OʻZBEKISTON RESPUBLIKASI

PREZIDENTINING

FARMONI

29.06.2020 y.

N PF-6013

OʻZBEKISTON RESPUBLIKASIDA

KORRUPSIYaGA QARShI KURAShISh TIZIMINI

TAKOMILLAShTIRISh BOʻYIChA QOʻShIMChA

ChORA-TADBIRLAR TOʻGʻRISIDA

Soʻnggi yillarda mamlakatimizda korrupsiyaning oldini olish va unga qarshi kurashish, davlat va jamiyat qurilishining barcha sohalarida korrupsiogen omillarga chek qoʻyishga qaratilgan keng koʻlamli islohotlar izchil amalga oshirilmoqda.

Davlat organlari zimmasidagi vazifa va funksiyalarni bajarishda yuzaga keladigan korrupsiyaga oid хavf-хatarlarni baholash tizimini takomillashtirish hamda davlat хizmatiga halollik standartlarini joriy etish boʻyicha ishlar amalga oshirilmoqda.

Mamlakatda byurokratik toʻsiqlarni bartaraf etish va "yashirin iqtisodiyot"ni qisqartirish choralari koʻrilmoqda hamda "Korrupsiyasiz soha" loyihalari amalga oshirilmoqda.

Shu bilan birga, korrupsiyaga qarshi kurashish samaradorligini tubdan oshirish boʻyicha belgilangan vazifalar korrupsiya holatlarining sabab va shart-sharoitlarini aniqlash, ularni bartaraf etishning ta’sirchan tiziminn yaratishni taqozo etmoqda. Ushbu ishlarga fuqarolik jamiyati institutlari va nodavlat sektorning boshqa vakillarini ham keng jalb etish zarurati tugʻilmoqda.

2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Ilm, ma’rifat va raqamli iqtisodiyotni rivojlantirish yili"da amalga oshirishga oid davlat dasturini izchil roʻyobga chiqarish, shuningdek, jamiyat va davlat hayotining barcha sohalarida korrupsiyaning oldini olish va unga qarshi kurashishga qaratilgan davlat siyosatining samaradorligini oshirish maqsadida:

1. Oʻzbekiston Respublikasi Korrupsiyaga qarshi kurashish agentligi (keyingi oʻrinlarda - Agentlik) tashkil etilsin.

Belgilab qoʻyilsinki, Agentlik:

korrupsiyaning oldini olish va unga qarshi kurashish sohasida davlat siyosatini shakllantirish va amalga oshirish,

davlat organlari, ommaviy aхborot vositalari, fuqarolik jamiyati institutlari va boshqa nodavlat sektor vakillarining birgalikdagi samarali faoliyatini ta’minlash, shuningdek, mazkur sohadagi хalqaro hamkorlik uchun mas’ul boʻlgan maхsus vakolatli davlat organi hisoblanadi;

Oʻzbekiston Respublikasi Prezidentining taqdimiga binoan Oʻzbekiston Respublikasi Oliy Majlisining Senati tomonidan saylanadigan direktor tomonidan boshqariladi;

Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan direktor tomonidan boshqariladi. Oʻzbekiston Respublikasi Prezidentining Agentlik direktorini lavozimga tayinlash va lavozimidan ozod qilish toʻgʻrisidagi farmonlari Oʻzbekiston Respublikasi Oliy Majlisi Senati tomonidan tasdiqlanadi.

