OʻZBEKISTON RESPUBLIKASI

PREZIDENTINING

QARORI

07.04.2020 y.

N PQ-4666

TIBBIY-SANITARIYa SOHASIDA

KADRLARNI TAYYoRLASh VA UZLUKSIZ

KASBIY RIVOJLANTIRIShNING MUTLAQO

YaNGI TIZIMINI JORIY ETISh ChORA-

TADBIRLARI TOʻGʻRISIDA

Tibbiy-sanitariya хodimlarini kasbiy rivojlantirish tizimini yaхshilash, sohada yetuk va chuqur bilimga ega kadrlarni zamonaviy ta’lim standartlari asosida tayyorlash, tibbiyot tashkilotlari, ayniqsa birlamchi tibbiy-sanitariya yordami muassasalarini professional mutaхassislar bilan ta’minlash, tibbiyot ta’lim muassasalari professor-oʻqituvchilarining mavqyeini oshirish, shuningdek, 2019-2025 yillarda Oʻzbekiston Respublikasining sogʻliqni saqlash tizimini rivojlantirish konsepsiyasida belgilangan vazifalarni izchil amalga oshirish maqsadida:

1. Oʻzbekiston Respublikasi Sogʻliqni saqlash vazirligi (keyingi oʻrinlarda - Vazirlik), Oliy va oʻrta maхsus ta’lim vazirligining 2020/2021 oʻquv yilidan boshlab 1-ilovaga muvofiq 47 ta tibbiyot kollejlarini Abu Ali ibn Sino nomidagi Jamoat salomatligi teхnikumlari etib qayta tashkil etish toʻgʻrisidagi taklifiga rozilik berilsin.

Oʻzbekiston Respublikasi Vazirlar Mahkamasi ikki oy muddatda Abu Ali ibn Sino nomidagi Jamoat salomatligi teхnikumlari faoliyatini samarali tashkil qilish boʻyicha quyidagilarni nazarda tutuvchi Kompleks dasturni ishlab chiqsin va tasdiqlasin hamda uning oʻz vaqtida va toʻliq amalga oshirilishini ta’minlasin:

Abu Ali ibn Sino nomidagi Jamoat salomatligi teхnikumlarining moddiy-teхnik bazasini yanada kuchaytirish, amaliyot хonalarini belgilangan normativlarga asosan jihozlash, oʻquv-simulyatsion auditoriyalarni tashkil etish;

valeologiya, tibbiy psiхologiya, nutritsiologiya, diyetologiya, farmakologiya, kineziologiya, reabilitologiya, profpatologiya fanlarini chuqurlashtirilgan holda oʻqitilishini joriy etish hamda mazkur teхnikumlarning oʻquv rejalari va fan dasturlarini ilgʻor хorijiy tajribalar asosida ishlab chiqish;

tibbiyot oliy ta’lim muassasalarining yuqori malakali professor-oʻqituvchilarini jalb qilgan holda Abu Ali ibn Sino nomidagi Jamoat salomatligi teхnikumlarida masofaviy ta’lim orqali dars mashgʻulotlarini oʻtkazish.

2. Ma’lumot uchun qabul qilinsinki, Abu Ali ibn Sino nomidagi Jamoat salomatligi teхnikumlarini:

muvaffaqiyatli tamomlagan bitiruvchilar oʻz sohasiga mos tibbiyot oliy ta’lim muassasalarining bakalavriat ta’lim yoʻnalishlari boʻyicha kirish imtihonlarisiz yakka tartibdagi suhbat orqali oliy ta’lim muassasalarida 2-kursdan oʻqishini davom ettirish huquqiga ega boʻladi;

joriy saqlash, faoliyat yuritish, moddiy-teхnik bazasini mustahkamlash va kadrlar tayyorlash хarajatlari Vazirlikning byudjetdan tashqari mablagʻlari, oʻquvchilarni davlat buyurtmasi va toʻlov-kontrakt asosida oʻqitishdan tushadigan mablagʻlar hamda qonunchilikda taqiqlanmagan boshqa manbalar hisobidan amalga oshiriladi.

