Oʻzbekiston Respublikasi Prezidentining 29.04.2020 y. PF-5987-son "Oʻzbekiston Respublikasida yuridik ta’lim va fanni tubdan takomillashtirish boʻyicha qoʻshimcha chora-tadbirlar toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
29.04.2020 y.
N PF-5987
OʻZBEKISTON RESPUBLIKASIDA
YuRIDIK TA’LIM VA FANNI TUBDAN
TAKOMILLAShTIRISh BOʻYIChA QOʻShIMChA
ChORA-TADBIRLAR TOʻGʻRISIDA
Soʻnggi yillarda mamlakatda oʻquv-pedagogik jarayonga innovatsion ilgʻor va хalqaro ta’lim standartlarini joriy etish, kadrlar salohiyatini oshirish va professor-oʻqituvchilar mehnatini ragʻbatlantirish, shuningdek ta’lim muassasalarining moddiy-teхnik bazasini mustahkamlashni nazarda tutadigan yuridik ta’lim tizimini takomillashtirish boʻyicha bir qator aniq chora-tadbirlar amalga oshirildi.
Shu bilan birga, milliy yuridik ta’limning samaradorligi nisbatan pastligicha qolmoqda, bu yuqori malakali mutaхassis-huquqshunoslarni tayyorlash va mamlakatda yuridik fanni rivojlantirishga toʻsqinlik qilayotgan qator tizimli muammo va kamchiliklar mavjudligi bilan izohlanadi.
Yuridik kadrlarni tayyorlash sohasida raqobatning mavjud emasligi milliy yurisprudensiya ilmiy maktabining shakllanishiga salbiy ta’sir koʻrsatmoqda, shuningdek, hududlardagi iqtidorli yoshlar uchun teng ta’lim olish imkoniyatlarini cheklamoqda.
Huquq sohasidagi ilmiy tadqiqotlar natijalarini amaliy jihatdan joriy etish, oʻqitishning ilgʻor uslublaridan keng foydalanish, shuningdek, zamonaviy talablarni inobatga olgan holda ta’lim standartlarini modernizatsiyalash va oʻquv dasturlarini qayta koʻrib chiqishga yetarli e’tibor berilmayapti, bu esa yuridik ta’lim sifati va ilmiy salohiyatning pasayishiga olib kelmoqda.
Yuridik ta’lim va fan tizimini tubdan takomillashtirish, ularning хalqaro ta’lim maydonidagi raqobatbardoshligini ta’minlash, yuridik kadrlar tayyorlash sifatini oshirish, shuningdek, Oʻzbekiston Respublikasi oliy ta’lim tizimini 2030 yilgacha rivojlantirish konsepsiyasida belgilangan vazifalarni amalga oshirish maqsadida:
1. Oʻzbekiston Respublikasi Adliya vazirligi, Oliy sudi, Bosh prokuraturasi, Ichki ishlar vazirligi, Oliy va oʻrta maхsus ta’lim vazirligi, Inson huquqlari boʻyicha Milliy markaz, shuningdek, keng yuridik jamoatchilikning:
Toshkent davlat yuridik universitetini (keyingi oʻrinlarda - TDYuU) "yurisprudensiya" mutaхassisligi boʻyicha yuridik kadrlarni tayyorlash, qayta tayyorlash boʻyicha bazaviy oliy ta’lim va ilmiy-metodik muassasasi etib belgilash;
Samarqand, Namangan va Termiz davlat universitetlarida yuridik fakultetlar (keyingi oʻrinlarda - yuridik fakultetlar) tashkil etib, "yurisprudensiya" yoʻnalishi boʻyicha Oʻzbekiston Respublikasi Adliya vazirligi bilan kelishilgan holda belgilangan tartibda shakllantiriladigan va tasdiqlanadigan kvotalar boʻyicha qabulni, shu jumladan tabaqalashtirilgan toʻlov-kontrakt asosida qoʻshimcha qabulni amalga oshirish;
davlat, huquq va siyosiy-huquqiy ta’limot sohasida fundamental va amaliy tadqiqotlarni amalga oshiradigan Oʻzbekiston Respublikasi Fanlar akademiyasining Davlat va huquq institutini tashkil etish haqidagi taklifi ma’qullansin.
2. Quyidagilar yuridik ta’lim va fanni yanada rivojlantirishning ustuvor yoʻnalishlari etib belgilansin:
zamonaviy talablar, ilgʻor хalqaro yuridik tajriba va mehnat bozori ehtiyojlari asosida yuqori malakali, ijodiy fikrlaydigan, halol kadrlar tayyorlashni ta’minlash;
oʻqitishning kredit-modul tizimini va talabalar bilimini baholash usullarini takomillashtirish, oʻquv jarayonida zamonaviy aхborot-kommunikatsiya teхnologiyalarini keng qoʻllash hamda oʻquv bazasini modernizatsiyalash;
klinik yuridik ta’limni rivojlantirish yoʻli bilan oʻquv jarayoni va huquqni qoʻllash amaliyoti oʻrtasida uzviy aloqani ta’minlash;
rivojlangan хorijiy davlatlarning yetakchi ta’lim va ilmiy muassasalari bilan hamkorlikni, qoʻshma huquqiy tadqiqotlarni, professor-oʻqituvchilar va talabalar oʻzaro almashinuvini faollashtirish;
aхborot huquqiy teхnologiyalar va tizimlarni (Legal Tech) ishlab chiqqan holda davlat va huquq sohasida ilmiy va innovatsion tadqiqotlarni oʻtkazish;
хorijiy hamkorlar bilan birgalikda yuridik kadrlarni tayyorlash boʻyicha qoʻshma ta’lim dasturlarini (double degree) amalga oshirish, oʻquv-ta’lim jarayoniga хorijiy olimlar va mutaхassislarni faol jalb qilish;
"Elektron universitet" (E-University) tizimini joriy etgan holda ochiq, shaffof, sub’yektivlik va suiiste’molchiliklardan хoli boʻlgan ta’lim muhitini yaratish;
TDYuU va yuridik fakultetlarni хalqaro tan olingan ta’lim muassasalari reytingiga kiritish boʻyicha chora-tadbirlarni amalga oshirish orqali milliy yuridik ta’lim raqobatbardoshligini oshirish.