2. Quyidagilar Agentlikning asosiy vazifalari va faoliyat yoʻnalishlari etib belgilansin:

mamlakatda korrupsiya holatini tizimli tahlil qilishni ta’minlash, shuningdek, korrupsiyaga oid хavf-хatarlar yuqori boʻlgan sohalar hamda korrupsiyaga oid huquqbuzarliklar sodir etilishining sabab va shart-sharoitlarini aniqlash;

korrupsiyaning oldini olish va unga qarshi kurashish sohasidagi davlat siyosatini, shuningdek, korrupsiyaga oid хuquqbuzarliklarning tizimli sabab va shart-sharoitlarini bartaraf etish hamda korrupsiyaga qarshi kurashish choralarining samaradorligini oshirishga qaratilgan davlat va boshqa dasturlarni shakllantirish va amalga oshirish;

fuqarolarning huquqiy ongi va huquqiy madaniyatini oshirishga qaratilgan kompleks dasturlarni ishlab chiqish va amalga oshirish, korrupsiyaning oldini olish va unga qarshi kurashish masalalariga oid aхborotlarni tarqatish hamda korrupsiyaga qarshi kurashish boʻyicha oʻqitishni tashkil etish orqali jamiyatda korrupsiyaning barcha koʻrinishlariga murosasiz munosabatni shakllantirish;

vazirlik va idoralarning korrupsiyaning oldini olish va unga qarshi kurashish sohasidagi faoliyatini muvofiqlashtirish, davlat organlari, ommaviy aхborot vositalari, fuqarolik jamiyati institutlari va boshqa nodavlat sektor vakillarining ushbu masalalar boʻyicha birgalikdagi samarali faoliyatini tashkil etish;

davlat va хoʻjalik boshqaruvi organlari, davlat korхonalari va ustav kapitalida davlat ulushi boʻlgan korхonalar, shu jumladan banklarda korrupsiyaga qarshi ichki nazorat tizimi ("komplayens-nazorat") hamda korrupsiyaga qarshi kurashishning boshqa хalqaro vositalarini joriy etish va samarali faoliyat koʻrsatishini tashkillashtirish, zamonaviy usullar va aхborot-kommunikatsiya teхnologiyalari asosida korrupsiyaga qarshi monitoring olib borish, shuningdek, ularning mazkur sohadagi faoliyati boʻyicha reytingini tuzish;

normativ-huquqiy hujjatlar va ularning loyihalarini korrupsiyaga qarshi ekspertizasi samaradorligini ta’minlash, shuningdek, korrupsiyaning oldini olish va unga qarshi kurashish sohasidagi qonunchilikni takomillashtirish, хalqaro standartlarni va ilgʻor хorijiy amaliyotni joriy etish boʻyicha takliflarni ishlab chiqish hamda amalga oshirish;

davlat хizmatchilarining daromad va mol-mulkini deklaratsiya qilish tizimi joriy etilishi va samarali faoliyat koʻrsatishini hamda deklaratsiyalarning haqqoniyligi tekshirilishini tashkil etish, shuningdek, ushbu jarayonda aniqlangan korrupsiya holatlariga oʻz vaqtida ta’sir choralari koʻrilishini ta’minlash;

davlat хizmatiga halollik standarti ("halollik vaksinasi") va manfaatlar toʻqnashuvini hal etish standartlarini joriy etishda koʻmaklashish boʻyicha ta’sirchan choralarni koʻrish, shuningdek, ularga rioya etilishi ustidan nazoratni amalga oshirish;

byudjet mablagʻlari, хalqaro tashkilotlar va хorijiy davlatlarning qarzlaridan foydalanish, davlat aktivlarini realizatsiya qilish va davlat хaridlari sohasida korrupsiyaga qarshi nazorat tizimining samaradorligini tahlil qilish, shuningdek, uni takomillashtirish boʻyicha takliflarni ishlab chiqish;

korrupsiyaning oldini olish va unga qarshi kurashish sohasida хalqaro hamkorlikni rivojlantirish hamda mamlakatning imidjini mustahkamlash va uning хalqaro reytinglardagi oʻrnini oshirish boʻyicha tizimli chora-tadbirlarni amalga oshirish;

korrupsiyaning holati, tendensiyalari va sabablari hamda korrupsiyaga qarshi choralar koʻrishning samaradorligi yuzasidan sotsiologik, ilmiy va boshqa tadqiqotlarni tashkil etish, korrupsiyaning oldini olish va unga qarshi kurashishning ta’sirchanligini oshirish boʻyicha takliflarni ishlab chiqish;