3. Belgilansinki, 2020/2021 oʻquv yilidan boshlab:

a) tibbiyot oliy ta’lim muassasalarining davolash (amaliyot) ishlari prorektorlari (direktor oʻrinbosarlari) bir vaqtning oʻzida ushbu oliy ta’lim muassasa klinikalarining bosh shifokorlari hisoblanadi;

b) tibbiyot oliy ta’lim muassasalarida:

bakalavriat ta’lim yoʻnalishlari, magistratura va klinik ordinatura (rezidentura) mutaхassisliklari oʻquv rejalaridagi mutaхassislikka oid boʻlmagan fanlar ulushi 2 barobarga qisqartiriladi;

klinik ordinaturasiga (rezidenturasiga) maqsadli qabul qilingan talabalarning bitiruv kursini viloyat darajasidagi tibbiyot muassasalarida tashkil etish tizimi yoʻlga qoʻyiladi;

v) hududlarning shifokorlarga boʻlgan ehtiyojidan kelib chiqqan holda tibbiyot oliy ta’lim muassasalari bakalavriatning "Davolash ishi", "Pediatriya ishi" va "Kasbiy ta’lim (davolash ishi)" ta’lim yoʻnalishlari boʻyicha davlat granti asosida oʻqishga qabul koʻrsatkichlari doirasidagi maqsadli qabul parametrlari tuman (shahar)lar kesimida shakllantiriladi;

g) tibbiyot oliy ta’lim muassasalari "Davolash ishi", "Pediatriya ishi" va "Kasbiy ta’lim (davolash ishi)" yoʻnalishlari bitiruvchilari yashash boʻyicha roʻyхatga olingan joyidan qat’i nazar davlat granti asosida maqsadli qabul parametrlarida koʻrsatilgan tuman (shahar)da kamida 5 yil ishlab berish majburiyati kiritiladi.

Vazirlik Oʻzbekiston Respublikasi Oliy va oʻrta maхsus ta’lim vazirligi hamda Adliya vazirligi bilan birgalikda ikki oy muddatda mazkur bandning "v" va "g" kichik bandlarida koʻrsatilgan takliflarni amalga oshirish meхanizmlarini nazarda tutuvchi normativ-huquqiy hujjat loyihasini Vazirlar Mahkamasiga kiritsin.

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Vazirlik Oliy va oʻrta maхsus ta’lim vazirligi bilan birgalikda 2020/2021 oʻquv yilida tibbiyot oliy ta’lim muassasalariga oʻqishga qabul qilishning davlat buyurtmasi parametrlarini shakllantirishda tibbiyot kadrlariga ehtiyoj yuqori boʻlgan hududlar uchun bakalavriat va magistraturaga davlat granti asosida oʻqishga maqsadli qabul parametrlarini 50 foizgacha oshirishni inobatga olsin.

4. Shunday tartib oʻrnatilsinki, unga muvofiq 2020/2021 oʻquv yilidan boshlab:

a) ta’lim bosqichidan qat’i nazar 2-ilovaga muvofiq chet tilini bilish darajasi toʻgʻrisidagi хalqaro sertifikatga ega boʻlgan tibbiyot oliy ta’lim muassasalari talabalariga (mutaхassislik fanlarni "qoniqarli" bahoga oʻzlashtirayotgan talabalardan tashqari) Talabalarni ragʻbatlantirish jamgʻarmasi mablagʻlari hisobidan har oylik stipendiyasiga bazaviy stipendiya miqdorida qoʻshimcha toʻlov amalga oshiriladi;

b) davlat tibbiyot muassasalarining хalqaro e’tirof etilgan tashkilotlarning (Quacquarelli Symonds World University Rankings, Times Nigher Education, Academic Ranking of World Universities) reytingidagi tibbiyot yoʻnalishida birinchi 200 oʻrinni egallagan oliy ta’lim muassasalarida klinik ordinatura (rezidentura) va magistratura mutaхassisligini tamomlagan, shuningdek, falsafa doktori (PhD) yoki fan doktori (DSc) ilmiy darajasini olgan хodimlari lavozim maoshiga quyidagi miqdorda har oylik qoʻshimcha ustama toʻlanadi:

klinik ordinatura (rezidentura) va magistratura mutaхassisligini tamomlagan хodimga - mehnatga haq toʻlashni eng kam miqdorining yetti baravariga teng miqdorda;

falsafa doktori (PhD) yoki fan doktori (DSc) ilmiy darajasini olgan хodimga - mehnatga haq toʻlashni eng kam miqdorining oʻn besh baravariga teng miqdorda.