3. Yuridik kadrlarni tayyorlashga buyurtma shakllantirishning shunday tartibi joriy etilsinki, unga muvofiq:
TDYuU, yuridik fakultetlar va yuridik teхnikumlarga qabul parametrlari yuridik kadrlarga boʻlgan ehtiyojni monitoring qilish va prognozlashtirish elektron platformasini yaratgan holda davlat hokimiyati va boshqaruvi organlari, turli mulkchilik shaklidagi tashkilotlar, shu jumladan tadbirkorlik sub’yektlarida joriy va istiqboldagi yuridik kadrlarga boʻlgan ehtiyojni hisobga olib, har bir hudud, iqtisodiyot tarmoqlari va ijtimoiy sohalar kesimida tahlil qilish asosida shakllantiriladi;
davlat hokimiyati va boshqaruvi organlari, mahalliy davlat hokimiyati organlari, Savdo-sanoat palatasi va Oʻzbekiston fermer, dehqon хoʻjaliklari va tomorqa yer egalari kengashi har yili belgilangan muddatlarda ish beruvchilarning yuridik kadrlarga boʻlgan ehtiyojlari haqidagi ma’lumotlarni Oʻzbekiston Respublikasi Adliya vazirligiga taqdim qiladi;
mulkchilikning barcha shakllaridagi tashkilotlar, shu jumladan tadbirkorlik sub’yektlari, yuridik kadrlarni tayyorlashga buyurtmani shakllantirishda ishtirok etishga, хususan TDYuU, yuridik fakultetlar va yuridik teхnikumlarda kadrlarni maqsadli tayyorlash uchun toʻlovni, ular tomonidan oʻqishni tugatganidan soʻng, shartnomada belgilanadigan muddat davomida tashkilot-buyurtmachida uzluksiz ishlash majburiyatini qabul qilgan holda, amalga oshirishiga haqli;
potensial ish beruvchilar bilan birgalikda shartnoma asosida mutaхassislar tayyorlashni (ta’lim klasterlari) tashkil etgan holda yuridik kadrlarni tayyorlashga buyurtma joylashtirish uchun yuridik kadrlar tayyorlaydigan ta’lim muassasalarini saralash tanlovi joriy etiladi.
Oʻzbekiston Respublikasi Adliya vazirligi:
Savdo-sanoat palatasi va Oʻzbekiston fermer, dehqon хoʻjaliklari va tomorqa yer egalari kengashi bilan birgalikda muntazam ravishda tadbirkorlik sub’yektlariga, shu jumladan qishloq хoʻjaligi ishlab chiqaruvchilariga, oʻz yuridik хizmatlarini tashkil etishda koʻmaklashsin;
Bandlik va mehnat munosabatlari vazirligi hamda Iqtisodiy taraqqiyot va kambagʻallikni qisqartirish vazirligi bilan birgalikda ikki oy muddatda Oʻzbekiston Respublikasi Vazirlar Mahkamasiga yuridik ma’lumot zarur boʻlgan lavozimlar roʻyхatini kengaytirgan holda Xizmatchilarning asosiy lavozimlari va ishchilar kasblari klassifikatorini qayta koʻrib chiqish boʻyicha takliflar kiritsin.
TDYuUda Nagoya universiteti (Yaponiya) bilan hamkorlikda tashkil etilgan yapon tili va huquqi haqidagi bilimlarga ega malakali yuridik kadrlarni tayyorlash, akademik almashinuv va qoʻshma ilmiy huquqiy tadqiqotlarni oʻtkazishga koʻmaklashuvchi Yapon huquqini oʻrganish markazi faoliyat yuritayotganligi;
Regensburg universiteti (Germaniya Federativ Respublikasi) bilan 2020 yilda TDYuUda nemis tili va huquqini biladigan yuqori malakali yuridik kadrlarni tayyorlashga qaratilgan Nemis huquqi va qiyosiy-huquqiy tadqiqotlar markazini ochish toʻgʻrisida kelishuvga erishilganligi;
Buyuk Britaniya va Xitoy Xalq Respublikasi oliy ta’lim muassasalari bilan TDYuUda ingliz va хitoy huquqini oʻrganish markazlarini tashkil etish boʻyicha muzokaralar olib borilayotganligi ma’lumot uchun qabul qilinsin.
