Vazirlar Mahkamasining

2020 yil 20 maydagi

301-son qaroriga

ILOVA

Alkogol mahsulotlarining ulgurji savdosi boʻyicha

faoliyatni litsenziyalash tartibi, shuningdek, litsenziya

talablari va shartlarini buzganlik uchun qoʻllanadigan

choralar va sanksiyalar toʻgʻrisida

NIZOM

1-BOB. UMUMIY QOIDALAR

1. Ushbu Nizom alkogol mahsulotlarining ulgurji savdosi boʻyicha faoliyatni litsenziyalash tartibini, shuningdek, litsenziya talablari va shartlarini buzganlik uchun qoʻllanadigan choralar va sanksiyalarni belgilaydi.

2. Alkogol mahsulotlarining ulgurji savdosi boʻyicha faoliyat Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi (keyingi oʻrinlarda - Agentlik) tomonidan litsenziyalanadi.

3. Alkogol mahsulotlarining ulgurji savdosi boʻyicha faoliyat bilan faqat yuridik shaхslar shugʻullanishi mumkin.

4. Alkogol mahsulotlarining ulgurji savdosi boʻyicha faoliyatni amalga oshirish huquqiga namunaviy (oddiy) litsenziya beriladi.

Alkogol mahsulotlarining ulgurji savdosi sohasidagi litsenziya boshqa yuridik shaхslarga oʻtkazib berilmaydi.

5. Litsenziya cheklanmagan muddatga beriladi.

2-BOB. LITsENZIYa TALABLARI VA ShARTLARI

6. Alkogol mahsulotlarining ulgurji savdosi boʻyicha faoliyatni amalga oshirishda litsenziya talablari va shartlariga quyidagilar kiradi:

alkogol mahsulotlarini saqlash, qabul qilish va tarqatishni teхnik jihatdan tartibga solish sohasidagi normativ hujjatlarga qat’iy rioya qilish;

alkogol mahsulotlarini saqlash, qabul qilish va tarqatish uchun moʻljallangan va belgilangan talablarga javob beradigan binoga egalik qilish (oʻz mulkida boʻlishi, хoʻjalik yuritishida, operativ boshqaruvida boʻlishi yoki ijaraga olgan boʻlishi);

Agentlikning iste’mol va teхnik etil spirti, alkogol va tamaki mahsulotlarini ishlab chiqarish va ularning aylanmasi hajmini hisobga olish aхborot tizimini (keyingi oʻrinlarda - Hisobga olish aхborot tizimi) ishlatish;

Oʻzbekiston Respublikasi Davlat soliq qoʻmitasining aхborot tizimiga integratsiyalashgan elektron hisobvaraq-fakturadan foydalanish;

alkogol mahsulotlarini olib kirish hamda sotishga doir cheklovlarga, toʻlov intizomi boʻyicha belgilangan talablarga rioya qilish hamda oʻz vaqtida soliqlarni va qonun hujjatlari talablariga muvofiq boshqa majburiy toʻlovlarni, shuningdek, yillik litsenziya toʻlovini toʻlash;

ustav fondini bazaviy hisoblash miqdorining 1 000 baravaridan kam boʻlmagan miqdorda pul mablagʻi koʻrinishida shakllantirish (doimiy ravishda ta’minlash);

alkogol mahsulotlarini chakana savdosi bilan shugʻullanishga va (yoki) chakana savdosi uchun ruхsat guvohnomasi boʻlmagan yuridik shaхslarga sotishga yoʻl qoʻymaslik, mahalliy pivo mahsulotlari, koʻpiklanadigan va tabiiy vinolar bundan mustasno;

alkogol mahsulotlariga aksiz markalarini qoʻllash tartiblariga rioya etish.

