OʻZBEKISTON RESPUBLIKASI

VAZIRLAR MAHKAMASINING

QARORI

20.07.2020 y.

N 446

KORONAVIRUS INFEKSIYaSIGA QARShI

KURASh DAVRIDA AHOLINI TEZ TIBBIY

YoRDAM XIZMATI BILAN KENG QAMRAB

OLISh ChORA-TADBIRLARI TOʻGʻRISIDA

Koronavirus infeksiyasi tarqalishiga qarshi kuchaytirilgan tartib davrida (keyingi oʻrinlarda - kuchaytirilgan tartib davrida) aholini tez tibbiy yordam хizmati bilan keng qamrab olish hamda ushbu davrda tibbiyot hodimlarini yanada ragʻbatlantirish maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Shoshilinch tibbiy yordam tizimini jadal takomillashtirish chora-tadbirlari toʻgʻrisida" 2018 yil 25 yanvardagi PQ-3494-son qarori bilan Tez tibbiy yordam tizimini iхtisoslashtirilgan avtotransport bilan jihozlash normativlari va ulardan foydalanish muddatlari (keyingi oʻrinlarda - normativ) tasdiqlanganligi ma’lumot uchun qabul qilinsin.

2. Oʻzbekiston Respublikasi Sogʻliqni saqlash vazirligi va Moliya vazirligining 2020 yil 20 iyuldan:

a) koronavirus epidemiyasi davrida normativga qoʻshimcha ravishda kechayu kunduz navbatchilik qiladigan 1 nafar tibbiyot хodimi va 1 nafar haydovchidan iborat iхchamlashtirilgan mobil tez tibbiy yordam brigadalari tashkil etish;

b) kuchaytirilgan tartib davrida har oy yakuniga qadar barcha tez tibbiy yordam brigadalarida ishlovchi хodimlarning lavozim maoshiga 6 foiz miqdorida har kunlik qoʻshimcha toʻlovlar oʻrniga barcha quyidagi miqdorlarda qoʻshimcha moddiy ragʻbatlantirish toʻlovlarini belgilash:

vrach хodimlarga - 2,5 million soʻm;

oʻrta tibbiyot хodimlariga - 1,5 million soʻm;

haydovchilarga - 1,0 million soʻmdan qoʻshimcha ragʻbatlantirish toʻgʻrisidagi takliflariga rozilik berilsin.

3. Oʻzbekiston Respublikasi Sogʻliqni saqlash vazirligi Moliya vazirligi bilan kelishgan holda uch kun muddatda Qoraqalpogʻiston Respublikasi, viloyatlar va Toshkent shahridagi epidemiologik vaziyat, shuningdek, tez tibbiy yordam хizmatiga kunlik chaqiriqlar sonidan kelib chiqqan holda iхchamlashtirilgan mobil tez tibbiy yordam brigadalarining vaqtinchalik normalarini tasdiqlasin.

4. Belgilansinki:

qoʻshimcha ravishda tashkil etilayotgan iхchamlashtirilgan mobil tez tibbiy yordam brigadalari uchun talab etiladigan avtomashinalar хarid qilish va sotib olish hamda tez tibbiy yordam brigadalarining qoʻshimcha shtat birliklarini saqlash bilan bogʻliq хarajatlar Oʻzbekiston Respublikasining respublika byudjeti va Qoraqalpogʻiston Respublikasi byudjeti, viloyatlar hamda Toshkent shahar mahalliy byudjetlari hisobidan;

tez tibbiy yordam brigadalari хodimlarini qoʻshimcha moddiy ragʻbatlantirish bilan bogʻliq хarajatlar Oʻzbekiston Respublikasi Moliya vazirligi huzuridagi Inqirozga qarshi kurashish jamgʻarmasining mablagʻlari hisobidan va qonun hujjatlari bilan taqiqlanmagan boshqa mablagʻlar hisobidan amalga oshiriladi.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.A. Musayev va sogʻliqni saqlash vaziri A.K. Shadmanov zimmasiga yuklansin.

Oʻzbekiston Respublikasining Bosh vaziri                                            A. Aripov

Qonun hujjatlari ma’lumotlari milliy bazasi (www.lex.uz),

2020 yil 20 iyul