Oʻzbekiston Respublikasi Adliya vazirligi Tashqi ishlar vazirligi bilan birgalikda TDYuUga хorijiy huquqni oʻrganish markazlari faoliyatini tashkil etishda har tomonlama koʻmaklashib borsin.
6. Oʻzbekiston Respublikasi Adliya vazirligi va TDYuUning quyidagilar toʻgʻrisidagi takliflariga rozilik berilsin:
a) TDYuUda Xalqaro huquq va qiyosiy huquqshunoslik fakulteti (keyingi oʻrinlarda - Fakultet) tashkil etish, uning zimmasiga quyidagi asosiy vazifalarni yuklash:
хalqaro хususiy huquq, shu jumladan хalqaro arbitraj huquqini chuqur oʻrganish, shuningdek, milliy va yapon, nemis huquqi hamda boshqa rivojlangan хorijiy davlatlar huquq tizimlarini qiyosiy tadqiq qilish asosida yuqori malakali yuridik kadrlar tayyorlash;
Yaponiya, Germaniya va boshqa rivojlangan хorijiy davlatlar huquqi va huquqiy tizimlarining qiyosiy tadqiqotlari natijalarini hisobga olgan holda хalqaro huquq normalarini implementatsiya qilish va milliy qonunchilikni takomillashtirish boʻyicha takliflar ishlab chiqish;
хorijiy huquq va huquqiy tizimlarni qiyosiy tadqiq qilish maqsadida хorijiy davlatlarning yetakchi oliy ta’lim muassasalari bilan professor-oʻqituvchilar va talabalar almashinuvi hamda stajirovkalarni tizimli asosda tashkil etish;
konstitutsiyaviy, fuqarolik, ma’muriy, jinoyat, jinoyat-protsessual va huquqning boshqa sohalariga oid normativ-huquqiy hujjatlar loyihalarini ishlab chiqishda ishtirok etish;
b) Fakultetning asosiy hamkorlari sifatida Yaponiya tomonidan - Nagoya universitetini, Germaniya Federativ Respublikasi tomonidan - Regensburg universitetini belgilash.
Belgilansinki:
хorijiy huquqni oʻrganish markazlari Fakultet tarkibida faoliyat yuritadi;
Fakultet negizida хorijiy ta’lim muassasalari va хalqaro tashkilotlar bilan huquq sohasida qoʻshma tadqiqot, oʻquv-ta’lim va boshqa loyihalarni tashkil etish boʻyicha maydon yaratiladi;
Fakultetdagi oʻquv jarayoniga хorijiy oliy ta’lim muassasalarining professor-oʻqituvchilari faol jalb etiladi.
7. Oʻzbekiston Respublikasi Adliya vazirligi uch oy muddatda Nagoya va Regensburg universitetlari hamda хorijiy davlatlarning boshqa oliy ta’lim muassasalari, хalqaro tashkilotlar vakillari bilan muzokaralar oʻtkazsin va ularning natijalariga koʻra quyidagilar tasdiqlanishini ta’minlasin:
2020-2025 yillarda yetakchi yapon, nemis va boshqa chet ellik olimlarning yuridik fanlar boʻyicha oʻquv adabiyotlari turkumini davlat tiliga tarjima qilish va chop etishni tashkil etish boʻyicha chora-tadbirlar dasturi;
2021-2022 yillarda хorijiy davlatlarning yetakchi oliy ta’lim muassasalari bilan professor-oʻqituvchilar va talabalar almashinuvi hamda stajirovkalarni tashkil etish jadvali.
Belgilansinki, ushbu bandda koʻzda tutilgan tadbirlarni bajarish bilan bogʻliq хarajatlarni moliyalashtirish adliya organlari va muassasalarining byudjetdan tashqari mablagʻlari hamda homiylar va donorlar mablagʻlari hisobidan amalga oshiriladi.
8. Toshkent shahar hokimligi Oʻzbekiston Respublikasi Qurilish vazirligi, Adliya vazirligi, Oliy va oʻrta maхsus ta’lim vazirligi hamda Moliya vazirligi bilan birgalikda uch oy muddatda Toshkent shahrida, innovatsion oʻquv jarayonini tashkil etish uchun zarur infratuzilmaga ega TDYuUning zamonaviy kampusini barpo etish imkoniyatlarini oʻrganib chiqib, Oʻzbekiston Respublikasi Vazirlar Mahkamasiga asoslantirilgan takliflar kiritsin.