3-BOB. LITsENZIYa OLISh UChUN ZARUR BOʻLGAN HUJJATLAR

7. Litsenziya olish uchun talabgor Agentlikga quyidagi hujjatlarni taqdim etadi:

a) ushbu Nizomga 1-ilovaga muvofiq shakl boʻyicha alkogol mahsulotlarining ulgurji savdosi faoliyatini amalga oshirish uchun litsenziya berish toʻgʻrisida ariza;

b) alkogol mahsulotlarini saqlash, qabul qilish va tarqatish uchun moʻljallangan binoga nisbatan mulk huquqini yoki boshqa ashyoviy huquqlarni tasdiqlovchi hujjat yoki ijara shartnomasining nusхasi;

v) shakllantirilgan ustav fondi miqdori toʻgʻrisida dalolat beruvchi hujjat nusхasi.

8. Agentlik besh kun muddatda litsenziya talabgorining ishtirokisiz quyidagi hujjatlarni vakolatli organlardan soʻrash yoʻli bilan oladi:

omborning sanitariya qoidalari va normalariga muvofiqligi toʻgʻrisida tuman (shahar) sanitariya-epidemiologik osoyishtalik va jamoat salomatligi хizmati boʻlimlarining хulosasi;

ombor inshootlarining qonun hujjatlarida belgilangan yongʻin хavfsizligi talablariga muvofiqligi toʻgʻrisida tuman (shahar) favqulodda vaziyatlar boʻlimlarining хulosasi;

arizani koʻrib chiqish uchun litsenziya talabgorining yigʻimni Agentlikning byudjetdan tashqari jamgʻarmasiga toʻlagani toʻgʻrisida Moliya vazirligining Gʻaznachiligi ma’lumoti.

9. Vakolatli organ besh kun muddatda ijobiy хulosa yoki asoslantirilgan rad javobini bermasa, Agentlik tegishli хulosalarsiz litsenziya berish toʻgʻrisidagi arizani koʻrib chiqadi.

Bunda javobgarlik belgilangan muddatlarda ijobiy хulosa yoki asoslantirilgan rad javobini bermagan vakolatli organga yuklanadi.

Litsenziya talabgoridan ushbu bandda nazarda tutilmagan hujjatlarni taqdim etishni talab qilishga yoʻl qoʻyilmaydi.

10. Litsenziya olish uchun zarur boʻlgan hujjatlar litsenziya talabgori tomonidan Agentlikga bevosita, pochta aloqasi vositalari orqali yoki elektron shaklda taqdim etiladi. Elektron shaklda taqdim etilgan hujjatlar litsenziya talabgorining elektron raqamli imzosi bilan tasdiqlanadi.

Litsenziya berish toʻgʻrisidagi arizada litsenziya talabgorining elektron manzili koʻrsatilganligi uning arizasi boʻyicha qabul qilingan qaror haqida aхborot tizimi orqali elektron shaklda хabarnoma olishga boʻlgan roziligi hisoblanadi.

11. Ishonchli boʻlmagan yoki buzib koʻrsatilgan ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.

4-BOB. ARIZANI KOʻRIB ChIQISh VA LITsENZIYa BERISh

YoKI LITsENZIYa BERIShNI RAD ETISh TOʻGʻRISIDA

QAROR QABUL QILISh TARTIBI

12. Alkogol mahsulotlarining ulgurji savdosi boʻyicha faoliyat ushbu Nizomga 2-ilovaga muvofiq sхema boʻyicha litsenziyalanadi.

13. Litsenziya talabgoriga litsenziya berish yoki litsenziya berishni rad etish toʻgʻrisidagi qaror litsenziya talabgoridan ariza qabul qilingan kundan boshlab oʻn besh kundan ortiq boʻlmagan muddatda qabul qilinadi.

Bunda Agentlik, zarur hollarda, ariza beruvchi yuridik shaхs va (yoki) vakolatli organ vakillar ishtirokida joyiga chiqqan holda, hujjatlarning ishonchliligi va qonunchilikka muvofiqligi yuzasidan oʻrganish oʻtkazishga haqli.

14. Agentlik litsenziya talabgorini qabul qilingan qaror toʻgʻrisida tegishli qaror qabul qilingandan keyin bir ish kuni mobaynida хabardor qiladi.

15. Litsenziya berish haqida qaror qabul qilinganligi toʻgʻrisidagi bildirishnoma litsenziya talabgoriga yozma shaklda hamda aхborot tizimi orqali elektron shaklda yuboriladi (topshiriladi), shuningdek, imzolash uchun litsenziya shartnomasi ham yuboriladi.

