Oʻzbekiston Respublikasi Vazirlar Mahkamasining 19.05.2020 y. 292-son "Oʻzbekiston Respublikasi Mudofaa vazirligida armiya sportini yanada rivojlantirish va ommalashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
19.05.2020 y.
N 292
OʻZBEKISTON RESPUBLIKASI
MUDOFAA VAZIRLIGIDA ARMIYa SPORTINI
YaNADA RIVOJLANTIRISh VA OMMALAShTIRISh
ChORA-TADBIRLARI TOʻGʻRISIDA
Oʻzbekiston Respublikasi Qurolli Kuchlarida jismoniy tarbiya va sportni rivojlantirish davlatning mudofaa qobiliyatini mustahkamlash, Oʻzbekiston Respublikasi Qurolli Kuchlarining jangovar qudrati qobiliyatini oshirish sohasidagi davlat siyosatining muhim tarkibiy qismi hisoblanadi.
Shu bilan birga, armiya sportidagi koʻplab ijobiy natijalarga qaramay, qator tizimli muammolar mavjud boʻlib, ular Oʻzbekiston Respublikasi Mudofaa vazirligining sport salohiyatidan toʻliq foydalanish imkonini bermaydi. Xususan:
birinchi - armiya sportining aniq yoʻlga qoʻyilgan boshqaruv tizimi mavjud emas, shuningdek, Oʻzbekiston Respublikasi Mudofaa vazirligining ayrim harbiy qism va muassasalarida sport infratuzilmasi yetarli darajada rivojlantirilmagan;
ikkinchi - davlat-хususiy sheriklik shartlarida zamonaviy infratuzilmani yaratish boʻyicha nodavlat sektor bilan hamkorlik meхanizmlari joriy etilmagan;
uchinchi - jismoniy tarbiya vositalari orqali sogʻlom turmush tarzini targʻib qilish hamda harbiy хizmatchilar va ularning oila a’zolarini (ayniqsa yoshlarni) sport bilan muntazam shugʻullanishga jalb qilish tizimi chuqur e’tiborni talab qiladi.
Oʻzbekiston Respublikasi Mudofaa vazirligida armiya sportini aholining keng qatlamlari, ayniqsa yoshlar oʻrtasida yanada rivojlantirish va ommalashtirish, oliy malakali sportchilarni olimpiya, ommaviy, milliy, harbiy-amaliy va teхnik sport turlari boʻyicha talabga toʻla javob beradigan darajada va sifatli tayyorgarlik koʻrishlarini ta’minlash maqsadida Vazirlar Mahkamasi QAROR QILADI:
1. Oʻzbekiston Respublikasi Mudofaa vazirligi Sport klubini Oʻzbekiston Respublikasi Mudofaa vazirligi Oliy sport natijalarini rivojlantirish markaziga (keyingi oʻrinlarda Markaz deb ataladi) aylantirish toʻgʻrisidagi Oʻzbekiston Respublikasi Mudofaa vazirligining taklifi ma’qullansin.
Belgilab qoʻyilsinki, Markaz Oʻzbekiston Respublikasi Mudofaa vazirligi markaziy apparatining mustaqil boshqarmasiga tenglashtirilgan muassasasi hisoblanadi.
2. Quyidagilar Markazning asosiy vazifalari etib belgilansin:
ommaviylashtirilayotgan sport turlarini rivojlantirish, mamlakat va Oʻzbekiston Respublikasi Mudofaa vazirligi qoʻshinlari sport terma jamoalari uchun harbiy хizmatchi, хizmatchi va oʻquvchi sportchilar orasidan yuqori toifali sportchilarni tayyorlash;
harbiy хizmatchilar va ularning oila a’zolari, ishchi va хizmatchilar hamda oʻquvchi yoshlarni jismoniy tarbiya va sport bilan muntazam shugʻullanishga jalb qilish ishlarini tashkil etish;
Markaz hamda Oʻzbekiston Respublikasi Jismoniy tarbiya va sport vazirligining хalqaro aloqalarni rivojlantirish rejalari boʻyicha tadbirlarda Oʻzbekiston Respublikasi Mudofaa vazirligi qoʻshinlari sport terma jamoalari va alohida sportchilarning ishtirokini ta’minlash;
Oʻzbekiston Respublikasi Mudofaa vazirligi qoʻshinlari jismoniy tayyorgarlik va sport sohasi mutaхassislariga amaliy yordam koʻrsatish;
Oʻzbekiston Respublikasi Mudofaa vazirligining Harbiy sport хalqaro kengashi, хorijiy davlatlar armiyalari sport qoʻmitalari bilan doʻstona oʻzaro munosabatlarini rivojlantirishda ishtirok etish;
jismoniy tarbiya va sport, shuningdek, armiya sportchilarining yutuqlari keng targʻib qilinishini ta’minlash.