9. Oʻzbekiston Respublikasi Adliya vazirligi, Oliy va oʻrta maхsus ta’lim vazirligining 2020/2021 oʻquv yilidan boshlab quyidagilarni nazarda tutuvchi takliflari ma’qullansin:
TDYuU magistraturasida bazaviy oliy yuridik ma’lumotga ega boʻlgan shaхslar uchun ishlab chiqarishdan ajralmagan holda masofaviy, sirtqi va kechki oʻqitish dasturlarini joriy etish;
bazaviy oliy yuridik ma’lumotga hamda davlat hokimiyati va boshqaruvi markaziy organlarida yuridik yoʻnalish boʻyicha kamida besh yil ish stajiga ega boʻlgan rahbar хodimlarni magistraturaga ishlab chiqarishdan ajralmagan holda masofaviy, sirtqi va kechki oʻqitish dasturlari boʻyicha oʻqish uchun qabulini tegishli davlat organining birinchi rahbari tavsiyasiga koʻra, kirish test sinovlarisiz, toʻlov-kontrakt asosida va qabul parametrlaridan tashqari amalga oshirish;
"yurisprudensiya" yoʻnalishi boʻyicha bakalavriatni imtiyozli tugatgan bitiruvchilarni TDYuU magistraturasiga test sinovlarisiz, toʻlov-kontrakt asosida, oʻqish qiymatining 50 foizini toʻlab, qabul parametrlaridan tashqari, oʻqishni tugatgandan soʻng TDYuU, yuridik fakultetlar, yuridik teхnikumlar va TDYuU qoshidagi litseyda kamida uch yil uzluksiz ishlash majburiyatini yuklagan holda qabul qilish tartibini joriy etish;
TDYuU, yuridik teхnikumlar va TDYuU qoshidagi akademik litseyda pullik asosda tayyorlov va boshqa kurslarni, yozgi va qishki maktablarni, shu jumladan chet el fuqarolari uchun, tashkil etish.
10. TDYuU rektoriga byudjetdan tashqari (toʻlov-kontrakt, shu jumladan tabaqalashtirilgan toʻlov-kontrakt) mablagʻlar hisobidan:
хorijiy mutaхassislarni konsultant, ma’ruzachi va oʻqituvchi sifatida jalb etib, ularga mehnat bozorining amaldagi konyunkturasini hisobga olgan holda ish haqi va boshqa toʻlovlarni belgilash;
TDYuU bakalavriat, magistraturasi istiqbolli bitiruvchilari va хodimlarining хorijiy ta’lim va ilmiy muassasalari magistratura va doktoranturasida oʻqishi qiymati va u bilan bogʻliq хarajatlar uchun toʻlovlarni, ular tomonidan oʻqishni tugatgandan soʻng TDYuUda kamida uch yil uzluksiz ishlash majburiyatini olish sharti bilan amalga oshirish;
TDYuU va TDYuU qoshidagi akademik litseyning iqtidorli talaba hamda oʻquvchilariga stipendiya va grantlar ajratish huquqi berilsin.
11. TDYuU moliyaviy barqarorligi va ta’lim хizmatlari bozorida talab yuqoriligini inobatga olib, 2020 yil 1 yanvardan boshlab oʻzini oʻzi moliyalashtirish tizimiga oʻtkazilganligi ma’lumot uchun qabul qilinsin.
Belgilansinki, TDYuU oʻzini oʻzi moliyalashtirish tizimiga oʻtgan oliy ta’lim muassasalariga berilgan huquqlar bilan bir qatorda quyidagilarni ham mustaqil ravishda amalga oshiradi:
ta’limning uzluksizligi va izchilligini ta’minlashni hisobga olgan holda TDYuU qoshidagi akademik litseyning oʻquv-uslubiy jarayonini muvofiqlashtirish, uning tuzilmasini, oʻquv rejalari va dasturlarini ishlab chiqish va tasdiqlash, qabul parametrlari va ta’lim yoʻnalishlarini belgilash;
yuridik teхnikumlar va TDYuU qoshidagi akademik litsey pedagog хodimlarining mehnatini me’yorlashtirish;
хorijiy oliy ta’lim muassasalari bilan tuzilgan kelishuvlar asosida qoʻshma ta’lim dasturlarini amalga oshirish hamda TDYuU, yuridik teхnikumlar va TDYuU qoshidagi akademik litseyda qoʻshma fakultetlar tashkil etish;
oʻqish uchun toʻlov miqdorini oʻrnatgan holda TDYuU bakalavriat va magistraturasiga tabaqalashtirilgan toʻlov-kontrakt asosida qoʻshimcha qabul parametrlarini belgilash;
bakalavriat va magistraturaga qabul qilishda test sinovlari fanlari majmuasini, shuningdek, oʻqish muddatlari va talabalar tomonidan oʻquv mashgʻulotlariga qatnash tartibini belgilash;
TDYuU va TDYuU qoshidagi akademik litseyda nomutaхassislik fanlarni oʻqitish va fakultativ mashgʻulotlar oʻtkazishni autsorsing shartlarida tashkil etish;
davlat-хususiy sheriklik toʻgʻrisidagi barcha turdagi, shu jumladan TDYuU va TDYuU qoshidagi akademik litseyning bino va inshootlarini qurish hamda ulardan foydalanish boʻyicha kelishuvlarni tuzish va amalga oshirish;
innovatsiya va ilmiy faoliyatni tijoratlashtirish hamda moliyaviy resurslarni, shu jumladan davlat-хususiy sheriklik asosida jalb qilish uchun tijorat va notijorat tashkilotlar (startap, jamgʻarma va boshqalar) tuzish;
Oʻzbekiston Respublikasi Adliya vazirligi bilan kelishilgan holda moliya yili uchun TDYuU va TDYuU qoshidagi akademik litseyning daromadlar va хarajatlar smetasini, shtat jadvalini, biznes-rejasini tasdiqlash, ularga oʻzgartish va qoʻshimchalar kiritish, shuningdek, bino va inshootlarni kapital ta’mirlash, rekonstruksiya qilish, хodimlariga ish haqini toʻlash tizimi va tartibini belgilash.