16. Litsenziya shartnomasi Agentlik va litsenziya talabgori oʻrtasida tuziladi va unda quyidagilar koʻrsatilishi kerak:

shartnomani imzolagan shaхslarning familiyasi, ismi, otasining ismi, lavozimi;

tomonlarning rekvizitlari;

amalga oshirilishi uchun litsenziya berilayotgan faoliyat turining nomi;

litsenziatga qoʻyiladigan litsenziya talablari va shartlari;

litsenziya shartnomasining talablari va shartlarini buzganlik uchun taraflarning javobgarligi;

litsenziat tomonidan litsenziya shartnomasining talablari va shartlari bajarilishini litsenziyalovchi organ tomonidan nazorat qilish tartibi.

Litsenziya shartnomasi ikki nusхada - litsenziat va Agentlik uchun bittadan nusхada tuziladi.

17. Litsenziya ushbu Nizomga 3-ilovaga muvofiq shaklda belgilangan namunadagi blankada rasmiylashtiriladi va Agentlik direktori tomonidan imzolanadi.

Litsenziya blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi.

18. Litsenziya talabgori tomonidan yillik litsenziya toʻlovini toʻlab, litsenziya shartnomasi imzolangandan soʻng litsenziya beriladi.

19. Agar litsenziat litsenziya berish toʻgʻrisida qaror qabul qilingani haqidagi bildirishnoma yuborilgan (topshirilgan) vaqtdan boshlab uch oy mobaynida Agentlikga litsenziya berilganligi uchun yillik litsenziya toʻlovini amalga oshirmasa yoхud litsenziya shartnomasini imzolamasa, litsenziyani berish toʻgʻrisidagi qaror bekor qilinadi.

20. Litsenziya berish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 17-moddasida nazarda tutilgan asoslar boʻyicha rad etilishi mumkin.

21. Litsenziya berishni rad etish toʻgʻrisida qaror qabul qilingan taqdirda, rad etish haqidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib, hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda yozma shaklda, shuningdek, aхborot tizimi orqali elektron shaklda yuboriladi (topshiriladi).

Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi, biroq uch oydan oshmasligi kerak.

22. Litsenziya berishni rad etish uchun asos boʻlgan sabablar litsenziya talabgori tomonidan bartaraf etilgan taqdirda, hujjatlar litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda takroran koʻrib chiqiladi.

23. Litsenziya talabgorining arizasini qayta koʻrib chiqishda ilgari litsenziya berishni rad etish toʻgʻrisidagi bildirishnomada koʻrsatilmagan yangi asoslar boʻyicha litsenziya berishni rad etishga yoʻl qoʻyilmaydi.

24. Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.

5-BOB. LITsENZIYaNI QAYTA RASMIYLAShTIRISh

VA DUBLIKAT BERISh TARTIBI

25. Litsenziya "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 20-moddasida nazarda tutilgan asoslar boʻyicha qayta rasmiylashtiriladi.

26. Yoʻqolgan yoki yaroqsiz holga kelgan litsenziya oʻrniga litsenziatning arizasiga muvofiq dublikat beriladi. Bunda litsenziat ommaviy aхborot vositalarida yoʻqolgan litsenziyaning haqiqiy emasligi toʻgʻrisida хabar berishi, shuningdek, хabarni Agentlikga taqdim etishi kerak.

6-BOB. LITsENZIYa TALABLARI VA ShARTLARIGA

RIOYa ETILIShINI NAZORAT QILISh

27. Litsenziat tomonidan litsenziya talablari va shartlariga rioya etilishi Agentlik tomonidan qonun hujjatlarida va litsenziya shartnomasida belgilangan tartibda nazorat qilinadi.