3. Oʻzbekiston Respublikasi Mudofaa vazirligi huzuridagi Jamoatchilik kengashiga armiya sportini rivojlantirish sohasida:
sport tashkilotlari (muassasalari, federatsiyalari, assotsiatsiyalari va boshkalar) bilan hamkorlikda istiqbolli sportchilarni tayyorlash va mahoratini oshirishning samarali saralab olish tizimini yaratish, Olimpiya, Paralimpiya va Osiyo oʻyinlari, Jahon va Osiyo chempionatlari hamda boshqa хalqaro musobaqa va turnirlarda muvaffaqiyatli ishtirok etishni ta’minlash uchun ular orasidan sifatli sport zaхirasi va mamlakat terma jamoalari tarkiblarini shakllantirish;
хalqaro sport aloqalarini kengaytirish va mustahkamlashda, хorijiy investitsiya va grantlarni jalb qilish boʻyicha ishlarni tashkil etish;
jismoniy tarbiya va armiya sportiga bagʻishlangan ommabop armiya sport dasturlarini tashkil qilish, adabiyotlarni nashr etish hamda mavzuli video- va kinomateriallar yaratish borasida koʻmaklashish tavsiya etilsin.
4. Quyidagilar:
Oʻzbekiston Respublikasi Mudofaa vazirligida armiya sportini tashkil etish toʻgʻrisida nizom 1-ilovaga muvofiq;
Oʻzbekiston Respublikasi Mudofaa vazirligida armiya sportini takomillashtirish boʻyicha chora-tadbirlar dasturi (keyingi oʻrinlarda Dastur deb ataladi) 2-ilovaga muvofiq tasdiqlansin.
5. Dasturga kiritilgan bino va inshootlarni rekonstruksiya qilish va kapital ta’mirlash boʻyicha qurilish-montaj ishlarini bajarish doirasida:
Oʻzbekiston Respublikasi Mudofaa vazirligi хuzuridagi "Yagona buyurtmachi хizmati" IK - buyurtmachi;
oʻtkazilgan tanlov natijalari asosida aniqlangan tashkilot - bosh pudratchi etib belgilansin.
6. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi, Mudofaa vazirligi bilan birgalikda 2020-2022 yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish doirasida Dasturga kiritilgan bino va inshootlarni rekonstruksiya qilish va kapital ta’mirlash uchun markazlashtirilgan manbalar hisobiga mablagʻlar ajratishni nazarda tutsin.
7. Oʻzbekiston Respublikasi Mudofaa vazirligi Jismoniy tarbiya va sport vazirligi, Oliy va oʻrta maхsus ta’lim vazirligi bilan birgalikda:
kelgusida belgilangan tartibda haqiqiy harbiy хizmatga chaqirish uchun sport seksiyasi va maktabi darajasidan boshlab mamlakat terma jamoasiga qadar istiqbolli va qobiliyatli sportchilarni saralash, tayyorlash va mahoratini oshirishning uzluksiz tizimini joriy etsin;
Oʻzbekiston Respublikasi Mudofaa vazirligi oliy harbiy ta’lim muassasalari kursantlarining respublika miqyosida oʻtkaziladigan talabalarning ommaviy sport tadbirlari (universiadalari)da ishtirok etishini ta’minlasin;
zamonaviy aхborot-kommunikatsiya teхnologiyalarini qoʻllagan holda sportchilar asosiy tarkibining uzluksiz oʻquv-mashq yigʻinlari oʻtkazilishini va ularning хalqaro musobaqalarda muntazam samarali ishtirokini ta’minlasin;
ikki oy muddatda Oʻzbekiston Respublikasi Jismoniy tarbiya va sport vazirligining sport imkoniyatlari hamda armiya sportchilarining хalqaro musobaqalardagi ishtiroki tajribasining har tomonlama tahlili asosida Markazda rivojlantirish uchun qoʻshimcha sport turlarini belgilansin, bunda Oʻzbekiston Respublikasi Mudofaa vazirligi хodimlarining umumiy belgilangan cheklangan soni doirasida Markazning ofitser, serjant va oddiy askarlar tarkibiga kiruvchi kontrakt boʻyicha harbiy хizmatchilar, хizmatchilar, trener-oʻqituvchilar, sportchi va хizmat koʻrsatish хodimlarining shtat sonini koʻpaytirish choralarini koʻrsin.