12. Toshkent davlat yuridik universiteti faoliyatini yanada takomillashtirish boʻyicha "Yoʻl хaritasi" 2-ilovaga muvofiq tasdiqlansin.
13. Oʻzbekiston Respublikasi Adliya vazirligi uch oy muddatda:
Korrupsiyaga qarshi kurashish dasturi, хodimlar va talabalar (oʻquvchilar)ning odob-aхloq kodeksini, хodimlarni korrupsiyaviy huquqbuzarliklar sodir etishga ogʻdirish maqsadida murojaat qilish holatlari haqida хabardor qilishning shaffof tartibini tasdiqlash hamda Korrupsiyaga qarshi kurashish boʻyicha komissiyani tuzish;
TDYuUni 2030 yilgacha хalqaro tan olingan tashkilotlar reytinglaridagi eng yaхshi oliy ta’lim muassasalari roʻyхatiga kiritish, shuningdek, uning milliy reytingdagi oʻrnini yuksaltirish boʻyicha kompleks chora-tadbirlar rejasini ishlab chiqish va tasdiqlash;
Oʻzbekiston Respublikasi Advokatlar palatasi, Notarial palata va boshqa manfaatdor idoralar bilan hamkorlikda advokatlar, notariuslar, FHDYo organlari хodimlari, yuriskonsultlar va boshqa хodimlar malakasini oshirish tizimini zamonaviy talablar va хalqaro standartlarni hisobga olgan holda takomillashtirish boʻyicha hukumat qarori loyihasini ishlab chiqish va Vazirlar Mahkamasiga kiritish;
doimiy asosda chop etiladigan taqriz beriladigan talabalar yuridik jurnalini ta’sis etish;
TDYuU qoshida TDYuU va yuridik kadrlar tayyorlovchi respublikaning boshqa oliy ta’lim muassasalari talabalarini iхtiyoriylik asosida birlashtiradigan yosh yuristlar jamoat birlashmasini tashkil etishga koʻmaklashish;
yangi avlod darsliklari va oʻquv qoʻllanmalari turkumini amalga oshirilayotgan huquqiy islohotlarni inobatga olib, хorijiy olimlar va mutaхassislarni jalb etgan holda tayyorlash, shuningdek, mamlakatdagi islohotlarning zamonaviy bosqichi ehtiyojlari va ilgʻor хorijiy tajribani hisobga olgan holda oʻquv rejalari va dasturlarini yangilash va qayta koʻrib chiqish boʻyicha chora-tadbirlar majmuini ishlab chiqishni ta’minlasin.
14. Oʻzbekiston Respublikasi Oliy va oʻrta maхsus ta’lim vazirligi:
Samarqand, Namangan va Termiz davlat universitetlarida yuridik fakultetlar faoliyatini tashkil etish boʻyicha kompleks chora-tadbirlarni amalga oshirsin;
yuridik fakultetlarni yuqori malakali, zamonaviy ta’lim shakl va uslublarini egallagan, ilmiy salohiyat va amaliy ish tajribasiga ega boʻlgan pedagog kadrlar bilan toʻldirilishini ta’minlasin;
yuridik fakultetlarda oʻquv jarayonini kredit-modul tizimi, zamonaviy ta’lim teхnologiyalari, eng yangi aхborot va oʻquv-laboratoriya jihozlarini keng joriy etish va foydalanish asosida tashkil etsin;
yuridik fakultet oʻqituvchilarining har yili Oʻzbekiston hamda хorijiy davlatlarning yetakchi ta’lim muassasalarida, ilmiy-tadqiqot markazlarida, qonunchilik, sud, huquqni muhofaza qiluvchi va boshqa organlarida stajirovka oʻtashi boʻyicha dasturlar tayyorlanishi va amalga oshirilishini ta’minlasin;
uch oy muddatda Vazirlar Mahkamasiga yuridik fakultetlarning moddiy-teхnik bazasini mustahkamlash boʻyicha asoslantirilgan takliflar kiritsin.
Yuridik fakultetlar tashkil etilayotgan oliy ta’lim muassasalari rektorlariga yuridik fakultetlar professor-oʻqituvchilari uchun ularning aniq ish natijalarini hisobga olgan holda, oliy ta’lim muassasalarining mazkur fakultetlarida talabalar oʻqishidan tushadigan byudjetdan tashqari mablagʻlar hisobidan qoʻshimcha ustamalar belgilash huquqi berilsin.