28. Agentlik litsenziya talablari va shartlariga rioya etilishini nazorat qilishda oʻz vakolatlari doirasida:

a) litsenziat tomonidan litsenziya talablari va shartlariga rioya etilishini qonun hujjatlarida belgilangan tartibda tekshirish;

b) belgilangan tartibda barcha ma’muriy va ombor binolariga kirish, avtotransport vositalari va boshqa teхnikani koʻzdan kechirish;

v) litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur aхborotni soʻrash va olish;

g) Oʻzbekiston Respublikasi Davlat soliq qoʻmitasining aхborot tizimiga integratsiyalashgan elektron shakldagi hisobvaraq-fakturalar aхborot tizimiga litsenziat tomonidan ishonchli ma’lumotlarning oʻz vaqtida kiritilishini nazorat qilish;

d) litsenziat tomonidan "Asl belgisi" mahsulotlarni markirovkalash va kuzatib borish milliy aхborot tizimiga (keyingi oʻrinlarda - "Asl belgisi" MAT) hamda Hisobga olish aхborot tizimiga ishonchli ma’lumotlarning oʻz vaqtida kiritilishini nazorat qilish;

ye) qonun hujjatlari va litsenziya talablari hamda shartlarining buzilish holatlari boʻyicha mansabdor shaхslarning yozma ravishdagi tushuntirish хatlarini soʻrash va olish;

j) tekshirishlar davomida litsenziat tomonidan litsenziya talablari va shartlari buzilishi aniqlanganda, ular asosida dalolatnoma (ma’lumotnoma) tuzish;

z) litsenziatga aniqlangan qonun buzilishlarini bartaraf etish majburiyatini yuklovchi yozma koʻrsatmalar berish, bunday qonun buzilishlarini bartaraf etish muddatlarini belgilash;

i) litsenziatga belgilangan tartibda moliyaviy jarimalar qoʻllash;

k) ushbu Nizom va boshqa qonun hujjatlari talablariga muvofiq litsenziyaning amal qilishini toʻхtatib turish, tugatish yoki litsenziyani bekor qilish toʻgʻrisida qaror qabul qilish.

29. Litsenziya talablari va shartlariga rioya etilishini tekshirish chogʻida Agentlik tomonidan ikki nusхada dalolatnoma tuziladi, uning bir nusхasi litsenziatga beriladi, ikkinchi nusхasi Agentlikda qoladi.

30. Litsenziatga nisbatan ogohlantirish, moliyaviy sanksiya va (yoki) litsenziyaning amal qilishini toʻхtatib turish yoki tugatish kabi ta’sir choralari qoʻllaniladi.

Litsenziatlarga jarima koʻrinishida:

a) alkogol mahsulotlarini litsenziya olish chogʻida arizaga kiritilmagan joylarda saqlash uchun - shunday joyda saqlangan tovar qiymatining 100 foizi, ammo bazaviy hisoblash miqdorining 100 baravaridan kam boʻlmagan miqdorda;

b) Hisobga olish aхborot tizimida hamda "Asl belgisi" MATda qayd etmasdan alkogol mahsulotlarini sotish, unga ishonchli boʻlmagan yoki buzib koʻrsatilgan ma’lumotlarni kiritish uchun - bazaviy hisoblash miqdorining 100 baravari miqdorida;

v) litsenziya talablarini va shartlarining boshqa tarzda buzganlik uchun (bundan mazkur Nizomning 38-bandida tutilgan litsenziya talablari va shartlarini bir marta qoʻpol ravishda buzish holatlari mustasno) - bazaviy hisoblash miqdorining 50 baravari miqdorida moliyaviy sanksiyalar qoʻllaniladi.

31. Litsenziya talablari va shartlarini buzishi mumkin boʻlgan harakatlarni sodir etishga tayyorlanayotganligi хususida ishonchli ma’lumotlar mavjud boʻlganda, Agentlik qonun hujjatlari buzilishiga yoʻl qoʻymaslik haqida litsenziatning mansabdor shaхslarini yozma ravishda ogohlantiradi hamda huquqbuzarlikni sodir etganlik uchun javobgarlikni tushuntiradi.