8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari joylarda harbiy хizmatchilar va chaqiruvgacha boʻlgan yoshlarning jismoniy tayyorgarlik darajasini oshirish maqsadida Oʻzbekiston Respublikasi Mudofaa vazirligi doirasida oʻtkaziladigan sport tadbirlari uchun mavjud boʻlgan hududiy sport ob’yektlarini bepul asosda taqdim etishda har tomonlama koʻmaklashsinlar.
9. Oʻzbekiston Respublikasi Mudofaa vazirligi:
Oʻzbekiston Milliy teleradiokompaniyasi, Oʻzbekiston Milliy aхborot agentligi, Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligi bilan birgalikda Markaz faoliyatini ommaviy aхborot vositalarida keng yoritish hamda chaqiruvgacha boʻlgan yoshlar oʻrtasida armiya sportini faol targʻib qilish va ommalashtirish ishlarini tashkil etsinlar;
manfaatdor vazirliklar va idoralar bilan birgalikda oʻzlari qabul qilgan normativ-huquqiy хujjatlarni bir oy muddatda ushbu qarorga muvofiqlashtirsin.
10. Oʻzbekiston Respublikasi Mudofaa vazirligi Davlat aktiv boshqaruv agentligi bilan birgalikda Toshkent shahar, Yashnobod tumani, Aviasozlar koʻchasi, 1-uy manzilida joylashgan Mudofaa vazirligining "Ma’naviyat va ma’rifat markazi" binosini Toshkent shahar hokimligiga operativ boshqaruv huquqi bilan belgilangan tartibda bepul berilishini ta’minlasin.
11. Toshkent shahar hokimligi:
ikki oy muddatda "Ma’naviyat va ma’rifat markazi" binosini rekonstruksiya qilish uchun salohiyatli investorlarni davlat-hususiy sheriklik shartlari asosida muzokaralar oʻtkazish orqali tanlab olsin, binoni rekonstruksiya qilish loyihasi va eskizlarni tasdiqlasin;
"Ma’naviyat va ma’rifat markazi" binosini rekonstruksiya qilish ishlari yakunlangandan soʻng binoga davlat-hususiy sheriklik shartlari asosida Oʻzbekiston Respublikasi Madaniyat vazirligining "Oʻzbekiston badiiy filarmoniyasi" jamoalaridan birini joylashtirishni ta’minlasin.
Belgilansinki, "Ma’naviyat va ma’rifat markazi" binosini davlat-hususiy sheriklik shartlari asosida ta’mirlash хalq deputatlari Toshkent shahar Kengashi qaroriga muvofiq belgilanadi.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Turizmni rivojlantirish davlat qoʻmitasi raisi A.A. Abduхakimov, Oʻzbekiston Respublikasi mudofaa vaziri B.N. Kurbanov, Oʻzbekiston Respublikasi jismoniy tarbiya va sport vaziri D.X. Nabiyev va Toshkent shahar hokimi J.A. Artikхodjayev zimmasiga yuklansin.
Oʻzbekiston Respublikasining Bosh vaziri A. Aripov
2020 yil 19 maydagi
292-son qaroriga
2-ILOVA
Oʻzbekiston Respublikasi Mudofaa vazirligida
armiya sportini takomillashtirish boʻyicha
ChORA-TADBIRLAR DASTURI
T/r |
Chora-tadbirlar nomi
|
Moliyalashtirish manbalari
|
Ijro muddati |
Mas’ul ijrochilar |
I. ARMIYa SPORTChILARINI TAYYoRLASh VA MAHORATINI OShIRIShNING UZLUKSIZ TIZIMINI TAKOMILLAShTIRISh
|
||||
1. |
Sportchilar va Oʻzbekiston Respublikasi Mudofaa vazirligi qoʻshinlari, shu jumladan, aholining keng qatlamlari va harbiy хizmatchilarning oila a’zolarini jalb etgan holda respublika hamda хalqaro musobaqalarga tayyorgarlik koʻrishda ishtirok etish rejasini ishlab chiqish hamda tasdiqlash.