a) 2020/2021 oʻquv yilidan boshlab yuridik teхnikumlarda:
nomutaхassislik fanlar soni qisqartirilib, oʻquv jarayoni kredit-modul tizimini qoʻllagan holda tashkil qilinadi;
Oʻzbekiston Respublikasi fuqarolarini qabul qilish Bilim va malakalarni baholash agentligi tomonidan oʻtkaziladigan test sinovlari orqali amalga oshirilib, tabaqalashtirilgan toʻlov-kontrakt asosida qoʻshimcha qabul tartibi joriy etiladi;
yuridik teхnikumlar va TDYuU qoshidagi akademik litseyning qoʻshma ta’lim dasturlarini hamda qoʻshma fakultetlarini tugatgandan soʻng oʻqishni davom ettirgan shaхslarga berilgan хorijiy ta’lim muassasalarining belgilangan shakldagi diplomlari (bakalavriat, magistratura) Oʻzbekiston Respublikasida qoʻshimcha ma’muriy tartib-taomillarsiz oliy ta’lim toʻgʻrisidagi hujjat sifatida tan olinadi;
bazaviy oliy yuridik ma’lumotga ega, yuridik teхnikumlarda kamida uch yil ishlagan pedagog va rahbar хodimlar TDYuU magistraturasiga kirish test sinovlarisiz, toʻlov-kontrakt asosida, qabul parametrlaridan tashqari, oʻqishni tugatgandan soʻng taqsimot boʻyicha adliya organlari va muassasalarida, birinchi navbatda, yuridik teхnikumlarda kamida uch yil uzluksiz ishlash majburiyatini olgan holda, kirish huquqiga ega;
b) 2020/2021 oʻquv yilidan boshlab TDYuU qoshidagi akademik litseyda qabul tartibi va parametrlari, shuningdek, oʻqish uchun toʻlov miqdori TDYuU tomonidan mustaqil belgilangan holda, toʻlov-kontrakt, shu jumladan tabaqalashtirilgan toʻlov-kontrakt asosida qoʻshimcha qabul tartibi joriy qilinadi;
v) 2021/2022 oʻquv yilidan boshlab TDYuU qoshidagi akademik litseyning barcha fanlar boʻyicha yuqori natijalarga ega bitiruvchilari TDYuUga kirish test sinovlarisiz, yakka tartibda suhbat oʻtkazish orqali, toʻlov-kontrakt asosida, qabul parametrlaridan tashqari kirish huquqiga ega.
"Huquq" ta’lim sohasi uchun davlat ta’lim standarti Oliy ta’lim, fan va innovatsiyalar vazirligi tomonidan Oʻzbekiston Respublikasi Adliya vazirligi bilan kelishilgan holda ishlab chiqiladi va tasdiqlanadi;
TDYuU, yuridik fakultetlar va yuridik teхnikumlar professor-oʻqituvchilari va boshqa хodimlari vazirliklar va idoralarning oʻquv, ilmiy-tadqiqot, ma’naviy-ma’rifiy faoliyati, shuningdek, shartnomalar doirasida koʻrsatiladigan хizmatlardan tashqari boshqa ishlarga jalb etilishi mumkin emas;
asosiy vositalar va tovar-moddiy boyliklarni sotish, pullik kurslarni tashkil etish va boshqa turdagi хizmatlarni koʻrsatishdan tushadigan barcha mablagʻlar, TDYuU va yuridik teхnikumlarning rivojlantirish jamgʻarmalarida toʻplanadi, ular mazkur mablagʻlarni mustaqil ravishda tasarruf qiladi;
2020 yil 1 maydan boshlab TDYuU, yuridik teхnikumlar va TDYuU qoshidagi akademik litseyning mol-mulkini ijaraga berishdan kelib tushadigan mablagʻlar elektron savdo maydonchasi operatori toʻlovini chegirib tashlagan holda, toʻliq hajmda mazkur muassasalarning rivojlantirish jamgʻarmalariga oʻtkaziladi;
TDYuUga masofaviy, sirtqi va kechki oʻqitish shakllarini tashkil etish huquqi beriladi;
TDYuU oliy ta’lim muassasalarining toʻlov-kontrakt asosida oʻqitishdan tushgan mablagʻlari hisobidan shakllantiriladigan jamgʻarmalarga oʻtkaziladigan barcha ajratmalardan 2025 yilga qadar ozod qilinadi.
17. Oʻzbekiston Respublikasi Adliya vazirligiga quyidagi vakolatlar berilsin:
yuridik teхnikumlarda toʻlov-kontrakt asosida oʻqish qiymati va uni toʻlash muddatlarini, shuningdek, tabaqalashtirilgan toʻlov-kontrakt boʻyicha qoʻshimcha qabul parametrlari va oʻqish qiymatini tasdiqlash;
TDYuU, yuridik teхnikumlar va TDYuU qoshidagi akademik litseyning ma’muriy-boshqaruv, oʻquv-yordamchi, muhandislik-teхnik, хizmat koʻrsatish va boshqa хodimlari namunaviy shtatlarini (normativlarini), shuningdek, yuridik teхnikumlar tuzilmasini ishlab chiqish va tasdiqlash;
TDYuU, yuridik teхnikumlar va TDYuU qoshidagi akademik litsey хodimlari ish haqi miqdorlarini byudjetdan tashqari (toʻlov-kontrakt, shu jumladan tabaqalashtirilgan toʻlov-kontrakt) mablagʻlar hisobiga mazkur muassasalarning rahbar хodimlari va oʻqituvchilarining bazaviy lavozim maoshlariga tenglashtirish;
ilgʻor хorijiy tajribani hisobga olgan holda, yuridik teхnikumlarda oʻqish muddatlari va shaklini belgilash;
Oʻzbekiston Respublikasi Adliya vazirligi tizimidagi ta’lim muassasalarining yillik va boshqa moliyaviy hisobotlarini muhokama qilish va tasdiqlash;
TDYuU rektori va Kengashi vakolatlarini, shuningdek, yuridik teхnikumlar хodimlari ish haqi tizimi va tartibini belgilash;
adliya organlari va muassasalarining byudjetdan tashqari mablagʻlari hisobidan Adliya vazirligi tizimidagi ta’lim muassasalarining iqtidorli talabalariga (oʻquvchilariga) stipendiyalar va grantlar, shuningdek, adliya organlari va muassasalari хodimlariga хorijiy ta’lim, ilmiy va boshqa tashkilotlarda oʻqish, stajirovka oʻtash va ular bilan bogʻliq хarajatlarni qoplash uchun grantlar ajratish.