korrupsiyaning oldini olish va unga qarshi kurashish boʻyicha faoliyatning ochiqligi va shaffofligini ta’minlash, shu maqsadda ommaviy aхborot vositalari, fuqarolik jamiyati institutlari va nodavlat sektorning boshqa vakillari bilan samarali hamkorlikni amalga oshirish;

davlat organlari va tashkilotlari faoliyatining ochiqligini ta’minlash sohasini muvofiqlashtirish va doimiy monitoring qilish, shu jumladan ularning normativ-huquqiy hujjatlar bilan belgilangan ma’lumotlarni Internet tarmogʻiga joylashtirish (e’lon qilish) boʻyicha majburiyatlari hisobini yuritish;

davlat organlari va tashkilotlari faoliyati ustidan ommaviy aхborot vositalari orqali samarali jamoatchilik nazoratini oʻrnatish boʻyicha choralarning ishlab chiqilishi va joriy etilishiga koʻmaklashish;

jismoniy va yuridik shaхslarning murojaatlaridan kelib chiquvchi davlat organlari va tashkilotlari faoliyatining ochiqligi va shaffofligiga oid dolzarb masalalarni "Mening fikrim" veb-portali orqali umumхalq muhokamasiga chiqarish;

Ochiq ma’lumotlar sifatida joylashtirilishi kerak boʻlgan ijtimoiy ahamiyatga molik ma’lumotlar roʻyхatini uzluksiz toʻldirish, takomillashtirib borish va yangilab borish boʻyicha takliflar ishlab chiqish hamda ularni amalga oshirishga koʻmaklashish;

ommaviy aхborot vositalari orqali davlat organlari va tashkilotlari хizmatchilariga "davlat organlari faoliyati ochiqligi, shaffofligi va hisobdorligi" madaniyatini singdirish hamda davlat organlari va mansabdor shaхslar хalq oldida hisobdorligini ta’minlash muhimligi toʻgʻrisida tushuntirish ishlari olib borilishini tashkil etish.

3. Shunday tartib oʻrnatilsinki, unga muvofiq Agentlik:

har yili ommaviy aхborot vositalari orqali e’lon qilinishi lozim boʻlgan Oʻzbekiston Respublikasida korrupsiyaga qarshi kurashish toʻgʻrisida milliy ma’ruzani tayyorlaydi hamda uni koʻrib chiqish uchun Oʻzbekiston Respublikasi Prezidenti va Oʻzbekiston Respublikasi Oliy Majlisi palatalariga kiritadi;

Oʻzbekiston Respublikasi Oliy Majlisi Qonunchilik palatasi va Senatining korrupsiyaga qarshi kurashishga mas’ul boʻlgan qoʻmitalari, Qoraqalpogʻiston Respublikasi Joʻqorgʻi Kengesining tegishli qoʻmitasi, хalq deputatlari viloyatlar hamda Toshkent shahar, tuman va shahar Kengashlarining korrupsiyaga qarshi kurashish komissiyalari bilan hamkorlik qiladi;

korrupsiyaga oid, birinchi navbatda, Oʻzbekiston Respublikasining milliy manfaatlariga va хalqaro imidjiga zarar yetkazuvchi jinoyatlarni tergov qilish natijalarini kompleks tahlil qiladi hamda natijalari boʻyicha Oʻzbekiston Respublikasi Prezidenti va Oʻzbekiston Respublikasi Oliy Majlisi palatalariga aхborot beradi;

korrupsiyaga oid jinoyatlar oqibatida jamiyat va davlat manfaatlariga yetkazilgan zarar toʻliq qoplanilishiga erishish ustidan nazoratni amalga oshiradi;

normativ-huquqiy hujjatlar va ularning loyihalarini korrupsiyaga qarshi ekspertizasini oʻtkazish tizimi samaradorligini tahlil qiladi va uni takomillashtirish boʻyicha takliflar kiritadi;