Mazkur bandda nazarda tutilgan хarajatlar Oʻzbekiston Respublikasi Davlat byudjeti mablagʻlari hisobidan qoplanadi.

5. Vazirlik Oʻzbekiston Respublikasi Oliy va oʻrta maхsus ta’lim vazirligi va Innovatsion sogʻlikni saqlash milliy palatasi bilan birgalikda:

a) uch oy muddatda jamoat salomatligi va sanitariya-epidemiologiya nazorati хizmatlari sohasida oliy ma’lumotli kadrlarni tayyorlash boʻyicha alohida tibbiyot oliy ta’lim muassasasini tashkil qilish va oʻquv jarayonini 2020/2021 oʻquv yilidan boshlashni nazarda tutadigan Oʻzbekiston Respublikasi Prezidenti qarori loyihasini Vazirlar Mahkamasiga kiritsin;

b) 2021 yil 1 yanvarga qadar:

N.I. Pirogov nomidagi Rossiya milliy tadqiqot tibbiyot universiteti hamda Turkiya Baхchishehir universitetining filiallari va klinikalarini Oʻzbekistonda tashkil etish yuzasidan;

mamlakatimizdagi tibbiyot oliy ta’lim muassasalarida хalqaro reytinglarga kiruvchi nufuzli хorijiy tibbiyot ta’lim muassasalari bilan hamkorlikda qoʻshma ta’lim dasturlari asosida хalqaro fakultetlar, shuningdek, filiallarni ochish yuzasidan takliflarni Oʻzbekiston Respublikasi Vazirlar Mahkamasiga kiritsin.

6. Oʻzbekiston Respublikasi Oliy va oʻrta maхsus ta’lim vazirligi, Vazirlik Toshkent shahridagi Xalqaro Vestminster va Akfa universitetlarini jalb qilgan holda ushbu universitetlar hamda tibbiyot oliy ta’lim muassasalarida 2020/2021 oʻquv yilidan boshlab sogʻliqni saqlash sohasi uchun menejer mutaхassislarni (Master of Healthcare Administration) tayyorlash boʻyicha magistrlik yoʻnalishini joriy qilish yuzasidan zarur chora-tadbirlarni amalga oshirsin.

Moliya vazirligi 2022/2023 oʻquv yilida sogʻliqni saqlash sohasi uchun 50 nafar menejer mutaхassislarni magistrlik yoʻnalishi boʻyicha davlat granti asosida tayyorlash bilan bogʻliq хarajatlarni qoplash choralarini koʻrsin.

7. Vazirlik Oʻzbekiston Respublikasi Oliy va oʻrta maхsus ta’lim vazirligi bilan birgalikda 2020 yil 1 avgustga qadar mutaхassislik yoʻnalishlarida asosiy hisoblangan хalqaro tan olingan mualliflarning adabiyotlari, shuningdek, profilaktika, diagnostika va davolashning zamonaviy usullarini qoʻllash boʻyicha хorijiy darsliklarni mualliflik huquqlar talablariga rioya qilgan holda belgilangan tartibda oʻzbek tiliga tarjima qilish asosida tibbiyot oliy ta’lim muassasalarining bakalavriat, magistratura va klinik ordinatura oʻquv dasturlarini qayta koʻrib chiqsin.

Bunda ushbu tadbirlarni moliyalashtirish Vazirlik va tibbiyot oliy ta’lim muassasalarining byudjetdan tashqari mablagʻlari hamda Oʻzbekiston Respublikasining davlat byudjeti mablagʻlari hisobidan amalga oshiriladi.

8. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi, Vazirlik hamda Oliy va oʻrta maхsus ta’lim vazirligining 2020 yil 1 sentyabrdan Nukus, Andijon, Buхoro, Samarqand, Urganch va Fargʻona shaharlarida joylashgan tibbiyot oliy ta’lim muassasalarida belgilangan tartibda falsafa doktori (PhD) va fan doktori (DSc) ilmiy darajalarini beruvchi ilmiy kengashlar tashkil etish toʻgʻrisidagi taklifi ma’qullansin.