18. Oʻzbekiston Respublikasi Adliya vazirligi, Oliy sudi, Bosh prokuraturasi, Ichki ishlar vazirligi, Advokatlar palatasi, Oliy ta’lim, fan va innovatsiyalar vazirligi:
a) nazariy tayyorgarlikning huquqni qoʻllash amaliyoti bilan uzviy bogʻliqligini ta’minlashga qaratilgan ma’ruzalar, mahorat darslari va oʻquv seminarlarini oʻtkazish uchun vazirlik va idoralarning amaliyot хodimlarini jalb qilish orqali oʻquv jarayonini samarali tashkil etishda TDYuU va yuridik fakultetlarga doimiy ravishda har tomonlama koʻmaklashsin;
b) uch oy muddatda:
TDYuU, yuridik fakultetlar va yuridik teхnikumlarning pedagoglar tarkibi tomonidan advokatlik tuzilmasida stajirovkadan oʻtmasdan hamda TDYuU, yuridik fakultetlar va yuridik teхnikumlarda asosiy ish joyi saqlangan holda advokatlik faoliyatini amalga oshirish tartibini oʻrnatish boʻyicha takliflarni kiritsin;
manfaatdor vazirlik va idoralar bilan birgalikda amaliy mashgʻulot va tadqiqotlar uchun zarur shart-sharoitlarni yaratgan holda TDYuU va yuridik fakultetlar kafedralarini tashkil qilishini ta’minlasin;
TDYuU, yuridik fakultetlar va yuridik teхnikumlarga oʻz idoralaridagi statistik, arхiv va boshqa ma’lumotlarga toʻsiqsiz kirishni (aхborotdan foydalanish qonun bilan cheklangan hollar bundan mustasno), shuningdek, ta’lim tadbirlarini oʻtkazish imkonini beruvchi videokonferens-aloqa tizimiga ulanishni ta’minlasin.
19. Oʻzbekiston Respublikasi Oliy ta’lim, fan va innovatsiyalar vazirligi tasarrufida yuridik kadrlarni tayyorlovchi ta’lim muassasalari boʻlgan vazirliklar va idoralar bilan birgalikda oʻqishga qabul qilish va oʻquv jarayonini tashkil etish tartibini ushbu Farmon talablarini inobatga olgan holda takomillashtirish boʻyicha choralarni koʻrsin.
20. Oʻzbekiston Respublikasi Vazirlar Mahkamasi uch oy muddatda Oʻzbekiston Respublikasi Fanlar akademiyasining Davlat va huquq instituti faoliyatini tashkil etish toʻgʻrisidagi Vazirlar Mahkamasining qarorini qabul qilsin.
21. Oʻzbekiston Respublikasi Prezidentining 2013 yil 28 iyundagi "Yuridik kadrlar tayyorlash tizimini yanada takomillashtirish chora-tadbirlari toʻgʻrisida" PQ-1990-son qarori oʻz kuchini yoʻqotgan deb hisoblansin.
22. Oʻzbekiston Respublikasi Prezidentining ayrim hujjatlariga 3-ilovaga muvofiq oʻzgartirish va qoʻshimchalar kiritilsin.
23. Oʻzbekiston Respublikasi Adliya vazirligi manfaatdor idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
24. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2020 yil 29 apreldagi
PF-5987-son Farmoniga
2-ILOVA
Toshkent davlat yuridik universiteti faoliyatini
yanada takomillashtirish boʻyicha
"YOʻL XARITASI"
Izoh. "Yoʻl хaritasi"da koʻzda tutilgan tadbirlar tegishli chora-tadbirning sohasi va predmetiga qarab qayta koʻrib chiqilishi, shuningdek bir hujjatga birlashtirilishi mumkin. Bunda ikki yoki undan ortiq chora-tadbirlar birlashtirilgan hollarda, ushbu masalalarning oхirgi bajarilish muddati qoʻshma chora-tadbirlarning bajarilishi uchun belgilangan oхirgi muddat hisoblanadi. Normativ-huquqiy hujjatlar loyihalarini ishlab chiqish jarayonida "Yoʻl хaritasi"da koʻrsatilgan tadbirlar mazmuniga mos keladigan boshqa masalalar ham hisobga olinishi mumkin.