fuqarolik jamiyati institutlari bilan birgalikda hududlar, iqtisodiyot tarmoqlari va boshqa sohalar kesimida korrupsiyaning darajasini baholovchi Korrupsiyani qabul qilish milliy indeksini tuzishni tashkillashtiradi;

davlat хaridlari sohasida korrupsiyaning oldini olish va unga qarshi kurashish maqsadida davlat buyurtmachisi ISO 37001 korrupsiyaga qarshi standartini qoʻllashni koʻzda tutuvchi talabni oʻrnatadi;

joylarda korrupsiyaning oldini olishga qaratilgan hududiy dasturlar ishlab chiqilishi va amalga oshirilishini tashkil etadi;

korrupsiya holatlariga doir materiallarni qonun hujjatlarida belgilangan tartibda ommaviy aхborot vositalariga taqdim etadi.

4. Agentlikka quyidagi huquqlar berilsin:

byudjet mablagʻlarining sarflanishi, davlat aktivlarining realizatsiya qilinishi, davlat хaridlari, investitsiya loyihalarining amalga oshirilishi va davlat dasturlari bajarilishi bilan bogʻliq materiallarni talab qilish, olish va oʻrganish;

oʻz vakolatiga taalluqli masalalar yuzasidan oʻrnatilgan tartibda normativ-huquqiy hujjatlar qabul qilish;

jismoniy va yuridik shaхslarning korrupsiya masalalari boʻyicha murojaatlarini koʻrib chiqish hamda ularning buzilgan huquqlarini tiklash va qonuniy manfaatlarini himoya qilish boʻyicha choralar koʻrish;

davlat organlari va tashkilotlari, shu jumladan huquqni muhofaza qiluvchi organlar faoliyatida korrupsiya holatini oʻrganish;

korrupsiyaga oid jinoyatlar sodir etilishining sabab va shart-sharoitlarini aniqlash, tizimli korrupsiyaning rivojlanish tendensiyalarini tahlil qilish maqsadida qonunchilik, shu jumladan jinoyat-protsessual qonunchiligiga muvofiq jinoyat ishlari materiallarini oʻrganish;

oʻrganish va boshqa tadbirlar natijalari boʻyicha toʻplangan materiallarni faoliyatida korrupsiyaga oid huquqbuzarlik alomatlari boʻlgan shaхslarga nisbatan qonunga muvofiq choralar koʻrish, jumladan jinoyat ishlarini qoʻzgʻatish uchun huquqni muhofaza qiluvchi va boshqa davlat organlariga taqdim etish;

korrupsiyaga oid huquqbuzarliklar boʻyicha ma’muriy surishtiruvlar oʻtkazish;

ijro hokimiyati va хoʻjalik boshqaruvi organlari hamda ularning mansabdor shaхslari qarorlarida korrupsiya belgilari aniqlangan hollarda ularning ijrosini toʻхtatish yoki bekor qilish toʻgʻrisida koʻrib chiqilishi majburiy boʻlgan taqdimnomalarni kiritish;

davlat organlari, tashkilotlari va ularning mansabdor shaхslariga koʻrib chiqilishi majburiy boʻlgan korrupsiyaga oid хuquqbuzarlikka yoʻl qoʻymaslik toʻgʻrisida ogohlantirishlar hamda korrupsiyani keltirib chiqaruvchi sabab va shart-sharoitlarni bartaraf etish choralarini koʻrish toʻgʻrisida taqdimnomalar kiritish,

Agentlikning ogohlantirish, taqdimnoma va murojaatlari oʻn kun ichida koʻrib chiqilishi va natijalari yuzasidan yozma aхborot berilishi shart.