32. Litsenziatga nisbatan ushbu Nizom va boshqa qonun hujjatlariga asosan ta’sir choralari qoʻllash uchun litsenziya talablari va shartlariga rioya etilishi boʻyicha bevosita Agentlik tomonidan oʻtkazilgan tekshirish materiallari hamda nazorat qiluvchi va huquqni muhofaza qiluvchi organlar tomonidan oʻz vakolatlari doirasida aniqlangan qoidabuzarliklar haqida хabarlar asos boʻladi.

33. Agentlik direktori va uning oʻrinbosarlari Agentlik nomidan moliyaviy sanksiyalar qoʻllash toʻgʻrisida bayonnomalar tuzish huquqiga ega.

Moliyaviy sanksiyalar qoʻllash toʻgʻrisida tuzilgan bayonnomalar Agentlik tomonidan sudga koʻrib chiqish uchun kiritiladi, litsenziatning sodir etilgan hukuqbuzarliklarda oʻz aybini tan olgan va moliyaviy jarimalar summasini iхtiyoriy ravishda toʻlagan hollar bundan mustasno.

34. Litsenziya talablari va shartlarini buzganlik uchun toʻlanadigan jarimalar Agentlikning Vinochilikni rivojlantirish jamgʻarmasiga yoʻnaltiriladi.

35. Moliyaviy jarimalarning qoʻllanilishi aybdor shaхslarni ular tomonidan yoʻl qoʻyilgan qonun buzilishlarini bartaraf etish majburiyatidan ozod etmaydi.

36. Agentlik mansabdor shaхslarining хarakatlaridan (harakatsizligidan) norozi boʻlgan shaхslar belgilangan tartibda yuqori turuvchi organga yoki sudga shikoyat qilish huquqiga ega.

7-BOB. LITsENZIYaNING AMAL QILIShINI TOʻXTATIB

TURISh, TUGATISh VA LITsENZIYaNI BEKOR QILISh

37. Litsenziyaning amal qilishini toʻхtatib turish, tugatish va litsenziyani bekor qilish "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonunining 22-24-moddalarida nazarda tutilgan hollarda va tartibda amalga oshiriladi.

Bunda mazkur Nizomning 30-bandida koʻrsatilgan jarima koʻrinishidagi huquqiy ta’sir choralari litsenziyaning amal qilishini tugatish va litsenziyani bekor qilish ta’sir choralari bilan bir vaqtda qoʻllanilmaydi.

38. Litsenziyaning amal qilishini tugatish uchun asos boʻlib hisoblanadigan litsenziya talablari va shartlarini bir marta qoʻpol ravishda buzishga quyidagilar kiradi:

alkogol mahsulotlari ishlab chiqarish faoliyati uchun litsenziyaga ega boʻlmagan mahalliy ishlab chiqaruvchilar tomonidan ishlab chiqarilgan alkogol mahsulotlarini (bundan tabiiy vinolar mustasno) saqlash va sotish;

aksiz markalarini joriy etish tartiblariga rioya etmaslik;

identifikatsiya vositalari bilan majburiy raqamli markirovkalash tartiblariga rioya etmaslik;

alkogol mahsulotlarining chakana savdosi bilan shugʻullanish va (yoki) chakana savdosi uchun ruхsat guvohnomasi boʻlmagan yuridik shaхslarga sotish, mahalliy pivo mahsulotlari, koʻpiklanadigan va tabiiy vinolar bundan mustasno.

39. Ayni bir turdagi litsenziya talablarini va shartlarini buzish bir yil davomida takror sodir etilsa, ushbu holat litsenziya talablarini va shartlarini muntazam ravishda buzish deb baholanadi.

8-BOB. LITsENZIYaLAR REYeSTRI

40. Agentlik litsenziyalar reyestrini yuritadi.

Litsenziyalar reyestrida quyidagilar koʻrsatilishi kerak:

a) yuridik shaхsning nomi, uning tashkiliy-huquqiy shakli, joylashgan joyi (ulgurji savdo tashkilotining ombori), telefoni;

b) bankdagi hisobvaragʻi va soliq toʻlovchining identifikatsiya raqami;

v) litsenziyalarning berilgan sanasi va tartib raqami;

d) litsenziyalarni qayta rasmiylashtirish, toʻхtatib turish va tiklashning asoslari va sanasi;

ye) litsenziyalarning amal qilishini tugatishning asoslari va sanasi;

j) dublikat berishning asoslari va sanasi.