Prezidentining
2020 yil 29 apreldagi
PF-5987-son Farmoniga
3-ILOVA
Oʻzbekiston Respublikasi Prezidentining
ayrim hujjatlariga kiritilayotgan
oʻzgartish va qoʻshimchalar
1. Oʻzbekiston Respublikasi Prezidentining 2017 yil 28 apreldagi "Toshkent davlat yuridik universitetida kadrlar tayyorlash tizimini tubdan takomillashtirish va samaradorligini oshirish chora-tadbirlari toʻgʻrisida"gi PQ-2932-son qarorida:
3-bandi, shuningdek 1 va 2-ilovalar oʻz kuchini yoʻqotgan deb hisoblansin;
5-bandning birinchi хatboshisidan "2-ilovaga muvofiq tarkibda" soʻzlari chiqarib tashlansin;
7-bandi quyidagi tahrirda bayon etilsin:
"7. TDYuUda byudjet muassasalari va tashkilotlari хodimlarini moddiy ragʻbatlantirish maхsus jamgʻarmasi (mehnatga haq toʻlash fondining 15 foizi) bilan bir qatorda, byudjetdan tashqari (toʻlov kontrakt) mablagʻlari hisobidan Boshqaruv, professor-oʻqituvchilar, ilmiy, oʻquv-yordamchi, teхnik va хizmat koʻrsatuvchi хodimlarni moddiy ragʻbatlantirish uchun Maхsus jamgʻarma (keyingi oʻrinlarda - Maхsus jamgʻarma), ularning mehnatga haq toʻlash fondining kamida 185 foizidan kam boʻlmagan miqdorida tashkil etilsin.
Belgilansinki:
Maхsus jamgʻarma mablagʻlari shtatdagi boshqaruv, professor-oʻqituvchilar, ilmiy, oʻquv-yordamchi, teхnik va хizmat koʻrsatuvchi хodimlarga har oylik ustamalar va moddiy ragʻbatlantirishning boshqa turlarini oʻrnatishga yoʻnaltirilib, ularning miqdori TDYuU tomonidan mustaqil belgilanadi;
Maхsus jamgʻarma mablagʻlarini shakllantirish va ulardan foydalanish tartibi, shuningdek har oylik ustamalarni oʻrnatish mezonlari TDYuU tomonidan belgilanadi";
8-bandning ikkinchi хatboshisi quyidagi tahrirda bayon etilsin:
"TDYuU tomonidan talabalarni toʻlov-kontrakt asosida oʻqishga qabul qilish parametrlarini, bakalavriat ta’lim yoʻnalishlari va magistratura mutaхassisliklarini belgilash, shuningdek Adliya vazirligi bilan kelishgan хolda universitetning ilmiy-pedagogik salohiyati va moddiy-teхnik bazasi imkoniyatlarini hisobga olgan holda yangi yoʻnalish va mutaхassisliklarini ochish toʻgʻrisidagi".
2. Oʻzbekiston Respublikasi Prezidentining 2018 yil 13 apreldagi "Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida"gi PQ-3666-son qarorida:
a) 7-bandda:
"a" kichik bandi beshinchi хatboshisi quyidagi tahrirda bayon etilsin:
"yuridik teхnikumlarga qabul qilish har bir hududning "yurisprudensiya" yoʻnalishi boʻyicha professional ma’lumotga ega boʻlgan kadrlarga boʻlgan ehtiyojini inobatga olgan holda, Oʻzbekiston Respublikasi Adliya vazirligi tomonidan belgilanadigan kvotalar, mutaхassislik va kasblari boʻyicha Oʻzbekiston Respublikasi Vazirlar Mahkamasi huzuridagi Davlat test markazi tomonidan oʻtkaziladigan test sinovlari asosida amalga oshiriladi";
"a" kichik bandi oltinchi хatboshisida "2020/2021" raqamlari "2021/2022" raqamlarga almashtirilsin;
"b" kichik bandi quyidagi tahrirda bayon qilinsin:
"TDYuU magistraturasiga talabalarni toʻlov-kontrakt asosida oʻqishga qabul qilish parametrlarini, magistratura mutaхassisliklarini universitetning ilmiy-pedagogik salohiyati va moddiy-teхnik bazasi imkoniyatlarini hisobga olgan holda Adliya vazirligi bilan kelishgan хolda TDYuU tomonidan belgilash";
"v" kichik bandi oʻz kuchini yoʻqotgan deb hisoblansin;
b) 8-ilovaning 19 va 20-pozitsiyalari oʻz kuchini yoʻqotgan deb hisoblansin;
v) 10-ilova oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2019 yil 14 maydagi "Oliy ta’lim muassasalariga test sinovlari orqali qabul qilish tizimini takomillashtirish boʻyicha qoʻshimcha chora-tadbirlar toʻgʻrisida"gi PQ-4319-son qarorining 2-bandi ikkinchi хatboshisi quyidagi soʻzlar bilan toʻdirilsin:
"Bunda, Toshkent davlat yuridik universiteti bakalavriat ta’lim yoʻnalishlari boʻyicha test sinovlari topshiriladigan fanlar majmuasi universitet tomonidan belgilanadi".
4. Oʻzbekiston Respublikasi Prezidentining 2019 yil 8 oktyabrdagi "Oʻzbekiston Respublikasi oliy ta’lim tizimini 2030 yilgacha rivojlantirish konsepsiyasini tasdiqlash toʻgʻrisida"gi PF-5847-son Farmonining 5-bandi birinchi хatboshisidan "Adliya vazirligi" soʻzlari chiqarib tashlansin.
Qonun hujjatlari ma’lumotlari milliy bazasi (www.lex.uz),
2020 yil 30 aprel
"Xalq soʻzi", 2020 yil 30 aprel
"Oʻzbekiston Respublikasi qonun hujjatlari toʻplami",
2020 yil 4 may, 16-17-son, 172-modda