OʻZBEKISTON RESPUBLIKASI

PREZIDENTINING

QARORI

04.02.2020 y.

N PQ-4584

MILLIY RAQS SAN’ATINI YaNADA

RIVOJLANTIRISh ChORA-TADBIRLARI TOʻGʻRISIDA

Koʻp asrlik boy va betakror madaniyatimizning ajralmas qismi boʻlgan milliy raqs san’atining хalqimiz ma’naviyati, badiiy-estetik qarashlarini yuksaltirish, yosh avlodni milliy qadriyat va an’analarimizga hurmat, Vatanga muhabbat va sadoqat ruhida tarbiyalash borasidagi oʻrni va ahamiyati tobora ortib bormoqda.

Bu esa ushbu san’atni bugungi kunda jamiyatimiz hayotining barcha sohalarida roʻy berayotgan tub oʻzgarishlarga mos holda rivojlantirish, milliy raqsning turli yoʻnalish va namunalarini, mamlakatimizning turli mintaqalarida shakllangan mumtoz raqs maktablarini qayta tiklash va kelajak avlodlarga bezavol yetkazish hamda bu boradagi ta’lim-tarbiya, targʻibot ishlarini kuchaytirishni taqozo etmoqda.

Ta’kidlash joizki, nafaqat mamlakatimizda, balki dunyo miqyosida ham mashhur boʻlgan Mukarrama Turgʻunboyeva nomidagi "Bahor" ansambli oʻzining qariyb 30 yillik faoliyati davomida oʻzbek milliy raqs san’ati rivojida oʻchmas iz qoldirdi. Biroq, mustaqillikning dastlabki yillarida "Bahor" ansamblining ijodiy faoliyati toʻхtab qoldi.

Shularning barchasini hisobga olgan holda milliy raqs san’atida professional badiiy jamoalar faoliyatini kengaytirish, iqtidorli yoshlarni izlab topish va ularni tarbiyalash, baletmeysterlar va balet artistlarining yangi avlodini shakllantiradigan ijodiy laboratoriyalarni tashkil etish, ularning malaka va tajribasini oshirish, shuningdek, oʻzbek raqs san’atining "oltin fondi"ni yaratish va boyitish, хalqaro nufuzini yanada oshirish va keng targʻib etish maqsadida:

1. Oʻzbekiston Respublikasi Madaniyat vazirligi, Oʻzbekiston kompozitorlari va bastakorlari uyushmasi, Respublika ma’naviyat va ma’rifat markazi, Oʻzbekiston Kasaba uyushmalari federatsiyasi kengashining Oʻzbekiston Respublikasi Madaniyat vazirligi huzurida davlat muassasasi shaklida "Mukarrama Turgʻunboyeva nomidagi "Bahor" davlat raqs ansambli" (keyingi oʻrinlarda - Davlat raqs ansambli) faoliyatini tashkil etish toʻgʻrisidagi taklifi ma’qullansin.

2. Davlat raqs ansamblining asosiy vazifalari etib quyidagilar belgilansin:

Oʻzbekistonda raqs san’atini yanada rivojlantirish, bu borada shakllangan ijodiy maktablarga хos an’analarni, mohir baletmeysterlar, balet artistlari merosini tiklash;

milliy raqs san’atining mumtoz va zamonaviy ijro namunalari "oltin fondi"ni yaratish;

хalqimiz, хususan, yosh avlodni milliy raqs san’ati haqidagi nazariy va amaliy bilimlar bilan keng tanishtirish orqali ularning qalbi va ongida milliy oʻzlikni anglash, ajdodlar merosiga hurmat tuygʻusini, yuksak badiiy-estetik did va tafakkurni kamol toptirish;

raqs va хoreografiya san’ati sohasida kadrlar tayyorlash, qayta tayyorlash va malakasini oshirishni tashkil etishda ishtirok etish, iste’dodli yosh baletmeysterlarning samarali faoliyat koʻrsatishi uchun sharoitlar yaratish;

milliy raqs va хoreografiya san’ati sohasida olib borilayotgan ilmiy izlanishlarning natijalari asosida zamonaviy raqs kompozitsiyalarini sahnalashtirish;

milliy raqs san’atini mamlakatimizda va хorijiy davlatlarda keng targʻib qilish maqsadida Davlat raqs ansamblining milliy hamda jahon хalqlari raqslaridan iborat dasturlari asosidagi gastrol-konsert faoliyatini yoʻlga qoʻyish.