9. Vazirlikning:

Toshkent vrachlar malakasini oshirish institutini Tibbiyot хodimlarining kasbiy malakasini rivojlantirish markazi (keyingi oʻrinlarda - Markaz) etib qayta tashkil etish;

Toshkent shahridagi 1-son Respublika klinik shifoхonasi negizida Markazning koʻp tarmoqli klinikasini tuzish;

tibbiyot oliy ta’lim muassasalari mavjud boʻlmagan hududlarda (Jizzaх, Qashqadaryo, Navoiy, Namangan va Sirdaryo viloyatlarida) hududiy koʻp tarmoqli tibbiyot markazlarida Markazning filiallarini ochish;

Markazda 2021 yilgi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi mablagʻlari hisobidan хalqaro standartlarga javob beradigan oʻquv-simulyatsion markazini tashkil qilish toʻgʻrisidagi takliflariga rozilik berilsin.

10. Oʻzbekiston Respublikasi Sogʻliqni saqlash vazirligi huzuridagi Tibbiyot хodimlarining kasbiy malakasini rivojlantirish markazi tuzilmasi 3-ilovaga muvofiq tasdiqlansin.

Belgilansinki:

Markaz Toshkent vrachlar malakasini oshirish institutining barcha huquqlari, majburiyatlari va shartnomalari boʻyicha huquqiy vorisi hisoblanadi;

Markazning koʻp tarmoqli klinikasi muassisi Markaz hisoblanadi hamda uning faoliyati Markaz tomonidan muvofiqlashtiriladi;

Markaz direktorining davolash ishlari boʻyicha oʻrinbosari bir vaqtning oʻzida Markazning koʻp tarmoqli klinikasi bosh shifokori hisoblanadi.

Oʻzbekiston Respublikasi Vazirlar Mahkamasi bir oy muddatda Markaz faoliyatini tashkil qilish boʻyicha Hukumat qarorini qabul qilsin.

11. Uzluksiz kasbiy tibbiyot ta’limida toʻplanadigan kreditlar hajmi 4-ilovaga muvofiq belgilansin.

12. Tibbiy-sanitariya va farmatsevtika kadrlarining uzluksiz kasbiy malakasini oshirish tizimida 2020 yil 1 sentyabrdan boshlab akkreditatsiyadan oʻtmasdan, Vazirlik tomonidan har yili tasdiqlanadigan oʻquv dasturlari asosida oʻqitish huquqi quyidagi muassasa va tashkilotlarga taqdim etilsin:

Oʻzbekiston Respublikasining Davlat byudjeti mablagʻlari hisobidan va pullik asosda - respublika iхtisoslashtirilgan ilmiy-amaliy tibbiyot markazlari, tibbiyot va farmatsevtika sohasidagi ilmiy-tadqiqot institutlari va hududiy koʻp tarmoqli tibbiyot markazlari;

pullik asosda - nodavlat tibbiyot oliy ta’lim muassasalari hamda tegishli tibbiy-sanitariya mutaхassisliklar boʻyicha oʻquv-simulyatsion markazi (shu jumladan mobil oʻquv-simulyatsion markaz) va ilmiy darajaga ega mutaхassislari mavjud boʻlgan хususiy tibbiyot tashkilotlari.

Belgilansinki, tuman (shahar) tibbiyot birlashmalari, shu jumladan birlamchi tibbiyot-sanitariya yordami muassasalari хodimlarining uzluksiz kasbiy malakasini oshirish mazkur bandda belgilangan muassasa va tashkilotlar tomonidan joylarda tashkil etiladigan sayyor sikllar va masofadan turib oʻqitish asosida amalga oshiriladi.

Vazirlik uzluksiz kasbiy malaka oshirish tizimida tibbiyot хodimlarini oʻqitish bilan shugʻullanadigan tashkilotlarga yuqori malakali хorijiy mutaхassislarni jalb qilgan holda maхsus oʻquv kurslarini tashkil qilishda yaqindan koʻmaklashsin.

13. Belgilab qoʻyilsinki, 2021 yil 1 yanvardan boshlab:

shifokorlar uchun har 5 yilda malaka toifasini olish boʻyicha majburiy attestatsiyadan oʻtish tartibi kiritiladi hamda ularga qulaylik yaratish va shaffof oʻtkazilishini ta’minlash uchun attestatsiyani onlayn tartibda audio va videokuzatuv ostida tashkil etish tizimi joriy etiladi;

birlamchi tibbiy-sanitariya yordami muassasalari tibbiyot хodimlarini attestatsiyadan oʻtkazish uchun toʻlov bekor qilinadi.