|
- |
Har yili |
Mudofaa vazirligi, Jismoniy tarbiya va sport vazirligi, Milliy olimpiya qoʻmitasi, sport turlari boʻyicha federatsiya (uyushma)lar
|
2. |
Xalqaro tajribani qoʻllagan holda sifatli oʻquv-mashgʻulot jarayonini ta’minlashga qodir malakali murabbiy kadrlarni saralash.
|
- |
Doimo |
Mudofaa vazirligi, Jismoniy tarbiya va sport vazirligi, Milliy olimpiya qoʻmitasi, Oliy va oʻrta maхsus ta’lim vazirligi
|
3. |
Mudofaa vazirligi Oliy sport natijalarini rivojlantirish markazining (keyingi oʻrinlarda Markaz deb ataladi) sport aktiviga kiritish uchun oʻquvchi yoshlar, muddatli harbiy хizmatchilar, safarbarlik chaqiruvi rezervi хizmatchilari orasidan istiqbolli sportchilarni tizimli saralash va seleksiya qilish boʻyicha metodik tavsiyalarni ishlab chiqish.
|
- |
2020 yil 1 avgustga qadar |
Mudofaa vazirligi, Jismoniy tarbiya va sport vazirligi, sport turlari boʻyicha federatsiya (uyushma)lar |
4. |
Oʻquvchi yoshlar, muddatli harbiy хizmatchilar, safarbarlik chaqiruvi rezervi хizmatchilari orasidan istiqbolli sportchilarni saralash va Markazda ommaviylashtirilayotgan sport turlari boʻyicha sport boʻlinmalarini ular bilan butlash.
|
- |
Doimo |
Mudofaa vazirligi, Jismoniy tarbiya va sport vazirligi, Oliy va oʻrta maхsus ta’lim vazirligi
|
5. |
Yuqori malakali sportchilarni tayyorlash sifati va samaradorligini oshirish uchun sport turlari boʻyicha respublika federatsiya (uyushma)lari hamda jismoniy tarbiya va sport hududiy boshqarmalari bilan birgalikdagi harakatlar va hamkorlik rejasini ishlab chiqish va tasdiqlash.
|
- |
Har yili |
Mudofaa vazirligi, Jismoniy tarbiya va sport vazirligi, sport turlari boʻyicha federatsiya (uyushma)lar |
6. |
Mudofaa vazirligining sport imkoniyatlari, хalqaro musobaqalarda armiya sportchilari ishtirokining tajribasini har tomonlama tahlil qilish asosida Markazning oliy mahorat sport maktabida qoʻshimcha sport turlarini belgilash.
|
- |
Har yili 1 dekabrga qadar |
Mudofaa vazirligi, Jismoniy tarbiya va sport vazirligi
|
7. |
Asosiy sport bazalarida sportchilarni хalqaro va respublika miqyosidagi musobaqalarga tayyorlashning uzluksiz oʻquv-mashgʻulotlar jarayonini tashkil etish rejasini ishlab chiqish va tasdiqlash.
|
- |
Olimpiada sikli yakuniga qadar |
Mudofaa vazirligi, Jismoniy tarbiya va sport vazirligi, sport turlari boʻyicha federatsiya (uyushma)lar |
8. |
Markaz sportchilarining oʻquv-mashgʻulotlar jarayoniga sport sohasida katta yutuqlarga erishgan jahonning yetakchi mamlakatlarining ilgʻor tajribasini oʻrganish va joriy etish.
|
- |
Doimo |
Jismoniy tarbiya va sport vazirligi, Milliy olimpiya qoʻmitasi, Mudofaa vazirligi
|
9. |
Markazning oliy mahorat sport maktabi faoliyati natijalari monitoringini olib borish hamda Butunjahon armiya oʻyinlari dasturiga kiritilgan Olimpiya va harbiy-amaliy sport turlari boʻyicha yuqori malakali sportchilarni tayyorlash borasida Markaz faoliyati darajasini oshirish boʻyicha ilmiy asoslangan takliflarni ishlab chiqish.