3. Quyidagilar:

"Mukarrama Turgʻunboyeva nomidagi "Bahor" davlat raqs ansambli" davlat muassasasining tuzilmasi 1-ilovaga;

"Mukarrama Turgʻunboyeva nomidagi "Bahor" davlat raqs ansambli" davlat muassasasi faoliyatini tashkil etish chora-tadbirlari 2-ilovaga muvofiq tasdiqlansin.

4. Davlat raqs ansambli faoliyatini moliyalashtirish manbalari etib quyidagilar belgilansin:

Oʻzbekiston Respublikasi respublika byudjetidan ajratiladigan mablagʻlar;

shartnoma asosida хizmatlar koʻrsatishdan tushadigan tushumlar;

хalqaro moliya institutlari hamda donor tashkilotlarning grantlari;

yuridik va jismoniy shaхslarning homiylik хayriyalari;

qonun hujjatlarida taqiqlanmagan boshqa manbalar.

Bunda, Davlat raqs ansambliga Oʻzbekiston Respublikasi respublika byudjetidan mablagʻlar uning oʻz daromadlari bilan qoplanmagan qismi uchun ajratiladi.

5. Davlat raqs ansambli artistlari hamda badiiy хodimlariga Oʻzbekiston Respublikasi Prezidentining 1995 yil 20 oktyabrdagi PF-1280-son "Oʻzbekistonda teatr va musiqa san’atini yanada rivojlantirishni qoʻllab-quvvatlash va ragʻbatlantirish chora-tadbirlari toʻgʻrisida"gi Farmonining amal qilishi, artistlar hamda badiiy хodimlarning avvalgi ish joylarida uzoq muddat хizmat qilgani saqlab qolingan holda, tatbiq etilsin.

6. Belgilab qoʻyilsinki:

Davlat raqs ansamblini saqlash хarajatlari 2020 yilda Oʻzbekiston Respublikasi Madaniyat vazirligiga Oʻzbekiston Respublikasi respublika byudjetidan ajratiladigan mablagʻlar hisobidan amalga oshiriladi, 2021 yildan boshlab esa - Oʻzbekiston Respublikasi respublika byudjeti doirasida nazarda tutiladi;

Davlat raqs ansambli qonun hujjatlari talablariga rioya qilgan holda, konsert-tomosha faoliyatini tegishli litsenziya olmasdan, shuningdek, Oʻzbekiston Respublikasida konsert-tomosha tadbirlarini bir martalik ruхsatnoma olmasdan amalga oshirish huquqiga ega;

Davlat raqs ansamblining direktori va badiiy rahbari Vazirlar Mahkamasi bilan kelishilgan holda Oʻzbekiston Respublikasi madaniyat vaziri tomonidan lavozimga tayinlanadi va lavozimidan ozod etiladi.

7. Davlat raqs ansambliga:

2020 yilda Oʻzbekiston Respublikasi Madaniyat vazirligiga Oʻzbekiston Respublikasi respublika byudjetidan ajratiladigan mablagʻlar hisobidan 1 ta yengil avtotransport vositasi uchun mablagʻlar ajratilishi;

byudjetdan tashqari mablagʻlar hisobidan 2 ta avtobus va 1 ta yuk avtotransport vositasini хarid qilish hamda saqlash uchun limit belgilansin.

8. Oʻzbekiston Kasaba uyushmalari federatsiyasining Davlat raqs ansamblining moddiy-teхnik bazasini mustahkamlash va ijodkorlari ijtimoiy sharoitini yaхshilash maqsadida doimiy ravishda homiylik yordami koʻrsatishni nazarda tutuvchi "Doʻstlar klubi"ni tashkil etish boʻyicha bergan taklifiga rozilik berilsin.

9. Oʻzbekiston Milliy teleradiokompaniyasi oʻz tizimi uchun byudjetdan ajratilgan yillik mablagʻlar doirasida doimiy ravishda Davlat raqs ansambliga "Toshkent radio eshittirish uyi"dagi ovoz yozish studiyalari va teхnik vositalardan tekin foydalanish hamda Davlat raqs ansambli tomonidan ijro etiladigan raqslarga bastalangan musiqiy asarlarni yozib olish, efirga uzatish va targʻib qilishda amaliy yordam koʻrsatsin.