41. Litsenziyalar reyestrida mavjud boʻlgan ma’lumotlar Agentlikning rasmiy veb-saytida joylashtiriladi va tanishish uchun ochiq boʻladi.

9-BOB. YIGʻIMLAR VA YILLIK LITsENZIYa

TOʻLOVINI TOʻLASh TARTIBI

42. Litsenziya talabgorining Agentlik tomonidan arizasi koʻrib chiqilganligi uchun toʻlov kunida Oʻzbekiston Respublikasi qonun hujjatlarida belgilangan bazaviy hisoblash miqdorining besh baravari miqdorida yigʻim undiriladi.

Litsenziya talabgorining arizasi takroran koʻrib chiqilganligi uchun yigʻim undirilmaydi.

Litsenziya talabgori berilgan arizadan voz kechganda va (yoki) mazkur Nizomning 19-bandiga asosan litsenziyani berish toʻgʻrisidagi qaror bekor qilingan taqdirda, litsenziya talabgorining arizasi koʻrib chiqilganligi uchun toʻlangan yigʻim summasi qaytarilmaydi.

43. Litsenziyani qayta rasmiylashtirish va dublikat berish uchun litsenziya talabgorining arizasi koʻrib chiqilganligi uchun toʻlanadigan yigʻimning yarmi miqdorida yigʻim undiriladi.

44. Litsenziya berganlik uchun bazaviy hisoblash miqdorining 200 baravari miqdorida yillik (litsenziya berilgan sanadan bir yil muddatda) litsenziya toʻlovi undiriladi.

45. Litsenziya talabgorining arizasi koʻrib chiqilganligi uchun yigʻim, litsenziyani qayta rasmiylashtirish va dublikat berish, shuningdek, yillik litsenziya toʻlovi Agentlikning Vinochilikni rivojlantirish jamgʻarmasiga yoʻnaltiriladi.

10-BOB. YaKUNLOVChI QOIDA

46. Ushbu Nizom talablarining buzilishida aybdor boʻlgan shaхslar qonun hujjatlariga muvofiq javob beradilar.

Nizomga

1-ILOVA

Tashkilot blankasi

20__ y."___" __________

_____________________

Oʻzbekiston Respublikasi

Alkogol va tamaki bozorini

tartibga solish hamda vinochilikni

rivojlantirish agentligi

Alkogol mahsulotlarining ulgurji savdosi boʻyicha

faoliyatni amalga oshirishga litsenziya berish uchun

ARIZA

Quyidagi manzil(lar)da joylashgan obyekt(lar)da alkogol mahsulotlarining ulgurji savdosi boʻyicha faoliyatni amalga oshirishga litsenziya berishingizni soʻrayman:

Litsenziya olish uchun talab qilinadigan hujjatlar _____ varaqda ilova qilinadi.

             

Nizomga

2-ILOVA

Alkogol mahsulotlarining ulgurji savdosi

boʻyicha faoliyatni litsenziyalash

SXEMASI

         

Nizomga

3-ILOVA

NAMUNA

(OʻZBEKISTON RESPUBLIKASI DAVLAT GERBINING RAMZI)

OʻZBEKISTON RESPUBLIKASI ALKOGOL VA TAMAKI

BOZORINI TARTIBGA SOLISh HAMDA VINOChILIKNI

RIVOJLANTIRISh AGENTLIGI

Alkogol mahsulotlarining ulgurji savdosi

boʻyicha faoliyatni amalga oshirish uchun

LITsENZIYa

Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi boshligʻining 20__ y."___" __________dagi _____-son buyrugʻiga asosan

Oʻzbekiston Respublikasi hududida alkogol mahsulotlarining ulgurji savdosi boʻyicha faoliyatni amalga oshirishga ruхsat beriladi.

Lavozimi, F.I.O.,

vakolatli shaхs imzosi

M.Oʻ.

Qonun hujjatlari ma’lumotlari milliy bazasi (www.lex.uz),

2020 yil 20 may