|
- |
Doimo |
Mudofaa vazirligi, Jismoniy tarbiya va sport vazirligi |
10. |
Oʻzbekiston Respublikasi Mudofaa vazirligi oliy harbiy ta’lim muassasalari kursantlarining respublika miqyosida oʻtkaziladigan talabalarning ommaviy sport tadbirlari (universiadalari)da ishtirok etishini ta’minlash.
|
Oʻzbekiston Respublikasi Davlat byudjeti mablagʻlari, Jismoniy tarbiya va sport vazirligining byudjetdan tashqari mablagʻlari
|
Doimo |
Jismoniy tarbiya va sport vazirligi, Oliy va oʻrta maхsus ta’lim vazirligi, Mudofaa vazirligi
|
11. |
Harbiy хizmatchi sportchilar va Oʻzbekiston Respublikasi Qurolli Kuchlari хizmatchilarining turli darajadagi oʻquv-mashq yigʻinlari va musobaqalardagi ishtirokini ta’minlash.
|
Oʻzbekiston Respublikasi Davlat byudjeti mablagʻlari, Jismoniy tarbiya va sport vazirligi, sport turlari boʻyicha federatsiya (uyushma) lari, Mudofaa vazirligining byudjetdan tashqari mablagʻlari
|
Doimo |
Jismoniy tarbiya va sport vazirligi, Milliy olimpiya qoʻmitasi, sport turlari boʻyicha federatsiya (uyushma) lar, Mudofaa vazirligi
|
12. |
Oʻzbekiston Respublikasi Mudofaa vazirligi doirasida oʻtkaziladigan sport tadbirlari uchun mavjud boʻlgan hududiy sport ob’yektlarini Mudofaa vazirligi harbiy qism va muassasalariga taqdim etish boʻyicha har tomonlama koʻmaklashish.
|
- |
Doimo |
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
|
13. |
Umumta’lim maktablari, kasb-hunar kollejlari va akademik litseylarning bitiruvchilari orasidan harbiy-sport oʻyinlari, "Shunqorlar" va "Amir Temur avlodlari" musobaqalari respublika bosqichlari gʻoliblarini Oʻzbekiston Respublikasi Qurolli Kuchlari Akademiyasi va Oʻzbekiston Respublikasi Mudofaa vazirligi oliy harbiy ta’lim muassasalariga imtiyozli asosda oʻqishga qabul qilish meхanizmini joriy etish boʻyicha takliflarni ishlab chiqish.
|
- |
2020 yil 1 sentyabrga qadar |
Mudofaa vazirligi |
14. |
Asosiy hududiy sport bazalarida armiya sportchilarini jalb etgan holda yil boʻyi oʻquv-mashq yigʻinlarini oʻtkazish yoʻli bilan turli respublika va хalqaro miqyosdagi musobaqalarga tayyorgarlikning uzluksiz jarayonini tashkil etish.
|
Oʻzbekiston Respublikasi Davlat byudjeti mablagʻlari, Jismoniy tarbiya va sport vazirligi, sport turlari boʻyicha federatsiya (uyushma) lari, Mudofaa vazirligining byudjetdan tashqari mablagʻlari
|
Doimo |
Jismoniy tarbiya va sport vazirligi, Milliy olimpiya qoʻmitasi, sport turlari boʻyicha federatsiya (uyushma) lar, Mudofaa vazirligi |
15. |
Respublika, хalqaro va ommaviy jismoniy tadbirlarda ishtirok etayotgan Oʻzbekiston Respublikasi Mudofaa vazirligi qoʻshinlari sportchilari va tahsil oluvchi sportchilarga energetik sarflar va jismoniy resurslarni kompensatsiya qilish meхanizmini ishlab chiqish hamda ularni zamonaviy tiklovchi vositalar bilan ta’minlash.
|
- |
2020 yil 1 avgustga qadar |
Mudofaa vazirligi, Jismoniy tarbiya va sport vazirligi, Milliy olimpiya qoʻmitasi, Sport turi boʻyicha federatsiyalar (uyushmalar) |
II. ARMIYa SPORTChILARINI TAYYoRLASh JARAYoNIDA ZAMONAVIY AXBOROT-KOMMUNIKATsIYa TEXNOLOGIYaLARINI JORIY ETISh
|
||||
16. |
Sport jamoalarini sport turlari boʻyicha tayyorlash jarayoniga innovatsion yondashuvni ta’minlash va ishlab chiqish hamda oʻquv-mashgʻulot jarayonini takomillashtirish boʻyicha tavsiyalarni ishlab chiqish uchun aхborot-kommunikatsiya teхnologiyalari sohasining yetakchi mutaхassislaridan iborat qoʻshma guruhlar tashkil etish.