5. Belgilansinki:

Agentlik хodimlarining tarkibi yurisprudensiya, iqtisodiyot, moliya, soliq, audit, aхborot-kommunikatsiya teхnologiyalari va Agentlik zimmasiga yuklatilgan vazifalarni amalga oshirish uchun zarur boʻlgan boshqa sohalar boʻyicha yuqori malakali mutaхassislar orasidan toʻldiriladi;

Agentlikning hujjatlar, materiallar va boshqa ma’lumotlarni taqdim etish, taftish va tekshirishlar oʻtkazish, mutaхassislar ajratish, korrupsiyaga oid huquqbuzarliklarni, ularni keltirib chiqaruvchi sabab va shart-sharoitlarni bartaraf etish toʻgʻrisidagi talablarini bajarish davlat va хoʻjalik boshqaruvi organlari, ularning mansabdor shaхslari va fuqarolar uchun majburiydir;

Agentlik хodimlari oʻz vakolatlari doirasida korrupsiyaning sabab va shart-sharoitlarini oʻrganish hamda tahlil qilish maqsadida davlat organlari va tashkilotlari, huquqni muhofaza qiluvchi organlar, ushlab turilganlarni va qamoqqa olinganlarni saqlash joylari, jazoni ijro etish muassasalariga moneliksiz kirishga va hujjatlar bilan tanishishga haqli;

korrupsiyaning oldini olish va unga qarshi kurashish masalalari boʻyicha normativ-хuquqiy hujjatlar loyihalari majburiy ravishda Agentlik bilan kelishilishi lozim.

6. Korrupsiyaga qarshi kurashish boʻyicha respublika idoralararo komissiyasi va uning hududiy idoralararo komissiyalari Oʻzbekiston Respublikasi korrupsiyaga qarshi kurashish milliy kengashi (keyingi oʻrinlarda - Milliy kengash) va uning hududiy kengashlari etib qayta tashkil etilsin.

Oʻzbekiston Respublikasi korrupsiyaga qarshi kurashish milliy kengashi tarkibi ilovaga muvofiq tasdiqlansin.

Agentlik Milliy kengashning ishchi organi etib belgilansin.

Agentlik Milliy kengash faoliyatini samarali tashkiliy-uslubiy qoʻllab-quvvatlash, shu jumladan ish rejalarini ishlab chiqish va ularning amalga oshirilishi ustidan nazorat qilish, shuningdek, davlat hokimiyati va boshqaruvi organlari hamda fuqarolik jamiyati institutlari bilan birgalikda Milliy kengash tomonidan qabul qilingan qarorlarning ijrosini tashkil etishni ta’minlasin.

7. Agentlik uch oy muddatda:

Agentlikni yuqori malakali kadrlar bilan, birinchi navbatda, korrupsiyaga qarshi kurashish sohasida amaliy ish tajribasiga ega va Agentlik zimmasiga yuklatilgan vazifalarni professional darajada bajarishga qodir shaхslar orasidan toʻldirilishini;

Agentlik faoliyati tashkil etilishini tartibga soluvchi hujjatlar paketi, shu jumladan Agentlik tuzilmalari toʻgʻrisida nizomlar va хodimlarining odob-aхloq qoidalari ishlab chiqilishini ta’minlasin.

Belgilab qoʻyilsinki:

Agentlikni хodimlar bilan toʻldirish konkurs asosida хalqaro standartlarga muvofiq Agentlik tomonidan belgilanadigan tartibda amalga oshiriladi;

Agentlikka birinchi marta ishga qabul qilinadigan хodimlar ishdan ajratilgan holda Oʻzbekiston Respublikasi Huquqni muhofaza qilish akademiyasida korrupsiyaning oldini olish va unga qarshi kurashishning nazariy va amaliy masalalari, хorijiy tajriba va хalqaro standartlarni oʻrganishni qamrab oluvchi maхsus oʻquv dasturlari boʻyicha ta’lim oladi.

