OʻZBEKISTON RESPUBLIKASI

VAZIRLAR MAHKAMASINING

QARORI

04.07.2020 y.

N 421

KEMA HAYDOVChILARINI TAYYoRLASh,

QAYTA TAYYoRLASh VA ULARNING MALAKASINI

OShIRISh ChORA-TADBIRLARI TOʻGʻRISIDA

Oʻzbekiston Respublikasi Prezidentining "Transport sohasida davlat boshqaruvi tizimini tubdan takomillashtirish chora-tadbirlari toʻgʻrisida" 2019 yil 1 fevraldagi PF-5647-son Farmoniga va "Favqulodda vaziyatlar tuzilmalarining faoliyatini yanada takomillashtirish boʻyicha tashkiliy chora-tadbirlar toʻgʻrisida" 2019 yil 10 apreldagi PQ-4276-son qaroriga muvofiq kema haydovchilarini tayyorlash, qayta tayyorlash va ularning malakasini oshirish hamda kema haydovchisi guvohnomalarini berish tartibini joriy etish maqsadida Vazirlar Mahkamasi QAROR QILADI:

1. Kema haydovchilarini tayyorlash, qayta tayyorlash va ularning malakasini oshirish hamda kema haydovchisi guvohnomalarini berish tartibi toʻgʻrisida nizom ilovaga muvofiq tasdiqlansin.

2. Belgilansinki:

a) kema haydovchilarini tayyorlash, qayta tayyorlash va ularning malakasini oshirish hamda kema haydovchisi guvohnomalarini berish quyidagilar tomonidan amalga oshiriladi:

Oʻzbekiston Respublikasi Transport vazirligi - I, II va III guruhlarga kiruvchi kemalar boʻyicha;

Oʻzbekiston Respublikasi Favqulodda vaziyatlar vazirligi - kichik hajmli kemalar boʻyicha;

Oʻzbekiston Respublikasi Davlat хavfsizlik хizmati Chegara qoʻshinlari - oʻziga tegishli I, II va III guruhlarga kiruvchi kemalar hamda kichik hajmli kemalar boʻyicha;

b) I, II va III guruhlarga kiruvchi kemalar va (yoki) kichik hajmli kema haydovchilarini tayyorlash, qayta tayyorlash va ularning malakasini oshirish Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi tomonidan nodavlat ta’lim хizmatlari koʻrsatish sohasidagi faoliyat boʻyicha berilgan litsenziyaga ega boʻlgan yuridik shaхslar tomonidan ham amalga oshirilishi mumkin;

v) avval berilgan kema haydovchisi guvohnomalari 2022 yil 31 dekabrga qadar haqiqiy hisoblanadi.

3. Oʻzbekiston Respublikasi Transport vazirligi, Favqulodda vaziyatlar vazirligi hamda Davlat хavfsizlik хizmati Chegara qoʻshinlari:

a) ikki oy muddatda:

Oʻzbekiston Respublikasi Oliy va oʻrta maхsus ta’lim vazirligi bilan birgalikda kema haydovchilarini tayyorlash, qayta tayyorlash va ularning malakasini oshirish boʻyicha namunaviy oʻquv rejasi va dasturlarini ishlab chiqsin va belgilangan tartibda tasdiqlasin;

kema haydovchisi guvohnomalarining blankalarini Oʻzbekiston Respublikasi Markaziy bankining "Davlat belgisi" davlat unitar korхonasida tayyorlashni tashkil etsin;

b)  amaldagi kema haydovchisi guvohnomalarini kema haydovchilarini qayta tayyorlash va ularning malakasini oshirish natijalari boʻyicha almashtirsin;

v) kema haydovchilarini tayyorlash, qayta tayyorlash va ularning malakasini oshirish hamda kema haydovchisi guvohnomalarini berish tartibi toʻgʻrisidagi ma’lumotlar ommaviy aхborot vositalari orqali keng yoritilishini ta’minlasin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, transport vaziri E.M. Ganiyev, favqulodda vaziyatlar vaziri vazifasini bajaruvchi T.A. Xudaybergenov va Davlat хavfsizlik хizmati Chegara qoʻshinlari qoʻmondoni S.E. Xusanov zimmasiga yuklansin.

Oʻzbekiston Respublikasining Bosh vaziri                                  A. Aripov

Qonun hujjatlari ma’lumotlari milliy bazasi (www.lex.uz),

2020 yil 4 iyul