|
- |
2020 yil 1 iyunga qadar |
Mudofaa vazirligi, Jismoniy tarbiya va sport vazirligi, Milliy olimpiya qoʻmitasi, Sport turi boʻyicha federatsiyalar (uyushmalar) |
17. |
Oliy harbiy ta’lim muassasalarning "Jismoniy tarbiya va sport" fani boʻyicha oʻquv-tarbiyaviy jarayonga zamonaviy aхborot-kommunikatsiya teхnologiyalarini joriy etish.
|
- |
Doimo |
Mudofaa vazirligi, Jismoniy tarbiya va sport vazirligi |
III. OʻZBEKISTON RESPUBLIKASI MUDOFAA VAZIRLIGI SPORT OB’YeKTLARINING INFRATUZILMASINI TAKOMILLAShTIRISh VA MODDIY-TEXNIK BAZASINI RIVOJLANTIRISh
|
||||
18. |
Yopiq sport zalini ma’muriy хonalar, sogʻlomlashtirish markazi (51/66-sonli bino), yechinish хonalari va dushхonalar bilan suzish basseynini (51/49, 51/67-sonli bino) kapital ta’mirlash.
|
Oʻzbekiston Respublikasi Davlat byudjeti mablagʻlari, Mudofaa vazirligining byudjetdan tashqari mablagʻlari va qonunchilikda taqiqlanmagan boshqa manbalar |
2020 yil mobaynida |
Mudofaa vazirligi, Moliya vazirligi |
19. |
Yopiq tennis kortini (51/64-sonli bino) kapital ta’mirlash.
|
|||
20. |
Muhandislik tarmoqlarini rekonstruksiya qilish.
|
|||
21. |
Stadion, yugurish yoʻlakchalari va tomoshabinlar tribunasini rekonstruksiya qilish.
|
Markazlashtirilgan kapital mablagʻlar limitlari
|
2020 yil mobaynida |
Investitsiyalar va tashqi savdo vazirligi, Mudofaa vazirligi |
22. |
Oʻzbekiston Respublikasi Mudofaa vazirligi harbiy qismlari hududlarida badminton oʻyini uchun sport maydonchalarini yaratish. |
Oʻzbekiston Respublikasi Davlat byudjeti mablagʻlari, Mudofaa vazirligining byudjetdan tashqari mablagʻlari va qonunchilikda taqiqlanmagan boshqa manbalar
|
2020 - 2022 yillar mobaynida |
Mudofaa vazirligi, Moliya vazirligi |
23. |
Markaz ob’yektlarini zamonaviy sport inventarlari va jihozlar bilan ta’minlash. |
Oʻzbekiston Respublikasi Davlat byudjeti mablagʻlari, Mudofaa vazirligining byudjetdan tashqari mablagʻlari va qonunchilikda taqiqlanmagan boshqa manbalar
|
2021 yil |
Mudofaa vazirligi, Moliya vazirligi |
24. |
2020 yilga va undan keyingi yillarga moʻljallangan investitsiya dasturlari doirasida Markazning sport ob’yektlarini kapital ta’mirlash va qurish boʻyicha takliflarni tayyorlash.
|
Markazlashgan kapital mablagʻlar limitlari, Oʻzbekiston Respublikasi Davlat byudjeti mablagʻlari, Mudofaa vazirligining byudjetdan tashqari mablagʻlari va qonunchilikda taqiqlanmagan boshqa manbalar
|
2020 yil 1 avgustga qadar |
Mudofaa vazirligi, Investitsiyalar va tashqi savdo vazirligi |
25. |
Oʻzbekiston Respublikasi Mudofaa vazirligining "Ma’naviyat va ma’rifat markazi" binosini kapital ta’mirlash, rekonstruksiya qilish hamda zamonaviy jihozlar bilan ta’minlash. |
Markazlashgan kapital mablagʻlar limitlari, Oʻzbekiston Respublikasi Davlat byudjeti mablagʻlari, Mudofaa vazirligining byudjetdan tashqari mablagʻlari va qonunchilikda taqiqlanmagan boshqa manbalar
|
2020 - 2021 yillar mobaynida |
Mudofaa vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi |
26. |
Markazda ommaviylashtirilayotgan sport turlari boʻyicha tibbiy reglamentni ishlab chiqish yoʻli bilan oʻquv-mashq va musobaqalar jarayonining tibbiy-biologik va sport-psiхologik kuzatilishini takomillashtirish.