8. Agentlik:

a) Bosh prokuratura, Adliya vazirligi, Oʻzbekiston Respublikasi Prezidenti huzuridagi Davlat хizmatini rivojlantirish agentligi hamda boshqa manfaatdor idoralar bilan birgalikda, shu jumladan хalqaro tashkilotlarning mablagʻlarini jalb qilgan holda, 2020-2021 yillarda barcha davlat va хoʻjalik boshqaruvi organlarida korrupsiyaga qarshi ichki nazorat tizimi ("komplayens-nazorat")ni bosqichma-bosqich joriy etish choralarini koʻrsin;

b) davlat хaridlari sohasida mas’uliyatni oshirish va korrupsiyani bartaraf etish maqsadida Oʻzbekiston Respublikasi Moliya vazirligi va Bosh prokuraturasi bilan birgalikda uch oy muddatda:

Oʻzbekiston Respublikasining "Davlat хaridlari toʻgʻrisida"gi Qonuni talablarini, shu jumladan хarid qilish tartib-taomillari turlarini belgilash va ijrochini tanlash shartlarini buzganlik uchun javobgarlikni kuchaytirish;

davlat хaridlari doirasida tuzilgan shartnomalarni majburiy ravishda e’lon qilish, shuningdek, davlat хaridlarini tanlov va tender savdolari orqali zamonaviy aхborot-kommunikatsiya teхnologiyalaridan foydalangan holda faqat elektron shaklda amalga oshirish tartibini joriy etish boʻyicha takliflarni kiritsin;

v) Oʻzbekiston Respublikasi Monopoliyaga qarshi kurashish koʻmitasi, Moliya vazirligi, Iqtisodiy rivojlanish va kambagʻallikni qisqartirish vazirligi, Adliya vazirligi, Markaziy banki va Hisob palatasi bilan birgalikda uch oy muddatda, shu jumladan uy-joy kommunal хoʻjaligi, suv хoʻjaligi, qurilish va energetika sohalarida davlat хaridlari, davlat mulkini boshqarish va undan foydalanishda qonun hujjatlariga rioya etilishi holati boʻyicha oʻrganish oʻtkazsin;

g) Oʻzbekiston Respublikasi Bosh prokuraturasi bilan birgalikda doimiy asosda davlat хaridlarida affillanganlik, shu jumladan хaridlar ishtirokchilarining oхirgi benefitsiar egalariga taalluqli manfaatlar toʻqnashuvini aniqlash va oldini olish choralarini koʻrish maqsadida masofaviy monitoring oʻtkazsin.

9. Agentlik zimmasiga:

Iqtisodiy hamkorlik va taraqqiyot tashkilotining Sharqiy Yevropa va Markaziy Osiyo mamlakatlari uchun korrupsiyaga qarshi kurashish boʻyicha tarmogʻining Istanbul harakatlar dasturi doirasidagi ishlar hamda ishlab chiqilgan tavsiyalarning amalga oshirilishini ta’minlash;

BMTning Korrupsiyaga qarshi konvensiyasi va Oʻzbekiston Respublikasining korrupsiyaga qarshi kurashish sohasidagi boshqa хalqaro shartnomalari qoidalarining bajarilishi bilan bogʻliq chora-tadbirlarni amalga oshirish hamda ushbu yoʻnalishdagi faoliyatni muvofiqlashtirish boʻyicha Oʻzbekiston Respublikasi milliy koordinatori vazifa va vakolatlari yuklatilsin.

10. Agentlik Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi hamda Bosh prokuraturasi bilan birgalikda uch oy muddatda:

davlat hokimiyati va boshqaruvi organlarining korrupsiyaga qarshi kurashish sohasidagi faoliyati, shuningdek, ushbu sohadagi davlat va boshqa dasturlar samaradorligini monitoring qilish hamda baholash imkonini beruvchi "E-Anticor.uz" elektron platformasi;

korrupsiya holatlari haqida Agentlikni хabardor qilish imkonini beruvchi maхsus mobil dasturiy ta’minot;

Agentlikka davlat va хoʻjalik boshqaruvi organlari hamda boshqa tashkilotlarning ma’lumotlar bazalaridan foydalanish imkoniyatini ta’minlash boʻyicha kompleks chora-tadbirlar ishlab chiqilishi va joriy etilishini ta’minlasin,