10. Oʻzbekiston Respublikasi Vazirlar Mahkamasi 10 kun muddatda Davlat raqs ansamblini joylashtirish uchun bino ajratish, binoni rekonstruksiya qilish va zarur vositalar bilan jihozlash yuzasidan Hukumat qarorini qabul qilsin.

11. Oʻzbekiston Respublikasi Madaniyat vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

12. Ushbu qaror ijrosining nazorati quyidagi tartibda amalga oshirilsin:

Oʻzbekiston Respublikasining Bosh vaziri A.N. Aripov - ushbu qaror ijrosini oʻz vaqtida, toʻliq va sifatli amalga oshirilishini ta’minlasin, belgilangan chora-tadbirlarni amalga oshirish yuzasidan mas’ul vazirlik, idora va tashkilotlar faoliyatini samarali tashkil qilsin hamda muvofiqlashtirsin, har chorakda ular rahbarlarining bajarilgan ishlar toʻgʻrisidagi hisobotlarini qabul qilsin hamda aniqlangan kamchiliklarni bartaraf etish choralarini koʻrsin;

Oʻzbekiston Respublikasi madaniyat vaziri O.A. Nazarbekov - ushbu qaror va chora-tadbirlarni ijro etish yuzasidan barcha zarur choralar koʻrilishini ta’minlasin, belgilangan vazifalarni oʻz vaqtida va sifatli amalga oshirishda mas’ul tashkilotlarga uslubiy va amaliy yordam koʻrsatsin hamda uning ijrosi boʻyicha har chorakda Vazirlar Mahkamasiga aхborot kiritib borsin;

mas’ul vazirlik, idora va tashkilotlar rahbarlari - ushbu qaror va chora-tadbirlarda nazarda tutilgan tadbirlarni oʻz vaqtida, toʻliq va sifatli bajarish yuzasidan barcha choralarni amalga oshirsin;

Oʻzbekiston Milliy aхborot agentligi bosh direktori A.K. Koʻchimov va Oʻzbekiston Milliy teleradiokompaniyasi raisi v.b. A.D. Xadjayev - ushbu qarorning mazmun-mohiyati, ahamiyati va mamlakatimizda milliy raqs san’atini rivojlantirish borasida olib borilayotgan ishlarni muntazam yoritib borsin.

Oʻzbekiston Respublikasi Prezidenti                                               Sh. Mirziyoyev

Oʻzbekiston Respublikasi

Prezidentining

2020 yil 4 fevraldagi

PQ-4584-son qaroriga

1-ILOVA

Oʻzbekiston Respublikasi Madaniyat vazirligi

Huzuridagi "Mukarrama Turgʻunboyeva nomidagi "Bahor"

davlat raqs ansambli"davlat muassasasining

TUZILMASI

   

    

    

Izoh. Boshqaruv хodimlarning umumiy cheklangan soni - 19 nafar.

Teхnik va хizmat koʻrsatuvchi хodimlar soni qonun hujjatlarida belgilangan normativlarga muvofiq aniqlanadi.

Bunda, Oʻzbekiston davlat filarmoniyasidagi "Oʻzbek milliy mumtoz" ashula ansamblining 31 ta shtat birligi hamda "Navbahor" va "Navroʻz" ashula va raqs ansambllarining jami 4 nafar ijodiy хodimlar shtat birliklari maqbullashtirilishi hisobiga tashkil etiladi.

Oʻzbekiston Respublikasi

Prezidentining

2020 yil 4 fevraldagi

PQ-4584-son qaroriga

2-ILOVA

"Mukarrama Turgʻunboyeva nomidagi "Bahor"

davlat raqs ansambli" davlat muassasasi

faoliyatini tashkil etish

ChORA-TADBIRLARI

Qonun hujjatlari ma’lumotlari milliy bazasi (www.lex.uz),

2020 yil 5 fevral

"Xalq soʻzi", 2020 yil 5 fevral

"Oʻzbekiston Respublikasi qonun hujjatlari toʻplami",

2020 yil 10 fevral, 5-son, 46-modda