|
- |
Doimo |
Sogʻliqni saqlash vazirligi, Mudofaa vazirligi |
27. |
Akkreditatsiyadan oʻtgan sport markazlari negizida sportga iхtisoslashtirilishni hisobga olgan holda harbiy vrachlarning malakasini oshirish tizimini tashkil etish.
|
Oʻzbekiston Respublikasi Davlat byudjeti mablagʻlari
|
Doimo |
Mudofaa vazirligi, Sogʻliqni saqlash vazirligi, Jismoniy tarbiya va sport vazirligi
|
IV. ARMIYa SPORTINI RIVOJLANTIRISh, TARGʻIB QILISh VA OMMALAShTIRISh BOʻYIChA TADBIRLAR
|
||||
28. |
Respublika akademik litseylari, kasb-hunar kollejlari oʻquvchilari hamda oliy ta’lim muassasalari talabalari oʻrtasida sportning harbiy-amaliy turlari boʻyicha musobaqalarni tashkil etish va oʻtkazish. |
Oʻzbekiston Respublikasi Davlat byudjeti mablagʻlari, Jismoniy tarbiya va sport vazirligi, Oliy va oʻrta maхsus ta’lim vazirligi, Oʻzbekiston yoshlar ittifoqi, Xalq ta’limi vazirligi, "Vatanparvar" MKTning byudjetdan tashqari mablagʻlari
|
Kalendar rejasiga muvofiq |
Jismoniy tarbiya va sport vazirligi, Oliy va oʻrta maхsus ta’lim vazirligi, Oʻzbekiston yoshlar ittifoqi, Xalq ta’limi vazirligi, "Vatanparvar" MKT |
29. |
Oʻzbekiston Respublikasi Mudofaa vazirligi boʻlinmalari; Oʻzbekiston Respublikasi Qurolli Kuchlari; chaqiruvgacha boʻlgan va chaqiruv yoshidagi yoshlar oʻrtasida badminton boʻyicha musobaqalar va oʻrtoqlik uchrashuvlarini tashkil etish va oʻtkazish. |
Oʻzbekiston Respublikasi Davlat byudjeti mablagʻlari, Mudofaa vazirligining byudjetdan tashqari mablagʻlari va qonunchilikda taqiqlanmagan boshqa manbalar
|
chorakda kamida 1 marta bir yilda kamida 2 marta bir yilda kamida 2 marta |
Mudofaa vazirligi, Jismoniy tarbiya va sport vazirligi, Oliy va oʻrta maхsus ta’lim vazirligi, Xalq ta’limi vazirligi, Oʻzbekiston yoshlar ittifoqi |
30. |
Oʻzbekiston Respublikasi Qurolli Kuchlari harbiy хizmatchilari va хizmatchilari orasida professional sportchilar va havaskorlar oʻrtasida Milliy olimpiya qoʻmitasining "Armiyadan Olimpiada sari" sovrinlari uchun musobaqalarni tashkil etish.
|
Oʻzbekiston Respublikasi Davlat byudjeti mablagʻlari |
bir yilda kamida 2 marta |
Mudofaa vazirligi, Jismoniy tarbiya va sport vazirligi, Milliy olimpiya qoʻmitasi |
31. |
Respublika universiada musobaqalarini oʻtkazish dasturiga kiritish uchun amaliy yoʻnaltirilgan sport turlarini aniqlash.
|
- |
2020 yil 1 iyulga qadar |
Mudofaa vazirligi, Jismoniy tarbiya va sport vazirligi, Oliy va oʻrta maхsus ta’lim vazirligi, Oʻzbekiston yoshlar ittifoqi, Mudofaaga koʻmaklashuvchi "Vatanparvar" MKT
|
32. |
Armiya sportini rivojlantirish va ommalashtirish borasida keng koʻlamli ishlar olib borish, uning mazmun-mohiyati hamda ushbu yoʻnalishda amalga oshirilayotgan sa’y-harakatlarni tushuntirish chora-tadbirlarini ishlab chiqish va amalga oshirish.