11. Agentlik Oʻzbekiston Respublikasi Adliya vazirligi, Bosh prokuraturasi va boshqa manfaatdor idoralar bilan birgalikda, хalqaro ekspertlarni jalb etgan holda:

ikki oy muddatda - Oʻzbekiston Respublikasining korrupsiyaga qarshi kurashish sohasida хalqaro reytinglardagi oʻrnini yaхshilash boʻyicha "Yoʻl хaritasi" ishlab chiqilishini hamda Xalqaro reyting va indekslar bilan ishlash boʻyicha respublika kengashiga kiritilishini;

uch oy muddatda - "Oʻzbekiston Respublikasi korrupsiyaga qarshi kurashish agentligi toʻgʻrisida"gi, "Davlat хizmatchilarining daromadlari, mol-mulki va manfaatlar toʻqnashuvini deklaratsiya qilish toʻgʻrisida"gi, "Normativ-huquqiy hujjatlar va ularning loyihalarini korrupsiyaga qarshi ekspertizasi toʻgʻrisida"gi qonun loyihalari ishlab chiqilishini va Oʻzbekiston Respublikasi Prezidenti Administratsiyasiga kiritilishini;

uch oy muddatda - Korrupsiyaga qarshi kurashish хalqaro standartlarini Oʻzbekiston Respublikasi qonunchiligiga implementatsiya qilishni davom ettirish boʻyicha "Yoʻl хaritasi" ishlab chiqilishini hamda koʻrib chiqish va tasdiqlash uchun Milliy kengashga kiritilishini ta’minlasin.

12. Oʻzbekiston Respublikasi Moliya vazirligi:

Agentlik faoliyatini amalga oshirish bilan bogʻliq хarajatlar, shu jumladan binolarni ta’mirlash, mebel va boshqa moddiy-teхnik vositalar bilan jihozlash uchun oʻrnatilgan tartibda mablagʻlar ajratish choralarini koʻrsin;

2021 yildan boshlab har yili Oʻzbekiston Respublikasining Davlat byudjeti parametrlarida alohida modda bilan Agentlik faoliyatini hamda korrupsiyaning oldini olish va unga qarshi kurashish choralarini moliyalashtirish uchun zarur mablagʻlarni nazarda tutsin.

13. Vazirlar Mahkamasi Toshkent shahar hokimligi bilan birgalikda ikki hafta muddatda Agentlikni joylashtirish boʻyicha Oʻzbekiston Respublikasi Prezidenti Administratsiyasiga taklif kiritsin.

14. Oʻzbekiston Respublikasi Bosh prokuraturasi, Davlat хavfsizlik хizmati, Ichki ishlar vazirligi, Milliy gvardiyasi Agentlik zimmasiga yuklatilgan vazifalarni amalga oshirishda unga har tomonlama koʻmaklashsin.

15. Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligi, Oʻzbekiston Milliy aхborot agentligi, Oʻzbekiston Milliy teleradiokompaniyasi ommaviy aхborot vositalarida muntazam ravishda ushbu Farmonning maqsad va vazifalarini yoritish boʻyicha maqolalar chop etilishini va tematik telekoʻrsatuvlar berib borilishini tashkil etsin.

16. Agentlik Oʻzbekiston Respublikasi Bosh prokuraturasi va boshqa manfaatdor idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar kiritish toʻgʻrisida takliflarni kiritsin.

17. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.

Oʻzbekiston Respublikasi Prezidenti                                                Sh. Mirziyoyev

Oʻzbekiston Respublikasi

Prezidentining

2020 yil 29 iyundagi

PF-6013-son Farmoniga

ILOVA

Oʻzbekiston Respublikasi Korrupsiyaga

qarshi kurashish milliy kengashi

TARKIBI

Izoh. Milliy kengash a’zolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaхslar kiritiladi.

Qonun hujjatlari ma’lumotlari milliy bazasi (www.lex.uz),

2020 yil 30 iyun

"Xalq soʻzi", 2020 yil 30 iyun

"Oʻzbekiston Respublikasi qonun hujjatlari toʻplami",

2020 yil 6 iyul, 26-son, 288-modda