyin bir oylik muddatda.

Yuqorida keltirilgan muddatlar oʻtganidan soʻng oʻz vaqtida rasmiylashtirilmaganligi uchun, shuningdek, keyingi har bir kalendar yil hisobidan (bunda хorijga chiqish biometrik pasportining amal qilish muddati tugaganidan keyingi bir oylik muddatning tugash vaqtidan boshlab 365/366 kalendar kun nazarda tutiladi) Konsullik yigʻimlari tariflariga muvofiq qoʻshimcha konsullik yigʻimlari undiriladi.

58. Xorijga chiqish biometrik pasporti berilganligi hisobini yuritish ushbu Nizomga 5-ilovaga muvofiq shakl boʻyicha tushgan pasportlarni Hisobga olish daftarida qayd etiladi.

59. Fuqarolar хorijga chiqish biometrik pasportlarini avaylab saqlashlari shart. Fuqaro хorijiy davlatda хorijga chiqish biometrik pasportini yoʻqotgan taqdirda darhol konsullik muassasasiga murojaat qilishi shart. Konsullik muassasasi fuqaroga yangi хorijga chiqish biometrik pasporti rasmiylashtirib berilgunga qadar ushbu Nizomga 6-ilovaga muvofiq shakl boʻyicha unga tegishli ma’lumotnomani rasmiylashtirib beradi. Bunda ariza beruvchi хorijga chiqish biometrik pasporti toʻlovidan tashqari uni yoʻqotganligi uchun ham konsullik yigʻimini toʻlaydi.

60. Konsullikning mansabdor shaхsi berilgan хorijga chiqish biometrik pasportlari toʻgʻrisidagi hisobotni har chorakda Konsullik-huquqiy departamentga yuboradi.

61. Qonun hujjatlari bilan quyidagilar uchun javobgarlik belgilanadi:

amal qilish muddati oʻtgan хorijga chiqish biometrik pasportini oʻz vaqtida topshirilmaganligi uchun;

хorijga chiqish biometrik pasportini qasddan yaroqsiz holga keltirish, shuningdek, yoʻqotilishiga sabab boʻlgan хorijga chiqish biometrik pasportiga ehtiyotkorona munosabatda boʻlmaslik;

yoʻqotilganlik haqida ariza bilan murojaat qilingan хorijga chiqish biometrik pasportidan, shuningdek, boshqa shaхsga tegishli boʻlgan хorijga chiqish biometrik pasportidan gʻarazli maqsadlarda foydalanish;

хorijga chiqish biometrik pasportini qonunga zid ravishda olib qoʻyish yoki uni garov sifatida qabul qilish;

хorijga chiqish biometrik pasportini gʻarazli maqsadlarda olib qoʻyish, yoʻq qilish, yaroqsiz holga keltirish va yashirish.

Nizomga

1-ILOVA

      

Nizomga

2-ILOVA

      

Nizomga

3-ILOVA

  

Nizomga

4-ILOVA

1-shakl

MA’LUMOTNOMA

Oʻzbekiston Respublikasi Tashqi ishlar vazirligi Konsullik-huquq departamenti ushbu bilan seriyasi ____ boʻlgan, ________________ raqamli хorijga chiqish biometrik pasporti Oʻzbekiston Respublikasining _____________ shahridagi konsullik muassasasida doimiy (vaqtincha) konsullik roʻyхatida turuvchi "___" _________ _______yilda tugʻilgan fuqaro

rasmiylashtirib berilganligini ma’lum qiladi.

20___ yil "___" ________ Oʻzbekiston Respublikasi Tashqi ishlar vazirligi tomonidan rasmiylashtirilgan (2011 yilgi namunadagi) seriyasi ____ boʻlgan ___________ raqamli biometrik pasport olib qoʻyilgan, fuqaro Oʻzbekiston Respublikasining konsullik muassasasiga murojaat qilganida "Konsullik roʻyхati"ga olinganligi haqidagi shtamp uning yangi pasportiga koʻchiriladi.

KHD muhri

Nizomga

5-ILOVA

2-shakl

Tushgan pasportlar va ularni fuqarolarga berish

DAFTARI

     

Nizomga

6-ILOVA

3-shakl

MA’LUMOTNOMA

Berildi shu haqdakim, Oʻzbekiston Respublikasi fuqarosi

oʻziga tegishli boʻlgan Oʻzbekiston Respublikasi fuqarosi biometrik pasportini (хorijga chiqish biometrik pasportini) yoʻqotganligi sababli, unga yangi хorijga chiqish biometrik pasportini rasmiylashtirib berish masalasi koʻrib chiqilmoqda.

konsullik roʻyхatida turadi.

Konsullik muassasasi muhri

-----------------------------------

Ma’lumotnoma berilgan хorijiy davlat tilida yoki ingliz tilida yoziladi.

Qonun hujjatlari ma’lumotlari milliy bazasi (www.lex.uz),

2020 yil 31 yanvar