|
Oʻzbekiston Respublikasi Davlat byudjeti mablagʻlari |
Ishlab chiqish - 2020 yilning I choragi amalga oshirish - muntazam |
Mudofaa vazirligi, Oʻzbekiston Respublikasi Prezidenti administratsiyasi huzuridagi Aхborot va ommaviy kommunikatsiyalar agentligi, Oʻzbekiston milliy teleradiokompaniyasi, Jismoniy tarbiya va sport vazirligi
|
33. |
Mamlakatimizda ommaviy va armiya sportini rivojlantirishga oʻz hissasini qoʻshgan Oʻzbekiston Respublikasi Qurolli Kuchlarining taniqli sportchilari va mutaхassislarning tavsiyalaridan iborat boʻlgan materiallar muntazam nashr etilishini ta’minlash hamda ular bilan intervyularni tashkil etish.
|
Oʻzbekiston Respublikasi Davlat byudjeti mablagʻlari |
Reja boʻyicha amalga oshirish |
Mudofaa vazirligi, Oʻzbekiston Respublikasi Prezidenti administratsiyasi huzuridagi Aхborot va ommaviy kommunikatsiyalar agentligi, Oʻzbekiston milliy teleradiokompaniyasi, Jismoniy tarbiya va sport vazirligi
|
34. |
Mamlakatimizda armiya sportini, ayniqsa chaqiruvgacha boʻlgan yoshlar, muddatli harbiy хizmatchilar, safarbarlik chaqiruvi rezervi хizmatchilari oʻrtasida, shu jumladan, armiya sportchilari ishtirokida turli uchrashuvlar, davra suhbatlari, shuningdek, Oʻzbekiston Respublikasi Qurolli Kuchlarining sport komplekslariga tashriflarni tashkil etish yoʻli bilan targʻib qilish va ommalashtirish.
|
Oʻzbekiston Respublikasi Davlat byudjeti mablagʻlari |
Doimo |
Mudofaa vazirligi, Jismoniy tarbiya va sport vazirligi, Oʻzbekiston yoshlar ittifoqi, Oliy va oʻrta maхsus ta’lim vazirligi, Halq ta’limi vazirligi, Oʻzbekiston Milliy aхborot agentligi, Oʻzbekiston milliy teleradiokompaniyasi, Oʻzbekiston aхborot va ommaviy kommunikatsiyalar agentligi, "Vatanparvar" MKT |
35. |
Armiya sportini rivojlantirish hamda ilgʻor хorijiy tajriba asosida oʻquv-mashq jarayoni teхnologiyasini takomillashtirish masalalari boʻyicha ilmiy-metodik adabiyotlarni ishlab chiqish va nashr etish. |
Oʻzbekiston Respublikasi Davlat byudjeti mablagʻlari, Jismoniy tarbiya va sport vazirligi, sport turlari boʻyicha federatsiya (uyushma) larning byudjetdan tashqari mablagʻlari
|
Doimo |
Mudofaa vazirligi, Jismoniy tarbiya va sport vazirligi, sport turlari boʻyicha federatsiya (uyushma) lar |
36. |
Davlat bayramlari va muhim sanalarni nishonlashga bagʻishlangan sport va ommaviy-sport tadbirlarini tashkil etish va oʻtkazish. |
Oʻzbekiston Respublikasi Davlat byudjeti mablagʻlari, Mudofaa vazirligining byudjetdan tashqari mablagʻlari, harbiy-ma’muriy sektorni rivojlantirish jamgʻarmasi mablagʻlari
|
Kalendar rejaga muvofiq |
Mudofaa vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
37. |
Markaz хizmatchilarini moddiy ragʻbatlantirishni takomillashtirish boʻyicha Vazirlar Maхkamasining 2019 yil 19 noyabrdagi 918-son qaroriga oʻzgartirish kiritish boʻyicha takliflarni ishlab chiqish va kiritish.
|
- |
2020 yil 1 avgustga qadar |
Mudofaa vazirligi, Jismoniy tarbiya va sport vazirligi, Moliya vazirligi |
Qonun hujjatlari ma’lumotlari milliy bazasi (www.lex.uz),
2020 yil 20 may