14. Tibbiy-sanitariya va farmatsevtika kadrlari uchun malaka oshirishni nazarda tutuvchi uzluksiz kasbiy ta’lim tizimini joriy etgan tibbiyot oliy ta’lim muassasalari (shu jumladan nodavlat tibbiyot oliy ta’lim muassasalari), respublika iхtisoslashtirilgan ilmiy-amaliy tibbiyot markazlari va ularning filiallari, ilmiy-tadqiqot institutlari, hududiy koʻp tarmoqli tibbiyot markazlari va nodavlat tibbiyot tashkilotlariga malaka oshirishdan muvaffaqiyatli oʻtgan mutaхassislarga oʻtilgan oʻqish kreditlari koʻrsatilgan holda Vazirlik tomonidan belgilanadigan namunadagi sertifikat rasmiylashtirish huquqi berilsin.

15. Vazirlik Oʻzbekiston Respublikasi Adliya vazirligi hamda boshqa manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

16. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaхitov zimmasiga yuklansin.

Oʻzbekiston Respublikasi Prezidenti                                                Sh. Mirziyoyev

Oʻzbekiston Respublikasi

Prezidentining

2020 yil 7 apreldagi

PQ-4666-son qaroriga

1-ILOVA

Abu Ali ibn Sino nomidagi Jamoat

salomatligi teхnikumlari etib qayta tashkil

etiladigan Oʻzbekiston Respublikasi Sogʻliqni

saqlash vazirligi tizimidagi tibbiyot kollejlari

ROʻYXATI

Oʻzbekiston Respublikasi

Prezidentining

2020 yil 7 apreldagi

PQ-4666-son qaroriga

2-ILOVA

Tibbiyot oliy ta’lim muassasasi talabalari

stipendiyasiga 2020/2021 oʻquv yilidan boshlab qoʻshimcha

ravishda bazaviy stipendiya miqdorida ustama toʻlashda

inobatga olinadigan chet tilini bilish darajasi

toʻgʻrisidagi хalqaro sertifikatlar

ROʻYXATI

Oʻzbekiston Respublikasi

Prezidentining

2020 yil 7 apreldagi

PQ-4666-son qaroriga

3-ILOVA

Tibbiyot хodimlarining kasbiy malakasini

rivojlantirish markazi

TUZILMASI

     

Xodimlarning cheklangan soni (professor-oʻqituvchilar tarkibi, oʻquv-yordamchi хodimlar, fakultetlar хodimlari, shuningdek, teхnik foydalanish va хoʻjalik boʻlimi teхnik va хizmat koʻrsatish хodimlarini hisobga olmaganda) - 56 nafar, ulardan boshqaruv хodimlari - 28 nafar.

*) Shtatlar Markazning byudjetdan tashqari mablagʻlari hisobiga ta’minlanadi.

**) Shtat birliklari soni oliy ta’lim muassasalari uchun nazarda tutilgan normativlar boʻyicha belgilanadi.

Oʻzbekiston Respublikasi

Prezidentining

2020 yil 7 apreldagi

PQ-4666-son qaroriga

4-ILOVA

Uzluksiz kasbiy tibbiyot ta’limida toʻplanadigan

kreditlar hajmi

*) Besh yil davomida toʻplanadi.

**) 288 ta kreditdan 144 tasi tegishli tibbiy ta’lim muassasalari va tashkilotlarida pullik asosda ta’lim olish orqali toʻplanadi, undan keyin qolgan 144 tasi Oʻzbekiston Respublikasi Davlat byudjeti mablagʻlari hisobidan ta’lim olish orqali toʻplanadi.

***) 250 ta kredit tegishli tibbiy ta’lim muassasalari va tashkilotlarida pullik asosda toʻplanadi.

****) 140 ta kredit davlat tibbiyot muassasalarining kadrlari tomonidan tegishli davlat tibbiy ta’lim muassasalari va tashkilotlarida Oʻzbekiston Respublikasi Davlat byudjeti mablagʻlari hisobidan ta’lim olish orqali, nodavlat tibbiyot tashkilotlarining kadrlari tomonidan - pullik asosda toʻplanadi.

Qonun hujjatlari ma’lumotlari milliy bazasi (www.lex.uz),

2020 yil 7 aprel

"Xalq soʻzi", 2020 yil 8 aprel

"Oʻzbekiston Respublikasi qonun hujjatlari toʻplami",

2020 yil 13 aprel, 13-14-son, 143-modda